Os Multicines Compostela programan a emisión do ciclo Cine e Homosexualidade coa proxección, durante unha semana, de destacados títulos nos que se reflicte a visión de cada autor sobre a homosexualidade. O terceiro filme do ciclo é 'Contracorriente', película dirixida por Javier Fuentes-León en 2009.

'Contracorriente'

SINOPSE

Miguel (Cristian Mercado) é un pescador de Cabo Branco, un pequeno pobo da costa peruana onde se rende culto á morte dende tempos ancestrais. Pero a Miguel non lle preocupa a morte, senón a relación secreta que mantén con Santiago (Manolo Cardona), un pintor que foi rexeitado polos veciños pola súa condición homosexual. O peor de todo é que Miguel está casado con Mariela (Tatiana Astengo) e que, dentro dun par de meses, vai ser pai. Non lle queda outra saída que seguir nadando contracorrente para superar os seus problemas.