Cultural Diary

La Carnicería Teatro: 'Accidens. Matar para comer'

Thu, 04 Mar 2010 12:07:00 +0100

19/02/2006 - 19/02/2006

La Carnicería Teatro presenta unha nova montaxe na Sala Nasa. Unha peza surrealistae descarnada: unha performance culinaria sobre a morte. Baixo a dirección de Rodrigo García, actuará como protagonista o actor Juan Loriente.

Cía. Ludd: 'Census'

Thu, 04 Mar 2010 12:07:00 +0100

21/02/2006 - 21/02/2006

Census é unha peza experimental sobre a migración, unha crónica do anonimato e as microhistorias, un híbrido de teatro, interactividade, activismo social e experimentación audiovisual. A compañía Ludd interpreta esta peza baixo a dirección de Roi Fernández.

Sonia Gómez: 'Mi madre y yo'

Thu, 04 Mar 2010 12:07:00 +0100

24/02/2006 - 25/02/2006

A artista catalana Sonia Gómez estrea en Santiago unha arriscada posta en escea: traballa coa súa nai para crear entre as dúas un novo espazo de convivencia, escénico e cotián. O espectáculo, que durará arredor de 50 minutos, incluirá música de Beach Boys, Tina Turner, Jeanette, Mysterymen, Kraftwerk e Plastikmen.

Performance de Rita Rodríguez

Thu, 04 Mar 2010 12:07:00 +0100

20/04/2006 - 20/04/2006

A artista coruñesa Rita Rodríguez, que expón na Galería DF a súa colección 'Engranaxes' dende fai unhas semanas, ofrece agora unha performance ou acción directa no mesmo espazo de arte. Unha oportunidade para gozar en directo da obra da artista contemporánea galega.

Ciclo de performances no CGAC: Nieves Correa

Thu, 04 Mar 2010 12:07:00 +0100

09/08/2006 - 09/08/2006

Continúa o ciclo de performances ao aire libre organizado polo CGAC que cada mércores de agosto encherá o parque de Bonaval coas accións artísticas das 3Marías, Nieves Correa, Rita Rodríguez, Mar Caldas e Davide Salvado. Esta tarde Nieves Correa, artista multidisciplinar, iniciada no mundo da performance en 1987 e organizadora de programas de performances dende 1990 -entre os que destaca o proxecto de acción !MAD que este ano celebra a súa terceira edición- amosará unha parte do seu traballo de experimentación artística ao aire libre, no parque de Bonaval.

Ciclo de performances no CGAC: Rita Rodríguez

Thu, 04 Mar 2010 12:07:00 +0100

16/08/2006 - 16/08/2006

Continúa o ciclo de performances ao aire libre organizado polo CGAC que cada mércores de agosto encherá coas accións artísticas das 3Marías, Nieves Correa, Rita Rodríguez, Mar Caldas e Davide Salvado o parque de Bonaval. Esta tarde, no parque de Bonaval poderán verse as accións artísticas de Rita Rodríguez, que presentará a súa obra persoal 'Descentros'. Rita Rodríguez é licenciada en Belas Artes nas especialidades de escultura, deseño e audiovisuais, e vén de participar na mostra colectiva 'Boas Pezas' na Sala X da Facultade de Belas Artes de Pontevedra e en 'AP9-A3' no espazo Maus Hábitos do Porto. Tanto a Casa das Artes desta cidade portuguesa como o MARCO de Vigo teñen sido escenarios das súas performances. Este ano estreou 'Descentros', a súa propia exposición, en La Bola de Cristal, en Pontevedra.

Ciclo de performances no CGAC: Mar Caldas

Thu, 04 Mar 2010 12:07:00 +0100

23/08/2006 - 23/08/2006

Continúa o ciclo de performances ao aire libre organizado polo CGAC que cada mércores de agosto encherá coas accións artísticas das 3Marías, Nieves Correa, Rita Rodríguez, Mar Caldas e Davide Salvado o parque de Bonaval. A galega Mar Caldas presentará o seu traballo persoal esta tarde no parque de Bonaval, baseado, prioritariamente, na experimentación coa imaxe fotográfica e o vídeo, influenciado polas prácticas performáticas. Mar Caldas comezou a súa traxectroia artística en Valencia, onde formou parte de distintos colectivos artísticos de intervención urbana, e naceu o seu interese polos estudos de xénero. Interesada polas culturas de Latinoamérica, viviu na Habana e São Paulo, participando alí dos debates en torno á identidade cultural. En 1998 regresa a Galiza, onde comeza co seu traballo no mundo das performances.

Ciclo de performances no CGAC: Davide Salgado

Thu, 04 Mar 2010 12:07:00 +0100

30/08/2006 - 30/08/2006

Continúa o ciclo de performances ao aire libre organizado polo CGAC que cada mércores de agosto encherá coas accións artísticas das 3Marías, Nieves Correa, Rita Rodríguez, Mar Caldas e Davide Salgado o parque de Bonaval. Esta tarde estará en Bonaval Davide Salgado, artista multidisciplinar de formación autodidacta, que traballa sobre todo no eido da música. Davide Salgado ten experimentado coas súas habilidades na voz e percusións patrimoniais no Conservatorio de Música Tradicional e Folque de Lalín, onde foi docente. Acompaña habitualmente en directo ao gaiteiro Xosé Manuel Budiño e ten percorrido todo o país xunto a Pepa Yánez co espectáculo 'Unha noite no muíño non é nada sen''.

'Flavia Sándalo, programa duplo'

Thu, 04 Mar 2010 12:07:00 +0100

10/10/2006 - 10/10/2006

Programa duplo con espectáculo de teatro -coa representación da obra 'Flavia Sándalo no panóptico de Bentham'- e audiovisual, -coa proxección da curtametraxe 'Flavia Sándalo e o falo de Shiva'-. Neste espectáculo, Paula Sanmartín interpreta a unha Flavia Sándalo que se adentra nun mundo dominado pola pornografía tecnolóxica, que só poderá combater coa loucura, o humor absurdo e a confianza no xénero humano.

'Vídeo heroes'

Thu, 04 Mar 2010 12:07:00 +0100

22/11/2006 - 24/11/2006

O ciclo 'Video Heroes', comisariado por Javier Duero, combina dous pases diarios de proxeccións e, para pechar a xornada, performances audiovisuais a cargo de tres pesos pesados da escena electrónica: Kurokawa, Köner e Leclair. Video Heroes: Comisario: Javier Duero. Programa: Mércores 22 De 13 e 21 h. 'Identidade': 'Chance Encounter', de Nigel Maudsley, 1997, 7', animación 3D. '7 Chants', de Lydie Jean e Dit Pannel, 1997, 4', vídeo, animación 2D. 'Static', de Nikki Forrest, 1995, 7' vídeo. 'Pintura Sobre Pell Cremada', de Jordi Mitja, 2002, 4', vídeo. 'Human Radio', de Miranda Pennell, 2002, 9', vídeo. 'The Arrangement of Two Opposites while their Maximun Contact is Under Generation', Yves Netzhammer, 2005, 27' , animación 3D. 21 h. Performance de Ryoichi Kurokawa. Xoves 23 De 13 a 21h. : 'Resistencia'. 'Belzebush', de Manuel Bozzo, 2003, 4', vídeo. 'Havoc', de Álex Dragulescu 2004, 2', animación 2D. 'Cartonman et Les Filles', de Laurent Hart, 2002, 10', vídeo, animación 2D. 'Hiding in Plain Site', de Emma Waltraud, 2006, 6', vídeo. 'Backpacking', de Douwe Dijkstra, 2006, 6', animación 2D. 'City is no Longer Safe', de Butler Brothers, 1994, 2', animación 2D, vídeo. 'One Resolution', de Jason Schiedel, 2002, 5', animación 2D. 'Personal', de Jacopo Miliani, 2005, 2' , vídeo. 'Invasión Doméstica', de Paulina del Paso, 2002, 3', vídeo. 'A Useful Day', de Janneke Küpfer, 2003, 3', animación 2D, vídeo. 'Disney Gun', de Vritis, 2005, 3', animación 3D, vídeo. 21 h. performance de Thomas Köner. Venres 24: 'Catarse'. 'Tactical Disorder', de Alejandro Vidal, 2006, 7', vídeo. 'Perpetual Motion', de Al+Al, 2004, 7', vídeo digital. '3 Ways to Go', de Sarah Cox, 1998, 5', cine 35 mm, vídeo. 'Remote Controller', de People like us, 2003, 9', vídeo. 'Peak Project', de Sebastian Buerkner, 2005, 6', animación 2D. 'Estimado Luzbel', de Andrés Senra e Félix Fernández, 2005, 11', vídeo. 'Satellite', de Nelson Henricks, 2002, 6', vídeo. 'Romeo & Juliet', de Alex McQuilin 2006, 8', vídeo. 21 h. Performance de Marc Leclair e Gabriel Coutu-Dumont. Nota: Os traballos proxectaranse en dous pases diarios, ás 13 e ás 18 h.

'Portugaliza'. 'Lufa-Lufa'

Thu, 04 Mar 2010 12:07:00 +0100

29/11/2006 - 29/11/2006

Os Lufa-Lufa son un proxectil musical de concertina e percusión, procedente de Porto, que van presentar o seu espectáculo 'Foledad' no ciclo 'Portugaliza', que busca tender pontes coa cultura máis viva de Portugal. Cun escenario propio e unha historia paralela, 'Foledad' consiste nun repertorio de temas orixinais, algúns deles creados para espectáculos de teatro, percorrendo diferentes linguaxes musicais que transportan ao espectador a paisaxes imaxinarias. Lufa Lufa son: Ricardo Viña (concertina) e Carlos Adolfo (percusión). Músicas e arranxos: Lufa Lufa. Escenografía e atrezzo: Sandra Neves. Iluminación: Wilma Moutinho. Son: Pedro Lima. Voz en off: Bruno Cardoso.

'Natural 2 (me gustan tus huesos, tu alma y tu cerebro. Conversaciones con animales)'

Thu, 04 Mar 2010 12:07:00 +0100

20/12/2006 - 22/12/2006

Estrea en Galiza da obra da catalana Sonia Gómez 'Natural 2 (me gustan tus huesos, tu alma y tu cerebro. Conversaciones con animales)', incluída na Rede de Teatros Alternativos que trae pezas de teatro distintas á Nasa. Natural 2 fala da relación entre natureza e arte. Un 'regreso' á naturaleza por parte de Sonia Gómez, pero non dun xeito físice, senón dun xeito artístico, axudada por varios colaboradores: persoas, artistas, mestres. Natural 2 baséase nunha forma de expresión pouco explorada que se sitúa a medio camiño entre o teatro, a música, a performance e a danza, a creación visual e as artes plásticas. És unha performance para todos os públicos concebida para teatros e centros de arte. Sonia Gómez estudou Danza Contemporánea e Coreografía no Institut del Teatre de Barcelona e en P.A.R.T.S (Performing Arts Research and Training Studios) en Bruxelas. Traballou con General Elèctrica, La Carnicería Teatro e La Fura dels Baus. Como creadora realizou: 'Americana'00', 'Yo nací en Barcelona hace 29 años y siempre he vivido aquí '01', 'Yo estoy en este mundo porque tiene que haber de todo'02', 'Yo no soy nadie, pero me cago en tu puta madre'03' e 'Yo no hablo inglés, pero a veces me lo paso bien'04'. Os tres últimos títulos forman parte da 'Trilogía Egomotion'. A performance 'Mi madre y yo 04' e a serie de solo performances 'I will never stop dancing'05'. Intérpretes: Eduardo Miravalles, David Cauquil e Sonia Gómez. Textos: Ceferino Galán e Sonia Gómez. Música: djd! e Ellen Allien. Efectos visuais: Txalo Toloza. Iluminación: Óscar Sance. Axte. dirección: David Cauquil. Escenografía e vestiario: Emily. Produción: M.O.M./El Vivero. Natural 2 é unha produción de MOM El Vivero e Sonia Gómez.

'Ultranoite dos Inocentes'

Thu, 04 Mar 2010 12:07:00 +0100

28/12/2006 - 29/12/2006

Novo Cabaré Colectivo na Nasa, no que tamén se van celebrar os 14 anos dos cómicos Mofa e Befa, lembrando os números do seu primeiro espectáculo, o 'Finis Mundi Circus, nunha noite na que, ademais daranse varias e particulares visións da 'Matanza dos Inocentes'. Na Nasa levan tempo querendo facer unha 'Ultranoite no Día dos Inocentes', e agora, ademais, únese ao 14 aniversario de Mofa e Befa... e todo cadrou un 28 de decembro. Así que esta 'Ultranoite Inocente' vai recuperar un dos mitos do teatro de variedades pangalaico: o 'Finis Mundi Circus', primeiro espectáculo dos Mofa e Befa. Entre todos e todas os que viron ou non viron aquel espectáculo no seu momento (os Chévere, os Magical, os Pistacatro, María Bouzas...), e coa colaboración dos autores (que aproveitarán para estrear a súa particular visión da 'Matanza dos Inocentes'), tentarán facer unha nova versión de cada un dos números que integraban este primeiro espectáculo do dúo cómico galego.

'Contos Dixitais'. 'A caixa de Fernanda Fragateiro'

Thu, 04 Mar 2010 12:07:00 +0100

16/01/2007 - 20/01/2007

A partir de hoxe, na entrada do CGAC a artista portuguesa Fernanda Fragateiro, coa súa caixa tamaño persoa, a axuda da compañía Teatro Viriato e baixo as atentas olladas dos espectadores, realizará orixinais performances diarias. Quen teña visitado o Centro Galego de Arte Contemporánea (CGAC) dende que se inaugurou a exposición 'Contos dixitais', terase atopado no hall do centro cunha caixa de madeira. Unha caixa grande pero achegada, como se fose concebida a escala humana. A súa autora Fernanda Fragateiro (Montijo, Portugal, 1962) ensinaranos a abrir a caixa coa axuda da compañía Teatro Viriato e de grupos de nenos e nenas. A 'performance da Caixa para gardar o baleiro' terá lugar do 16 ao 20 de xaneiro. Bailaríns acompañados de alumnos e alumnas de Primaria descubrirán os segredos da caixa, que está feita a escala do ser humano pensando nos seus movementos e que potencia os sentidos. Bailaríns e visitantes son material en acción. O espazo ábrese, dóbrase, desdóbrase e expándese, experimentando un clima de comunicación e descuberta que remata coa revelación do interior da escultura, onde percibimos que o noso corpo tamen é un lugar. Como explica Fragatero, 'O corpo é o ultimo lugar'. Esta caixa naceu na mente de Fernanda Fragateiro durante a súa estadía en 'Ciudad Abierta', en Chile, un espazo fundado por un grupo de poetas, arquitectos, deseñadores, artistas, filósofos e enxeñeiros. Unha cidade máis existencial que formal, construída con luz, auga, madeira, barro e anacos de paisaxe. Ao decatarse de que os nenos constrúen un universo paralelo aos adultos, Fragateiro ideou esta caixa que acadaría os seus obxectivos co proxecto pedagóxico de Teatro Viriato. Fernanda Fragateiro é unha das artistas portuguesas con máis proxección. A súa obra está nas coleccións do Museo Serralves do Porto, MEIAC de Badaxoz e Artium de Vitoria, entre outras institucións. Os seus procesos creativos están moi vinculados á arquitectura, o espazo e a poesía. Santiago de Compostela é unha escala da viaxe desta Caixa para gardar o baleiro que xa ten recalado en diferentes cidades portuguesas.

Zona Alternativa 2007: 'Protomembrana'

Thu, 04 Mar 2010 12:07:00 +0100

21/03/2007 - 21/03/2007

O actor catalán Marcel-lí Antúnez Roca é internacionalmente coñecido polas súas performances mecatrónicas e polas súas instalacións robóticas, que traslada esta noite á sala compostelá. 'Protomembrana' é unha lección mecatrónica, en formato performance, para un dreskeleton, un entorno audiovisual interactivo e distintas interfaces dinámicas. O argumento de 'Protomembrana' é unha lección teórica sobre a Sistematurxia, literalmente dramaturxia dos sistemas computacionais, que serve para tecer, a modo de novela latina, unha narración chea de fábulas. A performance emprega, ademáis da narración verbal, a animación gráfica, a música e a iluminación. Todos estes elementos escénicos son tratados como elementos interactivos controlados a través de distintas interfaces. Formalmente, a acción desenvólvese nunha gran pantalla, diante da que se sitúa Marcel-lí vestido con un dreskeleton, a carón dunha mesa de controles con varios computadores. A narración estrutúrase en 4 capítulos: 1- Introducción ou Historia de Martín. 2- As Interfaces ou Historia do xesto. 3- A Computación ou Lucía e o gato. 4- O Médium ou as cinco membranas.

Ciclo 'Os Novos': 'Deshumanización'

Thu, 04 Mar 2010 12:07:00 +0100

05/06/2007 - 05/06/2007

Varios artistas abren unha nova edición de 'Os Novos', o ciclo dalles aos novos artistas composteláns e de fóra a posibilidade de subir ao escenario da Nasa e achegarnos as súas anovadoras propostas. 'Deshumanización' é o título dun proxecto de creación no que participaron artistas novos de varios países europeos, coordenados desde a asociación Activarte de Ribadavia. Unha performance que muda de pel en cada presentación, mestura de accións (teatro), imaxes (vídeo) e sons (música). Performance+instalación audiovisual: Idea, edición, montaxe: 'Deshumanización'. Fotografía e vídeo: Simón (Galiza). Maquillaxe: Tina Skafar (Eslovenia). Vestiario: Natasha Lelenco (Moldavia). Malabares: Isla (Galiza). Baixo: SoNIN.

'Performance ST'

Thu, 04 Mar 2010 12:07:00 +0100

28/06/2007 - 30/06/2007

Até finais de mes realizaranse varias performances na sede do Centro Dramático Galego. 'Performance ST' leva aos espectadores por camiños aos que non están afeitos. As funcións non serán no escenario do Salón Teatro, como sería normalmente: o primeiro espectáculo desenvolverase no cuarto de baño, e os actores do Tío Vania de Factoría amosarannos o que hai detrás da escena... nos camaríns. Xoves 28: 'Danza Chamánica', de Eric Jiménez. Lugar e duración: Baños, 5 minutos. Público: non máis de 7 persoas. Faranse pases cada 5 minutos até as 21:30 h. 'Counterviews. Metropolitan Media Movement'. Xocas Meijide: clarinete. Thanos Polimeneas Liondiris: programador artístico. Alexandra Maciejewska: danza-coreografía. Claudia Zanatta, Guillermo Aymerich: vídeo. Lugar e duración: escenario, 60 minutos. Venres 29 e sábado 30: 'Máis alá do Vania'. Dirección: Roberto Leal. Elenco: Anabel Gago e Vicente Montoto. Lugar e duración: cameríns, 15 minutos. Público: non máis de 15 persoas. Faranse tres pases, dende as 20-21:30 h.

Ciclo de performances del CGAC: Ana Gil

Thu, 04 Mar 2010 12:07:00 +0100

01/08/2007 - 01/08/2007

A artista galega Ana Gil inaugura o ciclo de performances de verán do CGAC. A ourensá Ana Gil formouse en Filoloxía Hispánica, en danza e teatro. Comezou a sua andaina nos escenarios como axudante de realización na Sala Galán coa compañía Matarile Teatro. Participou nas mostras colectivas X Mostra Artxove en Pontedeume (2005), Mulleres, en Cangas do Morrazo (2006) e nas Xornadas de Arte e Acción. Chámalle X (2006), na Facultade de Belas Artes do campus de Pontevedra. Agora presenta 'Entregas V'.

Ciclo de performances del CGAC: Miguel Bonneville

Thu, 04 Mar 2010 12:07:00 +0100

08/08/2007 - 08/08/2007

O novo performer portugués continúa con este ciclo de performances de verán do CGAC. Este novísimo performer do Porto estudou alí Interpretación na Academia Contemporánea do Espectáculo e fixo o curso de Artes Visuais do programa Gulbenkian Criatividade e Criação Artística en Lisboa. Traballou con Francisco Camacho, Carlota Lagido e La Ribot e dende hai catro anos ten presentado os seus traballos fóra de Portugal, nomeadamente en España e Italia. Agora trae a súa última performance, Miguel Bonneville-Special Project, ao parque de Bonaval.

Ciclo de performances do CGAC: Silvia García

Thu, 04 Mar 2010 12:07:00 +0100

22/08/2007 - 22/08/2007

Continúa o ciclo de performances de verán do CGAC coa artista pontevedresa Silvia García. Esta performer canguesa formouse en Belas Artes na especialidade de deseño e audiovisuais, e agora é profesora asociada na Facultade mentres prepara a tese sobre a práctica artística na cidade de Pontevedra. Traballou no departamento de actividades do CGAC por sete anos, e recibiu varios premios. En 2006-2007 participa na exposición colectiva AP9/A3 no espazo Maus Hábitos de Porto e na Galería Sargadelos de Santiago de Compostela. Agora trae 'Comer palabras' ao ciclo Arte no Parque.

Ciclo de performances do CGAC: Roi Fernández

Thu, 04 Mar 2010 12:07:00 +0100

29/08/2007 - 29/08/2007

'Dom(a)sticación', de Roi Fernández, pecha o ciclo de performances no CGAC. O performer coruñés experimenta coa arte de acción, as formas teatrais híbridas, a net-art, a videocreación, a escenografía e a ilustración. Licenciouse en Belas Artes en Pontevedra, na especialidade de audiovisuais, e participou na fundación da asociación cultural Alg-a.org e do colectivo Mr. Pause, de creación multimedia, deseño audiovisual e escenográfico. Participou no Primeiro Encontro Iberoamericano de Novas Tendencias (Barcelona, 2005), Premio Novos Artistas (Auditorio de Galicia, 2006) e Xornadas de Arte e Acción. Chámalle X (Pontevedra, 2006). Tráenos 'Dom(a)sticación'.

CDG e Diego Anido: 'Cascuda'

Thu, 04 Mar 2010 12:07:00 +0100

15/02/2008 - 16/02/2008

Ao principio do mes de febreiro, Diego Anido, un dos creadores galegos máis relevantes da actualidade, establece a súa residencia artística no Salón Teatro para conformar 'Cascuda', unha proposta escénica coproducida polo Centro Dramático Galego, que ofrece unha mirada singular sobre os animais máis desprezables do mundo humano. O 15 e 16 de febreiro, o público terá a posibilidade de ver dous ensaios desta última creación que se estreará na Sala Nasa, en maio 2008. Formado na escola 'Espazo Aberto de Santiago', Diego Anido estreou o seu primeiro espectáculo no 2004 en Galicia. Desde entón, realiza, en colaboración con varias entidades teatrais, unha gran carreira artística que se distingue polo carácter pouco convencional das súas propostas escénicas; uns espectáculos de alto nivel que reúnen a danza, o teatro, a perfomance e a música. Sinopse: Os insectos foron empregados ao longo da historia da literatura como referentes á hora de simbolizar todo tipo de condutas humanas. Os insectos preeiros, como por exemplo a mosca, relaciónanse coa putrefacción, o insistente retorno do vicio que o acosa a un, a perversión, a morte... As cascudas chamaron a atención do noso creador por seren un dos animais máis desprezables de todos os que conviven nunha cidade ou espazo urbá. Pero elas teñen unhas características de tamaño, resistencia e axilidade que lles permiten descubrir lugares, así como instalarse e observar a vida humana desde os lugares máis segredos e subterráneos dun mundo ao que nunca poderemos acceder. Ademais, cómpre anotar o coñecido dato de que serían as únicas poboadoras do planeta, xunto coas ratas, no caso de producirse unha catástrofe nuclear.

Zona Alternativa 2008: 'The Human Cubs’ (‘Os Cachorros’)

Thu, 04 Mar 2010 12:07:00 +0100

07/03/2008 - 07/03/2008

A Rough Company, agrupación de Londres, presenta un proxecto artístico pluridisciplinario, que combina pintura, literatura, performance e vídeo, do que forman parte 'os cachorros': unha serie de estraños individuos interpretados por Jim Sanders (artista plástico), Xelís de Touro (escritor) e Hassni Malik. SINOPSE: Os cachorros son unha serie de estraños individuos que emerxen nos buracos da existencia humana. Son criaturas que deambulan e que viven só para satisfacer os seus instintos básicos, obsesionados polas súas propias necesidades, están condenadas a rabuñar unha ferida que nunca acaba de curar.

Zona Alternativa 2008: 'The Human Cubs’ (‘Os Cachorros’)

Thu, 04 Mar 2010 12:07:00 +0100

08/03/2008 - 08/03/2008

'Kounellis': Performances de ‘Grupo mm' e Ana Gesto

Thu, 04 Mar 2010 12:07:00 +0100

28/03/2008 - 28/03/2008

Co gallo da exposición 'Kounellis' que a Fundación Caixa Galicia dedica ao polifacético artista plástico Jannis Kounellis, a Rúa do Vilar acollerá a representación de dúas performances a cargo dun grupo de estudantes do último curso da Facultade de Belas Artes de Pontevedra. Desde as 11.00 e ata as 20.30 horas, o 'Grupo mm' e Ana Gesto animarán a rúa da Sede Fundación Caixa Galicia co fin de levar á rúa a súa exposición e facela visible aos viandantes. Ás 11:00 o 'Grupo mm' abre o programa coa perfomance 'Deshacer y hacer. Como límite del tiempo' composto por Marta Fariña e Marta López. Ao longo da presentación, construirá unha estrutura en forma de parede a base de telas dobradas que se verá sometido a un proceso de transformación. O programa complétase ás 19.00 horas coa acción 'Manto Nocturno', de Ana Gesto. Cun somier de cama construirá un abrigo, un manto nocturno como 'o manto nocturno de Isis' que a convertía na gardiá da fecundidade.

Ciclo de Performances

Thu, 04 Mar 2010 12:07:00 +0100

06/08/2008 - 27/08/2008

O CGAC expende a arte fóra dos seus muros coa terceira edición do Ciclo de Performance; unha iniciativa destinada a promover algunhas da novas practicas e actividades vinculadas co chamado 'arte de acción'. En agosto, o Parque de Bonaval acollerá as perfomances de catros artistas representativos da nova escena da arte contemporánea: Félix Fernández (Galiza), María Marticorena (Galiza), Miquel Noguera (Cataluña) e María Gil (Portugal). Estas intervencións, moi distintas entre si, levaranse a cabo cada mércores ás oito e media da tarde. PROGRAMA: Performances ás 20:30 h. MÉRCORES 6 DE AGOSTO María Marticorena: 'A golpe de-yo-yo, las reglas las pongo yo' MÉRCORES 13 DE AGOSTO Miquel Noguera: 'Ultrashow Jesús Mariñas' MÉRCORES 20 DE AGOSTO María Gil: 'Glasgow 4. O nome de todas as rúas' MÉRCORES 27 DE AGOSTO Félix Fernández: 'O desertor'

Ciclo de Performances: ‘A golpe de-yo-yo, las reglas las pongo yo’

Thu, 04 Mar 2010 12:07:00 +0100

06/08/2008 - 06/08/2008

A artista coruñesa Maria Marticorena inaugura o ciclo de performance do CGAC co seu proxecto 'A golpe de-yo-yo, las reglas las pongo yo'. Licenciada en Belas Artes, Maria Marticorena estudou a arte de acción xunto con consolidados artistas do xénero como Marina Abramovic, Fernando e Adriano Guimaraes. Participou en multitude de exhibicións e festivais de arte como os festivais de performance de Barcelona e Pontevedra. As pinturas, esculturas e artes interpretativas conforman o núcleo duro das súas creacións. Este ano, o Parque de Bonaval é de novo o punto de encontro artístico do ciclo de performances do CGAC; un programa que reúne proxectos de catros artistas representativos da nova escena da arte contemporánea: Félix Fernández (Galiza), María Marticorena (Galiza), Miquel Noguera (Cataluña) e María Gil (Portugal).

Ciclo de Performances: 'Ultrashow Jesús Mariñas'

Thu, 04 Mar 2010 12:07:00 +0100

13/08/2008 - 13/08/2008

O polémico performer catalán Miquel Noguera pon en escena un toleado 'ultrashow' cargado de sorprendentes monólogos, gags paranoicos e situacións absurdas que arrincan a risa. Miquel Noguera é o representante dunha arte única: o 'ultrashow'; show itinerante a medio camiño entre a conferencia e o One Man show. No 2005, gañou o premio contemporáneo da arte de Miquel Casablancas en Barcelona. Este ano, o Parque de Bonaval é de novo o punto de encontro artístico do ciclo de performances do CGAC; un programa que reúne proxectos de catros artistas representativos da nova escena da arte contemporánea: Félix Fernández (Galiza), María Marticorena (Galiza), Miquel Noguera (Cataluña) e María Gil (Portugal).

Ciclo de Performances: 'Glasgow 4. O nome de todas as rúas'

Thu, 04 Mar 2010 12:07:00 +0100

20/08/2008 - 20/08/2008

O ciclo de performances do CGAC continúa coa intervención 'Glasgow 4. O nome de todas as rúas' da artista portuguesa María Gil. Este ano, o Parque de Bonaval é de novo o punto de encontro artístico do ciclo de performances do CGAC; un programa que reúne proxectos de catros artistas representativos da nova escena da arte contemporánea: Félix Fernández (Galiza), María Marticorena (Galiza), Miquel Noguera (Cataluña) e María Gil (Portugal).

Ciclo de Performances: 'O desertor'

Thu, 04 Mar 2010 12:07:00 +0100

27/08/2008 - 27/08/2008

O artista galego Félix Fernández utiliza de novo o seu propio corpo como soporte artístico en 'O desertor'; última intervención do ciclo de performances do CGAC. Nas súas creacións, Félix Fernández fainos partícipes de súas máis íntimas obsesións, seguindo sempre unha coidada liña narrativa. Nesta última obra, exerce de modelo e encarna ao 'desertor' para levar a cabo unha reflexión en torno ao cambio, a mutación, a morte e a vida. 'A acción de desertar sempre estivo moi presente no meu imaxinario; alguén que por circunstancias persoais deixa de crer en algo no que cría, e que, na súa carreira para a liberdade, fai desta fuxida o seu leitmotiv...' Este ano, o Parque de Bonaval é de novo o punto de encontro artístico do ciclo de performances do CGAC; un programa que reúne proxectos de catros artistas representativos da nova escena da arte contemporánea: Félix Fernández (Galiza), María Marticorena (Galiza), Miquel Noguera (Cataluña) e María Gil (Portugal).

Improvisación sónico-pictórica

Thu, 04 Mar 2010 12:07:00 +0100

22/07/2009 - 22/07/2009

A Sala Nasa remata esta noite a tempada cunha performance sónico-pictórica, a cargo de Denís Bluemouse, LAR Legido e Patxi Valera. O pintor sae do seu estudio para expoñerse ao público no acto de executar un cadro en directo. As súas accións son os detonantes para que un dúo de músicos compoña unha banda de son en tempo real.

Festival dos Abrazos: Lord Keison 'MusicVideoCrash'

Thu, 04 Mar 2010 12:07:00 +0100

21/08/2009 - 21/08/2009

O británico Lord Keison enfrontarase nun novo combate entre audio e vídeo con Chemical Orange. O inglés 'Funk, Soul, Rebel' combinará a súa ampla selección de estilos na busca da victoria sobre a técnica e estética impecable do Chemical Orange. O escenario está listo e coñecendo o temperamento destes gladiadores teremos que estar moi pendentes do que poida acontecer. Que comece a batalla!

Guillem Mont de Palol: 'Yo fui un hombre lobo adolescente inventando horrores'

Thu, 04 Mar 2010 12:07:00 +0100

18/12/2009 - 18/12/2009

O Centro Coreográfico Galego (CCG) conclúe o seu programa de residencias artísticas para 2009 coa mostra ao público do traballo do creador catalán Guillem Mont de Palol, 'Yo fui un hombre lobo adolescente inventando horrores'. A nave da Axencia Galega das Industrias Culturais (AGADIC) 'acolle esta tarde a interpretación desta proposta coreográfica sobre temas como a morte ou o medo, así coma do coloquio posterior entre os artistas e os espectadores asistentes. Coas colaboracións de Óscar Villegas no plano sonoro e Jorge Dutor na escenografía, Mont de Palol realiza unha investigación sobre a narración e os contacontos de terror co obxectivo de buscar diferentes métodos para construír unha performance a partir de escenas enmarcadas neste xénero, xogando ao tempo coas aparencias e a imaxinación. O traballo preséntase a modo de diálogo-conversación-performance, onde os performers/bailaríns traballan cara a creación dun discurso artístico común para trasladar ao espectador o estado físico, emocional e psicolóxico de sentirse asustado. O creador catalán e os seus colaboradores buscaron distintas estratexias para representar o horror e a morte no espazo, por medio de diferentes linguaxes e estilos performativos. Así, a trama parte dunha situación absurda 'dous homes vestidos de esquelete- onde a ficción se converte en realidade a través da imaxinación do receptor. Esta é a sétima e última das residencias apoiadas este ano polo CCG, que ofrece aos artistas seleccionados a oportunidade de contar cun espazo de traballo, así como co apoio artístico e técnico necesario para levar adiante as súas propostas de creación e investigación escénica. Os proxectos anteriores desenvolvidos na nave da AGADIC foron 'Assemblage', de Laura Lizcano, e 'Macho', de David Loira. O Teatro Ensalle de Vigo acolleu 'Vento, fento e cemento', de Mercé de Rande; e o Centro Cultural Torrente Ballester de Ferrol, 'Arquitectura interiores', de Carlonia Fernández, e '3', de Víctor Zambrana. Guillem Mont de Palol comezou os seus estudos artísticos en distintos centros de Barcelona. No ano 2002 trasládase a Amsterdam para cursar estudos coreográficos na School for New Dance Development, onde se gradúa en xuño de 2006. Actualmente combina o traballo como coreógrafo independente coa participación en distintas

'Crash!!' colisión de performances

Tue, 05 Jun 2012 13:08:00 +0200

05/06/2012 - 09/06/2012

A galería Metro presenta 'Crash!!', a primeira colisión de performances, unhas xornadas lúdico-crítico-festivas que comprenderán todo tipo de accións en vivo e ofrecerán unha vía de reflexión distinta á habitual. Con esta iniciativa demóstrase, unha vez máis, que as galerías de arte son espazos vivos nos que acontecen máis cousas que as habituais de venda e exposición, e que mostran e apoian todo tipo de inquedanzas artísticas contemporáneas.

A idea de "colisión" reforza este dinamismo, facendo que durante 5 días e 3 horas seguidas cada tarde se desenvolva unha performance tras outra. A todo isto súmase a liberdade da convocatoria, que ao non impor un tema ou soporte determinado, permite aos participantes presentar sen limitación algunha os seus distintos e variados proxectos. Non se trata de reflexionar sobre un asunto ou argumento específico, senón de explorar as distintas posibilidades da "arte en vivo".

PROGRAMA

** MARTES 5

- 18:30 Enrique Tenreiro 'Escultura efémera'
Diego Vites 'Ser xesta'
- 19:15 David Catá 'A flor de pel'
- 19:45 Escola Danza Pábulo 'A balsa da medusa'
- 20:15 Neves Seara/Mónica 'Mura Vida'
- 21:00 Verónica Vicente 'Unha estratexia da apariencia'

** MÉRCORES 6

- 18:30 Reina D`Hoore 'Quality for life performance'
- 19:15 María Chenut 'Teño que rir, teño que chorar'
- 19:45 Ana Gil 'Entregas V'
- 20:00 Paulina Funes 'A Flor e a muller: de(s)floración'

** XOVES 7

- 18:30 Nerea Santiesteban 'S/T'
- 19:45 Escola Danza Pábulo 'A balsa da medusa'
- 19:45 Grupo 3coma1 'Zig-Zag'
- 20:30 Neves Seara 'Spiral Movement'

** VENRES 8

- 18:30 Bea Romarty 'Recital'
- 19:00 Reina D`Hoore 'Quality for life performance'
- 19:45 Ariel Ninas 'Música para peto'
- 20:30 Bea Romarty 'Mea Culpa'

** SÁBADO 9

- 18:30 Renata Otero 'Megayonkie do amor'
- 19:30 Sther F. Carrodeguas 'Fantasía'
- 19:30 Suso Basterrechea 'S/T'
- 20:00 Lomarti 'Identidade mutante'
- 20:30 Ana Gil 'Entregas V'
- 20:45 Sabela Peinado 'Hear me laughing'
- 21:15 Concerto remate: Olalla González (cello)

Comisariado: Eva Morquecho / Paula González Sáez

Salvi Vivancos: 'Suffering Photography'

Sun, 02 Sep 2012 13:17:00 +0200

14/09/2012 - 14/09/2012

Suffering Photography é un cuestionamento do uso que se lle está dando na actualidade á imaxe. Para iso, o autor Salvi Vivancos establece un paralelismo entre os pausados procesos dos comezos da fotografía, alá polo ano 1840, e o ritmo vertixinoso da tecnoloxía dixital.

Os retratos de Salvi Vivancos transgriden a pose fotográfica, dando como resultado imaxes que, no seu proceso de creación, subverten o uso para o que os aparellos da última xeración cos que traballa foron deseñados.