Unha das fotógrafas máis representativas da fotografía internacional, Candida Höfer, amosa durante máis de dous meses un proxecto exclusivo para Xacobeo 2010. San Martiño Pinario e a Cidade da Cultura acollen as impresionantes imaxes que constitúen a particular peregrinación fotográfica da artista a través da ruta que vertebrou Europa: o Camiño de Santiago.

'Espazos propios' é o título do proxecto que levou a Candida Höfer a retratar os lugares de intercambio cultural da ruta xacobea: os arquivos, as bibliotecas, que debuxaron a cartografía dunha das máis antigas redes de comunicación, constitúen o corpus desta exposición ideada en exclusiva para Xacobeo 2010. Os espazos de Höfer -case sempre baleiros- tratan de apresar o carácter aurático e revelador dos lugares representados, nun contexto no que os obxectos parecen despegarse maxicamente do seu espazo habitual, abandonando os límites físicos da representación para mostrar as pegadas depositadas polo tempo, deixando á súa vez ao descuberto o modo de construír e adecuar un lugar polos individuos do noso tempo.

Sen retoques nin artificios, e cun enorme rigor formal, as súas imaxes crean unha atmosfera sosegada e sinxela, sen pretensións de mitificar ou agraviar o espazo, senón unicamente para plasmar os lugares coa súa carga histórica, por pequena e particular que esta sexa, no momento contemporáneo. Aparentemente austeras, as súas fotografías encerran unha complexa lectura da arquitectura en relación cos seus usos e funcións actuais, así como unha reflexión sobre a historia da cultura á que están ligados.

Pero non hai palabras que abonden para expresar a impresión que producen as fotografías de Höfer. 'Espazos propios' achega a Compostela o universo desta singular creadora nunha exposición con imaxes de gran formato que non deixarán a ninguén indiferente.

A exposición pode visitarse no mosteiro de San Martiño Pinario e na Cidade da Cultura de Galicia.

A Cidade da Cultura acolle ata finais do mes de febreiro a exposición titulada 'Ex libris Gallaeciae', unha mostra que percorre a través de case 100 exemplares bibliográficos, entre códices, manuscritos e primeiras edicións, a construción da identidade cultural galega.

Os organizadores da mostra realizaron unha selección de obras bibliográficas de alto valor prestadas por unhas 20 institucións, arquivos, bibliotecas e particulares, algunhas delas nunca expostas anteriormente e todas representativas de momentos e elementos clave na cultura galega. A mostra está concibida como un libro, cun prólogo, onde poden verse os primeiros libros e xornais editados en Galicia, e catro capítulos, dedicados respectivamente, á constitución da identidade de Galicia, a lingua galega, as investigacións realizadas en Galicia e a vida cotiá.

Información e reservas a través da web www.cidadedacultura.org

A Cidade da Cultura acolle de xeito permanente 'Peter Eisenman. A Cidade', unha mostra que, a modo de centro de interpretación, permite “ler” a arquitectura do complexo e seguir as liñas que marcan e organizan todo o conxunto.

A proposta do comisario da exposición, Manuel Blanco, catedrático da Escola Técnica Superior de Arquitectura da Universidade Politécnica de Madrid, analiza os primeiros pasos da Cidade, contando, a través do testemuño de Peter Eisenman, como foi concibida, e mostrando a través de fotografías e debuxos a linguaxe da súa creación.

A exposición permite "ler" a arquitectura da Cidade da Cultura e seguir as liñas que marcan e organizan o conxunto: seis grandes edificios que interactuar uns cos outros coma se fose unha única obra, un gran sexteto. Unidos por elementos e marcas, unha orde visible fai que os edificios xuntos formen parte dun grande organismo, dunha nova "montaña máxica" creada no Gaiás. A través da exposición pódense seguir os trazos do proxecto, os elementos que compoñen os seus espazos e fachadas, descodificándoos para entender as leis que rexen a composición. Igualmente, poderanse coñecer os protagonistas do equipo que está a construír esta grande obra e ver a inxente cantidade de documentos necesarios para o seu traballo.

A través de videos, maquetas e fotografías en soportes singulares, especialmente deseñados para a exposición, 'Peter Eisenman. A Cidade' permite entrar nas claves do ADN do proxecto, da linguaxe que serviu para a construción dunha obra que se erixe como un símbolo da Galicia contemporánea, un novo espazo cultural de encontro de todos os galegos.

Durante os séculos XVI ao XIX a cartografía é obxecto dunha progresiva transformación, resultado do continuo progreso científico-técnico. Estes cambios permitirán unha radical mellora dos mapas e cartas náuticas, que pasarán de representar o territorio como se pensaba que era a como realmente é. Deste progreso resultaron beneficiadas outras disciplinas e sectores de actividade, como a ordenación territorial, o urbanismo, as infraestructuras, a náutica, etc.

Galicia non foi allea a este proceso e os mapas escollidos para esta mostra así o evidencian. Desde as primeiras representacións, como as cartas náuticas de Lucas I. Waghenaer e o mapa de Hernando Ojea, ata a Carta Xeométrica de Galicia de Domingo Fontán, veremos unha progresión de coñecementos que irán descubrindo o rostro de Galicia.

A mostra permite ver a evolución no detalle e fiabilidade da información, os cambios nos sistemas de medidas ata a introducción do sistema métrico, o progresivo uso de sistemas de proxección e os cambios nos meridianos de referencia, pero tamén outros progresos paralelos como a evolución nas técnicas de gravado e impresión.

Organiza: Fundación Cidade da Cultura de Galicia
Comisariado: Gonzalo Méndez
Coordinación técnica: Ignacio Cabano
Montaxe expositiva: Itinere. Exposiciones y Montajes
Deseño gráfico: Signum Deseño

A Biblioteca Galicia da Cidade da Cultura acolle ata finais do mes de xullo 'Un Percorrido polo Universo Borgeano', unha mostra na que se poden ver os diferentes aspectos que formaron a vida e a obra de Jorge Luis Borges, desde a súa mocidade ate a súa morte, ocorrida hai 25 anos.

Na mostra, que ten carácter foto-biblio-hemerográfica e documental, ten especial significación, como non podía ser doutro xeito, os seus libros. Exemplares de todas as primeiras edicións dos libros de Jorge Luis Borges, ademais de libros asinados e dedicados por el, libros da súa biblioteca persoal, edicións especiais, libros prologados e traducións.

A parte hemerográfica cobra tamén destaque. Como se sabe, Borges nunca escribiu novelas, só poesías, contos e ensaios, e dado que a súa extensión así o permitía, foron publicados en moitos casos de inicio en revistas literarias, revistas de interese xeral ou xornais. Expóñense algunhas destas publicacións.

Así mesmo poderán apreciarse diferentes retratos de Borges tomados por algúns dos máis importantes fotógrafos, e en diferentes etapas e situacións da súa vida, algunhas delas poñendo en evidencia o seu extraordinario sentido do humor.

Inclúese ademais un apartado documental, onde se presenta correspondencia persoal, selos postais, moedas conmemorativas, artigos xornalísticos, etc.

Este conxunto permitiralle ao espectador achegarse ao mundo fascinante deste escritor imprescindible.

En plena era dixital, as máquinas de escribir pasaron a ser case reliquias que nos retrotraen a épocas máis románticas nas que literatos, guionistas, xornalistas ou oficinistas traballaban entre carretes de cinta, líquido corrector e o entrañable son que se producía ao teclear nas súas inseparables máquinas, cos dedos manchados de tinta. Agora, convidámosvos a reflexionar sobre cal foi o papel da máquina de escribir na configuración da nosa historia contemporánea e de como a súa evolución naceu da necesidade de comunicación do ser humano.

Comisarios: David Barro e Alfredo Sirvent
Organiza: Cidade da Cultura de Galicia

Esta exposición é unha homenaxe á radicalidade e eficiencia que achegou a máquina de escribir na aceleración do ritmo das comunicacións e as relacións sociais e que supuxo unha revolución para o mundo gráfico e profesional en xeral.

A Colección Sirvent, de onde provén este significativo legado que expomos, dispón dunhas 3.500 máquinas de escribir, das cales 2.500 están preparadas para o seu normal funcionamento grazas a unha restauración moi rigorosa. Para esta exposición seleccionáronse máis de 120 unidades que representan o máis destacado da historia universal das máquinas de escribir. A mostra complétase con algunhas intervencións site-specific de artistas contemporáneos, unha significativa selección de carteis publicitarios, caixas orixinais de cintas de escritura e outros instrumentos, tales como protectores de cheques, afialapis, fotografías e métodos curiosos de mecanografía.

Propomos un percorrido cronolóxico que comeza coa emblemática Sholes & Glidden (1873), coñecida mundialmente como The Typewriter. Foi a primeira máquina de escribir producida comercialmente e que traballaba unicamente con maiúsculas, unha ferramenta que se subministraba cunha mesa que nos lembra as das máquinas de coser, así como a súa primeira decoración. Outras como a Crandall-New Modell (1884) descóbrennos decoracións en ouro e nácara, e empregan un cilindro impresor en vertical.

Tamén atopamos teclados, anagramas e máquinas americanas con marca e teclado ruso, como a clásica Underwood n.º 5 (1901).

Curiosas son tamén outras máquinas como a alemá Thürey (1909), que se asemella a un instrumento musical e da que só se coñecen cinco en todo o mundo, porque foi de escasa fabricación; a Brooks (1887), que imprime de atrás cara a adiante; a Polygraph (1903), unha das máis buscadas por coleccionistas de todo o mundo e que en teclado curvo só se fabricou no modelo aquí presentado; a ODELL (1888), de base redonda, cuxo primeiro modelo que presentamos é o único que se fabricou con catro pés con forma de garra ou a Columbia (1885), que utilizou un sistema de espazado proporcional que establecía o espazo segundo o tamaño da letra.

Aquí encontramos máquinas de escribir normais, de escribir música, de taquigrafía (estenotipias), de escritura en braille, de escribir sobre superficies planas, de xoguete, de escritura encriptada para espías, de abecedario xaponés ou árabe, máquinas con símbolos da S.S. etc. Todo para entender, ilustrar e contextualizar a evolución do procedemento mecánico da escritura, partindo de que a máquina de escribir lles outorgou un carácter máis oficial e rigoroso aos escritos, ao tempo que supuxo tamén un paso importante para o ingreso masivo da muller no mundo laboral, como dactilógrafa.

A exposición complétase coa intervención de catro artistas contemporáneos: tres españois, Misha Bies Golas, Jorge Perianes e Ignacio Uriarte, e o portugués José Lourenço.

Typewriter. A historia escrita a máquina é, en definitiva, unha fascinante historia sobre a evolución do procedemento mecánico da escritura.

Miquel Navarro (Mislata, Valencia, 1945) celebra en 2012 unha traxectoria de corenta anos que o levou ao cumio como un dos grandes referentes da arte contemporánea española. Frisando este aniversario, temos o privilexio de presentar a súa serie 'Figuras para la batalla', realizada para a Cidade da Cultura.

Artista: Miquel Navarro
Organiza: Cidade da Cultura de Galicia

No seu percorrido polos espazos exteriores, os visitantes atopan vintecatro esculturas en aluminio mariñado macizo mecanizado duns tres metros e medio de altura. Son figuras que foron concibidas expresamente para a praza de la Cidade da Cultura, o que converte esta exposición nun evento exclusivo.

Se hai algo que fai singular a estas figuras é o aire impersoal do aluminio que replica na materia o ordenamento serial da trama urbana –un exército preparado para a batalla–. Esta organización contrasta co individualismo das pezas, cada unha lixeiramente distinta, que chama por unha identificación persoal coa figura humana de guerreiro, da que son forma estilizada.

A obra de Navarro lémbranos, dalgún xeito, os guerreiros de terracota de Xi’an, en China, considerados a oitava marabilla do mundo.

Se o artista valenciano experimenta co ordenamento de series urbanas compostas por figuras aliñadas creando tramas arquitectónicas, o conxunto de Xi’an, ao que agora lle rende homenaxe, recórdanos a intemporalidade desas mesmas formas artísticas, anteriores en máis de vinte séculos, que orbitan sobre os eixos civilizadores fundamentais da cidade, do grupo e do individuo.
 
Desta forma, Miquel Navarro ocupa os espazos abertos da Cidade da Cultura facendo unha vez máis gala do seu potente interese contextual, esforzándose en ligar esteticamente a escultura co espazo no que se recolle e adquire sentido.

A natureza estrutural da composición e materiais –totémica, xeral– e estas pequenas variacións de cada figura articulan localmente o sutil diálogo que emprenden aquí as esculturas de Miquel Navarro e a arquitectura de Peter Eisenman, responsable do deseño da Cidade da Cultura, como se propagase a continuidade que se produce a un nivel anterior entre a propia Cidade da Cultura e a paisaxe sobre a que se asenta.

Seis artistas contemporáneos —Marlon de Azambuja, Elena Fernández Prada, Alicia Martín, Pamen Pereira, Jorge Peiranes e Damián Ucieda— exhiben ata mediados do mes de abril intervencións pensadas para diversos espazos do complexo do Gaiás nun proxecto no que o espectador poderá atopar o diálogo e a relación directa entre arte e arquitectura.

A Cidade da Cultura convida a pensar e intervir os seus espazos a seis artistas: Marlon de Azambuja, Elena Fernández Prada, Alicia Martín, Pamen Pereira, Jorge Peiranes e Damián Ucieda.

Con este proxecto iníciase unha liña de traballo que pretende achegar este grande espazo para a creación e a reflexión a diversos artistas contemporáneos, co obxectivo de converter este lugar en protagonista dos seus traballos.
As obras serán intervencións realizadas ex profeso para áreas concretas do espazo común deste gran proxecto, de tal forma que a relación co espectador que visite o lugar sexa directa e artellada no espazo.
A cada un dos autores propúxoselles o reto de realizar unha obra que, sen arredarse en ningún momento do eixe discursivo de cadanseu traballo, poida orixinar un diálogo cun espazo arquitectónico tan singular como o do complexo.

I ENCONTRO DE ARTISTAS NOVOS
O pasado mes de setembro, a Cidade da Cultura de Galicia acolleu o I Encontro de Artistas Novos, onde 100 mozos creadores puideron compartir e debater sobre o posicionamento actual do artista e o devir da produción artística contemporánea.
Tras o evento, os seus directores invitaron os participantes a presentaren un proxecto para incluír en Inside. O resultado foi un proxecto colectivo, asinado polos 100 participantes, e que leva por título "ContainerInside".

ARTISTAS convidados

**Marlon de Azambuja
1978, Sto. Antônio de Patrulha-TS, Brasil. A súa obra relaciónase coa poética do brasileiro ‘Movemento Concreto”, do que retoma intereses como a síntese do complexo e a identidade aberta dun contorno que agora é o protagonista.

**Elena Fernández Prada
1978, León. O seu traballo centrouse en observar e representar un tipo de “o cotián alterado”, en concreto as edificacións de tipo unifamiliar que adoitan poboar a paisaxe rural de Galicia. A súa aproximación a esta realidade é de carácter lúdico e sumamente intuitivo.

**Alicia Martín
1964, Madrid. Unha das constantes da súa obra é a utilización case obsesiva do libro como materia prima. A metáfora do tempo, a ocupación do espazo, a relación da arte contemporánea coa cultura, a memoria bibliográfica como representación física do coñecemento, son algún dos elementos que configuran o seu imaxinario.

**Pamen Pereira
1963, Ferrol. Os seus comezos están marcados polo uso de elementos de contido simbólico como a auga, o aceite e a luz, cos que realiza instalación cunha forte compoñente poética que sobreviviu na súa obra posterior. Obras cargadas de simboloxía que toman como punto de partida elementos da natureza e obxectos domésticos.

**Jorge Perianes
1974, Ourense. Malia que formado como pintor, na actualidade dedícase maiormente á escultura e á instalación. A súa obra reflexiona sobre a natureza, os animais e o ser humano desde temas que nos afectan na época actual: o fragmento, a ruína, o baleiro, o home-neno, a ambigüidade, a inseguridade…

**Damián Ucieda
1980. A Coruña. A obra de Damián Ucieda entréganos a mirada máis comprometida coa nova fotografía narrativa, na que a posta en escena dos personaxes, a iluminación e as marcas de autor son claves para a construcción dunha “verdade” paralela e inquietante, invadida por enigmas e cuestión sen resolver.

Os libros son moito máis que un espazo para albergar contidos. Así o entenden o escritor e pintor Baldo Ramos e o artista plástico Caxigueiro que, a través da exposición “Os ollos das palabras”, exploran a interferencia entre a plástica e a literatura.

Partindo da súa particular obra -na que os libros convidan a entrar na súa materia, na súa cerna poética, a traspasar a convención da lectura literal-, este proxecto conxunto persegue enfiar un diálogo entre o libro como continente e explorar as súas posibilidades visuais e literarias.

Instalacións, libros en papel de gran formato, esculturas en gres, poemas visuais, versos escritos en diálogo coas creacións plásticas… son algunhas das achegas persoais coas que Baldo Ramos e Caxigueiro convidan a ollar o libro dende as palabras e habitar as palabras dende a materia que manipula o artista e que conta con dúas homenaxes: unha a Díaz Pardo en forma de instalación e outra a Celso Emilio Ferreiro a través dun volume único.

Un diálogo radical coas entrañas deses libros que nunca se pechan ao terminar de lelos.

Máis info: aquí

A primeira tira cómica en galego, viñetas de Camilo Díaz Baliño, de Maside e de Castelao , de Federico Ribas... Unha viaxe única polas orixes dunha arte que hoxe en día vive momentos de esplendor: a banda deseñada. Esta é a proposta da exposición “Orixes do cómic en Galicia” coa que a Cidade da Cultura pretende amosarlle ao público obras orixinais e inéditas de creadores galegos de finais do século XIX e principios do XX, moitas das cales forman parte dos fondos da Biblioteca de Galicia.

Arquivo de Galicia
Comisaria: Rosario Crespo Amado
Organiza: Cidade da Cultura de Galicia

Nun percorrido cronolóxico desde a década de 1880 ata 1960, “Orixes do cómic en Galicia” recolle por primeira vez o traballo de cincuenta ilustradores galegos. Tras un arduo labor de investigación da comisaria Rosario Crespo Amado en hemerotecas, arquivos, museos, bibliotecas e coleccións particulares, “Orixes do cómic en Galicia” presenta historietas publicadas en revistas de contido humorístico ou satírico, xornais e manuscritos inéditos.

Grandes descoñecidos como Gerardo Castaño ou Lino González Rubido mistúranse con destacadas figuras da ilustración como José María Cao, Manuel Bujados, Manuel Torres, Federico Ribas, Máximo Ramos, Camilo Díaz Baliño, Castelao, Maside... e con Eduardo Blanco Amor e Ramón Cabanillas como guionistas. Un percorrido pola historia do cómic galego e tamén da traxectoria profesional dos creadores gráficos que traballaron en Galicia e tamén noutros ámbitos xeográficos.

Exposición que xira arredor da figura de Chankecham, veciño de Pontecesures que creou a súa propia imprenta para autoeditarse. A mostra inclúe os libros publicados baixo este sistema artesanal, así como o propio obradoiro do artista.

Chankecham, pseudónimo de Francisco Barros Cascallar (Pontecesures, 1931), é un poeta, escritor e artista que con grande ambición e teimosía levou adiante a 'reinvención' da imprenta de Gutenberg, construíndo polos seus medios unha prensa e un tórculo, labrando a man os tipos, fabricando rodetes, calibradores e outros instrumentos de impresión, e finalmente estampando curtas tiraxes de cada un dos títulos, facendo deles uns asombrosos incunables contemporáneos.

De formación autodidacta, en Madrid mercou os seus primeiros libros, que como explica, viaxaron sempre con el nunha maleta, primeiro ao Brasil no 1956, logo no retorno a Galicia no 1968. Desta maneira, a súa maleta de libros converteuse nunha "universidade portátil, ao gusto persoal". Na Casa de Galicia de São Paulo publicou o seu primeiro libro, Lira celta (1964), con prólogo de Ángel Nieto Vicente.

A súa obra literaria consta de cantigas e odas poéticas, e tamén ensaios literarios de carácter político entre as que destacamos as súas utopías galácticas Galitopia e Viagem ao fim dos tempos.

O esforzo literario, artístico e editorial de Chankecham é escasamente coñecido, e esta exposición é unha ocasión para mellor coñecer e apreciar a súa obra. A exposición "Do it yourself!", presenta o Legado Chankecham á Biblioteca de Galicia, composto por nove libros case-incunables, o tórculo, a imprenta, os tipos e o instrumental, as pranchas de gravado e outros elementos, e documentación sobre o seu prodixioso e secreto labor creativo.

A exposición ábrese cunha enorme pintura mural –feita polo artista Kukas– que reproduce unha das súas estampas, a Conversa do Home da Barba Florida coas Estrelas da Noite.

Acompañando a exposición preséntase un documentario sobre a súa obra e persoa realizado por Simón Vázquez.

Nos primeiros días de maio, un obradoiro de autoedición, dirixido polo artista Federico Guzmán e titulado "Candura & Coraxe", porá en funcionamento por derradeira ocasión a imprenta inventada por este fabuloso e descoñecido artista impresor.

'Gallaecia Petrea' é a primeira exposición do Museo Centro Gaiás da Cidade da Cultura, unha das mostras máis ambiciosas organizada na nosa Comunidade. A través dela, o visitante pode percorrer a historia da construción da cultura galega a partir dun elemento tan emblemático como a pedra.

A mostra, que ocupa os 6.600 metros cadrados do Museo, organízase en seis áreas: Xeoloxía, Prehistoria, Roma, Medieval, Moderna e Contemporánea. As pezas, algunhas de ata dez toneladas de peso, proceden de diferentes partes de Galicia, España e de Portugal. A mostra engloba dende un petroglifo, como elemento exclusivo que en todo o mundo só se ten atopado en Galicia, ata pezas dos grandes da escultura galega contemporánea como Francisco Leiro, Manolo Paz ou Silverio Rivas.

Na exposición, a pedra está presente como elemento de desenvolvemento, materia base dunha das industrias máis puxantes de Galicia (granito, pizarra…). Inclúe unha aproximación dende a xeoloxía, na que, a través de presentación didácticas, explorase Gallaecia como territorio onde se poden atopar algunhas das rochas máis antigas da Península.

Máis información aquí

A Cidade da Cultura participa na celebración do centenario de Eugenio Granell acollendo a exposición 'O encontro na poética de Eugenio Granell', comisariada por Natalia Fernández e por Eduardo López Valiña. A mostra inclúe diversos debuxos, óleos e construcións do artista ao que moitos consideran o último representante español do surrealismo.

A Fundación Eugenio Granell celebra este ano 2012 o centenario do nacemento de Eugenio Fernández Granell. O artista nunca esqueceu Santiago de Compostela, cidade na que pasou a súa infancia e xuventude, por iso, este evento celébrase mostrando a súa obra e tamén o rico legado que forma os fondos da Fundación en diferentes sedes culturais da cidade.
Un proxecto que conseguiu involucrar ás principais institucións culturais de Compostela e de Galicia: Cidade da Cultura de Galicia, Museo do Pobo Galego, Auditorio de Galicia, Centro Cultural Novacaixagalicia e Centro Galego de Arte Contemporáneo.

A Cidade da Cultura organiza ata principios de xaneiro de 2013 unha exposición irrepetible con doce xoias da produción documental da Igrexa na Idade Media.

'Códices, xoias das catedrais galegas na Idade Media' propón unha inmersión nunha Idade Media afastada dos tópicos oscurantistas; unha Idade Media de luminosidade e desenvolvemento cultural, de miniaturas, imaxes, cores, manuscritos e imprentas... Folios e pergameos que translocen toda unha organización social, económica e política. A viaxe levará ao visitante polas principais mostras de códices e libros medievais entre os séculos X e XV, con exemplares únicos en Europa, como o Códice Calixtino e os diversos tombos, o primeiro libro impreso en Galicia, caso do Misal Auriense, ou magníficas copias miniadas, como a Legenda Maior ou o Pasionario Tudense.

Todo un percorrido formulado dende a sinxela dobre perspectiva do coñecemento e do desfrute, e facendo sempre fincapé na importancia, individualidade e particularidade de cada un dos volumes.

Unha exposición irrepetible con doce xoias da produción documental da Igrexa na Idade Media que se mostran ao público en todo o seu esplendor:

Códice Calixtino (½ s. XII)
Tinta sobre pergameo
31,0 x 28,4 x 6 cm

Breviario Auriense (S.XV)
Tinta sobre pergameo
25,0 x 19,0 cm

Libro X de Pergameos Reais (Séculos X-XV)
Tinta sobre pergameo
61 x 56 x 6,5 cm

Tombo A (Cc. 1130-1140)
Tinta sobre pergameo
49,4 x 35,4 x 3,7 cm

Tombo Pechado (Ss. XIV-XV)
Tinta sobre pergamiño
34,5 x 24,5 x 9,0 cm
   
Misal Auriense (1494. Monterrei)
Impreso sobre vitela
34 x 24 x 8,5 cm

Pontifical de Tui (Século XIV)
Tinta sobre vitela
33 x 22 cm

Legenda Maior (Finais s. XIII-comezos s. XIV)
Tinta sobre pergamiño
15,0 x 11,0 x 2,5 cm

Libro XI de Bulas Papais (Séculos XII-XV)
Tinta sobre pergameo
61 x 56 x 6,5 cm

Pasionario Tudense (Primeiro terzo do século XIII)
Tinta sobre pergameo
45,7 x 29,5 cm

Breviario de Miranda (½ s. XV)
Impreso sobre vitela
21,7 x 17,2 x 10,4 cm

Historia Compostelá (S. XVI)
Tinta sobre papel
29,8 x 23,3 x 8,3 cm

O artista galego Ramón Conde inaugura as Torres Hejduk de la Cidade da Cultura como espazo expositivo coa mostra titulada 'Emoción-Razón: A gran dualidade', unha colección de pezas de gran formato que se desenvolve en tres espazos diferenciados: a explanada exterior e os interiores de ambas as dúas torres.

No exterior está situado un individuo que xorde da terra e un pórtico antropomorfo, este interroga coa súa ollada ao personaxe que a través dos seus brazos crea a entrada ao interior das torres. Ambos os dous personaxes, o que solicita e o que dá acceso son o mesmo, é un exercicio de introspección que permite visualizar o mundo emocional que veremos a continuación.

Na primeira torre atopamos unha reunión de personaxes que escoitan a un líder. Este crea unha realidade intelectual que se materializa para eles. Consta dunha gran cabeza que simboliza as súas crenzas e os seus dous posibles sentidos a dereita e esquerda como reflexo de que o Rebelado pode ter ambas as dúas direccións, a verdade é sempre unha e a súa oposta, depende das circunstancias.

Na segunda sala vemos unha serie de escenas que reflexan a influencia emocional duns individuos sobre outros, onde se plasma o poder psicolóxico como unha forza determinante do noso comportamento social.

Reafirmando este acto introspectivo os diferentes actores repítense en distintas situacións e interpretando distintos papeis, as iamxes redúcense a cabezas como sínteses dos seus momentos emocionais.

O obxectivo non é amosar tan só a influencia duns sobre outros, senón que ante todo é unha reflexión sobre o papel da convicción, como somos capaces de crear realidades paralelas que son máis determinantes que o mundo físico.

Esta influencia lógrase a través da autoridad que é un concepto de deixadez. Delegamos o poder noutro que nos parece máis capaz para, a través del, vernos máis fortes.

Esta autoridade execútase a través da inducción, creando unha realidade paralela que existe se cres nela e deixa de facelo en caso contrario. É a forza dos mitos, as relixións e moitas ideas sociais que non teñen máis realidade tanxible que a forza da convicción grupal.

Estas ideas son as bases das nosas organizacións sociais que están máis alá da pura supervivencia física. Por un lado, permítenos crear un mundo organizativo, unha colmea que posibilita un dominio da contorna impensable a nivel individual. Aínda que por outro lado é un tremendo poder coaccionante. E crea ademais barreiras culturais entre os distintos grupos dificilmente salvables.

A dialéctica apertura-cerrazón é unha pugna constante dentro das sociedades e os individuos que as compoñen, apertura para captar novos adeptos e cerrazón para diferenciarse dos “outros”. O fin de toda esta mecánica é, como sempre, o dominio sobre os recursos. Para alcanzalos creamos uns grupos e para esta nova realidade nada é imposible.

Descarga o dossier da exposición aquí

Tras a súa estadía en Tampere, Grenoble, Bruxelas e a cidade grega de Volos, a mostra 'European Acoustic Heritage' chega á Cidade da Cultura para a súa exhibición no edificio do Centro de Emprendemento Creativo de Galicia.

A exposición, de carácter prioritariamente divulgativo, articúlase a través de diferentes materiais e dispositivos interactivos co obxectivo de lles achegar aos visitantes unha cartografía xeral arredor dos múltiples mapas sonoros elaborados durante os últimos dous anos polos diferentes grupos de traballo asociados ao proxecto; así como de afondar noutra, máis específica, que se centra nos estudos dos sons da auga e na que Galicia participou activamente.

Tras a inauguración da mostra, o Centro de Emprendemento Creativo acollerá o concerto do compositor e etnomusicólogo galego Carlos Suárez a partir de gravacións de paisaxes sonoras realizadas para esta iniciativa.

Con motivo dos 150 anos da primeira edición de Cantares Gallegos, obra co que Rosalía de Castro iniciaba o rexurdir da lingua e da literatura galegas no século XIX, a Biblioteca de Galicia promove esta mostra bibliográfica coa que se propón un percorrido pola evolución do poemario, desde a publicación primeira en 1863 ata os nosos días a través das edicións posteriores, traducións, propostas críticas, adaptacións infantís e versións musicais, que permiten mergullarse nos seus versos e nas circunstancias que os rodearon nestes 150 anos de existencia.

Lugar: Biblioteca e Arquivo de Galicia

A publicación de Cantares Gallegos o 17 de maio de 1863 é un importante referente no comezo dun novo tempo para a literatura galega. Este libro de poemas nacidos da tradición popular, o primeiro publicado integramente en galego, alentou un camiño de creación e edición de textos en galego fundamental para o proceso de recuperación cultural de Galicia. Desde o centenario da súa publicación, en 1963, por iniciativa da Real Academia Galega, Galicia festexa o Día das Letras Galegas.

Cos seus versos Rosalía logrou crear unha voz propia capaz de prender na sociedade galega como ningún outro autor, sen perder interese nin identificación ao longo do tempo. Os seus poemas, traducidos a multitude de linguas e recoñecidos pola crítica internacional, consolidáronse como obras clásicas da nosa literatura e un punto de encontro para afondar no coñecemento da realidade social e da natureza humana.

Tras viaxar durante trece anos por algunhas das institucións culturais máis importantes de Alemaña, Francia, Suíza, República Checa, Finlandia, Suecia, Rusia, Dinamarca ou Eslovenia e recibir máis de sete millóns de visitantes, a Cidade da Cultura de Galicia, en colaboración coa Fundación Cisneros, trae por primeira vez á Península Ibérica a Colección Orinoco, a mostra de arte étnica máis importante de Latinoamérica pertencente á Colección Patricia Phelps de Cisneros.

Baixo o título 'Orinoco. Viaxe a un mundo perdido', o Gaiás ofrece unha homenaxe excepcional á tradición cultural das doce etnias que habitan o Amazonas venezolano: De’áruwa (Piaroa), Ye’kuana, Yanomami, Híwi (Guahibo), E’ñepa (Panare), Wakuénai (Curripaco), Baniva, Baré, Puinave, Warekena, Tsase (Píapoco) e Hoti. Composta por unha ampla selección de obxectos utilitarios de cada un dos grupos indíxenas, a colección consta de máis de 1.500 pezas recompiladas durante cincuenta anos de exploracións: máscaras, cestería, adornos corporais, instrumentos musicais, plumarios, canoas, remos e instrumentos de pesca, obxectos de uso cotián e máxico-relixiosos, que están construídos con materiais da selva, partes de animais, plantas e minerais.

A Colección Orinoco propón unha inmersión no chamado “Mundo Perdido”, un lugar protexido e cálido no corazón da selva amazónica, onde apenas o 1% da luz solar logra alcanzar o chan ao mediodía pero no que o ser humano atopou hai doce mil anos un acolledor fogar onde atopar todo o necesario para vivir. A mostra é un canto á natureza virxe e ao respecto polo medio natural e un recoñecemento ás culturas tradicionais e a súa supervivencia respectuosa coa contorna.

Consciente de que o mellor xeito de pór en valor a Cidade da Cultura é dala a coñecer, a Concellería de Participación Cidadá, como espazo de lecer e participación, está a organizar visitas guiadas a este complexo. A seguinte será o sábado 18 de decembro, ás 12:00 horas.

Todos aqueles cidadáns interesados nesta visita á Cidade da Cultura poden anotarse chamando ao teléfono da Casa das Asociacións: 981 542 350.

A Cidade da Cultura ofrécese como un novo destino para os amantes do sendeirismo. Os participantes en “Camiño ao Gaiás” subirán a pé dende o centro histórico de Santiago ata a Cidade da Cultura, onde completarán o seu percorrido cunha visita guiada ao exterior e interior do complexo.

A ruta arranca da praza de San Roque, segue polo parque de Bonaval para chegar á rúa de San Pedro, dende onde accede ao parque de Belvís. Tras atravesar esta zona verde chega ao Sar e, dende alí, sobe ao Gaiás pola calzada do Sar. O descenso ten lugar polo acceso principal e o percorrido chega á súa fin na colexiata do Sar, onde remata a actividade.

Inscricións de balde previa reserva de praza en www.cidadedacultura.org/programacultural

Saída: Praza de San Roque 17:30 h.
Regreso: Colexiata do Sar 20:15 h.
Percorrido: 6 km.
Máx. 25 persoas por grupo

A Cidade da Cultura pon en marcha o programa de Visitas guiadas á obra finalizada do Museo Centro Gaiás, convidando a todos a gozar da beleza arquitectónica dun edificio chamado a converterse nun referente do século XXI.

A espectacularidade da súa fachada, os case 43 metros de altura e os seus máis de 16.000 m2 de superficie fan deste edificio deseñado por Peter Eisenman un dos máis senlleiros e con máis posibilidades de uso do complexo construído no Gaiás.

Por iso, a Cidade da Cultura ofrece a posibilidade de coñecer o espazo arquitectónico en si mesmo e descubrir os seus segredos.

** PECHADO TEMPORALMENTE ATA MEDIADOS DE XUÑO DE 2012 **

Todos os días excepto os luns
Dúas quendas: 12:00 e 18:00 | 20 persoas por quenda
Duración aproximada: 90 min
Saída: Dende o Espazo On

A visita inclúe escaleiras e consta de percorridos longos a pé. É recomendable levar calzado cómodo.

RESERVAS
A actividade é de balde, pero é preciso reservar con antelación.
En caso de necesidades especiais de mobilidade (cadeiras de rodas, carriños de bebé...) ou dificultade física, por favor, indíqueo ao realizar a súa reserva.

Durante as vacacións de Nadal o Museo de Galicia porá en marcha un programa especial: ‘Visitas Máxicas ao Museo’, dirixido a un público familiar. A través desta visita especial, ilusionistas e magos descubriranlle ao público os segredos que se agochan no Museo de Galicia, transformando o percorrido nunha viaxe de aventuras a un edificio abraiante.

Días: 26, 27, 28, 29 e 30 de decembro | 2, 3 e 4 de xaneiro
Quendas: 12:00 e 18:00 | 30 persoas por quenda
Duración aproximada: 50 min
Saída: Dende o Espazo On

A visita inclúe escaleiras e consta de percorridos longos a pé. É recomendable levar calzado cómodo.

RESERVAS
A actividade é de balde, pero é preciso reservar con antelación, a partir do vindeiro 12 de decembro.
En caso de necesidades especiais de mobilidade (cadeiras de rodas, carriños de bebé...) ou dificultade física, por favor, indíqueo ao realizar a súa reserva.

A Cidade da Cultura de Galicia ofrece un servizo de visitas guiadas de balde á exposición inaugural do Museo Centro Gaiás, 'Gallaecia Petrea', unha das mostras máis ambiciosas organizadas nos últimos anos na nosa comunidade.

As visitas guiadas terán lugar todos os días en dúas quendas: 12:30 e 18:30 horas. No caso de grupos, é preciso realizar unha reserva a través do correo visitasmuseo@cidadedacultura.org ou no teléfono 881 99 51 72.

Máis información sobre a exposición aquí

A Cidade da Cultura ábrelles as portas do Museo, Arquivo e Biblioteca a todos os cidadáns que desexen coñecer o complexo deseñado por Peter Eisenman.

Os visitantes poderán acceder libremente a estes espazos e percorrer os exteriores da Cidade da Cultura: dende as Torres Hedjuk ata a praza central. Ademais, o complexo do Gaiás dispón de programas de visitas guiadas para coñecer máis de preto os segre de un proyecto arquitectónico único.

Visitas guiadas: 11:30 e 17:30 h. | Sábados, domingos e festivos | Saída dende o Punto de Información (Espazo On) | Non é preciso reservar praza

Visitas guiadas ao Museo Gaiás
- 12:30 e 18:30 h.
- Grupos: reserva en visitasmuseo@cidadedacultura.org ou 881 99 51 72.

Vistas para grupos: Concertar data en visitas@cidadedacultura.org ou no teléfono 881 997 584.

Visitas didácticas para escolares: De martes a venres | Concertar data e hora en visitas@cidadedacultura.org ou no teléfono 881 997 584.

CONEXIÓN EN BUS CON SANTIAGO

LIÑA 9: Luns a Venres laborais e Sábados pola mañá

Saídas dende Casas Novas  [Frecuencia: 60 min.]

    Luns a Venres 07.30 - 22.30
    Sábados 08:30 - 13:30

** Itinerario de ida: Casas Novas - Santa Isabel - Galeras - San Clemente - A Senra - Virxe da Cerca - Porta do Camiño - San Pedro - Concheiros - Fontiñas - Piscinas - Multiusos Fontes do Sar - Cidade da Cultura

Saídas dende a Cidade da Cultura  [Frecuencia: 60 min.]

    Luns a Venres 08:00 - 22.00
    Sábados 09:00 - 13:00

** Itinerario de volta: Cidade da Cultura - Multiusos Fontes do Sar - Piscinas - Fontiñas - Concheiros - Campo da Angustia - Rúa de Bonabal - San Roque - Virxe da Cerca - A Senra - San Clemente - Galeras - Santa Isabel - Casas Novas

LIÑA  C11: Sábados tarde, Domingos e Festivos

Sábados tarde: 17:30 e 20:00 (paso por Xeneral Pardiñas). Aproxidamente pola CdC: 17:45 horas y 20:15.
    Domingos e festivos: 10:40, 13:45, 17:25 e 20:05 (paso por Xeneral Pardiñas). Aproxidamente pola CdC: 10:55, 14:00, 17:40 e 20:20 horas.

** Itinerario de ida: Multiusos Fontes do Sar - Piscinas - Fontiñas - Avda. de Lugo - Bernardo Barreiro - Curros Enríquez - Xeral Pardiñas - Praza de Galicia - Virxe da Cerca - Porta do Camiño - San Pedro - Concheiros - Fontiñas - Piscinas - Multiusos Fontes do Sar - Cidade da Cultura

** Itinerario de volta: Cidade da Cultura - Multiusos Fontes do Sar - Piscinas - Fontiñas - Concheiros - San Pedro - Porta do Camiño - Virxe da Cerca - Praza de Galicia - Xeral Pardiñas - Curros Enríquez - Bernardo Barreiro - Avda. de Lugo - Fontiñas - Piscinas - Multiusos Fontes do Sar

Máis info: www.cidadedacultura.org

Este Nadal, ata as pedras falan na Cidade da Cultura. O visitante que nestas datas festivas decida achegarse á exposición Gallaecia Petrea poderá vivir unha viaxe única: un percorrido no que un guía moi especial amosará os tesouros e a maxia que habita nas pedras que conforman a mostra.

Os catro andares do Museo Centro Gaiás convértese, así, nun xigantesco teatro onde grandes e pequenos sentirán, a través das seis épocas nas que se divide a exposición, a vida que habita nas obras, captando a mensaxe que ocultan: a memoria da historia.

Prazas: 35 persoas por sesión.
Todos os públicos
Prezo: 4 €, entrada xeral. Entrada reducida e de balde (consultar as condicións de entrada á exposición Gallaecia Petrea)

A Cidade da Cultura acolle esta mañá unha nova cita do ciclo 'O ceo das letras', que nesta ocasión estará dedicado a Camilo José Cela. Relatorio de Ana María Platas Tasende e proxección do filme ‘O bonito crime do carabineiro’.

SÁBADO DE Cela e o seu teatro do mundo (Iria Flavia, 1916-2002). En 1942 arranca a súa carreira literaria coa publicación de La familia de Pascual Duarte, á que seguiron trece novelas máis, desde La colmena ate Madera de boj (1999). Autor enormemente prolífico, cultivou todos os xéneros literarios e recibiu en 1989 o Premio Nobel de Literatura “pola súa prosa rica e intensa, que, con refreada compaixón, configura unha visión provocadora do desamparo do ser humano”.

- 12:00 h. Relatorio: Ana María Platas Tasende. Catedrática de Literatura e Lingua Española, publicou diversos libros entre o que destaca Camilo José Cela (Madrid, Síntesis, 2004), centrado na vida e obra do noso Nobel.
- 13:00 h. O bonito crime do carabineiro (77’). Filme para televisión baseado en relatos de Camilo José Cela. Unha historia de humor absurdo e cruel que se desenvolve no Tui dos anos 30. Produción: Zenit TV e TVG, en asociación con Pórtico de Comunicaciones. Dirección: Miguel Conde.

Galicia é unha potencia literaria. O talento dos nosos autores irradia un fulgor asombroso. Rosalía ou Valle Inclán, Cunqueiro ou Cela, entre tantos outros, son constelacións no firmamento da escrita universal. Este caudal creativo, debedor da rica idiosincrasia dun pobo, é motivo de orgullo para nós e un legado esencial para entender quen somos.
Co ciclo “Galicia, Ceo das Letras” abrimos as portas da Cidade da Cultura honrando a nove xigantes das nosas letras, e como Galicia é ponte de culturas, a tres insignes veciños (Pessoa, Espriu e Borges). Iso si, desde unha mirada infrecuente, quizás máis fresca e lúdica do que se estila. Por iso recorremos ao cine, á música ou ao teatro para achegármonos ás súas vidas. E por iso mesmo brindaremos ao final de cada sesión cun viño e un petisco. Porque do que se trata é de gozar cun aperitivo literario exquisito para as mañás dos sábados.

A Cidade da Cultura acolle esta mañá unha nova cita do ciclo 'O ceo das letras', que nesta ocasión estará dedicado ao poeta portugués Fernando Pessoa. Relatorio de Carlos Quiroga e actuación de Dulce Pontes e Uxía Xenlle.

SÁBADO DE Fernando Pessoa: da nosa veciñanza (Lisboa, 1888-1935). Autor de toda unha literatura, é un dos escritores con maior poder de convocatoria crítica e de público en todas as linguas e a nivel planetario, sobre todo a partires do último cuarto do século XX. Portugués e universal, a súa figura é hoxe incontestable.

- 12:00 h. Relatorio: Carlos Quiroga. Profesor na USC e escritor, foi premio extraordinario de doutoramento cunha tese sobre Pessoa.
- 13:00 h. Dulce Pontes e Uxía Senlle (40’). Dúas das máis grandes damas da música popular galega e portuguesa celebran a Fernando Pessoa cantando as súas letras, nun espectáculo inédito, creado especialmente para o ciclo literario “Galicia, Ceo das Letras”.
Presenta: Marcos Lorenzo. Director do Ciclo “Galicia, Ceo das Letras”.

Galicia é unha potencia literaria. O talento dos nosos autores irradia un fulgor asombroso. Rosalía ou Valle Inclán, Cunqueiro ou Cela, entre tantos outros, son constelacións no firmamento da escrita universal. Este caudal creativo, debedor da rica idiosincrasia dun pobo, é motivo de orgullo para nós e un legado esencial para entender quen somos.
Co ciclo “Galicia, Ceo das Letras” abrimos as portas da Cidade da Cultura honrando a nove xigantes das nosas letras, e como Galicia é ponte de culturas, a tres insignes veciños (Pessoa, Espriu e Borges). Iso si, desde unha mirada infrecuente, quizás máis fresca e lúdica do que se estila. Por iso recorremos ao cine, á música ou ao teatro para achegármonos ás súas vidas. E por iso mesmo brindaremos ao final de cada sesión cun viño e un petisco. Porque do que se trata é de gozar cun aperitivo literario exquisito para as mañás dos sábados.

Inscricións
•Inscrición libre e gratuíta no teléfono 881 979 010 ou na web www.cidadedacultura.org. Ate completar aforo.
•O prazo límite para inscribirse conclúe 24 horas antes do comezo de cada sesión. O período de inscrición abrirase un mes antes da data de celebración da sesión.
•A inscrición será efectiva unha vez que a persoa solicitante reciba confirmación por parte da organización. Para acceder ás sesións é preciso mostrar copia impresa da confirmación no punto de información da Biblioteca de Galicia.
Visitas guiadas
As persoas inscritas poderán realizar unha visita guiada á Cidade da Cultura de Galicia unha hora antes do inicio de cada sesión (11:00 AM).
Hora e lugar das sesións
Todas as sesións realizaranse na Biblioteca de Galicia (Cidade da Cultura) e comezarán ás 12:00 AM. A hora prevista de remate oscilará entre as 14:00 e as 14:30, dependendo da duración das actuacións artísticas.
Ao concluír cada sesión servirase un viño galego por cortesía das Bodegas Martín Códax
Accesos á Cidade da Cultura.-
•Vehículo particular.
•Servizo de buses lanzadeira desde o Multiusos do Sar a partir das 10:30 AM e cunha frecuencia de 10 minutos. O autocar regresará ao punto de partida ao finalizar cada sesión.

O xograr do século XIII, autor das 7 cantigas de amigo que o acreditan como un dos mellores poetas dos cancioneiros galego-portugueses, será o protagonista desta nova cita do ciclo ‘Galicia, ceo das letras’, que rende homenaxe a diversos escritores galegos e internacionais, e na que tomarán parte Giuseppe Tavani, reputado especialista en lírica trovbadoresca medieval, e o grupo de Música Antiga Martin Codax.

A Cidade da Cultura acolle un novo sábado literario, nesta ocasión homenaxeando a figura de Valle-Inclán. O acto inclúe un relatorio a cargo da profesora da USC Margarita Santos Zas e unha lectura dramatizada de José Luis Gómez (Teatro de La Abadía). 

(Vilanova de Arousa, 1866 - Santiago de Compostela, 1936). Considerado un dos escritores máis innovadores do século XX, a súa traxectoria literaria, que abrangue desde o Modernismo ata o esperpento (narrativa, teatro, poesía e ensaio), defínese pola busca constante da renovación das linguaxes artísticas. No 2011 conmemorase o 75º aniversario da súa morte.

12:00 | Relatorio: Margarita Santos Zas entrevista a José Luis Gómez. Margarita Santos Zas é profesora da USC, directora da Cátedra Valle-Inclán e do Anuario Valle-Inclán (Temple University/ USC). Premio de Investigación “Valle-Inclán” 2008.

13:00 | Lectura dramatizada (35’) a cargo de José Luis Gómez. Actor, director e fundador do Teatro de La Abadía, que inaugurou coa posta en escena de Retablo de la avaricia, la lujuria y la muerte. Concedéronlle, entre outros, o Premio á mellor interpretación masculina no Festival de Cannes, o Premio Nacional de Teatro e a Medalla de Ouro ao Mérito nas Belas Artes. Os seus últimos traballos en cine fórono baixo a dirección de Pedro Almodóvar e Milos Forman.

A Cidade da Cultura acolle un novo sábado literario, nesta ocasión homenaxeando a figura de Cunqueiro. O acto inclúe un relatorio a cargo de Quico Cadaval e un espectáculo oral con Cándido Pazó.

(Mondoñedo, 1911 - Vigo, 1981). Narrador, poeta e xornalista, é unha das figuras máis relevantes da literatura galega do século XX. Tamén exerceu como tradutor, sobre todo de poesía. Tanto na literatura coma no xornalismo foi un escritor bilingüe, pero o fundamental do seu labor creativo foi primariamente concibido na súa lingua de preferencia, o galego. En 2011 conmemórase o centenario do seu nacemento.

12:00 | Relatorio: Quico Cadaval. Actor, director, adaptador de teatro e contacontos, é un dos nosos cómicos máis corrosivos e penetrantes, así como un profundo coñecedor do universo máxico de Cunqueiro.

13:00 | Cunqueiradas (45’), por Cándido Pazó. Desde a súa longa e recoñecida experiencia, outro dos grandes cómicos galegos fai un espectáculo oral con historias e lerias inspiradas na maxia narrativa do xenial mindoniense.

A Cidade da Cultura acolle un novo sábado literario, nesta ocasión homenaxeando a figura de José Ángel Valente. O acto inclúe un relatorio a cargo do poeta Claudio Rodríguez Fer e un concerto de Mauricio Sotelo, Raquel Rivera e María Luz Rivera.

A Cidade da Cultura homenaxea a grandes figuras da literatura galega e universal a través do ciclo "Galicia, ceo das letras". Doce sábados de autor ao longo de seis meses, nos que se combina literatura con outras artes.

De balde con reserva
Telf Reserva: 881 979 010

A Cidade da Cultura acolle un novo sábado literario, nesta ocasión homenaxeando a figura de Torrente Ballester. O acto inclúe un relatorio a cargo de Jesús Ferrero e lecturas musicadas coa actriz Charo López, o catedrático de Literatura Española Luis Iglesias Feijoo e o escritor Alfredo Conde.

De balde con reserva
Telf Reserva: 881 979 010

Gonzalo Torrente Ballester (Ferrol, 1910 – Salamanca, 1999). Autor dunha extensa e heteroxénea obra, diversa en xéneros e en estilos, diversa tamén en obxectivos e propósitos, pero percorrida na súa totalidade por unha unidade medular que, resolta con ironía e humor, procede da sutil percepción do contraditorio no real, e o profundo coñecemento da tradición literaria. O 13 de xuño de 2011 remata o primeiro centenario do nacemento de GTB.

12:00 | Relatorio: Jesús Ferrero. Graduado en Historia Antiga pola Escola de Altos Estudos de París, é un escritor de traxectoria sobresaínte, con numerosos premios no seu haber (Premio Internacional Plaza y Janés, Premio Azorín ou Premio Anagrama, entre outros) e obra traducida ao inglés, francés, alemán e chinés. No mundo do cine, foi coautor xunto con Pedro Almodóvar do guión orixinal do filme Matador.

13:00 | Lecturas musicadas (30’): Charo López, Luis Iglesias Feijoo e Alfredo Conde. Charo López, a inmensa actriz de Los Gozos y Las Sombras, comparte escenario con Luis Iglesias Feijoo, catedrático de Literatura Española e un dos hispanistas españois máis acreditados, seguido polo escritor Alfredo Conde (Premio Nacional de Literatura, Premio Nadal), tradutor ao galego do libro de Torrente La isla de los jacintos cortados.

13:30 | GTB x GTB (36’). Documental sobre a vida de Gonzalo Torrente Ballester, realizado pola Sociedad Estatal de Conmemoraciones Culturales a propósito do centenario do seu nacemento. Dirixido por Luis Felipe Torrente e Daniel Suberviola.

Presenta: Álvaro Torrente, presidente da Fundación Gonzalo Torrente Ballester.

A Cidade da Cultura acolle un novo sábado literario, nesta ocasión homenaxeando a figura de Blanco Amor. O acto inclúe un relatorio a cargo de Bieito Iglesias e proxección audiovisual da Asociación de Escritores en Lingua Galega (AELG).

De balde con reserva
Telf Reserva: 881 979 010

(Ourense, 1897 – Vigo, 1979). Blanco Amor é recoñecido como un dos nosos máis lúcidos escritores clásicos, autor dunha obra literaria completa e innovadora desde o punto de vista técnico e lingüístico, que, no entanto, non sempre foron argumentos sólidos para evitar certa marxinalidade do autor en vida.

- 12:00 | Relatorio: Bieito Iglesias. Profesor, tradutor e xornalista, é autor de novelas e relatos fundamentais no último decenio, galardoados, entre outros, co Premio García Barros, o Premio da Crítica ou o Premio Merlín de Literatura Infantil e Xuvenil.

- 13:00 | Proxección audiovisual (45’). Produción propia da Asociación de Escritores en Lingua Galega (A.E.L.G) que se estrea neste ciclo, como mostra da visión poliédrica dunha serie de escritores/as e estudosos/as sobre o universo literario de Blanco Amor.
Presentan: Cesáreo Sánchez Iglesias, poeta e presidente da A.E.L.G., xunto con Mercedes Queixas Zas, profesora, ensaísta e crítica literaria, así como secretaria xeral da A.E.L.G.

O Encontro de Literatura de Viaxes celebra a súa segunda edición como cita única no mercado do libro e da literatura viaxeira. Santiago, meta milenaria, faise así o centro da palabra camiñante, das rutas narrativas, das imaxes e ata dos sabores lonxanos. Coa presenza de figuras coma Antonio Gala, Julio Llamazares, José Luis Corral Lafuente e José María Íñigo, e institucións coma National Geographic, os editores, autores e lectores atoparán un programa literario que nos 800 anos da consagración do templo de Santiago revisita as catedrais como fonte de inspiración.

Ao 'Café con...', amenas tertulias cos autores invitados, talleres creativos, presentacións, sinaturas de exemplares e intercambios de libros con protagonismo das redes sociais, súmanse propostas novas como o festival de fotografía 'Olladas Viaxeiras', comisariado por Xurxo Lobato; a maratón de fotografía 'Que ve a Catedral?' e o evento gastronómico 'A volta ao mundo en 80 sabores', que permite percorrer as cociñas do mundo sen saír de Compostela.

LITVI, Encontro de Literatura de Viaxes, celebra a súa segunda edición do 14 ao 22 de xuño, en Santiago de Compostela. O encontro é unha cita cultural única no mercado do libro e da literatura de viaxes, reflectida nos diferentes formatos e soportes posibles como o propio libro, as revistas, o audiovisual e as novas tecnoloxías.

A segunda edición de LITVI mantén as súas características esenciais e dá novos pasos, cara máis sectores nos que a literatura de viaxes ten unha incidencia importante.

Debemos recordar que LITVI converte a Galicia no centro de atención dun mercado, o da cultura relacionada coas viaxes e co turismo. É unha oportunidade de proxección da nosa comunidade, acaparando unha maior atención de público, tanto especializado como  xeneralista.

LITVI   é un punto de encontro para todos os afeccionados á literatura de viaxes: usuarios de guías e manuais, seguidores de novelas ou descricións de paraxes próximos ou remotos, amantes dos audiovisuais de viaxes e aventuras... É unha oportunidade de intercambio para editores, produtores e autores. É unha plataforma de coñecemento e proxección das obras existentes e das novidades que veñen de cara ao tempo de vacacións que representa o verán.

O 800 aniversario da consagración da Catedral de Santiago é unha ocasión única, LITVI enmárcase nesta celebración. LITVI conta co patrocinio do Consorcio de Santiago, Concello de Santiago de Compostela, Fundación Cidade da Cultura de Galicia e Consellería de Cultura e Turismo da Xunta de Galicia; ademais da colaboración de Ámbito Cultural de El Corte Inglés, Deputación de A Coruña, Festival Olladas e Fundación Torrente Ballester. Está promovido e organizado por Trevisani.

AVANCE PROGRAMACIÓN

**MARTES 14 de xuño
- 20 h. Acto Oficial de Inauguración LITVI 2011. Cidade da Cultura de Galicia
- 20.15 h. Relatorio de Antonio Gala:  “Unha viaxe literaria: o poema de Tobías desangelado”

**MÉRCORES 15 de xuño
- 17 h. Laboratorio de relato breve de viaxes (I). Fundación Torrente Ballester
- 18 h. Café con… Julio Llamazares. Factoría Compostela
- 20 h. Relatorio de Julio Llamazares: “As catedrais, fontes de inspiración”. Fundación Torrente Ballester

'A volta ao mundo en 80 sabores'
- 14 h. Menús do mundo: A Curtidoría – Broa – Castelao – Caney – Garum – Tafona
- 20.30 h. Menús do mundo: A Curtidoría – Broa – Castelao – Caney – Garum – Tafona
- 22 h. Cócteles do mundo: Vaová - Bolengo

**XOVES 16 de xuño
- 17 h. Maratón fotográfico: Que ve a Catedral?
- 18 h. Café con… José María Íñigo • Factoría Compostela
- 20 h. Diálogo: “Turismo, viaxes, literatura”. Fundación Torrente Ballester
José María Íñigo
Presenta: Ramón Pernas

'A volta ao mundo en 80 sabores'
- 14 h. Menús do mundo: A Curtidoría – Broa – Castelao – Caney – Garum – Tafona
- 20.30 h. Menús do mundo: A Curtidoría – Broa – Castelao – Caney – Garum – Tafona
- 22 h. Cócteles do mundo: Vaová - Bolengo

**VENRES 17 de xuño
- 23 h. Proxección fotográfica: O Camiño das Catedrais • Praza da Quintana
    Xurxo Lobato

'A volta ao mundo en 80 sabores'
- 14 h. Menús do mundo: A Curtidoría – Broa – Castelao – Caney – Garum – Tafona
- 20.30 h. Menú Catedrais: Factoría Compostela, menú elaborado por Siro de Restaurante Calderón
- 20.30 h. Menús do mundo: A Curtidoría – Broa – Castelao – Caney – Garum – Tafona
- 22 h. Cócteles do mundo: Vaová - Bolengo

**SÁBADO 18 de xuño
- 18 h. Café con…. Xurxo Lobato (fotógrafo) e Eva van der Berg (editoraNational Geographic España). Factoría Compostela
- 23 h. Proxección fotográfica: As mellores fotos de viaxes do National Geographic (Eva van der Berg) Praza da Quintana

'A volta ao mundo en 80 sabores'
- 14 h. Menús do mundo: A Curtidoría – Broa – Castelao – Caney – Garum – Tafona
- 20.30 h. A volta ao mundo en 80 sabores: Factoría Compostela, menú elaborado por Abastos 2.0
- 20.30 h. Menús do mundo: A Curtidoría – Broa – Castelao – Caney – Garum – Tafona
- 22 h. Cócteles do mundo: Vaová - Bolengo

**LUNS 20 de xuño
- 17 h. Laboratorio d relato breve de viaxes (II). Fundación Torrente Ballester

**MARTES 21 de xuño
- 18 h. Café con… José Luis Corral Lafuente e Toti Martínez de Lezea. Factoría Compostela
- 20 h. Diálogo: “As Catedrais, simboloxía e literatura”. Fundación Torrente Ballester
    José Luis Corral Lafuente e Toti Martínez de Lezea

**MÉRCORES 22 de xuño
- 20 h. Relatorio de Carmen Becerra: “A Catedral de Santiago na obra de Torrente Ballester”. Fundación Torrente Ballester

+info: 981 59 23 33 e www.litvi.es

A última das mañás literarias organizadas pola Cidade da Cultura rende homenaxe á figura máis recoñecida e influínte da literatura hispánica universal. O ciclo ‘Galicia, ceo das letras’ contará nesta ocasión cun relatorio da viúva de Borges, a escritora arxentina María Kodama, e un concerto de música tradicional sefardí e poesía contemporánea xudeo-española.

Jorge Luis Borges (Bos Aires, 1899 - Xenebra, 1986). Poeta, ensaísta e narrador de obra ecuménica, quizais a máis recoñecida e influínte da literatura hispánica contemporánea no mundo, na que non faltan referencias a Galicia e aos galegos. En 2011 celebramos o seu 25 cabodano.

12:00 | Relatorio: María Kodama. Viúva, albacea e derradeira musa de Borges. Escritora, tradutora e presidenta da Fundación Internacional Jorge Luis Borges establecida en Bos Aires.

13:00 | Concerto de Mónica Monasterio e Horacio Lovecchio. Intérpretes arxentinos de música tradicional sefardí e contemporánea xudeo-española, con especial atención á poesía.

Presenta: Claudio Rodríguez Fer, autor do libro Borges e o labirinto galego, entre outros traballos sobre o autor arxentino.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

Celso Emilio Ferreiro (Celanova, 1912 – Vigo, 1979). Poeta do pobo, a obra de Celso Emilio aglutina crítica social, intimismo, sátira e compromiso coa Terra.

Autor dalgún dos títulos que deixaron unha máis fonda pegada na literatura galega contemporánea, como Viaxe ao país doa ananos, Onde o mundo se chama Celanova, O soño sulagado,e sobre todo Longa noite de pedra, estandarte profusamente musicado desde a nova canción galega dos anos 60’ ate os nosos días. En 2012 conmemoramos o centenario do seu nacemento.

PROGRAMA

- 12:00 h. Relatorio: Ramón Nicolás Rodríguez
Profesor e crítico literario. Realizou diversos traballos sobre Celso Emilio Ferreiro e ten a piques de publicar unha biografía sobre o celanovés.

- 13:00 h. Labregos do Tempo dos Sputniks (35')
Tres colosos do punk (O Leo), do hip hop (García Mc -Dios Ke Te Crew-) e do ska (Vero –Xenreira-) conflúen nunha das bandas máis poderosas da escena musical galega actual, en tributo aos versos de Celso Emilio.

**Presenta
Luís Ferreiro, fillo do poeta e presidente da Fundación Celso Emilio Ferreiro

Durante sete sesións e ata final de ano desfilarán polo auditorio da Biblioteca de Galicia tres autores cumio das letras galegas (Celso Emilio Ferreiro, Otero Pedrayo e Castelao), unha escritora de nós prodixio da literatura castelá (Emilia Pardo Bazán) e un elenco de talentos mundiais aos que nos unen a veciñanza, a lingua ou o mesto universo da imaxinación (Federico García Lorca, Jorge Amado e James Joyce).

Cada unha das sete sesións que darán vida a estes ‘Sábados de autor’ constará dunha charla inicial impartida por un experto de referencia para, a continuación, dar paso a unha actuación artística -música, cine, teatro…- ligada ao espírito do escritor homenaxeado.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

Novelista, ensaísta, contista, xornalista e crítica literaria, Emilia Pardo Bazán (A Coruña, 1851 – Madrid, 1921) é unha das máis eminentes escritoras da literatura española do século XIX.

A autora de Los pazos de Ulloa é considerada a introdutora do naturalismo e do espiritualismo ruso en España e foi a primeira muller en presidir a sección de literatura do Ateneo de Madrid, así como a primeira catedrática de Universidade e a primeira conselleira de instrución pública.

A independencia e dignidade no seu vivir, e a denuncia da hipocrisía moral da época converteuna nun símbolo precursor dos movementos feministas de hoxe.

PROGRAMA

- 12:00 h. Relatorio: Marina Mayoral
Novelista e Catedrática de Literatura Española na Universidade Complutense de Madrid. A súa narrativa, en galego e en castelán, foi premiada en ambas linguas, así como traducida ao alemán, italiano, portugués, catalán, polaco e chinés. É unha das máis sinaladas expertas na obra de Pardo Bazán, sobre quen publicou numerosos estudios.

- 13:00 h. Pardo Bazán, a Condesa rebelde (50')
Reportaxe–documental onde unha panoplia de especialistas mergúllanos no universo literario e vital da escritora. Dirixido por Zaza Ceballos e realizado por Zenit Televisión para TVG. Estrea absoluta no ciclo Galicia, Ceo das Letras.
Presenta: Xulia Santiso, conservadora responsable da Casa Museo Emilia Pardo Bazán.

Durante sete sesións e ata final de ano desfilarán polo auditorio da Biblioteca de Galicia tres autores cumio das letras galegas (Celso Emilio Ferreiro, Otero Pedrayo e Castelao), unha escritora de nós prodixio da literatura castelá (Emilia Pardo Bazán) e un elenco de talentos mundiais aos que nos unen a veciñanza, a lingua ou o mesto universo da imaxinación (Federico García Lorca, Jorge Amado e James Joyce).

Cada unha das sete sesións que darán vida a estes ‘Sábados de autor’ constará dunha charla inicial impartida por un experto de referencia para, a continuación, dar paso a unha actuación artística -música, cine, teatro…- ligada ao espírito do escritor homenaxeado.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

Sen dúbida, James Joyce (Dublín, 1882 – Zúric, 1941) un dos literatos con maior relevancia na escrita do século XX. Autor de pezas mestras como Dublineses, Retrato do artista cando novo, ou Finnegans wake, acadou o seu cumio creativo no monumental Ulises, emblema do modernismo literario a partir do uso do monólogo interior ou fluxo da consciencia.

A súa influencia é palpable na obra de Beckett, Borges, Burroughs e tantos outros. Entre nós, Otero Pedrayo acometeu unha das primeiras traducións dun fragmento do Ulises a unha lingua ibérica.

PROGRAMA

- 12:00 h. Diálogo: Francisco García Tortosa & Antonio Raúl de Toro Santos
Francisco é Catedrático de Filoloxía Inglesa na Universidade de Sevilla, presidente da Asociación Española James Joyce e autor de numerosos libros sobre o xenio irlandés, ademais de responsable da tradución canónica do Ulises para a editorial Cátedra (1999).
Antonio é Catedrático de Filoloxía Inglesa na Universidade da Coruña, director do Instituto Universitario de Investigación de Estudos Irlandeses AMERGIN e tamén un sobresaínte investigador e divulgador da obra de Joyce. Recentemente dirixiu a prestixiosa antoloxía de literatura galega Breogan`s Lighthouse (Francis Boutle Publishers, 2010).

- 13:15 h. Dedalus en Compostela (15’)
Proxección audiovisual na que unha voz en off narra un suposto diálogo entre Vicente Risco e Stephen Dedalus, alter ego de James Joyce, nun paseo polas rúas compostelás.

 - 13:30 h. Concerto: Chamber Music (30’)
A mezzosoprano Marion Sarmiento e o pianista  Nicasio Gradaille interpretan seis cancións do compositor estadounidense Samuel Barber (1910 – 1981) que poñen música a seis dos poemas da obra Chamber Music de Joyce. Produción propia do ciclo Galicia, Ceo das Letras.

Presenta Bieito Iglesias, membro da directiva do Centro Pen Galicia.

Durante sete sesións e ata final de ano desfilarán polo auditorio da Biblioteca de Galicia tres autores cumio das letras galegas (Celso Emilio Ferreiro, Otero Pedrayo e Castelao), unha escritora de nós prodixio da literatura castelá (Emilia Pardo Bazán) e un elenco de talentos mundiais aos que nos unen a veciñanza, a lingua ou o mesto universo da imaxinación (Federico García Lorca, Jorge Amado e James Joyce).

Cada unha das sete sesións que darán vida a estes ‘Sábados de autor’ constará dunha charla inicial impartida por un experto de referencia para, a continuación, dar paso a unha actuación artística -música, cine, teatro…- ligada ao espírito do escritor homenaxeado.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

(Fuente Vaqueros, Granada, 1898 – Viznar, Granada, 1936). Membro da xeración do 27, Federico García Lorca é unha das iconas da cultura española do século XX. Poeta sublime e excepcional dramaturgo, a súa obra é reivindicada polas clases populares e polas máis altas instancias da crítica literaria.

O seu vínculo con Galicia foi temperán e intenso, trabando amizade, entre moitos outros, con Ernesto Guerra da Cal e Eduardo Blanco Amor. Aínda hoxe é motivo de acalorados debates quen dos dous influíu máis na escrita e edición dos Seis poemas galegos.

PROGRAMA

- 12:00 | Relatorio: Luis García Montero

Poeta, ensaísta, crítico literario e Catedrático de Literatura Española na Universidade de Granada, foi merecedor, entre outros, do Premio Federico García Lorca, Premio Adonáis, Premio Loewe de Poesía, Premio Nacional de Poesía e Premio Nacional da Crítica. Editor de Lorca, é un fondo coñecedor da obra do seu ilustre paisano.

- 13:00 | Seis Poemas Galegos (35')

Os músicos Ugia Pedreira e Marcos Teira, compoñentes do grupo Marful, na compaña de Fran Pérez "Narf" e Pepe Sendón, interpretarán en exclusiva para o ciclo Galicia, Ceo das Letras os Seis poemas galegos de Lorca, nun concerto inédito.

Reserva praza aquí

A Cidade da Cultura acolle un novo sábado literario, nesta ocasión homenaxeando a figura de Salvador Espriu. O acto inclúe unha dramatización de Joan Ollé (director teatral), Silvia Pérez Cruz (cantante), Toti Soler (guitarrista) e Joan Anguera (actor).

De balde con reserva
Telf Reserva: 881 979 010

Salvador Espriu (Santa Coloma de Farnés, 1913 – Barcelona, 1985). Poeta, narrador e dramaturgo, a obra de Salvador Espriu é esencial para entender a literatura catalá moderna. A súa é unha longa meditación sobre a morte e o paso do tempo, cun verso austero e preciso no estilo e un extraordinario dominio da linguaxe.

12:00 | O xardín das cinco árbores (80’). Paseo dramatizado pola vida de Salvador Espriu, a cargo de Joan Ollé (director teatral), Silvia Pérez Cruz (cantante e compositora), Toti Soler (guitarrista e compositor) e Joan Anguera (actor). Este espectáculo é unha adaptación deseñada ex profeso para a Cidade da Cultura de Galicia.

O herdeiro artístico de M. Rostropovich chega a Santiago para interpretar en dúas únicas sesións unha das obras cumio da música de John Sebastian Bach, as célebres suites para violoncelo que no seu día gravou Pau Casals, e que o propio Maisky volveu revisar agora para Deustsche Grammophon.

Integral das suites de J. S. Bach
7 XUÑO: Suites 1, 4 e 5
9 XUÑO: Suites 3, 2 e 6

Música contemporánea, humor e gastronomía. É a atractiva e singular oferta que o Taller Atlántico Contemporáneo (TAC) propón para a Cidade da Cultura, como parte da programación do Ano Galego da Música 2011. O actor Carlos Blanco introduce en clave de humor o primeiro concerto, que xirará en torno a Gustav Mahler e a súa Sinfonía Nº IV en Sol Maior para soprano e orquestra.

Sinfonía Nº IV en Sol Maior para soprano e orquestra

Arranxo de Klaus Simon para orquestra de cámara
PRESENTA: Carlos Blanco

Taller Atlántico Contemporáneo
Luis Soto, frauta travesa e piccolo
David Villa, oboe e corno inglés
Saúl Canosa, clarinetes en si bemol, la e baixo
Alejandro Salgueiro, fagot
Alfredo Varela, trompa
José Vicente Faus, percusión
Alejandro Sanz, percusión
Nicasio Gradaille, piano
Fernando Fraga, acordeón
James Dahlgren, violín
Nicolay Velikov, violín
Ioana Ciobotaru, viola
Thomas Piel, violoncello
Carlos Méndez, Contrabaixo

Elena de la Merced: Soprano
Diego García Rodríguez, dirección

A cuarta sinfonía de G. Mahler foi composta entre os anos 1899 e 1900. A súa estrea (25 de Novembro do 1901) supuxo unha sorpresa para o público, que agardaba unha nova creación xigantesca por parte do compositor. Na súa vez os vieneses puideron escoitar unha obra sinfónica plena de exquisiteces camerísticas que volvía á linguaxe "clásica" pero co selo inconfundible do autor.

Estructurada en catro movementos, Mahler utiliza unha das cancións do seu ciclo O corno máxico do neno para finalizar a obra, Das Himmlische Leben. Nela Mahler escribe como anotación á cantante: cunha expresión infantil, serena, completamente desprovista de parodia!, relatando a visión dun neno sobre o Ceo.

A versión que o TAC presenta é a que realizou para orquestra de cámara o pianista e director de orquestra alemán Klaus Simon.

Os Seráns do TAC toman como argumento principal a maxia do lusco-fusco, festexado na cultura tradicional galega con festas participativas organizadas polos veciños de aldeas e parroquias que se reúnen para tocar, bailar e comer nos días nos que non hai celebracións oficiais ou patrón que festexar.

Retomando este argumento antropolóxico, o TAC proponnos achegármonos a dous mundos aparentemente moi distantes entre si, axudándonos a introducirnos na música contemporánea dun modo festivo e ameno, a través dos elementos básicos das festas populares dos seráns galegos.

Esta proposta do TAC inclúe cinco concertos nun formato nada convencional e sorprendente. Os actores Quico Cadaval e Carlos Blanco, e o músico Julián Hernández (Siniestro Total) introducen en clave de humor os músicos galegos, solistas invitados e directores de renome internacional que participan no programa. O programa de actividades complétase cun obradoiro didáctico para nenos e nenas de 5 a 15 anos, na segunda xornada de Os Seráns do TAC.

E para darlle sabor a Os Seráns do TAC, representantes da nova cociña galega aderezan este excepcional programa coas tapas que servirán ao final de cada concerto, inspirados nos elementos do programa musical. Así, vangarda e tradición actúan coma fío condutor dun proxecto extraordinario no que se fusionan a contemporaneidade dos espazos e da arquitectura da Cidade da Cultura, da cociña, da música e dos elementos etnográficos da festa popular galega.

A praza da Cidade da Cultura converterase no escenario perfecto para gozar das anoitecidas de verán dende o monte Gaiás, mentres se escoita un concerto de música clásica, unha sesión de música electrónica  ou un concerto de jazz. Toda  unha combinación de sensacións que creará unha atmosfera hipnótica no momento máxico do luscofusco.

Despois do éxito desta actividade o ano pasado, os “Atardeceres de verán” volven este ano, abríndose a novos estilos musicais e coa novidade de que as zonas exteriores rematadas contribuirán ao seu goce.

Así, a rampla da Biblioteca, na praza exterior, acondicionada para cada sesión, ofrecerá o lugar perfecto para esta actividade.

PROGRAMA DE CONCERTOS

Todos os concertos son ás 21 h.

**Xullo
- 14. POESÍA Carlos Caneiro e Xosé Manuel Salgado
- 21. POESÍA Yolanda Castaño e Isaac Garabato
- 15. MÚSICA POP Lacrosse
- 16. JAZZ Fernández/Salgueiro/Fixel
- 22. MÚSICA POP Pelle Carlberg
- 23. MÚSICA CLÁSICA Chelicia
- 29. MICROPOESÍA Ajo
- 30. MÚSICA POP Dejavu

**Agosto
- 4. POESÍA Olalla Cociña e Bernardo Martínez
- 5. MÚSICA POP Le Corps Mince de Françoise
- 6. MÚSICA CLÁSICA Jorge Montes e Alejandro Sanz
- 11. ELECTRÓNICA DJ Ino
- 12. POESÍA/ MÚSICA Ugia Pedreira & Fred Martins
- 13. BRASILEIRA Najla Shami / Serginho Sales
- 19. POESÍA María Lado e Mig Seoane
- 25. POESÍA Rivadulla Corcón e Franky Valencia
- 26. MÚSICA CLÁSICA Simona Kantcheva e Palmen Velev
- 27. MÚSICA POP Klaus & Kynsky

**Setembro
- 1. POESÍA Mercedes Villegas e Antonio Calvache
- 2. MÚSICA ELECTRÓNICA Fatfish DJ
- 3. MÚSICA ROCK, CUMBIA & ELECTRÓNICA Bomba Estéreo
- 8. MÚSICA CLÁSICA Ensemble Galante
- 9. MÚSICA ANTIGA Grupo Meendinho
- 10. MÚSICA POP & ELECTRÓNICA La Bien Querida + BFlecha

Desde Ancara chega o grupo Hayvanlar Alemi para inaugurar o ciclo de arte sonora 'Ruído de Fondo' coa súa divertida amálgama de psicodélica, rock instrumental, post-punk dos anos oitenta, folk, retro-rock cambodiano, mor lam tailandés electrificado, música para guitarra do Sáhara, e sons do mundo do surf.

Isik Sarihan (percusión) e Ozum Itez (guitarra eléctrica), líderes da banda, propoñen un percorrido polas numerosas variedades de estilos  que recolle o seu novo disco, “Guarana Superpower”, editado polo selo independente Sublime Frequencies de Seattle, Estados Unidos. Este traballo presenta unha selección de cancións gravadas entre 2007 e 2009, máis tres temas exclusivos.

Como aperitivo, a banda turca será protagonista dunha acción cultural na Cidade da Cultura na véspera do concerto, o sábado 23 de xullo.

Sala de Columnas da Biblioteca de Galicia
Aforo: 200 persoas

Na nosa aposta decidida por explorar as novas formas de expresión artística, presentamos este ciclo dedicado á Arte Sonora, unha disciplina relativamente nova e un dos campos plásticos máis descoñecidos, pero á vez unha das manifestacións máis populares dos nosos días.

Como campo amorfo, indefinido e propicio para interactuar con outras disciplinas plásticas, a Arte Sonora ofrece enormes posibilidades expresivas e  preséntase como un dos terreos máis propicios para a experimentación artística e para a investigación nas relacións do ser humano co seu contorno. Así, as tipoloxías da Arte Sonora poden sucederse de forma autónoma ou ben ligadas a outros soportes: desde instalacións a esculturas sonoras, pasando polos ready-mades ou as performances, ata a radio, o vídeo, a poesía e, por suposto, a música.

“Ruído de Fondo” é un espazo aberto á arte, e ao lecer, á educación e á industria. Un espazo vivo, aberto, interdisciplinar, experimental, onde o son, nas súas máis variadas expresións e combinacións, se presenta como elemento distintivo.

Música contemporánea, humor e gastronomía. É a atractiva e singular oferta que o Taller Atlántico Contemporáneo (TAC) propón para a Cidade da Cultura, como parte da programación do Ano Galego da Música 2011. Quico Cadaval introduce o segundo concerto, que explora os sons tradicionais multiétnicos.

PROGRAMA

MINORU MIKI (1930)
Marimba Spiritual

XABIER MARIÑO (1983)
Obra para frauta e percusión (encargo do TAC)

NEBOJSA JOVAN
ZIVKOVIC Trio per Uno

JOHN CAGE (1912-1992)
Fads and fancies in the academy (Mills College,July 1940)

Luis Soto, frauta traveseira
Nicasio Gradaille, piano

Odaiko
Ton Martínez Risco, percusión
Juan Collazo, percusión
Roberto Oliveira, percusión
Antonio Ocampo, percusión

Presenta: Quico Cadaval

Ao final do concerto servirase unha tapa creación de Abastos 2.0 e unha copa de viño.

Os compoñentes de Odaiko son licenciados en percusión clásica, contemporánea e jazz, que deciden fundar o grupo en 2003 logo de ter colaborado xuntos en varios proxectos e festivais europeos. Odaiko toma o seu nome dunha variante moi voluminosa do tambor tradicional xaponés, o taiko. Cos seus até 1,2 metros de diámetro e 1,5 de profundidade, un odaiko chega a requirir a participación de tres persoas para ser tocado. Os membros de Odaiko importaron desde Oriente un contedor de barco con decenas destes tambores tradicionais que son o elemento estrutural do seu traballo.

O seu primeiro espectáculo, Okho, está inspirado na obra de Iannis Xenakis do mesmo nome, unha proposta integramente percusiva onde a música contemporánea se fusiona co jazz, o flamenco, a tradición da India ou os cantos tribais que acompañan os djembés de Senegal.

Deste modo, Odaiko reinventa a fórmula do concerto clásico para dar lugar a espectáculos nos que a improvisación é fluída e nos que a bidireccionalidade cómplice co público convida a este a descubrir cómo a percusión, a máis grande familia de instrumentos, pode xuntar ritmo e melodía.

A proposta artística deste grupo galego céntrase na exploración da música tradicional multiétnica na súa variante percusiva e, nos seus espectáculos, podemos atopar música de orixe oriental, instrumentos hindús, africanos, percusión clásica, batería jazz ou flamenco.
Odaiko Percussion Group ten actuado en catro dos cinco continentes e en festivais da talla de Steve Reich Festival (A Haia, Holanda), Holland Festival (Holanda), Zeltsman Marimba Festival (Appleton, Wisconsin, EE UU), Junio Musical (Jalapa, México), Taipei Internacional Percussion Convention (Taiwán) ou o Leuven Contemporain Music Festival (Bélgica), e en países como Marrocos, Filipinas, China, Chipre, Alemaña ou Francia.

Os Seráns do TAC toman como argumento principal a maxia do lusco-fusco, festexado na cultura tradicional galega con festas participativas organizadas polos veciños de aldeas e parroquias que se reúnen para tocar, bailar e comer nos días nos que non hai celebracións oficiais ou patrón que festexar.

Retomando este argumento antropolóxico, o TAC proponnos achegármonos a dous mundos aparentemente moi distantes entre si, axudándonos a introducirnos na música contemporánea dun modo festivo e ameno, a través dos elementos básicos das festas populares dos seráns galegos.

Esta proposta do TAC inclúe cinco concertos nun formato nada convencional e sorprendente. Os actores Quico Cadaval e Carlos Blanco, e o músico Julián Hernández (Siniestro Total) introducen en clave de humor os músicos galegos, solistas invitados e directores de renome internacional que participan no programa. O programa de actividades complétase cun obradoiro didáctico para nenos e nenas de 5 a 15 anos, na segunda xornada de Os Seráns do TAC.

E para darlle sabor a Os Seráns do TAC, representantes da nova cociña galega aderezan este excepcional programa coas tapas que servirán ao final de cada concerto, inspirados nos elementos do programa musical. Así, vangarda e tradición actúan coma fío condutor dun proxecto extraordinario no que se fusionan a contemporaneidade dos espazos e da arquitectura da Cidade da Cultura, da cociña, da música e dos elementos etnográficos da festa popular galega.

A banda californiana No Age presenta na Cidade da Cultura o seu novo traballo, “Everything in Between”. Dean Allen Spunt (batería e voz) e Randy Randal (guitarra e voz) –cun terceiro músico acompañándo nos samplers– veñen para despregar toda a potencia do seu rock físico e ruidoso, baseado no powerpop, o punk e a experimentación.

Neste novo disco, os anxelinos confirman a súa evolución: reducen as doses de punk, púen o seu son noise rock e achéganse ao shoegaze, ofrecendo outro traballo de experimentación sonora que confirma a No Age como unha das bandas máis interesantes na actual escena musical californiana. E é que a banda de Los Ángeles pasou en apenas tres anos de tocar en pequenos locais da súa cidade a ser unha das referencias internacionais do rock independente.

Un día antes, o mércores 17 de agosto, o grupo realiza unha acción cultural na Cidade da Cultura.

Praza da Cidade da Cultura
Aforo: 400 persoas

Na nosa aposta decidida por explorar as novas formas de expresión artística, presentamos este ciclo dedicado á Arte Sonora, unha disciplina relativamente nova e un dos campos plásticos máis descoñecidos, pero á vez unha das manifestacións máis populares dos nosos días.

Como campo amorfo, indefinido e propicio para interactuar con outras disciplinas plásticas, a Arte Sonora ofrece enormes posibilidades expresivas e  preséntase como un dos terreos máis propicios para a experimentación artística e para a investigación nas relacións do ser humano co seu contorno. Así, as tipoloxías da Arte Sonora poden sucederse de forma autónoma ou ben ligadas a outros soportes: desde instalacións a esculturas sonoras, pasando polos ready-mades ou as performances, ata a radio, o vídeo, a poesía e, por suposto, a música.

“Ruído de Fondo” é un espazo aberto á arte, e ao lecer, á educación e á industria. Un espazo vivo, aberto, interdisciplinar, experimental, onde o son, nas súas máis variadas expresións e combinacións, se presenta como elemento distintivo.

O mestre francés Diego Masson, unha das figuras máis destacadas do panorama musical actual, dirixe un novo concerto do Taller Atlántico Contemporáneo cun programa escollido persoalmente coas súas pezas predilectas: ‘Piccola Musica Notturna’, de L. Dallapiccola, ‘Da Capo’, de Lucca Francesconi, o Concerto para oboe de David del Puerto e ‘Monitonadas’ do galego Carlos López Picos. A charla previa estará presentada polo actor Carlos Blanco.

David Villa, óboe
Conxunto instrumental do TAC
Dirección: Diego Masson

L. DALLAPICCOLA (1904-1975) | Piccola Musica Notturna
LUCCA FRANCESCONI (1956) | Da Capo
DAVID DEL PUERTO (1964) | Concerto para óboe
CARLOS Gª LÓPEZ-PICOS (1922-2009) | Monitonadas

Presenta: Carlos Blanco
Ao final do concerto servirase unha tapa creación de Abastos 2.0 e unha copa de viño

Para este concerto, o TAC ten o privilexio de contar coa dirección musical de Diego Masson, unha das figuras máis destacadas do panorama musical contemporáneo. Nel escoitaremos obras escollidas expresamente para este concerto polo mestre francés, polas cales sente unha especial predilección. Masson é, ademais, unha autoridade absoluta á hora da súa interpretación.

Neste concerto, Diego Masson quere prestar tamén o seu apoio á música composta por autores galegos, interpretando a obra Monitonadas, do compositor Carlos López García-Picos.

O ciclo 'Ruído de fondo', programado pola Cidade da Cultura, ofrece esta noite a actuación de Esmeralds, unha das formacións máis atractivas do underground norteamericano.

Este trío, formado por John Elliot, Mark McGuire e Steve Hauschildt, debuxa paisaxes sonoras a base de ritmos electrónicos dunha beleza asombrosa. Amantes do minimalismo de Terry Riley e da kosmiche musik alemá de Cluster, Klaus Schulze ou Popol Vuh, Emeralds móvese entre a electrónica e o rock espacial, situándose no top internacional dos medios especializados.

O IV Festival de música 'Espazos sonoros', organizado pola Dirección Xeral de Promoción e Difusión Cultural da Consellería de Cultura e Turismo, ofrece esta tarde na Cidade da Cultura un recital da soprano Laura Alonso e o pianista Lorenzo de los Santos. O programa inclúe obras de Liszt, Mahler e Schumann.

Laura Alonso é unha das sopranos líricas con máis proxección na escena internacional. Nacida en Vilagarcía de Arousa, no seo dunha familia de importantes voces, estudou no conservatorio da súa vila natal e, posteriormente, na prestixiosa Hochschule für Musik de Karlsruhe, en Alemaña, onde comeza a súa carreira operística.

Lorenzo de los Santos, profesor do conservatorio de Santiago, estuda nos conservatorios de Pontevedra, Vigo e Vilaseca (Tarragona), e no Liceo de Barcelona, para continuar logo a súa formación musical con Patrick O’Byrne, en Stuttgart, e con Sontraud Speidel, na Musikhochschule de Karlsruhe.

O programa, de corte virtuoso, presenta a obra de dous autores homenaxeados este ano polo bicentenario do seu nacemento e o centenario da súa morte, respectivamente, Listz e Mahler, así como tres cancións de Robert Schumman pertencentes ao ciclo Mirtos Op. 25, que pecharán este programa dedicado á mellor tradición liederística europea.

A Cidade da Cultura acolle esta tarde 'O soño dourado. De Rosalía a Cunqueiro', unha homenaxe poético-musical con Antón de Santiago (barítono), Patricia Morchón (soprano) e o conxunto instrumental Cítola.

Entrada de balde ata completar capacidade

Agrupación Ofelia Nieto
Antón de Santiago, barítono
Patricia Morchón, soprano
Conxunto Instrumental Cítola

En plena celebración do centenario do nacemento de Álvaro Cunqueiro, o barítono Antón de Santiago presenta un espectáculo poético-musical que rende homenaxe ás obras da literatura que inspiraron algunhas das páxinas máis logradas da música galega.
“O soño dourado. De Rosalía a Cunqueiro” é tamén un tributo aos músicos que engadiron a súa iluminación ás obras de escritores ilustres da Literatura galega como Manuel Curros Enríquez, Ramón Cabanillas, Luís Pimentel ou Uxío Novoneyra.

Para musicalizar esta homenaxe actuarán o barítono Antón de Santiago, a soprano Patricia Morchón e o Conxunto Instrumental Cítola (Anxo Lozano, violín; Rosalía Vázquez, violoncello; Ramón Carnota, guitarra).

O pianista galego José Núñez Ares presenta unha selección do Terceiro caderno de tipoloxías e Gallaecia, de Rogelio Groba, e varias Goyescas de Enrique Granados.

Dúas obras do compositor galego Rogelio Groba –un dos máis prolíficos creadores contemporáneos– e unha selección das Goyescas de Granados conforman o programa do recital de José Núñez Ares, pianista galego residente en Rotterdam, onde traballa como profesor asistente e coordinador do Departamento de Piano e do programa de estudos avanzados Codarts Virtuoso, no conservatorio desta cidade holandesa.

O Terceiro caderno de tipoloxías de Rogelio Groba é froito do desenvolvemento dun método de estudo de piano baseado en temas do folclore galego, ao igual que a obra Gallaecia, tamén parte deste programa, onde se adopta o tradicional como materia prima para a creación artística.

De Granados colle os dous cadernos de Goyescas para piano, que ilustran a paixón amorosa entre dúas personaxes do Madrid castizo retratadas por Goya.

O grupo vocal Nova Lux Ensemble clausura o cuarto ciclo 'Espazos sonoros' cun recital gratuíto de obras de Francisco Guerreiro, Tomás Luis de Vitoria e Adriano Banchieri. Gratuíto.

Ivette González e Abenauara Graffigna: sopranos
Beatriz Aguirre: mezzosoprano
Sergi Moreno-Lasalle: alto
Jorge Juan Morata e Víctor Sordo: tenor
Xosé Antonio Hoyos: barítono
Miguel Rincón: tiorba
Patricia González: órgano
Josep Cabré: barítono e dirección

Nova Lux Ensemble é o grupo vocal profesional estable da Coral de Cámara de Pamplona (Navarra). Creado en 2006 e especializado na interpretación de música antiga, basicamente do Renacemento e o Barroco, esta formación participou nos máis importantes festivais de todo o mundo.

O gaiteiro bretón Patrick Molard participará nunha conversa dirixida por Raúl Pinheiro e ofrecerá un concerto express de cornamusa bretoa (biniou koz) e escocesa (Highland bagpipe). Ao finalizar, os participantes poderán retratarse co artista nunha sesión de fotos a cargo do fotógrafo Pablo Giráldez que serán colgadas no Facebook da Cidade da Cultura para a súa libre descarga.

Patrick Molard é o gaiteiro máis internacional e embaixador da música popular de Bretaña. Alumno dos últimos tocadores bretóns da “vella escola” e mestre das novas xeracións é a ponte entre o antigo xeito de facer música e a adaptación aos novos estilos.

En todo movemento artístico xorden individualidades que se arredan dos mandatos do gusto de cada época para experimentar con novas posibilidades creativas, estéticas, expresivas, comunicativas. Na música son moitos os exemplos de creadores cuxas vidas singulares e proxectos xenuínos foron referentes para os seus colegas de vocación, á vez que se converteron en artistas de culto para o público.

A eses autores que abriron novos camiños, aos que percorreron sendeiros incertos e arriscados, aos artistas que iniciaron novas sagas sonoras das que beben as músicas de hoxe, está dedicado este ciclo musical.

Autores galegos e foráneos manteñen aquí un diálogo e un xogo interactivo en seis sesións artísticas distintas, cada unha das cales xira ao redor dun dos artistas convidados e dunha temática. Seis exhibicións onde se conxugan concertos exclusivos, palabra e diálogo, pezas audiovisuais, materiais gráficos…

Cada sesión, cunha singularidade, desde un formato distinto en función da personalidade de cada artista. E todo para manter un encontro participativo, creativo e exclusivo entre o músico e os asistentes onde abordar os grandes temas musicais do século XX e os retos para o XXI.

As relacións con outras disciplinas artísticas, o uso e proveito das novas tecnoloxías, as relacións da música co contexto cultural, os estilos de vida, os vínculos co pensamento de cada época ou a intervención  da música como ferramenta para o cambio social son algúns dos aspectos relevantes que se abordan nestas xornadas de música e diálogo.

Neste concerto o TAC presenta obras que en cada nova interpretación ofrecen resultados únicos, irrepetibles e diferentes a calquera outra presentación delas. Este aspecto unifica as tres pezas que se presentan neste concerto, se ben cada unha delas parte dun procedemento compositivo distinto.

JOHN CAGE (1912-1996)
Imaginary Landscape No. 4 for 12 radios
(24 performers)

GYORGY LIGETI (1923-2006)
Poema Sinfónico para 100 metrónomos

TERRENCE MITCHELL RILEY (1934)
In C (para calquera número de instrumentistas)

Presenta: Julián Hernández
Ao final do concerto servirase unha tapa creación de Pepe Solla e unha copa de viño.

Música contemporánea, humor e gastronomía. É a atractiva e singular oferta que o Taller Atlántico Contemporáneo (TAC) propón para a Cidade da Cultura, como parte da programación do Ano Galego da Música 2011.

Os Seráns do TAC toman como argumento principal a maxia do lusco-fusco, festexado na cultura tradicional galega con festas participativas organizadas polos veciños de aldeas e parroquias que se reúnen para tocar, bailar e comer nos días nos que non hai celebracións oficiais ou patrón que festexar.

Retomando este argumento antropolóxico, o TAC proponnos achegármonos a dous mundos aparentemente moi distantes entre si, axudándonos a introducirnos na música contemporánea dun modo festivo e ameno, a través dos elementos básicos das festas populares dos seráns galegos.

Esta proposta do TAC inclúe cinco concertos nun formato nada convencional e sorprendente. Os actores Quico Cadaval e Carlos Blanco, e o músico Julián Hernández (Siniestro Total) introducen en clave de humor os músicos galegos, solistas invitados e directores de renome internacional que participan no programa.

O programa de actividades complétase cun obradoiro didáctico para nenos e nenas de 5 a 15 anos, na segunda xornada de Os Seráns do TAC.

E para darlle sabor a Os Seráns do TAC, representantes da nova cociña galega aderezan este excepcional programa coas tapas que servirán ao final de cada concerto, inspirados nos elementos do programa musical.

Así, vangarda e tradición actúan coma fío condutor dun proxecto extraordinario no que se fusionan a contemporaneidade dos espazos e da arquitectura da Cidade da Cultura, da cociña, da música e dos elementos etnográficos da festa popular galega.

A galería subterránea de servizos da Cidade da Cultura servirá como escenario do concerto de música electrónica protagonizado polo grupo noruegués Ulver.

A banda norueguesa Ulver é hoxe un referente de culto pola súa experimentación continua durante as súas case dúas décadas de vida.

Nados no 1993 na explosión da escena de black metal do seu país –Inner Circle, Burzum, Mayhem, etc.–, nunha primeira fase soaban escuros e intensos. Na seguinte época, deixan de lado esta estética e introdúcense na electrónica, o ambient, o trip-hop e mesmo o jazz;  todo moi sintetizado nunha mestura complexa próxima ao rock industrial. A terceira, e ata o de agora última fase estilística destes inquedos músicos, comeza a partir do 2003 coa saída de "A Quick Fix Of Melancholy" e, sobre todo, coa publicación de "Blood Inside". Neste momento, experimentan coa música sinfónica, o rock progresivo e os ritmos do novo soul electrónico.

O concerto de Ulver servirá para estrear un novo escenario na Cidade da Cultura: a Galería subterránea de servizos, que conecta os diferentes edificios construídos no Gaiás. Un espazo que, máis alá da súa función práctica, presenta unha estética vangardista que encaixa á perfección coa imaxe da banda.

A intervención sonora "Música e Arquitectura" foi pensada e realizada por Inmaculada Cárdenas, José Luis Carles e Cristina Palmese para o espazo central da Biblioteca de Galicia e enmárcase dentro dos Diarios Sonoros organizados pola Cidade da Cultura.

Primeira parte:
PERFORMANCE EN VIVO

    Mónica Álvarez, voz
    Arturo Vaquero, electrónica en directo
    Efraím Díaz, vento e percusión
    Inmaculada Cárdenas, dirección e performance
    Coa participación do público

Segunda parte:
INSTALACIÓN AUDIOVISUAL

    Cristina Palmese, arquitecta e paisaxista sonora
    José Luis Carles, artista sonoro
    Ricardo Atienza, vídeo

Primeira parte
Monte Gaiás
Performance en directo baixo a idea de que “o coñecemento está no interior” como metáfora da arquitectura que a alberga, está a cargo do grupo de Creación Musical da USC (GCMUS) coa participación de catro músicos, ademais da intervención do público. O formato elixido é a interacción cos espazos da Biblioteca de Galicia. A partir de sons de bombardino, voz e percusións explóranse os espazos e trabállase a arquitectura como un instrumento sonoro de enormes dimensións. A estes uniranse elementos extramusicais como chapa metálica, pelotas de pimpón, plásticos… que serán modificados pola electrónica en directo reforzando e variando as devanditas acústicas.

Segunda parte
Itinerarios de  escoita.  Instalación Audiovisual
Escoitar é dialogar co lugar, entrar en resonancia con el e facelo resoar. Escoitar é “acordar” con canto nos rodea e con quen nos rodea. Para comprender este vínculo íntimo, necesitamos con-mover o espazo e a quen o comparte, falarlle, muiñarlle, tal vez gritarlle, e ante todo, escoitar a súa su resposta… É esta unha invitación a pensar a nosa relación cunha arquitectura singular a través do son,  descubrila a través dun mapa sonoro que percorrerá o espazo construído, deixando que de este lugar emerxa todo aquilo que foi esquecido, calado ou que ha quedou sen expresar.

Sesión de fotos
Ao finalizar, os participantes poderán retratarse cos artistas nunha sesión de fotos a cargo do fotógrafo Pablo Giráldez que serán colgadas no Facebook da Cidade da Cultura para a súa libre descarga.

A moda de tecidos intelixentes chega á Cidade da Cultura da man dun dos seus máximos expoñentes: Alyce Santoro. A artista neoiorquina propón un proxecto conceptual en colaboración con deseñadores e músicos galegos: a confección dun traxe sonoro.

Alyce Santoro presenta en Galicia o chamado 'Sonic Fabric', un tecido feito cun 50% de cinta de casete reciclada e outro 50% de algodón que, ademais de ser un tecido fermoso e duradeiro, tamén é audible: pódese escoitar pasando o cabezal dun radiocasete ou walkman pola superficie. Unha idea ligada ao desenvolvemento de novas propostas relacionadas coa reciclaxe e a reutilización para a creación de novos produtos.

Para este proxecto que realiza ex profeso para a Cidade da Cultura, Santoro traballa coa música e outros tipos de arquivos sonoros dixitais remitidos por un total de 50 bandas e músicos galegos. Con ese collage de arquivos sonoros, Alyce Santoro xa gravou a cinta magnética coa que se confecciona o material en bruto. Esa tea especial é enviada a diferentes deseñadores galegos para que realicen pezas e complementos.

A colección preséntase en decembro de 2011 nunha intervención multidisciplinar que inclúe música en directo e danza e, con ela, diferentes deseñadores galegos están inmersos agora na elaboración de pezas de roupa e complementos. A colección presentarse o vindeiro 14 de decembro nunha intervención multidisciplinar que inclúe música en directo e danza.

obradoiro de paisaxes sonoras
Alyce Santoro dirixirá un obradoiro no que confeccionar “paisaxes sonoras” a partir de gravacións realizadas no complexo do Gaiás. Santoro organizará expedición sonoroas nas que os participantes equipados con grabadoras dixitais ou teléfonos móviles recorrerán as instalación da Cidade da Cultura gravando os sons. A través destes rexistros individuais crearán collages co obxectivo de afondar nos límites do concepto tradicional de música.

Xunto con este proceso creativo, os participantes neste obradoiro coñecerán da man da propia artista os traballos con teas sonoras que Santoro leva a cabo dende hai algúns anos e que terá o seu culmen na presentación do ‘traxe sonoro galego’.

O número de prazas limítase a 20 e a actividade é de balde. Para inscribirse é preciso enviar os datos a ruidodefondo@cidadedacultura.org

Na nosa aposta decidida por explorar as novas formas de expresión artística, presentamos este ciclo dedicado á Arte Sonora, unha disciplina relativamente nova e un dos campos plásticos máis descoñecidos, pero á vez unha das manifestacións máis populares dos nosos días.

Como campo amorfo, indefinido e propicio para interactuar con outras disciplinas plásticas, a Arte Sonora ofrece enormes posibilidades expresivas e  preséntase como un dos terreos máis propicios para a experimentación artística e para a investigación nas relacións do ser humano co seu contorno.

Así, as tipoloxías da Arte Sonora poden sucederse de forma autónoma ou ben ligadas a outros soportes: desde instalacións a esculturas sonoras, pasando polos ready-mades ou as performances, ata a radio, o vídeo, a poesía e, por suposto, a música.

“Ruído de Fondo” é un espazo aberto á arte, e ao lecer, á educación e á industria. Un espazo vivo, aberto, interdisciplinar, experimental, onde o son, nas súas máis variadas expresións e combinacións, se presenta como elemento distintivo.

O ciclo 'Diarios Sonoros', organizado pola Cidade da Cultura, despídese hoxe da man do etnomusicólogo corso Michel Giacometti e os seus rexistros da música popular portuguesa.

“Filmografía dun pobo” constará da proxección de dous documentais que recollen as gravacións que Giacometti realizou do patrimonio inmaterial luso na década dos sesenta e unha introdución á súa obra a cargo de José Moças, programador e director da editorial independente lusa Tradisom; e Paulo Lima, o máximo investigador en Portugal do traballo feito polo realizador corso.

Como broche final, Pedro Mestre ofrecerá un concerto de viola campanisa do Alentejo, instrumento que gravou Giacometti nos anos 60.

Descobre as semellanzas culturais entre Galicia e Portugal da man de Giacometti este sábado na Cidade da Cultura.

Baixo a dirección de Diego García Rodríguez e coa participación do pianista Nicasio Gradaille, o TAC interpreta na Cidade da Cultura 'A Ópera das Catro Notas', de Tom Johnson.

Cristina Barriga, soprano
Mónica de Nut, contralto
Humberto Ayerbe Pino, tenor
Eliseu Mera, barítono

Piano: Nicasio Gradaille
Dirección: Diego García Rodríguez

Presenta: Quico Cadaval

Al final del concierto se servirá una tapa creación de Eirado da Leña y una copa de vino

Tom Johnson (1939) es un compositor americano que reside en París desde 1983 y que se autodenomina minimalista.

Está casado con la artista española Esther Ferrer. Fue alumno de Morton Feldman (1926-1987) y mucha de su música está basada en procedimientos matemáticos, utilizando fórmulas, secuencias y permutaciones.

Su obra incluye música para diversos instrumentos, habitualmente con textos, y destaca su producción operística, compuesta principalmente por óperas de cámara.

Compuso La ópera de las cuatro notas cuando tenía 32 años. En palabras del autor, para la composición de esta ópera fue crucial la lectura de Seis personajes en busca de autor, de Luigi Pirandello (1867-1936).

“A menudo los personajes no son conscientes de su existencia en el escenario. Obedecen al autor y se adaptan al mundo que crea, sin tener pensamientos propios. Pero en la obra de Pirandello los personajes saben que existen en un espacio teatral y sólo por un par de horas. Sentían la presencia del público e incluso del autor. Es un teatro que no pide que se crea en algo que no es verdad. Es un teatro que se tiene que creer porque todo es verdadero.” Esta obra tuvo un gran impacto en Johnson, que empezó a preguntarse que pasaría si en vez de seis personajes en busca de autor hubiese algún personaje de ópera buscando un compositor. Y sucedió que había algunos personajes de ópera buscando un compositor, y 10 años después de la lectura de Pirandello, encontraron a Tom Johnson y se hicieron realidad en la Ópera de las cuatro notas.

El estreno tuvo lugar en Nueva York en 1972 y se convirtió en un éxito inmediato, siendo programada en muchos teatros alrededor del mundo. Hoy en día sigue siendo la obra más famosa de este compositor.

Galician Connection ao Vivo reúne por primeira vez sobre un escenario a sete dos mellores mestres da World Music: o recoñecido músico cubano Paquito D'Rivera, o arxentino Emilio Solla, o indio Sandeep Das, o chinés Wu Tong, o valenciano Josep Vicent e os galegos Guadi Galego e Anxo Pintos, baixo a dirección artística de Cristina Pato.

A actuación, que estreará o Museo de Galicia como escenario para concertos, interpretarán un repertorio único orquestrado ao longo de tres xornadas de convivencia na Cidade da Cultura formado por pezas de cada unha das tradicións culturais que representan. Un concerto único e exclusivo que todo amante da World Music non debe perderse.

Mentres se visita o Museo da Cidade da Cultura, poderase presenciar unha intervención sonora pensada en exclusiva para a Cidade da Cultura, unha experiencia única e irrepetible, un site specific. Mercedes Peón propón unha intervención que non ocupa, unha obra adaptada aos espazos escultóricos da arquitectura do Museo. Peón formula unha fuxida conceptual da mera exhibición, pretende dar emoción ao tránsito polos espazos arquitectónicos do Museo de Galicia. Espazos baleiros, sen obra.

Peón propón instalarse como obra escultórica coa súa banda (formada por Manuel Alonso, Manuel Cebrián, Ana García e a propia Mercedes Peón) nunha parte do Museo, sen intervir sonoramente no espazo.

A proposta xorde a partir de escoitas individuais para que as persoas teñan unha experiencia sonora. Todo iso a través da obra SÓS e sen perder de vista a magnitude da arquitectura.

A intervención sonora conta, ademais, coa colaboración do escultor Suso Basterrechea, quen aporta unha instalación minimalista, chea de tensión e frialdade estática con só movementos naturais provocados pola propia física e pola orixinalidade do seu pensamento. Todo pensado para provocar itinerancia. Busca da instalación musical. Metáforas, intriga e o efémero. Cincuenta minutos de interacción entre obras que se ofrecen simultáneas e con vida propia.

A intervención sonora continuará sen a presenza da artista o sábado 5 de maio pola tarde e todo o domingo 6, nos horarios habituais do Museo: de 10:00 a 14:00  e de 16:00 a 20:00 h.

O TAC quere abrir este segundo ciclo de Seráns cun concerto de autores que seguiron camiños moi persoais, difíciles de encadrar nas distintas correntes musicais xurdidas no transcurso das súas vidas e que deixaron unha gran pegada coa súa música, ademais de tratarse de obras cun compoñente performántico moi importante, non só para escoitar, senón tamén para ver.

Entre elas, o TAC asume o reto da interpretación dunha das obras claves na creación musical de E. Varèse, Octandre, dunha modernidade radical aínda nos nosos días, pasando pola ironía e a crítica de Kagel e Schnittke ou da integración da linguaxe do "rock" na creación contemporánea de Daugherty que, ademais, traerá sorpresa.

Director: Diego García Rodríguez
Presentador: Carlos Blanco
Restaurante: Abastos 2.0 (Santiago de Compostela)

Programa

    Edgard Varèse (1883-1965): Octandre
    Mauricio Kagel (1931-2008): Dix Marches pour rater la Victoire
    Alfred Schnitke (1934-1998): Serenade
    Michael Daugherty (1954): Dead Elvis

Fagot: Álex Salgueiroa

Mantendo o formato humor-música-gastronomía, o TAC pretende consolidar este proxecto na programación cultural da Cidade da Cultura de Santiago de Compostela, coa idea de desenvolver, nun curto espazo de tempo, unha actividade que sitúe esta cidade, esta institución e este ensemble no panorama internacional da música contemporánea.

Os Seráns do TAC é unha idea que implica a participación dunha boa parte do tecido cultural da nosa comunidade: estreas de obras de compositores galegos; actuación de solistas e intérpretes que desenvolven a súa actividade en Galicia; invitación a artistas internacionais para dirixir ou tocar obras dos nosos compositores e así ofrecerlles unha importante proxección exterior; colaboración con artistas doutros eidos (teatro, audiovisual, danza); colaboración con profesionais de mundos alleos á música (nova cociña, moda galegas).

Cada concerto estará presentado por importantes personalidades do mundo do teatro cun pequeno monólogo que establece pontes entre o humor e a música.

Tras o concerto, cinco importantes restaurantes ofreceranlles aos asistentes unha tapa de cociña contemporánea a partir de produtos da nosa xeografía, que favorecerá un momento de conversa así como de goce dos espazos que ofrece a Cidade da Cultura.

Intérpretes

Diego García Rodríguez, dirección

Luis Soto, frauta
David Villa, óboe
Saúl Canosa, clarinete
Álex Salgueiro, fagot
Alfredo Varela, trompa
Ramón Llatser, trompeta
Iago Ríos, trombón
Nicasio Gradaille, piano
J. Vicente Faus, percusións
James Dahlgren, violín
Michal Ryczel, violín
Nazaret Canosa, violín
Nicolay Velikov, violín
Ioana Ciobotaru, viola
Álvaro Marful, violonchelo
Carlos Méndez, contrabaixo
Alfonso Morán, contrabaixo

Solistas invitados:
Álex Salgueiro, fagot
Carmen Gurriarán, soprano
J. Miquel Ramón, barítono

Director invitado:
Paul Daniel

O Taller Atlántico Contemporáneo presenta a segunda edición dos Seráns do TAC na Cidade da Cultura de Galicia. Mantendo o formato humor-música-gastronomía, o TAC pretende consolidar este proxecto na programación cultural da Cidade da Cultura de Santiago de Compostela, coa idea de desenvolver, nun curto espazo de tempo, unha actividade que sitúe esta cidade, esta institución e este ensemble no panorama internacional da música contemporánea.

A figura de Arnold Schönberg dende dúas perspectivas. O Schönberg compositor visto a través dunha obra inspirada no mundo do cabaré berlinés e o Schönberg transcritor visto polo arranxo que fixo deste ciclo de cancións para voz e orquestra de Gustav Mahler. A voz será protagonista.

Cando celebramos os cen anos dunha obra cumio da creación do século XX (Pierrot Lunaire), parécenos oportuno levala ao atril para comprobar que aínda hoxe non deixa indiferente a ninguén. Combinado cos Lieder eines fahrenden Gesellen este Serán transportaranos aos primeiros anos do século XX,  nos que se forxaron algunhas das revolucións musicais máis importantes da historia da música.

Director: Diego García Rodríguez
Presentador: Julián Hernández
Restaurante: Pepe Solla (Poio, Pontevedra)

PROGRAMA

Arnold Schoenberg (1874-1951): Pierrot Lunaire (tres veces sete poemas de Pierrot Lunaire, de Albert Giraud)
    Soprano: Carmén Gurriarán

Gustav Mahler (1860-1911): Lieder eines fahrenden Gesellen (cancións dun compañeiro de viaxe)
    Barítono: Josep Miquel Ramón

Os Seráns do TAC é unha idea que implica a participación dunha boa parte do tecido cultural da nosa comunidade: estreas de obras de compositores galegos; actuación de solistas e intérpretes que desenvolven a súa actividade en Galicia; invitación a artistas internacionais para dirixir ou tocar obras dos nosos compositores e así ofrecerlles unha importante proxección exterior; colaboración con artistas doutros eidos (teatro, audiovisual, danza); colaboración con profesionais de mundos alleos á música (nova cociña, moda galegas).

Cada concerto estará presentado por importantes personalidades do mundo do teatro cun pequeno monólogo que establece pontes entre o humor e a música.

Tras o concerto, cinco importantes restaurantes ofreceranlles aos asistentes unha tapa de cociña contemporánea a partir de produtos da nosa xeografía, que favorecerá un momento de conversa así como de goce dos espazos que ofrece a Cidade da Cultura.

A artista islandesa Björk, unha das máximas referencias da música contemporánea dos últimos 20 anos, actuará na Cidade da Cultura dentro da xira de presentación do seu novo disco 'Biophilia', que a levará polas principais cidades do mundo.

Cunha traxectoria impecable, poucos artistas poden presumir dunha carreira tan brillante como transgresora. Falar de Björk é falar de talento, dunha artista cun afán creativo desbordante. A súa persoal voz, o seu carisma e unha personalidade asoballante levárona a vender máis de 15 millóns de discos e a atesourar unha inmensa lexión de fans en todo o mundo. Igual que para definir sensacións extremas, os adxectivos remátanse para acoutar o perfil da islandesa máis universal, auténtica musa da música contemporánea. Ela foi a precursora en demostrar que do xeo podían emanar emocións.

Björk Guðmundsdóttir (Reykjavik, Islandia 1966) pertence a esa rara avis de artistas que supuxeron un punto de referencia para compositores dos máis variados estilos. Durante toda a súa traxectoria, cada paso seu revolucionou o mapa sonoro do momento.

A diva islandesa é unha artista absolutamente única, audaz e necesaria. Un dos nomes clave para entender a evolución do pop e a música electrónica. Co seu novo traballo, "Biophilia", a islandesa máis universal volve dar renda solta á emotividade que despregou nas súas mellores obras e renova todas as formas de crear e consumir música.

Durante 2012 percorrerá o mundo nunha ambiciosa xira que supoñerá toda unha experiencia sensorial e que a levará polos escenarios máis importantes do planeta.

A música conéctanos coas emocións, alívianos, prodúcenos pracer, sérvenos como alento, alimenta a nosa capacidade de imaxinación e é unha linguaxe universal que transcende fronteiras.

Na Cidade de la Cultura animamos a emocionarnos, a gozar e a imaxinar xuntos, achegando a música á sociedade como linguaxe de entendemento universal, internándonos nun crisol de harmonías, melodías e ritmos onde se funden a música clásica, o jazz, o blues, o folk, o pop, o rock, a vangarda, a experimentación...

A música únenos na Cidade da Cultura.

A praza exterior da Cidade da Cultura convértese no escenario perfecto para gozar ao caer a tarde con espectáculos de pequeno formato no que se mesturan os máis diversos estilos musicais coa poesía e as propostas máis vangardistas no eido da videocreación en directo.

Música clásica, tradicional, pop, rock, jazz, flamenco, electrónica, funk, recitais… Un total de 27 actuacións que convidan ao relax, nunha atmosfera hipnótica como é o máxico momento do luscofusco.

O pop do ex Piratas, Fon Román; o rock das catalanas Santa Rita ou o folk rock do dúo coruñés Escuchando Elefantes desfilarán por esta segunda edición de Atardecer no Gaiás, no que tamén se darán cita o jazz de 2uS, a musicalización de poemas galegos que fai Xardín Desordenado, o repertorio popular do colectivo galego AVO (Atlantica Vapora Orquestra), o estilo folk electro-acústico da estadounidense Simone White  e os Atardeceres temáticos da Orquestra de Cámara Galega.

Consulta o programa completo aquí

Este ano 2012 cúmprense 100 anos do nacemento do compositor norteamericano John Cage, unha das figuras máis importantes e influentes na cultura do século XX e, posiblemente tamén, unha das figuras menos comprendidas. O TAC quere pechar este segundo ciclo de Seráns cun gran circo musical galego na Cidade da Cultura.

PROGRAMA

Director: Diego García Rodríguez
Presentador: Diego García / Nicasio Grandaille
Restaurante: Eirado da Leña (Pontevedra)

O Musicircus é un evento multidisciplinar de actuacións independentes de xeito simultáneo, presentado normalmente en espazos non habituais de concertos. Cage quixo plasmar en música as súas ideas sobre a anarquía. O Musicircus é unha obra anti-autoritaria, ata tal medida que non escribiu partitura. Non está nada prescrito sobre que participantes poden tomar parte, nin sobre a duración, nin coordinación nin a dirección. Non hai un centro (evento) dominante. No Musicircus non hai xerarquías. É unha invitación sen directrices: músicos de calquera ámbito son convidados a ocupar un certo espazo durante un certo tempo. O público terá a oportunidade de situar a súa atención ben nun evento individual ou ben na globalidade (ou en calquera punto intermedio).

O primeiro Musicircus foi organizado polo propio Cage en 1967 na Universidade de Illinois, nun espazo dedicado á exposición de gando. Dende entón foi utilizada en moitas ocasións para celebrar concertos retrospectivos da súa música. O TAC quere abrir unha convocatoria a través de internet para invitar a todos os músicos interesados a participar e facer unha festa musical na Cidade da Cultura.

A  Cidade da Cultura presenta en exclusiva a estrea de 'Miniaturas de Eugenio Granell. Música revelada', concerto no que por primeira vez se lle pon música a unhas duascentas anotacións musicais realizadas por Granell e ata o de agora nunca divulgadas.

Baixo a dirección do mestre cubano Alejandro Vargas, o público poderá gozar con melodías únicas inspiradas en formas populares da música galega, así como ideas musicais propias do universo do xenio surrealista.

O concerto na Cidade da Cultura constitúe a presentación ao público dun proxecto levado a cabo por aCentral Folque, o Centro Galego de Música Popular, A Fundación Granell e a Cidade da Cultura que inclúe un disco, un libro coa transcrición das partituras e un estudo crítico da dimensión musical de Eugenio Granell.

Elenco artístico:
- Alejandro Vargas (dirección, arranxos e piano)
- José Manuel Díaz (contrabaixo)
- LAR Legido (batería)
- Mónica de Nut (voz)
- Edelmiro Fernández (gaita)
- Germán Díaz (zanfona)
- María José Pampano (viola)

O Nadal arranca no Gaiás cunha actuación moi especial do grupo Berrogüetto. A banda ofrecerá a oportunidade de gozar dunha actuación única, onde os asistentes descubrirán os segredos de cada instrumento e achegaranse un pouco máis ao que hai detrás dunha actuación musical.

Pais e nenos aprenderán xuntos o funcionamento da zanfona, do violín ou do acordeón ao ritmo dunha das mellores bandas de folk galego nunha experiencia musical didáctica sen precedentes. Unha oportunidade única de coñecer como traballan os músicos e a mellor forma, sen dúbida, de comezar as vacacións de Nadal.

Lugar: Centro de innovación Cultural (CINC)

A Cidade da Cultura poralle banda sonora ao Nadal ao contar coa presenza das bandas pop-indie máis destacadas do momento. Cun repertorio adaptado a un formato máis íntimo, Cancións por regalos ofrecerá unha actuación moi especial na que o prezo da entrada será un regalo.

Tras o paso de grupos como Menhai, La Familia, Jane Joyd, Alondra Bentley ou Abraham Boba, os máis pequenos terán por segundo ano consecutivo a oportunidade de descubrir a música alternativa en compañía dos seus pais. Unha iniciativa redonda na que todos gañan,  xa que mentres ti levas para casa unhas cantas cancións para o recordo, aqueles que máis o necesiten terán unha sorpresa o Día de Reis: o regalo que ti elixas como entrada.

Un programa formativo a cargo de oito artistas internacionais, charlas, obradoiros e debates, jam session e concerto no Museo de Galicia. Esta é a oferta da segunda edición de Galician Connection, un laboratorio de música, pensamento  e difusion dirixido por unha das nosas figuras máis internacionais: Cristina Pato. Serán catro xornadas onde, ao redor da música, terán lugar actividades e accións relacionadas coa formación, a colaboración, o pensamento e a difusión da experiencia cultural  dos participantes en Galician Connection.

O Galician Connection 2013 contará coa presenza do saxofonista e frautista recoñecido recentemente como mellor artista de Jazz europeo, Jorge Pardo; Wu Tong, considerado unha das figuras máis importantes da música tradicional chinesa; o compositor e pianista de jazz cubano Omar Sosa; o violinista e emprendedor americano residente en Afganistán William Harvey; o percusionista e especialista en músicas tradicionais Eliseo Parra; o acordeonista de jazz galego residente nos Estados Unidos Víctor Prieto; a cellista e cantante galega Rosa Cedrón e o percusionista galego Isaac Palacín.

Programa formativo exclusivo
Galician Connection ofrece un innovador programa con foros de debate, asistencia a ensaios e clases prácticas e encontros "cara a cara" nos que os asistentes poderán compartir experiencias directas cos artistas convidados.

Foro de Emprendemento Cultural
Xunto o programa formativo, o Galician Connection celebrará un Foro de emprendemento cultural con catro exemplos de proxectos a cargo dos seus responsables: Laura Freid, directora executiva do Silk Road Project e impulsora do Cultural Entrepreneurship Challenge da Harvard University; o músico e fundador da Afghan Youth Orchestra William Harvey; un dos fundadores da empresa Piranha Musik, responsable e fundador do Feira Internacional Womex; e Joaquín Martínez, director de Esmerarte Servicios Artísticos; unha das empresas galegas con alta actividade cultural.

Concerto
As experiencias de Galician Connection abriranse cara o público cun gran concerto, o sábado 20 de abril, a cargo dos músicos convidados, que interpretarán os resultados de tres días de experimentación e colaboración.

Jam Session
Como novidade desta segunda edición, aberta ao público e de balde, os participantes poderán ser os protagonistas durante a última xornada, o domingo 21 de abril, dunha jam session na que demostrar non só o talento e os coñecementos adquiridos ao longo das últimas tres xornadas, senón interactuar con outros músicos e establecer sinerxías que poidan desembocar en futuros proxectos musicais.

Máis info aquí

Jorge Pardo, Wu Tong, Omar Sosa, William Harvey, Eliseo Parra, Víctor Prieto, Rosa Cedrón, Isaac Palacín e Cristina Pato reunidos por primeira vez nun mesmo escenario. O Museo Centro Gaiás acolle o sábado 20 de abril un exclusivo concerto con estes nove grandes mestres da música e un repertorio que aglutina o mellor das tradicións musicais de Galicia, España, Cuba, EEUU ou Afganistán.

O Galician Connection Festival é unha produción de Nordesía dirixido por Cristina Pato que contará coa presenza do saxofonista e frautista recoñecido recentemente como mellor artista de Jazz europeo, Jorge Pardo; Wu Tong, considerado unha das figuras máis importantes da música tradicional chinesa; o compositor e pianista de jazz cubano Omar Sosa; o violinista e emprendedor americano residente en Afganistán William Harvey; o percusionista e especialista en músicas tradicionais Eliseo Parra; o acordeonista de jazz galego residente nos Estados Unidos Víctor Prieto; a cellista e cantante galega Rosa Cedrón e o percusionista galego Isaac Palacín.

As experiencias de Galician Connection abriranse cara ao público cun gran concerto, o sábado 20 de abril ás 21:00h no Museo Centro Gaiás, a cargo dos músicos invitados, que interpretarán os resultados de tres días de experimentación e colaboración.

+ info e inscricións: www.cidadedacultura.org

Cancións iemenís con sabor napolitano nunha deliciosa homenaxe á cultura mediterránea.  A voz inigualable de Noa envolverá o Museo Centro Gaiás en compañía do cuarteto de cordas napolitano Solis String Quartet que estrearán o ciclo Pel de galiña cun repertorio no que novas composicións se combinarán cos grandes temas da artista israelí.

Posuidora dunha voz única, Noa (Tel-Aviv, 1969) soubo combinar as súas raíces iemeníes con influencias dos cantautores dos 60 como Paul Simon, Joni Mitchell ou Leonard Cohen. Un son que se convertiría en único coa incorporación de Gil Dor, compañeiro e colaborador ao longo da súa carreira, que aportaría os seus antecedentes musicais no campo do jazz, a música clásica e o rock.

Cunha carreira brillante e internacionalmente recoñecida, Noa comezou en 2003 a colaborar con Solis String Quartet, dando lugar a un espectáculo no que a inédita fusión de instrumentos e estilos amosa o mellor de Noa, sacando á luz a súa gran variedade de rexistros.

O canto de Noa enriquécese cunha nova paleta de cores e sentimentos e as súas cancións, arranxadas para corda por Gil Dor e o Solis String Quartet, soan vibrantes e emocionantes: sons napolitanos cun toque israelí que constitúe unha viaxe marabillosa polo Mediterráneo.

O Museo Centro Gaiás converterase durante cinco noites nun escenario aberto á fusión, ritmos suxerentes, voces poderosas e cálidas e sons únicos baixo unha premisa: ofrecerlles aos espectadores música que emociona. Será a través do ciclo 'Pel de galiña', cinco actuacións que van directas á pel, que trascenden de estilos e xéneros, música que podería definirse coas emocións que transmite.

Noa & Solis String Quartet, Silvia Pérez Cruz & Javier Colina Trío, Gabriela Montero, Uxía e Gregory Porter serán os responsables de subir ao escenario e ofrecer cinco concertos pensados para saborear sen présas, para deixarse levar con cada acorde, con cada nota. Un cartel marcado pola diversidade de estilos pero unidos por un denominador común: facer do Museo Centro Gaiás un lugar onde gozar da música cos cinco sentidos.

Este verán, tes unha oportunidade única de mirar ao ceo e descubrir a súa maxia agochada polas luces de neón. Durante os meses de xullo, agosto e setembro, non perdas de vir ás sesións de observación nos espazos exteriores do Gaiás. Canto hai que non ves as estrelas?

Os espazos exteriores do Gaiás acollerán as sesións de observación guiadas por expertos onde aprendermos a identificar constelacións co planisferio; e contemplaremos planetas, estrelas dobres, nebulosas, galaxias ou a lúa facendo uso de telescopios. Coa axuda dos profesores do Observatorio Ramón María Aller, que nos facilitarán información sobre os obxectos a observar, datos científicos, mitoloxía, anécdotas, etc, viviremos unhas horas máxicas nas que gozar das noites de verán e interpretar o universo desde un lugar emblemático.

Datas e horarios

Xullo: 1, 8, 22, 29 (de 23 h a 01 h)
Agosto. 5, 12 , 19 e 26 (de 22.30 h a 00.30 h)
Setembro: 2, 9 (de 22.30 h a 00.30 h)

Reserva: http://www.cidadedacultura.org/reservas/verFichaActividad.aspx?id=7

Bailaríns, trapecistas, actores, magos, contacontos, todo un “exército” de artistas converterá a Cidade da Cultura este sábado nun grande escenario efervescente dedicado ás artes escénicas: o festival “A Cidade Imaxinaria”.

Desde as once da mañá ata a noite sucederanse máis de vinte espectáculos dirixidos a toda a familia. Da man de artistas e compañías galegas, e doutras procedencias, producións de danza, pequenas pezas de teatro, números de circo, actuacións de maxia, de monicreques, de malabaristas, espallaranse pola praza, soportais e interiores da Biblioteca e do Arquivo convertendo o Gaiás durante un día nunha explosión de creatividade e imaxinación.

Será unha xornada para deixarse abraiar, pero tamén para participar, con obradoiros  para nenos e para adultos, nos que aprenderán a facer máscaras ou trucos de maxia e, como colofón de “A Cidade Imaxinaria”, un grande espectáculo sorpresa na praza.

Todas as actividades son de balde. Os tickets para participar nos eventos con ticket retiraranse no mesmo día do Festival, no mostrador da Biblioteca de Galicia, dende as 10.30h para as actividades que teñan lugar pola mañana, y dende as 15.30h para as actividades que teñan lugar pola tarde. Permitirase a retirada dun máximo de dous tickets por persoa.

maxia
GROSS COLLECTION
Unha biblioteca de 12 metros, cun fondo de 576 caixas negras, cada unha delas cun truco, dispoñibles para ser elixidos polo público e ser interpretados por un mago. Trucos de adiviñación, ilusións ópticas, destreza, etc.

O MAGO AUTÓMATA
Unha representación moderna dos autómatas clásicos do século XVIII, un autómata mecánico que incorpora unha pantalla de vídeo no seu corpo e interactúa con el, amosando unha serie de efectos máxicos de gran beleza plástica.

MAXIA DE PRETO: NANOMAXIAS
Asombrarse e divertirse coas historias máxicas e surrealistas do Mundial de Fútbol, os caníbales do Amazonas ou a viaxe á Lúa do capitán Fernández. Un mundo de prodixios, como cartas que cambian de cor, buratos viaxeiros ou moedas que desaparecen e reaparecen.

artes escénicas
SOBRE RODAS: VIOLETA
Un espectáculo de monicreques para acompañar a Violeta nas súas aventuras a medida que crece; unha viaxe por un mundo cheo de seres fantásticos e animais estraños no que irá atopando respostas a todas as súas preguntas.

POEMAS VISUAIS
Un actor-músico, que encarna a un poeta, leva unha maleta chea de letras de espuma e empeza a xogar cos seus sons e formas, descubrindo que a partir das letras se pode crear poesía sen necesidade de construír palabras.

TRAMPOLINE MISSION 3
Tres artistas de circo ofrecen unha combinación de malabarismo e acrobacias sorprendentes sobre un maxi-trampolín. Co lema “The sky is the limit”,
parecen desafiar as leis da gravidade, con cabriolas e voando como se fosen paxaros.

SAPIENS, SAPIENS, SAPIENS
Historia dramática contada cos recursos cómicos do clown, o teatro físico e a proxección audiovisual. A Corporación Perrins fixo un descubrimento na evolución do ser humano: o home sapiens sapiens sapiens, froito dun experimento con cobaias humanas.

M.O.B
A compañía francesa Transe-Express trae un espectáculo de “arte celeste”, actuando a 30 metros do chan. A actuación comeza cun espectáculo musical itinerante, cun “exército” de tambores fantásticos, e remata con varios personaxes voando, colgados dunha estrutura aérea en movemento. Unha fusión de teatro, música e circo nunha aventura botánica, nun mundo de fantasías vexetais.

“VARIETÉS”
“Varietés” é un espectáculo de marionetas circense e cabareteiro que homenaxea os artistas de rúa. Unha obra que recorda os circos ambulantes, os seus emocionantes trucos, cargados de humor e de interacción co público.

danza
DESORDANCES_5
Montaxe da compañía Dancetheatre de Dani Panullo, que bautizan como “danza enfurecida”, e que fala da necesidade de sentirse aceptado, da loita nas cidades, da superación, do engano da xuventude... Coa música de dj Zeta.

arte na rúa
FEIRA DOS INVENTOS
Ambientada na época do modernismo, transmítelle ao público a esencia dunha época que, polos seus descubrimentos, viaxes e inventos, non deixou de abraiar o mundo. Prodixios, máquinas e avances científicos incomprensibles e fantásticos.

T-TRIS ANALÓXICO
Un divertido taboleiro que permite xogar ao popular Tetris dun modo físico. O famoso videoxogo creado polo soviético Alekséi Pázhitnov baseouse nun xogo analóxico, o Pentaminó. Nesta actividade o Tetris volve á súa orixe.

OS PIRATAS: The Little history
O capitán Morgan, canda a súa tripulación, Natacha Polvorilla e Simón Patastilla, arriban a un novo porto. Teñen o mapa dun tesouro. Mais deben recrutar novos grumetes para esta viaxe da Compañía Sin Fin.

audiovisual
KARROART
Karroart é un pequeno carromato onde se suceden tres historias contadas a través da arte milenaria das sombras chinesas, historias transmitidas de xeración en xeración.

CAIXIÑA DOS MISTOS
Unha caravana cunha pequena sala de cinema onde se proxectan pezas audiovisuais de entre 10 e 20 minutos. Os espectadores elixen e puntúan as curtametraxes dunha listaxe. Ademais, haberá obradoiros audiovisuais para os nenos.

talleres
TALLER DE MAXIA
O Mago Vituco imparte un taller para os rapaces que se queiran introducir nos segredos da maxia, con elementos cotiáns como mistos, imperdibles ou cartolinas que nas mans adquiren propiedades máxicas.

EU SON UN ECODETECTIVE
Os participantes transfórmanse en detectives para investigar os mellores xeitos de aforrar enerxía nos fogares ou como cultivar una horta, ademais de familiarizarse con conceptos como o efecto invernadoiro ou os animais en extinción.

ACTING E COMPOSICIÓN COREOGRÁFICA
Superar o medo escénico, enfrontarse ao público, obter seguridade e crear as nosas propias coreografías. Son os obxectivos destes dous talleres sobre o mundo escénico, un deles orientado a profesionais e impartido por un integrante de
Mayumana.

PROGRAMA

11:00 /11:30 h.
KARROART / CAIXIÑA DOS MISTOS / SOBRE RODAS: VIOLETA / FEIRA DOS INVENTOS / T-TRIS ANALÓXICO / GROSS COLLECTION / O MAGO AUTÓMATA / TALLER DE MAXIA / EU SON UN ECODETECTIVE

11:30/12:00 h.
KARROART / CAIXIÑA DOS MISTOS / SOBRE RODAS: VIOLETA / POEMAS VISUAIS / FEIRA DOS INVENTOS / T-TRIS ANALÓXICO / GROSS COLLECTION / TALLER DE MAXIA / EU SON UN ECODETECTIVE

12:00/12:30 h.
KARROART / CAIXIÑA DOS MISTOS / TRAMPOLINE MISSION 3 / POEMAS VISUAIS / FEIRA DOS INVENTOS / T-TRIS ANALÓXICO / GROSS COLLECTION / O MAGO AUTÓMATA / MAXIA DE PRETO / EU SON UN ECODETECTIVE

12:30/13:00 h.
DESORDANCES_5 / KARROART / CAIXIÑA DOS MISTOS / FEIRA DOS INVENTOS / T-TRIS ANALÓXICO / GROSS COLLECTION / MAXIA DE PRETO

13:00/13:30 h.
DESORDANCES_5 / KARROART / CAIXIÑA DOS MISTOS / FEIRA DOS INVENTOS / T-TRIS ANALÓXICO / GROSS COLLECTION / SAPIENS, SAPIENS... / POEMAS VISUAIS / TALLER DE MAXIA / EU SON UN ECODETECTIVE

13:30 /14:00 h.
KARROART / CAIXIÑA DOS MISTOS / OS PIRATAS / FEIRA DOS INVENTOS / T-TRIS ANALÓXICO / GROSS COLLECTION / SAPIENS, SAPIENS... / POEMAS VISUAIS / TALLER DE MAXIA / EU SON UN ECODETECTIVE

14:00/14:30 h.
CAIXIÑA DOS MISTOS / OS PIRATAS / FEIRA DOS INVENTOS / T-TRIS ANALÓXICO / GROSS COLLECTION / EU SON UN ECODETECTIVE

16:00/16:30 h.
CAIXIÑA DOS MISTOS / FEIRA DOS INVENTOS / T-TRIS ANALÓXICO / GROSS COLLECTION

16:30/17:00 h.
CAIXIÑA DOS MISTOS / FEIRA DOS INVENTOS / T-TRIS ANALÓXICO / GROSS COLLECTION / MAXIA DE PRETO

17:00/17:30h.
KARROART / CAIXIÑA DOS MISTOS / SOBRE RODAS: VIOLETA / T-TRIS ANALÓXICO / FEIRA DOS INVENTOS / O MAGO AUTÓMATA / GROSS COLLECTION / MAXIA DE PRETO / ACTING E COMPOSICIÓN COREOGRÁFICA

17:30/18:00 h.
KARROART / CAIXIÑA DOS MISTOS / SOBRE RODAS: VIOLETA / T-TRIS ANALÓXICO / FEIRA DOS INVENTOS / GROSS COLLECTION / ACTING E COMPOSICIÓN COREOGRÁFICA

18:00/18:30 h.
DESORDANCES_5 / KARROART / CAIXIÑA DOS MISTOS / T-TRIS ANALÓXICO / FEIRA DOS INVENTOS / O MAGO AUTÓMATA / GROSS COLLECTION / ACTING E COMPOSICIÓN COREOGRÁFICA / “VARIETÉS”

18:30/19:00 h
DESORDANCES_5 / KARROART / CAIXIÑA DOS MISTOS / T-TRIS ANALÓXICO / FEIRA DOS INVENTOS / GROSS COLLECTION / MAXIA DE PRETO / ACTING E COMPOSICIÓN COREOGRÁFICA / “VARIETÉS”

19:00/19:30 h.
KARROART / CAIXIÑA DOS MISTOS / OS PIRATAS / T-TRIS ANALÓXICO / FEIRA DOS INVENTOS / SAPIENS, SAPIENS... / MAXIA DE PRETO / GROSS COLLECTION

**19:30/20:00 h.
KARROART / CAIXIÑA DOS MISTOS / OS PIRATAS / T-TRIS ANALÓXICO / FEIRA DOS INVENTOS / SAPIENS, SAPIENS... / “VARIETÉS” / GROSS COLLECTION / ACTING E COMPOSICIÓN COREOGRÁFICA

**20:00/20:30 h.
CAIXIÑA DOS MISTOS / T-TRIS ANALÓXICO / FEIRA DOS INVENTOS / GROSS COLLECTION / ACTING E COMPOSICIÓN COREOGRÁFICA / “VARIETÉS”

**20:30/21:00 h.
CAIXIÑA DOS MISTOS / TRAMPOLINE MISSION 3 / ACTING E COMPOSICIÓN COREOGRÁFICA

**21:00/21:30 h.
ACTING E COMPOSICIÓN COREOGRÁFICA

**21:30/22:30 h.
M.O.B
COMPAÑÍA
TRANSE-EXPRESS

+info en: http://www.cidadedacultura.org

A Cidade da Cultura ábrelles as súas portas aos creadores novos nacionais e internacionais para manter un diálogo sobre a arte contemporánea. Do 4 ao 9 de setembro, acollerá o “I Encontro de Artistas Novos”, converténdose nun espazo de convivencia e intercambio de experiencias, onde os participantes entrarán en contacto con artistas consolidados, directores de museos ou comisarios de exposicións e coñecerán as infraestruturas culturais galegas dedicadas á creación contemporánea.

En total ofértanse 100 prazas. A organización correrá cos gastos de inscrición, aloxamento -en réxime de pensión completa no Monte do Gozo-, transporte diario entre o Monte do Gozo e o Gaiás, e viaxes para visitar outros centros culturais. A convocatoria ábrese a artistas de 18 a 35 anos, galegos, do resto de España e do estranxeiro. Os seleccionados participarán en conferencias, obradoiros e visitas a centros culturais como o CGAC ou o Marco de Vigo. Organizarase, ademais, “Foro Aberto”, unha iniciativa na que 30 creadores terán a oportunidade de expoñer os seus proxectos.

Dirixido por Rafael Doctor Roncero, ex director do Musac e comisario independente, o encontro contará con artistas como Pierre Gonnord, Cristina Lucas, Ana Soler, Antonio Ballester, Carles Congost, Daniel Canogar, Victoria Diehl, Ruben Ramos Balsa, Fernando Sánchez Castillo, José Luis Serzo e Suso Fandiño. Xunto a eles, estarán directores de museos, como Miguel von Haffe, responsable do CGAC, ou Iñaki Martínez Antelo, do MARCO de Vigo.

Programa e bases da convocatoria: www.cidadedacultura.org/programacultural

O I FIEC, que leva por título ‘Infraestruturas e Espazos Culturais: Sustentabilidade e Retos de Futuro’, congrega durante tres xornadas a diversos especialistas e representantes de institucións internacionais como MoMA ou Barbican que darán boa mostra da consideración da cultura como ferramenta de desenvolvemento social.

O programa de conferencias poderá ser seguido a través da páxina www.fiec-cidadedacultura.org

A Cidade da Cultura de Galicia, dentro das súas actividades de Literatura e Pensamento, pon en marcha o Laboratorio de Pensamento Breve, unha serie de encontros nos que, da man de expertos, exploraremos o valor da brevidade en campos como a Arte, a Filosofía, a Ciencia ou a Socioloxía.

Aforismos que cristalizaron a erudición de grandes filósofos, xéneros poéticos mínimos como os haikus, fórmulas de expresión traídas da man da publicidade ou das novas tecnoloxías, como o eslogan ou o tweet, serán algunhas das vías polas que transitará este Laboratorio.

Máis info: http://www.cidadedacultura.org/cultural/seccion.aspx?Id=118

Que pode aportarlle o mundo da cultura ao da empresa? Publicidade, innovación, imaxe. E o mundo da empresa ao da cultura? Capacidade de xestión, financiamento, estabilidade. Nun momento especialmente difícil, o fomento da economía creativa –unión dos mundos da empresa, a cultura, as TICs, a innovación, a creatividade e o emprendemento- preséntase como unha das mellores fórmula de éxito.

O Encontro Internacional Economía e Cultura analizará tres posibles vías coas que establecer esta alianza empresa-cultura: financiamento, deseño e innovación.

**Financiamento

    CROWFUNDING
    Proxectos como Dona Gustet darán as claves do financiamento colectivo, unha das máis novidosas vías para lograr recursos a través dunha rede de persoas/entidades.

    MECENADO
    De total actualidade pola lei que promove o Goberno central para consolidar o modelo das doazóns, a firma Cuatrecasas explicará a situación actual tomando como referencia o caso brasileiro.

    PATROCINIO
    A Royal Academy os Arts mostra novas formas de patrocinio coas que as empresas reciben beneficios como a cesión de espazos, descontos ou presenza en medios.

**Deseño

    IMAXE DIFERENCIADORA
    Deseñadores como Uqui Permui amosarán como a creación dunha imaxe potente favorece a apertura dun produto ou firma a novos públicos e mercados.

    CREATIVIDADE
    Dende Suecia, a firma Tillt defende a implicación de artistas e creadores no proceso produtivo para lograr produtos máis atraíntes, algo que xa fan firmas como Volvo.

    ORIXINALIDADE
    Plan B ensinará como o deseño, combinado con frescura e orixinalidade, contribúe a facer máis atractivo –e polo tanto vendible- un produto.

**Innovación e busca de novos escenarios

    COWORKING
    Utopic-Us ou CIB Bilbao son dúas mostras de que o fomento do traballo conxunto de profesionais de diferentes disciplinas é clave á hora de sacar novos proxectos.

    REDES SOCIAIS DE IDEAS
    A tecnoloxía, unida á empresa e á cultura dá lugar a novas vías de negocio como Ideas4all: web onde compartir ideas, problemas e solucións de todo tipo.

PROGRAMA COMPLETO: www.cidadedacultura.org/ficheros/ritadelrio/Adjuntos/EEC_programa_esp_v3.pdf

Inscrición

Aforo: 75 prazas
Prezo: 70 euros
Inscrición: Solicitude online

+ Info:
Tel. +34 881 99 75 65
Fax. +34 881 99 75 77

www.cidadedacultura.org

Un programa formativo a cargo de seis mestres da World Music, charlas e debates e un concerto de clausura no Museo de Galicia. Esta é a oferta de Galician Connection, tres xornadas dedicadas ás músicas do mundo baixo a dirección artística de Cristina Pato e coa participación especial do recoñecido músico cubano Paquito D’Rivera. 

Compartindo experiencias ao longo destas tres xornadas estará un dos máximos expoñentes da cultura tradicional China e posuidor de varios Grammys, Wu Tong; o mestre de táboa india Sandeep Das; unha das figuras máis influíntes dentro do ‘tango-jazz’, o arxentino Emilio Solla; o percusionista e director da 'The World Orchestra', o valenciano Josep Vicent; ademais do músico, arranxista e compositor de jazz cubano Paquito D’Rivera. Pola súa banda, un dos fundadores de Berrogüeto, Anxo Pintos, e a que foi a súa voz durante máis dunha década, Guadi Galego, serán os encargados de representar a tradición galega.
Programa formativo exclusivo

Dirixido preferentemente a profesionais do sector musical, Galician Connection ofrece un programa de formación exclusivo impartido por estes seis mestres da música, que  inclúe foros de debate ao redor da World Music, asistencia a ensaios e clases prácticas e encontros "cara a cara", ademais dunha sesión especial con Paquito D’Rivera.
Foro de debate

A World Music tamén será abordada desde o punto de vista da programación e a busca de novos mercados a través do Foro Diálogo Intercultural e Desenvolvemento Cultural Sostible, que contará coa presenza de responsables de festivais como o APAP de Nova York, o Festival Internacional de Jazz de Barcelona ou o HUM Ensemble da India.

O Museo de Galicia acollerá o concerto de clausura a cargo dos seis músicos convidados, que interpretarán pezas de cada unha das tradicións culturais que representan.

Consulta o programa completo: aquí

A Cidade da Cultura de Galicia celebra a segunda edición do ENCONTRO DE ARTISTAS NOVOS «CIDADE DA CULTURA» que terá lugar entre os días 9 e 14 de setembro. A Cidade da Cultura de Galicia volverá converterse en escenario de intercambio onde reflexionar sobre aspectos esenciais da creación artística contemporánea, e aqueloutros máis concretos e relacionados coa construción dunha obra e a súa proxección no mundo real.

Obxectivos

- A convivencia entre artistas novos galegos e os procedentes doutros lugares.
- Debater sobre a situación actual da Arte Contemporánea.
- Proporcionar un espazo de encontro e intercambio de coñecementos e ideas entre artistas e outros axentes culturais (comisarios, críticos, etc).
- Darlles a coñecer aos seus participantes as principais infraestruturas do territorio galego dedicadas á arte contemporánea.

Para a consecución destes obxectivos, o programa de seis xornadas incluirá:

* Percorridos: Realizaranse visitas ás principais institucións galegas centradas na promoción da arte contemporánea. A Cidade da Cultura de Galicia, o CGAC~Centro Galego de Arte Contemporánea, MARCO~Museo de Arte Contemporánea de Vigo, e MACUF~Museo de Arte Contemporáneo Unión Fenosa Gas Natural, abren as súas portas para mostrar a súa actividade recente.

* O Autor e a súa Obra: A través dunha serie de conferencias impartidas por artistas de recoñecido prestixio nos circuítos nacionais e internacionais da arte contemporánea, o participante poderá entrar en contacto con outras traxectorias e procesos de produción artística.

* Foro Aberto: Todos os participantes realizarán unha presentación pública centrada no seu traballo e proxecto creativo persoal.

Como punto de encontro, e entendendo que é necesario establecer redes de intercambio entre os novos artistas e mais os axentes do sector, coa fin de estimular a colaboración mutua, esta segunda edición incorpora unha nova figura: os «Art Followers»: David Barro, Javier Díaz Guardiola, Guillermo Espinosa, Laura López Marín, Tania Pardo, Sergio Rubira, e Manuel Segade, son os críticos ou comisarios que agora actuarán como observadores.

Consulta aquí o programa completo

A relación entre os museos e as novas tecnoloxías será abordado do 7 ao 9 de novembro na Cidade da Cultura de Galicia no marco do II Foro Internacional de Espazos para a Cultura (FIEC) no que se darán cita destacados profesionais independentes e de centros internacionais e nacionais como a Tate Modern, The British Museum, o Museo Thyssen-Bornamisza ou o MACBA-Museu D’Art Contemporani de Barcelona. Baixo o título A Araña na rede, a consellería de Cultura, Educación e Ordenación Universitaria busca con esta segunda edición do FIEC analizar as estratexias postas en marchas por diferentes institucións para achegar a oferta artística a un maior número de xente, convertendo aos museos en verdadeiros motores dunha oferta cultura que incluso reactive o sector turístico.

O FIEC volve ao Gaiás tras o éxito da súa primeira edición na que representantes das principais institucións culturais no mundo como o MoMA de Nova York, o IRCAM-Pompidou de París o Barbican Centre de Londres ou a Biblioteca de Alexandría, entre outros, analizaron durante tres xornadas o papel das infraestruturas culturais como factores de desenvolvemento económico, como polos para atraer proxectos empresariais ou como plataformas para a proxección da imaxe dunha comunidade no exterior. Con este foro, a Cidade da Cultura abre un espazo onde as infraestruturas culturais poderán cuestionarse e intercambiar estratexias para afrontar os novos retos derivados dun tempo cambiante.

O programa contará coa presenza de representantes de destacadas institucións culturais que, ademais do seu patrimonio cultural, destacan pola optimización das novas tecnoloxías no seu día a día. Museos e Novas Tecnoloxías será a conferencia inaugural deste II FIEC, que estará a cargo de Jasper Visser, fundador de The Museum of the Future, profesional de primeiro nivel que leva anos prestando asesoramento ou desenvolvendo estratexias dixitais para importantes institucións culturais como Museum of National History en Holada, o Qatar Museum Authority de Doha ou o Duthc Centre for International Cultural Activities de Amsterdam.
Xunto a el estarán representantes de destacadas entidades internacionais como Marc Sands, director de Novos Medios e Formación de Públicos da Tate Modern de Londres; Shelley Mannion, responsable do programa de Educación Dixital de The British Museum; Susan Hazan, Conservadora de Novas Tecnoloxías e Responsable de Internet no Israel Museum de Jerusalem; Samuel Bausson, webmaster do Muséum de Tolouse; ou Merete Sanderhoff, Investigadora e Directora de proxectos da SMK-National Gallery of Denmark. Do mesmo xeito, o FIEC contará con expertos de centros nacionais como Rufino Ferreras Marcos, responsable de Desenvolvemento Educativo do Museo Thyssen-Bornemisza de Madrid e director do portal educativo www.educathyssen.org; ou Anna Ramos, responsable de Ràdio Web MACBA-Muse d’Art Contemporani de Barcelona.

O II Foro Internacional de Espazos para a Cultura dispón de 155 prazas destinadas a profesionais do ámbito da cultura e estudantes, que poden inscribirse ata o mércores 31 de outubro. Para as cen primeiras prazas, o custe será de 30 € para estudantes e 50 para profesionais. Os interesados atoparán en www.fiec-cidadedacultura.org o boletín de inscrición e toda a información necesaria para participar.

Consulta o programa completo aquí

Do 30 de novembro ao 2 de decembro, a Cidade da Cultura de Galicia acolle a celebración do III Encontro Internacional de Políticas de Intercambio no Ámbito das Artes Escénicas. O evento contará coa participación de máis de 50 profesionais de Galicia e dos oito países da lusofonía (Angola, Brasil, Cabo Verde, Guinea Bissau, Mozambique, Portugal, San Tomé e Príncipe e Timor-Leste).

O Centro Dramático Galego e a Cena Lusófona, asociación para o intercambio teatral entre os países que comparten o portugués como lingua oficial, desenvolven no Gaiás esta terceira edición das xornadas, inseridas así mesmo no programa de actividades da Semana de Portugal na exposición Gallaecia Petrea. A súa finalidade é ofrecer aos participantes, entre os que se atopan representantes dos ámbitos público e privado, un espazo de traballo para o intercambio de experiencias e o achegamento de posturas cara ao desenvolvemento de novos proxectos culturais.

O encontro articúlase arredor de mesas redondas, debates, presentacións e actividades paralelas, que darán comezo na mañá do venres 30 de novembro. Ademais, a organización abrirá ao público tres das sesións programadas o sábado día 1: as mesas redondas “O ensino artístico en Galicia e na CPLP (Comunidades dos Países de Lingua Portuguesa)” e “A empresa e a cultura”, así como a presentación do proxecto P-STAGE-IV Estágio Internacional de Actores Lusófonos. Para cada unha destas actividades habilitáronse 25 prazas de acceso gratuíto, previa inscrición das persoas interesadas a través da zona de reservas da páxina web da Cidade da Cultura de Galicia.

Máis info aquí

Consulta o programa completo aquí

Un programa formativo a cargo de oito artistas internacionais, charlas, obradoiros e debates, jam session e concerto no Museo de Galicia. Esta é a oferta da segunda edición de Galician Connection, un laboratorio de música, pensamento  e difusion dirixido por unha das nosas figuras máis internacionais: Cristina Pato. Serán catro xornadas onde, ao redor da música, terán lugar actividades e accións relacionadas coa formación, a colaboración, o pensamento e a difusión da experiencia cultural  dos participantes en Galician Connection.

O Galician Connection 2013 contará coa presenza do saxofonista e frautista recoñecido recentemente como mellor artista de Jazz europeo, Jorge Pardo; Wu Tong, considerado unha das figuras máis importantes da música tradicional chinesa; o compositor e pianista de jazz cubano Omar Sosa; o violinista e emprendedor americano residente en Afganistán William Harvey; o percusionista e especialista en músicas tradicionais Eliseo Parra; o acordeonista de jazz galego residente nos Estados Unidos Víctor Prieto; a cellista e cantante galega Rosa Cedrón e o percusionista galego Isaac Palacín.

Programa formativo exclusivo
Galician Connection ofrece un innovador programa con foros de debate, asistencia a ensaios e clases prácticas e encontros "cara a cara" nos que os asistentes poderán compartir experiencias directas cos artistas convidados.

Foro de Emprendemento Cultural
Xunto o programa formativo, o Galician Connection celebrará un Foro de emprendemento cultural con catro exemplos de proxectos a cargo dos seus responsables: Laura Freid, directora executiva do Silk Road Project e impulsora do Cultural Entrepreneurship Challenge da Harvard University; o músico e fundador da Afghan Youth Orchestra William Harvey; un dos fundadores da empresa Piranha Musik, responsable e fundador do Feira Internacional Womex; e Joaquín Martínez, director de Esmerarte Servicios Artísticos; unha das empresas galegas con alta actividade cultural.

Concerto
As experiencias de Galician Connection abriranse cara o público cun gran concerto, o sábado 20 de abril, a cargo dos músicos convidados, que interpretarán os resultados de tres días de experimentación e colaboración.

Jam Session
Como novidade desta segunda edición, aberta ao público e de balde, os participantes poderán ser os protagonistas durante a última xornada, o domingo 21 de abril, dunha jam session na que demostrar non só o talento e os coñecementos adquiridos ao longo das últimas tres xornadas, senón interactuar con outros músicos e establecer sinerxías que poidan desembocar en futuros proxectos musicais.

Máis info aquí

Pequeclassics é un proxecto que trata de achegar a nenos e rapaces á paixón pola música clásica e pola ópera a través do xogo e da diversión. O obxectivo principal é que a música chegue a cada espectador sen necesidade de que teña coñecementos previos. O primeiro destes concertos, pensado para nenos de 1 a 6 anos, inclúe pezas de Schubert, Debussy, Ravel, Stravinsky e Schumann.

Obras de Schubert, Debussy, Satie, Bizet, Ravel, Stravinsky, Schumann e Béla Bartók.

Seis músicos con diversos instrumentos entre os que destacan o piano, a frauta traveseira, o clarinete, o fagot, a arpa celta e percusións, transportan os nenos ao mundo das diferentes melodías e sons. Poderán escoitarse obras de Schubert, Debussy, Satie, Bizet, Ravel, Stravinsky, Schumann ou Béla Bartók.

A función posúe unha posta en escena visualmente moi atractiva, a iluminación e o vestiario estimulan aos nenos a entraren no espectáculo e evocan a temática da música interpretada. Aínda que a maior parte das composicións foron escritas para piano, os instrumentos levados á escena permiten que os nenos descubran máis matices e cores na música, e identifiquen os instrumentos cos seus sons. Para iso os músicos pasean polo espazo escénico e nalgúns momentos invitan ao público a formar parte do espectáculo.

INTÉRPRETES:
Fundació Privada de l’Auditori, Barcelona
Dirección musical: Marina Rodríguez Brià, pianista
Clara Font, clarinete
Ramón Vilalta, frauta traveseira
María Crisol, fagot
Marc Vila, percusión
Josep María Ribelles, arpa celta e outros instrumentos

Duración aproximada: 50 minutos.

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica “estimula o desenvolvemento dos nenos”. Educar o sentido da melodía, do ritmo e ata o sentimento é posible mediante a aproximación de nenos e nenas á música.

A música clásica é de grande importancia na formación dos pequenos; por isto, Pequeclassics propón montaxes de alta calidade, que sexan capaces de inculcarlles aos máis pequenos o gusto por este tipo de música, sen ser por iso menos rigorosos.

Pequeclassics é un proxecto que trata de achegar a nenos e rapaces á paixón pola música clásica e pola ópera a través do xogo e da diversión. O obxectivo principal é que a música chegue a cada espectador sen necesidade de que teña coñecementos previos. O segundo destes concertos, a cargo da compañía do prestixioso violinista libanés Ara Malikian, rende homenaxe ás Catro Estacións de Vivaldi.

Concerto no que antes de cada movemento vanse explicando e dramatizando os sonetos que o compositor redactou para estes concertos. Vivaldi fai unha referencia constante durante toda a obra a situacións, fenómenos naturais, animais, personaxes, celebracións e estados de ánimo que conforman a música, os textos son os que se utilizan para dar unha forma teatral ao espectáculo e espertar o interese dos nenos.

Dunha forma sinxela, a palabra introduce e facilita a comprensión da música, de tal forma que fai entrar ao espectador nesta aventura e converte o concerto nunha fabulosa experiencia musical tanto para nenos como para adultos.

INTÉRPRETES
Conxunto conformado por un quinteto de corda (viola, violín, violonchelo, tiorba e laúde), dous actores e como violín solista o versátil Ara Malikian.

Duración aproximada: 60 minutos.

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica “estimula o desenvolvemento dos nenos”. Educar o sentido da melodía, do ritmo e ata o sentimento é posible mediante a aproximación de nenos e nenas á música.

A música clásica é de grande importancia na formación dos pequenos; por isto, Pequeclassics propón montaxes de alta calidade, que sexan capaces de inculcarlles aos máis pequenos o gusto por este tipo de música, sen ser por iso menos rigorosos.

Pequeclassics é un proxecto que trata de achegar a nenos e rapaces á paixón pola música clásica e pola ópera a través do xogo e da diversión. O obxectivo principal é que a música chegue a cada espectador sen necesidade de que teña coñecementos previos. O terceiro destes concertos, pensado para nenos a partir de 1 ano, inclúe unha adaptación de pezas de Mozart.

'Ma, me mi... Mozart' é un concerto que ten por obxectivo achegar a obra do compositor austríaco ao público infantil. O seu repertorio, os arranxos realizados e a súa orientación pedagóxica permiten traballar aspectos musicais diversos tales como a pulsación, o ritmo, a improvisación ou os efectos na produción da voz.
Ademais, este espectáculo aporta como novidade que se utilizan instrumentos pouco comúns na música clásica, distintos aos utilizados por Mozart, co que se consegue que o ritmo do concerto remita ao espírito máis festivo e popular de tantas obras do compositor.
Duración aproximada: 55 minutos.

INTÉRPRETES
Producido por l’Auditori de Barcelona
Música escrita por Eduard Iniesta
Pau Domènech, clarinete baixo
Roman Gottwald, acordeón, violín e serra
Eduard Iniesta, instrumentos de corda pinzada
Joan Aguiar, violín e percusión
Ivó Oller, flugel e trompeta
Laura Mejía, voz

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica “estimula o desenvolvemento dos nenos”. Educar o sentido da melodía, do ritmo e ata o sentimento é posible mediante a aproximación de nenos e nenas á música.

A música clásica é de grande importancia na formación dos pequenos; por isto, Pequeclassics propón montaxes de alta calidade, que sexan capaces de inculcarlles aos máis pequenos o gusto por este tipo de música, sen ser por iso menos rigorosos.

Pequeclassics é un proxecto que trata de achegarlles a nenos e rapaces á paixón pola música clásica e pola ópera a través do xogo e da diversión. O obxectivo principal é que a música chegue a cada espectador sen necesidade de que teña coñecementos previos. Nesta ocasión, a compañía Viravolta presenta 'O poliño feo', unha peza de monicreques de mesa e luz negra, con música en directo.
      
Violín: Beatriz Rodríguez
Duración: 50 min.
Público: Infantil (+ 3 anos)

SINOPSE
Dona Cegoña, cansa de tanto ir e vir entregando encargas polo mundo, solta nun galiñeiro galego un paquetiño azul que levaba no seu peteiro e que tiña como destino... África.
Isto non é do agrado dos pitiños do galiñeiro, que non queren un estraño na súa casa, e intentarán de todas as formas posibles botalo de alí.

VENDA DE ENTRADAS
Entradas á venda a partir do luns 9 de xaneiro

Pequeclassics é un proxecto que trata de achegarlles a nenos e rapaces á paixón pola música clásica e pola ópera a través do xogo e da diversión. O obxectivo principal é que a música chegue a cada espectador sen necesidade de que teña coñecementos previos.

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica “estimula o desenvolvemento dos nenos”. Educar o sentido da melodía, do ritmo e ata o sentimento é posible mediante a aproximación de nenos e nenas á música.

A música clásica é de grande importancia na formación dos pequenos; por isto, Pequeclassics propón montaxes de alta calidade, que sexan capaces de inculcarlles aos máis pequenos o gusto por este tipo de música, sen ser por iso menos rigorosos.

A través de catro sesións, nenos de entre 11 e 14 anos crearán a súa propia curtametraxe de animación, participando en todas as súas fases: guión, personaxes e rodaxe. Plastilina, area, pedras, figuras de plástico ou papel celofán serán algúns dos materiais que empreguen para crear os seus protagonistas e escenarios aos que logo lle darán vida ante unha cámara, manipulando focos, movendo os cromos ou partes do decorado ou fotografando as diferentes escenas dando lugar a unha auténtica película.

HORARIO
11:30 – de 6 a 10 anos (25 prazas)
17:30 – de 11 a 14 anos (25 prazas)

PREZO DO OBRADOIRO
3 euros + gastos de xestión
A entrada dá acceso ás 4 sesións do obradoiro

    Entrada obradoiro 11:30 (6-10 anos)
    Entrada obradoiro 17:30 (11-14 anos)

Máis info: www.cidadedacultura.org

A través da construción de coñecidos xoguetes ópticos como o Taumatropo, o Zootropo ou o Flipbook, nenos de entre 5 e 12 anos descubrirán ao longo de catro sesión e dunha forma amena e divertida as orixes da imaxe en movemento e do propio cine, o que lles permitirá experimentar coa luz e coas sombras e a elaborar historias e personaxes protagonistas das súas propias tiras de cinema mudo.

PREZO DO OBRADOIRO
3 euros + gastos de xestión
A entrada dá acceso ás 4 sesións do obradoiro

    Entrada obradoiro 11:30 (5-8 anos) >>
    Entrada obradoiro 17:00 (9-12 anos) >>

Concerto didáctico no que a familia de vento metal, acompañada de percusión, interpretará pezas clásicas de compositores como Bach, Mozart ou Rossini coa finalidade de dar a coñecer a riqueza sonora que posúen estes instrumentos. Para nenos a partir de 5 anos.

Instrumentos en escena:
Trompeta, trompa, trombón, tuba e batería
Duración: 70 min.
Público: Infantil (+5 anos)

Pequeclassics é un proxecto que trata de achegarlles a nenos e rapaces á paixón pola música clásica e pola ópera a través do xogo e da diversión. O obxectivo principal é que a música chegue a cada espectador sen necesidade de que teña coñecementos previos.

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica “estimula o desenvolvemento dos nenos”. Educar o sentido da melodía, do ritmo e ata o sentimento é posible mediante a aproximación de nenos e nenas á música.

A música clásica é de grande importancia na formación dos pequenos; por isto, Pequeclassics propón montaxes de alta calidade, que sexan capaces de inculcarlles aos máis pequenos o gusto por este tipo de música, sen ser por iso menos rigorosos.

Todos os domingos do mes de marzo, a Cidade da Cultura de Galicia organiza un obradoiro de sombras chinesas para nenos a partir de 7 anos.

Nenos a partir de 7 anos contarán co seu propio teatro de sombras chinesas grazas a este obradoiro no que, a través de catro sesións, poderán recortar as súas propias figuras e decorados e aprenderán a manipulalos para finalmente realizar pequenas dramatizacións nas que escenificar as historias ideadas por eles mesmos.

A Cidade da Cultura de Galicia, xunto coa compañía Tanxarina, pon en marcha un ciclo de teatro de monicreques composto por tres espectáculos infantís pensados para gozar en familia e que terán lugar os domingos de marzo. Todas as funcións, de aproximadamente cincuenta minutos de duración, terán lugar ás 12.00 e ás 17.00 h. no Auditorio da Biblioteca de Galicia. O primeiro espectáculo, 'Narigudos', é unha obra de monicreques de luva e variñas con música en directo para nenos a partir de 2 anos.

'Narigudos'

SINOPSE
Na illa dos Narigudos, todo son problemas. Por culpa do seu enorme nariz, bailes e namoros rematan sempre en amargas disputas. Bartolo é escollido para ir á procura da  solución á casa do Chan Tanda: "o home máis sabio do mundo". Mais ... Ai!... A vida está chea de tentacións. E se puidese trocar o seu nariz por un máis pequeno?

Tanxarina Teatro: Monicreques de luva e variñas, siluetas animadas, marionetas de fíos e actores desembarcan no Gaiás para contarnos historias que falan de cousas de agora con todo o sabor dos contos tradicionais.

A Cidade da Cultura de Galicia, xunto coa compañía Tanxarina, pon en marcha un ciclo de teatro de monicreques composto por tres espectáculos infantís pensados para gozar en familia e que terán lugar os domingos de marzo. Todas as funcións, de aproximadamente cincuenta minutos de duración, terán lugar ás 12.00 e ás 17.00 h. no Auditorio da Biblioteca de Galicia. O segundo espectáculo, 'Cantaloucos', é unha obra de siluetas animadas, títeres de vara e outros para nenos a partir de 5 anos.

'Cantaloucos'

SINOPSE
Monecos das máis diversas técnicas poñen en escea ‘A bomba e o xeneral’ de Umberto Eco e ‘Timoteo, o amigo do labrego’ de Terry Jones. Dúas historias que falan de cousas de agora con todo o sabor dos contos tradicionais: unha guerra, un trasno, o antimilitarismo, o valor da amizade, tres portas e un concurso, sapos e mariñeiros… e unha chea de sorpresas.

Tanxarina Teatro: Monicreques de luva e variñas, siluetas animadas, marionetas de fíos e actores desembarcan no Gaiás para contarnos historias que falan de cousas de agora con todo o sabor dos contos tradicionais.

A Cidade da Cultura de Galicia, xunto coa compañía Tanxarina, pon en marcha un ciclo de teatro de monicreques composto por tres espectáculos infantís pensados para gozar en familia e que terán lugar os domingos de marzo. Todas as funcións, de aproximadamente cincuenta minutos de duración, terán lugar ás 12.00 e ás 17.00 h. no Auditorio da Biblioteca de Galicia. O terceiro espectáculo, 'Titiricircus', é unha obra de monicreques de fíos e actores para público familiar.

'Titiricircus'

Marionetas de fío e actores interactúan en escea nunha lembranza fantástica e festiva do grande circo de carpa alta e bicolor.

Tanxarina Teatro: Monicreques de luva e variñas, siluetas animadas, marionetas de fíos e actores desembarcan no Gaiás para contarnos historias que falan de cousas de agora con todo o sabor dos contos tradicionais.

Imaxinas como sería a túa cidade ideal? Pois agora non só podes imaxinalo, senón tamén levalo a cabo. Como? Participando en “Cidade de Cartón”, unha actividade organizada polo Gaiás na que ademais de aprender os múltiples usos que ten este material, rapaces de entre 6 e 14 anos deseñarán, recortarán e montarán os seus propios edificios “reinterpretando” así a Cidade da Cultura.

Os edificios deseñados e montados polos participantes no obradoiro colocaranse nunha pequena escenografía pensada entre os participantes, e todo este traballo feito plasmarase finalmente nun gran mural que quedará na Cidade da Cultura para a súa exposición ao público.

O Auditorio da Biblioteca Galicia, na Cidade da Cultura, acolle un domingo máis unha nova entrega do seu ciclo musical infantil 'Pequeclassics'. Nesta ocasión, a compañía Viravolta adapta a obra 'Paxaro de lume' de Igor Stravinsky. Espectáculo recomendado para nenos a partir de 3 anos.

Representado nun teatriño inspirado nos espectáculos de monicreques do Barroco, a presenza dos músicos en escena subliña e reforza as accións dramáticas das marionetas.

Este espectáculo é unha adaptación da obra 'Paxaro de lume', de Igor Stravinsky. Conta a historia do príncipe Iván, que quere remediar a tristura do seu pai desde o día no que o paxaro de lume co seu canto abandonou o xardín real. Iván suplícalle ao Rei que o deixe ir na súa busca, momento no que comeza a aventura.

O 22 de abril celebramos o Día da Terra, unha xornada coa que se pretende chamar a atención sobre os problemas ambientais que poñen en perigo ao noso planeta e que busca fomentar unha maior conciencia ecolóxica. Aproveitando esta data, a Cidade da Cultura pon en marcha 'Xogando co medio', unha actividade na que nenos de 5 a 14 anos aprenderán prácticas sostibles a través de divertidos xogos e obradoiros.

Idades: De 5 a 14 anos
Organiza: Cidade da Cultura de Galicia
Duración: 3 horas

Os participantes convertiranse en inspectores ambientais, aprenderán a crear xoguetes e agasallos a partir de residuos ou terán que superar probas coas que aprender trucos para coidar o medio no día a día.

Unha amena e divertida aprendizaxe que dará lugar á creación dunha árbore formada polos consellos ‘verdes’ de cada un dos participantes co obxectivo de facer reflexionar a todos aqueles visitantes que se acheguen ata a Cidade da Cultura neste mes no que o medio é o protagonista.

O 22 de abril celebramos o Día da Terra, unha xornada coa que se pretende chamar a atención sobre os problemas ambientais que poñen en perigo ao noso planeta e que busca fomentar unha maior conciencia ecolóxica. Aproveitando esta data, a Cidade da Cultura pon en marcha 'Xogando co medio', unha actividade na que nenos de 5 a 14 anos aprenderán prácticas sostibles a través de divertidos xogos e obradoiros.

Idades: De 5 a 14 anos
Organiza: Cidade da Cultura de Galicia
Duración: 3 horas

Os participantes convertiranse en inspectores ambientais, aprenderán a crear xoguetes e agasallos a partir de residuos ou terán que superar probas coas que aprender trucos para coidar o medio no día a día.

Unha amena e divertida aprendizaxe que dará lugar á creación dunha árbore formada polos consellos ‘verdes’ de cada un dos participantes co obxectivo de facer reflexionar a todos aqueles visitantes que se acheguen ata a Cidade da Cultura neste mes no que o medio é o protagonista.

A Cidade da Cultura programa unha nova actividade pensada especialmente para os máis pequenos da casa. Nesta ocasión, os nenos de 1 a 5 anos poderán gozar dunha sesión de teatro infantil con marionetas e actores.

TÍTERES TROMPICALLO: O DÍA QUE CHEGOU UNHA NUBE E CHOVEU

Autoría: Marian González e Luís González
Dirección: Luís González
Escenografía: Marian González e Luís González
Actriz-Manipuladora: Marian González

Había unha vez que non había nada máis que pedras. Entón chegou unha nube, choveu e formouse un manancial. Coa chegada da auga creceu a herba, e na herba as flores e as árbores, na auga naceron os peixes e as rás. Despois chegaron os insectos, as ovellas, o lobo... en fin, a vida. Pero que acontece cando un día a auga desaparece? Esta historia achega os máis pequenos á natureza e á importancia da auga nas nosas vidas.

Capacidade: 40 entradas por sesión
Duración: 30 min.
Público: Nenos de 1 a 5 anos, acompañados dun adulto

Galicia, Ceo das Letras prestará nesta segunda edición especial atención aos pequenos lectores, aos que introducirá no mundo dos grandes autores da nosa literatura dun xeito lúdico e didáctico. Dirixida a nenos de Primaria –de 6 a 11 anos- co obxectivo de estimular a súa expresividade e introducilos no hábito da lectura, a versión infantil de “Galicia, Ceo das Letras” tratará de que os participantes descubran a vida, época e obra de autores universais a través de tres pasos: “Vexo, Fago, Falo”.

Dúas horas que correrán paralelas á sesión dos adultos nas que os rapaces gozarán dun espectáculo artístico, convertiranse en protagonistas a través de obradoiros, xogos, plástica ou música; e debatirán entre eles sobre todos os coñecementos aprendidos ao longo da sesión.

** JORGE AMADO

Novelista, xornalista e memorialista, Jorge Amado (Itabuna, 1912 – Salvador da Bahia, 2001) é con certeza o escritor brasileiro de maior proxección universal.

A súa obra, traducida a preto de cincuenta linguas distintas, e adaptada ao cine, teatro e televisión, mostra un acentuado compromiso social cos desposuídos, condimentado con humor, maxia e sensualidade.

Finalista do Nóbel, entre os seus innúmeros premios e distincións consta o Luís de Camoes e o doutoramento honoris causa por universidades do Brasil, Portugal, Italia, Israel e Francia.

En 2012 celebramos o seu centenario.

** PROGRAMA

Artello Teatro: "Unha de Amor" [Adaptación da obra "O gato gaiado e a andoriña seña", de Jorge Amado]

O grupo teatral vigués Artello realizará unha adaptación da súa obra "Unha de amor", baseada na obra "O gato gaiado e a andoriña seña", do escritor brasileiro Jorge Amado. Cun grupo de monicreques como protagonistas, a historia contará cunha narración dramatizada a cargo da actriz Marta Ríos.

Sinopse

Os animais que moran nunha pequena vila viven atemorizados pola inquedante presenza dun conviciño díscolo, o Gato Gaiado. A el atribúen os crimes máis arrepiantes e a orixe de tódalas desgrazas que alí acontecen. Coa chegada da Primavera, unha xoven e ousada andoriña consegue o nunca visto: ante o abraio de toda a veciñanza, o Gato Gaiado sorriu. A partir dese momento, desenvólvese unha relación entre o Gato e a Andoriña que convulsiona a esa comunidade.

Tras a peza teatral, os rapaces achegaranse á figura de Jorge Amado a través de actividades lúdicas e educativas  nas que se pintará ao escritor, porémoslle música e moitas actividades máis nas que a aprendizaxe e a diversión serán a mesma cousa.

** INSCRICIÓN E RESERVAS
Galicia, Ceo das Letras infantil dispón de sistema de inscrición online.  A actividade terá lugar na Biblioteca de Galicia e será de balde ata completar o aforo, limitado a 30 prazas. Reservas en www.cidadedacultura.org.

'Corda e Recorda' pretende ser un concerto didáctico no que os nenos a partir de 3 anos aprendan a distinguir os diferentes sons.

Instrumentos en escena:
Violín, viola, violonchelo, contrabaixo e guitarra
Duración: 50 min.
Público: Infantil (+ 3 anos)

SINOPSE
Os intérpretes xogan coa sonoridade dos distintos instrumentos e ofrecen continuas sorpresas sonoras, ademais de achegarlles os instrumentos aos nenos e interpretar, entre outras, varias pezas de Béla Bartók, Schubert e Mozart.

A linguaxe dos ordenadores xa non terá segredos para ninguén. A través dun debuxo creado por eles mesmos, os rapaces descubrirán que misterios agocha o mundo dixital. Unha actividade coa que coñecerán a tecnoloxía básica que fai posible a realización de fotos, debuxos animados ou películas.

Convertidos en artistas, os rapaces deberán realizar un debuxo que posteriormente será convertido nunha sucesión de ceros e uns, a linguaxe que utilizan os ordenadores. Un exemplo perfecto para entender como unha obra en papel pode verse nunha pantalla. Como complemento, cada un dos participantes levará para casa unha copia de seguridade do seu debuxo en papel neste código, que poderá imprimir sempre e cando o desexe.

Un obradoiro no que os máis pequenos descubrirán o significado do código binario, introduciranse na arte contemporánea e coñecerán en primeira persoa os pasos habituais dentro do proceso de creación dunha obra de arte.

Espectáculo que, xunto co obxectivo de divertir, ten o de instruír ao público na historia da ópera e do seu marabilloso mundo. Para nenos a partir de 6 anos.

Instrumentos en escena:
Piano e voces (soprano, tenor e barítono)
Duración: 70 min.
Público: Infantil (+ 6 anos)

SINOPSE
A escena transcorre nunha clase entre mestre e alumna, a principios do século XIX.

Lugar: Auditorio da Biblioteca de Galicia

A Historia da pedra en Galicia chega á Cidade da Cultura en forma de fábula. Os canteiros Garabullo e Mangarrias son os protagonistas de “O Arxina e o Felo”,  dous monicreques que entre reflexións e cantareiras amosarán o día a día dun dos oficios máis vencellados a Galicia. Unha obra de teatro a cargo da compañía Viravolta que combina historia, cultura e, sobre todo, humor pensado para gozar en familia.

Idade recomendada: a partir de 4 anos

Texto: Francisco Rozados
Dirección: Anxo García
Manipulación: Xulio Balado, Pilar Álvarez, Anxo García
Produción: Viravolta Títeres

Garabullo e Mangarrias son dous afamados canteiros que entre picar e filosofar, e filosofar e picar cantan unha cantilena.

Escurria Purruncho!..... Purruncho escurria!...
(latín dos canteiros)

Os arxinas Garabullo e Mangarrias no seu afán de ensinarlle os segredos da pedra e o verbo -latín dos canteiros- ao seu morrón -aprendiz- Faxurdín tropezan cun raposo turrón empeñado en brindarlle a súa protección e un demo teimudo que lles encarga unha fermosa ponte de pedra.

Arxinas nobis xaramos
xorufos e xidavantes
e alí onde mariñamos
xara un despois e un antes

Pulgas acróbatas, pompas de xabón xigantes, cepelíns, labirintos, “zancudos”, pallasos, malabaristas… Todo un “exército” de artistas volverá desembarcar no Gaiás este sábado para celebrar un festival cheo de espectáculos ao aire libre para toda a familia: a Cidade Imaxinaria.

Con actividades totalmente de balde, de 11:30 a 21:30 horas, o Gaiás volverá ao mundo máxico do circo, ao balbordo das feiras de principios de século e aos inventos e ilusións ópticas nun ambiente cheo de cor, humor e música no que gozarán grandes e pequenos.

Divertidos espectáculos de rúa que nos transportarán ao mundo do circo, ao dos charlatáns e vendedores ambulantes  e aos dos primeiros aviadores; xogos cheos de enigmas, misterios e diversión; teatro de monicreques para toda a familia e unha peculiar caravana reconvertida en sala de cine ocuparán a praza central do Gaiás para que o público goce ata o último momento.

Cidade Imaxinaria contará ademais con divertidos obradoiros para nenos e adultos, unha ludoteca para bebés e animación durante todo o día que converterán o Gaiás nunha explosión de creatividade e imaxinación.

Máis info en www.cidadedacultura.org

Pequeclassics é un proxecto que trata de achegar aos nenos a paixón pola música clásica e pola ópera a través do xogo e a diversión. O obxectivo principal é que a música chegue a cada espectador sen necesidade de coñecementos previos. Nesta ocasión, o grupo Atacca ofrece un espectáculo para nenos de 6 anos en diante.

Público: Infantil (+6 anos)

Duración: 50 min. aproximadamente

Instrumentos en escena:
Marimbas, vibráfono, xilófono, batería, bidóns de gasóleo, caixas orquestrais, bombos, conga, baixo eléctrico + narrador

SINOPSE
Teatro e música mestúranse nesta obra na que o protagonista é o amor imposible entre dous mozos de bandas rivais: unha formada por instrumentos de percusión, membranófonos e idiófonos de son indeterminado e, a outra, por instrumentos de láminas de son determinado.
Unha historia de amor e rancor coa música como epicentro de todo.

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica "estimula o desenvolvemento dos nenos". Educar o sentido da melodía, do ritmo e mesmo o sentimento é posible mediante a aproximación de nenos e nenas á música.

A música clásica ten grande importancia para a formación dos pequenos; por iso, Pequeclassics propón montaxes de alta calidade, que sexan capaces de inculcar aos máis pequenos o gusto por este tipo de música, sen ser por iso menos rigorosos.

O festival Music Way chega á Cidade da Cultura a través dunha programación especialmente deseñada para o público infantil. O sábado 29 celebraranse concertos, obradoiros e outras actividades relacionadas coa música e dirixidos a nenos ata 14 anos, unha experiencia coa que contaxiar aos máis novos do espírito da música e facelos partícipes do proceso creativo.

Polo escenario do Gaiás pasará o grupo infantil Mamá Cabra para animarlle a tarde aos máis pequenos artellando divertidos xogos e animadas cancións. Para os afecionados á cultura urbana, o Music Way trae uns auténticos especialistas na arte do street dance, con coreografías espectaculares a ritmo de hiphop: Brodas. E para pechar este cartel, Alondra Bentley regresa ao Gaiás con novo traballo baixo o brazo: un disco con cancións que escribiu para nenos: Alondra Bentley sings for children, It's Holidays. 

O Music Way contará, ademais, con todo un programa de actividades e obradoiros cos que achegar aos nenos ao mundo da música: un obradoiro para futuros dj, outro de composición musical en directo a través do ordenador, un que customizar camisetas e mesmo un espazo para aprender a construír instrumentos musicais reciclados. A oferta de actividades complementarase cun obradoiro de fotografía musical, un karaoke, o visionado de curtas e a instalación dun instrumento de percusión moi especial: o Aquofono.

Máis info aquí

Pequeclassics é un proxecto que trata de achegar aos nenos a paixón pola música clásica e pola ópera a través do xogo e a diversión. O obxectivo principal é que a música chegue a cada espectador sen necesidade de coñecementos previos.

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica "estimula o desenvolvemento dos nenos". Educar o sentido da melodía, do ritmo e mesmo o sentimento é posible mediante a aproximación de nenos e nenas á música.

A música clásica ten grande importancia para a formación dos pequenos; por iso, Pequeclassics propón montaxes de alta calidade, que sexan capaces de inculcar aos máis pequenos o gusto por este tipo de música, sen ser por iso menos rigorosos.
       
A pequena frauta máxica, ópera divertimento

Público: Infantil (+ 4 anos)
Duración: 50 min. aproximadamente
Instrumentos en escena: Soprano, tenor, barítono, piano e frauta

SINOPSE
Adaptación infantil da ópera “A Frauta Máxica” de Mozart, que representa unha nova concepción operística de Mozart, na que reúne a ópera seria, a ópera buffa, o singspiel, o coral luterano, a canción popular alemá e temas abertamente folklóricos.

Ópera para nenos cun toque popular.

Galicia, Ceo das Letras prestará nesta segunda edición especial atención aos pequenos lectores, aos que introducirá no mundo dos grandes autores da nosa literatura dun xeito lúdico e didáctico.

Dirixida a nenos de Primaria –de 6 a 11 anos- co obxectivo de estimular a súa expresividade e introducilos no hábito da lectura, a versión infantil de “Galicia, Ceo das Letras” tratará de que os participantes descubran a vida, época e obra de autores universais a través de tres pasos: “Vexo, Fago, Falo”.

Dúas horas que correrán paralelas á sesión dos adultos nas que os rapaces gozarán dun espectáculo artístico, convertiranse en protagonistas a través de obradoiros, xogos, plástica ou música; e debatirán entre eles sobre todos os coñecementos aprendidos ao longo da sesión.

Tipo de reserva: SESIÓN INFANTIL 7 Alfonso Rodríguez Castelao

Antelación mínima reserva: Ata completar capacidade

Duración: 2 horas

Reservas aquí

Só é posible realizar unha reserva por email. No entanto, é posible realizar unha reserva conxunta para un máximo de tres persoas, indicando no campo Observacións os nomes e apelidos de todas elas.

Para a confirmación definitiva das reservas, porémonos en contacto cos solicitantes. Recomendamos por tanto indicar un teléfono de contacto ademais do email solicitado como dato obrigatorio.

Unha vez celebrada a sesión, abrirase a reserva para o seguinte sábado de autor.

+INFO: Secretaría Técnica, tel. 881 979 010

Pequeclassics é un proxecto que trata de achegar aos nenos a paixón pola música clásica e pola ópera a través do xogo e a diversión. O obxectivo principal é que a música chegue a cada espectador sen necesidade de coñecementos previos.

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica "estimula o desenvolvemento dos nenos". Educar o sentido da melodía, do ritmo e mesmo o sentimento é posible mediante a aproximación de nenos e nenas á música.

A música clásica ten grande importancia para a formación dos pequenos; por iso, Pequeclassics propón montaxes de alta calidade, que sexan capaces de inculcar aos máis pequenos o gusto por este tipo de música, sen ser por iso menos rigorosos.
       
Público: Bebés de 0 a 3 anos, coa participación activa dun adulto por bebé

Aforo: 30 entradas dobres (1 bebé + 1 adulto)

Duración: 40 min. aproximadamente

Pequeclassics volve organizar un Obradoiro de estimulación temperá para bebés, que ademais da parte lúdica axudará aos nenos e nenas a desenvolver a memoria, a creatividade e a imaxinación, así como o sentido do ritmo, a expresión, a coordinación  e a auto-estima.

'Brinca Gaiás' trata de achegarlles aos máis pequenos da casa a paixón pola música, a ópera, o teatro ou a danza a través do xogo e a diversión. Os nenos volverán ser os protagonistas a través dun ciclo co que a Cidade da Cultura tratará de inculcar o gusto polas artes escénicas desde idades temperás.

Humor, ritmo, sorpresas e, por riba de todo, divertimento nuns coidados espectáculos no que grandes e pequenos compartirán protagonismo.

'Il cirque d'amore'

Público infantil (+4 años)
Duración: 45 min.

Dirección musical: Victoria Álvarez Acón
Dirección escénica: Pepablo Patiño
Escenografía e vestiario: Spela Trobec
Piano: José Manuel Yáñez
Barítono: Miguel Abalo
Soprano: Victoria Álvarez Acón

Selección musical repertorio:
Fragmentos de La Bohème (Puccini)
Il barbiere di Siviglia (Rossini)
Don Giovanni (Mozart)
L’elisir d’amore (Donizetti)
Le nozze di Figaro (Mozart)
La serva padrona (Pergolesi)
Die Zauberflöte (Mozart)

Unha obra de teatro e un recital de ópera ao mesmo tempo. A través dunha divertida historia chea de brincadeiras para nenos e adultos, dous cantantes e un pianista repasan un repertorio operístico ben popular.

SINOPSE
Micaela é a muller barbuda do Cirque d´Amore; nel limpa a pista, dá de comer aos elefantes, cociña para os artistas e baila para que o público ría dela... Con axuda de Pierrot marchará do circo e coñecerá a Figaro, un barbeiro tolo que dará a Micaela confianza nela mesma. Pero… conseguirá Micaela ser feliz?

Mediante a interpretación en directo de fragmentos de coñecidas óperas, damos forma a Il Cirque d´Amore, onde un pianista, un barítono, e unha soprano viaxarán co público por un fermoso repertorio musical acompañados dunha historia divertida e didáctica.

Segunda cita do ciclo 'Brinca Gaiás', que nesta ocasión propón un concerto que achega a maxia do flamenco ao público familiar.

'Brinca Gaiás' trata de achegarlles aos máis pequenos da casa a paixón pola música, a ópera, o teatro ou a danza a través do xogo e a diversión.

Os nenos volverán ser os protagonistas a través dun ciclo co que a Cidade da Cultura tratará de inculcar o gusto polas artes escénicas desde idades temperás.

Humor, ritmo, sorpresas e, por riba de todo, divertimento nuns coidados espectáculos no que grandes e pequenos compartirán protagonismo.

'Flamenco kids'

Público infantil (+3 anos)
Duración: 50 min.

Un concerto que achega a maxia do flamenco ao público familiar. Isto é Flamenco Kids, un espectáculo que lle ofrece, por primeira vez, ao público infantil, un concerto didáctico e ameno con músicas e letras elaboradas coa mesma calidade que un espectáculo destinado a un público adulto, onde o flamenco é o vehículo estético e rítmico para contar unhas historias que cheguen á alma dos nenos e tamén dos pais.

Dirección Musical: José Luis Montón
Textos: Teresa del Pozo
Compañía: Cozy Time

SINOPSE
O espectáculo desenvólvese grazas a un grupo de amigos que viven en Quillolandia, un lugar onde o ceo é azul, a area branca e o mar... de prata.

Aventuras, música e aprendizaxe son os alicerces básicos de Flamenco Kids, que se apoia nas bontades do mar Atlántico para, cuns personaxes creativos e unha música de raíces ancestrais, lograr obxectivos educativos a través do xogo.

Música clásica, temas populares, pop-rock e improvisacións vogais-instrumentais a cargo de Paulo Lameiro onde os máis pequenos son os protagonistas.

Para bebés e nenos de 0 a 3 anos.

O concerto para bebés de Paulo Lameiro é, antes que nada, un concerto onde os bebés son convidados a escoitar. Música clásica da man de temas tradicionais, pop-rock e improvisacións vogais-instrumentais nos que o público é partícipe.

Cada concerto é unha experiencia de complicidades, onde os sons e os silencios sorprenden a todos. De Monteverdi a Mozart, do cavaquinho aos didgeridoos, intercámbianse espantos e escóitanse suspiros, todo aderezado coa propia iniciativa do espectador.

O Centro ADNideas, con sede no espazo coworking de emprendemento cultural da Consellería de Cultura, Educación e Ordenación Universitaria, desenvolve en colaboración coa Asociación Vella Escola un programa de dinamización cultural destinado a rapaces e rapazas de 12 a 14 anos no Gaiás. Entre outras actividades, os participantes traballarán en obradoiros que utilizan as potencialidades das manifestacións propias da cultura urbana, como o rap, o graffiti ou o breakdance, co obxectivo de xerar ideas aplicables ao impulso de espazos culturais de Santiago de Compostela.

Baixo o título 'CreaActiva-T', a iniciativa pretende facilitar a interacción directa da xuventude co seu contorno coñecido a través de actividades culturais que teñan baixo impacto ambiental e alta implicación social, orientadas a fomentar valores relacionados con hábitos sociais do ámbito da saúde e o coidado do medio, ao mesmo tempo que lles brinda aos participantes a oportunidade de mellorar a súa calidade de vida mediante o emprego construtivo do tempo de lecer.

A inscrición, que se pode formalizar a través do envío do formulario que se atopa na web www.adnideas.com e o pagamento previo de 72 €, inclúe todas as actividades propostas entre as 10:00 e as 20:00 horas, así como o xantar e a merenda dos tres días na Cidade da Cultura.

A oferta completa articúlase nun total de sete workshops que lles permitirán aos participantes desenvolver diferentes habilidades persoais destinadas a motivar actitudes emprendedoras para o desenvolvemento das súas propias ideas, a través da creación dunha dinámica positiva de grupo e da participación activa no fomento da sensibilización respecto ao sector cultural. Potenciarase, así mesmo, a intervención artística mediante actividades culturais que dean resposta ás necesidades de creación e expresión dos rapaces e rapazas nesa franxa de idade.

PROGRAMA

- O venres 17 terán lugar os dous primeiros workshops: o da mañá, centrado en poñer en relación innovación e emprendemento; e o da tarde, un rap de versos en galego, que ten por obxectivo fornecer as habilidades comunicativas e a capacidade de expresión verbal ao tempo que se promove o uso da lingua galega e a transmisión de mensaxes positivas facendo uso do valor da improvisación como base para a innovación e a creatividade.

- Para o día 18 están previstos tres obradoiros: un de márketing cultural, no que se identificarán e se explicarán conceptos como mercado, competencia, consumidor ou posicionamento de marca; outro sobre xestión de tempo e un terceiro que utilizará a técnica do graffiti e as súas potencialidades como ferramenta non verbal colectiva e como medio para fomentar e favorecer a convivencia harmónica, reforzando a responsabilidade e promovendo o respecto pola conservación de espazos públicos.

- O último día, 19, terá lugar un obradoiro de breakdance e outro de comunicación. No primeiro deles utilizarase a orientación máis lúdica e emocional do break como disciplina cultural que permite o desenvolvemento de actitudes positivas fronte a retos e barreiras, tales como a pescuda da superación persoal e a potenciación da autoestima cara a mellora na calidade de vida. A última acción xirará arredor dun workshop de comunicación, no que a finalidade é realzar a utilidade das técnicas de presentación, para o que se identificarán os erros principais e se exercitará a súa corrección. Como actividade de peche, os participantes presentarán os traballos realizados durante os tres días a unha serie de convidados e aos propios familiares.

Consulta aquí o programa completo

+ info: info@adnideas.com - 661.240.778

No mes de setembro, a Cidade da Cultura oferta obradoiros familiares que permitirán explorar dun xeito creativo a exposición ‘Typewriter: A historia escrita á máquina’. Neles os rapaces explorarán o universo da escritura mecanizada, descubrindo a través de xogos o esforzo do ser humano por comunicarse e por deixar unha pegada no tempo.

Os maiores e cativos traballarán en equipo para crear unha “pegada familiar”, que permita definir a súa familia, explorando as posibilidades creativas dos pictogramas, e aproximando aos nenos ao mundo das linguaxes e sistemas de código, como moitos dos que empregan as máquinas de escribir.

Ademáis, nos meses de outubro, novembro e decembro realizaranse visitas didácticas á exposición “Typewriter. A historia escrita á máquina” para grupos escolares de primaria, secundaria e bacharelato. A través dun percorrido pola exposición da man dun guía profesional, os rapaces poderán reflexionar sobre cal foi o papel da máquina de escribir na configuración da nosa historia contemporánea e de como a súa evolución naceu da necesidade de comunicación do ser humano.

Inscricións de balde previa reserva de praza en www.cidadedacultura.org/programacultural
Máx. 25 persoas por grupo.

A Cidade da Cultura de Galicia, dentro das súas actividades de Literatura e Pensamento, pon en marcha o Laboratorio de Pensamento Breve, unha serie de encontros nos que, da man de expertos, exploraremos o valor da brevidade en campos como a Arte, a Filosofía, a Ciencia ou a Socioloxía. A primeira sesión está dedicada á arte, da man do artista visual Antón Patiño.

Antón Patiño (Monforte, 1957). Artista visual. Exposicións en Amsterdam, Boston, Estocolmo, Nova York, París, Burdeos, Zürich, Stuttgart… O seu traballo foi definido por Donald Kuspit como “expresionista conceptual”. Ten varios libros de escritos fragmentarios: Xeometría líquida, Mapa ingrávido, Caosmos. O libro de poesía Océano e silencio.

Con Xavier Seoane publica o manifesto Hai suficiente infinito. Fixo libros sobre Reimundo Patiño, Uxío Novoneyra e Urbano Lugrís. Dedicou dúas achegas a Lois Pereiro: Radiografía do abismo e Dicionario de sombras. O seu último libro é Escritos de un sonámbulo.

Desde tempos inmemoriais o pensamento dos pobos transitou en pequenos enunciados que sintetizaban os saberes básicos e as crenzas constitutivas da comunidade. A oración, o poema, a máxima ou o proverbio, entre outras formas, teceron unha rede textual que nutría e sostiña a cosmovisión de cada cultura.

Nunca deixou de haber eruditos que cristalizaron o seu coñecemento en aforismos, haikus ou micro ensaios. No entanto, na conxuntura actual, co advento da comunicación de masas e a revolución tecnolóxica, o pensamento en pílulas semella vivir unha eclosión inaudita que se evidencia na proliferación de novas variantes como o slogan publicitario ou o tweet.

Desde a Cidade da Cultura quixémonos preguntar sobre a natureza e o devalo do pensamento breve, desde a súa función social e cognitiva ata as súas derivadas estéticas ou políticas.

Para obter unha resposta rica en matices convocamos a unha pluralidade de disciplinas (metafísica, literatura, neurociencia, socioloxía, artes…) e apoiámonos na obra de autores de referencia como Heráclito, Lao Tse, Nietzsche, Cioran, John Cage, Castelao ou Dieste. Por outra parte, como a sabedoría comprimida nunha sentencia non é privativa dos grandes pensadores, dedicamos un apartado a tratar os xéneros populares, sexa o refrán ou a pintada.

En total son seis as sesións que compoñen este Laboratorio. En cada unha delas combinaremos un relatorio inicial a cargo de destacados expertos, cun coloquio aberto a todos os asistentes, e un terceiro tempo, a modo de obradoiro, onde exploraremos a potencia dos formatos breves como ferramenta para a transmisión de saberes, e no que exercitaremos as nosas destrezas na elaboración de aforismos.

A Cidade da Cultura de Galicia, dentro das súas actividades de Literatura e Pensamento, pon en marcha o Laboratorio de Pensamento Breve, unha serie de encontros nos que, da man de expertos, exploraremos o valor da brevidade en campos como a Arte, a Filosofía, a Ciencia ou a Socioloxía. A segunda sesión está dedicada á literatura, da man do doutor en Ciencias da Comunicación Manuel Outeiriño.

Manuel Outeiriño é licenciado e doutor en Ciencias da Comunicación pola Universidade Autónoma de Barcelona e profesor de Teorías da Comunicación na USC.

Recuperou e editou textos de Vicente Risco e Ramón Otero Pedrayo. É membro do consello de redacción da revista de pensamento crítico A Trabe de Ouro, na que vén publicando ensaios sobre literatura e cultura contemporáneas.

Recompilou o libro “Globalización e imperialismo cultural”, recentemente editado por Galaxia.

Foi tamén, en certa medida, culpable dos libros “Depósito de espantos”(1994), “Letras vencidas” (1999) e “É” (2005), todos eles de pequeno formato.

Desde tempos inmemoriais o pensamento dos pobos transitou en pequenos enunciados que sintetizaban os saberes básicos e as crenzas constitutivas da comunidade. A oración, o poema, a máxima ou o proverbio, entre outras formas, teceron unha rede textual que nutría e sostiña a cosmovisión de cada cultura.

Nunca deixou de haber eruditos que cristalizaron o seu coñecemento en aforismos, haikus ou micro ensaios. No entanto, na conxuntura actual, co advento da comunicación de masas e a revolución tecnolóxica, o pensamento en pílulas semella vivir unha eclosión inaudita que se evidencia na proliferación de novas variantes como o slogan publicitario ou o tweet.

Desde a Cidade da Cultura quixémonos preguntar sobre a natureza e o devalo do pensamento breve, desde a súa función social e cognitiva ata as súas derivadas estéticas ou políticas.

Para obter unha resposta rica en matices convocamos a unha pluralidade de disciplinas (metafísica, literatura, neurociencia, socioloxía, artes…) e apoiámonos na obra de autores de referencia como Heráclito, Lao Tse, Nietzsche, Cioran, John Cage, Castelao ou Dieste. Por outra parte, como a sabedoría comprimida nunha sentencia non é privativa dos grandes pensadores, dedicamos un apartado a tratar os xéneros populares, sexa o refrán ou a pintada.

En total son seis as sesións que compoñen este Laboratorio. En cada unha delas combinaremos un relatorio inicial a cargo de destacados expertos, cun coloquio aberto a todos os asistentes, e un terceiro tempo, a modo de obradoiro, onde exploraremos a potencia dos formatos breves como ferramenta para a transmisión de saberes, e no que exercitaremos as nosas destrezas na elaboración de aforismos.

A Cidade da Cultura de Galicia, dentro das súas actividades de Literatura e Pensamento, pon en marcha o Laboratorio de Pensamento Breve, unha serie de encontros nos que, da man de expertos, exploraremos o valor da brevidade en campos como a Arte, a Filosofía, a Ciencia ou a Socioloxía. A terceira sesión está dedicada á socioloxía, da man do xornalista Amador Fernández-Savater.

Amador Fernández-Savater (Madrid, 1974) colabora regularmente no xornal Público pero non é xornalista.

Anima con outros amigos desde hai máis de dez anos a editorial Acuarela sen ser un profesional do mundo do libro.

Vaille a vida no pensamento pero non é intelectual, nin filósofo, nin ten nada que ver coa academia, e se formula politicamente a existencia sen ter tido nunca que ver cun partido, nin considerarse agora militante ou activista.

Desde tempos inmemoriais o pensamento dos pobos transitou en pequenos enunciados que sintetizaban os saberes básicos e as crenzas constitutivas da comunidade. A oración, o poema, a máxima ou o proverbio, entre outras formas, teceron unha rede textual que nutría e sostiña a cosmovisión de cada cultura.

Nunca deixou de haber eruditos que cristalizaron o seu coñecemento en aforismos, haikus ou micro ensaios. No entanto, na conxuntura actual, co advento da comunicación de masas e a revolución tecnolóxica, o pensamento en pílulas semella vivir unha eclosión inaudita que se evidencia na proliferación de novas variantes como o slogan publicitario ou o tweet.

Desde a Cidade da Cultura quixémonos preguntar sobre a natureza e o devalo do pensamento breve, desde a súa función social e cognitiva ata as súas derivadas estéticas ou políticas.

Para obter unha resposta rica en matices convocamos a unha pluralidade de disciplinas (metafísica, literatura, neurociencia, socioloxía, artes…) e apoiámonos na obra de autores de referencia como Heráclito, Lao Tse, Nietzsche, Cioran, John Cage, Castelao ou Dieste. Por outra parte, como a sabedoría comprimida nunha sentencia non é privativa dos grandes pensadores, dedicamos un apartado a tratar os xéneros populares, sexa o refrán ou a pintada.

En total son seis as sesións que compoñen este Laboratorio. En cada unha delas combinaremos un relatorio inicial a cargo de destacados expertos, cun coloquio aberto a todos os asistentes, e un terceiro tempo, a modo de obradoiro, onde exploraremos a potencia dos formatos breves como ferramenta para a transmisión de saberes, e no que exercitaremos as nosas destrezas na elaboración de aforismos.

A Cidade da Cultura de Galicia, dentro das súas actividades de Literatura e Pensamento, pon en marcha o Laboratorio de Pensamento Breve, unha serie de encontros nos que, da man de expertos, exploraremos o valor da brevidade en campos como a Arte, a Filosofía, a Ciencia ou a Socioloxía. A cuarta sesión está dedicada á arte, da man do doutor en CC. Biolóxicas Xurxo Mariño.

Doutor en CC. Biolóxicas pola USC, Xurxo Mariño está especializado en neurofisioloxía. Despois dunha estancia post doutoral no MIT, na actualidade é profesor da UdC. En canto pode fuxe á rúa e perpetra “cafés-científicos”, “discurshows”  e outras actividades sospeitosas.

Ademais do seu labor docente e investigador, ten abertas varias frontes no mundo da divulgación que sacian a súa curiosidade e interese en campos como a xeoloxía, astronomía ou a historia e filosofía da ciencia.

Desde tempos inmemoriais o pensamento dos pobos transitou en pequenos enunciados que sintetizaban os saberes básicos e as crenzas constitutivas da comunidade. A oración, o poema, a máxima ou o proverbio, entre outras formas, teceron unha rede textual que nutría e sostiña a cosmovisión de cada cultura.

Nunca deixou de haber eruditos que cristalizaron o seu coñecemento en aforismos, haikus ou micro ensaios. No entanto, na conxuntura actual, co advento da comunicación de masas e a revolución tecnolóxica, o pensamento en pílulas semella vivir unha eclosión inaudita que se evidencia na proliferación de novas variantes como o slogan publicitario ou o tweet.

Desde a Cidade da Cultura quixémonos preguntar sobre a natureza e o devalo do pensamento breve, desde a súa función social e cognitiva ata as súas derivadas estéticas ou políticas.

Para obter unha resposta rica en matices convocamos a unha pluralidade de disciplinas (metafísica, literatura, neurociencia, socioloxía, artes…) e apoiámonos na obra de autores de referencia como Heráclito, Lao Tse, Nietzsche, Cioran, John Cage, Castelao ou Dieste. Por outra parte, como a sabedoría comprimida nunha sentencia non é privativa dos grandes pensadores, dedicamos un apartado a tratar os xéneros populares, sexa o refrán ou a pintada.

En total son seis as sesións que compoñen este Laboratorio. En cada unha delas combinaremos un relatorio inicial a cargo de destacados expertos, cun coloquio aberto a todos os asistentes, e un terceiro tempo, a modo de obradoiro, onde exploraremos a potencia dos formatos breves como ferramenta para a transmisión de saberes, e no que exercitaremos as nosas destrezas na elaboración de aforismos.

A Cidade da Cultura de Galicia, dentro das súas actividades de Literatura e Pensamento, pon en marcha o Laboratorio de Pensamento Breve, unha serie de encontros nos que, da man de expertos, exploraremos o valor da brevidade en campos como a Arte, a Filosofía, a Ciencia ou a Socioloxía. A quinta sesión está dedicada á metafísica, da man do filósofo Ignacio Castro Rey.

Ignacio Castro Rey é doutor en filosofía e reside en Madrid, onde exerce de ensaísta, crítico e profesor.

Seguindo unha liña de sombra que vai de Nietzsche a Deleuze, de Agamben a Sokurov, Castro escribe en distintos medios sobre filosofía, cinema, política e arte contemporánea. Pronunciou conferencias no Estado e en diversas Universidades estranxeiras.

Como xestor cultural dirixiu cursos en numerosas institucións.

Entre os seus últimos libros cómpre destacar: Votos de riqueza (2007), Roxe de Sebes (2011) e La depresión informativa del sujeto (2011).

Desde tempos inmemoriais o pensamento dos pobos transitou en pequenos enunciados que sintetizaban os saberes básicos e as crenzas constitutivas da comunidade. A oración, o poema, a máxima ou o proverbio, entre outras formas, teceron unha rede textual que nutría e sostiña a cosmovisión de cada cultura.

Nunca deixou de haber eruditos que cristalizaron o seu coñecemento en aforismos, haikus ou micro ensaios. No entanto, na conxuntura actual, co advento da comunicación de masas e a revolución tecnolóxica, o pensamento en pílulas semella vivir unha eclosión inaudita que se evidencia na proliferación de novas variantes como o slogan publicitario ou o tweet.

Desde a Cidade da Cultura quixémonos preguntar sobre a natureza e o devalo do pensamento breve, desde a súa función social e cognitiva ata as súas derivadas estéticas ou políticas.

Para obter unha resposta rica en matices convocamos a unha pluralidade de disciplinas (metafísica, literatura, neurociencia, socioloxía, artes…) e apoiámonos na obra de autores de referencia como Heráclito, Lao Tse, Nietzsche, Cioran, John Cage, Castelao ou Dieste. Por outra parte, como a sabedoría comprimida nunha sentencia non é privativa dos grandes pensadores, dedicamos un apartado a tratar os xéneros populares, sexa o refrán ou a pintada.

En total son seis as sesións que compoñen este Laboratorio. En cada unha delas combinaremos un relatorio inicial a cargo de destacados expertos, cun coloquio aberto a todos os asistentes, e un terceiro tempo, a modo de obradoiro, onde exploraremos a potencia dos formatos breves como ferramenta para a transmisión de saberes, e no que exercitaremos as nosas destrezas na elaboración de aforismos.

A Cidade da Cultura de Galicia, dentro das súas actividades de Literatura e Pensamento, pon en marcha o Laboratorio de Pensamento Breve, unha serie de encontros nos que, da man de expertos, exploraremos o valor da brevidade en campos como a Arte, a Filosofía, a Ciencia ou a Socioloxía. A sexta e última sesión está dedicada ás formas populares, da man do escritor Joxerra Garzia.

Joxerra Garzia. Legazpia, Gipuzkoa, 1953.

Profesor da UPV desde 1994. Tese sobre o bertsolarismo. Antes, traballou en televisión (1988-1994), en radio (1983-1988) e en varias ikastolas. Foi presidente da Asociación de Escritores en Lingua Vasca (1993-97).

Premio Antoine Dábbadie (2009, Diputación de Gipuzkoa) polo conxunto do seu labor no mundo do euskara. Publicou varios libros (poesía, aforismos, conto, novela infantil, ensaio); algúns foron agraciados na lotería dos premios literarios (Cidade de San Sebastián, Cidade de Irún, Barco de Vapor, Crítica Española…).

Desde tempos inmemoriais o pensamento dos pobos transitou en pequenos enunciados que sintetizaban os saberes básicos e as crenzas constitutivas da comunidade. A oración, o poema, a máxima ou o proverbio, entre outras formas, teceron unha rede textual que nutría e sostiña a cosmovisión de cada cultura.

Nunca deixou de haber eruditos que cristalizaron o seu coñecemento en aforismos, haikus ou micro ensaios. No entanto, na conxuntura actual, co advento da comunicación de masas e a revolución tecnolóxica, o pensamento en pílulas semella vivir unha eclosión inaudita que se evidencia na proliferación de novas variantes como o slogan publicitario ou o tweet.

Desde a Cidade da Cultura quixémonos preguntar sobre a natureza e o devalo do pensamento breve, desde a súa función social e cognitiva ata as súas derivadas estéticas ou políticas.

Para obter unha resposta rica en matices convocamos a unha pluralidade de disciplinas (metafísica, literatura, neurociencia, socioloxía, artes…) e apoiámonos na obra de autores de referencia como Heráclito, Lao Tse, Nietzsche, Cioran, John Cage, Castelao ou Dieste. Por outra parte, como a sabedoría comprimida nunha sentencia non é privativa dos grandes pensadores, dedicamos un apartado a tratar os xéneros populares, sexa o refrán ou a pintada.

En total son seis as sesións que compoñen este Laboratorio. En cada unha delas combinaremos un relatorio inicial a cargo de destacados expertos, cun coloquio aberto a todos os asistentes, e un terceiro tempo, a modo de obradoiro, onde exploraremos a potencia dos formatos breves como ferramenta para a transmisión de saberes, e no que exercitaremos as nosas destrezas na elaboración de aforismos.

Son xoguetes? Ou son instrumentos musicais? O mirlitón de cana, o reque-reque ou o asubío de avelá, enredos cos que xogaban os nosos bisavós, funcionan como ambas as dúas cousas. Aprender a facelos e descubrir as súas utilidades é a finalidade do obradoiro 'Xoguetes Sonoros', que se desenvolverá do 27 ao 29 de decembro na Cidade da Cultura.

A actividade está dirixida ao público familiar, tendo como destinatarios a nenas e nenos a partir de seis anos e a persoas adultas. O músico e mestre Oli Xiráldez aprenderalles aos asistentes a construír e tocar sinxelos e divertidos enredos musicais que forman parte da cultura tradicional galega.

Fío de pescar, noces, avelás e canas. Con estes materiais aparentemente simples pódese contruír un amplo abano de instrumentos. O obradoiro pretende que todos os asistentes participen da construción de instrumentos en cada sesión: mirlitón de cana, asubío de avelá, carrizo de noz e de cana, reque-reque, castañola de cana, e gaita de cana.

Ao final do obradoiro, os seus participantes poderán poñer en común o son dos diferentes instrumentos. Os asistentes comprobarán o barullo que se pode montar con estes enredos que xa utilizaban os nosos avós e bisavós. Ademais, esta actividade de Nadal quere incidir na comunicación interxeracional, xuntando a grandes e pequenos e fomentando valores como o traballo cooperativo ou a utilización de xoguetes sinxelos e, porén, con grandes posibilidades lúdicas.

INFO PRÁCTICA

Do 27 ao 29 de decembro desenvolveranse o obradoiro en dous horarios: 11:00 e 13.00h.

Cada un dos obradoiros constará de tres sesións dunha hora cada unha, e contará cun máximo de trinta prazas para pequenos e adultos.

A inscrición é gratuíta previa reserva de prazas na web.

A Cidade da Cultura pon en marcha os sábados de marzo o Obradoiro de cabezudos, catro sesións nas que confeccionar estes populares personaxes pero cun deseño máis conceptual e seguindo as experiencias levadas a cabo por artistas das vangardas históricas. A compañía Viravolta coordina esta actividade dirixida a adultos e rapaces a partir de 14 anos.

**Prazas: 20 prazas en cada quenda
**Duración: Aproximadamente 2 horas
**Entradas: A entrada dá acceso ás 4 sesións do obradoiro

Ao longo de catro sábados (3, 10, 17 e 24 de marzo) e coordinados por mestres da compañía de teatro Viravolta, os participantes nesta actividade poderán construír e decorar os seus propios bonecos. O obradoiro arrancará coa construción da base do cabezudo con caixas e cartóns, que nunha segunda fase se reforzará con papel e cola. Lista a estrutura será o momento de decorar os rasgos da cabeza a través de pinturas, papeis de cores e fotocopias de tipografías variadas. O resultado: uns cabezudos “planistas”, que parten dun novo deseño formal máis conceptual e cuxa decoración estará a cargo do artista plástico Misha Bies Golas.

A Cidade da Cultura de Galicia organiza este fin de semana un obradoiro para maiores de 18 anos que leva por título 'Paleta gráfica'.

Facer de algo tan intanxible como o píxel unha novidosa ferramenta para a arte. Este é o obxectivo do obradoiro no que os participantes se sorprenderán de como a través de materias primas tan sinxelas como un panel de grandes dimensións e pequenos imáns de cores se pode dar vida a unha sorprendente e orixinal película de animación.

O sistema é moi sinxelo: sobre unha gran táboa negra que simula ser unha pantalla de ordenador, os alumnos irán colocando manualmente os pequenos imáns de cores que representan os píxeles que dan corpo a unha imaxe dixital. Cada escena construída na “pantalla” rexistrarase cunha cámara, conectada a un sistema de captura e animación, que será a encargada de devolver eses “píxeles” do mundo tanxible ao dixital e configurar a divertida película final.

Os soportais do Arquivo de Galicia, na Cidade da Cultura, acollen este fin de semana o obradoiro familiar 'Construíndo un Maio', dirixido a adultos e nenos a partir de 6 anos. Celebra a chegada da primavera e a exaltación da natureza a través dunha das actividades máis ligadas a nosa tradición: a construción dun maio. Pensada para gozar en familia, a Cidade da Cultura pon en marcha esta actividade que lle pemitirá a nenos e adultos compoñer esta figura popular durante dúas xornadas.

Guiados en todo momento por un monitor, os participantes confeccionarán durante o primeiro día o armazón do maio con vimbios, varas e madeiras, mentres que o segundo procederase xa a decorar con flores, froitas ou plantas. Unha composición que virá acompañada dun ritual de coplas tradicionais coas que exaltar a forza da terra e da natureza.

Prazas: 25 prazas

Unha viaxe pola Historia de Galicia a través da pedra… e de imaxes. A mostra Gallaecia Petrea aposta pola narración audiovisual para enriquecer o seu discurso expositivo, poñendo en evidencia as múltiples posibilidades e aplicacións da arte cinematográfica. Con este tema central, o Museo Centro Gaiás celebra o 12 de marzo a masterclass O audiovisual e os museos, a cargo dos directores galegos Jorge Coira, Belén Montero e Juan Lesta, tres dos responsables das proxeccións audiovisuais que se poden ver na mostra.

Cunha duración de tres horas, os participantes desta masterclass coñecerán de primeira man as diferentes saídas que ofrece o audiovisual aplicado á cultura e ao disucrso museístico. Coa experiencia de Gallaecia Petrea como punto de partida, os tres directores explicarán o proceso de xestación de contidos audiovisuais específicos para ser visionados nun museo, desde a elaboración da proposta inicial á produción das pezas, a relación das imaxes cos visitantes ou as formas de narración diferenciadas.

Previamente, terá lugar a presentación do documental Sentindo a pedra, unha obra audiovisual que ofrece en pouco menos de trinta minutos un fermoso percorrido pola historia pétrea galega: desde a formación xeolóxica do noso territorio ata os nosos días. Coa produción executiva de Fernanda del Nido e a música de Nani García, Sentindo a pedra supón un novo relato audiovisual a partir das pezas creadas por Jorge Coira, Marcos Nine, Jairo Iglesias, Juan Lesta e Belén Montero para a exposición Gallaecia Petrea.

Entrada de balde previa inscrición.
Prazas: 40

Reserva praza aquí

Programa completo aquí

Co gallo do centenario do nacemento de Álvaro Cunqueiro, a Cidade da Cultura súmase ás homenaxes que Galicia dedica ao gran escritor de Mondoñedo. O Consello da Cultura Galega organiza do 28 de setembro ao 1 de outubro o Congreso “Mil e un Cunqueiros” en colaboración coas universidades de A Coruña, Santiago e Vigo. Dentro dos actos programados realízase a proxección do documental “O incerto señor Cunqueiro” na Cidade da Cultura.

Producido por Acción Cultural Española e Filmanova, con guión de Miguel Anxo Murado e a dirección de Antón Reixa, “O incerto señor Cunqueiro” é unha aproximación en profundidade á obra do escritor, tanto en castelán como en galego, onde se analiza a súa produción narrativa, teatral, poética, xornalística e gastronómica. O documental inclúe entrevistas a familiares, amigos e especialistas na súa obra: o seu fillo César Cunqueiro, Xuan Bello, Quico Cadaval, Juan Ramón Díaz, Francisco Fernández del Riego, César Antonio Molina, Sacha Ormaechea ou Anxo Tarrío. E móstranse imaxes de arquivo nas que o propio Álvaro Cunqueiro fala das súas claves literarias, dos seus amigos, dos seus gustos, etc.

Este traballo complétase coa representación dun ensaio dunha das obras teatrais máis importantes da súa produción, “Don Hamlet”, na que se reflicten moitas das características da súa obra: o gusto polas obras clásicas, a relectura dos mitos ou a súa obsesión pola linguaxe.

Seis artistas contemporáneos —Marlon de Azambuja, Elena Fernández Prada, Alicia Martín, Pamen Pereira, Jorge Peiranes e Damián Ucieda— realizan durante unha xornada intervencións pensadas para diversos espazos do complexo do Gaiás nun proxecto no que o espectador poderá atopar o diálogo e a relación directa entre arte e arquitectura.

A Cidade da Cultura convida a pensar e intervir os seus espazos a seis artistas: Marlon de Azambuja, Elena Fernández Prada, Alicia Martín, Pamen Pereira, Jorge Peiranes e Damián Ucieda.

Con este proxecto iníciase unha liña de traballo que pretende achegar este grande espazo para a creación e a reflexión a diversos artistas contemporáneos, co obxectivo de converter este lugar en protagonista dos seus traballos.
As obras serán intervencións realizadas ex profeso para áreas concretas do espazo común deste gran proxecto, de tal forma que a relación co espectador que visite o lugar sexa directa e artellada no espazo.
A cada un dos autores propúxoselles o reto de realizar unha obra que, sen arredarse en ningún momento do eixe discursivo de cadanseu traballo, poida orixinar un diálogo cun espazo arquitectónico tan singular como o do complexo.

I ENCONTRO DE ARTISTAS NOVOS
O pasado mes de setembro, a Cidade da Cultura de Galicia acolleu o I Encontro de Artistas Novos, onde 100 mozos creadores puideron compartir e debater sobre o posicionamento actual do artista e o devir da produción artística contemporánea.
Tras o evento, os seus directores invitaron os participantes a presentaren un proxecto para incluír en Inside. O resultado foi un proxecto colectivo, asinado polos 100 participantes, e que leva por título "ContainerInside".

ARTISTAS convidados

**Marlon de Azambuja
1978, Sto. Antônio de Patrulha-TS, Brasil. A súa obra relaciónase coa poética do brasileiro ‘Movemento Concreto”, do que retoma intereses como a síntese do complexo e a identidade aberta dun contorno que agora é o protagonista.

**Elena Fernández Prada
1978, León. O seu traballo centrouse en observar e representar un tipo de “o cotián alterado”, en concreto as edificacións de tipo unifamiliar que adoitan poboar a paisaxe rural de Galicia. A súa aproximación a esta realidade é de carácter lúdico e sumamente intuitivo.

**Alicia Martín
1964, Madrid. Unha das constantes da súa obra é a utilización case obsesiva do libro como materia prima. A metáfora do tempo, a ocupación do espazo, a relación da arte contemporánea coa cultura, a memoria bibliográfica como representación física do coñecemento, son algún dos elementos que configuran o seu imaxinario.

**Pamen Pereira
1963, Ferrol. Os seus comezos están marcados polo uso de elementos de contido simbólico como a auga, o aceite e a luz, cos que realiza instalación cunha forte compoñente poética que sobreviviu na súa obra posterior. Obras cargadas de simboloxía que toman como punto de partida elementos da natureza e obxectos domésticos.

**Jorge Perianes
1974, Ourense. Malia que formado como pintor, na actualidade dedícase maiormente á escultura e á instalación. A súa obra reflexiona sobre a natureza, os animais e o ser humano desde temas que nos afectan na época actual: o fragmento, a ruína, o baleiro, o home-neno, a ambigüidade, a inseguridade…

**Damián Ucieda
1980. A Coruña. A obra de Damián Ucieda entréganos a mirada máis comprometida coa nova fotografía narrativa, na que a posta en escena dos personaxes, a iluminación e as marcas de autor son claves para a construcción dunha “verdade” paralela e inquietante, invadida por enigmas e cuestión sen resolver.

A Cidade da Cultura acolle a iniciativa ‘Cancións por regalos’, unha actividade coa que achegarse á música pop nun formato acústico a cambio de facer feliz a un neno.

Organizado pola Cidade da Cultura, coa colaboración de Ernie Producciones e a Asociación Iniciativa Social Berce, o evento contará cun nutrido grupo de artistas galegos que interpretarán na Sala de Columnas da Biblioteca de Galicia parte do seu repertorio, aínda que adaptado para a ocasión a un formato máis íntimo e a todos os públicos, dende os máis pequenos aos que xa non o son tanto. Estamos ante unha oportunidade única para fomentar a solidariedade e repartir ilusión á vez que se tenta difundir a música entre a cidadanía.

O prezo da entrada? Un agasallo. Ti decides o que é máis axeitado: dende un xoguete novo ou usado, sempre que estea en boas condicións, ata roupa, libros…

A Asociación Iniciativa Social Berce, que presta especial atención aos nenos en situación de desprotección, encargarase de repartilos entre os que máis o precisen durante estas datas. Desta forma, ti levarás para casa unhas cantas cancións para o recordo e algún pequeno terá unha sorpresa o Día de Reis.

PROGRAMA

**Mehnai
O soño que cada día se volve máis real
**La Familia
Pop normal para un mundo normal
**Jane Joyd
Aposta do panorama independente
**Alondra Bentley
Sensibilidade, candor e sentimentos encontrados
**Abraham Boba
Voz, piano, guitarra, acordeón... Un universo musical propio

O Nobel de Química 2010, o xaponés afincado en Estados Unidos Ei-ichi Negishi, visita estes días Compostela para participar no Programa ConCiencia que, organizado pola USC e o Consorcio de Santiago e nesta ocasión en colaboración coa Cidade da Cultura de Galicia, chega á súa sétima edición convertido na acción de divulgación científica de máis impacto social de Galicia. O padriño de Negishi nesta visita é o profesor da USC Ricardo Riguera.

O acto central será o xoves 25 coa súa conferencia pública titulada ‘Catálise para un mundo próspero e sostible’, que terá lugar ás 20.00 horas na Cidade da Cultura.

Para asistir á conferencia, a Facultade de Química dispón para o seu alumnado un autobús que sairá ás 19.00 horas das inmediacións do propio centro (ao pé das escalinatas que baixan da Alameda cara Campus Vida, na confluencia da Avenida da Coruña coa de Compostela). Ademais, existe unha liña regular de autobuses ao Monte Gaiás.

Ei-ichi Negishi (Xapón, 1935), da Universidade estadounidense de Purdue, acadou en 2010 o Nobel de Química por conseguir acoplamentos cruzados catalizados por paladio en síntese orgánica, o que permitiu o establecemento dunha nova arquitectura molecular, máis complexa, que mellorou moitos aspectos da vida, dende a  agricultura á medicina.

A maioría das moléculas que forman os sistemas vivos na Terra están compostas por cadeas de átomos de carbono dispostas en diferentes formas. Na busca de novos métodos para construír enlaces entre eses átomos Negishi, un dos químicos orgánicos máis extensivamente citados, descubriu novas reaccións usando paladio e outros metais como catalizadores (elementos que fan que unha reacción química sexa posible ou se realice máis rápido). Estas reaccións melloraron dun xeito asombroso tanto o potencial como a eficiencia da química orgánica sintética e contribuíron substancialmente a posibilitar a construción de moléculas máis complexas.

‘Ciclo celular e cancro’ é o título da conferencia que Tim Hunt, Premio Nobel de Medicina en 2001, pronunciará en Compostela este mércores convidado polo Programa ConCiencia de Divulgación científica que convocan a Universidade de Santiago e o Consorcio da cidade, este ano coa colaboración da Cidade da Cultura que albergará o acto central ás 20.00 horas.

O profesor Tim Hunt, que visita Santiago apadriñado polo profesor da USC Anxo Vidal, comparte o Nobel co estadounidense Leland Hartwell e co tamén británico Paul Nurse polos seus descubrimentos nos reguladores chave do ciclo celular. Na actualidade Hunt desempeña a súa carreira profesional no Imperial Cancer Research Fund (Reino Unido).

Tim Hunt será recibido polo reitor Juan Casares o martes 8 ás 13.00 horas no seu despacho de San Xerome. O mesmo día da conferencia, o mércores 9, Hunt impartirá ás 11.30 horas no edificio docente Novoa Santos do CHUS unha charla dirixida a persoal investigador sobre os mecanismos do control celular. A continuación trasladarase ao CIMUS (Campus Vida) para manter diversas reunións de traballo cos grupos de investigación da USC punteiros no eido das ciencias da vida.

Hunt descubriu en 1982 unha proteína, chamada ciclina, necesaria para a división celular. As ciclinas están presentes en todos os organismos, dende as unicelulares levaduras ata os humanos, e funcionan a xeito dun reloxo que marca cando unha célula pode repartir o seu material xenético (na forma de cromosomas) entre as células fillas.

Este proceso é de crucial importancia en bioloxía non só porque controla cómo dunha única célula se poden orixinar as millóns de células diferentes que compoñen o corpo humano senón tamén porque se soubo que as alteracións nas ciclinas poden provocar a aparición do cancro.

Entre os meses de xuño e setembro, a Cidade da Cultura organiza unha serie de visitas guiadas, percorridos en bicicleta e sesións de astronomía para todos os públicos. A asistencia é de balde previa inscrición en www.cidadedacultura.org

Consultar datas e horarios: Dossier completo PDF aquí

Eduardo Galeano, un dos máis salientables escritores da literatura hispanoamericana, estará na Cidade da Cultura para presentar o seu novo libro "Los hijos de los días" (Siglo XXI de España Editores), xa á venda dende a segunda semana de abril.

O complexo do Gaiás é o escenario elixido para pechar a xira española de presentación de "Los hijos de los días", o novo libro do autor uruguaio que abrangue os días do ano, dende o 1 de xaneiro ata o 31 de decembro. De cada día nace unha historia que atravesa as fronteiras do mapa e do tempo.

Lugar: Servizos centrais. Mapa de acceso aquí

"Los hijos de los días" vén precedido por "Espejos", unha historia case universal (2008) que foi o libro de non ficción máis vendido durante varias semanas en España e en boa parte de América Latina.

Eduardo Galeano naceu en Montevideo, no 1940. Dende principios do 1973, viviu exiliado na Arxentina e na costa catalá de España. A principios do 1985 regresou a Montevideo, onde actualmente vive, camiña e escribe.

É autor de varios libros, traducidos a numerosas linguas. Neles comete, sen remordementos, a violación das fronteiras que separan os xéneros literarios.

Ao longo dunha obra onde conflúen a narración e o ensaio, a poesía e a crónica, os seus libros recollen as voces da alma e da rúa e ofrecen unha síntese da realidade e a súa memoria.

Recibiu o premio José María Arguedas, outorgado pola Casa de las Américas de Cuba, a medalla mexicana do Bicentenario da Independencia, o American Book Award da Universidade de Washington, os premios italianos Mare Nostrum, Pellegrino Artusi e Grinzane Cavour, o premio Dagerman, de Suecia, a medalla de ouro do Círculo de Bellas Artes de Madrid, e o premio Vázquez Montalbán do Fútbol Club Barcelona. Foi elixido primeiro Ciudadán Ilustre dos países do Mercosur e foi tamén o primeiro galardoado co premio Aloa, dos editores de Dinamarca, e o  primeiroo en recibir o Cultural Freedom Prize, outorgado pola Fundación Lannan nos Estados Unidos.

Skate, bmx, break dance, hip-hop, graffiti, dj’s… O Gaiás convértese por un día nunha auténtica Cidade en Movemento que acollerá totalmente de balde espectaculares exhibicións, divertidos xogos, obradoiros para todas as idades, música en directo, proxeccións audiovisuais e unha obra de teatro, un conxunto de actividades coas que achegarlle o deporte e a cultura urbana a toda a familia.

Nunhas ramplas especialmente montadas para a ocasión, o público poderá admirar a destreza de seis riders profesionais como Daniel Peñafiel “Naran”, oito dos mellores skaters do panorama actual entre os que estarán Danny león ou os galegos Diego Doural e Varo Pastor; dúas das crews máis respectadas do Bboying –Fusion Rockers Bboying e Black Shadows- e un mestre do graffiti como Anthony.

Cidade en Movemento conta tamén con obradoiros como o de Rap e Rima con El Puto Coke; Somos Ritmo con Ramiroquai, ex integrante do grupo Mayumana; ou break dance cos membros da  Black Shadow Crew. Ademais, o skater Danny León amosará pequenos trucos para converterse no rei da pista no circuíto de Skate Minicamp; e o artista vigués Anthony ensinará a manexar as técnicas do graffiti.

E para esta xornada en familia, acollerá una zona infantil con divertidos xogos como un circuíto de minikarts e outro de Fingerboard ou unha táboa de surf mecánica que lle permitirá aos pequenos coller as ondas no alto do Gaiás.

Máis info e reserva de prazas en: www.cidadedacultura.org/cultural/seccion.aspx?Id=392

Goza dunha fusión de linguaxes artísticas, na que a contundencia da arte na pedra vai da man da expresividade da danza. Tres pezas interpretadas polos bailaríns do Centro Coreográfico Galego sorprenderán ao visitante no seu recorrido guiado polos segredos de Gallaecia Petrea. Danza clásica, moderna e contemporánea a través de Uno al cubo, Paso a dos del Cascanueces e Jardí Tancat en alternancia con Aínda, tres pezas de danza que se fusionan co espazo e coa propia mostra ao longo dun percorrido único polos catro andares do Museo Centro Gaiás e as diferentes épocas que atravesa a exposición.

** Un ao cubo
Música: Secret Garden
Coreografía: Mercedes Suárez
Solo de danza interpretado por Miguel A. Ponte, que terá por compañeiro nos seus compases un cubo metálico. Trátase dun fragmento do ballet “O Calar do tempo”, estreado en 2003 e premiado no certame coreográfico de Galicia (á coreografía e mellor intérprete) e no Maratón de Danza organizado polo Teatro de Madrid (Madrid), Concurso de danza de Torrelavega (Santander) e Concurso de danza de Ribaroja del Turia (Valencia). Representado en Galicia, Madrid, Valencia, Torrelavega, Teatro Maurice Béjart e College D’Espagne (París), Gala de clausura del Curso Internacional de danza “Alicia Alonso” del Escorial, Ballet Clásico Nacional de República Dominicana y Ballet Contémpora de R. Dominicana.

** Paso a dous de O Crebanoces
Música: Tchaikovski
Coreografía: M. Petipa
El Cascanueces é un dos ballets máis populares, un conto de fadas-ballet en dous actos e tres esceas composto por Tchaikovski en 1891-1892. O visitante a Gallaecia Petrea poderá conmoverse cun fragmento desta peza de danza clásica: o paso a dous interpretado polo personaxe da Raíña das Neves.

** Jardí Tancat
Música: María del Mar Bonet
Coreografía: Nacho Duato
A coreografía Jardí Tancat foi estreada polo Nederlands Dans Theater en 1983 e, na actualidade, forma parte do repertorio do Ballet de Teatres da Generalitat Valenciana. A montaxe, reestreada no Teatro Albéniz de Madrid en 1992 no inicio da etapa de Nacho Duato como director da Compañía Nacional de Danza, está debuxada por solos, dúos e momentos corais, que adquiren unha profunda impresión de ligazón á terra. En Jardí Tancat, María del Mar Bonet canta e pon música a centenarios textos populares cataláns, que navegan entre a tristura e a melancolía.

** Aínda
Coreografía: M. Suárez
Música: ISGA Collective e tradicional galega
Esta peza contemporánea inspírase na danza tradicional galega co obxectivo de reflectir o potencial da cultura do país. Sendo máis próxima ao estilo contemporáneo, ten porén un marcado carácter galego, xa que se introducen xestos da danza popular de total expresividade. A música está inspirada tamén en melodías tradicionais galegas.

Formulario de inscrición aquí

A Cidade da Cultura de Galicia celebra do 27 de novembro ao 2 de decembro a Semana de Portugal en Gallaecia Petrea, unha semana de irmandamento entre dous territorios cunha historia e un patrimonio cultural común.

Así o demostra Gallaecia Petrea, exposición que reúne, por primeira vez, as obras máis significativas feitas en pedra na antiga Gallaecia: territorio comprendido entre os ríos Douro e Navia e que inclúe a actual Galicia, o Norte de Portugal e zonas limítrofes asturianas. O peso luso é innegable: das 91 institucións culturais, concellos e coleccionistas particulares que cederon as 341 obras que conforman esta mostra única, unha vintena son portuguesas, entre as que se atopan entidades tan destacadas como o Museu Nacional de Arqueoloxía de Lisboa, o Museu de Arte Antiga de Lisboa, o Museu do Abade de Baçal de Bragança ou o Museu da Regiao Flaviense de Chaves.

PROGRAMA

- Visita guiada a Gallaecia Petrea
    27 novembro, 11.30 h - Museo Centro Gaiás
- Presentación A Fonte do Ídolo e Catálogo de Gallaecia Petrea en portugués
    27 novembro, 17.00 h - Aula Seminario. Museo Centro Gaiás
- Concerto de María do Ceo
    30 novembro, 19.00 h - Auditorio do Centro de Innovación Cultural
    De balde ata completar aforo
    As invitacións poden recollerse o mesmo día do concerto a partir das 17:00 horas no
    Centro de Innovación Cultural. Máximo: 2 invitacións por persoa

Programa completo aquí

+ info aquí

O 17 de maio fai unha escapada ao Gaiás e goza do Día das Letras Galegas con teatro, música, unha mostra bibliográfica e actividades infantís.

Manuel Manquiña será o encargado de recordar a figura do homenaxeado este ano no Día das Letras Galegas coa lectura do manifesto de Roberto Vidal Bolaño 'Teatro do aquí' e a interpretación dunha pasaxe da obra 'Días sen gloria' de Vidal Bolaño, estreada neste mes de abril no Salón Teatro baixo a dirección de Fefa Noia.

Tras o teatro, o grupo de música antiga Resonet poralle banda sonora á xornada a través dunha homenaxe a unha das nosas poetisas máis universais: Rosalía de Castro. Con motivo do 150 aniversario da obra Cantares Gallegos, Resonet ofreceralle ao público do Gaiás varias destas cantigas populares publicadas en Vigo o 17 de maio de 1863. Nesta proposta, Resonet toma dos cancioneiros musicais populares as melodías e ritmos das cantigas nas que se inspirou Rosalía e, dun modo subxectivo, poranlle música a algunhas das poesías máis representativas dos Cantares Gallegos como Has de Cantar, Campanas de Bastabales, Adios ríos, adios fontes ou Airiños, airiños aires.

O programa complétase coa exposición '150 anos de Cantares Gallegos' e a actividade infantil 'O xogo do Touporroutou' co que os máis pequenos se achegarán á figura de Vidal Bolaño. Unha dobre homenaxe que non podes perderte!

A Cidade da Cultura quere desexarlle a todos os galegos un Bo Nadal cun programa de actividades especialmente deseñado para pasar estas datas en familia no alto do Gaiás. Teatro, xogos, obradoiros e, por suposto, música despedirán este ano e daranlle a benvida ao 2013 cunha programación da que gozar grandes e pequenos.

Diversión, lecer e aprendizaxe misturaranse nunha completa selección de actividades para todos os gustos pensada para participar en familia.

Por iso, á programación habitual da Cidade da Cultura sumaranse funcións de monicreques como a protagonizada por O Arxina e o Felo, visitas guiadas especiais ao Museo Centro Gaiás coas que descubrir a espectacular arquitectura do edificio e a historia de Gallaecia Petrea, concertos didácticos como o de Berrogüetto ou obradoiros nos que deixarse levar pola imaxinación e darlle renda solta á creatividade.

Un programa que contará como prato forte con Cancións por regalos, un concerto especial no que todos saen gañando: o espectador unhas cantas cancións para o recordo e aqueles que máis o necesiten unha sorpresa o Día de Reis: o regalo que elixas como entrada.

Consulta o programa completo aquí

Viaxar pola Historia de Galicia a través da pedra agora ten premio. Ata o 31 de marzo, as familias que se acheguen a visitar Gallaecia Petrea poderán meterse na pel de intrépidos arqueólogos e resolver os seis misterios que agocha esta exposición. Desvelar correctamente os enigmas terá recompensa: ademais de pasar un bo rato en familia e coñecer un pouco máis a nosa historia, os participantes poderán gañar paquetes de fin de semana para dous adultos e dous nenos nunha casa de turismo rural de Galicia.

Participar é moi sinxelo:
- Visitade o Museo Centro Gaiás.
- Recollede no mostrador de entrada a ficha que contén os seis misterios.
- Resolvede en equipo os enigmas que se formulan, contestando correctamente os maiores ás preguntas e realizando as actividades didácticas os máis pequenos.
- Cubride os datos persoais ao finalizar o percorrido e depositade a ficha completa no mostrador de entrada.

Todos os audaces que logren desvelar correctamente os misterios de Gallaecia Petrea entrarán nun sorteo semanal do que sairán os nomes dos premiados.

Vive unha aventura diferente no corazón do Museo Centro Gaiás!

BASES DO CONCURSO

** Duración: do 4 ao 31 de marzo.
** Condicións para participar: Só hai que contestar correctamente ás preguntas que se formulan no cuestionario que pode recollerse no mostrador de entrada do Museo Centro Gaiás e completar as actividades especialmente pensadas para os máis pequenos. Cubrir os datos persoais e de contacto e depositar a ficha no mesmo lugar de recollida.
** Requisitos: Debe constar, como mínimo, os datos dun adulto. Só entrarán no sorteo os datos das persoas que cubran correctamente o cuestionario e o entreguen fisicamente no Museo Centro Gaiás entre o 4 e o 31 de marzo.
** Premiados: Os nomes dos premiados daranse a coñecer os luns 11, 18 e 25 de marzo e o 1 de abril a través das redes sociais da Cidade da Cultura. Do mesmo xeito, contactarase persoalmente cos gañadores para comunicarlle o premio. No caso de que nun prazo de 48 horas non estean localizados, procederase a un novo sorteo.

Premios:
- Dous paquetes de fin de semana (noite venres + noite sábado) para dous adultos e dous nenos en calquera dos establecementos rurais integrados na rede Agarimo (Só válido en temporada baixa do establecemento elixido).
- Dous paquetes de fin de semana (noite venres + noite sábado) para dous adultos e dous nenos en calquera dos establecementos rurais integrados na rede Pazos de Galicia.