Con motivo da celebración do Xacobeo, o Papa Benedicto XVI visita hoxe a cidade de Compostela acompañado polo secretario de Estado do Vaticano, o cardeal Tarcisio Bertone, o substituto da Secretaría de Estado, monseñor Fernando Filoni e o prefecto de Cerimonias Pontificias, monseñor Guido Marini. Trátase da primeira vez na historia da Igrexa que nun Ano Santo, expresamente, o Papa acode a Santiago. A anterior visita dun Papa á cidade tivo lugar en 1982 con Juan Pablo II, pero foi con motivo da visita pastoral que ese ano realizou en España.

A programación da súa visita, anunciada polo arcebispo Julián Barrio, constará de tres actos principais. O primeiro deles será tras a súa chegada ao aeroporto de Lavacolla, a media mañá, onde será recibido oficialmente por membros da Casa Real e autoridades eclesiásticas e civís, nacionais, autonómicas e locais.

Tras desprazarse en papamóbil ata a cidade, entrará na catedral pola porta de Azabachería, como "peregrino da fe e testemuña de Cristo Resucitado". Terá oportunidade de rezar na capela da Comuñón, contemplar o Pórtico da Gloria, rezar ante a tumba do Apóstolo Santiago, pasar pola Porta Santa, abrazar o Apóstolo, dirixir unhas palabras aos asistentes e gozar do Botafumeiro. Os asistentes a este acto que se desenvolverá no interior da basílica compostelá serán enfermos, nenos e anciáns.

Tras comer e descansar no Pazo Arcebispal, Benedicto XVI presidirá a Eucaristía na praza do Obradoiro. A última hora da tarde dirixirase a Lavacolla e alí, despedido por un reducido número de autoridades, desprazarase a Barcelona.

Comezan os actos relixiosos tradicionais da Semana Santa Compostelá. Este ano, o programa inclúe un total de 15 procesións ademais de diversos actos litúrxicos.

PROGRAMA

**PROCESIÓNS**

VENRES 15 DE ABRIL
- 21.00 h. Procesión da Virxe das Dores. Igrexa de San Miguel dos Agros.

DOMINGO 17 DE ABRIL
- 11.30 h. Procesión da Entrada en Xerusalén. Igrexa da Orde Franciscana Segrar.
- 18.00 h. Procesión da Esperanza. Igrexa das Ánimas.

LUNS 18 DE ABRIL
- 21.30 h. Procesión da Humildade. Igrexa de Sta. María do Camiño.

MARTES 19 DE ABRIL
- 21.00 h. Procesión do Cristo da Paciencia. Igrexa das NN. Mercedarias.

MÉRCORES 20 DE ABRIL
Exercicio do Via Crucis
- 19.30 Hs Eucaristía. Igrexa de San Francisco.
- 20.00 Hs Procesión. Igrexa de San Francisco.
- 23.00 h. Procesión do Cristo da Misericordia. Igrexa de Orfas.

XOVES 21 DE ABRIL
- 19.30 h. Procesión da Última Cea do Salvador. Igrexa de San Francisco.
- 23.30 h. Procesión de Xesús Flaxelado. Igrexa de Santo Agostiño.

VENRES 22 DE ABRIL
- 11.00 h. Procesión do Santo Encontro. Igrexa de San Miguel dos Agros.
- 18.00 h. Procesión da Quinta Angustia. Igrexa da Quinta Angustia.
- 20.00 h. Procesión do Santo Enterro. Igrexa de San Domingos.
- 23.00 h. Procesión da Virxe da Soidade. Igrexa de Salomé.

SÁBADO 23 DE ABRIL
- 20.00 h. Procesión dos Irmáns. Colexio da Inmaculada.

DOMINGO 24 DE ABRIL
- 18.30 h. Procesión de Cristo Resucitado. Convento de San Francisco.

DOMINGO 1 DE MAIO
- 19.00 h. Procesión do Cristo da Paciencia. Catedral de Santiago.

**CULTOS E LITURXIA**

DOMINGO 17 DE ABRIL
- 11.30 h. Praza da Quintana. Bendición de Palmas e Ramos
- 12.00 h. Catedral. Misa Estacional. Preside Sr. Arcebispo

MARTES 19 DE ABRIL
- 12.00 h. Catedral. Santa Misa Crismal. Preside Sr. Arcebispo
Consagración de Santos Óleos e Santo Crisma

XOVES 21 DE ABRIL
- 12.00 h. Catedral. Celebración comunitaria da Penitencia
- 18.00 h. Santa Misa da Cea do Señor

VENRES 22 DE ABRIL
- 10.00 h. Catedral. Celebración do Oficio de Lecturas
- 12.00 h. Celebración Comunitaria da Penitencia
- 12.00 h. Capela das Ánimas. Sermón das Sete Palabras
- 18.00 h. Celebración Litúrxica da Paixón

SÁBADO 23 DE ABRIL
- 16.00 Catedral. Sermón da Soidade
- 17.30 Vía Crucis
- 23.00 Solemne Vixilia Pascual

DOMINGO 24 DE ABRIL
- 09.45 h. Catedral. Celebración de Laudes. Con procesión de chirimías e botafumeiro
- 10.00 h. Santa Misa Estacional. Con Bendición Apostólica, concedendo “indulxencia plenaria“.

Ao longo da Semana Santa, composteláns e visitantes poderán gozar ademais dunha ampla oferta musical, proposta polo Festival de Músicas Contemplativas.

A Catedral de Santiago acolle esta tarde as Solemnes Vésperas, acto relixioso que precede á conmemoración da consagración catedralicia no seu 800 aniversario que terá lugar mañá.

A basílica compostelá será escenario dunha celebración relixiosa solemne en recordo da consagración da catedral románica que tivo lugar en 1211, presidida polo entón Rei de León Alfonso IX, ao que acompañaron o seu fillo, o Infante Fernando, dez bispos galegos e portugueses e todas as personalidades eclesiásticas e civís de León e Galicia. Procesión inicial polas cruces da Consagración e misa solemne presidida polo Sr. Arcebispo.

No Día de Santiago e Día de Galicia, celébrase a procesión do Patronato do Apóstolo Santiago, seguida da solemne misa e a ofrenda nacional, que realiza o Delegado Rexio ante representantes da sociedade galega.

Comezan os actos relixiosos tradicionais da Semana Santa Compostelá. Este ano, o programa inclúe un total de 16 procesións ademais de diversos actos litúrxicos.

PROGRAMA 2012

**PROCESIÓNS**

VENRES 30 DE MARZO
- 21.00 h. Procesión da Virxe das Dores. Igrexa de San Miguel dos Agros.

DOMINGO 1 DE ABRIL
- 11.00 h. Procesión da Entrada en Xerusalén. Igrexa da Orde Franciscana Segrar.
- 18.00 h. Procesión da Esperanza. Igrexa das Ánimas.

LUNS 2 DE ABRIL
- 21.30 h. Procesión da Humildade. Igrexa de Sta. María do Camiño.

MARTES 3 DE ABRIL
- 21.00 h. Procesión do Cristo da Paciencia. Igrexa das NN. Mercedarias.

MÉRCORES 4 DE ABRIL
Exercicio do Via Crucis
- 19.30 Hs Eucaristía. Igrexa de San Francisco.
- 20.00 Hs Procesión. Igrexa de San Francisco.
- 23.00 h. Procesión dos Estudantes. Colexio das Orfas.

XOVES 5 DE ABRIL
- 19.00 h. Procesión da Última Cea do Salvador. Igrexa de San Francisco.
- 23.30 h. Procesión de Xesús Flaxelado. Igrexa de Santo Agostiño.

VENRES 6 DE ABRIL
- 11.00 h. Procesión do Santo Encontro. Igrexa de San Miguel dos Agros.
- 18.00 h. Procesión da Quinta Angustia. Igrexa da Quinta Angustia.
- 20.00 h. Procesión do Santo Enterro. Igrexa de San Domingos.
- 23.00 h. Procesión da Virxe da Soidade. Igrexa de Salomé.

SÁBADO 7 DE ABRIL
- 19.30 h. Procesión dos Irmáns. Colexio da Inmaculada.

DOMINGO 8 DE ABRIL
- 11.00 h. Procesión de Cristo Resucitado. Convento de San Francisco.

DOMINGO 15 DE ABRIL
- 11.00 h. Procesión do Cristo da Paciencia. Praza do Obradoiro.

**CULTOS E LITURXIA**

DOMINGO 1 DE ABRIL
- 11.30 h. Praza da Quintana. Bendición de Palmas e Ramos
- 12.00 h. Catedral. Misa Estacional. Preside Sr. Arcebispo

MARTES 3 DE ABRIL
- 12.00 h. Catedral. Santa Misa Crismal. Preside Sr. Arcebispo
Consagración de Santos Óleos e Santo Crisma

XOVES 5 DE ABRIL
- 12.00 h. Catedral. Celebración comunitaria da Penitencia
- 18.00 h. Santa Misa da Cea do Señor

VENRES 6 DE ABRIL
 
- 12.00 h. Catedral. Celebración Comunitaria da Penitencia
- 12.00 h. Capela das Ánimas. Sermón das Sete Palabras
- 17.00 h. San Francisco. Desencravo
- 18.00 h. Catedral. Celebración Litúrxica da Paixón

SÁBADO 7 DE ABRIL
- 12.00 Catedral. Celebración do Oficio de Lecturas
- 18.00 Catedral. Vía Crucis e Sermón da Soidade
- 22.00 Catedral. Solemne Vixilia Pascual

DOMINGO 8 DE ABRIL
- 11.30 h. Catedral. Celebración de Laudes. Con procesión de chirimías e botafumeiro
- 12.00 h. Catedral. Santa Misa Estacional. Con Bendición Apostólica, concedendo “indulxencia plenaria“.

Celébrase a Santa Misa Crismal, presidida polo Arcebispo de Santiago, na que se consagran os Santos Óleos –para unxir a bautizados e enfermos- e o Santo Crisma, óleo perfumado que representa ao Espírito Santo.

Como marca a tradición católica, o Xoves Santo celébrase a Santa Misa da Cea do Señor, en conmemoración da última cea que Xesús celebrou cos seus discípulos.

Os católicos celebran a penitencia tras a traizón a Cristo.

A Catedral alberga o último acto litúrxico do Venres Santo: a misa na que se conmemora a Paixón de Cristo.

Os católicos celebran a penitencia tras a traizón a Cristo.

Posteriormente á solemne Procesión da Soidade na noite do Venres Santo, os cristiáns reúnense ao día seguinte na Catedral, para asistir á cerimonia relixiosa onde predicarase o Sermón da Soidade; unha celebración que adoita concluír cun canto dedicado á soidade da Virxe.

A Igrexa católica celebra unha liturxia coa máxima solemnidade. No templo a escuras bendícese un lume co que se acende o Cirio Pascual, unha enorme vela que simboliza a Cristo Resucitado. Os fieis acenden os seus propios cirios, lense relatos do Antigo Testamento e cántase.

Celebración do Oficio de Lecturas na que se medita sobre un tema bíblico.

A Catedral alberga o último acto litúrxico da Semana Santa: a Santa Misa Estacional, con bendición Apostólica, que concede a indulxencia plenaria.

Ás 18:00 h. o Sr. Arcebispo convoca ás familias da Diocese a celebrar esta festividade con el na Catedral no ANO DA FE. Especialmente, anímase os nenos para que veñan e participen activamente coas súas familias.

A catedral compostelá acolle esta mañá a cerimonia anual da tradicional Traslación dos Restos do Apóstolo Santiago.

- 11.30h. O Sr. Arzobispo de Santiago, Excmo e Rvdmo. Sr. D. Julián Barrio, preside na Catedral a Festividade da Translación do Santo Apóstolo Santiago. A Delegada Rexia será a Presidenta do Parlamento de Galicia, Dª. Pilar Rojo.

Ás 11,30 h. iníciase a Procesión solemne do Excelentísimo Cabido, os Sacerdotes concelebrantes e o Excelentísimo Sr. Arcebispo, acompañados das chirimías e co funcionamento do Botafumeiro. Ao chegar ao altar maior dá comezo a Misa Estacional durante a cal ten lugar a Ofrenda Nacional ao Apóstolo Santiago, por parte da Excelentísima Sr.a Delegada Regia.

O primeiro día do ano, a Catedral de Santiago acolle a celebración da Oitava de Nadal, solemnidade de Santa María Nai de Deus. A mediodía, o Excelentísimo Sr. Arcebispo, Don Julián Barrio Barrio, preside a Misa Estacional.

A Catedral de Santiago acolle esta mañá a celebración da Solemnidade da Epifanía do Señor. Pouco antes de mediodía, dá comezo a procesión solemne do Excelentísimo Cabido, cos Sacerdotes concelebrantes e o Excelentísimo Sr. Arcebispo, Don Julián Barrio Barrio, acompañados das chirimías e co funcionamento do Botafumeiro. Ao chegar ao altar maior dá comezo a Misa Estacional.

O Arcebispo de Santiago, D. Julián Barrio, preside esta mañá unha Misa de acción de grazas polo Pontificado de Benedicto XVI na Catedral de Santiago.

O Arcebispo de Santiago, D. Julián Barrio, acompañado do Cabido da SAMI Catedral, presidirá a celebración eucarística e o solemne Te Deum de Acción de Grazas pola elección do novo Sumo Pontífice da Igrexa.

26 de marzo, 12:00 h.

Catedral de Santiago

Celébrase a Santa Misa Crismal, presidida polo Arcebispo de Santiago, na que se consagran os Santos Óleos –para unxir a bautizados e enfermos- e o Santo Crisma, óleo perfumado que representa ao Espírito Santo.

28 de marzo, 12:00 h.

Catedral de Santiago

Os católicos celebran a penitencia tras a traizón a Cristo.

28 de marzo, 18:00 h.

Catedral de Santiago

Como marca a tradición católica, o Xoves Santo celébrase a Santa Misa da Cea do Señor, en conmemoración da última cea que Xesús celebrou cos seus discípulos.

29 de marzo, 12:00 h.

Catedral de Santiago

Os católicos celebran a penitencia tras a traizón a Cristo.

29 de marzo, 18:00 h.

Catedral de Santiago

A Catedral alberga o último acto litúrxico do Venres Santo: a misa presidida polo Arcebispo na que se conmemora a Paixón de Cristo.

30 de marzo, 22:00 h.

Catedral de Santiago

O Arcebispo de Santiago celebra unha liturxia coa máxima solemnidade. No templo a escuras bendícese un lume co que se acende o Cirio Pascual, unha enorme vela que simboliza a Cristo Resucitado. Os fieis acenden os seus propios cirios, lense relatos do Antigo Testamento e cántase.

30 de marzo, 18.00 h.

Catedral de Santiago

Trala solemne Procesión da Soidade na noite do Venres Santo, os cristiáns reúnense ao día seguinte na Catedral, para asistir á cerimonia relixiosa onde predicarase o Sermón da Soidade; unha celebración que adoita concluír cun canto dedicado á soidade da Virxe.

31 de marzo, 11:30 h.

Catedral de Santiago

Procesión con Chirimías e Botafumeiro.

31 de marzo, 12:00 h.

Catedral de Santiago

A Catedral alberga o último acto litúrxico da Semana Santa: a Santa Misa Estacional, con bendición Apostólica, que concede a indulxencia plenaria. Presidida polo Arcebispo de Santiago.

Dentro do programa de actividades da celebración do 800 aniversario da consagración da catedral, inclúese a visita guiada ao subsolo da basílica, cun percorrido polos depósitos arqueolóxicos escavados por Antonio López Ferreiro e Chamoso Lamas, e que inclúen unha necrópole de época romana.

Cincuenta anos despois das excavacións arqueolóxicas da Catedral, o Cabido catedralicio ofrece ao público a posibilidade única de baixar ao subsolo do templo e contemplar a historia antiga de Santiago de Compostela feita pedra.
Este descenso ás entrañas da Catedral é en realidade un descenso á historia do monte sagrado en que o bispo Teodomiro recoñeceu a tumba do apóstolo Santiago no ano 813. Nos estreitos espazos, ata agora só accesibles a investigadores, o visitante encontrará o cemiterio romano e a necrópolis sueva con ducias de tumbas e lápidas de entre 12 e 19 séculos de antigüidade. Tamén se topará con parte da primeira muralla e as defensas do núcleo urbano crecido arredor da basílica prerrománica do século IX.
Unha viaxe imprescindible para coñecer os fundamentos históricos da cidade e do seu templo.

Trátase de visitas reducidas, dado a dificultade do acceso e a estreiteza do lugar, de forma que para poder participar nelas é preciso inscribirse previamente no Pazo de Xelmírez. As persoas interesadas en participar nas visitas guiadas que se realizan á cripta poden reservar praza chamando ao número de teléfono 981552985, ou a través do correo electrónico excavaciones@catedraldesantiago.es.

As visitas teñen unha duración aproximada de 45 minutos, e o prezo da entrada para asistir a estas é de 10 € por persoa.

A Real Filharmonía de Galicia e a Capela Compostelana interpretan esta noite a Misa de Réquiem de Melchor López e obras corais de José de Vaquedano, mestres de capela da Catedral nos séculos XVII e XVIII. O concerto inaugura os actos previstos para conmemorar o 800 aniversario da consagración da Catedral.

Real Filharmonía de Galicia
Capela Compostelana

J. de Vaquedano, selección de obras corais
M. López, Misa de Réquiem

A música do século XIII volverá soar na Catedral de Santiago no oitavo centenario da súa consagración grazas ao grupo de música antiga Resonet, que ofrecerá un concerto formado por pezas do Códice Calixtino e de peregrinos medievais, as mesmas que soaban na basílica xacobea no tempo da súa consagración, en 1211. Todas estas pezas foron gravadas nun disco conmemorativo.

Un traballo de recuperación da tradición litúrxica medieval da festa de Santiago, con libreto en seis idiomas e fotografías de Eutropio Rodríguez.

A V edición do Compostela Organum Festival prosegue esta tarde o seu ciclo de verán na catedral cun concerto gratuíto a cargo do organista vasco Esteban Landart. O programa inclúe obras de Bach, Liszt e Alain.

O Compostela Organum Festival está estreitamente ligado ao patrimonio relixioso da cidade e á revitalización dos órganos dos templos, herdeiros dunha tradición musical secular na historia de Santiago e nos que se xuntan escultura e pintura con elementos propiamente sonoros, o que fai destes órganos auténticas pezas de arte con entidade propia no conxunto arquitectónico ao que pertencen. Por iso, e grazas ao labor de concienciación deste festival, nos últimos anos levouse a cabo un importante labor de restauración e recuperación dos órganos da cidade, como os da Catedral, San Paio, San Miguel dos Agros ou o das Ánimas.
A tradición organística de Santiago de Compostela vén de lonxe, con nomes tan importantes como os fabricantes Baltasar Machado, Manuel de la Viña, Alberto de la Peña ou Mariano Tafall.

O Consorcio de Santiago e a Asociación Musical Berenguela presentan o Compostela Organum Festival, ciclo de verán, unha iniciativa que promove a acción cultural no patrimonio histórico de Santiago a través de catro concertos en diversas igrexas da cidade vella. Entre os músicos que participarán destacan Canco López, Gianluca Libertucci, Norbert Petry e o grupo Tasto Solo.

PROGRAMA

- Sábado 8 de outubro, 20:30 h. Igrexa da Universidade
Tasto Solo
“Os ministriles de teclado na corte de Juan I de Aragón”
Johan dels Orguens

- Domingo 16 de outubro, 20:30 h. Igrexa de San Paio de Antealtares
Ars Combinatoria
Canco López, director
“J.S. Bach, concertos e cantatas”

- Sábado 22 de outubro, 21:00 h. Catedral
Gianlucca Libertucci, órgano
Bach, Liszt, Franck

- Sábado 29 de outubro, 20:30 h. Igrexa da Universidade
Norbert Petry, órgano
 “Glosas, danzas e variacións”

A Catedral de Santiago acolle esta noite a actuación da orquestra e o coro Gaos, que interpretarán o Réquiem de Mozart nun concerto gratuíto. O recital inscríbese no ciclo de concertos nas catedrais galegas, programado pola Consellería de Cultura e Turismo con motivo da celebración do Ano da Música de Galicia. A Orquestra Gaos interpretará tamén na Catedral de Santiago o ‘Concerto para clarinete e orquestra en la maior’ do xenio de Salzburgo.

O Ciclo de concertos nas catedrais galegas chegará o día 15 á Catedral de Santiago. A Orquestra e o Coro Gaos interpretarán a Misa de Réquiem en re menor, de Wolfgang Amadeus Mozart, nun recital gratuíto no que contarán coa colaboración dos cantantes Carmen Subrido, Nuria Lorenzo, Borja Quiza e Francisco Corujo. A Orquestra Gaos executará ademais xunto ao clarinetista Antonio Suárez o Concerto para clarinete e orquestra en la maior, tamén do xenio de Salzburgo.

A Consellería de Cultura e Turismo programa o “Ciclo de concertos nas catedrais galegas” enmarcado na conmemoración do Ano da Música de Galicia 2011. O ciclo xa levou esta semana o Réquiem de Mozart ás catedrais de Ourense, Tui e Lugo. O último recital deste ciclo será na Catedral de Mondoñedo.

A Orquestra Gaos nace en abril de 2009 formada por músicos de toda Galicia, na súa meirande parte estudantes e profesores dos principais conservatorios galegos, baixo a dirección de Fernando Briones. En apenas dous anos, colaboraron coa orquestra 227 músicos galegos en 19 programas diferentes, a través de 30 concertos nos principais auditorios de Galicia. Participaron como solistas 11 músicos galegos cunha gran traxectoria artística, e posuidores dunha dilatada carreira como o caso do barítono Borja Quiza, o clarinetista Antonio Suárez, solista da Gustav Mahler Jugendorchester ou a violista Inés Picado.

Grazas á participación da orquestra na presentación do Xacobeo 2010, a formación compartiu escenario coa soprano chilena Cristina Gallardo-Domâs, coa que realizou a súa primeira gravación discográfica: un cd con 14 temas galegos orquestrados por Juan Durán. A Orquesta Gaos ten a súa propia tempada de concertos no Teatro Colón da Coruña e xa está inmersa na súa terceira tempada na que participarán o pianista Gabriel López, o violinista Javier Cedrón ou o frautista André Cebrián. Ademáis, estreará obras de cinco compositores galegos e, en decembro, realizará unha gala lírica coa soprano Ainhoa Arteta.

O Coro Gaos nace en setembro de 2010 como continuación do proxecto da Orquesta Gaos. Está constituído por 50 voces e todos eles teñen unha ampla experiencia en diferentes coros da comunidade. Reciben formación vocal mediante clases de técnica con profesoras da categoría de Mª Carmen Subrido ou Manuela Soto, así como mediante a organización de cursos de canto con importantes figuras da lírica.

A semana de concertos do Festival Compostela Organum continúa esta noite na Catedral, onde o reputado organista italiano Gianluca Libertucci interpretará pezas de Bach, Liszt e Franck.

Libertucci é o organista da basílica de San Pedro do Vaticano, e é o encargado da parte musical nas audiencias do Papa. Este concerto pode ser definido como unha paráfrase do coñecido canto gregoriano Victimae Paschali Laudes, coa vida e a morte enfrontándose nun duro combate, pero sabendo que ao final Cristo vence coa súa resurrección.

A Catedral de Santiago acolle esta tarde un concerto de órgano e a gravación dun disco que permitirá a recuperación da obra musical de Melchor López, mestre de capela e organista da Catedral a finais do século XVIII. O concerto, a cargo do organista Bruno Forst, forma parte da programación do 800 Aniversario da Catedral do Consorcio de Santiago de Compostela.

Obras de órgano de D. Melchor López (1759-1822)
Órgano: Bruno Forst

Esta noite, a Catedral de Santiago será escenario dun concerto protagonizado pola Coral Sinodal de Moscova, unha agrupación con máis de tres séculos de historia. O programa leva por título 'Música Espiritual Rusa: Séculos XV–XXI'.

O Auditorio de Galicia acolle esta noite o concerto de clausura do oitavo centenario da Catedral de Santiago, un concerto a cargo da Real Filharmonía de Galicia, que interpretará O Mesías de Haendel, dirixida por Antoni Ros Marbà e acompañada para a ocasión por Elena de la Merced (soprano), Carlos Mena (alto), Benjamin Hulett (tenor) e Josep Miquel Ramón (barítono).

"Como todo artista verdadeiro e rigoroso, Händel non encomiaba as súas propias obras. Pero amaba unha, O Mesías, por gratitude, porque o salvou da súa propia sima, porque con ela o mesmo se redimia" Stefan Zweig

Real Filharmonía de Galicia
Antoni Ros Marbà, director
Elena de la Merced, soprano
Carlos Mena, alto
Benjamin Hulett, tenor
Josep Miquel Ramón, barítono
Rias Kammerchor

G. F. Händel, O Mesías

O festival Internacional de Música Euro-Vía chega a Compostela os días 2 e 3 de xuño e ten como actividade principal un concerto no que o Europa Antiqua Consort interpreta as Vésperas da Beata Virxe de Claudio Monteverdi nun concerto na Catedral.

O Euro–Vía Festival é unha proposta de programación musical con vocación itinerante. Baixo o lema ‘Praceres musicais ao longo dos camiños de peregrinación’ ven programando música a través dos camiños de peregrinación europeos dende o ano 2005: música para órgano, programas corais, música orquestral, recalando en cidades como París (Notre Dame), Londres (Westminster), Porto, Munich, Copenhagen, Venecia, Roma, etc. Dende 2011 o Festival peregrina de Roma a Santiago de Compostela pasando por Baviera, Francia, Portugal e España (Barcelona, Burgos e León) e chegará o día 2 de xuño a Compostela cun programa repleto de citas musicais.

PROGRAMA

** 2 de xuño

- 18.00 h. Conferencia sobre a iconografía musical do ‘Pórtico da Gloria’ a cargo do Prof. Dr. Carlos Villanueva Abelairas, no Paraninfo da Facultade de Xeografía e Historia da USC, acompañado musicalmente polo grupo Martin Codax.

- 19.30 h. Igrexa da Universidade. Concerto de órgano, conxunto coral e guitarras con obras para dúas e catro guitarras e órgano de Bach, Rodrigo, Hakim e outros, da man do Duo Gruber & Maklar e Amadeus Guitar Duo e o organista Jürgen Geiger, xunto ao coro xuvenil de Landsberg am Lech.

** 3 de xuño

- 10.00 h. Celebración da Santa Misa oficiada na catedral, que contará coa presenza do coro xuvenil de Landsberg am Lech, dirixido por Marianne Lösch e Jürgen Geiger ao órgano.

- 21.00 h. Interpretación das Vésperas da Beata Virxe de Monteverdi, nun concerto na catedral compostelana. O programa será interpretado polo conxunto Europa Antiqua Consort, integrado por membros dos máis importantes grupos de música antiga de Europa (Freiburger Barockensemble, Les Cornets Noirs, Cantus Cölln, Collegium Vocale Gent, Huelgas Ensemble ou La Petite Bande) baixo a dirección de Johannes Skudlik.

Todos os concertos e actividades son de balde até completar aforamento.

Máis información en www.euro-via-festival.org

Convocatoria á sociedade para rodear todo o perímetro da catedral nun simbólico abrazo como mostra de apoio ao oitavo centenario da súa consagración. 'Compostela abraza á súa Catedral' é unha singular iniciativa á que están invitados todos os que queira homenaxear ao templo, dándolle un abrazo simbólico, similar á que millóns de peregrinos dan ao Apóstolo no altar maior da basílica xacobea.

O acto empezará sobre as 13:00 horas na Praza da Quintana. Unha persoa collerá coa súa man a outra e así sucesivamente, percorrendo o perímetro da Catedral como unha xigantesca onda, ata que a persoa que o iniciou quede unida polas dúas mans. Calcúlase que farán falta unhas 800 persoas para rodear a Catedral, un número que coincide co 800 aniversario e, aproximadamente, co número de quilómetros do Camiño Francés, dende Roncesvalles a Compostela.

O Colexio de Fonseca acolle ata finais do mes de xullo a mostra 'Domus Iacobi. A Historia da Catedral de Santiago', unha exposición organizada polo Cabido que repasa a historia da basílica xacobea, custodia do sepulcro do Apóstolo Santiago e meta de peregrinación. Unha viaxe a través do tempo para comprender mellor as claves da historia e a arte da Catedral a través de varias das pezas máis singulares do seu patrimonio, algunhas presentes por vez primeira fóra das súas localizacións habituais e outras, procedentes de coleccións particulares, que volven por uns meses a Compostela sumándose á celebración dos 800 anos da consagración.

A exposición desenvólvese en nove ámbitos nos que, segundo unha orde cronolóxica, se abordan os principais fitos na historia da Catedral. O momento da Consagración, o 21 de abril de 1211, convértese en punto de inflexión e ocupa un lugar protagonista no percorrido da exposición.

Co obxectivo de dar a coñecer o Plan Director da Catedral de Santiago, o Consorcio de Santiago organiza unha exposición divulgativa que pon en valor a importancia deste documento, que servirá de base para a posta en marcha dunha estrutura estable de restauración e mantemento para a Catedral de Santiago. A mostra, aloxada no Pazo de Xelmírez, inclúe paneis explicativos e maquetas sobre a investigación previa dende os primeiros debuxos da catedral do século XVII.

A mostra presenta unha maqueta da basílica realizada a partir dos planos dos alzados das súas diferentes fachadas. A Fundación Barrié colabora coa iniciativa e achega o material audiovisual que recrea de xeito virtual o Pórtico da Gloria, así como o son dos instrumentos do coro de anciáns do conxunto.

O Pazo de Xelmírez acolle a exposición titulada 'O Códice Calixtino', unha mostra didáctica que ofrece a posibilidade de contemplar durante uns días o orixinal deste manuscrito do século XII e coñecer o seu contido.

A mostra conformouse tras a localización a principios do mes de xullo do Códice Calixtino, que fora roubado hai un ano da Catedral de Santiago e que pasou 12 meses oculto nun garaxe do Milladoiro.

Durante os primeiros catro días da exposición, o orixinal do Códice estará depositado nunha urna antibalas, fabricada especialmente para a ocasión. A continuación será substituído por un facsímile. No Pazo de Xelmírez quedarán tamén ata fin de ano os paneis informativos sobre distintos elementos do Códice e unha versión dixital que permite coñecer, páxina a páxina, este libro.

Ademais de paneis informativos, os asistentes poderán ver un facsímile do Tumbo A e o orixinal da Historia Compostelá de Diego Xelmírez, do século XV, aberto pola páxina na que fala do Códice Calixtino. Así mesmo, tamén están presentes traducións da peza e estudos sobre esta.

A Hospedaría de San Martiño Pinario acolle ata finais do mes de outubro 'Compostelas en Compostela', unha exposición que reúne medio centenar de 'compostelas' e outras credenciais relacionadas con diversas rutas de peregrinación.

Unha cincuentena de documentos integran a colección propiedade de Fernando Lalanda. A exposición componse de reproducións da tradicional 'compostela' que ao longo da historia se entrega en Compostela como certificado aos peregrinos que ata aquí chegan, por unha parte, e por outra móstranse os certificados que na actualidade se entregan nas outras peregrinacións 'maiores' da cristiandade, como Roma e Xerusalén, así como noutras peregrinacións chamadas 'menores' polo seu ámbito máis restrinxido: Liébana, Oviedo, Caravaca de la Cruz, Padrón, Asís, Nidaros ou Budapest.

A mostra exhibe a historia e transformación do certificado dende 1733 a 1993, ata chegar aos catro modelos que actualmente expide a Catedral compostelá. Ademais complétase cos documentos que outras institucións outorgan ao peregrino compostelán: Expóñense os diplomas de final de peregrinación que, a imitación da "Compostela", se emiten noutros centros de peregrinación cristiá. E finalmente os diplomas que a xeito de recordo recollen os peregrinos ao seu paso polos lugares por onde transcorre o Camiño de Santiago.

Na exposición 'Compostelas en Compostela' colaboraron o Cabido, a Asociación Galega de Amigos do Camiño de Santiago (AGACS) e a revista Peregrina.

Ata finais do mes de novembro, a Sala Manrique del Pazo de Xelmírez alberga a exposición titulada 'Primeira colección de Modesto Paz Camps sobre a Catedral de Santiago'. A exposición está organizada polo propio pintor e a Fundación Catedral de Santiago e completa a oferta expositiva do Museo da Catedral xunto á exposición 'Códice Calixtino', na Sala de Cerimonias, e 'A Catedral de Santiago, corazón de Compostela' sobre o Plan Director na Sala de Armas.

Modesto Paz, galego de Ortiguiera aínda que residente en Santiago de Compostela, é un reputado paisaxista que levou a súa arte por numerosas salas de arte de todo o mundo, principalmente en Norteamérica.

Entrada libre. Acceso dende a Catedral.

Con motivo do Ano da Fe, a Catedral de Santiago organiza no Pazo de Xelmírez a exposición titulada 'Creo', unha mostra na que se expoñen pezas artísticas de primeira magnitude pertencentes á Catedral e o seu Museo e que, de xeito didáctico, ilustran cada unha das partes das que se compón a oración do Credo. Entre outras xoias, a mostra expoñerá a Virxe do Perdón, de alabastro do século XV, o Cristo de marfil procedente do oratorio do arcebispo Rajoy, ou a figura do Salvador, procedente da capela do mesmo nome, a máis antiga da Catedral. Ademais, e por primeira vez, serán expostos ao público os 14 cobres que se gardan na Sancristía da Catedral, e que fan alusión, precisamente, ao Credo.

A exposición vai permitir ver por primeira vez unha serie de 12 óleos sobre cobre que se achan na Sancristía da Catedral, non aberta ao público, e que, precisamente, narran en doce escenas cada unha dos apartados dogmáticos da oración do Credo. Trátase dunhas pezas de mediados do século XVII de alta calidade, adscritas á escola flamenca de Amberes, e que foron pintadas a partir duns gravados de Martín de Vos.

Creo é unha actividade cultural que se organiza con motivo do Ano da Fe, proclamado polo Papa Benedicto XVI. Deu comezo o pasado o 11 de outubro de 2012, no 50 aniversario da inauguración do Concilio Vaticano II e concluirá o 24 de novembro de 2013, na Solemnidade de Cristo Rei do Universo. Con el a Igrexa invita a reflexionar e a "redescubrir o camiño da fe para iluminar de xeito cada vez máis claro a alegría e o entusiasmo renovado do encontro con Cristo", en palabras do Papa.

O Consorcio de Santiago, en colaboración con Teófilo Comunicación, abre unha nova mostra na sede de Praterías do Museo das Peregrinacións e de Santiago. Así, unha das salas do Museo acollerá unha exposición visual sobre a Torre do Reloxo da Catedral de Santiago, unha das obras cume do barroco e que foi recentemente restaurada.

Precisamente, aproveitando esa restauración, o fotógrafo de Teófilo Comunicación Alberte Peiteavel realizou unha extensa reportaxe fotográfica que permitiu descubrir detalles arquitectónicos que habitualmente pasan desapercibidos ao ollo do viandante. A exposición componse dunha selección destas fotografías acompañadas de textos explicativos e elementos audiovisuais.

Estas fotografías foron recollidas nunha publicación que viu a luz recentemente e que xa está dispoñible nas librarías. Este libro ofrece un retrato dunha peza de especial simbolismo integrada no complexo catedralicio compostelán, en pleno corazón da cidade. Nos achega unha visión próxima e con minuciosos detalles sobre aspectos desta torre que pasan desapercibidos nunha ollada desde as prazas da Quintana ou de Praterías: os seus diferentes corpos arquitectónicos, a decoración con torretas, as formas vexetais e os motivos xacobeos que se foron incorporando co paso do tempo.

O contido deste libro é unha recompilación de imaxes  deste conxunto pétreo de singular beleza captadas polo obxectivo da cámara de Alberte Peiteavel, e inclúe un interesante apuntamento documental de Ramón Yzquiedo Peiró, responsable de conservación do Museo da Catedral de Santiago de Compostela.

“La Berenguela” resposta ademáis a un deseño e presentación especiais de tal xeito que o libro adopta unha estrutura vertical (14 x 33 centímetros) tal que a forma da maxestuosa silueta desta torre de torres, que foi concibida inicialmente como construción defensiva da cidade, que acolle a popular campá do mesmo nome, o  reloxo con esferas dunha soa agulla, e que remata na súa parte máis alta coa lanterna que serviu e serve de guía aos peregrinos que se achegan ata o santuario apostólico.

O Parador Hostal dos Reis Católicos acolle durante catro xornadas o ciclo gratuíto de conferencias 'Plan director de la Catedral de Santiago'. O Consorcio de Santiago, programador do ciclo, organiza tamén unha exposición divulgativa que vai poñer en valor a importancia deste documento, que servirá de base para a posta en marcha dunha estrutura estable de restauración e mantemento para a Catedral de Santiago.

PROGRAMA

**13 de xuño

- 16:35 h. Presentación das xornadas. Xosé Manuel Villanueva Prieto, Xerente do Consorcio de Santiago.
- 16:45 h. CONFERENCIA INAUGURAL “Os oficios da pedra na Catedral”. Miguel Sobrino González. Escultor e debuxante. Escola Técnica Superior de Arquitectura de Madrid (ETSAM).
- 17:30 h. “O Plan Director da Catedral de Santiago”. Javier Alonso de la Peña. Arquitecto redactor do Plan Director da Catedral de Santiago.
- 18:15 h. – 18:45 h. Pausa
- 18:45 h. “Eloxio da cooperación, a solidaridade e a constancia nos procesos de construción. O exemplo da Sagrada Familia de Barcelona”. Jordi Faulí, arquitecto director adxunto das obras do Templo da Sagrada Familia de Barcelona.
- 19:30 h. Consultas do público asistente e conclusión da xornada. Modera Xosé Manuel Villanueva Prieto, Xerente del Consorcio de Santiago.

**14 de xuño

- 16:30 h. “O proceso de restauración do Pórtico da Gloria”. Ana Laborde Marqueze, codirectora técnica del Programa Catedral de Santiago. Fundación Pedro Barrié de la Maza.
- 17:15 h. “A xestión da fábrica Catedral de Sevilla”. Francisco Navarro. Coengo Xerente de Patrimonio da Catedral de Sevilla.
- 17:45 h. “A Oficina Técnica da Catedral de Sevilla”. Alfonso Jiménez. Arquitecto Mestre de obras da Catedral de Sevilla
- 18:30 h. – 19:00 h. Pausa
- 19:00 h. “A Fundación Catedral Santiago de Compostela e o proceso de xestión, restauración e mantemento da Catedral de Santiago co horizonte do próximo Ano Santo 2021”. Daniel Lorenzo. Director da Fundación Catedral Santiago de Compostela. Cabildo da Catedral de Santiago.
- 19:45 h. Consultas do público asistente e conclusión da xornada. Modera: Daniel Lorenzo. Director da Fundación Catedral Santiago de Compostela. Cabildo da Catedral de Santiago.

**15 de xuño

- 16:00 h. “Vida nas pedras da Catedral de 
Santiago: da hemoglobina á clorofila”. Jesús Izco Sevillano e Jesús Domínguez Conde. Universidade de Santiago
- 16:45 h. “A Catedral de Santiago de Compostela – camiños e camiños extraviados cara ao Finis Terrae: últimas investigacións das Universidades de Cottbus e Berna”. Bernd Nicolai. Universidade de Berna. Anke Wunderwald. Universidade de Cottbus
- 17:30 h – 18:00 h. Pausa
- 18:00 h. “A evolución da fábrica da Catedral e a simultánea consolidación da trama urbana da cidade”. Victoriano Nodar. Universidade de Santiago
- 18:45 h. Consultas do público asistente e conclusión da xornada. Modera: Ángel Panero Pardo, Director da Oficina Técnica do Consorcio de Santiago.

No marco do Encontro de literatura de viaxes LitVi, que se celebra adscrito á programación cultural promovida con motivo do 800 Aniversario da Catedral de Santiago, reséñase a seguinte actividade:
- 20:00 h. “As catedrais, fontes de inspiración”. Julio Llamazares, escritor. (Conferencia na Fundación Gonzalo Torrente Ballester, na rúa do Vilar, 7).

**16 de xuño

- 16:45 h. SESIÓN DE CLAUSURA “Compromiso da Direccion Xeral de Patrimonio Cultural co patrimonio catedralicio”. Manuel Chaín. Arquitecto. Dirección Xeral de Patrimonio Cultural da Xunta de Galicia.
- 17:15 h. “Os Plans Nacionais de Patrimonio Cultural”. Alfonso Muñoz. Director do Instituto de Patrimonio Cultural de España.
- 18:00 h – 18:30 h. Pausa
- 18:30 h. CONFERENCIA DE CLAUSURA “A obra dunha catedral. Orde, construción e estabilidade”. Santiago Huerta. Arquitecto. Universidade Politécnica de Madrid.
- 19:15 h. Consultas do público asistente e conclusión da xornada. Modera: José María Díaz, Deán da Catedral de Santiago.
- 19:30 h. Clausura das xornadas. José María Díaz, Deán da Catedral de Santiago.

Tras a clausura do ciclo de conferencias procederase a
- 20:30 h.- INAUGURACIÓN DA EXPOSICIÓN DIVULGATIVA DO PLAN DIRECTOR DA CATEDRAL DE SANTIAGO, NO SALÓN PRINCIPAL DO PAZO DE XELMÍREZ.

O profesor de Historia da Arte da USC Andrés Rosende imparte esta tarde unha conferencia no salón de actos da Biblioteca Pública Ánxel Casal. O tema da conferencia será 'A Catedral de Santiago de Compostela: historia, arte e devoción'.

Lugar: Salón de Actos, ás 19:00 h. (Duración aprox. 90 min.)

Este ano conmemóranse os 300 anos do falecemento do arquitecto barroco Domingo de Andrade (1639-1712). Neste sentido, dende a Catedral de Santiago organizouse un acto para recordalo, que terá lugar no Centro Cultural Novacaixagalicia e consistirá nunha conferencia a cargo do profesor da USC Miguel Taín, un dos mellores expertos na arte da Catedral de Santiago, especialmente no ámbito do barroco. Taín ten publicados numerosos libros sobre este tema, entre os que destaca, precisamente, o seu estudo sobre Andrade, no que analiza o seu papel como mestre de obras da Catedral entre 1676 e 1712.

Andrade está considerado como un xenio da arte barroca en Galicia. Os seus traballos, entre os que destaca a Torre do Reloxo da Catedral, cambiaron a fisionomía da cidade de Santiago a finais do século XVII contribuíndo a conformar a imaxe barroca que hoxe conservamos. Tamén foi autor de obras tan significativas como a Casa da Conga, a tripla escaleira de caracol do convento de Bonaval ou a capela do Pilar, na Catedral.

Con este centenario coincide tamén a finalización das obras de restauración da Torre do Reloxo, enmarcadas no Plan Director da Catedral de Santiago.

A Praza do Obradoiro acolle esta noite o maior espectáculo de luz e son de Santiago. Ás proxeccións de espectaculares imaxes multimedia sobre a fachada da Catedral seguen os fogos artificiais, visibles desde toda a cidade. Este ano, se incorporan por primeira vez na historia dos Fogos as últimas tecnoloxías de realidade virtual aplicada a proxección sobre monumentos, nun proxecto que emprega a técnica do mapping, que permite obter efectos de movemento (chamados 4D) que producen un grande efecto de realismo, cunha marcada sensación de volume.

Trátase dunha técnica novidosa que pode recrear atmosferas e espazos en lugares onde non existen. Tamén se utilizará a tecnoloxía do warping, que consiste en axustar a proxección á superficie total do edificio, coma se fose unha pel. De feito, será a primeira vez que o warping se aplique sobre unha fachada das características do Obradoiro, dunha complexa arquitectura barroca, e cunha potencia de proxección nunca antes empregada. Así, a fachada non será unha mera pantalla sobre a que proxectar, senón que se fundirá coa imaxe formando un todo, cheo de dinamismo e movemento.

O obxectivo é que a Catedral teña vida propia, que se achegue ao espectador, convivindo con el, abrindo as súas portas e ventás e permitindo ao espectador penetrar no seu interior. A superficie das proxeccións multidimensionais abarcará tamén as fachadas do Pazo de Xelmírez e do Claustro da Catedral. Debido as características desta nova tecnoloxía, e co fin de aproveitar toda a superficie da fachada, non se contempla a queima da fachada neogótica, o que garante unha maior espectacularidade das recreacións virtuais.

O guión do espectáculo articúlase en sete secuencias (O bosque animado, A barca de pedra, Campo de estrelas, Construcións e deconstrucións, O Pórtico da Gloria, A Vía Láctea, o Camiños e as súas catedrais; Visitantes virtuais), que a través da imaxe, do son, da luz, da música e da pirotecnia rememoran o proceso construtivo e a historia da Catedral de Santiago.

Un resumo do mesmo espectáculo, duns 10 minutos de duración, repetirase entre os días 25 e 30 de xullo, na praza do Obradoiro.

No que se refire a pirotecnia, os Fogos do Apóstolo do 24 de xullo incluirán o disparo de máis de 4.200 artefactos (2.200 kilogramos). Os espectáculos das noites do 25 ao 30 de xullo tamén incorporarán unha pequena parte de pirotecnia. Por último, o castelo de fogos artificiais do 31 de xullo, na Alameda, de 15 minutos de duración, estará formado por 1.576 artefactos.

HORARIOS

24 de xullo, 23:30 h.
Fogos do Apóstolo
Praza do Obradoiro

25 a 30 de xullo, 23:30 h.
Espectáculo multimedia
Praza do Obradoiro

31 de xullo, 23:30 h.
Castelo de fogos de artificio
Alameda. Escalinata do Campus Sur

Na véspera do día do Apóstolo, Compostela inúndase de actividades festivas. Á animación de súas rúas nas primeiras horas do día, seguirá, ao fío da medianoite, o extraordinario espectáculo de luz e son na Praza da Quintana e os diversos concertos gratuítos organizados polo Concello.

MARTES 24

- 12:00 h. Encontro de xigantes e cabezudos de Santiago (reaparición da figura do dragón mitolóxico "A Coca")
Praza da Quintana
Sesión de pirotecnia entre o Cabildo e o Concello de Santiago de Compostela

- 12:30 h. Encontro de xigantes e cabezudos de Santiago
Praza do Toural

- 20:00 h. Animación de rúa

- 23:30 h. Espectáculo nocturno FOGOS DO APÓSTOLO 2012
(Multimedia e pirotecnia)
(GPD-Pirotecnia Ricasa)
Praza do Obradoiro

- 00:00 h. Orquestra CHARLESTON
Paseo central da Alameda

- 00:30 h. COTI en Concerto
Lo dije por boca de otro
Robert Ramírez
Praza da Quintana
Entrada libre

Na igrexa de San Domingos de Bonaval terá lugar esta mañá a presentación do libro 'Cerimonial, festa e liturxia na Catedral de Santiago', editado con motivo da exposición do mesmo nome e enmarcada nos actos do oitavo centenario da consagración da Catedral de Santiago. No acto tomarán parte Gerardo Conde Roa, Alcalde e Presidente do Consorcio de Santiago, e José María Díaz Fernández, Deán da Catedral de Santiago.

No marco da programación preparada con motivo do 800 Aniversario da consagración da Catedral de Santiago, a Catedral e o Consorcio de Santiago presentan o libro 'Cerimonial, festa e liturxia na Catedral de Santiago', o máis completo estudo sobre todo o relacionado coas celebracións que teñen como escenario a basílica xacobea: as liturxias, os cultos ao Apóstolo, a música, as festas, os ritos xacobeos, os Anos Santos, os xestos dos peregrinos.

O libro compónse de diferentes capítulos, abordados cada un deles por un estudoso. Así, a publicación recolle textos de Ramón Yzquierdo Perrín, que fai un completo percorrido pola historia de la Catedral a través das Ofrendas ao Apóstol, desde os reis asturianos, que impulsaron con elas o culto a Santiago, até os nosos días. O Deán do Cabildo e comisario da mostra, José María Díaz Fernández,  ocúpase de abordar os Tempos litúrxicos na Catedral a través das solemnidades, tempos ordinarios, vida cotiá e celebracións excepcionais e o papel que todo iso xogou na historia e a arte da Catedral. O Profesor de Historia da arte da Universidade de Sevilla, Jesús Aguilar, trata sobre as Vestiduras ricas da colección catedralicia. Antón Pombo, xornalista e escritor, á vez que gran experto no Camiño de Santiago e peregrino, el mesmo, a Compostela en numerosas ocasións, aborda o capítulo dedicado aos Ritos dos peregrinos na Catedral de Santiago a través dos tempos: do contacto co sacro á atracción polo curioso. Francisco Singul, Director da área de Exposicións e Publicacións da S. A. de Xestión do Plan Xacobeo, ocúpase do Camiño de Santiago como espazo ritual e simbólico.

Os capítulos seguintes ocúpanse dos prelados, cabildo, reis e pontífices; e do papel que estes desempeñaron para, tras o descubrimento dos restos do Apóstolo, dar lugar ao fenómeno das peregrinacións e á construción dunha gran Catedral arredor da cal foi crecendo unha cidade. David Chao, Profesor de Historia da arte da Universidade de Santiago e Arturo Iglesias, Técnico responsable da área de documentación moderna do Arquivo da Catedral, ocúpanse dos prelados e cóengos. Pola súa banda, Xosé Manuel Sánchez, Técnico responsable da área de documentación medieval do Arquivo da Catedral, profunda na relación entre Santiago e os Papas e a Monarquía. Miguel Taín, Profesor Titular de Historia da arte da Universidade de Santiago, desenvolve, a celebración ao longo dos séculos da Festa do Martirio de Santiago (o 25 de xullo), a Translación (o 30 de decembro) e a Festa da Aparición de Clavijo (23 de maio). César Lombera, artista e investigador, aborda o tema da Coca ou Tarasca, personaxe profano que se incardina na celebración do Corpus en numerosos lugares da Península Ibérica e que, en Santiago, acaba por sumarse ás celebracións das festas do Apóstolo até a súa desaparición. Finalmente, Carlos Villanueva, Catedrático de Historia da Música da Universidade de Santiago, ocúpase da música feita dende e para a Catedral de Santiago.

O Consorcio de Santiago presenta o libro La catedral de Santiago en época contemporánea, coeditado con Teófilo Edicións. O libro é un estudo pormenorizado da historia e da arte da catedral de Santiago no período comprendido entre 1833 e 1923, un momento de grande importancia para comprender a configuración actual do conxunto catedralicio.

Lugar: Sede da Confederación de Empresarios de Galicia (Rúa do Vilar, 54, Santiago de Compostela)

Asistentes:
Gerardo Conde Roa, Alcalde e Presidente do Consorcio de Santiago
Irene Mera Álvarez, autora do libro

Trátase dun estudo obxectivo e sistemático elaborado por Irene Mera que ven encher un importante oco no conxunto dos estudos publicados sobre a basílica xacobea, unha época chea de importantes nomes como os cardenais García Cuesta, Payá y Rico ou Martín de Herrera, e, sobre todo, a figura do coengo Antonio López Ferreiro.

Foi nesta época cando a catedral foi obxecto de reformas importantes (logo do redescubrimento das reliquias do Apóstolo, en 1879), en especial a configuración da cripta apostólica, tal e como hoxe a coñecemos, coa fabricación da nova arca para conter as reliquias do Apóstolo e a ordenación deste espazo, cheo de simbolismo.

Esta noite, a Catedral de Santiago será escenario do concerto ofrecido en homenaxe ao violoncellista ruso Mstislav Rostropovich, con motivo da celebración do 85º aniversario do seu nacemento, e dentro do programa de actividades do II Festival Internacional 'Peregrinos Musicales'.

O Festival Internacional Peregrinos Musicales, ademais da súa achega cultural, ten un gran valor educativo na promoción e apoio da nova xeración de músicos clásicos de Galicia, e é o inicio dunha relación cultural futura entre as cidades de Santiago de Compostela e Moscú.

PROGRAMA

- F. Schubert, Ave Maria (co órgano e coro de nenos da Catedral)
Savva Tihonov, tenor
- I. S. Bach – Cello Suite N.2, BWV 1008
Prelude - Vsevolod Guzov
Alemanda - Iago Dominguez
Courante
Sarabanda - Iscander Hananov
Menuett I
Menuett II
Gigue - Lisi Ramishvili
- Vitali, Chaconne (co órgano)
Diana Poghosyan (violin)
- E.Ysaÿe, Sonata No.3
Dmitry Borodin (violin)
- Villa-Lobos Bachiniana N.5 (con 8 cellos)
Anais Gerarda Fernández Cerneira, vocal

Participan:
Cellos: Nicolás Concheiro Veleiro, Zaira Pena Montes, Gregorio Keilin, Mateo Keilin.
Órgano: Joaquin
Coro de nenos da Catedral

Esta edición conta coa participación dos novos músicos da Fundación Mstislav Rostropovich, encabezados por Olga Rostropovich, filla do mundialmente recoñecido chelista ruso, con motivo da celebración do 85º aniversario do seu nacemento.

Máis info: www.peregrinosmusicales.com