Con The Winning Numbers encontrámonos ante unha pequena marabilla escondida no sueste galego. Son un grupo BEAT, si en maiúsculas e con todas as da lei, que cumpren á perfección co predicamento que hai xa case cinco décadas deixaron escrito a lume bandas clásicas como The Beatles, The Kinks, The Hollies ou os marabillosos The Remains.

The Winning Numbers tamén teñen as melodías, as harmonías vocais, a actitude e a impecable estética que fixo imperecedoiro a un xénero que serviu de revulsivo para que toda unha xeración descubrise que existía unha nova música popular, que xuntaba as inquietudes xuvenís cunha expresividade estética que perdura, e de que forma, ata os nosos días.

Cun EP publicado ata a data, Introducing The Winning Numbers, a banda encóntrase a punto de gravar un segundo traballo nos prestixiosos e vintage Estudos Circo Perrotti de Jorge Explosión, no que seguro volverán crear xoias como este When She Was Sexteen co que gozaremos na Zona C.

Ademais, o concerto encádrase dentro da programación de Cineuropa, de forma que ese mesmo día, ás 20:00 h, no contiguo Centro Galego de Arte Contemporáneo, se proxectará a imprescindible película de The Beatles, Magical Mystery Tour, unha viaxe ao surrealista imaxinario da banda nai que contén momentos cumio da arte moderna como é I am the walrus.

O Centro Cultural Novacaixagalicia de Santiago abre de novo as súas portas para acoller a terceira sesión do ciclo «Grandes noites de ópera», que leva por título «Mario del Monaco en Moscova: Adeus á Guerra Fría». César Wonenburger será o responsable de conducilo e analizalo. A entrada é libre ata completar capacidade.

O proxecto achegará ao público os grandes encontros entre artistas do xénero lírico nos escenarios onde viviron os seus maiores triunfos, actuacións que conforman os grandes fitos do xénero e que ficaron como referencia para artistas posteriores. As diferentes sesións reproducirán o encontro da soprano Renata Tebaldi e o tenor Franco Corelli en Xapón; a visita de Mario del Monaco ao Bolshoi en plena guerra fría; a homenaxe que La Scala dedicou a Leo Nucci polos seus trinta anos de carreira; e o dúo formado por Joan Sutherland e Luciano Pavarotti no Met, fito que estreou xa o ciclo en Santiago de Compostela.

Maga é unha das referencias fundamentais da escena indie no noso país. Despois de publicar dous epés e cinco discos, os sevillanos continuán no seu afán de buscar a esencia do pop: o directo. O seu último traballo, "Satie Contra Gozilla", foi gravado nos estudos Ultramarinos xunto a Santi García e coa co-produción de Ramón Rodríguez (The New Raemon) e supón un avance máis na súa carreira paralelo ao cambio estilístico iniciado con "A la Hora del Sol".

A Real Filharmonía de Galicia ofrece esta noite un novo concerto da súa temporada de aboamento, dirixida por Maximino Zumalave y acompañada polo violinista Ilya Kaler. O programa inclúe diversas pezas de Viaño, Dvoràk e Mozart.

REAL FILHARMONÍA DE GALICIA
Maximino Zumalave, director
Ilya Kaler, violin

PROGRAMA

X. Viaño: Nubes blancas
A. Dvoràk: Concerto para violín e orquestra en la menor, op. 53
W. A. Mozart: Sinfonía núm 40 en sol menor KV 550

As voces de Carlos e Silvia comezaron a resoar hai uns tres anos polas esquinas atlánticas das cidades galegas. O seu estilo sinxelo, espontáneo e sincero atraeu moitas miradas e non dubidaron en regalar o seu talento en moitas outras prazas europeas. Hoxe, con esforzo conseguiron lanzar un disco totalmente autoproducido e de paso facerse un pequeno nome no complicado panorama musical.

Falar de Julio de la Rosa é facelo dunha das figuras máis transcendentes e inquietas  da escena musical española. Tras liderar a unha das bandas españolas máis importante dos anos 90, ‘El Hombre Burbuja’, é en 2004, co lanzamento de M.O.S cando comeza coa súa carreira en solitario. Unha carreira que foi evolucionando constantemente, pero que mantivo como común denominador a riqueza e beleza dunhas letras que Julio de la Rosa usa tanto como para contar historias desgarradoras, como para presentarnos a súa faceta máis hedonista.

“Un cálculo de proles e contras sumado a unha inexplicable atracción estética”, así describía o amor no seu anterior disco, e primeiro editado co selo galego, Ernie Records,  ‘La herida universal’, onde lle cantaba ao fermoso e doloroso sentimento desde todos os ángulos posibles. Agora atópase ultimando as 10 cancións que formarán parte do seu quinto disco, "Pequeños transtornos sin importancia", en certo sentido continuación lóxica ao seu anterior traballo, onde segue diseccionando as relacións de parella cun bisturí afiado por esa fina ironía marca da casa.

Non nos podemos esquecer, e máis ao enmarcarse este concerto dentro do ciclo "Cineuropa", da súa faceta como compositor de numerosas bandas sonoras, destacando as que compuxo para acompañar gran parte da filmografía de Alberto Rodríguez (7 vírgenes, After, Grupo 7).

Un concerto perfecto para botar o peche á programación musical que acompañará este ano ao festival de cinema compostelán Cineuropa.

Cradle Of Filth naceu en 1991, despois de que as escenas Death Metal e Doom estivesen no seu apoxeo. Nelas inspírase este grupo inglés, pero faino dunha forma orixinal. A banda creouse na cidade de Suffolk e denominaron ao seu estilo 'Black gothic romantic metal'. Este arrevesado título utilízano para describir unha música de base metal, vertentes death, black e doom, sumada a elementos da ópera e a música instrumental romántica.

Utilizan instrumentos como o contrabaixo, os tambores, o teclado ou as guitarras clásicas, xunto aos normais nunha banda de metal. Ademais, empregan unha singular combinación vocal, alternando as voces guturais e escuras, xunto a outras moi agudas. As súas cancións están formuladas como relatos nos que se dan cita ambientes de terror, inspiradas por películas dese xénero. A estética dos seus discos vai parella a este formulación.

Banda Crebinsky é unha pequena orquestra popular xurdida dun universo imaxinario, fuxida do filme Crebinsky. Do mesmo modo, as súas músicas nacen como banda sonora e saltando da pantalla, corren ás rúas e os escenarios, crecendo e desenvolvéndose con grande enerxía. Unha historia ben interesante.

Os integrantes da Banda Crebinsky teñen unha ampla bagaxe musical e unha gran capacidade de integración das súas experiencias e estilos persoais, dende o folk ao jazz, rock, musica clásica ou experimental.

Outro dos aspectos nos que se reflicte a diversidade que caracteriza a este proxecto son as linguas das letras dos seus temas: galego, ruso, castelán, francés e italiano.

COMPOÑENTES

Pablo Pérez (composicións e contrabaixo), Vadin Yukhnévich (voz e baián), Fernando Abreu (clarinete e voz), Enrique Otero ( teclados e voz), Carlos Castro (marimba e percusións), Pablo Rega (guitarra e voz), Xacobe Lamas (violín) e Miguel Queixas (batería).

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

A  Cidade da Cultura presenta en exclusiva a estrea de 'Miniaturas de Eugenio Granell. Música revelada', concerto no que por primeira vez se lle pon música a unhas duascentas anotacións musicais realizadas por Granell e ata o de agora nunca divulgadas.

Baixo a dirección do mestre cubano Alejandro Vargas, o público poderá gozar con melodías únicas inspiradas en formas populares da música galega, así como ideas musicais propias do universo do xenio surrealista.

O concerto na Cidade da Cultura constitúe a presentación ao público dun proxecto levado a cabo por aCentral Folque, o Centro Galego de Música Popular, A Fundación Granell e a Cidade da Cultura que inclúe un disco, un libro coa transcrición das partituras e un estudo crítico da dimensión musical de Eugenio Granell.

Elenco artístico:
- Alejandro Vargas (dirección, arranxos e piano)
- José Manuel Díaz (contrabaixo)
- LAR Legido (batería)
- Mónica de Nut (voz)
- Edelmiro Fernández (gaita)
- Germán Díaz (zanfona)
- María José Pampano (viola)

O ciclo 'Praceres Ocultos' continúa nos primeiros días de decembro á calor da Casa das Crechas, co concerto de Little Wings, o proxecto musical de Kyle Field (tamén debuxante, deseñador, creativo a tempo completo) que é sen dúbida un diamante musical con cancións que son un convite á sorpresa e a marabilla. A música do de California se emparenta tanto co son atemporal de Bill Callahan ou M. Ward como coa heterodoxa galaxia que orbita en torno ao xa mítico selo K Records, que non por casualidade publicou en 2007 o marabilloso "Soft Pow'r", para unha inmensa minoría un cumio do pop, o folk e o soul da década pasada.

No noso país, a súa popularidade parece ter despegado especialmente a raíz da publicación en 2011 de "Black Grass", un traballo que sen renunciar á fraxilidade e a delicadeza características de Little Wings gañou en espesor e riqueza. Con recompilatorios publicados por revistas de referencia e actuacións confirmadas no Primavera Club, Desconcerto Cultural ofrece a oportunidade de gozar de Little Wings no seu hábitat natural: a distancia corta, a intimidade de dormitorio ou confesionario, da que xorden a voz inconfundible de Field e as súas elegantes cancións, ás veces luminosas, ás veces dolorosas.

Asociación Desconcierto Cultural
email ciclo: placeresocultos@desconciertocultural.com
email xeral: info@desconciertocultural.com

CANCELADO

Dark Tranquillity é unha banda sueca de death metal formada en 1989 e que posúen unha extensa carreira, onde foron nominados a diversos premios, entre eles o Grammy polo seu álbum 'Projector'. A pesar de levar máis de vinte anos enriba dos escenarios esta banda sueca 'só' publicou nove discos. O primeiro foi en 1993 titulado 'Skydancer' e o último, e co que están a realizar a xira, 'We Are The Void'.

+info sobre a cancelación do concerto aquí

Tras a cancelación do concerto de The Soft Moon, dende Desconcerto Cultural traballouse duro para conseguir un substituto en condicións para pechar o ciclo 'Praceres Ocultos' neste 2012. E dificilmente se podería encontrar un mellor, xa que Lumerians é precisamente a banda na que ata hai menos dun ano militaba Luis Vasquez, cabeza visible de The Soft Moon, para centrarse no seu proxecto máis persoal.

Como banda invitada no concerto, teremos aos ourensanos Orquesta Pánico, nova combo formado por membros de Hacceidad e Uppercut, que se estreará en Compostela cunha explosión cósmica de post-rock e muñeira psicodélica. Un verdadeiro misterio que poderemos descubrir na Zona C a partir das 20:30.

Máis info aquí

Toda a info sobre o ciclo Praceres Ocultos

O ciclo musical 'Galicia Importa', patrocinado pola Consellería de Cultura, Educación e Ordenación Universitaria, pecha a súa edición de 2012 co concerto que Steve Vai, considerado como un dos mellores guitarristas da historia do rock, ofrecerá acompañado da súa banda esta noite na Sala Capitol.

Esta será a primeira actuación en Galicia de Steve Vai, quen foi durante moitos anos man dereita de Frank Zappa, ademais de ter tocado xunto a algúns dos grandes nomes do rock contemporáneo como Joe Satriani, con quen empezou a tomar clases aos 12 anos de idade, David Lee Roth, Ozzy Osbourne, Brian May, Ry Cooder, Al Di Meola ou Alice Cooper, entre moitos outros.

Aínda que conta tamén cunha destacada carreira como produtor e arranxista, este músico norteamericano é internacionalmente coñecido polo seu virtuosismo á guitarra. De feito, o seu nome figura en todas as listas dos mellores guitarristas do rock, ademais de ter sido galardoado cos máis prestixiosos premios da industria musical –obtivo o Grammy en tres ocasións– e dos medios especializados.

A súa discografía inclúe máis de 60 álbumes, 16 discos en solitario, ademais de gravacións en vivo, recompilatorios, traballos de orquestra e colaboracións en multitude de discos de grandes bandas como Whitesnake, Motorhead ou Dream Theater. O seu último traballo editado é The Story of Light, publicado este mesmo ano polo seu propio selo discográfico, Favored Nations Entertainment, e co que está inmerso nunha ampla xira internacional que en decembro recalará en España, con outras catro actuacións confirmadas ata o momento: unha en Madrid, dúas en Barcelona e unha en Murcia.

Presentación do novo proxecto de Xoán Curiel que el mesmo define como unha paréntese no Magnético Zen. Mentres vai difundindo o Magnético Zen e vai tocando saen novas cancións e proponse facer unha breve paréntese no fin deste ano que foi... e vai ser... tan intenso de presentacións, participacións en eventos e en diferentes discos.

Xoán é un artista e un comunicador. Nos seus espectáculos procura o contacto co espectador. As súas cancións en galego, falan un idioma musical universal que recolle sons con influencias árabes, brasileiras, latinas, do jazz e da canción de autor neste formato íntimo e emocionante. www.myspace.com/xoancuriel

Moon Cresta é un cuarteto que obtivo inmellorables críticas e loanzas co seu 2º álbum, The Sparkling Radiostars & Their Lunatic Orcresta (2010). As súas cancións son, como eles mesmos denominan, power & funk, estilo aberto e ecléctico que recupera os sons do rock e funk dos 70' sen deixar de soar contemporáneo.

O Auditorio de Galicia acolle esta noite un novo concerto da tempada de aboamento da Real Filharmonía de Galicia, que nesta ocasión estará dirixida polo mestre Antoni Ros Marbà e acompañada pola prestixiosa pianista María Joao Pires. O programa inclúe diversas pezas de Montsalvatge, Haydn e Mozart.

REAL FILHARMONÍA DE GALICIA

Antoni Ros Marbà, director
Maria João Pires, piano

PROGRAMA

X. Montsalvatge: Sortilegis
J. Haydn: Sinfonía núm. 88 en Sol maior, Hob I788
W. A. Mozart: Concerto para piano e orquestra núm. 9 en Mi bemol maior, K.271

Durante dúas noites consecutivas, a Sala Capitol acolle o agardado concerto da banda madrileña Los Enemigos. Tras o seu regreso aos escenarios, é a terceira ocasión na que Josele Santiago, Fino Oyonarte, Chema Animal Pérez e Manolo Benítez ofrecen un concerto en Galicia, despois das súas actuacións en Vilagarcía e en Ourense.

Los Enemigos non pisaban Santiago desde marzo do 2002, cando ofreceron un concerto de despedida no Multiusos Fontes do Sar. Dez anos e medio máis tarde, o cheo está asegurado.

Esta tarde, o Teatro Principal acolle un concerto de Rodrigo Romaní co título 'As Arpas de Breogán', dedicado ao son da arpa céltica. Este evento está organizado pola Concellería de Educación para promover a participación dos escolares da cidade, do profesorado e das familias interesadas en achegarse ao mundo da música. A entrada é de balde, previa retirada da mesma no despacho de billetes do propio Teatro.

O concerto pretende amosar todas as posibilidades de interpretación da arpa no eido da música de Galicia e o folk contemporáneo. O empeño de Rodrigo Romaní pola difusión deste instrumento susténtase na facilidade que ten para enganchar co gusto do público, para transmitir sensacións, porque é un instrumento moi atávico, moi antigo e desencadea sentimentos que teñen que ver co máis profundo da alma.

A Concellería de Educación quere achegar aos máis novos a este instrumento. Así, o artista noiés quixo, como continuación de colaboracións anteriores con este Concello, desenvolver un traballo didáctico que promova este instrumento entre os diferentes públicos de Compostela, cunha especial incidencia entre o profesorado e o alumnado da cidade. Con tal motivo, preparou un novo recurso didáctico arredor da arpa celta, en forma de unidade didáctica que recolle a orixe, a evolución da arpa, as clases de arpas ou as semellanzas con outros instrumentos, por citar algúns dos contidos que se recollen nesta documentación, que leva por título “Enredados nas cordas” e que se pon a disposición dos centros de ensino de Compostela. En próximas datas visitará a Escola Municipal de Música de Santiago para desenvolver diferentes sesións didácticas co alumnado deste centro, reforzando o programa pedagóxico da mesma.

Para este labor, a Concellería de Educación programou unhas sesións didácticas nas que Rodrigo Romaní manterá un contacto co alumnado e o profesorado interesado, nas que dar a coñecer estes materiais e favorecer o contacto dos máis novos co instrumento. Esta proposta musical incide na difusión da música tradicional e, a través dos materiais didácticos creados polo autor, poderán ser utilizados nos centros de ensino polo profesorado e polos escolares, especialmente os relacionados coa educación musical.

No concerto do Teatro Principal presentarase un traballo concibido para dúas arpas, voces, contrabaixo e percusións, onde tamén se utilizan ocarinas, guimbardas e elementos de ambientación electrónica.

Rodrigo Romaní está considerado como o máis importante expoñentes da arpa celta na Península. Conta cunha amplísima discografía tanto en solitario como con outras formacións (Milladoiro, Lizgairo…). É  tamén o responsable da expansión da arpa celta dende que en 1996 creara en Vigo a primeira aula estable de arpa céltica da península, actualmente integrada na Escola Municipal de Música Tradicional de Vigo. É tamén o principal responsable do nacemento de SonDeSeu, a primeira orquestra folk europea, onde  dirixe, ademais da orquestra, a sección de arpas.

A tenda de música O Pazo das Musas organiza esta tarde unha charla-exposición-concerto en torno á música antiga. A actividade estará a cargo da formación Grupo 1500.

Entrada gratuíta, prazas limitadas.

Inscrición ata o 12 de decembro no enderezo contacto@sirgotorcendo.com ou chamando ao 981577979.

Concerto de violín organizado por Suzuki Galicia, no que actuarán alumnos e alumnas que seguen o método Suzuki.

Estes mozos e xa veteranos músicos se xuntaron co san obxectivo de reverenciar tan inmenso legado do pop-rock anglosaxón de formacións tan extraordinarias como The Beatles, The Kinks ou Small Faces que se mesturarán de xeito explosivo co variado cocktail de artistas tan botados de menos do rock hispano como Los Salvajes, Los Bravos, Fórmula V ou Los Brincos.

Entrada libre ata completar aforamento.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Tres músicos de referencia no panorama musical actual en Galicia que farán un percorrido por temas das súas diversas formacións e versións de outros artistas.

O Jazz Club Dado Dadá organiza esta noite unha nova velada musical. Nesta ocasión, os asistentes poderán gozar dun concerto a cargo de Sabín Todorov & Nikolay Velikov Cuarteto e posterior jam session.

Ton Risco - Batería
Juan Cañada - Contrabaixo
Nikolay Velikov - Violín
Sabin Todorov - Piano

Nacido en Burgas (Bulgaria), Sabín Todorov posúe títulos da Academia Estatal de Música de Sofía e o Real Conservatorio de Bruxelas (Belgica), coa especialidade de jazz piano.
En 2008 grava o álbum "Inside story" en trío cos músicos: Sal La Rocca (baixo) e Lionel Beuvens (batería), co que realiza numerosos concertos en Bélxica e Francia.
Ao ano seguinte, grava o album "Inside story 2" co seu trío e a participación de Steve Houben (saxo) e as cantantes de Bulgarka Junior Quartet. Este proxecto tivo un grande éxito no Festival de Jazz de Gaume (Bélxica) en agosto do 2009 e en maio do 2010 no Jazz Maraton de Bruxelas, así como no Festival de Tampere (Finlandia) en 2011.
En 2010, grava o album "Archibald Song" co saxofonista Bernard Guo.
Ademais de estar moi solicitado para participar en diferentes agrupacións, Sabín dedícase ao seu repertorio de só-piano co que leva moitos anos.

Nikolay Stoyanov Velikov comeza os seus estudos musicais á idade de seis anos na Escola de música da súa cidade natal, Sliven, en Bulgaria. Máis tarde, ingresa no Instituto Nacional de Música "Lubomir Pipkov" en Sofía, completando posteriormente os seus estudos no Conservatorio Superior "Pancho Vladiguerov", cos profesores de violín Valentín Choparinov e Alexander Ilchev.
Obtén o título de grao superior con máximas cualificacións, como profesor de violín e música de cámara e perfecciona os seus estudos co profesor Stefano Pagliani na Academia Santa Chiara, (Italia).
Foi premiado en tres ocasións no Concurso Nacional de Novos Intérpretes de Bulgaria. Comeza a súa carreira profesional na Orquestra de Cámara de Sofía no posto de axuda de concertino, na cal, ademais dos seus múltiples concertos no seu país, tamén tivo actuacións en Alemaña, Holanda, Francia...
No ano 1996 obtén a praza de co-principal de segundos violíns na Real Filharmonía de Galicia, onde segue traballando na actualidade, impartindo tamén clases na Escola de Altos Estudos Musicais de Galicia.
Realizou interpretacións como solista en orquestras de Bulgaria, Alemaña e España. Actualmente vive e traballa como profesor de jazz piano e jazz conxuntos en Bruxelas.

O Paraninfo da Universidade, situado na Facultade de Xeografía e Historia, acolle esta tarde o primeiro dos concertos do ciclo 'As 10 sonatas para violín e piano de Beethoven'.

O concerto, que inclúe a interpretación das sonatas nº 6 en La Maior, Op. 30 nº 1, e nº 9 Op. 47 (Kreutzer), estará protagonizado por Grigori Nedobora (violín) e Ilona Timchenko (piano).

O artista Sérgio Tannus, un dos máis completos artistas da safra brasileira, presenta esta noite os temas do seu último traballo discográfico, 'Son Brasilego'.

Virtuoso en instrumentos variados, como violões, guitarra, baixo, cavaquinho, bandolín e percusións, comezou a tocar dende cedo, cando tiña oito anos. Autodidacta, o músico foise perfeccionando na busca de novas sonoridades, aliadas ás influencias e estilos universais, sen deixar de lado a súa brasilidade.

A Casa das Crechas pecha esta noite a programación do ano do seu 25 aniversario cun concerto-encontro co cantor portugués João Afonso, que ofrecerá un espectáculo de pequeno formato no que repasará os seus grandes éxitos e mesmo interpretará temas do seu tío o Zeca Afonso.

Será un concerto ‘interactivo’, no que o músico fará un percorrido pola súa vida musical e o público poderá pedir cancións e preguntarlle o que queiran ao artista.

João Afonso (Mozambique, 1965) é unha das principais voces de Portugal. A súa vasta discografía iniciouse con Maio Maduro Maio (1994), na compaña de José Mário Branco e Amélia Muge, que levou o premio ‘José Afonso’. Posteriormente publicou ‘Missangas’ (1997), o seu primeiro álbum en solitario, que lle supuxo o título de Melhor Voz Masculina Nacional. Seguidamente foron ‘Barco Voador’ (1999), ‘Zanzibar’ (2002), ‘Outra Vida’ (2006) e ‘Um Redondo Vocábulo’ (2009), só con cancións do Zeca. Ten colaborado con diversos artistas como Júlio Pereira, Luís Pastor, Uxía, Pablo Milánes, Paco Ibáñez, Pedro Guerra e Javier Ruibal, entre outros.

http://www.myspace.com/joaoafonsomusic

Espectáculo liderado pola cantante de flamenco Mónica que conta cos arranxos e a dirección musical do guitarrista Jesús Pimentel "Cuchus" e a colaboración de diferentes músicos.

No seu repertorio pode encontrarse dende os cantes clásicos do flamenco máis tradicional (tientos, alegrías, cantes das minas...) ata temas das últimas décadas (Luis de la Pica, Pepe de Lucía, Niña Pastori...) e temas de fusión (Las Grecas, Ray Heredia, Dolores Vargas...), así como versións de temas alleos ao flamenco polo que pode agradar tanto a un público entendido como aos que se achegan por primeira vez a este estilo de música.

O concerto pódese realizar con diferentes formacións e diso depende a elección do programa para cada ocasión. Ao formato tradicional de cantante de flamenco e guitarrista pódeselle engadir percusión, baixo, violín ou outros instrumentos para lograr diferentes texturas sonoras máis axeitadas para certos temas; con isto o espectáculo gaña en variedade e riqueza tanto dende o punto de vista musical coma do escenográfico sen perder autenticidade.

Este proxecto é unha proposta musical diferente, con innumerables matices, onde se procura mostrar unha pequena parte da riqueza musical do flamenco, sen prexuízos nin etiquetas, mostrando as súas raíces e a súa posterior evolución no terreo estilístico e instrumental.

Baixo a batuta do mestre Antoni Ros Marbà, a Real Filharmonía de Galicia ofrece esta noite un novo concerto da súa tempada de aboamento. Nesta ocasión, o programa inclúe pezas de Rossini, Durán e Brahms.

REAL FILHARMONÍA DE GALICIA
Antoni Ros Marbà, director

PROGRAMA

G. Rossini: Abertura Semiramide
J. Durán: Divertimento
J. Brahms: Sinfonía núm. 1 en do menor, op.68

"Nunca comporei unha sinfonía. Non teñen nin idea do que sente un home como eu ao camiñar tras un xigante" dixo Brahms referíndose a Beethoven. despois de 20 anos rematou a Sinfonía núm. 1.

Un dos mellores directores de orquestra de Europa, o mestre Antoni Ros Marbà, subirá ao escenario no que será o seu último concerto como Director Titular da Real Filharmonía de Galicia. Pon fin así a un ciclo de 12 anos no que aportou á orquestra galega unha gran personalidade e un novo enfoque, tarefa pola que conseguiu numerosas ovacións. A pesar da despedida, dada a excelente relación mantida en todas estas tempadas coa RFG, o director de L'Hospitalet seguirá ligado á orquestra galega, levando a batuta nalgúns concertos en cada tempada. A partir de xaneiro o ata agora director principal invitado, o inglés Paul Daniel, relevará no posto a Ros Marbà durante polo menos dous anos. Actualmente ocupa tamén o cargo de director principal e conselleiro artístico na Orquestra Sinfónica West Australian.

No concerto do xoves 20 de decembro, o mestre Ros Marbà poñerase á fronte da RFG para interpretar a Sinfonía núm.1, de Johannes Brahms, unha das máis grandes e belas obras do compositor alemán. Director e orquestra tamén tocarán a abertura de Semiramide, de Rossini e Divertimento, do galego Juan Durán.

O mesmo concerto soará o día anterior, o mércores 19 de decembro, no Centro Cultural Novacaixagalicia de Vigo.

Antoni Ros Marbà nace en L'Hospitalet de Llobregat e estuda dirección de orquestra con Eduard Toldrá, Sergiu Celibidache e Jean Martinon. Ademais de estar á fronte da RFG, o mestre Ros Marbà é director titular da Cátedra da orquestra Freixenet da Escola Superior de Música Raíña Sofía. Foi o primeiro Director Titular da Orquestra Sinfónica de RTVE, cando foi creada creada en 1966.
Foi invitado por Karajan para debutar en Berlín xunto á Orquestra Filharmónica en 1978, antes de ser nomeado Director Titular da Orquestra de Cámara Holandesa. Ros Marbà dirixiu ás orquestras máis importantes de Francia, Inglaterra, Suíza, Italia, Alemaña e Escandinavia e foi invitado polos principais centros musicais de América e Xapón.
Dirixiu as estreas das óperas Divinas Palabras de García Abril e The Duenna de Gerhard así como as primeiras gravacións mundiais desta última e de La Dolores de Bretón.
O Ministerio de Cultura outorgoulle o Premio Nacional de Música e a Generalitat de Cataluña a Creu de Sant Jordi. En 2009, Warner Classics e Claves, editaban dous CDS do Mestre dirixindo a RFG, dedicados a Mompou e Falla, que obtiveron unha extraordinaria acollida por parte da crítica.

O mítico grupo de rock cántabro, todo un referente no panorama musical español, ofrece esta noite un concerto na Zona "C", onde presentarán os temas do seu último traballo discográfico, 'La caja de los truenos'.

Los DelTonos é un grupo de rock formado en 1986 en Muriedas, Cantabria. Comezou sendo un trío, con Hendrik Röver como único guitarrista, ademais de baixo e batería. Tras varios cambios na súa formación o único membro fundador que prosegue é Röver. Dende a gravación de "Sólido" son catro os compoñentes coa incorporación de Macaya como guitarrista.

Definir o estilo musical dos Deltonos máis alá de "grupo de Rock" é arriscado pois calquera definición supón simplificar demasiado, dada a gran cantidade de influencias e matices que hai nas súas composicións. Nos seus comezos consideróuselles un grupo de Rhythm and blues pero foron cambiando con cada novo traballo, incorporando sons próximos ao Funk, o Power Pop, e nos seus últimos discos, sobre todo "GT" e "Buenos Tiempos", sons sureños, con máis presenza de guitarras acústicas ou a Steel guitar, evolucionando cara a un rock que podería encadrarse no xénero coñecido como Americana, pero mantendo sempre un son propio e característico marcado polo estilo persoal e virtuoso á guitarra de Hendrik e as letras sempre en castelán das súas composicións propias.

O Nadal arranca no Gaiás cunha actuación moi especial do grupo Berrogüetto. A banda ofrecerá a oportunidade de gozar dunha actuación única, onde os asistentes descubrirán os segredos de cada instrumento e achegaranse un pouco máis ao que hai detrás dunha actuación musical.

Pais e nenos aprenderán xuntos o funcionamento da zanfona, do violín ou do acordeón ao ritmo dunha das mellores bandas de folk galego nunha experiencia musical didáctica sen precedentes. Unha oportunidade única de coñecer como traballan os músicos e a mellor forma, sen dúbida, de comezar as vacacións de Nadal.

Lugar: Centro de innovación Cultural (CINC)

Non se pode dicir que fose unha espera curta nin unha loita doada, pero por fin os Telephones Rouges, un dos máximos expoñentes da salvaxe escena underground galaica, lanzaron ao mundo o seu LP de debut.

O cuarteto do Grove presenta Disenso, unha coidadosa produción para un conxunto de cancións en galego, castelán e alemán, que somerxen a banda nos terreos máis correúdos do garage, punk e rock. O álbum dos galegos é sobresaínte no todo e as partes, resaltando en temas inesquecibles como "Vran", "Cristal" ou "Peinados Rebeldes".

Adiantado pola banda na súa páxina de Bandcamp, "Disenso" foi publicado no mes de novembro, via Matapadre e o selo barcelonés Mama Vynila. 300 copias de vinilo de 12" ilustradas por Begoña García-Alén que constan de 11 temas producidos polo propio grupo e Iñaki Bea, gravados en A ponte e en Círculo Polar Estudio durante o mes de agosto deste ano por Tomás Ageitos e Iñaki Bea, e masterizados nos estudos Planta Sónica de Vigo por Pancho Suárez e Iñaki Bea.

Podes escoitar o álbum na páxina de Bandcamp de Matapadre.

Que farías se rematase o mundo? Talvez sexa hora de facernos esa pregunta e, o que é máis importante, de darnos unha resposta para o caso de que se consumase un disturbio natural desa magnitude. Un dos calendarios maias remata o seu ciclo o 21 de decembro de 2012, o que é interpretado por moitos estudosos como o anuncio do fin do mundo ou, polo menos, do desenlace dunha civilización e o nacemento doutra nova. Fastío, destrución ou revolución, que máis dá? A "FESTA DO FIN DO MUNDO" ofréceche a oportunidade de desatar os teus anhelos apocalípticos e satisfacelos coa única redención posible para a túa alma insalubre: o culto ao rock´n roll. E diso, os maias non sabían nada.

Así que o venres 21 de decembro viviremos unha noite de rock e garaxe na Zona C, en Santiago de Compostela. Mujeres, a banda barcelonesa que con tan boa man se fixo un oco nos corazóns dos afeccionados en toda España, virá a presentar o seu segundo LP, 'Soft Gems' (Sones, 2012) co que demostran que ninguén lles fai sombra no seu xénero, despois de ascender do fenómeno de culto que foron co seu debut, 'Mujeres' (Sones, 2009), a banda imprescindible do actual underground peninsular.

Malia a súa xuventude, Mujeres curtíronse ao longo de centos de concertos que os levaron dende os escenarios do Primavera Sound ao imprescindible South by Southwest nortemaricano, cun son cheo de impurezas que que respira de bandas como The Sonics, The Velvet Underground, Black Lips, The Kinks ou o garaxe-punk latino que abanderon Los Saicos.

Deste xeito a banda deu un salto de calidade que confirma que Mujeres teñen un brillante porvir e desterraron do seu dicionario a palabra hype... se algunha vez estivo nel. Dende a inicial "Soft gems pt1" percibimos que o seu son creceu e que estamos ante unha das bandas máis interesantes e con mellor e máis divertido directo que podemos encontrar hoxe en día.

E abrindo a noite estarán Wild Balbina, un novísimo grupo vigués que irrompeu na escena independente cun marcado estilo que recorda aos grupos con rapaza californianos no ronsel de Best Coast ou Vivian Girls. As catro cancións incluídas no seu single de debut para Elefant, 'Eat Tacos', contan con melodías excelentes, medio surfeiras, medio punk-pop, sempre melancólicas, que atrapan deseguida.

Isto é unha mostra do que poderás ver esta noite na Zona C!

Non é preciso dicir que o seu son tinguido de rock sureño se cruzou con cancións que hoxe son himnos ('Llamando a la tierra', 'Carolina', 'Miedo', 'Roto por dentro') e que conseguiron erguer M Clan aos cumes do éxito en España, alcanzando grandes cifras en canto a discos vendidos e sendo un dos grupos que máis quilómetros fixo nas estradas nacionais cada ano dende hai xa máis dunha década.

Agora volven á estrada con novo disco, 'Arenas movedizas', un álbum que continúa na liña de 'Para no ver el final' ou 'Memorias de un espantapájaros', música rock e hard rock dos 70.

Concerto presentación de Discos da Máquina no que actuarán Das Kapital, Ataque Escampe e A Magnifique Bande dos Homes sen Medo.

Unha vez máis, o Auditorio de Galicia acolle en concerto a unha orquestra convidada. A recoñecida Orquestra Sinfónica de Galicia, dirixida polo mestre Ton Koopman, ofrecerá esta noite ao público compostelán a interpretación de diversas pezas de Corelli, Bach e Mozart.

ORQUESTRA E CORO DA SINFÓNICA DE GALICIA
Ton Koopman, director

PROGRAMA
A. Corelli: Concerto grosso núm. 8 op.6 “Concerto de Nadal”
J.S. Bach: Oratorio de Nadal (Cantata núm. 1)
W.A. Mozart: Ave Verum Corpus
W.A. Mozart: Misa da Coroación

"Ton Koopman ten unha enerxía insaciable e irradia un entusiasmo que se contaxia a todos os que están presentes". J. Gahre.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Berrogüetto chega ao Teatro Principal coa súa Xira de andar por casa dentro do ciclo 'Íntimo & Acústico'. Con este concerto ofrecen unha recreación semiacústica dos temas máis aclamados da súa discografía. Unha revisitación inzada de intimidade, optimismo, frescura nunha envoltura acústica que busca na audiencia unha sensación o máis próxima posible á que pode experimentar cando escoita música no salón da súa casa.

“Berrogüetto, corpo aberto en sete latexares, trasládanos esa infinita sinfonía, unha voz que xorde de tan dentro que mesmo doe porque é a nosa propia voz feita música. Eles fannos soñar que outra música, outra orde cósmica é posible.” Rosa Aneiros, Escritora e gañadora do Premio Xerais 2009 pola novela Sol de inverno. A viaxe épica de Berrogüetto comeza na primavera de 1995 na Galiza, cando seis músicos de procedencias dispares se xuntaron coa intención de levar a música celta tradicional do seu país un paso máis aló, cara o futuro, e experimentar novas sonoridades.

Nun prazo moi breve, sen abandonar a súa sensibilidade inicial, Berrogüetto converteuse nunha das formacións de world music máis importantes do mundo. Unha das marcas galegas que funcionan no mercado musical internacional pola súa mestura de paixón pola tradición musical e a experimentación na contemporaneidade. As dúas caras dunha mesma figura nun mercado global onde a pluralidade cultural corre perigo.

Contra esa tendencia, Berrogüetto segue ofrecendo música galega cun radio de acción que transcende as fronteiras de Galiza. Máis alá da música, cren na diversidade cultural coma fonte de riqueza. Hoxe, a súa música, co mesmo selo de sempre - multiplicidade e homoxeneidade, unha das cousas máis difíciles de conseguir nunha banda - ten cabida en calquera escenario do mundo.

A súa inquietude pola música e as súas ganas de innovar leváronos a investigar con sons e instrumentos diferentes. Grazas a esta determinación sempre conseguiron os favores da crítica e recibiu numerosos galardóns e recoñecementos por todo o mundo: Premio da Asociación da Crítica Alemá do Disco ao Mellor Disco de World Music en varias ocasións, Premio Opinión ao Mellor Disco de Folk, finalistas dos Premios da Música da Academia das Artes Escénicas e Musicais como Mellor Álbum en Galego e dos Grammy Latinos ao Mellor Disco Folk, entre outros.

Ao longo da súa traxectoria a formación foise modificando. O equipo fundador estaba composto por: Santiago Cribeiro, Paco Juncal, Quico Comesaña, Guillerme Fernández, Anxo Pintos e Isaac Palacín. No segundo álbum Viaxe por Urticaria (1999), trala marcha do violinista Paco Juncal, incorpóranse Guadi Galego á voz e Quim Farinha ao violín. Con esta banda gravarían dous discos máis: Hepta (2001) e 10.0 (2006). No ano 2008 Guadi Galego deixa o grupo e intégrase o cantante Xabier Díaz, con quen editan Kosmogonías (2010).

O trío compostelán formado por Martín Esturao (guitarra e voz), Héctor Tellería (contrabaixo e coros) e Manuel Brey (batería) ofrece esta noite un concerto no pub Ultramarinos.

Dr. Gringo practica Rock'n'Roll sen concesións con claras influencias Rockabilly. O seu primeiro concerto foi o 16 de maio de 2008 na Sala Capitol de Santiago e dende entón non deixaron de tocar por toda a xeografía española con boa acollida por parte do público.

Chega á súa duodécima edición 'Todo Lírica', o ciclo de concertos que organizan a Concellaría de Cultura compostelá e a Asociación Galega da Lírica nado co nome de Festival de Zarzuela de Santiago e que foi rebautizado hai tres edicións. Durante o Nadal celebraranse catro concertos no Teatro Principal polo que pasarán un sólido elenco de pianistas cantantes que combina experiencia e xuventude.

O concerto inaugural estará protagonizado polo pianista Rubén Fernández Aguirre e polo barítono David Menéndez. Ambos os dous interpretarán un programa de cancións de Gounod e Gusatavino, así como unha serie de romanzas de zarzuela.

No seu nacemento como Festival de Zarzuela no ano 2000, esta ciclo achegaba a zarzuela a Compostela no tempo do Nadal da man dos artistas de máis renome do xénero. Organizado polo Concello de Santiago e a Asociación Galega da Lírica, este certame, que mudaría de nome converténdose en Todo Lírica anos despois, foise abrindo a outros xéneros musicais de carácter popular, como o tango, a opereta, o jazz, o musical, etc., coa intención de ofrecer unha oferta musical ampla e lúdica para toda a familia na época do Nadal.

Polo escenario do Teatro Principal, sede de Todo Lírica, teñen pasado cantantes de renome como Carlos Álvarez, Vivica Genaux, Manuela Custer, Ana María Sánchez, Manuel Lanza, Isabel Rey, José Manuel Zapata, Martín Oro, Ismael Jordi, José Antonio López, Isabel Monar, Simón Orfila, Lola Casariego, Elena de la Merced, etc.

A formación liderada por Raúl Gutiérrez chega esta noite á Sala Capitol para ofrecer en directo os temas dos seus últimos traballos.

La Fuga supuxo, ata agora, o proxecto de banda máis intenso e duradeiro de Rulo, con 6 discos de estudo, máis de 300 concertos por diferentes países e unhas cantas decenas de excelentes cancións.

Pero Rulo, como el mesmo comenta, experimenta un continuo proceso de reinvención ("collo a miña mala cara e marcho de aquí. Non sei as veces que me reinventei"), de explorar outras terras e de voar por outros territorios elixindo outros compañeiros de viaxe. E así, pouco a pouco, no último ano foi tomando corpo Rulo y La Contrabanda. Rulo segue sendo dos de sempre: dos do pelo longo, dos de corazón de Rock & Roll. Pero agora acompáñano outros nomes, outras caras, outros actores: Karlos Arancegui -Txarli- (Amaia Montero, Iván Ferreiro) á batería, Quique Mavilla (Amaral) ao baixo, Dani Baraldés -Pati- (Macaco, Jarabe de Palo) á guitarra e Fito (vello compañeiro de aventuras en La Fuga e amigo) tamén á guitarra.

Rulo realizou unha gran cacharela con cuxos rescaldos nos segue ofrecendo historias correntes que nos volvan axitar o corazón. Porque, ao final, o que queda de verdade é... a música.

O ciclo 'Capitol Club' ofrece esta noite un concerto gratuíto a cargo de Los Versionettes, grupo coruñés dedicado a levar ao directo e en acústico clásicos do rock internacional.

Ari C: Voz, Adrián Torreira: Guitarra, Carlos Areán: Guitarra e Miguel Vieites: Batería
Son unha banda de versións en acústico, dende Tom Petty ata Coldplay pasando polos Rolling, Bowie, ACDC, Dylan, U2, Radiohead, The Killers, Pink Floyd, Queen, e máis.. O seu forte?: Os orixinais arranxos en cancións arquicoñecidas. Son unha banda de versións, si, pero cun toque persoal. Dan o mellor deles mesmos en cada actuación, procurando sorprender.

Entrada libre ata completar aforamento.

A mezzosoprano Mireia Pintó e o pianista Manel Camp protagonizan o segundo dos concertos da XII edición do festival Todo Lírica, o ciclo de concertos que organiza a Concellaría de Cultura compostelá e a Asociación Galega da Lírica nacido co nome de Festival de Zarzuela de Santiago e que foi rebautizado hai tres edicións. Durante o Nadal celebraranse catro concertos no Teatro Principal polo que pasarán un sólido elenco de cantantes que combina experiencia e xuventude.

O programa deste concerto, titulado 'Cancións de cine, de Broadway a Hollywood', inclúe diversas pezas de Porter, Kern, Loewe, Bernstein e Arlen.

No seu nacemento como Festival de Zarzuela no ano 2000, esta ciclo achegaba a zarzuela a Compostela no tempo do Nadal da man dos artistas de máis renome do xénero. Organizado polo Concello de Santiago e a Asociación Galega da Lírica, este certame, que mudaría de nome converténdose en Todo Lírica anos despois, foise abrindo a outros xéneros musicais de carácter popular, como o tango, a opereta, o jazz, o musical, etc., coa intención de ofrecer unha oferta musical ampla e lúdica para toda a familia na época do Nadal.

Polo escenario do Teatro Principal, sede de Todo Lírica, teñen pasado cantantes de renome como Carlos Álvarez, Vivica Genaux, Manuela Custer, Ana María Sánchez, Manuel Lanza, Isabel Rey, José Manuel Zapata, Martín Oro, Ismael Jordi, José Antonio López, Isabel Monar, Simón Orfila, Lola Casariego, Elena de la Merced, etc.

Rodrigo Rodríguez é un músico mestre internacionalmente coñecido especialista na frauta Xaponesa shakuhachi, ten actuado en numerosas salas de concerto en Asia, Europa, Sur do Pacífico e Latinoamérica.

Cabe destacar que entre as súas importantes xiras actuou no "Tokyo Imperial Hotel", eventos da NHK, no templo emblemático do Gran Buda de Kamakura, ou no Conservatorio Tchaivkosky, Moscú Rusia.

AFORAMENTO LIMITADO

DATA LÍMITE DE RESERVA DE PRAZA: ATA COMPLETAR AFORAMENTO

AGRADECEMOS CONFIRMAR ASISTENCIA ANTES DO 31 DE DECEMBRO

Baixo o título de 'Un inverno de contrastes: I love/hate music', a soprano María Rey-Joly e o pianista Borja Mariño ofrecen esta tarde o terceiro dos concertos que compoñen a XII edición do festival de zarzuela 'Todo Lírica', o ciclo de concertos que organiza a Concellaría de Cultura compostelá e a Asociación Galega da Lírica nacido co nome de Festival de Zarzuela de Santiago e que foi rebautizado hai tres edicións. Durante o Nadal celebraranse catro concertos no Teatro Principal polo que pasarán un sólido elenco de cantantes que combina experiencia e xuventude.

O programa desta noite inclúe diversas pezas de Bernstein, Barber, Chausson, Bizet, Mozart, Strauss, Penella e Gaztambide.

No seu nacemento como Festival de Zarzuela no ano 2000, esta ciclo achegaba a zarzuela a Compostela no tempo do Nadal da man dos artistas de máis renome do xénero. Organizado polo Concello de Santiago e a Asociación Galega da Lírica, este certame, que mudaría de nome converténdose en Todo Lírica anos despois, foise abrindo a outros xéneros musicais de carácter popular, como o tango, a opereta, o jazz, o musical, etc., coa intención de ofrecer unha oferta musical ampla e lúdica para toda a familia na época do Nadal.

Polo escenario do Teatro Principal, sede de Todo Lírica, teñen pasado cantantes de renome como Carlos Álvarez, Vivica Genaux, Manuela Custer, Ana María Sánchez, Manuel Lanza, Isabel Rey, José Manuel Zapata, Martín Oro, Ismael Jordi, José Antonio López, Isabel Monar, Simón Orfila, Lola Casariego, Elena de la Merced, etc.

A Cidade da Cultura poralle banda sonora ao Nadal ao contar coa presenza das bandas pop-indie máis destacadas do momento. Cun repertorio adaptado a un formato máis íntimo, Cancións por regalos ofrecerá unha actuación moi especial na que o prezo da entrada será un regalo.

Tras o paso de grupos como Menhai, La Familia, Jane Joyd, Alondra Bentley ou Abraham Boba, os máis pequenos terán por segundo ano consecutivo a oportunidade de descubrir a música alternativa en compañía dos seus pais. Unha iniciativa redonda na que todos gañan,  xa que mentres ti levas para casa unhas cantas cancións para o recordo, aqueles que máis o necesiten terán unha sorpresa o Día de Reis: o regalo que ti elixas como entrada.

Chega á súa fin a duodécima edición do festival de zarzuela 'Todo Lírica', o ciclo de concertos que organizan a Concellaría de Cultura compostelá e a Asociación Galega da Lírica nado co nome de Festival de Zarzuela de Santiago e que foi rebautizado hai tres edicións.

O concerto de clausura estará protagonizado polos alumnos da Escola Superior de Canto de Madrid, acompañados ao piano por Borja Mariño e Carmen Fernández Cabrera. O programa que interpretarán leva por título 'As cancións galegas dedicadas a Antonio Fernández-Cid'.

No seu nacemento como Festival de Zarzuela no ano 2000, esta ciclo achegaba a zarzuela a Compostela no tempo do Nadal da man dos artistas de máis renome do xénero. Organizado polo Concello de Santiago e a Asociación Galega da Lírica, este certame, que mudaría de nome converténdose en Todo Lírica anos despois, foise abrindo a outros xéneros musicais de carácter popular, como o tango, a opereta, o jazz, o musical, etc., coa intención de ofrecer unha oferta musical ampla e lúdica para toda a familia na época do Nadal.

Polo escenario do Teatro Principal, sede de Todo Lírica, teñen pasado cantantes de renome como Carlos Álvarez, Vivica Genaux, Manuela Custer, Ana María Sánchez, Manuel Lanza, Isabel Rey, José Manuel Zapata, Martín Oro, Ismael Jordi, José Antonio López, Isabel Monar, Simón Orfila, Lola Casariego, Elena de la Merced, etc.

A Real Filharmonía de Galicia ofrece esta noite o seu tradicional concerto do Día de Reis dirixida por Manuel Hernández Silva e acompañada da soprano Beatriz Díaz. O programa inclúe diversas obras e arias de ópera de Mozart, Haydn, Schubert, Rossini e Strauss.

REAL FILHARMONÍA DE GALICIA
Manuel Hernández Silva, director
Beatriz Díaz, soprano

PROGRAMA

Real Filharmonía de Galicia
Manuel Hernández Silva, director
Beatriz Díaz, soprano

Unha viaxe da man de Rossina

WOLFGANG AMADEUS MOZART (1756-1791)
Abertura de La Clemenza de Tito, KV 621

JOSEPH HAYDN (1732-1809)
Aria “Non s´innalza, non stride sdegnosa”, de La vera costanza
Aria “Con un tenero sospiro”, de La vera costanza

FRANZ SCHUBERT (1797-1809)
Menuetto, da Sinfonía núm. 3 en Re maior D. 200

WOLFGANG AMADEUS MOZART (1756-1791)
Abertura, de Le Nozze di Figaro
Aria “Giunse alfin il momento”, de Le Nozze di Figaro

Sinfonía núm. 35 en Re maior, KV 385 “Haffner”

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O Paraninfo da Universidade, situado na Facultade de Xeografía e Historia, acolle esta tarde o segundo dos concertos do ciclo 'As 10 sonatas para violín e piano de Beethoven'.

A violinista Kiyoko Ohashi e a pianista Haruna Takebe ofrecen no Paraninfo da USC o segundo dos concertos do ciclo, dentro do que ata o mes de febreiro se interpretarán as dez sonatas que para estes instrumentos compuxo Beethoven entre 1799 e 1812. As concertistas xaponesas presentan no seu recital a sonata nº 3 en Mi bemol maior e a sonata nº 7 en do menor.

O ciclo monográfico ‘Sonatas para Violín e Piano de Beethoven’ conta na parte interpretativa con solistas da Real Filharmonía de Galicia (á que pertence Kiyoko Ohashi desde 1999) e con destacadas alumnas da Escola de Altos Estudos Musicais. O programa dos catro concertos é responsabilidade do profesor de Historia da Música da USC, Javier Garbayo.

Nas dúas citas que aínda restan deste ciclo, o día 29 de xaneiro actuarán Nazaret Canosa ao violín e Vera Pavlova ao piano coas sonatas nº 1, nº 4 e nº 8; e o 19 de febreiro o ciclo clausúrase coa interpretación das sonatas nº 2, nº 5 e nº 10 a cargo da violinista Beatriz Junco e a pianista Alicia González Permuy.

Todos os concertos serán ás 20.00 horas no Paraninfo da USC.

O pianista alemán Sebastian Knauer inaugura esta noite a quinta edición do ciclo de piano 'Ángel Brage' interpretando un programa con obras de Bach, Shubert e Beethoven.

Sebastian Knauer, piano

PROGRAMA

- J. S. Bach
Suite inglesa núm. 2 en la menor, BWV 807
- L. v. Beethoven
Sonata para piano núm. 17 en re menor, op. 31/2
- F. Schubert
4 Impromptus op. 90, D. 899

Sebastian Knauer naceu en Hamburgo, Alemaña, en 1971. Foi alumno de Gernot Kahl, Karl-Heinz Kämmerling, Philippe Entremont, Andràs Schiff, Christoph Eschenbach e Alexis Weissenberg. Debutou en concerto á idade de trece anos no Hamburg Musikhalle, co Concerto de Piano en Re maior de Haydn, e a nivel internacional en Venecia, con concertos para a RAI “European Concert.

Tocou nos principais auditorios do mundo e traballou baixo a batuta dos mellores directores. Xunto a Entremont, presentan un repertorio de concertos para dous pianos, e en Tel Aviv executaron o Doble Concerto de Mozart e de Mendelssohn coa Orquestra de Cámara de Israel. Tocou tamén coas orquestras máis importantes. Entre 1999 e 2002, interpretou e dirixiu os 27 Concertos para Piano de Mozart coa Hamburger Philharmoniker. É invitado asiduo nos principais festivais internacionais.

O Ciclo de piano Ángel Brage nace no ano 2008, dentro da programación de abono do Auditorio de Galicia, para homenaxear no 25º aniversario do seu falecemento a este pianista e mestre de varias xeracións de músicos composteláns. Polo escenario do Auditorio de Galicia xa teñen pasado algúns dos máis grandes pianistas da actualidade: Olli Mustonen, Arcadi Volodos, Christian Zacharias, Krystian Zimmerman, Aldo Ciccolini, Paul Lewis, Leif Ove Andsnes, Emanuel Ax…

O café El Puente organiza esta noite unha nova velada  musical de entrada gratuíta. Nesta ocasión, os asistentes poderán gozar dun concerto a cargo do Olivier Cano Cuarteto, grupo formado por Ton Risco, Pablo Pérez, Rafa Fernández e Olivier Cano.

Dentro do ciclo 'Novas Orquestras', organizado polo departamento de Cultura, o Auditorio de galicia acolle esta noite un concerto da Orquestra Nova da Sinfónica de Galicia. Rubén Gimeno dirixirá a Orquestra que terá como solista a Antonio Lagares (trompa).

Desde a súa fundación en 1994, a Orquestra Xoven permitiu a centos de instrumentistas novos completar a súa formación musical participando en espectáculos operísticos e concertos sinfónicos baixo o maxisterio de mestres como Alberto Zedda, Víctor Pablo Pérez, James Judd, Diego García ou Rubén Gimeno, que hoxe os dirixe.

PROGRAMA

Cazador Furtivo: obertura de Carl María Von Weber
Concerto para trompa e orquestra de Reinhold Glière
Tristan e Isolda: preludio de morte e amor. Richard Wagner
Os mestres cantores de Núremberg: obertura. Richard Wagner

No seu cuarto disco, o grupo de Pamplona mantén algunha das pautas que fixeron de El columpio Asesino unha marca absolutamente recoñecible: o son escuro, a tensión, o gusto polo rematado sofisticado e diferente. "Toro" (primeiro single) foi a cuarta canción española máis escoitada en Spotify na súa semana de saída. A súa canción en Youtube tivo máis de 800.000 plays.

No caso de ‘Diamantes’ levan ao extremo as súas posibilidades, e combinan os momentos máis crus con outros moi doces e melódicos (ao que axuda a voz de Cristina, con máis protagonismo que en anteriores traballos). A dualidade nas voces responde a un modelo tipo Bonnie & Clyde máis que a un musical, que busca un resultado sexy, perigoso e violento.

As guitarras desaparecen en favor das voces para resaltar a súa presenza; levan á mínima expresión utilizando e-bows e pasándoas por sintes analóxicos. Os punteos son minimalistas. Paradoxalmente, os arranxos electrónicos son menos, pero máis contundentes, moitas veces a modo de rifs. Un disco emocionante co conxunto de cancións máis redondo de cantos publicaron até o momento.

A estrea do álbum en Myspace tivo máis de 35.000 escoitas en tan só dous días. Nº1 para Mondosonoro no mes de febreiro. nº1 en Bi FM. Nomeados a 6 premios da Música Independente, entre eles o de Mellor Grupo Español, Mellor Canción ("Toro") e Mellor Directo.

Aló Django é un proxecto galego que busca a inspiración no jazz e na música dos xitanos "manouche" centroeuropeos: o chamado gypsy swing, un estilo, lírico, alegre e acústico cuxo máximo representante é o mítico guitarrista Django Reinhardt.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

O piano, coa presenza de dous vigueses, será o protagonista da xornada inaugural que este luns 14 de xaneiro se celebrara, no Paraninfo da Universidade de Santiago de Compostela (sito na Facultade de Xeografía e Historia). Protagonista da primeira parte deste concerto, será Laura Zapatero Carreiro. Pianista viguesa e de 18 anos de idade, Laura Zapatero cursa actualmente o grao superior deste instrumento no Conservatorio Superior de Música da súa cidade natal con Rasa Biveiniene. Foi xa merecedora de premios e mencións de honra nos concursos David Russell (Vigo), fundao (Portugal) e Vilapraia de Ancora (Portugal). O fermoso programa que seleccionou para a ocasión inclúe dúas obras de Chopin (un estudo e un scherzo) e unha sonata para piano de Mozart.

Na segunda parte do concerto será a vez doutro pianista, Brais González. Tamén nado en Vigo, completou a súa formación no Mozarteum de Salzburgo. Brais González é un activo e polifacético músico que ademáis de pianista, formouse como frautista, e é compositor. Atesoura xa unha importante experiencia concertística e tamén obtivo premios en prestixiosos e numerosos concursos entre os que compre salientar os primeiros premios acadados no Concurso Internacional de Piano do Real Clube Náutico de Vigo, no Concurso Internacional Ricard Viñes 2004, no Concurso da Asociación Galega de Interpretes 2004 e no IV Concours International de Piano Nikolai Rubinstein de París 1999. Brais González interpretará para pechar esta xornada inaugural do Ciclo de Novos Intérpretes unha esixente obra como é a versión orixinal para piano dos famosos Cadros dunha exposición do compositor ruso Modest Mussorgski.

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuíta. Doce anos de historia e máis de catrocentos participantes avalan sen dúbida xa unha sólida traxectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

A banda española de folc/pop Suburbano, con cancións tan coñecidas como 'La puerta de Alcalá', 'Arde París' ou 'Makinavaja' (son da súa autoría), presentará esta noite na Casa das Crechas o seu último disco, 33, os anos que levan enriba dos escenarios.

Suburbano, a banda de Luis Mendo e Bernardo Fuster, caracterizouse sempre polo seu eclecticismo, navegando, non de xeito intencionado, contracorrente. Aí­nda que actualmente volveron a unha liña máis próxima ao folclore, retomando o traballo iniciado no ano 79, na súa carreira atopamos jazz-rock, pop e ata bandas sonoras para cine e coñecidas series de televisión. Cancións coreadas infinidade de veces por todo o mundo, como 'La puerta de Alcalá', 'Arde París' ou 'Makinavaja', son da súa autoría. Son Suburbano, ademais, unha escola pola que pasaron algúns dos músicos españois máis importantes.

Suburbano cumpren 33 anos de carreira desde que en 1979 publicaran o seu primeiro disco. E 33 titúlase o seu novo traballo, que edita Karonte. A actual formación está integrada por Bernardo Fuster (voz, percusión, programacións) e Luis Mendo (guitarras, baixos, programacións, coros, arranxos), coa colaboración no disco de Lorenzo Solano (saxo, frauta), Javier Palancar (acordeón), Mikel Ferrer (batería) e Nacho Sáenz de Tejada.

O Café El Puente contará esta noite coa actuación do pianista Manolo Gutiérrez, sen dúbida algunha un dos referentes do jazz galego das últimas décadas. Manolo ven de publicar o seu último disco, "Illa da lúa", gravado en Barcelona xunto a Tom Warburton e Dani Dominguez. Nesta ocasión no Puente estará acompañado a batería por L.A.R. LEGIDO e polo contrabaixista cubano, JOSE MANUEL DÍAZ.

A entrada é de balde.

O Auditorio de Galicia acolle esta noite un concerto da recoñecida Orquestra Sinfónica de Galicia. Dirixida polo mestre Victor Pablo Pérez e acompañada pola violoncelista Alisa Weilerstein, ofrecerá ao público compostelán a interpretación de diversas pezas de Mahler e Elgar.

PROGRAMA

Victor Pablo Pérez, director
Alisa Weilerstein, violonchelo

E. Elgar: Concerto para violoncello en mi menor op.85

G. Mahler: Sinfonía núm. 6 en la menor “Tráxica”

Os murcianos Schwarz, referencia estatal desde hai máis de 10 anos, presentan na Zona C os temas do seu oitavo traballo discográfico, 'Alquimística'.

Como banda teloneira actuará Músculo!, un dos grupos galegos que mellor soubo entender o legado da banda murciana, vertebrando o seu son arredor dos sintetizadores e a uns ritmos tan pegadizos como contundentes. As súas cancións, nas que puidesen parecer que Sonic Youth reinterpretase o XTRMNTR de Primal Scream, foron definidas como unha bóla de rock ruidoso con momentos deliciosos.

Elliott Murphy é un dos máis extraordinarios personaxes dentro da historia do Rock. Neoiorquino residente en París, expatriado da "gran mazá" e das grandes discográficas multinacionais, moitos considérano un dos máis apaixonados, cultos e intelixentes compositores do rock.

OLIVIER DURAND, antes de unirse a Elliott Murphy, era o guitarra solista de Little Bob, unha das estrelas míticas de rock'n roll francés. Olivier leva once anos tocando con Elliott, e participou en once dos seus álbums.

A cantante Loli Nogueira, finalista do concurso "Tú sí que vales", ofrece esta tarde no CSC do Ensanche un recital cunha selección do seu repertorio jazz, soul e blues.

Entrada de balde ata completar aforamento.

A banda está formada por dous dos membros orixinais dos Simple Minds, Derek Forbes e Brian Mc Gee.
XSM interpretarán os grandes éxitos desta formación, sendo os responsables do éxito irresistible que tiveron os Simple Minds nos seus anos dourados, alá polos anos 80. Cancións como 'Themes For Great Cities', 'Love Song, 'I Travel', 'The American', 'Changeling' ou 'Chelsea Girl', soarán nesta xira para o desfrute dos seus fans.

Artista invitada: Anne van der Heijden

Pepe Bao, Rafa Kas e Miguel Lamas unen as súas forzas, a súa guasa e as ganas de liala nun novo proxecto, BaoKas 46, no que tocan temas propios e algunhas versións de artistas como O'funk'illo, Led Zeppelin, Billy Cobham, Jeff Beck, Deep Purple... Xa percorreron toda a Península coa súa xira "A taquilla hemos llegao", tocando en salas e festivais.

Esta tarde, a Real Filharmonía de Galicia ofrece un concerto familiar no Auditorio de Galicia acompañada por diversos alumnos do Conservatorio Profesional de Música de Santiago.

PROGRAMA

- Danzas eslavas nº 1, 4, 6 e 8, Dvorak
- The Typewriter, L. Anderson
- Abertura de “O arpa máxico” (abertura de Rosamunda) D. 644, F. Schubert

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Luís Emilio Batallán ofrece esta noite un concerto de música popular na Casa das Crechas. O veterano artista volve aos escenarios logo de moitos anos e o seu novo traballo verá a luz a finais de ano.

Luís Emilio Batallán nunca foi moi prolífico cos directos e agora regresa aos escenarios logo de moito tempo afastado deles. Batallán está a preparar novo disco (que verá a luz a finais de ano) e nesta xira testará os seus novos temas.

Médico rural, ex-presidente do Pontevedra Club de Fútbol, amigo de Pablo Milanés e Joaquín Sabina, contador de historias... pero sobre todo cantautor. En 1975 publicou o disco Aí ven o maio, no que musicaba poemas de Curros Enríquez, Celso Emilio Ferreiro, Ramón Cabanillas, Rosalía de Castro e Álvaro Cunqueiro, e do que se venderon nada máis e nada menos que douscentos mil exemplares. En 1989 apareceu o seu segundo disco, Ballet da nena, con letras propias e de Uxío Novoneyra, Neira Vilas ou Manuel Antonio. En 1992 apareceu o seu terceiro elepé, e no 2007 o último: Tu retrato.

Volve Luís Emilio Batallán aínda que nunca marchou. Certo é que Batallán leva moitos anos nun semi-retiro voluntario exercendo a su profesión de médico en Moraña (Pontevedra), pero nas últimas décadas -e sempre en ocasións excepcionais- o gran cantante galego ofreceu ou participou en recitais nos que demostrou a súa calidade como artista e tamén a validez do seu repertorio na actualidade.

Luís Emilio Batallán (Compostela, 1948) é o autor dun dos discos máis notables da música galega de todos os tempos: Aí ven o maio. Publicado en 1975, Batallán sorprendeu a tirios e troianos coa súa revisión musical de poemas de Celso Emilio Ferreiro, Cunqueiro, Curros e Rosalía. Para algúns entendidos, ese disco está máis preto da música pop ca da canción de autor.

Ata aquel momento, a maioría dos cantantes galegos utilizaran, case sempre, o lado máis social ou ?comprometido? dos poetas galegos para compoñeren o seu repertorio. Pero, sorprendentemente, e nun tempo no que aínda se lles esixía aos intérpretes un compromiso político definido, Batallán optou polo lado máis íntimo dos poetas galegos para elaborar un traballo que permanece na memoria de todos.

E, como diciamos, Batallán volve á primeira liña da música galega. Xa no pasado 2012 puidemos escoitalo nalgunha ocasión -homenaxes a Celso Emilio en Celanova e Vigo- pero, agora, o cantante regresa con intención de non baixar dos escenarios nunha longa tempada.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Trala magnífica impresión causada no primeiro concerto do pasado luns polos dous pianistas Brais González e Paloma Pinto, chega agora a vez no concerto deste martes da acordeonista Celia Adrián e dos pianistas Lois Freire e Gonzalo Álvarez.

O piano volve ser protagonista deste segundo concerto, dividido en 3 partes, que este martes se celebrará, no Paraninfo da Universidade de Santiago de Compostela (sito na Facultade de Xeografía e Historia). Protagonista da primeira parte deste concerto, será o pianista de O Grove Lois Freire Caneda. Con 25 anos de idade está a rematar o grao superior no Conservatorio de Vigo, onde é alumno de Pablo Galdo. Pianista moi preocupado por complementar a su formación con outros mestres (recibiu clases de mestres como Imre Rohmann, Peter Efler, Valentina Igoshina, Zoltán Kocsis ou Dimitri Bashkirov), Lois Freire interpretará un variado programa que comeza con Bach, prosegue con senllos estudos para piano dos polacos Chopin e Moszkowski e remata cun impromptu de Schubert e o esixente Vals Mefisto de Liszt.

Por primeira vez preséntase a este ciclo de novos intérpretes un intérprete de acordeón, é a ourensana Celia Adrián Rodríguez que, na segunda parte do concerto interpretará obras de máis descoñecidos, como o sueco Torbjörn Lundquist, o francés Franck Angelis e o brasileiro Aurélio Edler Copes, antes de rematar a súa intervención cunha versión para acordeón do Libertango do arxentino Astor Piazzolla. Vintenove anos conta esta acordeonista ourensana que na actualidade é profesora titular no conservatorio da súa cidade natal e que atesoura xa unha ampla experiencia concertística e sempre amosou un especial interese pola estrea de autores contemporáneos.

O encargado de poñer fin ao concerto é o pianista vigués Gonzalo Álvarez. Con vintecinco anos de idade remata actualmente os seus estudos superiores no conservatorio da súa cidade natal con Raessa Jakutyt. Con anterioridade foi alumno do prestixioso pianista Leonel Morales durante dous anos no Conservatorio Superior de Castellón e xa ten experiencia como solista e recibiu premios no Concurso Nacional de Compositores de España, no Concurso Antón García Abril e no de Xátiva. O esixente programa que presentará Gonzalo Álvarez inclúe un Momento musical do ruso Rachmaninov e a Sonata en si menor de Liszt.

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuíta. Doce anos de historia e máis de catrocentos participantes avalan sen dúbida xa unha sólida traxectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.


PROGRAMA

LOIS FREIRE CANEDA  piano
CELIA ADRIÁN RODRÍGUEZ  acordeón
GONZALO ÁLVAREZ  piano


Parte I

Johann Sebastian Bach (1685-1750)
Contrapunctus IV (de A arte da fuga BWV 1080)

Frédéric Chopin (1810-1849)
Estudo para piano en mi bemol menor op 10 nº 6 (Andante con molta espressione)

Moritz Moszkowski (1854-1925)
Estudo para piano en fa maior op 72 nº 6

Franz Schubert (1797-1828)
Impromptu para piano en fa menor D 935/4 op post. 142 nº 4 (Allegretto scherzando)

Franz Liszt (1811-1886)
Vals Mefisto


Parte II

Torbjörn Lundquist (1920-2000)
Metamorphoses (1965)
 
Franck Angelis (n. 1962)
Romance (1998)
 
Aurélio Edler Copes (n. 1976)
Cantiga (2006, acordeón e electroacústica)
 
Astor Piazzolla (1921-1992)
Libertango (1974)


Parte III

Sergei Rachmaninov (1873-1943)
Moments musicaux op 16 nº 3 (Andante cantábile)

Franz Liszt (1811-1886)
Sonata para piano en si menor S 178

Holywater é unha banda luguesa que se foi abrindo camiño pouco a pouco na escena independente a base de repartir emoción, épica e enerxía, executando un rock pouco convencional.

O grupo nace en 1998 en Lugo, con Ricardo Rodríguez (voz, guitarra e compositor), Martín Alonso (guitarra), Xosé Luis Saqués (batería) e Laura Romay (baixo). Tras uns inicios típicos, ensaiando onde se podía e buscando concertos pola xeografía galega, o grupo logra sobresaír ao proclamarse vencedores do concurso Galicia Cidade Única no 2000 por diante de máis de trescentas bandas galegas. Durante as semifinais do concurso prodúcese o cambio na batería, Luis Casanova entra para substituír a Saqués. Co premio do concurso autofinancian a gravación do seu primeiro longo, que finalmente sería editado por Astro, "Handle with Care" (Astro, 2002).

O café El Puente organiza esta noite unha nova velada musical. Nesta ocasión contará coa actuación do trío 1045, agrupación de jazz-fusión formado por Iago Mouriño (piano e teclados) Octavio Vargas (baixo eléctrico) e Miguel Lamas (batería).

Entrada de balde.

O hip hop, o jazz e outros xéneros danse a man nunha proposta capitaneada por un dos músicos máis inquedos do jazz nacional. Ayza presentará en Santiago os temas do seu último traballo, Live At Home (Fresh Sound New Talent) coa presenza en exclusiva do reputado MC neoiorquino BluRum 13.

O baterista e compositor Marc Ayza (Barcelona, 1976) é un dos músicos máis relevantes e heterodoxos da actual escena do jazz barcelonés. Cun discurso incisivo, audaz e vigoroso, Ayza mestura sen ambaxes a enerxía do hip hop coa estética do jazz nunha sorte de pucheiro no que conflúen, en perfecta harmonía, sons que evocan tanto a cultura do turntablism dos 90 como a do jazz vindicativo dos 60, no que se amalgaman todo tipo de rexistros procedentes de diferentes tradicións musicais. Non en van, o Marc Ayza Group une un trío base de piano, contrabaixo e batería a un disc-jokey e un MC. A súa é unha viaxe onírica, cadenciosa, que cativou públicos heteroxéneos.

Marc Ayza foi discípulo de mestres do talle de Jorge Rossy, Quim Solé ou Peer Wyboris. Debutou en 2004 co álbum Deejah (Satchmo, 2004) e en 2008, tras unha longa estanza en Nova York, publicou o CD Offering (Fresh Sound New Talent), saudado pola crítica e a afección. En 2011 gravou no histórico club Jamboree de Barcelona o disco en directo Live At Home (FSNT, 2011), traballo que presentou, entre outros eventos, no prestixioso Festival de Jazz de Londres. Ao longo da súa prolífica carreira, Marc Ayza tocou con reputados jazzman nacionais e internacionais: Perico Sambeat, Víctor de Diego, Raynald Colom, Antonio Hart, Mulgrew Miller, Steve Kuhn, Sheila Jordan e Seamus Blake, entre outros.

Á marxe dos seus compañeiros habituais -Roger Mas, ao piano, Tom Warburton, ao contrabaixo, e DJ Helios, nos pratos- cabe destacar a presenza por primeira vez no Marc Ayza Group do estadounidense MC BluRum 13, con quen o baterista comparte o proxecto Beat'a'Boom. Natural de Nova York, BluRum 13 cultiva un singular estilo, a medio camiño entre o flow e a declamación poética, que o levou a ser unha das voces máis notables da escena europea e norteamericana do hip hop. Fundador en Maryland do colectivo Water Power, traballou con DJ e produtores da categoría de DJ Vadim, Luke Vibert, Kid Koala, Ben Mono e Grandtheft. BluRum 13 compartiu cartel con estrelas como Herbie Hancock, Maceo Parker, The Fugees ou Slum Village. En 2010 participou no proxecto Beat'a'Boom de Marc Ayza, co que viaxou por toda España.

A Real Filharmonía de Galicia ofrece esta noite un novo concerto da súa temporada de aboamento, dirixida polo tamén pianista Jeffrey Kahane. O programa inclúe obras de Adams, Ravel e Kodály.

PROGRAMA

REAL FILHARMONÍA DE GALICIA
Jeffrey Kahane, director e piano

J. Adams, Berceuse élégiaque
M. Ravel, Concerto para piano en Sol maior
J. Adams, A góndola negra
Z. Kodály, Danzas de Galanta

Work on Sunday volve á carga coa segunda edición do seu TriCiclo. Seguindo a fórmula que triunfou hai poucos meses na sala Capitol, a produtora volve a amalgamar a tres bandas de procedencia galega, nacional e internacional respectivamente para ofrecer un concerto único e inimitable.

Esta vez serán os londinienses The Oscillation os encargados de pór a nota internacional ao evento. A banda de Demian Castellanos está a triunfar no underground internacional e visita por primeira vez Galicia para mostrar a súa exitosa fórmula que combina o drone, a psicodelia e o krautrock.

Con ascendencia balcánica e procedencia de Castellón, Sutja Gutiérrez é o artista nacional seleccionado para o noso segundo TriCiclo. Aínda de incriblemente escasa transcendencia no noso país, tocou, editou e foi apuntado xa en medios de todo o mundo. A súa electrónica rock dacabalo entre o hit e a estrañeza ten visos de arrasar no futuro próximo e ninguén debería perdelo.

Para marcar a casa de banda galega, a formación elixida será Lendrone, unha das grandes promesas da canteira galaica con moito que dicir no futuro da música independente. Recentemente fichados e a piques de sacar o seu disco do trinque en Matapadre, presentarán os seus temas ante un público que cada vez quere saber máis deles.

The Oscillation (DC Recording, Londres, UK): Drone / Krautrock / Psicodelia

Sutja Gutiérrez (Bleeding Gold Records, Castellón): Electrónica Rock

Lendrone (Matapadre, A Coruña): Rock Experimental / Drone

O grupo musical Café Quijano chega ao Teatro Principal para presentar o seu novo traballo, 'Orígenes: el bolero', un disco co que o trío regresa á escena artística tras oito anos de separación.

"Estes "Orígenes" son iso, a orixe máis pura e real; nunca máis exacto un título para describir o noso traballo.
Iso, en canto a concepto, intención, desexo e necesidade.
Amor, desamor, impotencia, desexo, insatisfacción, anhelo, frenesí, desánimo e frustración en canto a contido lírico.
Sentimento exacerbado que abrangue o concepto e o contido. Iso é "Orígenes".
A miña realidade e unha imaxinación elástica, adestrada, romántica, realista e extremista sentimentalmente lévanme a describir nestas doce cancións o vivido e o imaxinado.
O vaivén de emocións é constante no escrito e máis, se cabe, unha vez cantado.
Non podo evitar impregnarme das sensacións destas letras aínda que non sexan meus todos os sentimentos.
Sen querer, síntoos; por reais, uns, e por posibles, outros.
Volver era unha necesidade; foron oito anos botándonos de menos. Botando de menos seguir gozando xuntos a viaxe da nosa vida, a nosa experiencia vital: a música.
E, o bolero, outra necesidade. Con el crecemos, fixémonos músicos.
Sempre imaxinamos facer un disco íntegro de boleros. Este é o disco que imaxinamos. É a nosa orixe. Por iso: 'Orígenes: el bolero'.
Gravámolo na nosa terra, na nosa casa, rodeados da nosa familia, dos nosos amigos.
Sen dúbida os tres irmáns coincidimos en dicir que é o álbum 'máis bonito' e persoal que fixemos xamais. Nunca outro nos emocionou deste xeito".

Manuel, Óscar e Raúl Quijano.

VOCES: Manuel, Oscar e Raúl Quijano.
GUITARRAS, REQUINTO E TRES: Manuel Quijano.
CONTRABAIXO: Yelsy Heredia.
PERCUSIÓNS: Richard Bravo.
CHELO: Pelayo Tahoces.
TROMPETA: Fran Rivero en “Prometo” e José Ramón Ignacio Castro en “Qué será de mí”.

A Sala Capitol acolle esta tarde o III The Rock a Billy Boogie Night, terceira edición do festival de rockabilly que contará coa actuación de Graham Fenton-Matchbox (UK), Wild Rooster (Suecia) e May Thai & Los Torino Rockets (A Coruña).

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O mes de xaneiro remata coa terceira entrega da edición número quince do Ciclo de Novos Intérpretes da Asociación Galega da Lírica, un concerto que terá lugar esta tarde no Paraninfo da Universidade compostelá e no que o violín, coa coruñesa Paloma Albalat, e a frauta, cos vigueses Pablo Rouco e Estefanía Fernández Agulla, son protagonistas.

A primeira parte deste concertó estará protagonizada por unha nova violinista coruñesa de 17 anos de idade, Paloma Albalat. Alumna de sexto curso de grao profesional no conservatorio da súa cidade natal, interpretará obras de Mendelssoh, Massenet (a fermosa Meditación da súa ópera Thaïs) e do virtuoso violinista español Pablo de Sarasate (a súa Romanza andaluza). Paloma Albalat estará acompañada ao piano polo ferrolano mestre no conservatorio coruñés, Ricardo Blanco.

E dous frautistas vigueses acturarán na segunda parte do concerto. Alumnos do conservatorio vigués, Pablo Rouco cursa o primeiro curso de grao profesional con Julia Estévez e Estefanía Fernández o primeiro de grao profesional con Fernando Raña. Acompañados ao piano por Ana Lucía Domínguez, profesora tinerfeña do Conservatorio Profesional de Vigo, alternaranse no escenario para interpretar obras de compositores e frautistas franceses descoñecidos do gran público como Benjamin Godard, Pierre Sancan e Philippe Gaubert, antes de tocar xuntos o Concerto para dúas frautas do italiano Domenico Cimarosa.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

O novo ciclo musical organizado polo Concello compostelán arranca esta noite cunha proposta fresca e dirixida á mocidade: os andaluces Guadalupe Plata, un grupo moi do gusto do público máis novo.

Perico de Dios (guitarra e voz), Carlos Jimena (batería) e  Paco Luis Martos (baixo e barreño)

En pleno ano de desastre económico, e probablemente motivados por unha inevitable necesidade exploratoria os andaluces volven con outro álbum sen título, defendendo que o seu é o vintage (...) Pero a cousa non é tan simple, porque o que se traen entre mans os de Úbeda é algo moito máis evolucionado, psicodélico e transgresor (..)

“A idea era plasmar ese endemoniamento que segregan os blues e o cante jondo”. comenta Perico. Metáforas non lles faltan, decorando trece novos temas (un deles unha revisión arrastrada do corte estrela do seu primeiro EP, Jesús está llorando) que apelan a unha rutina onde o máxico e o rural mestúranse, xa sexa mediante o uso de bombos de Semana Santa (presentes en cancións como Voy Caminando ou Santo Entierro), a inserción das campaíñas penitentes que abren esa melodía introdutoria chamada Lamentos (con Ry Cooder nun peculiar viacrucis etílico), ou as constantes referencias á España de segredos a porta pechada que coroa a evidente homenaxe a Los santos inocentes titulado Milana. Cando os Doors de L.A. Woman crúzanse con Perez Prado poden xurdir cousas como Rezando, coas súas guitarras crujientes como taboleiros de madeira inchados polo frémito do mambo. Doutra banda, cando lles dá por apertar o acelerador, composicións como Oh My Bey ou Escravo acaban mergullándoche nun desenfreo pélvico que, como ben comentaba recentemente unha amiga durante un dos seus concertos, "é un non se que que che pon”.

Gravado en directo durante tres días no estudo de Ryan Anderson en Austin a mestura fíxose en Málaga, no estudo de Maxi, dos tremebundos The Hollers, con Mike Mariconda (The Raunch Hands, Devil Dogs) celebrando o seu aniversario tras a mesa.

Estes tíos son únicos, sobre o escenario, no estudo ou de copas un martes de madrugá en calquera bar do arrabalde.

Nunca unha banda de blues soou menos a blues cantando en castelán. Pode parecer disparatado o que digo, por iso vou explicarme. Hai uns anos Perico de Deus (guitarra e voz), Carlos Jimena (batería) e  Paco Luís Martos (baixo e barreño) desempoaron o envite tradicional afroamericano baixo o sinal de Guadalupe Plata (...) soaban veraces e contemporáneos sen necesidade de disfrazar o discurso co tipo de interese bolsista onde cotizan a maioría das bandas independentes nacionais.

Un EP e unha longa duración editados en 2009 e 2011 respectivamente, ambos os artefactos presentados co nome do grupo como único crédito, serviron como acicate para que a banda acabase percorrendo tantos quilómetros que, neste momento, custa encaixar a maneira na que os seus catro membros (inclúo a Toni Anguiano, o irredutible mánager) puideron chegar a ter vida privada máis aló dunha furgoneta.

(Texto Emilio R. Cascajosa. Extractos)

O reputado violinista británico, Daniel Hope, e o director e viola tamén británico, Philipp Dukes ofrecen un concerto coa RFG no Auditorio de Galicia. Trátase dun concerto moi especial no que a música da orquestra estará acompañada polos sons do violín de Hope e os da viola de Dukes, que, de maneira alterna, interpretarán pezas, xuntos ou por separado, de Telemann, Vivaldi e Britten.

Daniel Hope, considerado un dos grandes virtuosos do violín a nivel mundial, é o director artístico dos prestixiosos festivais Savannah Music e Festspiele Mecklenburg-Vorpommern, en Alemaña. Renovou o seu contrato en exclusiva con Deutsche Grammophon e o seu último lanzamento é unha homenaxe a Joseph Joachim. Adoita dirixir orquestras de cámara mentres interpreta ao violín, formacións entre as que destacan a Chamber Orchestra of Europe e Camerata Salzburg. Máis aló do escenario, escribiu tres best sellers e guións para performances e traballa como presentador de radio, cine e televisión.

Philipp Dukes, o viola máis importante de Gran Bretaña segundo The Times, compaxina a súa carreira musical coa docencia na Royal Academy of Music de Londres. Tamén é director artístico no Marlborough College e profesor invitado de viola na Universidade McGill de Montreal. En 2006 foi elixido por unanimidade membro da Guildhall School da capital británica en recoñecemento ao seu éxito como solista e é Membro de Honor da Royal Academy of Music, desde 2007. Destaca a gravación da Suite para Lady Caroline Lamb por Sir Richard Rodney Bennett, que recibiu o premio da Crítica Alemá á mellor gravación.

PROGRAMA
Real Filharmonía de Galicia
Philip Dukes, director e viola
Daniel Hiope, violín

G.P. Telemann, Concerto para viola e cordas en Sol maior
S. Barber, Adagio para cordas
D.Wirén, Serenata para cordas, op. 11
A. Vivaldi, As catro estacións, op. 8: O verán, RV 315, en sol menor
B. Britten, Concerto para violín, viola e orquestra “Dobre Concerto”

Esta noite, o café El Puente acolle a estrea dun novo combo de improvisación libre con tres vellos coñecidos do local. Pablo Seoane no piano, acompañado de dous membros de Suelen Estar Quartet, Saúl Puga no contrabaixo e Elena Vázquez no violín.

A entrada é de balde.

Garrett Wall e Dave Mooney (Irlanda), Howard Brown (Gran Bretaña) e Robbie K Jones (Estados Unidos), levan vivindo en Madrid uns dez anos. Alí­ foi de feito onde se formou o grupo Track Dogs. Garret participou recentemente na BSO de 'Buried', nominada aos premios Goya. Veñen además de editar unha versión deluxe do seu disco homónimo, e agora, coincidindo coa súa xira dentro do circuito GPS, presentan un novo single: 'Dust Devil'.

A Real Filharmonía de Galicia ofrece esta noite un novo concerto da súa temporada de aboamento, dirixida polo tamén violista Philipp Dukes e acompañada polo violinista Daniel Hope. O programa inclúe obras de Telemann, Barber, Wirén, Vivaldi e Britten.

PROGRAMA

REAL FILHARMONÍA DE GALICIA
Philipp Dukes, director e viola
Daniel Hope, violín

- G. P. Telemann, Concerto para viola e cordas en Sol maior, TWV 51
- S. Barber, Adagio para cordas
- D. Wirén, Serenata para cordas, op. 11
- A. Vivaldi, As catro estacións, op. 8: O verán, RV 315, en sol menor,
- B. Britten, Concerto para violín, viola e orquestra “Dobre Concerto”

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O piano e o clarinete serán os instrumentos protagonistas do cuarto concerto do ciclo de Novos Intérpretes da Asociación Galega da Lírica. Abrirá o concerto o novo clarinetista de Celanova Javier Gándara Feijoo, quen escolleu un programa para clarinete só no que destacan unha selección de tres dos homenaxes que para clarinete escribiu o compositor húngaro Béla Kovács (neste caso os de Paganini, Bach e Kodály); o seu programa o completan obras de Donizetti, Von Koch e a adaptación para este intrumento de senllas obras de Rimski-Korsakov e Bach.  O clarinete cederá paso ao piano coa presencia da pianista viguesa Carla Lorenzo que interpretará as oito pezas de fantasía da obra Fantasiestücke de Schumann. O concertó rematará coa pianista compostelá Alba Díaz Taboada que interpretará un esixente programa conformado por un tocata de Bach, unha balada de Chopin e a terceira sonata de Prokofiev.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

A programación de febreiro da Casa das Crechas comeza esta noite co cantautor madrileño Javier Bergia, que ademais de presentar o seu último traballo, 'Un lugar bajo el sol', testará as novas cancións do vindeiro disco que publicará en maio, 'Punto y aparte'.

Nos anos 80 xurdiu en Madrid unha xeración de novos músicos na que se situou desde o principio en primeira liña Javier Bergia (Madrid 1958). Hoxe, 25 anos despois, as súas cancións siguen a proclamar un universo sonoro que destila melancolía, asumindo de xeito sinxelo e nada forzado todos os xéneros. Na súa condición de letrista e compositor é onde este xenuíno personaxe colleitou os seus mellores logros. Bergia conta xa con doce discos, polos que fará un percorrido neste concerto na Casa das Crechas.

Máis información: www.javierbergia.com

A variada proposta do quinto concerto do ciclo de Novos Intérpretes, organizado pola Asociación Galega da Lírica, inclúe canto, oboe e unha infrecuente formación de cámara, un dúo de frauta e percusión. A cantante de Pontecesures, alumna do Conservatorio Profesional de Lugo, Cristina Suárez Silva estará acompañada ao piano da mestra do mesmo conservatorio Susana García para cantar unha canción da ópera A raíña das fadas de Purcell, dúas chansons francesas de Fauré, un lied de Schubert, unha romanza da opereta O morcego de Strauss e a coñecida aria “Bel raggio lusinghier” da ópera Semiramide de Rossini. A oboísta de San Sadurniño, formada en Ferrol, Iria Folgado seleccionou dúas obras para a súa participación no ciclo, unha de Mozart e a atraínte Sonata para óboe e piano de Poulenc; ao piano estará acompañada polo profesor do conservatorio coruñés Jorge Briones. A interesante proposta arredor da música contemporánea do dúo de frauta e percusión Dulalial. Dúas novas mestras do Conservatorio de Vilalba, a frautista Paula Rouco e a percusionista Marta Prado, forman este dúo que seleccionou unha tipo de proposta infrecuente con obras de catro compositores actuais: o americano Larry Barnes, o australiano Ross Edwards, o francés Franck Dentréssangle e o coruñés Daniel G. Artés.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

Tras as retrospectivas de Greg Dulli (The Afghan Whigs), Robin Proper Sheppard (Sophia) e Nathan Admuson (Rivulets), Desconcerto Cultural arranca o ano co concerto de Ben & Bruno, alter ego de Peter J. Brant que dará un concerto no Kunsthalle.

Ben & Bruno é o proxecto de Peter J Brant. Tratase dun cancioneiro creado polo propio Peter en colaboración con outros músicos e no que narra as vivencias do orfo Ben, quen, tras perder a súa nai, é secuestrado por unha veciña fanática da que se namora, casando con ela, tendo dúas fillas en común e separándose finalmente.

Trátase dun percorrido existencial polas revoltas deste personaxe que na voz do norteamericano destila aromas a folk experimental, unhas veces infantil e campestre, outras máis urxente e urbanita, recordando por momentos a figuras como Damien Jurado, Lou Barlow ou os desaparecidos Elliott Smith e Mark Linkous.

Peter J Brant tamén é famoso pola súa faceta de realizador visual, xa que dirixiu videoclips para The War on Drugs ou de The Shadow Bureau, así como pequenas curtametraxes que acostuma proxectar antes das súas actuacións. Nos últimos oito anos gravou con Ben & Bruno seis álbums, dende o delicioso "Handsome Danny" a "Marcescant", mantendo unha liña paralela entre melodías ateigadas de emoción e unha simplicidade instrumental que, nun equilibrio perfecto, acaba explotando no corazón do oínte.

Máis info aquí

Dentro da súa extensa xira por toda a Península, The Brew, un dos grupos británicos máis activos, actuará por primeira vez en Compostela.

“The Brew UK Live in Europe”, publicado o pasado setembro é o esperado primeiro álbum en directo do grupo, quinto da súa carreira, e reflicte a gran forza e paixón que transmiten ao público en todas as súas actuacións. Nesta nova xira española ofrecerán un espectáculo renovado, intenso e xeneroso en duración con cancións de toda a súa discografía, algunhas que nunca tocaron en España e para despedirse, como vén sendo habitual neles, versionarán algunha canción de Jimi Hendrix ou Led Zeppelin, o seu tributo particular a quen mais os inspirou.

The Brew souberon recoller como ninguén a herdanza do Blues Rock daqueles tríos e bandas esenciais dos anos 60 e 70, tales como Jimi Hendrix Experience, Cream, Led Zeppelin ou os Pink Floyd da primeira época con Syd Barrett, consolidando en poucos anos un estilo propio recoñecible que os fai únicos no circuíto de Rock internacional. Nos últimos anos compartiron escenarios con Red Hot Chilli Peppers, Jeff Beck, Ozzy Osbourne, Judas Priest, Whitesnake, Eric Burdon, The Cult, Thin Lizzy, Jethro Tull, Joe Bonamassa e Lynyrd Skynyrd. Con estes últimos actuaron o pasado xuño nos catro únicos concertos que ofreceron en Alemaña.

Foi considerado entre outras cualificacións: “Mellor grupo británico 2006-2007” e “Mellor trío británico dos últimos 20 anos” por It´s Only Rock´n´Roll, revista oficial do club de fans de The Rolling Stones ou - "Un dos grupos mais excitantes do noso tempo” por Rocks Magazine en 2011.

Discografía: “The Brew” (2006), “The Joker” (2008), “A Million Dead Stars” (2010), “The Third Floor” (2011), “The Brew UK Live in Europe” (2012)

A Casa das Crechas acolle esta noite o concerto-presentación do Proxecto Sapoconcho, grupo formado por Pablo Vidal (contrabaixo, piano e guitarra) e Sapoconcho (voz, percusión e guitarra). Estarán acompañados por algúns dos músicos que participan no proxecto e formarán parte do disco que sairá á luz en primavera: Uxía, Sérgio Tannus, Xoán Curiel, Mónica de Nut, Najla Shami, Narf, Abe Rábade, Tonhito de Poi, Ariel Ninas, Luanda Cozetti, Jamila Castillo, Maghúa e un longo etcétera.

O Proxecto Sapoconcho naceu a raíz de que coincidiran en varios concertos, Pablo como músico e Sapoconcho como convidado. O repertorio vai desde algún tema propio até temas de sempre, levados ao terreo do blues e do jazz. Na primavera verá a luz o froito deste proxecto, un disco tamén compartido con todos estes músicos.

Sapoconcho volve á música despois de formar parte de varias formacións durante o franquismo. E Pablo Vidal é un músico de calidade contrastada, que formou parte de Los Resentidos, entre outros moitos proxectos.

Esta noite, a Real Filharmonía de Galicia ofrece un novo concerto da súa tempada de aboamento. Nesta ocasión estará dirixida por Clemesn Schuldt e acompañada pola pianista arxentina de relevancia internacional Ingrid Fliter.

PROGRAMA

REAL FILHARMONÍA DE GALICIA
Clemens Schuldt, director          
Ingrid Fliter, piano

F. Schreker: Intermezzo para cordas, op.8
L. v. Beethoven: Concerto para piano e orquestra núm. 4 en Sol maior, op.58
F. Schubert: Sinfonía núm.3 en Re maior, D.200.

Christina Rosenvinge foi construíndo unha carreira artística sólida como poucas neste país. Empezou con Ella y los Pneumáticos, seguiu con Magia Blanca, e sendo aínda unha adolescente alcanzou o éxito con Álex y Christina. Xa en solitario continuou o seu camiño como Christina y los Subterráneos ou simplemente, Christina Rosenvinge. Neste tempo ofreceunos discos de todo tipo, empezando por un pop subterráneo, pasando pola crueza de "Mi pequeño animal", cantando en inglés e aliándose con Sonic Youth en "Cerrado", gravando unha triloxía de discos neoyorkinos e, xa de volta en España, despachando obras superiores como "Tu labio superior” e “La joven Dolores".

Agora cando se cumpren os seus 30 anos carreira, é tempo de recapitular, de botar a vista atrás, de abrir os caixóns, de volver mostrar as cancións das que máis orgullosa se sente. E tamén, como non, de amosar novas gravacións expresamente rexistradas para o seu último traballo "Un caso sin resolver". Dende as novas gravacións de "Tú por mí” e “Alguien que cuide de mí", a versión do "Hallelujah" de Cohen, a versión de Refree, "El Sud", e a recuperación dunha das súas composicións estrela: "Canción del Eco".

No Teatro Principal poderemos gozar desta nova faceta de Christina. Despexadas de percusión e electricidade, as cancións de Christina crecen en beleza coa nudez e as texturas que achega Raül (Refree), e todo o seu repertorio. xa soe unha canción de La Joven Dolores, de Continental 62 ou mesmo de Los Subterráneos, adquire unha sorprendente coherencia que xira en torno á melodía.

Esta noite, a sala Capitol acolle un concerto tributo á mítica formación Queen, coa interpretación dos seus temas máis coñecidos.

Dende Arxentina chega á sala Capitol a mellor banda tributo a Queen do mundo. Dr Queen, nome artístico do médico arxentino Jorge Busetto, quen conseguiu fama mundial ao converterse no imitador máis fidedigno no mundo do desaparecido Freddie Mercury, tanto pola súa aparencia física coma nos seus movementos, pero máis aínda na súa representación vocal, coa súa impoñente potencia e e folgura de tons identicos aos do mesmo Freddie.

A Banda Municipal de Música presenta este concerto didáctico dirixido por Xosé Carlos Seráns. O concerto e a guía didáctica que o acompaña, elaborada por Olaia Novo, van dirixidos a alumnos de educación infantil e primeiro de educación primaria. A idade dos educandos oscila entre os 3 e os 6 anos aproximadamente. A Banda ofrece aberto a todo público este concerto didáctico.

As cancións coas que se traballará pertencen todas a filmes de Disney. En concreto a ‘A sereíña’, ‘Aladín’, ‘A bela e a besta’, ‘Tarzán’, ‘O rei león’, ‘Mulán’, e ‘O príncipe de Exipto’.

Os contidos que se traballarán son os seguintes:

- Recoñecemento dos diferentes fragmentos seleccionados extraídos das diferentes BSOs de Disney.
- Iniciación ao canto de escalas pentatónicas.
- Fomento dunha actitude atenta e silenciosa durante unha audición musical, xa sexa en directo ou non.
- Iniciación á identificación de instrumentos.
- Improvisación de movementos e esquemas rítmicos.
- Realización de dramatizacións e/ ou xogos motores.
- Desenvolvemento de mecanismos de sensibilidade artística.
- Introdución á práctica do compás ternario: pulso e subdivisión.

Pódese descargar aquí a GUÍA DIDÁCTICA deste concerto.

Dentro do ciclo 'Novas Orquestras', organizado polo departamento de Cultura, o Auditorio de Galicia acolle esta noite un concerto da Orquestra Gaos, que estará dirixida por Fernando L. Briones e acompañada polo guitarrista Mateo Arnáiz. O programa inclúe obras de Rodrigo, Bizet e Rimski-Korsakov.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Chega ao seu ecuador a edición número quince do Ciclo de Novos Intérpretes da Asociación Galega da Lírica cun concerto, o sexto, que terá lugar esta tarde no Paraninfo da Universidade compostelá e no que o violín, o clarinete e o canto comparten protagonismo.

A primeira parte será o momento do canto coa actuación da soprano Cristina López Fraga, inqueda música que antes de dedicar os seus estudos ao canto formouse no Conservatorio Profesional de Culleredo na especialidade de frauta traveseira. O seu variado programa inclúe cancións de Toldrá, Poulenc, Schubert e do galego Chané xunto a arias da ópera de Haendel Xullo César e dunha cantata de Bach. Estará acompañada ao piano polo experimentado director do Conservatorio Profesional de Música de Ferrol.

O clarinetista compostelán José Luis Relova será o protagonista da segunda parte do concerto. Alumno do Conservatorio Profesional de Música desta cidade baixo a tutela de Saúl Canosa, o seu programa o conforman dúas obra para clarinete só (a Rapsodia do compositor e clarinetista italiano Giacomo Miluccio e un dos homenaxes que para clarinete que escribiu o húngaro Béla Kovács, neste caso o dedicado a Falla) e a fermosa e interesante Sonata para clarinete e piano do francés Francis Poulenc (na que o acompañará ao piano a xaponesa afincada en Compostela, Erico Ishimoto).

E para rematar, na terceira parte tócalle a vez á violinista portuguesa Angela Neto, licenciada no Conservatorio Superior de Música de Vigo e alumna nos dous últimos anos do Master de Especialización Orquestral que en Santiago organiza a Escola de Altos Estudos Musicais. O programa propón obras de Mozart e Brahms na compaña ao piano da pianista búlgara, tamén residente en Compostela, Simona Velikova.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores

O café El Puente organiza esta noite unha nova velada musical. Nesta ocasión, contará coa presentación da nova formación do saxofonista lucense Toño Otero, 'Toño Otero Trío'. Estará acompañado ao piano por Alejandro Vargas e á batería por Lar Legido.

Entrada de balde.

A Real Filharmonía de Galicia ofrece esta noite un novo concerto da súa temporada de aboamento, dirixida polo prestixioso francés Fabien Gabel. O programa inclúe obras de Wagner, Stravinsky e Beethoven.

PROGRAMA

REAL FILHAMONÍA DE GALICIA
Fabien Gabel, director

R. Wagner: Idilio de Sigfrido, WWV 103
I. Stravinsky: Concerto en mi bemol “Dumbarton Oaks”
L. V. Beethoven: Sinfonía núm. 8 en Fa maior, op.93.

Love of Lesbian aterran en Santiago para presentarnos, durante dúas noites consecutivas, un dobre álbum que canta ao seu estilo de vida dende que son músicos consolidados: La noche eterna - los días no vividos.

Love Of Lesbian percorreron durante os últimos dous anos máis de 150.000 km por toda a península ofrecendo 150 concertos dos que gozaron 250 mil seguidores. Comparten a súa vida profesional con 142.697 fans en facebook e con 60.000 en twitter. Todo iso inspiroulles para o seu novo traballo ‘La noche eterna – Los días no vividos’ (Music Bus 2012).

Coa publicación do novo traballo, son sete os discos que levan ás súas costas e pode xa considerarse a Love of Lesbian como un dos grupos máis importantes do indie español.

A sala Moon recibe esta noite a visita dos barceloneses Za!, unha das bandas que máis ten chamado a atención nos últimos anos. Neste concerto estarán acompañados polos pontevedreses Djalminha, unha das novas promesas do rock galego.

Se a estas alturas da película non sabes quen son Za!, tes un problema.

Segundo a súa propia definición, Za! é un grupo formado por dúas persoas e máis de dous instrumentos. Soan a varias cousas, todas á vez: baixos grosos e distorsións pesadas, ritmos ancestrais, free-jazz, noise, psicodelia, cantos dos pastores de Tuva, Monty Python, post-rock de capas e capas, drons, electrónica analóxica e demais cacharraría.

Engadiremos ademais que teñen un directo imprevisible, implacable e atronador que está a deixar sen aire a salas e festivais de medio mundo. Que editaron o seu último disco, Megaflow, en Acuarela e en Discorporate Records, selos bandeira da experimentación e a vangarda en España e Europa respectivamente, que están a punto de xerar o seu próximo artefacto sonoro e que son en xeral músicos e seres humanos únicos.

Temos a honra de poder acollelos na nosa humilde casa o venres 15 de febreiro na Sala Moon de Santiago de Compostela, e ninguén debería perderse isto.

Por se isto fose pouco faremos a noite redonda invitando a acompañalos aos pontevedreses Djalminha, outra parella de mestres do balón nun man a man enerxético, puro e, sobre todo, moi salseiro. Movéndose entre o rock marciano de Trans Am, o poder lisérxico de Hella e ao hipnótico math de Don Caballero, a súa proposta non tardará en dar a nota.

Conformados por Berto Fojo (artista creador do cartel do presente evento) e Gon Goitia (Unicornibot), ambos os dous forman parte do xerme creativo do Liceo Mutante de Pontevedra e están a punto de editar a súa primeira referencia, cuxo adianto xa podedes escoitar na súa páxina de Bandcamp.

Acabada de chegar da súa xira brasileira e do Celtic Connections (Glasgow-Escocia) para presentar Meu Canto, Uxía ofrece un concerto enmarcado dentro da programación do Concello de Santiago de Compostela SONS2013 que inaugura o Ciclo 'Cantigas de Mulleres' inspirado no CD editado homónimo por Fol Música, unha compilación baixo a dirección artística de Uxía e que pretende ser unha escolma das mellores voces femininas da escena galega e unha mostra do gran talento e calidade das nosas artistas.

Sérgio Tannus: Guitarra, viola caipira, cavaquinho e pandeiro
Xoan Porto: Guitarra, acordeón e percusión.
Invitada especial: Sés

Meu Canto é  unha relectura dos temas fundamentais do repertorio en directo de Uxía e temas que ata agora nunca tiña abordado. Unha proposta limpa de artificios na que o fundamental é a súa excepcional voz. Meu Canto porque a maioría das cancións conteñen a palabra canto porque este disco é unha reflexión sobre o acto de cantar, as emocións que provoca, a voz, a esencia...
Nesta ocasión a súa travesía lévanos a Brasil, onde foi gravado este traballo coa produción do prestixioso músico Jaime Alem (produtor de Maria Bethânia), o talento e a complicidade do virtuoso instrumentista Sérgio Tannus e as colaboracións de Lenine, Socorro Lira e Fred Martins.

CANTIGAS DE MULLERES entrou recentemente nas prestixiosas listas europeas de World Music, WMCE (World Music Charts Europe) e recibiu eloxiosas críticas na BBC, revistas especializadas de todo o mundo e programas de radio de toda Europa.  E acadou importantes premios, como o Mellor Album de Raiz nos Premios da música independente e Premio Opinión á mellor artista e traxectoria de música Folk, no 2012.

Uxía, a voz do Atlántico. Vinte e cinco anos de carreira artística convértena nunha das voces máis populares e valorizadas da nosa lingua. As súas cancións seguirán tendo a presenza latente da música tradicional, cun tratamento innovador. Unha voz máis contida e máis profunda ca nunca. Unha voz que amosa toda a forza e toda a vulnerabilidade coa que Uxía chegou a este punto do camiño, coa convicción de que un pobo que cantou desde tempos inmemoriais non pode perder un instrumento tan fundamental como a propia voz, o propio canto, Meu Canto.

Uxía, unha das voces máis populares do mundo lusófono, é creadora e directora artística do máis importante Festival da Lusofonía: “Cantos na Maré” que se celebra cada ano en Pontevedra.

En palabras de Uxía “Así somos (as mulleres) nós no canto... forza matriz, mulleres-sol*, das que non se arredan, das que non temos pelos na lingua, das que non cantamos só ás pombas e as flores, das que facemos cantigas na nosa lingua e coidamos a valiosa herdanza das cantigas das nosas avoas, pandeireta en man, Morganas que berramos forte ou docemente susurramos unha nana, mulleres que sabemos que a revolución pendente, a do século XXI é a nosa, cando mostremos as nosas cores, e en todas partes resoe o cantar forte e poderoso das mulleres deste país que tamén ten nome de muller”
mulleres-sol* (definición de Xurxo Souto para referirse ás mulleres da música galega

El Último Tributo é a banda tributo a un dos grupos máis importantes deste país dos anos 80-90, El Último de la Fila.

El Último Tributo é considerado como a mellor banda tributo a El Último de la Fila pola súa calidade e posta en escena. Ofrécenos un repaso a toda a discografía de El Último de la Fila e fainos revivir unha etapa máxica. O seu repertorio transpórtanos a través do tempo e bríndanos a oportunidade de volver gozar dos temas máis emblemáticos de El Último de la Fila.

Ver a El Último Tributo en directo é toda unha experiencia, xa que o seu son é moi fiel ao orixinal e a voz chega a conmover os seguidores de Manolo García polo seu gran parecido. As críticas do público nas páxinas de Atrápalo, foros manoleros e na propia web do grupo, son todas loadoras e moi positivas. Ninguén queda indiferente tras un concerto de El Último Tributo.

Un espectáculo para gozar de boa música en directo que farán cantar, bailar e vibrar calquera amante da música de El Último de la Fila.

Os londinenses The Godfathers, capitaneados por Peter (voz e guitarra) e Chris Coyne (baixo), chegan a Compostela dentro da súa xira española titulada 'Jukebox Fury Spanish Tour'.

Os londinienses The Godfathers seguen en pé. E máis que o van estar cando se publique o seu esperado novo álbum, aínda sen título, o primeiro de estudo dende "Afterlife" (1995). Algunhas desas perlas caerán na súa xira española, que se desenvolverá ao longo de once datas. Bautizárona así: "Jukebox Fury Spanish Tour". Á fronte da formación están Peter (voz e guitarra) e Chris Coyne (baixo), fundadores da banda e a súa perenne célula creativa. Acompáñalles como lugartenente un vello compañeiro de batallas, o guitarrista Del Bartle, que militou na banda que tiñan os irmáns Coyne antes de crear The Godfathers en 1985, The Sid Presley Experience. Na súa discografía encóntranse álbums capitais para os seguidores do rock británico máis musculoso, apaixonado e sincero, como son "Birth, School, Work, Death" (1988), "More Songs About Love & hate" (1989) e "Unreal World" (1991). Con eles como ariete enfrontáronse no seu momento a un ámbito ben arisco: aquel cando o Reino Unido vibraba a golpe de rave. Chegaron dez anos tarde para o punk e uns cantos antes do brit-pop, así que lles tocou nadar a contracorrente. Pero a pesar diso lograron non só facerse oír, senón labrarse un prestixio e un respecto que chega ata os nosos días. Porque nas súas cancións, as primeiras e as últimas, segue vivo o eco do Johnny Rotten de "God Save The Queen" e o Roger Daltrey de "My Generation". Motivados pola reedición, en xaneiro de 2008, do seu primeiro álbum, "Hit By Hit" (1986), pulsaron de novo o botón que puxo en marcha o seu motor. En xuño de 2011 xa nos visitaron e puidemos corroborar que tiñan gasolina de sobras.

A Banda Municipal de Música presenta este concerto didáctico dirixido por Xosé Carlos Seráns. O concerto e a guía didáctica que o acompaña, elaborada por Olaia Novo, van dirixidos a alumnos de educación infantil e primeiro de educación primaria. A idade dos educandos oscila entre os 3 e os 6 anos aproximadamente. A Banda ofrece aberto a todo público este concerto didáctico.

As cancións coas que se traballará pertencen todas a filmes de Disney. En concreto a ‘A sereíña’, ‘Aladín’, ‘A bela e a besta’, ‘Tarzán’, ‘O rei león’, ‘Mulán’, e ‘O príncipe de Exipto’.

Os contidos que se traballarán son os seguintes:

- Recoñecemento dos diferentes fragmentos seleccionados extraídos das diferentes BSOs de Disney.
- Iniciación ao canto de escalas pentatónicas.
- Fomento dunha actitude atenta e silenciosa durante unha audición musical, xa sexa en directo ou non.
- Iniciación á identificación de instrumentos.
- Improvisación de movementos e esquemas rítmicos.
- Realización de dramatizacións e/ ou xogos motores.
- Desenvolvemento de mecanismos de sensibilidade artística.
- Introdución á práctica do compás ternario: pulso e subdivisión.

Pódese descargar aquí a GUÍA DIDÁCTICA deste concerto.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O Paraninfo da Universidade compostelá acolle esta tarde o sétimo dos once concertos da edición número quince do Ciclo de Novos Intérpretes da Asociación Galega da Lírica, unha cita musical para todos os públicos e de entrada gratuíta.

Na primeira parte presentarase o clarinetista Alberto Aneiros Vilariño. Natural de Culleredo e de 21 anos de idade é alumno de Uxio Pazos no Conservatorio Profesional de Música de Santiago e de Christina Dominik na Escola de Altos Estudos Musicais. Inquedo músico con formación tamén en arpa e en canto coral forma parte de institucións musicais compostelás como o Orfeón Terra A Nosa e o Coro Universitario. Acompañado ao piano pola profesora do Conservatorio Profesional de Santiago, a rusa Vera Pavlova, interpretará unha das fermosas sonatas para clarinete e piano de Brahms.

E na segunda parte será a vez do Arts Ensemble, unha das agrupacións de cámara presentadas neste XV Ciclo de Novos Intérpretes. O Arts Ensemble é un quinteto de ventos formado por estudantes do Conservatorio Superior de Música de Aragón baixo a tutela do clarinetista Iván García. Forman esta quinteto xunto cos galegos Javiers Blanco (clarinetista de Lalín) e Marcos Cruz (trompista natural de Mondoñedo), o toledano Víctor Loarces (frauta), a coreana Hae Won Oh (fagot) e a valenciana Mª Isabel Bermejo (clarinete). Todos os seus componentes realizan unha actividade regular, xa sexa con orquestras novos, orquestras profesionais, como solistas ou en agrupacións de cámara, e forman parte de orquestras como a Orquesta Nova da Sinfónica de Galicia, Orquesta Joven de Extremadura, Joven Orquesta de la Comunidad de Madrid ou Maribor International Orchestra, entre outras. O interesante e infrecuente repertorio seleccionado polo Arts Ensemble inclúe quintetos para vento do bohemio Anton Reicha, do danés Carl Nielsen e do italiano Luciano Berio.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

O grupo de electro-jazz de Astrio comeza a súa xira por Galicia ofrecendo un concerto esta noite na Casa das Crechas.

Astrio causa adicción. É difícil atopar unha banda cun directo tan atractivo e sorprendente como o deste tridente de excelentes músicos. Cada concerto é distinto, cada canción semella debutar ese día. Con "Don’t leave the planet", o seu último disco, tenta á música electrónica para difuminar xa para sempre os seus límites musicais. E aínda así, e este é o pequeno milagre, continúan a ser perfectamente identificables.

Desde a súa formación, hai agora 10 anos, foi un grupo en constante renovación. É esta versatilidade a que os levou a tocar en contextos tan diferentes como festivais de jazz, de electrónica, de rock, en discotecas e en pequenos clubs, e a ter un público bastante heteroxéneo. Calquera descrición queda curta, só resta agardar que chegue a oportunidade de gozar do seu directo.

Astrio están nominados aos Premios Enderrock (a principal revista catalana de música) como mellor grupo de jazz e mellor directo de jazz.

Astrio son:
Arecio Smith, teclados e sampler
Santi Serratosa, batería e sampler
Santi Careta, guitarra

Poeta, pintor, escultor, fotógrafo, produtor e, por suposto, músico, Fletcher Tucker é un deses artistas natos que non entenden de convencionalismos nin disciplinas. Baixo o sobrenome de Bird by Snow, Tucker compón (ou canaliza, como prefire dicir) cancións inmediatas, intelixentes, en aparencia deslavazadas, pero perfectas na súa esencia.

En realidade, a súa proposta non está moi afastada do Mount Eerie máis orgánico, xa que como o de Anacortes saca a súa inspiración de paisaxes naturais, que impregna cunha magnética voz, tremendamente suxestiva e case se diría que narcótica. Acaba de editar o seu novo disco (o seu quinto xa) chamado "Offering", unha delicia que ás veces é inmediata, ás veces fermosa, pero sempre directa ás entrañas. O seu single de adianto conta cun fascinante vídeo.

Por se non tivese bastantes labores artísticos, Fletcher é tamén a cabeza visible detrás de Gnome Life Records, selo discográfico moi persoal, que fai de cada referencia unha verdadeira peza de coleccionista, e por cuxas filas pasaron artistas como Little Wings, Daniel Higgs ou Wildbirds & Peacedrums.

Máis info aquí

A Orquestra do Espazo de Cámara da USC ofrece esta tarde un concerto na Igrexa da Universidade. Baixo o título 'A Música Descritiva. Grieg, Biber, Gounod', a formación interpretará pezas destes tres destacados compositores.

Unha nova velada musical organizada polo Café El Puente ofrece esta noite un concerto protagonizado polo guitarrista lucense Marcos Pin, que presentará o seu disco 'Barbanza' co seu novo proxecto musical, Marcos Pin Factor E-Reset. Este proxecto en formato big-band está formado por dez dos mellores músicos de jazz do panorama galego.

Javier Pereiro: Trompeta
Jose Luis Miranda: Trombón
Pablo Castanho: Saxo alto e frauta
Xosé Lois Miguelez: Saxo tenor
Toño Otero: Saxos barítono e tenor
Ton Risco: Vibráfono
Manolo Gutiérrez: Piano
Marcos Pin: Guitarra
Juansy Santomé: Contrabaixo
Max Gómez: Batería

Entrada de balde.

A Orquestra Sinfónica de Galicia ofrece esta noite un concerto no que estará dirixida por Víctor Pablo Pérez. O programa inclúe diversas obras de Shostakovich, Dvorák e Bal e Gay.

PROGRAMA

ORQUESTRA SINFÓNICA DE GALICIA
Victor Pablo Pérez, director

J. Bal y Gay: Tres pezas para orquestra
A. Dvorák: Abertura Entroido, op. 92.
D. Shostakovich: Sinfonía núm. 15 en La maior op.141.

Pulpiño Viascón posúe un directo festeiro e contundente e un estilo musical que abarca dende a rumba, o ska, o punk, o folk ate as rancheras. Ten un directo cheo de sorpresas, coma a interpretación de cancións co serrucho, con acordeón, coa gaita e ca súa voz chea de enerxía.

Natural Green, pola súa parte, é un grupo con múltiples e variadas influencias, formado por dez novos músicos de Ferrol que inician en 2009 un grupo ao máis puro estilo reggae con intención de facer música que lles represente e con mensaxe.

Non hai outra voz no fado como a de Ana Moura (Ribatejo, Santarém, 1979). Unha voz que se pasea libremente pola tradición, pero que flirtea elegantemente coa música pop, ampliando o espectro do fado, tan típico de Lisboa, dunha maneira moi persoal. Pero o que a sitúa á parte é non só o timbre grave e sensual, tan único: Ana Moura transforma instantaneamente calquera melodía á que presta a súa voz e convértea en fado. É unha faísca inmediata, unha explosión emocional dirixida implacablemente ao corazón do oínte.

Desfado, quinto álbum de Ana Moura, toma o seu nome dun dos dous temas compostos para a artista por Pedro da Silva Martins, da banda Deolinda. Desfado é un punto de inflexión na carreira de Ana Moura, denotando a súa influencia pop e dirixido a un mercado internacional e a unha nova audiencia portuguesa.

O principal propósito era cantar cancións compostas especialmente para ela por persoas da súa propia xeración, pero que eran alleos ao fado: Virgem Suta, Miguel Araújo, Luísa Sobral, Pedro
Abrunhosa e Manuel Cruz son algúns dos participantes. O primeiro single, Até ao Verão, foi escrito por Márcia. Aquí, Ana Moura parécese extraordinariamente a Lhasa de Sela.
En canto aos músicos, Ana Moura mantén a referencia ao fado –guitarra portuguesa de Ângelo Freire e viola de fado interpretada por Pedro Soares–, incorporando tamén a colaboración do contrabaixista David Piltch (Bob Dylan, k.d.lang), o guitarrista Dean Parks (Marvin Gaye, Stevie Wonder), o percusionista Jay Bellerose (Aimee Man, Ani DiFranco), o teclista Patrick Warren (Fiona Apple, Bruce Springsteen), o violinista Freddy Koella (Lhasa, Carla Bruni) e o saxofonista quintaesencial Tim Ries, o home que a presentou aos Rolling Stones e levouna a cantar No Expectations e Brown Sugar.

Ana Moura prepara unha revolución na súa música, convocando ao seu lado a unha estrela convidada especial internacional: o lendario músico de jazz Herbie Hancock que foi incorporado ao proxecto por Larry Klein quen produciu Desfado.

Hugo Martín Cuervo, o director máis novo nominado aos Goya, retoma a súa faceta como músico en solitario baixo o nome de Sethler e presenta o seu novo traballo, titulado 'Batalla'.

Esta tarde, a Real Filharmonía de Galicia ofrece un novo concerto do ciclo dedicado a público familiar. Nesta ocasión, o programa inclúe obras tan coñecidas como o Adagio de Albinoni ou o Canon de Pachelbel.

PROGRAMA

- Adagio sonata en sol menor, T. Albinoni
- Canon, J. Pachelbel
- “Aria en G” Suite orquestral nº 3 en Re maior BWV 1068 (selección), J. S. Bach
- Ritirata Nocturna de Madrid op. 30, nº 6 – (selección), L. Bocherini
- A pequena serenata noturna K. 550 (selección), W. A. Mozart
- Adagio para cordas (selección), S. Barber
- Danzas folclóricas rumanas (selección), B. Bartok
- Libertando, A. Piazzola
- Plink plank  plunk, L. Anderson

O paraninfo da Universidade será escenario, unha vez máis, dun concerto da XV edición do Ciclo de Novos Intérpretes da Asociación Galega da Lírica.

Na primeira parte presentarase o novo pianista compostelán André Pérez Muiño. Con 16 anos de idade é alumno do Conservatorio Profesional de Música desta cidade, no que actualmente é alumno de Vicente García. André Pérez interpretará un variado programa que inclúe obras do Barroco, do Clasicismo e do Romanticismo: sonatas, fantasías, intermezzos e concertos para piano de autores tan senlleiros como Bach, Domenico Scarlatti, Mozart e Brahms.

E na segunda parte será a vez dunha agrupación de cámara, neste caso un quinteto de cordas e piano que forman dous violinistas (o lucense Jesús Arranz e a compostelana Antía Rey), dous ferrolanos (a violista Uxía Oña e a violoncellista Cayetana Mariño) e o pianista rianxeiro Iago Hermo. Trátase de cinco novos músicos galegos con idades entre os 19 e os 24 anos que teñen en común o ser alumnos do Conservatorio Superior de Música da Coruña. Xuntos interpretarán un quinteto con piano do compositor italiano Luigi Boccherini e, ao piano, Iago Hermo completará o programa coa Marcha fúnebre para un monicreque do francés Charles Gounod.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

A Universidade compostelá organiza esta tarde unha nova cita musical na Igrexa da Universidade. Nesta ocasión, o concerto estará a cargo da orquestra barroca Música Acordada.

Riu é un proxecto formado por seis novos músicos que pretende reinventar a música popular dos Països Catalans. Para definir o seu son, aprenderon das grandes bandas do novo folk europeo e adaptárono ás melodías populares da súa terra. Despois de gañar este pasado ano o premio Sons da Fira Mediterrània, publicaron o seu segundo traballo, “Amb Canya!”. Este disco, producido polo ferrolano Fernando Barroso (Assembly Point, Os Cempés), é xa un paso importante cara a consolidación do grupo na escena tradicional catalana.

Sinestesia é un grupo compostelán que nace das inquietudes musicais dos seus novos compoñentes. Unha proposta con temas propios afrontados dende o xénero de rock feito en castelán.

Beben do blues de Chicago e da psicodelia dos sesenta (Hendrix, Cream,The Doors), con certos matices do jazz ou do soul, mesturando solventemente estas tendencias musicais coa canción de autor estatal de tradición roqueira (Quique Gonzalez, Ariel Rot, Los Rodriguez, Joaquín Sabina..).

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

O café El Puente organiza esta noite unha das súas xa consolidadas veladas musicais. Nesta ocasión, o concerto estará a cargo do Xacobe Martínez Antelo Trío, unha formación de jazz integrada por Pablo Castaño, Xacobe Martínez Antelo e Max Gómez.

O contrabaixista compostelán Xacobe Martínez Antelo, membro entre outros proxectos de Sumrrá, A Tribu ou Martelo, presenta no café El Puente o seu último disco, con temas compostos polo propio Xacobe. Estará acompañado ao saxo alto por Pablo Castaño e á batería por Max Gómez.

Entrada gratuíta.

Julián Hernández e Rómulo Sanjurjo, La Maravilla Enmascarada, propoñen un percorrido musical multidimensional por universos paralelos e realidades alternativas. Un espectáculo diferente ampliando o repertorio e colaboracións, onde se mesturan guitarras eléctricas, ukelele, acordeón e voces celestiais.

Factoría de subsistencia, pola súa banda, tratan de crear, inventar e darlle forma ás ideas que xorden no noso interior ou ao noso arredor, ás circunstancias que sobrevoan continuamente os nosos seres, aos comportamentos que tentan darnos leccións continuas de enfrontamento ante a vida.

Unha nova entrega do ciclo 'ïntimo & Acústico' trae a Compostela ao artista catalán The New Raemon, que presentará os temas do seu novo disco, 'Tinieblas, por fin'.

“Tinieblas, por fin”, editouse en setembro  de 2012 coa etiqueta Marxophone, colectivo de autoedición discográfica onde tamén publicaron os seus traballos Nacho Vegas ou Fernando Alfaro, entre outros.

Inquieto como poucos, Ramón Rodríguez, o home detrás de The New Raemon, leva 20 anos cociñando cancións, primeiro con Madee, despois con Ghouls’n’Ghosts e, desde 2007, en solitario. En solitario, pero non só porque, á parte do seis traballos que asinou como The New Raemon, editados todos eles por Bcore, participou en proxectos colectivos como o recompilatorio “Supernanas” e gravado un disco a seis mans con Francisco Nixon e Ricardo Vicente. Tamén se atreveu a producir a María Rodés, a Maga e a Manos de Topo, escribiu un cómic e xa prepara outro e, como aínda lle quedaba algún intre libre, montou coas súas fillas a banda Germana.

O violinista francés de orixe albanesa Tedi Papavrami acompaña esta noite á Real Filharmonía de Galicia nun novo concerto da súa tempada de aboamento. Nesta ocasión estará dirixida por Paul Daniel e presentará un programa que inclúe obras de Ravel, Lalo e Bizet.

PROGRAMA

REAL FILHARMONÍA DE GALICIA
Paul Daniel, director
Tedi Papavrami, violín

M. Ravel: Le tombeau de Couperin
E. Lalo: Sinfonía española, op.21
G. Bizet: Sinfonía núm 1 en Do maior

Quen dubida hoxe en día dunha banda que, horas despois de finalizar a xira do disco máis vendido de toda a súa carreira -Lamparetes (2011)-, publica un novo álbum con corenta novas cancións? Quen dubida hoxe en día dun grupo que, ademais posúe a coraxe e a ousadía de estrealo en directo sen que nin un só dos fans que, o pasado 14 de Setembro, encheron o L'Altàntida de Vic (MMVV) tivese escoitado unha nota? Quen dubida duns artistas que nunca seguiron outro ditado que non sexa o que marca o seu propio universo?

Arranca a cuarta edición do ciclo 'SantiAutor', unha serie de concertos que presta especial atención á música feita en Galicia. A primeira cita estará protagonizada por Cardigan Bridge e Sés.

O pub Sónar acolle entre febreiro e abril a cuarta edición do festival SantiAutor, unha cita que no 2013 presta especial atención aos temas feitos por autores galegos. Así, oito dos 12 participantes no programa son da comunidade. Despois do éxito obtido en anos anteriores, o festival aspira a consolidarse como un referente estable para a música de autor.

MCarballo presenta o seu terceiro traballo, con sabor fresco e melodías elegantes e envolventes. Leva unha liña definida no pop-rock, aínda que con estilo propio e raíces no rock clásico e acústico norteamericano.

BestLife (underyourseat), pola súa parte, é un grupo ourensán que iniciou a súa andaina como trío acústico con cancións propias. Hoxe xa é unha banda de batería e guitarras eléctricas cunha rítmica contundente.

Arizona Baby seguen facendo historia. Tras convulsionar a música española co seu innovador formato acústico e austeridade básica, volven cun sonoro EP de temas novos, “The Truth, the Whole Truth and Nothing but the Truth”, e unhas exclusivas (e limitadas) presentacións do mesmo mentres proseguen a súa aventura en Corizonas e preparan o seu terceiro álbum oficial para 2013.

A fadista portuguesa María do Ceo será protagonista da velada organizada por Casa Grande do Bachao, un establecemento de turismo rural situado na parroquia compostelá de Santa Cristina de Fecha. María do Ceo protagonizará unha noite na que a música e a súa voz se unen a unha oferta gastronómica singular. A cea, creada especificamente para esta ocasión por Belén Taibo, chef do restaurante O Figón do Bachao, combina o mellor das gastronomías de Galicia e Portugal.

Nacida en Porto e residente en Galicia dende moi nova, María do Ceo desenvolveu no seu país de adopción unha concepción persoal e inconfundible da canción portuguesa. Na actualidade é unha das intérpretes máis recoñecidas internacionalmente no panorama do fado tradicional, aínda que pola traxectoria vital nas súas cancións se advirten tamén rastros da música galega, do bolero e doutras músicas de raíz hispanoamericana.

Durante a súa longa carreira, que comezou a mediados dos anos noventa, María do Ceo gravou unha decena de discos, dende o inicial Cartas de amor ao máis recente, Fado com outro acento, de 2012. Nestes traballos incorporou a vertente máis coñecida do fado, a que a entronca coa tradición de Amalia Rodrigues, pero tamén explorou temas tradicionais de ambos os dous lados do río Miño, musicando poemas galegos ou vilancicos.

Tendendo pontes entre Galicia e Portugal, a fadista pisou escenarios de medio mundo, dende a Península ao resto de Europa e o norte de África. Os seus espectáculos conxugan o intimismo coa intensidade da interpretación tan persoal que María do Ceo fai do fado.

A proposta realízaa Casa Grande do Bachao, un establecemento de turismo rural adherido á organización Pazos de Galicia, coñecido pola súa vinculación á cultura e as letras galegas.

A velada con María do Ceo inclúe unha cea que pretende incorporar o mellor da gastronomía de Galicia e Portugal, que coinciden na utilización de produtos naturais e de gran calidade. O coñecido Queixo da Serra, os viños Verde e de Porto ou o bacallau, son algúns dos produtos que elixiu Belén Taibo para o menú desta ocasión.

Amancio Prada canta a Chicho Sánchez Ferlosio, Léo Ferré e Agustín García Calvo nun novo concerto do ciclo 'Sons 2013'.

Un círculo vinculado pola amizade e o fervor desde os anos da utopía e o exilio. Amancio coñece a Agustín García Calvo en París, nun restaurante universitario no Barrio Latino, a comezos dos setenta, cando ía pregoando e repartindo exemplares do Manifesto da CAZ, Comuna Antinacionalista Zamorana, que levaba no seu zurrón e descobre a súa poesía, as súas cancións e soliloquios. El foi quen lle falou por primeira vez de Chicho Sánchez Ferlosio como exemplo á hora de facer cancións sobre poemas propios ou alleos.

A Chicho coñéceo uns anos máis tarde na casa de Carmen Martín Gaite, considérao o cantor con máis graza e talento que coñeceu. En 2003, pouco despois da súa morte, dedícalle o libro-disco “Hasta Otro Día Chicho”. Con Chicho e con Agustín deu un recital no Teatro Español de Madrid.

E Léo Ferré, unha das estrelas máis brillante do elevado firmamento da chanson, e unha das máis rebeldes. En “Vida de Artista”, (2007) Amancio Prado tratou de sementar noutra terra, con outro acento, a semente da súa permanente rebelión e beleza.

O soliloquio do sorriso contra toda forma de poder que negue a liberdade. Lámpadas da conciencia. Así é a vida que merece ser vivida, así as palabras que merecen ser cantadas. Un ramo de cancións, como rosas con espiñas.

Amancio Prada (Dehesas, León, 1949). O seu traballo como compositor e intérprete tivo sempre unha base literaria que ao longo da súa discografía vén conformando un percorrido antolóxico pola lírica peninsular, desde as Cantigas dos primeiros trobadores galego-portugueses (Ss. XII e XIII), pasando polo Romancero, Juan del Enzina, Jorge Manrique,  San Juan de la Cruz e Rosalía de Castro, até a obra de numerosos autores contemporáneos como García Lorca, Agustín García Calvo, Manuel Vicent e Álvaro Cunqueiro, entre outros a quen dedicou gravacións monográficas.
Recibiu a Medalla Castelao de Galicia (1995),  o Premio Castilla e León de las Artes (2005), Grand Prix du Répertoire Sacem (París, 2008), Premio Tenco (Sanremo, 2010) e a Medalla de Oro al Mérito de las  Bellas Artes (2010).

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Entra no seu tramo final a edición número quince do Ciclo de Novos Intérpretes da Asociación Galega da Lírica. O noveno dos 11 concertos do ciclo terá lugar esta tarde no Paraninfo da Universidade compostelá. E trátase sen dúbida dun concerto especial de moi novos valores, algún deles fillos de membros da Orquestra Sinfónica de Galicia que a principios dos 90 se asentaron na Coruña e que están a crecer tamén musicalmente en Galicia. Outro dos feitos salientables deste concerto é que se presentan en interesantes e tradicionais agrupacións de cámara: dúo de violín e piano e trío de violín, violoncello e piano.

Na primeira parte presentarase o dúo formado por dous talentosos novos músicos de apenas quince anos, ambos fillos de dous violinistas da OSG, o violinista Daniel Vlashi (fillo do tamén director do Grupo Instrumental Siglo XX, Florian Vlashi, e que recentemente xa fixo labouras de concertino na Orquestra Nova da Sinfónica de Galicia) e do pianista Luka Hauser (un mozo de apenas 15 anos que xa amosou o seu talento, aquela vez en solitario, na edición 2012 deste Ciclo de Novos Intérpretes e fillo da violinista Vinka Hauser). Xuntos interpretarán unha sonata para violín e piano de Mozart e a esixente Introdución e Tarantela do violinista navarro Pablo de Sarasate. E Luka Hauser completará a súa intervención ao piano cunha fantasía de Chopin.

Nada en Valladolid hai 20 anos, pero residente en Galicia dende os 12 anos de idade, a pianista Isabel Rico Repiso será a protagonista da segunda parte do concerto interpretando un variado programa que constará dun preludio e fuga de O clave ben temperado de Bach, unha sonata para piano de Haydn e un estudo para piano de Rachmaninov. Inqueda e versátil músico, Isabel Rico simultanea os seus estudos de frauta cos de piano e de mestra de educación primaria. Como mostra salientar que o ano pasado participou como frautista neste Ciclo de Novos Intérpretes da Asociación Galega da Lírica e este ano o fai como pianista.

E outra agrupación de cámara, neste caso un trío de violín, violoncello e piano pechará este concerto coa interesante proposta do terceiro dos tríos para esta agrupación dun dos grandes mestres da historia da música, Beethoven. Protagonistas da terceira parte son tres músicos (dous coruñeses e un compostelano de entre 17 e 18 anos) de indubidable talento e futuro como a violinista Diana Poghosyan (nada nunha musical familia de orixe armenia afincada hai xa moitos anos na Coruña), o cellista compostelán Iago Domínguez (alumno de Bárbara Switalska e, como Diana Poghosyan, membro da Orquestra Nova da Sinfónica de Galicia) e o pianista Manuel Casares (xa merecedor de premios en concursos de piano celebrados na súa cidade natal, A Coruña, e en Veguelina de Órbigo).

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

A Casa das Crechas organiza ao longo do mes de marzo unha programación especial dedicada á muller e ao 26 aniversario do local. Esta noite a violinista norteamericana Lauren Rioux ofrecerá un concerto acompañada polo guitarrista Sten Havumaki para presentar o seu álbum de debut en solitario, titulado 'All the Brighter'.

Esta violinista da costa leste de USA, pertencente ao exquisito círculo de músicos de Darol Anger, ten tocado durante varios anos na súa banda, Republic of Strings. Actualmente está finalizando a súa xira internacional coa tamén fiddler Brittani Hass, aínda que nesta ocasión Lauren actuará na compaña do guitarrista Sten Havumaki.

Os concertos de Yo La Tengo son algo difícil de escribir, unha comuñón perfecta entre artistas e público a través dun historial de cancións de intensidade e desenvolvementos que só son comparables con bandas coetáneas como Sonic Youth ou Dinosaur Jr.

En cada visita, os do Garden State ofrécennos algo diferente, e na Sala Capitol presentarán as cancións do seu novo traballo, FADE, que algúns medios cualifican como un dos mellores traballos da súa carreira.

Yo La Tengo son únicos, iso sabémolo todos. O trío americano leva un cuarto de século sacando discos notables e algunha que outra obra mestra de vez en cando. Dá igual que vaian cara á súa vertente máis roqueira ou que se calmen e nos obsequien cun traballo máis psicodélico. Xeralmente acertan, e iso está ao alcance de moi poucos.

A Casa das Crechas acolle esta noite, dentro da programación da Semana da Muller, un concerto da cantautora galega Silvia Penide, que presentará o seu novo disco ‘Animal de compañía’, do que vén de esgotar a súa primeira edición e xa ten á venda a segunda con fotografías inéditas de Begoña Pastoriza que recollen momentos de camerinos, ensaios, concertos, etc.

Silvia Penide continúa coa presentación do seu novo disco "Animal de compañía", o quinto xa na súa traxectoria musical. Un disco que se vende nestas primeiras tiraxes de pequenas obras de arte únicas (polaroids, fragmentos de retratos de Silvia...). Os seus concertos son actos colectivos nos que ela comparte as súas experiencias mediante cancións pop. Mentres escoitas as súas letras podes imaxinar, sorrir, pensar ou simplemente deixarte levar. Na súa presentación compostelá estará arroupada por Serxio Moreira ao teclado.

Silvia Penide é unha autora e intérprete de cancións moi directas que conectan co público e que comezan a ver a luz no seu primeiro LP “Kilómetros” (2002) e seguen a madurar en “Invisible” (2005), “Desafinante Crónica” (2007) ou “Las Erres Dobles” (2010).

Todas as noites dos martes, o pub Momo acolle un recital de música de autor da man do veterano cantautor Ricardo Parada, un habitual do circuíto compostelán.

Recuperando o espíritu da mítica banda The Jam, Galiza em Punk presenta en Santiago un dos dous únicos concertos que dará en Galicia o grupo From The Jam, tras a cancelación por enfermidade dun dos seus compoñentes.

Kepa leva moitos anos enchendo festivais e teatros no noso país. É indiscutible que para el este é un lugar especial, e é por iso que comeza agora un novo proxecto inspirado en todas esas experiencias musicais vividas en Galicia. Un feixe de músicos galegos formarán parte dun novo traballo que Kepa está preparando coidadosamente. Como petisco, regálanos tres únicos concertos en Compostela, O Porriño e Ourense, onde a virtuosidade da trikitixa únese á forza da percusión galega. Unha cita imperdible e irrepetible.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

Dous dos maiores artistas da música brasileira contemporánea, que viven en diferentes puntos do planeta, xúntanse contando historias e cantando cancións.

Ambos os dous compositores, cada un no seu tempo: Vinicius Cantuaria regalou a Caetano Veloso o tema Lua e Estrela - un dos maiores éxitos da súa carreira - Pierre Aderne á súa vez ofreceu a Seu Jorge Mina do Condomínio, o tema que máis soou nas emisoras brasileiras en 2010.

Amante de sons clásicos (Bowie, Dylan ou os Stones), Rubén Pozo é coñecido por ser a metade de Pereza, aínda que moitos outros tamén o lembrarán polo seu pasado no combo madrileño Buenas Noches Rose. Un home que coñeceu as meles de todo no panorama de rock en español. Agora, por fin, este é o seu primeiro disco á fronte de banda propia. O aprendido en anos anteriores sérvelle a Rubén para mostrar con especial sensibilidade e moi delicado tacto un puñado de cancións cotiás e reflexivas, composicións infectadas de acordes máxicos que rabuñan sen piedade con uñas de veludo. Posúe emoción en cada un dos seus temas, espida sinceridade en cada unha das súas estrofas.

Producido por Rubén Pozo e Juan de Dios (Amaral, De Luxe) no estudo deste último en Madrid, a banda que acompaña a Rubén son músicos aos que coñece de toda a vida, veciños do barrio da Alameda de Osuna, xente de confianza e sobrado talento aos que Rubén recrutou co fin de facerlles cómplices deste disco debut: Joe Eceiza encárgase da segunda guitarra, Álvaro Lucini toca o baixo e David Rico é a batería. Ademais, Juan de Dios ocupouse de manexar as teclas nas cancións que o requiriron. Buscando esa complicidade e frescura, esa inmediatez, o disco gravouse case ao completo en directo, interpretando todos á vez cada un dos cortes.

Un honesto e cegador primeiro disco que nos planta ante un artista rebosante de personalidade, valente guitarrista que sabiamente dosifica os seus recursos e letrista capaz de retratar a vida tal e como a ve e a sinte, sen interferencias.

Fragmentos dun texto de Kike Turrón & Kike Babas.

Despois do éxito do seu primeiro álbum, ‘Ashfield Avenue’ (2009), e da doce sorpresa da edición do disco infantil ‘Alondra Bentley sings for children, it’s holidays!’, preséntase agora ‘The Garden Room’, o traballo máis importante e emocionante que publicou até o momento esta nova cantora. Trátase dun disco que fala da familia, do pasado e do futuro e das súas raíces angloespañolas, que se pasea polo folk, o pop e ate o country, e por riba de todo, a voz pura e profunda de Alondra.

Tras un 2012 no que revolucionaron os escenarios de toda Galicia, Terbutalina volve aos escenarios e faino cun novo disco baixo o brazo.

Gravado en Belgrado, 'Ritmo serbio' contén cancións rápidas e directas aos pulmóns que inciden na fórmula Terbutalina: festa, velocidade e empanada. Bailen, hostia! BAILEN! A velada ficará redonda coa presenza dos músicos máis mafiosos deste lado do mundo: a Familia Caamagno.

O grupo de pop-rock Despistaos chega esta noite á Sala Moon para ofrecer un concerto dentro da xira que conmemora os seus 10 anos de éxitos sobre os escenarios.

Esta noite chega a Santiago un dos clásicos do ciclo SantiAutor, o poeta e músico Marwan, nun concerto no que estará acompañado do violinista Marino Sáiz.

Artista invitada: Adriana Moragues

O pub Sónar acolle entre febreiro e abril a cuarta edición do festival SantiAutor, unha cita que no 2013 presta especial atención aos temas feitos por autores galegos. Así, oito dos 12 participantes no programa son da comunidade. Despois do éxito obtido en anos anteriores, o festival aspira a consolidarse como un referente estable para a música de autor.

O novo director titular da Real Filharmonía de Galicia, Paul Daniel, dirixe esta noite á formación nun concerto da súa tempada de aboamento. Nesta ocasión o programa inclúe obras de Wagner, Tchaikovsky e Soutullo.

REAL FILHARMONÍA DE GALICIA
Paul Daniel, director          

PROGRAMA
R. Wagner: Apertura Tannhäuser, WWV 70 (versión Dresde)
E. Soutullo: Erfahrung und sonst nichts
P. I. Tchaikovsky: Sinfonía núm. 6 en si bemol menor op. 74 “Patética”

En 2013 cúmprense 25 anos nos escenarios da banda cercedense Zënzar. Con este motivo, durante a celebración dos concertos de peche da sala Badulake de Ordes a finais de 2011, xestouse a idea de facer un disco tributo con versións do grupo, á que se foron sumando unha chea de bandas do país. O resultado foi a edición do disco VAI POLOS PADRIÑOS! TRIBUTO AOS 25 ANOS DE ZËNZAR, presentación oficial que se fará esta noite na Sala Capitol.

Desconcierto Cultural celebra o seu aniversario coa presenza dalgunhas das bandas máis interesantes do panorama independente estatal en Santiago e Ourense.

Os festexos da Festa de Aniversario do día 16 en Santiago compleméntanse cunha xira de presentación moi especial, que levará a Elle Belga aos escenarios de Ourense e Compostela. A banda de Jose Luís García (ex Manta Ray, ex Viva las Vegas) e Fany Álvarez lucirá a súa impecable e elegante posta en escena os días 8 e 9 de marzo no Torgal e o Kunsthalle, respectivamente. Marabilloso proxecto de pop elegante, son delicado e gusto exquisito pola recuperación do imaxinario do cancioneiro popular, Elle Belga ofrece un directo minimalista, sobrio e, quizais precisamente por iso, ateigado de emoción.

A Sala Capitol presenta esta noite un dos grandes concertos da tempada. A mítica banda de heavy metal Hamlet regresa a Compostela dentro da xira de presentación do seu traballo máis recente, 'Amnesia'.

O segredo da lonxevidade de Hamlet encóntrase no seu directo incontestable e eses himnos de rock/metal que os afianzaron en España como unha das formacións máis importantes.

A percusión dende sempre foi o amigo inseparable das danzas, rituais, traballos no campo…. Por este motivo Odaiko vese na obriga de seguir manténdose fiel a tradición e colorear as súas percusións coa presenza de dous amigos, a voz e a gaita.

Para este espectáculo temos o pracer de ter con nós a Xiana Lastra, Antía Lameiro, Anxo Lorenzo, e algunha sorpresa máis que iremos desvelando.

Este proxecto ademais servirá de presentación no Teatro principal o primeiro DVD que Odaiko saca ao mercado, e que leva o nome de “live”, pola importancia que para os seus membros ten o directo.

Músicos: Felix Rodríguez, Juan Collazo, Francisco Troncoso, Antonio Ocampo.
Música: Adrián Saavedra
Idea e dirección artística: Juan Collazo

Miguel Costas e a súa banda regresan cun novo disco, 'Alguien tenía que hacerlo', un álbum repleto de potentes cancións que presenta en Galicia para todos os seus seguidores e seguidoras.

Dr. Gringo quentarán motores en Compostela para a súa xira internacional que os levará a Gran Bretaña e Suecia entre outros países. Traen baixo o brazo o seu disco Big Fight e temas novos do que será o seu inminente novo CD.

Esta noite o pub Borriquita de Belém organiza unha nova sesión do ciclo 'Luns Flamencos'. O grupo que actuará nesta ocasión será D-Fusión. Despois do concerto, como vén sendo habitual, haberá jam flamenca na que o público asistente pode tomar parte.

D-FUSIÓN

Ramón Fernández (cante)
Rubén Fernández (guitarra e cante)
Moisés Fernández (percusión)

Dous violinistas e un pianista protagonizan o penúltimo concerto da edición número quince do Ciclo de Novos Intérpretes da Asociación Galega da Lírica que remata o próximo 18 de marzo.

Na primeira parte presentarase a violinista Patricia Túñez. Nada hai vinte anos en Lousame e formada en Lousame, Noia e na Escola de Altos Estudos (alumna de Nikolay Velikov), o pasado ano iniciou o grao superior no Conservatorio de Vigo. Interpretará unha partita para violín de Bach e, acompañada polo novo pianista vigués Iago García Alonso, unha peza para violín e piano do virtuoso Niccolò Paganini (Cantabile en re menor)

Na segunda parte do concerto continúa o protagonismo do violín coa actuación da coruñesa de vinte anos Paloma Diago, merecedora dunha bolsa Erasmus para estudar dous anos en Utrecht e que actualmente cursa cuarto de grao superior no Conservatorio da Coruña. Paloma Diago interpretará, acompañada ao piano polo seu irmán Pablo Diago (profesor do Conservatorio Superior de Vigo), obras de Mozart e do praticamente descoñecido compositor húngaro contemporáneo Kocsár Miklós.

O encargado de pechar o concerto na terceira parte é o pianista natural de Burela  e residente en Santiago de Compostela, Eloy Fernández Mateos. Alumno do Conservatorio Profesional desta cidade, interpretará un variado e fermoso programa con obras de tres mestres da composición para piano: unha sonata de Beethoven, un scherzo de Chopin e un preludio de Rachmaninov.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

Coetus - Orquestra de Percusión Ibérica con Eliseo Parra é un proxecto que comezou hai catro anos. A idea xurdiu de Aleix Tobias. Este percusionista catalán viaxou a distintos lugares do mundo na procura de novas linguaxes e técnicas de tambores. Ademáis, tocou con Eliseo Parra durante dez anos, e aprendeu con el as marabillas da música popular ibérica. Xuntando estas experiencias, decidiu reunir a doce percusionistas e crear unha orquestra de percusión.

En efecto, na Península Ibérica hai unha serie de instrumentos de percusión, en grande parte descoñecidos, que ao longo da historia serviron para acompañar bailes, cancións, romances ou procesións. Estes instrumentos, que ate o de agora foron tocados por separado e coa función de acompañamento, únense no experimento de Coetus, que os dota dunha linguaxe propia inspirada nos ritmos tradicionais, creando un diálogo activo entre eles e a voz. En 2009 saíu o primeiro disco do grupo, acompañado dun DVD documental sobre a gravación. Forma parte deste traballo a recoñecida cantora Sílvia Pérez Cruz, coa que Coetus segue a colaborar na actualidade. Coetus realizou xa máis de sesenta concertos en festivais de toda España, Francia, Bélxica, Italia e Brasil. O segundo álbum de Coetus, “Entre Tierras”, presentouse o pasado mes de febreiro no Auditori de Barcelona, inaugurando o Festival Internacional de Percusión. A presentación en Galicia foi dentro do Festival de Pardiñas (Guitiriz – Lugo) este pasado verán, cun grande éxito de público e crítica.

FICHA ARTÍSTICA

ELISEO PARRA, voz
JUDIT NEDDERMANN, voz
ANA ROSSI, voz
ALEIX TOBIAS, percusión e voz Coetus (TR 2009)
MARTÍ HOSTA, percusión e voz
DÍDAC RUIZ, percusión e voz
BERNAT TORRAS, percusión e voz
ANTONIO SÁNCHEZ, percusión
ANGELO MANHENZANE, percusión
ACARI BERTRAN, percusión
ALBERTO CARREÑO, percusión
ANNA TOBIAS, percusión
MARC VILA, percusión
FRAN LUCAS, percusión
MARIONA DEL CARMEN, percusión
GUILLEM AGUILAR, baixo
XAVI LOZANO, ventos Entre Tierras (TR 2012)
ANDREU HERNÁNDEZ, técnico de son

Georgina comeza en primavera a primeira parte da xira "RaRa Tour", na que achegará o son do seu exitoso último traballo, "RaRa", por toda a península.

Tras a nominación ao Grammy Latino por mellor videoclip por "Rara", ser declarada a mellor canción por iTunes en 2012, e estar apoiada por máis de 6 millóns de views na súa canle de youtube, Georgina decidiu "saír a buscar historias que nunca se lle perderon".

Algunhas das salas máis especiais de España serán testemuñas do directo de Georgina, ben en formato eléctrico, ben en formato semiacústico no que os asistentes sentirán moi de preto a enerxía renovadora de Georgina e as súas marabillosas cancións.

A Sede de SGAE/Fundación Autor en Santiago abre as súas portas de novo ao jazz galego. O músico e produtor Xacobe Martínez Antelo presentará en concerto dous dos seus proxectos artísticos: o seu Trío e, a continuación, o seu dúo con Marcos Pin. O dobre evento dará comezo ás 21:00 horas no recinto do parque de Vista Alegre, cun prezo de acceso de 5 €.

Xacobe Martínez Antelo é contrabaixista, compositor e produtor galego; líder e impulsor dos seus propios proxectos. O seu campo de actuación é do máis variado e ecléctico; na súa traxectoria liderou e coliderou diversas iniciativas galegas vinculadas coa súa visión particular da música e do Jazz. Neste caso, o xoves 14, presentará dous proxectos simultáneamente en concerto.

Xacobe Martínez Antelo Trío ofrece un repertorio de composicións orixinais, dando pé a un son único e radicalmente persoal no que teñen cabida o jazz máis ortodoxo, a música tradicional, o rock e a música contemporánea. Por outra parte, o XMA & Marcos Pin Dúo é o proxecto que emparella a Xacobe co guitarrista lugués Marcos Pin, un dos representantes máis sólidos e mellor formados do novo jazz galego.

O viola Lawrence Power chega a Santiago para actuar coa Real Filharmonía de Galicia nun concierto que dirixirá Christoph König. O programa inclúe obras de Bowen e Dvoràk.

REAL FILHARMONÍA DE GALICIA
Christoph König, director
Lawrence Power, viola

PROGRAMA
Y. Bowen: Concerto para viola, op. 25
A. Dvoràk: Sinfonía núm. 6 en Re maior, op. 60

Sr. Chinarro é un grupo de música formado en Sevilla arredor de 1990. O seu estilo, que comezou como unha réplica de calidade a grupos ingleses como The Cure, Echo and the Bunnymen ou New Order e americanos como Galaxie 500 ou Slint, foi mutando até converterse en algo perfectamente recoñecible e irremplazable.

A pesar de considerarse como un grupo, o peso de Sr. Chinarro recae enteiramente sobre Antonio Luque. Ao redor del gravitaron as múltiples reencarnacións deste proxecto, que ben podería considerarse persoal. De feito, é o único membro do grupo que permaneceu nel durante a totalidade dos máis de quince anos de existencia. O maior atractivo de Sr. Chinarro son sen dúbida as letras das cancións, compostas case na súa totalidade por Antonio Luque e en español, fóra dalgunhas nos primeiros discos. Nelas combínase o surrealismo e o costumismo. Metáforas absurdas, dobres sentidos, xogos de palabras e imaxes costumistas atópanse sen cesar en toda a produción lírica de Antonio Luque. Nas súas últimas producións a calidade poética chegou ao seu mellor nivel, e mesmo prepárase a súa primeira incursión no mundo editorial.

O seu último disco publicado “Menos Samba” seguro que será parte do clásico repertorio que nos ofreza en Santiago e que acompaña a este artista polos escenarios de toda España desde fai xa máis de 20 anos. Un repertorio que fai xa máis de 3 anos que non podemos gozar na capital de Galicia.

O pub Cachán Clube acolle esta noite a segunda cita musical do Subsolo Rap festival, no que participarán Furnier, Rebelióm do Inframundo, J.ODT e o DJ Mil.

Despois dos concertos, o festival continúa na Taberna O Pozo (Ruela das Ánimas) coa sesión do selector Sick Boy González.

O artista Javier Álvarez protagoniza no pub Sónar unha nova cita do ciclo de música de autor 'Santiautor'.

Artista invitado: Al Vila

O pub Sónar acolle entre febreiro e abril a cuarta edición do festival SantiAutor, unha cita que no 2013 presta especial atención aos temas feitos por autores galegos. Así, oito dos 12 participantes no programa son da comunidade. Despois do éxito obtido en anos anteriores, o festival aspira a consolidarse como un referente estable para a música de autor.

Freeky Dicky Records enfúndase as bermudas e a camisa hawaiana para presentar 'En ebulición', o novo Lp dos surfeadores de ritmos, os reis da escuma, os únicos e irrepetibles, Kings of Makaha.

Kings Of Makaha son unha Instro-banda asturiana formada no verán do 2007 por Juan Toraño - Guitarra, Coke Makaha - Batería e Alex - baixo. Comezan a súa andaina como trío incorporando no 2009 a Pedro (Mocking Birds, Kinki Machine, etc) ás teclas. No seu repertorio danlle tanto ao r&b, o surf e ao r'n'r como ao garage, o soul, o frat ou o twist.

Os seus impecables e potentes directos son unha festa e así o demostraron en multitude de eventos, tanto en Asturias coma no resto da Península (Big Rumble, Surforama, Funtastic Dracula, Freakland, etc.).

Como complemento a actividade musical, o VII Festival de Músicas Contemplativas organiza este ano a ruta dos Espazos para a reflexión, de maneira que un grupo de igrexas permanecerán abertas durante os días do Festival, permitindo que veciños e visitantes poidan trazar a súa propia ruta e descubrir o rico patrimonio que atesouran estes templos e as confrarías que nelas teñen as súas sedes.

** Santa María do Camiño
As orixes desta igrexa remóntanse ao século XV, mantendo esta estrutura ata o século XVI. A mediados do XVIII e nas primeiras décadas do XIX é cando sofre unha profunda transformación. O retablo maior foi trazado polo entallador Manuel de Leis en 1758, encargándose das esculturas Benito Silveira. Destaca no seu interior o tímpano coa escena da Epifanía, que procede do templo medieval.

22-31 marzo: 11 h-13:30h e 16 h-19 h

Sede da Confraría da Humildade. Procesión: Luns Santo, 21:30h.

Festival de Músicas Contemplativas. 22 de marzo, 19:30h. Jiri Bárta violoncello.

** Igrexa das Ánimas
Érguese segundo os planos do arquitecto Miguel Ferro, sobre un terreo irregular, sendo o mestre de obras Juan López Freire. Templo cunha nave única, articulada en capelas laterais que orixinan un sistema de comunicación perimetral entre elas, onde se representa un programa iconográfico sobre o Vía Crucis, realizado polo escultor Manuel de Prado e Mariño, entre 1803 e o 1814, que segue un discurso iconolóxico ideado polo seu irmán o arquitecto Melchor de Prado e modelado en estuco veneciano.

22-31 marzo: 11 h-13:30h e 16 h-19 h

Sede da Confraría da Esperanza. Procesión: Domingo de Ramos, 18h.

Festival de Músicas Contemplativas. 25 de marzo, 19:30h. Accademia del Piacere / 30 de marzo, 20h. Resonet

** Igrexa de San Bieito do Campo
De orixe medieval reconstruíuse a finais do XVIII seguindo os planos de Melchor de Prado Mariño con planta de salón, unha soa nave con bóveda de canón, presbiterio con cuberta de canón e cuarto de esfera e capela maior, abrindo nos muros laterais oito altares. Destes destaca o que abeira o tímpano gótico da Epifanía e o relevo da Visitación. A capela maior está decorada con cadros ao óleo e pinturas ao fresco do pintor academicista Plácido Fernández Arosa, recentemente restauradas.

22-31 marzo: 11 h-13:30h e 16 h-19 h

Festival de Músicas Contemplativas. 27 de marzo, 22h. Grupo de cámara da Real Filharmonía: Trío de cordas

** San Félix de Solovio
Esta igrexa está estreitamente unida ao descubrimento do corpo do Apóstolo Santiago, pois, segundo a tradición, aquí se encontraba orando o eremita Pelayo, cando enxergou as luminarias que lle indicaban o lugar onde se encontraba o sepulcro apostólico. Reedificada polo bispo Sisnando, foi destruída por Almanzor no 997 pero reconstruída polo bispo Pedro de Mezonzo e por Xelmírez no 1122 seguindo a tipoloxía típica dunha construción románica dunha nave e teitume de madeira. Nos séculos XVII e XVIII engadíronse unha serie de pequenas capelas alterando a súa configuración orixinal quedando coas tres naves actuais. No tímpano da súa portada consérvase un fermoso relevo da Epifanía, de 1316.

Sábados, 16h.

Festival de Músicas Contemplativas. 24 de marzo, 21:30h. Ars Atlántica.

** San Fructuoso
A construción da igrexa parroquial de San Fructuoso (ou Nosa Señora da Angustia de Abaixo) é obra de Lucas Ferro Caaveiro realizada entre 1754 e 1765. Érguese sobre o terreo que antes ocupaba a capela da Vera Cruz. O retablo maior constrúese cara a 1769 segundo as trazas de Luis Lorenzana, quen nos deixou nos capiteis das columnas a orde española, ideada por el. Os retablos colaterais do cruceiro contrátanse en 1783 a Francisco Lens.

22-31 marzo: 11 h-13:30h e 16 h-19 h

Festival de Músicas Contemplativas. 29 de marzo, 20h. Grupo de Cámara da Sinfónica de Galicia: Cuarteto Atlántico.

** Colexiata de Santa María de Sar
As orixes da súa fundación como mosteiro agostiño debense a Munio Alfonso, estreito colaborador do arcebispo Xelmírez, comezando as obras no século XII. A inclinación dos seus piares debido probablemente a un erro na construción e ao terreo pantanoso sobre o que se levanta, é un dos atractivos deste edificio románico; este feito resumiuno perfectamente o poeta Gerardo Diego cando escribiu: La colegiata del Sar / se tambalea de sueño. / Sueña que se va a acostar / y que el cielo es muy pequeño. No século XVIII refórzase a edificación cuns enormes e macizos arcobotantes, pois ameazaba con derrubarse. Do primitivo claustro románico tan só se conservan nove arcos no seu lado norte.

22-31 marzo: 11 h-13:30h e 16 h-19 h

Festival de Músicas Contemplativas. 27 de marzo, 20h. Eloqventia.

** Santo Domingo de Bonaval
Segundo a tradición, foi Santo Domingo de Guzmán quen fundou, a principios do século XIII, este convento. En 1230 xa se consagra a igrexa que se amplía a finais do mesmo século, renovándose por completo a súa cabeceira. Entre os séculos XVI e XVIII realízanse novas obras na igrexa, cámbianse as cubertas de madeira por outras de pedra, ábrense capelas, levántanse retablos e constrúese o coro alto. Domingo de Andrade traza as liñas do retablo maior, desmontado e trasladado á igrexa parroquial de Santiago, en Carril. Na nave do Evanxeo encóntrase o Panteón de Galegos Ilustres, cos sepulcros de Rosalía de Castro, Alfredo Brañas, Domingo Fontán, Francisco Asorey, Ramón Cabanillas e, moi preto, Castelao.

22-31 marzo: Martes a sábado: 10:30h-14 h e 16 h-19:30h. Domingos e festivos: 11 h-11h-14h. Luns pechado. (Entrada por Museo do Pobo Galego).

Sede da Confraría do Rosario. Procesión do Santo Enterro: Venres Santo, 20h.

Festival de Músicas Contemplativas: 26 de marzo, 20:30h. Zefiro Baroque Orchestra. / 28 de marzo, 21h. Divna Ljubojevic e Coro Mélodi.

** Santa María de Conxo
A primitiva igrexa relaciónase co arcebispo Xelmírez, quen a consagra en 1129; desta obra consérvanse restos do claustro. No XVII iníciase a reedificación do convento e acométense as obras do claustro, que rematan en 1651. En 1669 realízanse as obras da igrexa atribuída a varios autores como Fernández Lechuga, fray Gabriel de Casas, Melchor de Velasco ou Diego de Romay. En 1729 inícianse as obras da nova capela do Cristo que acolle a imaxe do crucificado, obra de Gregorio Fernández. Esta capela e retablos son obra de Simón Rodríguez.

22-31 marzo: 11 h-13:30h e 16 h-19 h

Sede da Confraría do Santo Cristo da Paciencia. Procesión: Martes Santo, 21h. (saída do Convento das Mercedarias).

Festival de Músicas Contemplativas. 24 de marzo, 19:30h. Real Filharmonía de Galicia. Maximino Zumalave director.

** San Francisco
A súa orixe relaciónase co santo de Asís cando peregrinou a Compostela cara o ano 1213-14. A igrexa actual levantouse sobre os terreos da precedente, da que apenas quedaron vestixios. Cara a 1730 a igrexa ameaza ruína, polo que en 1740 se decide unha nova construción máis ampla con planos de Simón Rodríguez, quen dirixe as obras ata a súa morte en 1752, concluíndose en 1787. Presenta unha planta de cruz latina, con amplos presbiterio e sancristía. As capelas abertas a ambos os dous lados, ao estar comunicadas entre si, dan a sensación de naves laterais.

22-31 marzo: 11 h-13:30h e 16 h-19 h

Sede da Confraría da Vera Cruz. Procesión da Última Cea: Xoves Santo, 19h. Procesión de Xesús Resucitado: Domingo de Pascua, 11 h

Orde Franciscana Segrar. Procesión da Entrada en Xerusalén: Domingo de Ramos, 11h.

Festival de Músicas Contemplativas. 23 de marzo, 21:30h. Los caminos de Serkeci.

** San Martiño Pinario
A igrexa foi trazada polo arquitecto portugués Mateo López a finais do século XVI. Esta magna obra e a do mosteiro foi continuada por un número considerable de mestres como Ginés Martínez, González de Araújo, Peña de Toro, Bartolomé Fernández Lechuga, Gabriel de Casas, Tomás Alonso ou Fernando de Casas. A Mateo López débeselle a formulación xeral da obra, o que o leva a configurar o esquema na súa totalidade. A inmensa nave central está cuberta con bóveda de canón con falsos casetóns. Tamén hai que resaltar os magníficos retablos que posúe e o cadeirado do coro baixo. O retablo do altar maior (1730) e os dous do cruceiro son deseño de Fernando de Casas executándoos o entallador Miguel de Romay.
22-31 marzo: 11 h-13:30h e 16 h-18:30h (Entrada: 2,50 euros)

Festival de Músicas Contemplativas. 23 de marzo, 19:30h. Coro Novo e Nenos Cantores da Sinfónica de Galicia.

** Santa María Salomé
Fundada cara a 1140 con nave única e teito de madeira, da fábrica medieval apenas quedan restos, pois foi reformada no barroco ao engadírselle unha serie de capelas. Na portada destacan as imaxes dunha Anunciación, con María á esquerda e o anxo á dereita e sobre a clave a Virxe do Leite. O interior é de planta cadrada con cúpula de media laranxa sobre pendentes. En 1743 levántase o campanario que segue as trazas do da igrexa de San Félix. O pórtico de entrada é do século XVI.

Horario de culto

Sede da Confraría da Virxe da Soidade. Procesión da Virxe da Soidade: Venres Santo, 23h.

** San Miguel dos Agros
A data da fundación desta igrexa descoñécese. Sábese que en época de Diego Xelmírez (1122) se reconstrúe. O interior é de tres naves con cuberta de bóveda de aresta na central; as capelas da Dolorosa e o Nazareno cóbrense con bóveda de canón e a Da nosa Señora e san Xerónimo péchase con bóveda de crucería estrelada. O retablo maior é obra de 1786. A fachada da igrexa segue os canons das igrexas neoclásicas.

22-31 marzo: 11 h-13:30h e 16 h-19 h

Sede da Confraría Do noso Pai Xesús Nazareno e a Santa Virxe das Dores. Procesión da Virxe das Dores: Venres 22 de marzo, 21h. Procesión do Encontro: Venres Santo, 11 h (dende a praza da Quintana).

** San Agostiño
Levántase sobre o terreo que ocupaba a igrexa de Nosa Señora da Cerca. Na súa construción participan Francisco González Araújo, Bartolomé Fernández Lechuga e os Jácome Fernández, pai e fillo. Lévase a cabo a construción -segundo trazas de Lechuga- no primeiro terzo do século XVII. O interior é de planta de cruz latina inscrita nun rectángulo dunha soa nave, con capelas laterais, cruceiro e cúpula que realiza Jácome Fernández fillo. Do conxunto escultórico da igrexa hai que sinalar o gran talle procesional de Xesús Flaxelado, vinculada á forma de traballar de Diego de Sande e peza fundamental nas procesións da Semana Santa compostelá.

22-31 marzo: 9 h-12:45h e 18:15h-19:45h

Sede da Confraría de Noso Pai Xesús Flaxelado. Procesión de Xesús Flaxelado: Xoves Santo, 23:30h.

** Igrexa do Convento de Santa Clara
A orixe do convento de Santa Clara remóntase á segunda metade do século XIII, atribuíndose a súa fundación á raíña dona Violante de Castilla, esposa de Alfonso X o Sabio. Do primitivo edificio apenas quedan restos, xa que foi moi modificado entre os séculos XVII e XVIII. Os seus principais arquitectos foron Domingo de Andrade, fray Gabriel de Casas, Pedro de Arén e, sobre todo, Simón Rodríguez. O retablo maior foi labrado por Bugarín a principios do século XVIII, seguindo trazas de Andrade. A fachada principal -de gran plasticidade urbana-, trazada por Simón Rodríguez, destaca pola súa orixinalidade, xa que non nos leva ao interior da igrexa, senón que dá paso a un patio onde si se encontra a entrada á igrexa propiamente dita.

22-31 marzo: 11 h-13:30h e 16 h-19 h

** San Roque
A orixe desta pequena capela está na promesa feita polo Cabido e o Concello en 1520 como acción de grazas a San Roque por librar da peste á cidade. A igrexa remátase en 1576 e un ano máis tarde o arcebispo Francisco Blanco funda o hospital, para "curar e procurar remedio aos pobres enfermos das bubas e outros males... ". No interior da pequena igrexa podemos ver un gran retablo de Simón Rodríguez, quen entrega as trazas en 1742 executándoo Romay. Este fermoso retablo está formado por unha parte central de tres corpos e dous laterais, recorda o retablo da igrexa da Compañía. Os dous corpos laterais avanzan cara ao espectador como querendo facernos partícipes da súa imaxinaría.

22-31 marzo: 11 h-13:30h e 16 h-19 h

** Igrexa do Convento do Carmen
O convento fundado pola nai María Antonia de Jesús, coñecida como "A monxiña do Penedo", a mediados do século XVIII e foi o primeiro que esta orde tivo en Galicia. Érguese sobre os terreos que pertenceron ao conde de Priegue. O proxecto para a obra débese a Fray José de los Santos. O 23 de outubro de 1758 as Nais Carmelitas trasládanse dende a súa casa en San Roque a este novo edificio. O interior da igrexa, de arquitectura sinxela -que comunga con consignas desta orde como a austeridade e sobriedade- é de planta de cruz latina. Non obstante esta sinxeleza construtiva non resta monumentalidade ao conxunto, acrecentada pola bóveda de canón reforzada por arcos faixones e a cúpula cega de media laranxa no cruceiro. O retablo maior contrátase en 1800 e segue un deseño neoclásico no que se imita, por medio da policromía, mármores xaspeados e bronces nos capiteis das catro columnas de orde composta.

22-31 marzo: 11 h-13:30h

** Igrexa das Orfas
As trazas encárganselle ao arquitecto Melchor de Velasco cara a 1664, quen deseña un interior dunha soa nave, capela maior rectangular e cabeceira recta cunha sancristía a cada lado. A sobriedade é a nota principal do seu interior arquitectónico, alterada pola traza do seu retablo actual, obra que Francisco de Lens contrata en 1756 e no que traballará José Gambino, realizando as imaxes de san José, san Francisco e a do Apóstolo Santiago. No lado da epístola, no muro do cruceiro encontramos o monumento fúnebre do cardeal Martín de Ferreira obra do escultor Francisco Asorey.

22-31 marzo: 9 h-13:30h e 17:30h-19 h

Sede da Irmandade do Stmo Cristo da Misericordia. Procesión dos Estudantes: Mércores Santo, 23h.

** Capela de Nosa Señora do Portal - Convento de Belvís
Foron os dominicanos de Bonaval os que suscitaron a súa fundación en 1306, como o primeiro convento feminino da súa orde en Galicia. O edificio sofre ampliacións durante o século XVII, como a capela da Virxe do Portal, dunha soa nave e cúpula sobre o camarín da Virxe. A capela levantouse grazas ás esmolas dos fieis, pola crenza nas propiedades curativas dunha fonte que alí se localiza.

22-31 marzo: 11 h-13:30h e 16 h-19 h

** San Paio de Antealtares
A construción da igrexa iniciouse en 1700 no terreo que ocupaba a anterior que foi derrubada. A obra encárgaselle ao arquitecto bieito fray Gabriel de Casas proseguíndoas Pedro García que a conclúe en 1707, seguindo as trazas de Casas. A planta é de cruz grega con dous brazos curtos no cruceiro; aos pés, o brazo é máis alongado para acoller o coro. Entre 1708 e 1714 procédese a executar os retablos da igrexa. Érguense primeiro os retablos colaterais e o maior en último lugar. Hai que destacar que tanto o retablo relicario -trazado por Andrade- como o púlpito -obra de Diego de Romay- pertencían ao mobiliario da antiga igrexa.

22-31 marzo: 11 h-13:30h e 16 h-19 h

** Igrexa da Universidade
A igrexa da Compañía (Xesuítas) ou da Universidade levántase a mediados do século XVII sobre o terreo que antes ocupaba a medieval de Santa María a Nova. Ten planta de cruz latina inscrita nun rectángulo, con tribuna sobre as capelas laterais, nave abovedada, cúpula gallonada e lanterna rematando o cruceiro. A importancia desta igrexa reside no seu interior, nos retablos que adornan o altar maior, o cruceiro e as naves laterais. O do altar maior foi contratado en 1727 con Miguel de Romay, Ignacio Romero e Diego de Sande e segue as trazas que deseñou Simón Rodríguez.

Festival de Músicas Contemplativas: 22 de marzo, 22h. Jiri Bárta violoncello / 25 de marzo, 21:30h. Grupo instrumental Século XX / 29 de marzo, 22h. Il Concordu d'Orosei / 30 de marzo, 22h. Neopercusión

Grupos de cámara da Escola de Altos Estudos Musicais protagonizan o concerto de presentación da sétima edición do Festival de Músicas Contemplativas, que se desenvolverá en Compostela entre o 21 e o 31 de marzo.

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

Un ano máis, as igrexas da cidade histórica de Santiago de Compostela acollen unha nova edición do Festival de Músicas Contemplativas. Unha iniciativa cultural que une os conceptos de cultura e patrimonio, a través da música. Unha serie de concertos, representativos de diversas sensibilidades culturais e espirituais, que xiran en torno á idea de franquear camiños e abrir diálogos entre pobos e culturas.

O Festival de Músicas Contemplativas celébrase no ámbito da Semana Santa de Compostela. Está organizado polo Concello e polo Consorcio de Santiago, e conta co apoio do Ministerio de Cultura.

En total serán 18 concertos entre o 21 e o 31 de marzo, en diferentes igrexas e no Auditorio de Galicia, aos que se lle suma un concerto de presentación, a cargo dos alumnos da Escola de Altos Estudos Musicais, o 15 de marzo.

PROGRAMA

** 15 de marzo
- 20:30 h. Hostal dos Reis Católicos
Concerto de presentación
Grupos de cámara da Escola de Altos Estudos Musicais

** 21 de marzo
- 21:00 h. Auditorio de Galicia
Inauguración 'Réquiem segundo Mozart'
Real Filharmonía de Galicia
The Sixteen Coro
HARRY CHRISTOPHERR, director
JULIE COOPER, soprano
SIAN MENNA, contralto
MARK DOBELL, tenor
EAMONN DOGAN, baixo 
Obras de Mozart, MacMillan e Haydn

** 22 de marzo
- 19:30 h. Santa María do Camiño
'Cantus Rogans, música contemporánea checa para violoncello'
JIŘÍ BÁRTA, violoncello
Obras de Zemek, Graham, Kopelent
 
- 22:00 h. Igrexa da Universidade
'Jazz Bach'
JIŘÍ BÁRTA, violoncello
MILAN SVOBODA, piano
Obras de Bach e Svoboda

** 23 de marzo
- 19:30 h. San Martiño Pinario
'Suite litúrxica: momentos corais'
CORO NOVO DA SINFÓNICA DE GALICIA
NENOS CANTORES DA SINFÓNICA DE GALICIA
Obras de McGlynn, Alcaraz, Alfonso X, Butler, Sarasola, Artés

- 21:30 h. Igrexa de San Francisco
'Ussak Sarki cancións e músicas tradicionais dos xudeos españois exilados en Turquía'
LOS CAMINOS DE SERKECI

** 24 de marzo
- 19:30 h. Santa María de Conxo
'As sete últimas palabras de Cristo na Cruz'
REAL FILHARMONÍA DE GALICIA
MAXIMINO ZUMALAVE, director
Obras de Vivaldi e Haydn

- 21:30 h. Santa María do Camiño
'A palabra oculta. Poemas, textos e música de monxas de clausura (España/América, s. XVI-XVII)'
ARS ATLÁNTICA
MÓNICA DE NUT, voz
MANUEL VILAS, arpa de dúas ordes

** 25 de marzo
- 19:30 h. Igrexa das Ánimas
'Ecco l’alba luminosa, luce serena. Música espiritual en Roma e Nápoles'
ACCADEMIA DEL PIACERE
FAHMI ALQHAI, director

- 21:30 h. Igrexa da Universidade
'Chamber Symphony, os mestres das vangardas'
GRUPO DE CÁMARA DA SINFÓNICA DE GALICIA
GRUPO INSTRUMENTAL SIGLO XX
FLORIAN VLASHI, director
Obras de Adams, Ligeti e Schoenberg

** 26 de marzo
- 20:30 h. San Domingos de Bonaval
'Lamento e Paixón'
ZEFIRO BAROQUE ORCHESTRA
ALFREDO BERNARDINI, director
FULVIO BETTINI, baixo
Obras de Zelenka, Zellbell, Vivaldi, Pez, Platti, Marcello, Bach

** 27 de marzo
- 20:00 h. Colexiata Santa María a Real de Sar
'Peregrinatio: cánticos e miragres no Camiño'
ELOQVENTIA

- 22:00 h. San Bieito
'As variacións Goldberg'
FORMACIÓNS DE CÁMARA DA REAL FILHARMONÍA DE GALICIA
ELINA VIKSNE, violin
TIMUR SADYKOV, viola
BARBARA SWITALSKA, violoncello

** 28 de marzo
- 21:00 h. San Domingos de Bonaval
'Cristo resucitou entre os mortos: Canto bizantino'
DIVNA LJUBOJEVIC
MÉLODI, coro

** 29 de marzo
- 20:00 h. San Frutuoso
'A morte e a doncela'
GRUPO DE CÁMARA DA SINFÓNICA DE GALICIA
CUARTETO ATLÁNTICO
DOMINICA MALEC, violín
BEN SMITH, violin
ANDREI KEVORKOV, viola
SCOTT HARDY, violoncello
Obras de Mozart e Schubert

- 22:00 h. Igrexa da Universidade
'Voces profanas e cantos sacros de Cerdeña'
IL CUNCORDU D’OROSEI

** 30 de marzo
- 20:00 h. Igrexa das Ánimas
'Códex Calixtinus. A música no Libro de Santiago, s. XII'
RESONET
FERNANDO REYES, director
MERCEDES HERNÁNDEZ, soprano
DAVID SAGASTUME, contratenor
TOMÁS MAXÉ, tenor
JOSÉ ENRIQUE PEDROSA, baixo

- 22:00 h. Igrexa da Universidade
'Voices: órgano e percusión'
NEOPERCUSIÓN
ANNA FERNÁNDEZ, órgano
Obras de Mertens, Pärt, Glass

** 31 de marzo
- 20:00 h. Auditorio de Galicia
'Ritos fúnebres e resurrección'
ORQUESTRA NOVA DA SINFÓNICA DE GALICIA
ORQUESTRA DE NENOS DA SINFÓNICA DE GALICIA
DIEGO GARCÍA RODRÍGUEZ, director
MARÍA VICTORIA PEDRERO, violoncello
Obras de Vivaldi, Chaikovski e Mahler

Def Con Dos son un respectado referente internacional no ámbito da música independente, grazas ao atípico equilibrio que souberon manter entre éxito maioritario e independencia creativa. Estarán en Santiago para presentar o seu novo disco.

Está considerado como un dos guitarristas mais rápidos do mundo e deu mostras do seu virtuosismo non só en MR BIG ou RACER X, as súas dúas bandas principais, senón tamén nos seus traballos en solitario. En 2012 unha revista inglesa de guitarra elixiuno como mellor só do ano pola súa canción "Atmosphere on the moon" do seu novo disco. Presenta nesta xira este último traballo, "VIBRATO" editado hai uns meses.

A sede da SGAE Fundación Autor acolle esta noite a festa do segundo aniversario de Desconcierto Cultural, responsable de eventos musicais como a Romaría Pop, o ciclo terraZeando e o recente Samain Rock. Igual que no primeiro aniversario da asociación, escusa daquela para a visita de Lisabö, a celebración é unha oportunidade inmellorable para homenaxear a socios e público coa visita de bandas estatais de referencia. Nesta ocasión, McEnroe, The Soul Jacket e Carrero Bianco actuarán na festa de aniversario en Santiago de Compostela, que vai contar con concertos de presentación a semana anterior en Vigo e Ourense a cargo de Elle Belga.

Os protagonistas da festa serán McEnroe, grupo de Getxo cunha proposta a medio camiño entre o shoegaze e o folk-pop máis pausado. A banda, difícil de ver nos escenarios galegos, virá presentar o seu último disco, Las Orillas. Se ben neste novo traballo fan gala dunha maior luminosidade ca nos anteriores, a melancolía, transmitida a través das coidadísimas letras e da persoal voz de Ricardo, segue a ser o sinal de identidade da banda. Os primeiros Mojave 3, Red House Painters e un universo poboado de chuvia, mar e amores frustrados marcan as coordenadas estilísticas da proposta.

No concerto, que se enmarca dentro do Ciclo Compostela Rock e que comezará ás 21.00 na Sede SGAE-Fundación Autor, os vascos terán o seu contrapunto perfecto en The Soul Jacket. A banda galega situouse, coa publicación do seu sorprendente primeiro álbum Wood Mama, nun posto privilexiado na escena underground nacional con máis querenza polos sons americanos. Dotados dun directo abraiante, The Soul Jacket esgotaron a primeira edición do seu debut, que foi escollido como segundo mellor álbum nacional na lista anual de Ruta66.

O consagrado contrabaixista Ron Carter chega esta noite ao Teatro Principal para ofrecer un concerto imprescindible para os amantes da música jazz acompañado por Donald Vega ao piano e Rusell Malone á guitarra.

RON CARTER TRÍO
Ron Carter - Contrabaixo
Donald Vega - Piano
Rusell Malone - Guitarra

Revisa a túa discoteca: atoparás poucos discos dos que marcaron o rumbo do jazz nos que non figure Ron Carter ao contrabaixo. Xa son máis de dous mil nos que participou e moitísimos deles cóntanse entre os imprescindibles. Todo un xenio como Eric Dolphy foi o líder da primeira gravación na que participou o contrabaixista de Michigan... e o resto dos nomes cos que tocou son, sen discusión, a encarnación da Historia do Jazz: Miles Davis, Thelonious Monk, Art Blakey, Coleman Hawkins, Joe Henderson, Bill Evans, Dexter Gordon, Freddie Hubbard, Herbie Hancock, Wes Montgomery, Jobim, Andrew Hill, Mc Coy Tyner, Jim Hall, Paul Desmond... Non existe un currículo máis selecto que o seu, pero non imos atafegarche cunha biografía que poderás ler en Ron Carter: finding the right notes. O seu título, por certo, non pode ser máis apropiado porque, como poderás comprobar en directo, Carter non fixo outra cousa en toda a súa longa traxectoria que tocar as notas correctas, as que todo músico busca, as que serviron de ancoraxe a moitísimos capítulos inesquecibles da singradura do jazz. O máis sorprendente é que nada desa máxica perfección se perdeu polo camiño. Carter, por fortuna, segue sendo Carter, e todos sabemos que non pode afirmarse o mesmo doutros músicos da súa idade.

O ciclo Jazz 1906 volve ofrecer aos afeccionados ao jazz intérpretes de incontestable calidade e que percorren as diferentes correntes do jazz actual. No 2012 tivemos, enmarcado no Jazz in Blue dentro deste Jazz 1906, un elenco de artistas de primeiro nivel relacionados con Blue Note Records. O selo de jazz máis prestixioso brindou a oportunidade de escoitar e ver a figuras da categoría do trompetista francés Erik Truffaz, do saxofonista estadounidense Joe Lovano e do trío The Bad Plus.

Comezan as jam de jazz nas Crechas, que se inauguran con Valentín Caamaño (guitarra), Paulo Silva (baiano-compostelano) e Alberte Rodríguez.

Os tres intérpretes forman parte de outras formacións, como Kana Kaiana, de música brasileira.

Chega ao seu remate a edición número quince do Ciclo de Novos Intérpretes da Asociación Galega da Lírica cun concerto, o undécimo, que terá lugar no Paraninfo da Universidade compostelá. E trátase dun concerto especial que inclúe a una pianista e un violoncellista composteláns e un trío de violín, violoncello e piano de prometedores novos valores.

Nada hai apenas 16 anos na Coruña, pero formada en Santiago de Compostela dende hai máis de dez anos, a pianista Erica Rodríguez Quiroga será a protagonista da primeira parte deste concerto de clausura. Esta nova pianista alumna de Lourdes Sánchez Décima no Conservatorio Histórico de Santiago seleccionou a interesante Suite Bergamasque do compositor impresionista francés Claude Debussy, unha peza para piano que entre os seus movementos inclúe o fermoso e coñecido Claro de lúa.

Na segunda parte do concerto será a vez doutro novo valor compostelá, o cellista de 17 anos de idade Iago Domínguez Eiras, que nesta ocasión interpretará unha obra esixente como son as Variacións Rococó do compositor ruso Pyotr Ilyich Tchaikovski. Iago Domínguez é membro da Orquestra Nova da Sinfónica de Galicia e alumna de Barbara Switalska, violoncellista da compostelá Real Filharmonia de Galicia.

Terceira parte: E unha agrupación de cámara, neste caso un trío de violín, violoncello e piano pechará este concerto e clausurará o ciclo. Se trata de 3 novos músicos que actualmente coinciden perfeccionando a súa formación en Holanda, no Conservatorio de Utrecht: con 25 anos de idade e natural de Xove, a violinista Rebeca Maseda é a veterana deste Trío Kassia que forman ademáis a violoncellista andorrana Carolina Bartumeu e a prometedora pianista compostelá Rosalía Gómez Lasheras. A súa proposta de programa inclúe tres tríos que van dende o clasicismo de Mozart, pasando polo Romanticismo de Schumann e o persoal estilo do ruso Dmtri Shostakovich.

Remata cunha notable acollida de público e unha satisfactoria resposta dos novos valores á edición número quince do Ciclo de Novos Intérpretes da Asociación Galega da Lírica, un certame dedicado a novos intérpretes máis antigo en activo en Galicia. Este certame que a Asociación Galega da Lírica organiza en colaboración coa Universidade de Santiago, constou de once concertos que se celebraron entre os meses de xaneiro e marzo. Case cincuenta novos músicos galegos e residentes en Galicia interviron nestes concertos nos que a entrada, como sempre, foi libre. Novos músicos de toda Galicia interviron nun ciclo no que a música de cámara foi a protagonista e na que se puideron escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada é gratuíta. Doce anos de historia e máis de catrocentos participantes avalan sen dúbida xa unha sólida traxectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

O ciclo 'Novas Orquestras' continúa esta noite no Auditorio de Galicia ofrecendo un concerto a cargo da Orquestra Sinfónica do Conservatorio Superior de Música de Vigo, que estará dirixida por Franper Rodríguez e acompañada polo percusionista Vicent Grau. O programa inclúe a estrea de obras de Rui Penha, Joao Pedro Oliveira e Mateo Mena Calavia.


PROGRAMA

Orquestra Sinfónica do CSM de Vigo
FRANPER RODRÍGUEZ  director
VICENT GRAU  percusión

Rui Penha (n. 1981)
Ex nihilo (2013) *
para vibráfono, midi e electrónica
Vicent Grau percusión

João Pedro Oliveira (n. 1959)
Cassiopeia (2008) **
para percusión, orquestra e electrónica
Vicent Grau percusión

Mateo Mena Calavia
Micelio, internet de las setas ***
para orquestra, piano, guitarrra, electónica e percusión
I  ¡Nos mudamos!
Ib  Nuevas momias, nuevas putas momias
Ic  El futuro ahora... ¡no!... ahora... no...
II  Encantado, Sr. Quark
IIb  Durmiendo con los peces, ¿ves?
IIc  Flor javanesa I
IId  Bastante mejor que el Pleistoceno
IIe  Flor javanesa II
III  Fractales de leche
IV  Mr. Universo 1973
IVb  Recuerdo cuando pasó el Hyakutake y fue la hostia
IVc  Micelio, internet de las setas
V  Cluster Candy
Vb  ¡SEGUID, SEGUID AVANZANDO!

* estrea da versión para un percusionista
** estrea da partitura revisada
*** estrea absoluta

A Orquestra Sinfónica do CSM de Vigo está formada polo alumnado das diferentes especialidades instrumentais de Ensinanzas Artísticas Superiores e do programa Erasmus. Cada curso a Orquestra Sinfónica do CSM de Vigo programa concertos tanto non propio Auditorio do centro (Auditorio Martín Códax) como fóra (Auditorio do CSM da Coruña, Auditorio Municipal de Ourense, Auditorio Municipal de Vigo) coa pretensión de amosar o traballo da comunidade escolar. O presente proxecto aposta por un programa con tres estreas absolutas, dúas obras de recoñecidos compositores portugueses (Rui Penha e João Pedro Oliveira) e unha obra dun alumno de composición do CSM de Vigo (Mateo Mena) que xa rematou as ensinanzas de composición e que este ano prepara o seu traballo fin de carreira. As tres diferentes propostas reflicten unha combinación electrónica e acústica entre os instrumentos tradicionais da orquestra xunto a instrumentos electrónicos como a guitarra eléctrica fusionando todo o conxunto coa electrónica.

A Casa das Crechas acolle esta noite a Festa do X Aniversario da web de actualidade e axenda Musical Ábrete de Orellas, un evento que inclúe o concerto do portugués Luís Peixoto e do ferrolán Fernando Barroso que presentan en sociedade o seu último disco, ‘Pop’.

Barroso (Riobó, Coanhadeira, Os Cempés) e Peixoto (Anxo Lorenzo, Galandum Galundaina, Dazkarieh) son dous músicos novos pero experimentados que xa traballaron xuntos no trío Assembly Point. Agora presentan "POP", un novidoso proxecto que se afasta do estrictamente tradicional para afondar na música instrumental de diferentes estilos. Gravado, arranxado e producido por eles mesmos, POP, segundo os dous, é o resultado "de desprendernos dos nosos referentes”.

O portugués Luis Peixoto (Coímbra) e o galego Fernando Barroso (Ferrol) volven traballar xuntos na creación deste proxecto, que veu a luz grazas á colaboración de micromecenas que o  financiaron a través da plataforma de ‘crowdfunding’ Verkami.
Peixoto e Barroso, recentes gañadores dun Premio Opinión co disco homónimo da banda, Assembly Point (2011), xunto ao irlandés Eoghan Neff, conforman tamén unha parte importante do panorama folk actual, con agrupacións como Os Cempés, Anxo Lorenzo Band, Riobó e Sebastião Antunes & Quadrilha.

Logo do concerto haberá pinchada orelluda a cargo do responsable de Ábrete de Orellas, Pepe Cunha, e sorteo de discos de música galega, xentileza do selo DoFol e o Colectivo Galeoke.

Esta noite, o café El Puente organiza unha nova velada musical, nesta ocasión coa formación de Narci Rodíguez (voz), que estará acompañado por Rafa Fernández (guitarra), Alex Salgueiro (órgano) e Ton Risco (batería).

A entrada é de balde!

En 2009 crúzanse os camiños destas catro mulleres, multiinstrumentistas, de ampla traxectoria no mundo da música tradicional. Habelas Hainas exploran outros eidos artísticos, como a teatralidade e as artes plásticas e visuais, facendo de cada espectáculo algo diferente e senlleiro. Crean os seus propios temas e experimentan coa tradición, ademais de indagar e aproveitar os diferentes recursos dos instrumentos tradicionais. O resultado é un son enérxico, fresco e orixinal.

Despois de oito anos de andar con paso firme polo fío da navalla, os NAO irrompen de novo sacudindo a escena. Neste 2013 agasállannos coa nova poesía galega: CANCIÓNS DE AMOR E LIBERDADE. Un disco chamado a facer historia no rock do país. Presentarán este novo traballo e as cancións máis representativas dos discos de sempre... Somos NAO e se estades a ler isto: sodes a resistencia.

O Auditorio de Galicia acolle esta noite a inauguración do VII Festival de Músicas Contemplativas coa actuación dun dos coros máis recoñecidos a nivel mundial, The Sixteen, co seu director Harry Christophers, acompañado pola Real Filharmonía de Galicia.

21 de marzo, 21:00 h.
Auditorio de Galicia

Inauguración 'Réquiem segundo Mozart'

Real Filharmonía de Galicia
The Sixteen Coro
HARRY CHRISTOPHERS, director
JULIE COOPER, soprano
SIAN MENNA, contralto
MARK DOBELL, tenor
EAMONN DOGAN, baixo

Obras de Mozart, MacMillan e Haydn

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

O coro The Sixteen acompaña esta noite á Real Filharmonía de Galicia nun concerto dirixido por Harry Christophers. O programa inclúe a Misa de Stravinsky e o Requiem 626 de Mozart.

REAL FILHARMONÍA DE GALICIA
Harry Christophers, director
The Sixteen (Coro)

PROGRAMA
I. Stravinsky: Misa
W. A. Mozart: Requiem, KV 626

O holandés Rick Treffers sempre quixo vivir en España. Por iso os seus tres LPs e dous EPs como líder do grupo Mist editáronse aquí, con aditivas melodías pops e un son que se recrea na melancolía máis fermosa, veciña ao "dream pop".

Nas súas xiras pola península Rick pasa tempadas en Galicia, e foi o principal reclamo do primeiro Live in the Living galego, festival en domicilios particulares creado polo propio Rick, e que contou con varias edicións en Alemaña, Holanda e España.
Dende hai un ano, Rick conseguiu cumprir o seu soño e estableceuse definitivamente en España. Acaba de editar un disco baixo o nome Del turista Optimista, no que intenta descifrar a realidade española dende os ollos dun foráneo, con moito sentido do humor e unha sa ironía.

A súa máis recente e orixinal idea foi percorrer a cidade de Valencia durante un día en bicicleta acompañado da súa guitarra, parando en bares, museos, mercados, tendas, hoteis, centros culturais e restaurantes, tocando en todos eles. A súa actuación en Santiago será o preludio dun novo proxecto no que se embarcou: facer o Camiño de Santiago en Semana Santa, tamén coa súa guitarra e cantando en todas as localidades polas que pase.

Autorretratos é un ciclo de concertos organizado pola Asociación Desconcierto Cultural. Os concertos supoñen unha mirada retrospectiva na carreira dos artistas que compoñen o ciclo, que cun formato acústico farán máis próximas se cabe unhas cancións que marcaron a vida de moitos de nós.

+info: autorretratos.es

É a música de Luar na Lubre, suxestiva, variada, que permite o baile e a fantasía. Son cancións vitais, con alma, ben elaboradas e con vocación de permanencia. De gran alcance colectivo e que voan por encima das fronteiras.

Luar na Lubre está formado por Bieito Romero (gaitas, acordeón, zanfoña), Paula Rey (voz), Xulio Varela (bouzouki, voz, percusión), Eduardo Coma (violín), Paxti Bermúdez (bodhran, tambor, djimbek), Pedro Valero (guitarra acústica), Xavier Ferreiro (percusión latina, efectos) e Xan Cerqueiro (frautas). Ao longo deste cuarto de século de vida, pola banda pasaron voces como as de Ana Espinosa, Rosa Cedrón e Sara Louraço Vidal, até chegar á actual de Paula Rey. Todas, xunto ao elevado e preciosista carácter instrumental de Luar na Lubre, marcaron a música dun grupo único e referencial polo seu tratamento das músicas tradicionais de raíz fundamentalmente galega.

Luar na Lubre fundouse en 1986 na Coruña coa vocación de desenvolver e dar a coñecer a música e a cultura galegas. Cun repertorio baseado fundamentalmente en músicas de raíces galegas, Luar na Lubre é actualmente a banda máis internacional de Galicia e actuou desde Palestina a Canadá, desde Alemaña a Arxentina. En 1996, Mike Oldfield incluíu no seu álbum Voyager unha versión da canción O son do ar, que daba título ao primeiro disco da banda coruñesa, publicado en 1988. Tras este debut, Luar na Lubre lanzou álbums como Beira atlántica (1990), Plenilunio (1997), Cabo do mundo (1999), XV aniversario (2001), Espiral (2002), Hai un paraíso (2004), Saudade (2005), Camiños dá fin dá terra (2007), Ao vivo (2009), Solsticio (2010) e Mar maior (2012).

Ao longo da súa carreira, Luar na Lubre vendeu máis de 300.000 exemplares dos seus álbums (Plenilunio e Cabo do mundo foron discos de ouro) e recibiu nove Premios da Música (concedidos pola Academia das Artes e as Ciencias da Música), dous Premios Luar (outorgados polo programa Luar de TVG) e un Premio Ideal (concedido polo Ideal Galego), entre outros recoñecementos. Nos seus máis de 25 anos de traxectoria, Luar na Lubre deu máis de mil concertos en máis de 23 países, participando nos principais festivais de World Music xunto a artistas como Mike Oldfield, The Waterboys, The Corrs ou Bob Geldof. É unha xira permanente que continúa nos próximos meses.

A sala Moon acolle esta noite unha dobre cita musical co rap de Alto Asalto e o rock de Recambios Tucho.

Fran Pérez (NARF) é un compositor e cantor de longo percorrido ligado ao entorno do mundo lusófono. Presentou a súa música en multitude de festivais internacionais. Actualmente retornado da súa estadía en Mozambique trae a maleta chea de novas experiencias: encontros artísticos, contacto coa cultura e os costumes tradicionais, festivais, concertos e novas cancións creadas man a man con músicos daquelas terras austrais. Todas e cada unha das cancións que compoñen este repertorio teñen unha historia detrás relacionada coa viaxe, co encontro e coa “Lingua Viaxeira”, incansable e curiosa. E todas, tamén, responden  á forte identidade dun artista aventureiro pero cun estilo propio  xa consolidado e moi persoal.

A Igrexa da Universidade será escenario esta noite dun novo concerto do VII Festival de Músicas Contemplativas. Nesta ocasión, o violoncelista checo Jiří Bárta, recoñecido a nivel mundial, actuará acompañado polo violinista Milan Svoboda cun programa que inclúe obras de Bach e Svoboda.

22 de marzo, 22:00 h.
Igrexa da Universidade

'Jazz Bach'
JIRÍ BÁRTA, violoncello
MILAN SVOBODA, piano

Obras de Bach e Svoboda

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

O prestixioso violoncelista checo Jií Bárta, que conta cunha longa traxectoria concertística por numerosos escenarios de todo o mundo, actúa esta tarde na igrexa de Santa María do Camiño dentro do VII Festival de Músicas Contemplativas.

22 de marzo, 19:30 h.
Santa María do Camiño

'Cantus Rogans, música contemporánea checa para violoncello'
JIRÍ BÁRTA, violoncello
Obras de Zemek, Graham, Kopelent

Bárta estudou violoncelo en Praga, Colonia e Los Ángeles. Grazas ao seu talento e laboriosidade fíxose acredor de varios premios nacionais e internacionais e tivo a posibilidade de actuar con destacados conxuntos musicais, como a Orquestra Filharmónica de Berlín. Entre os compositores nacionais predilectos de Bárta ocupa un importante lugar Antonín Dvořák.

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

A sala Capitol acolle esta noite un concerto de Quique González dentro da xira de presentación do seu novo traballo discográfico, 'Delantera mítica'.

Quique González volveu viaxar ata o berce da música de raíces americanas, Nashville, para rexistrar un novo traballo. Para os concertos de presentación da súa nova obra (de título futbolístico: 'Delantera mítica') Quique González decidiu deixar a un lado a súa faceta de cantautor máis intimista e mostrar a súa versión máis roqueira cunha banda ao completo avalando a súa novas composicións.

Guadi Galego e Guille Fernández (Espido) interpretan dentro do ciclo 'SantiAutor' as súas vellas e novas creacións.

O pub Sónar acolle entre febreiro e abril a cuarta edición do festival SantiAutor, unha cita que no 2013 presta especial atención aos temas feitos por autores galegos. Así, oito dos 12 participantes no programa son da comunidade. Despois do éxito obtido en anos anteriores, o festival aspira a consolidarse como un referente estable para a música de autor.

'Ussak Sarki. Cancións e músicas tradicionais dos xudeus españois exiliados en Turquía' é o título do concerto que o grupo Los Caminos de Serkeci ofrece esta noite na Igrexa de San Francisco dentro do VII Festival de Músicas Contemplativas.

23 de marzo, 21:30 h.
Igrexa de San Francisco

LOS CAMINOS DE SERKECI

SPYRIDOULA BAKA voz
SOFIA LAMBROPOULOU kanun
EFRÉN LÓPEZ ud, lavta, cümbüs, kopuz, tambur
MIRIAM ENCINAS flautas, viella, percusións
ELENI KALLIMOPOULOU kemençe

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

San Martiño Pinario acolle o concerto titulado 'Suite litúrxica: momentos corais', unha nova proposta do VII Festival de Músicas Contemplativas no que tomarán parte o Coro Novo e os Nenos Cantores da Orquestra Sinfónica de Galicia.

23 de marzo, 19:30 h.
San Martiño Pinario

'Suite litúrxica: momentos corais'
CORO NOVO DA SINFÓNICA DE GALICIA
NENOS CANTORES DA SINFÓNICA DE GALICIA
Obras de McGlynn, Alcaraz, Alfonso X, Butler, Sarasola, Artés

O Coro Novo da OSG, que se presentou en público en xuño de 2005 na Coruña, supón a posta en marcha do último dos proxectos do proxecto orquestral e coral galego, tras a consolidación do Coro e dos Nenos Cantores da OSG. Dende entón participou en varios proxectos coa Orquestra Sinfónica de Galicia entre os que destaca a súa presenza en La balada de los heroes de Britten, A execución de Stepan Ranzi de Shostakóvich e a máis recente de Carmina Burana no 15 aniversario da OSG, así como en decembro de 2007 formou parte xunto co Coro da OSG, do Mesías participativo de La Caixa, na Catedral de Santiago de Compostela. Na pasada tempada de concertos o Coro Novo participou xunto ao Coro da OSG a Cantata de Nadal de Honegger e o Carmina Burana participativo da edición 2011 do Festival Mozart Coruña.

Ademais de colaborar nos concertos co Coro e a Orquestra Sinfónica de Galicia, ofrece con regularidade concertos a capella en diferentes localidades da comunidade galega. Obtén o 2º Premio no Concurso Fira de Tots Sants de Cocentaina na súa XXVII edición (2007), así como o Premio do Público e Segundo Premio do Concurso Nacional de Corales Antonio José, en Burgos, en outubro de 2008. O Coro Novo, formado por 35 mozos de entre 13 e 21 anos, representa a ponte coral entre o Coro de Nenos e o Coro de adultos da OSG.

Dende abril de 2010 está dirixido por Daniel García Artés, José Ramón Rodríguez Castellanos e José Antonio García Mato, que ademais forman parte do Coro da OSG.

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

A cantante Mónica de Nut e o arpista Manuel Vilas protagonizan esta noite un concerto centrado en pezas musicais dos séculos XVI e XVII escritas para monxas de clausura.

24 de marzo, 21:30 h.
Santa María do Camiño

'A palabra oculta. Poemas, textos e música de monxas de clausura (España/América, s. XVI-XVII)'
ARS ATLÁNTICA
MÓNICA DE NUT, voz
MANUEL VILAS, arpa de dúas ordes

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

A Real Filharmonía de Galicia, dirixida por Maximino Zumalave, ofrece esta tarde un concerto titulado 'As sete últimas palabras de Cristo na Cruz' no marco do VII Festival de Músicas Contemplativas.

24 de marzo, 19:30 h.
Santa María de Conxo

'As sete últimas palabras de Cristo na Cruz'

REAL FILHARMONÍA DE GALICIA
MAXIMINO ZUMALAVE, director
Obras de Vivaldi e Haydn

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

A Banda Municipal de Música de Santiago ofrece hoxe un concerto cun programa especial dedicado á Semana Santa.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Esta noite o pub Borriquita de Belém organiza unha nova sesión do ciclo 'Luns Flamencos'. O grupo que actuará nesta ocasión será D-Fusión. Despois do concerto, como vén sendo habitual, haberá jam flamenca na que o público asistente pode tomar parte.

D-FUSIÓN

Ramón Fernández (cante)
Rubén Fernández (guitarra e cante)
Moisés Fernández (percusión)

A Igrexa da Universidade acolle unha nova cita musical dentro do VII Festival de Músicas Contemplativas. O concerto desta noite, titulado 'Chamber Symphony, os mestres das vangardas,' reunirá nun mesmo escenario ao grupo de cámara da Orquestra Sinfónica de Galicia, ao grupo instrumental Siglo XX e ao director Florian Vlashi.

25 de marzo, 21:30 h.
Igrexa da Universidade

'Chamber Symphony, os mestres das vangardas'
GRUPO DE CÁMARA DA SINFÓNICA DE GALICIA
GRUPO INSTRUMENTAL SIGLO XX
FLORIAN VLASHI, director
Obras de Adams, Ligeti e Schoenberg

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

O sevillano Fahmi Alqhai e a súa Accademia del Piacere regresan de novo a Compostela para participar no VII Festival de Músicas Contemplativas. O concerto que ofrecerán esta tarde na Igrexa das Ánimas leva por título 'Ecco l'alba luminosa, luce serena. Música espiritual en Roma e Nápoles'.

25 de marzo, 19:30 h.
Igrexa das Ánimas

'Ecco l'alba luminosa, luce serena. Música espiritual en Roma e Nápoles'
ACCADEMIA DEL PIACERE
FAHMI ALQHAI, director

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

Comeza o ciclo de concertos 'Ad Musicum' no mosteiro de San Martín Pinario. Nesta primeira cita, titulada 'Cantares a Rosalía', actuarán Haruna Takebe -piano- e Miki Mori -soprano- conmemorando o 150 aniversario da publicación de Cantares Gallegos de Rosalía de Castro.

A pianista Haruna Takebe e a soprano Miki Mori son dúas xaponesas namoradas da cultura do noso país que presentan o seu proxecto “Cantares de Rosalía” no que homenaxean os Cantares Gallegos de Rosalía de Castro no 150 aniversario da súa publicación.

Máis info e programa completo aquí

A Zefiro Baroque Orchestra, liderada polo seu fundador Alfredo Bernardini, e acompañada polo baixo Fulvio Bettini, ofrece esta tarde un concerto en San Domingos de Bonaval cun programa titulado 'Lamento e Paixón'.

26 de marzo, 20:30 h.
San Domingos de Bonaval

'Lamento e Paixón'
ZEFIRO BAROQUE ORCHESTRA
ALFREDO BERNARDINI, director
FULVIO BETTINI, baixo
Obras de Zelenka, Zellbell, Vivaldi, Pez, Platti, Marcello, Bach

En 1989, os oboístas Alfredo Bernardini e Paolo Grazzi, xunto ao fagotista Alberto Grazzi fundaron a orquestra Zefiro, coa intención de especializala en música do repertorio do século XVIII, e dando especial importancia aos instrumentos de vento. Ademais de sacar de novo á luz figuras de compositores do século XVIII como Georg Druschetzky e Luigi Gatti, a gravación do seu Water Music, xunto á Wassermusik de Telemann, estableceu tamén a reputación de Zefiro como orquestra barroca.

Dende entón a actividade de Zefiro divídese en tres formacións: ensemble de cámara, grupo de vento (Harmonie) e a orquestra barroca, nacida coa intención de cubrir unha ampla parte do repertorio barroco, dende os concertos de Vivaldi ata as óperas de Haendel, dende as cantatas de Bach e as misas de Haydn á música de vento de Mozart, Rossini e Beethoven.

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

A Igrexa de San Bieito do Campo acolle esta noite unha nova cita musical do VII Festival de Músicas Contemplativas. Elina Viksne (violín), Timur Sadykov (viola) e Barbara Switalska (violoncello), da Real Filharmonía de Galicia, interpretarán as Variacións Goldberg.

27 de marzo, 22:00 h.
San Bieito

'As variacións Goldberg'
FORMACIÓNS DE CÁMARA DA REAL FILHARMONÍA DE GALICIA
ELINA VIKSNE, violín
TIMUR SADYKOV, viola
BARBARA SWITALSKA, violoncello

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

O ensemble de música medieval Eloqventia interpreta na Colexiata de Sar un repertorio de pezas agrupadas baixo o título de 'Peregrinatio: cánticos e milagres no Camiño'.

27 de marzo, 20:00 h.
Colexiata Santa María a Real de Sar
'Peregrinatio: cánticos e miragres no Camiño'
ELOQVENTIA

O ensemble Eloqventia toma o seu nome da obra escrita por Dante Alighieri a comezos do século XIV "De vulgari eloqventia", un texto estreitamente vinculado á música profana medieval e de obrigada referencia cando se fala de poesía trovadoresca. Está integrado por músicos que atesouran unha dilatada experiencia no campo da música antiga, colaboradores habituais de formacións como Hespèrion XXI, Le Concert des Nations, L'Arpegiatta, Forma Antiqva, Accademia del Piacere, Elyma, Orphenica Lyra...

O grupo formula un novidoso enfoque da monodia lírica e do repertorio instrumental do medievo. As súas orixinais interpretacións veñen sempre precedidas dun exhaustivo traballo de investigación, e para iso fai uso de todas as fontes que proporciona a moderna musicoloxía, outorgando unha especial importancia ao folclore tradicional europeo e das culturas orientais veciñas.

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

Como complemento a actividade musical, o VII Festival de Músicas Contemplativas organiza este ano a ruta dos Espazos para a reflexión, de maneira que un grupo de igrexas permanecerán abertas durante os días do Festival, permitindo que veciños e visitantes poidan trazar a súa propia ruta e descubrir o rico patrimonio que atesouran estes templos e as confrarías que nelas teñen as súas sedes.

** Santa María do Camiño
As orixes desta igrexa remóntanse ao século XV, mantendo esta estrutura ata o século XVI. A mediados do XVIII e nas primeiras décadas do XIX é cando sofre unha profunda transformación. O retablo maior foi trazado polo entallador Manuel de Leis en 1758, encargándose das esculturas Benito Silveira. Destaca no seu interior o tímpano coa escena da Epifanía, que procede do templo medieval.

22-31 marzo: 11 h-13:30h e 16 h-19 h

Sede da Confraría da Humildade. Procesión: Luns Santo, 21:30h.

Festival de Músicas Contemplativas. 22 de marzo, 19:30h. Jiri Bárta violoncello.

** Igrexa das Ánimas
Érguese segundo os planos do arquitecto Miguel Ferro, sobre un terreo irregular, sendo o mestre de obras Juan López Freire. Templo cunha nave única, articulada en capelas laterais que orixinan un sistema de comunicación perimetral entre elas, onde se representa un programa iconográfico sobre o Vía Crucis, realizado polo escultor Manuel de Prado e Mariño, entre 1803 e o 1814, que segue un discurso iconolóxico ideado polo seu irmán o arquitecto Melchor de Prado e modelado en estuco veneciano.

22-31 marzo: 11 h-13:30h e 16 h-19 h

Sede da Confraría da Esperanza. Procesión: Domingo de Ramos, 18h.

Festival de Músicas Contemplativas. 25 de marzo, 19:30h. Accademia del Piacere / 30 de marzo, 20h. Resonet

** Igrexa de San Bieito do Campo
De orixe medieval reconstruíuse a finais do XVIII seguindo os planos de Melchor de Prado Mariño con planta de salón, unha soa nave con bóveda de canón, presbiterio con cuberta de canón e cuarto de esfera e capela maior, abrindo nos muros laterais oito altares. Destes destaca o que abeira o tímpano gótico da Epifanía e o relevo da Visitación. A capela maior está decorada con cadros ao óleo e pinturas ao fresco do pintor academicista Plácido Fernández Arosa, recentemente restauradas.

22-31 marzo: 11 h-13:30h e 16 h-19 h

Festival de Músicas Contemplativas. 27 de marzo, 22h. Grupo de cámara da Real Filharmonía: Trío de cordas

** San Félix de Solovio
Esta igrexa está estreitamente unida ao descubrimento do corpo do Apóstolo Santiago, pois, segundo a tradición, aquí se encontraba orando o eremita Pelayo, cando enxergou as luminarias que lle indicaban o lugar onde se encontraba o sepulcro apostólico. Reedificada polo bispo Sisnando, foi destruída por Almanzor no 997 pero reconstruída polo bispo Pedro de Mezonzo e por Xelmírez no 1122 seguindo a tipoloxía típica dunha construción románica dunha nave e teitume de madeira. Nos séculos XVII e XVIII engadíronse unha serie de pequenas capelas alterando a súa configuración orixinal quedando coas tres naves actuais. No tímpano da súa portada consérvase un fermoso relevo da Epifanía, de 1316.

Sábados, 16h.

Festival de Músicas Contemplativas. 24 de marzo, 21:30h. Ars Atlántica.

** San Fructuoso
A construción da igrexa parroquial de San Fructuoso (ou Nosa Señora da Angustia de Abaixo) é obra de Lucas Ferro Caaveiro realizada entre 1754 e 1765. Érguese sobre o terreo que antes ocupaba a capela da Vera Cruz. O retablo maior constrúese cara a 1769 segundo as trazas de Luis Lorenzana, quen nos deixou nos capiteis das columnas a orde española, ideada por el. Os retablos colaterais do cruceiro contrátanse en 1783 a Francisco Lens.

22-31 marzo: 11 h-13:30h e 16 h-19 h

Festival de Músicas Contemplativas. 29 de marzo, 20h. Grupo de Cámara da Sinfónica de Galicia: Cuarteto Atlántico.

** Colexiata de Santa María de Sar
As orixes da súa fundación como mosteiro agostiño debense a Munio Alfonso, estreito colaborador do arcebispo Xelmírez, comezando as obras no século XII. A inclinación dos seus piares debido probablemente a un erro na construción e ao terreo pantanoso sobre o que se levanta, é un dos atractivos deste edificio románico; este feito resumiuno perfectamente o poeta Gerardo Diego cando escribiu: La colegiata del Sar / se tambalea de sueño. / Sueña que se va a acostar / y que el cielo es muy pequeño. No século XVIII refórzase a edificación cuns enormes e macizos arcobotantes, pois ameazaba con derrubarse. Do primitivo claustro románico tan só se conservan nove arcos no seu lado norte.

22-31 marzo: 11 h-13:30h e 16 h-19 h

Festival de Músicas Contemplativas. 27 de marzo, 20h. Eloqventia.

** Santo Domingo de Bonaval
Segundo a tradición, foi Santo Domingo de Guzmán quen fundou, a principios do século XIII, este convento. En 1230 xa se consagra a igrexa que se amplía a finais do mesmo século, renovándose por completo a súa cabeceira. Entre os séculos XVI e XVIII realízanse novas obras na igrexa, cámbianse as cubertas de madeira por outras de pedra, ábrense capelas, levántanse retablos e constrúese o coro alto. Domingo de Andrade traza as liñas do retablo maior, desmontado e trasladado á igrexa parroquial de Santiago, en Carril. Na nave do Evanxeo encóntrase o Panteón de Galegos Ilustres, cos sepulcros de Rosalía de Castro, Alfredo Brañas, Domingo Fontán, Francisco Asorey, Ramón Cabanillas e, moi preto, Castelao.

22-31 marzo: Martes a sábado: 10:30h-14 h e 16 h-19:30h. Domingos e festivos: 11 h-11h-14h. Luns pechado. (Entrada por Museo do Pobo Galego).

Sede da Confraría do Rosario. Procesión do Santo Enterro: Venres Santo, 20h.

Festival de Músicas Contemplativas: 26 de marzo, 20:30h. Zefiro Baroque Orchestra. / 28 de marzo, 21h. Divna Ljubojevic e Coro Mélodi.

** Santa María de Conxo
A primitiva igrexa relaciónase co arcebispo Xelmírez, quen a consagra en 1129; desta obra consérvanse restos do claustro. No XVII iníciase a reedificación do convento e acométense as obras do claustro, que rematan en 1651. En 1669 realízanse as obras da igrexa atribuída a varios autores como Fernández Lechuga, fray Gabriel de Casas, Melchor de Velasco ou Diego de Romay. En 1729 inícianse as obras da nova capela do Cristo que acolle a imaxe do crucificado, obra de Gregorio Fernández. Esta capela e retablos son obra de Simón Rodríguez.

22-31 marzo: 11 h-13:30h e 16 h-19 h

Sede da Confraría do Santo Cristo da Paciencia. Procesión: Martes Santo, 21h. (saída do Convento das Mercedarias).

Festival de Músicas Contemplativas. 24 de marzo, 19:30h. Real Filharmonía de Galicia. Maximino Zumalave director.

** San Francisco
A súa orixe relaciónase co santo de Asís cando peregrinou a Compostela cara o ano 1213-14. A igrexa actual levantouse sobre os terreos da precedente, da que apenas quedaron vestixios. Cara a 1730 a igrexa ameaza ruína, polo que en 1740 se decide unha nova construción máis ampla con planos de Simón Rodríguez, quen dirixe as obras ata a súa morte en 1752, concluíndose en 1787. Presenta unha planta de cruz latina, con amplos presbiterio e sancristía. As capelas abertas a ambos os dous lados, ao estar comunicadas entre si, dan a sensación de naves laterais.

22-31 marzo: 11 h-13:30h e 16 h-19 h

Sede da Confraría da Vera Cruz. Procesión da Última Cea: Xoves Santo, 19h. Procesión de Xesús Resucitado: Domingo de Pascua, 11 h

Orde Franciscana Segrar. Procesión da Entrada en Xerusalén: Domingo de Ramos, 11h.

Festival de Músicas Contemplativas. 23 de marzo, 21:30h. Los caminos de Serkeci.

** San Martiño Pinario
A igrexa foi trazada polo arquitecto portugués Mateo López a finais do século XVI. Esta magna obra e a do mosteiro foi continuada por un número considerable de mestres como Ginés Martínez, González de Araújo, Peña de Toro, Bartolomé Fernández Lechuga, Gabriel de Casas, Tomás Alonso ou Fernando de Casas. A Mateo López débeselle a formulación xeral da obra, o que o leva a configurar o esquema na súa totalidade. A inmensa nave central está cuberta con bóveda de canón con falsos casetóns. Tamén hai que resaltar os magníficos retablos que posúe e o cadeirado do coro baixo. O retablo do altar maior (1730) e os dous do cruceiro son deseño de Fernando de Casas executándoos o entallador Miguel de Romay.
22-31 marzo: 11 h-13:30h e 16 h-18:30h (Entrada: 2,50 euros)

Festival de Músicas Contemplativas. 23 de marzo, 19:30h. Coro Novo e Nenos Cantores da Sinfónica de Galicia.

** Santa María Salomé
Fundada cara a 1140 con nave única e teito de madeira, da fábrica medieval apenas quedan restos, pois foi reformada no barroco ao engadírselle unha serie de capelas. Na portada destacan as imaxes dunha Anunciación, con María á esquerda e o anxo á dereita e sobre a clave a Virxe do Leite. O interior é de planta cadrada con cúpula de media laranxa sobre pendentes. En 1743 levántase o campanario que segue as trazas do da igrexa de San Félix. O pórtico de entrada é do século XVI.

Horario de culto

Sede da Confraría da Virxe da Soidade. Procesión da Virxe da Soidade: Venres Santo, 23h.

** San Miguel dos Agros
A data da fundación desta igrexa descoñécese. Sábese que en época de Diego Xelmírez (1122) se reconstrúe. O interior é de tres naves con cuberta de bóveda de aresta na central; as capelas da Dolorosa e o Nazareno cóbrense con bóveda de canón e a Da nosa Señora e san Xerónimo péchase con bóveda de crucería estrelada. O retablo maior é obra de 1786. A fachada da igrexa segue os canons das igrexas neoclásicas.

22-31 marzo: 11 h-13:30h e 16 h-19 h

Sede da Confraría Do noso Pai Xesús Nazareno e a Santa Virxe das Dores. Procesión da Virxe das Dores: Venres 22 de marzo, 21h. Procesión do Encontro: Venres Santo, 11 h (dende a praza da Quintana).

** San Agostiño
Levántase sobre o terreo que ocupaba a igrexa de Nosa Señora da Cerca. Na súa construción participan Francisco González Araújo, Bartolomé Fernández Lechuga e os Jácome Fernández, pai e fillo. Lévase a cabo a construción -segundo trazas de Lechuga- no primeiro terzo do século XVII. O interior é de planta de cruz latina inscrita nun rectángulo dunha soa nave, con capelas laterais, cruceiro e cúpula que realiza Jácome Fernández fillo. Do conxunto escultórico da igrexa hai que sinalar o gran talle procesional de Xesús Flaxelado, vinculada á forma de traballar de Diego de Sande e peza fundamental nas procesións da Semana Santa compostelá.

22-31 marzo: 9 h-12:45h e 18:15h-19:45h

Sede da Confraría de Noso Pai Xesús Flaxelado. Procesión de Xesús Flaxelado: Xoves Santo, 23:30h.

** Igrexa do Convento de Santa Clara
A orixe do convento de Santa Clara remóntase á segunda metade do século XIII, atribuíndose a súa fundación á raíña dona Violante de Castilla, esposa de Alfonso X o Sabio. Do primitivo edificio apenas quedan restos, xa que foi moi modificado entre os séculos XVII e XVIII. Os seus principais arquitectos foron Domingo de Andrade, fray Gabriel de Casas, Pedro de Arén e, sobre todo, Simón Rodríguez. O retablo maior foi labrado por Bugarín a principios do século XVIII, seguindo trazas de Andrade. A fachada principal -de gran plasticidade urbana-, trazada por Simón Rodríguez, destaca pola súa orixinalidade, xa que non nos leva ao interior da igrexa, senón que dá paso a un patio onde si se encontra a entrada á igrexa propiamente dita.

22-31 marzo: 11 h-13:30h e 16 h-19 h

** San Roque
A orixe desta pequena capela está na promesa feita polo Cabido e o Concello en 1520 como acción de grazas a San Roque por librar da peste á cidade. A igrexa remátase en 1576 e un ano máis tarde o arcebispo Francisco Blanco funda o hospital, para "curar e procurar remedio aos pobres enfermos das bubas e outros males... ". No interior da pequena igrexa podemos ver un gran retablo de Simón Rodríguez, quen entrega as trazas en 1742 executándoo Romay. Este fermoso retablo está formado por unha parte central de tres corpos e dous laterais, recorda o retablo da igrexa da Compañía. Os dous corpos laterais avanzan cara ao espectador como querendo facernos partícipes da súa imaxinaría.

22-31 marzo: 11 h-13:30h e 16 h-19 h

** Igrexa do Convento do Carmen
O convento fundado pola nai María Antonia de Jesús, coñecida como "A monxiña do Penedo", a mediados do século XVIII e foi o primeiro que esta orde tivo en Galicia. Érguese sobre os terreos que pertenceron ao conde de Priegue. O proxecto para a obra débese a Fray José de los Santos. O 23 de outubro de 1758 as Nais Carmelitas trasládanse dende a súa casa en San Roque a este novo edificio. O interior da igrexa, de arquitectura sinxela -que comunga con consignas desta orde como a austeridade e sobriedade- é de planta de cruz latina. Non obstante esta sinxeleza construtiva non resta monumentalidade ao conxunto, acrecentada pola bóveda de canón reforzada por arcos faixones e a cúpula cega de media laranxa no cruceiro. O retablo maior contrátase en 1800 e segue un deseño neoclásico no que se imita, por medio da policromía, mármores xaspeados e bronces nos capiteis das catro columnas de orde composta.

22-31 marzo: 11 h-13:30h

** Igrexa das Orfas
As trazas encárganselle ao arquitecto Melchor de Velasco cara a 1664, quen deseña un interior dunha soa nave, capela maior rectangular e cabeceira recta cunha sancristía a cada lado. A sobriedade é a nota principal do seu interior arquitectónico, alterada pola traza do seu retablo actual, obra que Francisco de Lens contrata en 1756 e no que traballará José Gambino, realizando as imaxes de san José, san Francisco e a do Apóstolo Santiago. No lado da epístola, no muro do cruceiro encontramos o monumento fúnebre do cardeal Martín de Ferreira obra do escultor Francisco Asorey.

22-31 marzo: 9 h-13:30h e 17:30h-19 h

Sede da Irmandade do Stmo Cristo da Misericordia. Procesión dos Estudantes: Mércores Santo, 23h.

** Capela de Nosa Señora do Portal - Convento de Belvís
Foron os dominicanos de Bonaval os que suscitaron a súa fundación en 1306, como o primeiro convento feminino da súa orde en Galicia. O edificio sofre ampliacións durante o século XVII, como a capela da Virxe do Portal, dunha soa nave e cúpula sobre o camarín da Virxe. A capela levantouse grazas ás esmolas dos fieis, pola crenza nas propiedades curativas dunha fonte que alí se localiza.

22-31 marzo: 11 h-13:30h e 16 h-19 h

** San Paio de Antealtares
A construción da igrexa iniciouse en 1700 no terreo que ocupaba a anterior que foi derrubada. A obra encárgaselle ao arquitecto bieito fray Gabriel de Casas proseguíndoas Pedro García que a conclúe en 1707, seguindo as trazas de Casas. A planta é de cruz grega con dous brazos curtos no cruceiro; aos pés, o brazo é máis alongado para acoller o coro. Entre 1708 e 1714 procédese a executar os retablos da igrexa. Érguense primeiro os retablos colaterais e o maior en último lugar. Hai que destacar que tanto o retablo relicario -trazado por Andrade- como o púlpito -obra de Diego de Romay- pertencían ao mobiliario da antiga igrexa.

22-31 marzo: 11 h-13:30h e 16 h-19 h

** Igrexa da Universidade
A igrexa da Compañía (Xesuítas) ou da Universidade levántase a mediados do século XVII sobre o terreo que antes ocupaba a medieval de Santa María a Nova. Ten planta de cruz latina inscrita nun rectángulo, con tribuna sobre as capelas laterais, nave abovedada, cúpula gallonada e lanterna rematando o cruceiro. A importancia desta igrexa reside no seu interior, nos retablos que adornan o altar maior, o cruceiro e as naves laterais. O do altar maior foi contratado en 1727 con Miguel de Romay, Ignacio Romero e Diego de Sande e segue as trazas que deseñou Simón Rodríguez.

Festival de Músicas Contemplativas: 22 de marzo, 22h. Jiri Bárta violoncello / 25 de marzo, 21:30h. Grupo instrumental Século XX / 29 de marzo, 22h. Il Concordu d'Orosei / 30 de marzo, 22h. Neopercusión