O Consorcio de Santiago, a editorial Sotelo Blanco e o centro comercial Área Central colaboran na organización de obradoiros para nenos a partir da colección de libros 'Branco de cores'. Trátase dunha iniciativa desenvolvida co fin de que os máis pequenos coñezan a historia, a arte e os segredos de Compostela a partir de Branco de cores, o cabaliño protagonista da colección de libros do mesmo nome, editados polo Consorcio de Santiago e Sotelo Blanco Edicións.

Todos os sábados ensinarase aos nenos aspectos fundamentais do patrimonio e a historia de Santiago de Compostela a través de contacontos, talleres e outras animacións. Varios animadores profesionais interactuarán cos asistentes que, dunha maneira divertida, poderán percorrer as rúas de Compostela a través das diferentes historias da colección de libros Branco de cores.

Este proxecto terá lugar en Área Central  até o próximo 2 de xuño, a partir das 19:00 horas. Os asistentes a cada sesión de Branco de cores levarán de obsequio o libro no que se centrou ese día a actividade.

Os títulos da colección cos que traballarán os nenos serán A rebelión das rúas, Hora de comer, Unha vaca marela en Compostela, Un pantasma na cidade, A cruz dos farrapos, Peregrino na sombra.