Para visitar a exposición permanente do Museo do Pobo Galego cos pequenos e pequenas da familia, de forma autónoma e lúdica. Un xogo de pistas para adultos e pequenos que só hai que solicitar coa entrada na recepción do Museo.

De martes a sábado de 10:00 a 14:00 e de 16:00 a 20:00 horas.

Domingos e festivos de 11:00 a 14:00 horas. 

O programa 'Vive o Nadal 2012' pretende posibilitar a conciliación da vida familiar e laboral das familias compostelás no tempo do Nadal a través dunha oferta variada de actividades lúdico-educativas desenvolvidas nos seus centros socioculturais. Unha destas actividades é a dos campamentos abertos de Nadal, dirixidos a nenos e nenos de 7 a 12 anos.

** Datas e horario
26, 27 e 28 de decembro de 2012 e 2, 3 e 4 de xaneiro de 2013 de 08:00 a 15:00 h.

** Preinscricións
Do 16 de novembro ao 5 de decembro

** Formalización de matrícula
Do 14 ao 20 de decembro entregando o xustificante de pago no centro sociocultural onde se obtivera praza.

** Destinatarios
Nenos/as empadroados/as no Concello de Santiago que cumpran co requisito de idade da oferta.

** Lugares onde se desenvolverá a actividade e idades dos destinatarios
- CSC das Fontiñas Un Nadal creativo [25 prazas] [nenos/as nados entre o 2000 e 2007]
- CSCXM de O Ensanche Un Nadal de artistas [25 prazas] [nenos/as nados entre o 2000 e 2007]
- CSC de Vite Un Nadal de refugallo [25 prazas] [nenos/as nados entre o 2000 e 2007]
- CSC de Conxo Un Nadal polo mundo [25 prazas] [nenos/as nados entre o 2000 e 2007]
- LSC de Marrozos Nadal de xogo [30 prazas] [nenos/as nados entre o 2000 e 2008]
- LSC da Gracia Nadal de xogo [30 prazas] [nenos/as nados entre o 2000 e 2008]
- LSC de Nemenzo Nadal de xogo [30 prazas] [nenos/as nados entre o 2000 e 2008]

Consulta e descarga toda a información e a folla de preinscrición aquí.

Con motivo da celebración do mes da astronomía, a Biblioteca pública Ánxel Casal acolle unha serie de obradoiros infantís gratuítos a cargo o Observatorio Astronómico Ramón Aller da USC. O segundo destes obradoiros está dirixido a nenos e nenas de 7 a 10 anos.

18:30 h. na Sala infantil

Obradoiro de astronomía para nenos e nenas de 7 a 10 anos.

Requírese inscrición previa, máximo de 20 participantes. Prégase presentarse 10 minutos antes do inicio da actividade.

A Sala Infantil da Biblioteca pública Ánxel Casal acolle esta tarde un obradoiro de monicreques de animación lectora dirixido a nenos de 3 a 12 anos.

Obradoiro a cargo dos alumnos do Ciclo de Animación Sociocultural do I.E.S. PONTEPEDRIÑA.

Duración aproximada de 45 minutos.

Os propios nenos e nenas construirán os monicreques que logo utilizarán para representar contos por todos
coñecidos.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

Con motivo da celebración do mes da astronomía, a Biblioteca pública Ánxel Casal acolle unha serie de obradoiros infantís gratuítos a cargo o Observatorio Astronómico Ramón Aller da USC. O terceiro e último destes obradoiros está dirixido a nenos e nenas de 11 a 14 anos.

18:30 h. na Sala infantil

Obradoiro de astronomía para nenos e nenas de 11 a 14 anos.

A Óptica Val regalará 1 planisferio celeste a cada asistente.

Requírese inscrición previa, máximo de 30 participantes. Prégase presentarse 10 minutos antes do inicio da actividade.

A Sala Infantil da Biblioteca pública Ánxel Casal acolle esta tarde un obradoiro de monicreques de animación lectora dirixido a nenos de 3 a 12 anos.

Obradoiro a cargo dos alumnos do Ciclo de Animación Sociocultural do I.E.S. PONTEPEDRIÑA.

Duración aproximada de 45 minutos.

Os propios nenos e nenas construirán os monicreques que logo utilizarán para representar contos por todos
coñecidos.

A nova sede do Museo das Peregrinacións e de Santiago acolle esta fin de semana unha serie de obradoiros infantís nos que os nenos de 6 a 12 anos poderán descubrir como se vivía na Compostela medieval.

Estes obradoiros queren fomentar a participación das familias con nenos  nas actividades culturais do Museo. Así, ademais de realizar un percorrido polas salas do edificio, os máis pequenos poderán coñecer a historia da cidade a partir de actividades dinámicas dirixidas por monitores especializados. Os nenos descubrirán quenes habitaban a Compostela medieval, como vivían e en que traballaban, e mesmo poderán construír unha réplica da muralla da cidade. Tamén se poderán convertir nun peregrino medieval e percorrer as vellas rúas tal e como se facía hai 800 anos.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

Galicia, Ceo das Letras prestará nesta segunda edición especial atención aos pequenos lectores, aos que introducirá no mundo dos grandes autores da nosa literatura dun xeito lúdico e didáctico.

Dirixida a nenos de Primaria –de 6 a 11 anos- co obxectivo de estimular a súa expresividade e introducilos no hábito da lectura, a versión infantil de “Galicia, Ceo das Letras” tratará de que os participantes descubran a vida, época e obra de autores universais a través de tres pasos: “Vexo, Fago, Falo”.

Dúas horas que correrán paralelas á sesión dos adultos nas que os rapaces gozarán dun espectáculo artístico, convertiranse en protagonistas a través de obradoiros, xogos, plástica ou música; e debatirán entre eles sobre todos os coñecementos aprendidos ao longo da sesión.

Tipo de reserva: SESIÓN INFANTIL 7 Alfonso Rodríguez Castelao

Antelación mínima reserva: Ata completar capacidade

Duración: 2 horas

Reservas aquí

Só é posible realizar unha reserva por email. No entanto, é posible realizar unha reserva conxunta para un máximo de tres persoas, indicando no campo Observacións os nomes e apelidos de todas elas.

Para a confirmación definitiva das reservas, porémonos en contacto cos solicitantes. Recomendamos por tanto indicar un teléfono de contacto ademais do email solicitado como dato obrigatorio.

Unha vez celebrada a sesión, abrirase a reserva para o seguinte sábado de autor.

+INFO: Secretaría Técnica, tel. 881 979 010

O ciclo 'Escena en familia' trae este fin de semana á sede da SGAE un espectáculo de teatro para nenos que narra a orixe da lenda de Papá Noel.

'O facedor de desexos', da compañía Diafora Teatro, representa a historia dun astrónomo que vive encerrado nunha azotea mirando as estrelas ata que chega unha tola axudante que lle fai ver o mundo doutro xeito.

Dentro da programación infantil do ciclo 'Teatro & Danza', o Teatro Principal acolle esta tarde a representación de 'Nuncabunga', un espectáculo cómico e poético sen palabras dedicado ao público infantil e familiar a partir dos 3 anos.

Autores: María Torres e Gonçalo Guerreiro
Dirección: María Torres e Gonçalo Guerreiro
Adaptación: María Torres e Gonçalo Guerreiro
Escenografía: María Torres e Gonçalo Guerreiro
Deseño son: Manolo Panforreteiro
Deseño iluminación: Dani Pais
Vestiario: María Chenut
Música: Manolo Panforreteiro
Elenco artístico: María Torres e Gonçalo Guerreiro

A acción desenvólvese nun espazo que evoca a proximidade co mar. Alí vive unha persoa que nun recuncho construíu o seu fogar. As súas habitudes e rutinas son as súas únicas compañeiras. Un día aparece un estraño entalado nunhas redes, no medio dos residuos que o mar bota fóra. Esta aparición ven perturbar a aparente calma do lugar. Serán capaces de vivir no mesmo espazo?

A compañía teatral O Elefante Elegante crea espectáculos de teatro visual baseados no xesto e no movemento. As súas creacións buscan a universalidade, xurdindo da fusión de diferentes linguaxes: o teatro físico, a danza, as artes plásticas e as artes visuais.

A compañía, de orixe galego-portuguesa, foi creada en 2007 por María Torres e Gonçalo Guerreiro e ten a súa sede na Coruña. Nace para dar forma artística ás súas inquedanzas sociais e existenciais.

O Elefante Elegante comezou como proxecto experimental no ano 2000 co nome de Teatro Escondido. Este proxecto viaxou durante sete anos entre Galicia, Bélxica e Portugal e del facían parte actrices e actores de diferentes países europeos. A súa interpretación baseábase no xogo corporal co obxectivo de desenvolver unha linguaxe teatral universal

Estes anos de experimentación foron fundamentais para que puidera nacer o Elefante Elegante. Os seus espectáculos teñen sido acollidos en Galicia, Portugal, Bélxica, Suíza, Francia e Italia.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

Pequeclassics é un proxecto que trata de achegar aos nenos a paixón pola música clásica e pola ópera a través do xogo e a diversión. O obxectivo principal é que a música chegue a cada espectador sen necesidade de coñecementos previos.

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica "estimula o desenvolvemento dos nenos". Educar o sentido da melodía, do ritmo e mesmo o sentimento é posible mediante a aproximación de nenos e nenas á música.

A música clásica ten grande importancia para a formación dos pequenos; por iso, Pequeclassics propón montaxes de alta calidade, que sexan capaces de inculcar aos máis pequenos o gusto por este tipo de música, sen ser por iso menos rigorosos.
       
Público: Bebés de 0 a 3 anos, coa participación activa dun adulto por bebé

Aforo: 30 entradas dobres (1 bebé + 1 adulto)

Duración: 40 min. aproximadamente

Pequeclassics volve organizar un Obradoiro de estimulación temperá para bebés, que ademais da parte lúdica axudará aos nenos e nenas a desenvolver a memoria, a creatividade e a imaxinación, así como o sentido do ritmo, a expresión, a coordinación  e a auto-estima.

Circo, música e humor nun cóctel impensable e surrealista a todo ritmo onde tres amigos con personalidades opostas únense para mostrar a bondade e a saúde de ser un mesmo. Para nenos a partir de 6 anos.

Autores: Pablo Reboleiro, Xabier Mera e Aitor Garuz
Dirección: Marcos Orsi e Rolando San Martin
Adaptación: Ringo Rango
Escenografía: Ringo Rango
Deseño son: Jevi
Deseño iluminación: Alfonso Castro
Vestiario: Clotilde Vaello
Música: Xabier Mera
Elenco artístico: Pablo Reboleiro "Trasno", Aitor Garuz Milla, Xabier García Mera

Pistacatro é unha empresa de artistas galegos que se dedican a crear, producir e distribuír os seus propios espectáculos de Novo Circo e Cabaré. Unha traxectoria que abarca dende o ano 2000 no que comeza a funcionar como asociación ata 2006 que se constitúe como empresa. Sete anos nos que estiveron a formarse e a actuar por Galicia, España e diversas partes do mundo: Brasil, Cuba, Rusia, Arxentina, Gran Bretaña, India, Mozambique, Portugal, República Checa, Italia, pero sempre tendo Santiago de Compostela como base de operacións. Entre as súas producións destacan Terra Buró, Cabarés Pistacatro, Kamikaze.

Ata o 24 de decembro, a Praza Roxa acollerá unha carpa na que todos os cativos poderán depositar as súas cartas e falar con Papá Noel. A actividade está organizada polo Concello de Santiago e inclúese no seu programa especial de Nadal, 'Nadalamos?'.

Consulta o programa completo de actividades 'Nadalamos?' aquí

Por quinto ano consecutivo, Papá Noel recibirá aos nenos composteláns na Capela Real do Hostal dos Reis Católicos.

A iniciativa, na que participaron en 2011 uns 450 nenos, conta coa colaboración da Asociación de Empresarios da Zona Antiga 'Compostela Monumental', que achegarán os obsequios que recibirán os pequenos e contribuirán á difusión do evento.

Dende as 16:00 e ata as 20:00 horas, Santa Claus recibirá cantos nenos se acheguen á Capela Real do establecemento hoteleiro, onde escoitará as súas peticións e recollerá as súas cartas e debuxos en compañía de Mamá Nöel e un dos seus axudantes.

Os pequenos que acudan a esta especial cita recibirán un obsequio de mans de Papá Noel. Todo o que queira dispoñerá ademais dun espazo para facer debuxos e gozar dunha tarde moi especial nun marco incomparable do que, como recordo, tomarán fotos que se poñerán a disposición dos usuarios en Fotos Novoa.

O Parador compostelán pretende con esta actividade que os nenos de Santiago se empapen do espírito do Nadal e gocen da cidade e un dos seus edificios máis emblemáticos á vez que fan realidade o soño de coñecer un dos personaxes máis entrañable destas datas.

Para máis información pode llamar ao teléfono 981 58 2200, enviar un correo electrónico á dirección  santiago@parador.es ou entrar na web www.parador.es.

O recinto feiral de Amio acolle entre os días 22 e 30 de decembro o evento infantil SANTIAGOLANDIA, organizado por Organización Feiral Galega, S.L. coa colaboración do Concello de Santiago. Haberá unha entrada única de 5 €, que incluirá o acceso a practicamente todas as actividades, e que se poderá adquirir na taquilla do lugar. O evento desenvolverase na nave diáfana do recinto e nunha parte dos exteriores.  

SANTIAGOLANDIA contará con concursos de karaoke infantil, campionatos de ping pong, sala multimedia con diversos xogos, pistas de scalextric, exhibicións deportivas, saltón, coches de choque, pista de minigolf, inchables para diferentes franxas de idade, obradoiros e ludoteca, entre outras actividades.

Este ano, como novidade do programa de Nadal organizado polo Concello de Santiago, os máis pequenos poderán subirse con Papá Noel en sidecar, os días 22 e 23 de decembro. Estes paseos serán en diferentes puntos da cidade: praza de Abastos, praza de Cervantes, Área Central, Alameda, cruceiro de San Pedro, Colexiata de Sar, praza de Vigo e Conxo, co obxectivo de achegarse aos nenos e nenas da cidade e dinamizar o tecido comercial.

PERCORRIDO DÍA 22
- 10:30-12:00 h. Praza Abastos. Torre Central
- 12:30-13:30 h. Praza Cervantes
- 16:30-18:00 h. Fontiñas. Área Central
- 18:30-20:00 h. Alameda


PERCORRIDO DÍA 23
- 10:30-12:00 h. Cruceiro de San Pedro
- 12:30-13:30 h. Colexiata de Sar
- 16:30-18:00 h. Praza de Vigo
- 18:30-20:00 h. Conxo (cruceiro)

 Consulta o programa completo de actividades 'Nadalamos?' aquí

O ciclo infantil 'Escena en familia' trae este fin de semana á sede da SGAE o divertido espectáculo infantil 'El caballero sin caballo', da compañía arxentina Pizzicato. A historia, recomendada para todos os públicos, narra as aventuras disparatadas, medievais e fantásticas dun cabaleiro que salva unha bela princesa dun bruxo malvado.

+info aquí

'A folla máis alta' é unha aposta por un xogo que transforma as palabras en pequenas historias nas que contamos que fomos nen@s antes de ser adultos, e que tiñamos grandes soños, grandes amigos, unhas ganas enormes de medrar para comernos o mundo, para morder a folla máis alta da árbore, a máis verde…

Con este espectáculo, Berrobambán quere ofrecer unha dobre mensaxe dependendo da idade do espectador. Un espectador adulto verá nel unha procura dos soños, dos desexos máis agochados que nunca debéramos —nin debemos— perder cando nos facemos maiores. Aos espectadores infantís falámoslles desde a nosa infancia para amosarlle que, en realidade, se os adultos non deixáramos de perseguir os nosos soños non seriamos tan diferentes deles. É isto o que o fai un espectáculo diferente, capaz de sorprender, divertir e emocionar tanto a maiores coma a pequenos.

A Biblioteca Pública Ánxel Casal ofrece esta mañá unha sesión de contacontos infantil, enmarcada no seu ciclo 'Os sábados, choiva de contos', que nesta ocasión estará a cargo de Brétema Ocio. Para todos os públicos.

Contacontos a cargo de BRÉTEMA OCIO, para todos os públicos, duración aproximada de 50 minutos.

Na Biblioteca pública Ánxel Casal celebramos as vacacións do Nadal.

Teremos na biblioteca “Cartas para o apalpador” para que cada neno escriba a súa e lla entregue cando nos visite.

Visita do Apalpador á biblioteca, para saudar e visitar aos nenos e nenas, facer fotos con eles e repartirlle larpeiradas.

A compañía Tanxarina Teatro leva hoxe ao escenario do Salón Teatro 'Titiricircus', unha obra de monicreques de fíos e actores para público familiar.

'Titiricircus'

Monicreques de fío e actores interactúan en escea nunha lembranza fantástica e festiva do grande circo de carpa alta e bicolor.

Unha lembranza ensoñadora e festiva do grande circo de  carpa alta e bicolor:  a historia de dous vellos traballadores daquel circo que lembran agora con marionetas de fíos as glorias do seu pasado na pista.

Nun permanente xogo participativo co público, van aparecendo os números máis importantes daquel vello circo xa desaparecido: o home máis forte da Península Ibérica; o malabarista máis divertido e “bailón” do mundo...

+info aquí

O Nadal está aquí e os regalos xa empezaron a chegar! Nenos e nenas: Fostes todos bos? Ben, é hora de sentarse con Papá Noel e os seus amigos Caillou, Pocoyo e Winx para gozar do espírito do Nadal cantando e bailando.

Será unha viaxe onde Papá Noel nos levará a algúns dos mellores momentos das actuacións en vivo dos nosos amigos, nun espectáculo máxico.

Poderedes recordar algunhas das vosas cancións favoritas como "P-A-T-O" de Pocoyó, "Única" das Winx e "Soy" de Caillou. Gozar das cancións tradicionais de Nadal cantando no "karaoke" de Papá Noel que nos traerá a alegría do Nadal.

O escenario terá un "feeling" do Nadal, será un espazo onde os nosos amigos nos visitarán e contarán ao público un pouco dos seus universos individuais. O deseño xeral de escenario é un salón típico do Nadal cunha cheminea (entrada dos bonecos), a árbore de Nadal, calcetíns, regalos, etc... A proxección de vídeo ofrecerá un pano de fondo para mellorar o ambiente de "Karaoke".

Tempo do espectáculo aprox: 30 m / 20 descanso / 30 m.

Personaxes:

- Papá Noel
- WINX: Bloom, Flora, Tecna, Layla, Musa & Stella
- Caillou: Caillou, Leo & Clementina
- Pocoyo: Pocoyo, Eli & Pato

Dentro do ciclo 'Escena en familia', Títeres Cachirulo presenta 'A historia do Apalpador', unha historia ligada ao Nadal na que a compañía recupera este personaxe galego, un pastor nobre e mangallón que fabrica carbón, caza xabarís, come froita silvestre e, un día ao ano, deixa agasallos aos nenos mentres dormen. Unha historia para pequenos a partir de 3 anos.

+info aquí

A Biblioteca Pública Ánxel Casal ofrece esta mañá unha sesión de contacontos infantil, enmarcada no seu ciclo 'Os sábados, choiva de contos', que nesta ocasión estará a cargo de Forma Teatro. Para nenos de 4 a 12 anos.

Contacontos a cargo de FORMA TEATRO, para nenos e nenas de 4 a 12 anos, duración aproximada de 30 minutos.

Choupiña e Trasnón, a través dos seus poderes máxicos, van cambiando de personaxes ao longo do conto. Coa axuda do público, van representando e escenificando distintas partes do conto e amosando así a súa visión un tanto peculiar do Nadal.

A compañía Tanxarina Teatro ofrece hoxe a representación de 'Trogloditas', unha obra de monicreques chea de humor.

TANXARINA TÍTERES: TROGLODITAS

Dirección: Evaristo Calvo e Tanxarina Títeres
Escenografía: Pablo Giráldez “O Pastor”
Vestiario: Carlos Alonso
Iluminación, música e son: Tanxarina Títeres
Elenco: Miguel Borines, Eduardo Rodríguez Cunha "Tantán" e Andrés Giráldez

Neste espectáculo, ambientado na prehistoria, tres trogloditas convidan aos asistentes a coñeceren, a través do humor e dos monicreques, o xeito de vida dos homes e mulleres das cavernas. A través da linguaxe corporal e sons primitivos, os actores interactúan cos espectadores, nun contexto dinámico e xerando situacións cómicas.

A compañía Caramuxo regresa con este celebrado espectáculo para bebés e pequenos dende 6 meses de idade ata 3 anos que trata da relación entre un barquiño de papel e un peixe xoguetón.

Estreado no 2005, 'Glub, Glub' é a primeira montaxe galega especificamente dirixida a cativos de seis meses a tres anos. Introduce aos máis novos nunha aventura fantástica e sorprendente cunha historia chea de estímulos e unha linguaxe sinxela, case xestual.

SINOPSE
'Glub,Glub' (25 min) O mozo mariñeiro quere contar a historia do seu pequeno barco, mais non atopa ao seu compañeiro por ningún sitio. Onde andará agochado? Nesta caixa? Ou quizais dentro do cesto? Por aí ven... Aí está! O barco de papel! 'Glub, Glub' conta a historia da amizada entre un barquiño de papel afundido no fondo do mar e un peixe moi divertido.

Dentro do programa cultural para este Nadal, o departamento de Cultura do Concello de Santiago organiza un ciclo especial de teatro para bebés.

SINOPSE

¿Que pasa con todos eses zapatos que xa ninguén usa? Todos os días chegan a un recuncho dun agochado xardín fantásticas historias, as vivencias que traen consigo unha morea de zapatos de tódolos tamaños e cores. Unha rapaza é a encargada de coidalos, de darlles a benvida ao lugar onde vivirán para sempre, un lugar onde poder compartir emocións con esa bela bailarina, con Pequecho e os seus irmáns, cos namorados, co Sol e a Nube, con centos de compañeiros que teñen moito que contarnos. "Zapatos" narra todas esas historias que levan dentro os zapatos que xa non teñen dono.

Dentro do programa cultural para este Nadal, o departamento de Cultura do Concello de Santiago organiza un ciclo especial de teatro para bebés.

SINOPSE
Comer é un pracer, mais antes hai que cociñar e escoller os mellores produtos: Porque as mazás poden ser verdes ou vermellas, as galletas grandes ou pequenas, os tomates da casa ou chegar do outro lado do mundo. ¡A min encántame o doce! ¡Pois eu prefiro o salgado! Ñam é un espectáculo envolvente creado a partir do mundo da cociña para ver, escoitar, ulir, sentir e saborear en familia. Polas características do espectáculo, público e actores comparten o mesmo escenario.

O Salón de Actos da Biblioteca pública Ánxel Casal acolle esta mañá unha nova sesión de contacontos. Nesta ocasión, a actividade estará a cargo de Teatro Patán para nenos e nenas de 5 a 10 anos.

Entrada libre ata completar aforamento.

Duración aproximada: 60 minutos.

SINOPSE
O chapeu da contista escapou xogando co vento, así que esta pídelles aos nenos e nenas que a axuden a atopalo seguindo as pegadas que foi deixando ao seu paso. Unhas pegadas un tanto especiais que farán que os nenos xoguen, adiviñen e canten… Palabra de!

Un sábado máis, a Biblioteca pública Ánxel Casal organiza unha sesión de contacontos para os máis pequenos da casa. Nesta ocasión, a actividade estará a cargo de Iago López e está dirixida a nenos e nenas de 3 a 12 anos.

Entrada libre ata completar aforamento.

SINOPSE
Sabela é unha princesa que non quere ser princesa, non quere vestidos elegantes, nin que a peiteen, nin que a vistan de cousa.

O Salón Teatro acolle esta fin de semana a estrea de 'O refugallo', espectáculo teatral para público familiar que as compañías galegas Berrobambán e Bichakadela coproducen a partir do texto homónimo de Paula Carballeira. A obra foi galardoada en 2011 co Premio Manuel María de literatura dramática infantil que Cultura e Educación convoca a través da Agadic (Axencia Galega das Industrias Culturais).

Paula Carballeira, Nuria Sanz, José Campanari e David Loira dan vida a catro amigos que viven no refugallo: Isolda co seu libro de viaxes, Hipatia cun telescopio, Borobonte e a súa tartaruga, e Lustucrú cunha pata de pau. Xuntos xogan a construír un novo mundo a partir de todo o vello e roto que os rodea porque, como nenos que son, saben ver as cousas doutra maneira fronte a unha sociedade na que se impón o frenético consumo de usar e tirar.

Tal e como sinalara no seu día o xurado do Premio Manuel María, O refugallo conxuga a diversión coa presenza de valores útiles para a reflexión crítica sobre a cultura do consumismo, ao tempo que mantén un ritmo moi dinámico que a fan recomendable para os espectadores infantís e xuvenís. Para a súa posta en escena e co obxectivo de continuar afondando no achegamento das novas linguaxes escénicas ao público familiar, Berrobambán –cunha longa traxectoria en teatro infantil de actores e actrices– asociouse con Bichakadela, unha compañía de recente creación da que forman parte recoñecidos nomes do ámbito contemporáneo.

Con esta coprodución, ambas formacións buscan reafirmar a súa aposta pola innovación e polo mantemento da calidade nas montaxes dirixidas aos espectadores máis novos. Baixo estas premisas, a proposta reúne máis de 15 destacados profesionais da escena galega, entre os que tamén se atopan Pablo Pastor no deseño da escenografía, Baltasar Patiño no da iluminación, Cloti Vaello na realización do vestiario ou Pablo Giráldez na dos instrumentos. Ademais de formar parte do elenco, David Loira asina a coreografía e exerce de axudante de dirección.

Esta tarde, o Centro Sociocultural das Fontiñas acolle o espectáculo 'O señor das dunas', un contacontos dirixido a todos os públicos, dende os nenos e as súas familias ata os máis vellos da casa.

Baseado na literatura oral galega, o contacontos 'O señor das dunas' complétase coa ilustración en directo do relato feita con area. Os asistentes recibirán como agasallo un libriño cos contos que escoitaron. Complementariamente, na web do programa estarán ao dispor dos usuarios os Contos ao redor do microondas en versión dixital, unha iniciativa encamiñada a mellorar as técnicas de expresión oral.

'O señor das dunas'

Hai moitos anos, durante unha viaxe intercontinental, un barco naufragou á altura da Costa da Morte. As correntes mariñas arrastraron a un vello bibliotecario, amante da literatura e das historias ben contadas, ata a praia de Corrubedo. Alí comezou a contar contos tradicionais, que acompañaba e enriquecía con debuxos feitos con area…

E de Corrubedo ás vilas de Galicia. O señor das dunas visítanos contando cinco contos populares galegos, xunto cun alumno aventaxado que ilustra sobre a area a historia que nos narra a medida que se vai relatando. O espectáculo dura en torno aos 50 minutos.

Un sábado máis, a Biblioteca pública Ánxel Casal organiza unha sesión de contacontos para os máis pequenos da casa. Nesta ocasión, a actividade estará a cargo de Fátima Fernández e está dirixida a nenos e nenas de 5 a 12 anos.

Entrada libre ata completar aforamento.

SINOPSE
Historia dun neno que ve o mundo con outra perspectiva.

Os voluntarios de Médicos Sen Fronteiras levan á Biblioteca Novacaixagalicia un conto sobre enfermidades esquecidas baseado no libro '¿Qué me pasa, Ntumba?, cuentos sobre enfermedades olvidadas' escrito por Feli Ibáñez. Nel nárranse seis historias con finais positivos protagonizadas por nenos de distintas culturas que nos falan de enfermidades que afectan a moitas persoas noutros países e que descoñecemos no primeiro mundo.

No contacontos presentaráse unha desas seis historias: a dedicada ao mal de Chagas, unha enfermidade parasitaria tropical.

Para nenos e nenas de 4 a 10 anos.

O CGAC organiza, en colaboración co Colexio de Arquitectos de Galicia e a Asociación de Pais de Persoas con Trastorno de Espectro Autista da provincia da Coruña, un obradoiro experimental de arquitectura en torno á exposición do artista Fernando Casás.

A partir do Sistema Lupo do aquitecto Fermín Blanco- baseado en pezas modulares para a construción de maquetas- os nenos e nenas con trastorno de espectro autista, poderán traballar en relación á obra de Fernando Casás vinculada ao universo, creando formas xeométricas e fantásticas.

A compañía Caramuxo regresa con este celebrado espectáculo para bebés e pequenos dende 6 meses de idade ata 3 anos que trata da relación entre un barquiño de papel e un peixe xoguetón.

Estreado no 2005, 'Glub, Glub' é a primeira montaxe galega especificamente dirixida a cativos de seis meses a tres anos. Introduce aos máis novos nunha aventura fantástica e sorprendente cunha historia chea de estímulos e unha linguaxe sinxela, case xestual.

SINOPSE
'Glub,Glub' (25 min) O mozo mariñeiro quere contar a historia do seu pequeno barco, mais non atopa ao seu compañeiro por ningún sitio. Onde andará agochado? Nesta caixa? Ou quizais dentro do cesto? Por aí ven... Aí está! O barco de papel! 'Glub, Glub' conta a historia da amizada entre un barquiño de papel afundido no fondo do mar e un peixe moi divertido.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

Un sábado máis, a Biblioteca pública Ánxel Casal organiza unha sesión de contacontos para os máis pequenos da casa. Nesta ocasión, a actividade estará a cargo de Marta Failde e está dirixida a nenos e nenas de 3 a 12 anos.

SINOPSE
O movemento da cidade paralízase. As xentes ollan para o ceo e comentan. É incrible! Que marabilla! Semella imposible! Sombreiros, sombreiriños, gorras, gorriñas, chisteras, chapeus, sombreirazos de cowboy, sombreiros de palla, de coiro, con fita, sen fita...

Entrada libre ata completar a capacidade da sala.

A orixe do Teatro de Sombras remóntase ós tempos do home prehistórico, cando este facía sombras coas súas mans e o seu corpo fronte ó lume das covas. A fascinación polo movemento e o xogo das sombras, evolucionou ata converterse no Teatro de Sombras cobrando importancia na Cultura Chinesa e expandíndose cara Europa. A sombra representa en case todas as culturas a alma como ente separable do corpo e capaz de sobrevivilo. Representa a forza oculta ou espiritual das cousas, a súa aura. A sombra equivale á maxia, ós soños, ó subconsciente, ó espírito. As súas formas inestables e sempre cambiantes son unha invitación ó xogo imaxinativo e creativo, unha constante estimulación da fantasía.

O neno  construtor, o neno actor, o neno  espectador.
O neno ou nena se enfronta co Teatro de Sombras dende tres puntos de vista distintos: o de construtor, o de espectador, e o de actor ou actriz. Nesta actividade non se trata de converter, nin forzar ao neno a representar unha personaxe ou ser o artista; senón a que o neno se exprese mediante unha  gran variedade de linguaxes. O Teatro de Sombras posibilita a expresión total do neno mediante a  linguaxe de luces e sombras, de movemento, expresión corporal, voz, música etc.
É por iso unha ferramenta magnífica para o traballo con cativos, xa que o espectáculo das sombras creadas por eles mesmos,  ao converterse en  axentes do movemento e espectadores de seu propio traballo, os envolve nunha experiencia de acción creativa  que abarca todas as manifestacións do neno: a física, a verbal, a xestual, a plástica, a creativa, a psicomotriz, converténdose  nunha experiencia integradora en todos os aspectos.

Actividades do laboratorio de Sombras.
O obradoiro abarcará diferentes actividades:
1.    Introdución e plantexamento do obradoiro: Contaráselle aos nenos en que consiste o laboratorio de sombras.
2.    Obradoiro de sombras corporais e Obradoiro de monicreques de sombras: Experimentaremos coas sombras dende distintos aspectos que engloban o desenvolvemento psicomotriz dos nenos, a súa habilidade manual e expresiva. Abarcaremos dous aspectos:
•    A sombra do noso corpo
•    Creación de monicreques de sombras
1.    Aprenderemos a construír un teatro de sombras á nosa medida e así poder seguir experimentando na nosa casa.
2.    Ó rematar a experiencia os nenos reagruparán o material e poderán levar a casa os monicreques elaborados durante o obradoiro.

ONDE?  Na galería de arte A.dFuga (rúa Preguntoiro 28, Santiago de Compostela)
CANDO? Sábado 2 de febreiro, de 11.30 a 13.30 h
PARA QUEN? Nenos e nenas de 4 a 12 anos, sós ou acompañados dun adulto
PREZO: 14 euros/neno (materiais incluídos)

INSCRICIÓN En paulacabaleiro@apuntodfuga.com ou 667823112  

A compañía A xanela do Maxín ofrece este fin de semana dúas representacións da peza 'A caixa de Nuk', unha historia para público familiar repleta de maxia, tenrura e amor, que nos transportará ao mundo dos trasnos e a natureza.

SINOPSE
Un trasno chamado Nuk é enganado por unha malvada serpe que se quere facer coa caixa que pode cambiar o futuro dos trasnos e de toda a humanidade. O protagonista, cego de amor, sucumbe aos enganos da serpe e veremos como non sempre son os que esperamos os que poden dar un xiro ás historias máis incribles.

'Violeta en Compostela' é un conto musical que ten como obxectivo divulgar os instrumentos de corda e as súas posibilidades a través, especialmente, da viola. As intérpretes son nenas de 10-11 anos, alumnas do Conservatorio de Música Profesional de Santiago. A maioría tocan a viola e acompáñanas unha violonchelista e unha percusionista. É un traballo formulado e desenvolto desde a clase colectiva de viola, guiado polos profesores Itsaso Bermejo (profesora de viola) e Lorenzo de los Santos (pianista, que os acompaña tamén durante o conto).

O formato do conto estrutúrase arredor dunha historia, narrada por Itsaso, e ilustrada coas intervencións musicais das alumnas. As escenas enriquécense con coreografías, movemento escénico  e elementos de caracterización dos diferentes personaxes e situacións narrados.

As alumnas implicadas xa teñen participado noutros contos musicais, representados en diferentes espazos da cidade (CGAC, Biblioteca Ánxel Casal, Conservatorio de Santiago, colexios de Santiago e da comarca). O resultado final foi realmente bo e a acollida entre o público infantil foi moi entusiasta.

A finalidade deste proxecto é dar a coñecer a viola, cun formato atractivo e dinámico, e propiciar o  achegamento dos nenos á música clásica dun xeito divertido.

A compañía Caramuxo Teatro ofrece hoxe a representación de 'Zapatos', un espectáculo de títeres para nenos de 1 a 4 anos e público familiar.

Dramaturxia e dirección: Juan Rodríguez
Actriz: Laura Sarasola
Espazo escénico, atrezzo e títeres: Caramuxo Teatro
Fotografía: Corsino

SINOPSE

¿Que pasa con todos eses zapatos que xa ninguén usa? Todos os días chegan a un recuncho dun agochado xardín fantásticas historias, as vivencias que traen consigo unha morea de zapatos de tódolos tamaños e cores. Unha rapaza é a encargada de coidalos, de darlles a benvida ao lugar onde vivirán para sempre, un lugar onde poder compartir emocións con esa bela bailarina, con Pequecho e os seus irmáns, cos namorados, co Sol e a Nube, con centos de compañeiros que teñen moito que contarnos. "Zapatos" narra todas esas historias que levan dentro os zapatos que xa non teñen dono.

A sala infantil da Biblioteca pública Ánxel Casal acolle esta tarde unha sesión de contacontos dentro do ciclo 'Os xoves cóntame un conto', un espazo no que, de xeito voluntario e desinteresado, os propios usuarios da biblioteca e participantes do programa de voluntariado da Xunta na Rede de Bibliotecas (Bibliovol) lerán contos aos nenos e nenas.

O Salón de Actos da Biblioteca pública Ánxel Casal acolle esta mañá unha nova sesión de contacontos. Nesta ocasión, a actividade estará a cargo de Beatriz Iglesias para nenos e nenas de 3 a 12 anos.

SINOPSE
Son as historias que un pequeno trasno conta e que son froito dos seus soños. Nestas historias aparecen diferentes personaxes: unha lúa ladroa, unha nena que dá bicos á lúa, etc.

Entrada libre ata completar a capacidade da sala.

A compañía Títeres Cachirulo ofrece este fin de semana dúas representacións da peza 'Cousas de Castelao', un espectáculo de sombras para público familiar e nenos a partir de 6 anos.

SINOPSE
Antonio busca motivos para non acudir á escola, e acaba sendo testemuña de diferentes situacións sociais que se producen na vila. Un cartel que anuncia a viaxe en barco cara a Bos Aires suxírelle a idea de emigrar, imitando a actitude dos maiores. Emprende o camiño xunto a Manuel. Tras diferentes historias e situacións, os protagonistas plantan cara ao presente e, a través da súa pureza, imaxinación e inocencia, sairán triunfadores.

A compañía Caramuxo Teatro pon en escena 'Ñam!', un espectáculo envolvente creado a partir do mundo da cociña para ver, escoitar, ulir, sentir e saborear en familia.

Dramaturxia e dirección: Laura Sarasola e Juan Rodríguez
Actores: Juan Rodríguez e Laura Sarasola
Luz e son: Suso Jalda
Escenografía e atrezzo: Caramuxo Teatro, Suso Jalda, David Carrillo e Gonzalo Lorenzo
Vestiario: Caramuxo Teatro e Soledad Gómez
Asesoramento culinario: Constante Gastrobar
Fotografía: Corsino
Cartel e programas: Ideño
Duración: 30 min.

SINOPSE
Comer é un pracer, mais antes hai que cociñar e escoller os mellores produtos: Porque as mazás poden ser verdes ou vermellas, as galletas grandes ou pequenas, os tomates da casa ou chegar do outro lado do mundo. ¡A min encántame o doce! ¡Pois eu prefiro o salgado! Ñam é un espectáculo envolvente creado a partir do mundo da cociña para ver, escoitar, ulir, sentir e saborear en familia. Polas características do espectáculo, público e actores comparten o mesmo escenario.

A galería de arte Espazo en Branco expón durante as festas de Entroido os traballos participantes no I concurso de debuxo infantil 'Espazo en Branco'. A tarde do martes de Entroido celebra unha festa na que se entregarán os premios aos debuxos premiados.

Cartóns, pintura, lá e outros elementos ornamentais, nenos de a partir de 6 anos e adultos aprenderán a construír un dos símbolos do Entroido galego: as máscaras de peliqueiros e cigarróns, protagonistas nestas datas no chamado “triángulo máxico ourensán”: Limia, Verín e Laza.

Da man do artista multidisciplinar Manuel Silva, os participantes neste primeiro obradoiro do 2013 fabricarán primeiro as estruturas ríxidas e despois a decoración na que, tendo en conta a tradición dos motivos animais, cada asistente porá unha pinga da súa creatividade para que se atope cómodo como un aténtico cigarrón ou peliqueiro. Unha forma divertida e creativa de celebrar o Entroido convertíndote no propio protagonista.

Prazas: 25
Duración: 2 horas e media.
A partir de 6 anos

Esta tarde, a sala infantil da Biblioteca pública Ánxel Casal acolle unha sesión de contacontos dentro do ciclo 'Os xoves cóntame un conto', un espazo no que, de xeito voluntario e desinteresado, os propios usuarios da biblioteca e participantes do programa de voluntariado da Xunta na Rede de Bibliotecas (Bibliovol) lerán contos aos nenos e nenas.

A artista María Ortega Estepa imparte un obradoiro de tradición oral para nenos de 5 a 10 anos acompañados por un dos seus avós.

O obradoiro consiste en fomentar a tradición verbal dos nosos maiores, e que os nenos e nenas saiban valorar o tesouro que teñen nas súas familias a través dos relatos dos seus avós e avoas.

Os avós contan, os nenos pintan as súas historias.

A actividade pretende achegar aos nenos e nenas á arte contemporánea, ao que hoxe en día se poden encontrar en salas de exposicións, e así reducir a distancia entre os nen@s e as obras de arte en salas ou museos -mediante o achegamento directo co artista- posibilitando un ambiente aberto de diálogo e expresión.

Para: Nenos e nenas de 5 a 10 anos acompañados dun avó ou avoa.

Prezo: 20 € (Avó/a e neno/a)

O Salón de Actos da Biblioteca pública Ánxel Casal acolle esta mañá unha nova sesión de contacontos. Nesta ocasión, a actividade estará a cargo de Cucarandainas e vai dirixida a nenos e nenas de 5 a 12 anos.

Entrada libre ata completar a capacidade da sala.

'Un ratiño de campo' fala sobre a diferencia de vivir no campo ou na vila.

'Brinca Gaiás' trata de achegarlles aos máis pequenos da casa a paixón pola música, a ópera, o teatro ou a danza a través do xogo e a diversión. Os nenos volverán ser os protagonistas a través dun ciclo co que a Cidade da Cultura tratará de inculcar o gusto polas artes escénicas desde idades temperás.

Humor, ritmo, sorpresas e, por riba de todo, divertimento nuns coidados espectáculos no que grandes e pequenos compartirán protagonismo.

'Il cirque d'amore'

Público infantil (+4 años)
Duración: 45 min.

Dirección musical: Victoria Álvarez Acón
Dirección escénica: Pepablo Patiño
Escenografía e vestiario: Spela Trobec
Piano: José Manuel Yáñez
Barítono: Miguel Abalo
Soprano: Victoria Álvarez Acón

Selección musical repertorio:
Fragmentos de La Bohème (Puccini)
Il barbiere di Siviglia (Rossini)
Don Giovanni (Mozart)
L’elisir d’amore (Donizetti)
Le nozze di Figaro (Mozart)
La serva padrona (Pergolesi)
Die Zauberflöte (Mozart)

Unha obra de teatro e un recital de ópera ao mesmo tempo. A través dunha divertida historia chea de brincadeiras para nenos e adultos, dous cantantes e un pianista repasan un repertorio operístico ben popular.

SINOPSE
Micaela é a muller barbuda do Cirque d´Amore; nel limpa a pista, dá de comer aos elefantes, cociña para os artistas e baila para que o público ría dela... Con axuda de Pierrot marchará do circo e coñecerá a Figaro, un barbeiro tolo que dará a Micaela confianza nela mesma. Pero… conseguirá Micaela ser feliz?

Mediante a interpretación en directo de fragmentos de coñecidas óperas, damos forma a Il Cirque d´Amore, onde un pianista, un barítono, e unha soprano viaxarán co público por un fermoso repertorio musical acompañados dunha historia divertida e didáctica.

A sala infantil da Biblioteca pública Ánxel Casal acolle esta tarde unha sesión de contacontos dentro do ciclo 'Os xoves cóntame un conto', un espazo no que, de xeito voluntario e desinteresado, os propios usuarios da biblioteca e participantes do programa de voluntariado da Xunta na Rede de Bibliotecas (Bibliovol) lerán contos aos nenos e nenas.

Inspirado nos personaxes da suite 'O carnaval dos animais' de Camile Saint Saëns, o espectáculo 'Viaxeiros do carrusel' conta pequenas historias aptas para público familiar.

Autor e dirección: Julio Gallo
Música en directo: Iolanda Atalla
Monicrequeiros: Julio Gallo e Wagner Gallo

SINOPSE
Combinando música en directo, teatro visual, clown e monicreques autómatas, cóntanse pequenas historias cheas de humor e emoción que nos falan do mundo fantástico que rodea os carruseis.

A nova sede do Museo das Peregrinacións e de Santiago acolle esta fin de semana unha serie de obradoiros infantís dirixidos a nenos de 6 a 12 anos.

Trátase dunha actividade que fará que os máis pequenos se convirtan por unhas horas en detectives á procura do segredo que esconde a Compostela medieval. Os nenos irán percorrendo as salas do Museo recollendo diferentes pistas e superando varias probas, ata chegar a descubrir o segredo final. Ademais, descubrirán quenes habitaban a Compostela medieval, como vivían e en que traballaban, e mesmo poderán percorrer a muralla da cidade.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

FUNCIÓN CANCELADA

O ciclo 'Infantil e Familiar' programa para esta tarde 'O guiso', unha peza de teatro infantil que conta as aventuras de Ledicia e Papabola nunha cociña.

Mónica Sueiro: dirección e dramaturxia, escenografía, vestiario, son (con Hugo Rodríguez) e caderno didáctico
Beatríz Campos: Ledicia, Gran Chef
Hugo Rodríguez: Papabola
Sergio Zearreta: Voz do autor

SINOPSE
O señor que escribe as obras fixo que Ledicia e Papabola viviran nunha cociña dentro do escenario dun teatro. Cando se prenden os focos e nas butacas hai xente, Ledicia é feliz. Aínda que a Papabola iso de facer unha función non lle fai ningunha graza.
Ledicia ten unha mascota moi feitiña que se chama Octavio e un vello oso de peluche que se chama Oso. Papabola é un larpeirón e o que lle gusta é comer, sobre todo carne de coello, que é moi rica e está chea de vitaminas, ademais ten un monte de aparellos de cociña, gorro, delantal e un gran libro de receitas.
E como Octavio é un coello, Papabola ten un plan: metelo na pota, guisalo e papalo todo!... con Chícharos e patacas novas!... Que paparota!

A Milicia Gráfica, estudo de comunicación especializado no mundo da ilustración, imparte na Fundación Granell un obradoiro de cartón surrealista dirixido a nenos de 6 a 12 anos.

PROGRAMACIÓN

DÍA 1:
1ª hora: Presentación e filosofía do taller. Aprenderemos de exemplos tomados en anteriores talleres, incluídas obras do propio autor. Toma de contacto cos materiais.
2ª hora: Técnica de ilustración sobre cartón. Aplicaremos o resultado. Recorte e montaxe de ilustración ou obxecto.

DÍA 2:
1ª hora: Realizarase unha ilustración coas técnicas aprendidas. Será unha das primeiras obras realizada por cada alumno coas técnicas de Cartoneart.
2ª hora: Cada alumno realizará a súa carpeta ou colector das propias obras de arte.

DÍA 3:
1ª hora: Deseño e montaxe da carpeta ou colector de arte e as ilustracións dos alumnos. Arte final.
2ª hora: Planificación e bosquexo do mural surrealista.

DÍA 4:
1ª e 2ª hora. Aproveitando a inspiración surrealista do propio espazo, os alumnos realizarán un mural en grupo en homenaxe ao surrealismo de Eugenio Granell.

Data límite inscrición: 22 de febreiro

+info: www.fundacion-granell.org

O novo Don Juan renuncia ás responsabilidades que se presupoñen a un cabaleiro de nobre ascendente para gañarse o título de “burlador” e engánchase nunha cadea de terribles enganos. As mulleres ofrécenselle e el as “burla” sen pudor, de maneira que o mesmo motor dos seus caprichos convértese na condena á súa propia destrución.

Dirección e versión: Gonzala Martín Scherman
Intérpretes: Iñigo Asiaín, Lola Manzanares e Salvador Sanz
Escenografía e gráfica: Arturo Martín Burgos
Vestiario e caracterización: Juan Ortega
Máscara e pantasma do Comendador: Íñigo Tricio
Asesora de verso: Montse Dez
Asesoramento musical e cancións: Marcos León
Espazo sonoro: Pepo Scherman
Iluminación: Rosana García
Produción: FACTORÍA TEATRO

Cun reparto compacto, só tres actores libres de prexuízos, damos xogo aos variados personaxes que se suceden vertixinosamente no burlador de Sevilla, para achegarnos a este fillo do Barroco, icona da lixeireza, que coñeceu infinidade de seguidores como Molière, Zorrilla, Mozart e Lord Byron. Un "vendaval" que non se detén ata que dá contra a pedra.

A compañía Teatro Arbolé pon en escena a peza 'Cinco lobitos'. Nela cóntanse cinco pequenas historias a través da mirada do lobo, en ocasións inocente e outras veces non tanto, facendo que os máis pequenos gocen coas aventuras de personaxes que xa coñecen.

Un fermoso espectáculo, elaborado con diferentes técnicas de manipulación de monicreques, no que a música é un factor moi importante, con simpáticas e pegadizas cancións.

O popular Mago Xacobe presenta no Teatro Principal o seu novo espectáculo, titulado 'Feitizos e Abraios', un show familiar de mediano formato no que combina os xogos máis participativos e cómicos co impacto das grandes ilusións. Un espectáculo aberto ás improvisacións e coa esencia, frescura e estética características deste ilusionista xenuíno e descarado.

Xacobo Sánchez Carro naceu en Santiago de Compostela en 1983. Aos 10 anos adéntrase no mundo do ilusionismo grazas ao programa de verán Ferradura Aberta do Concello de Santiago, onde coñece ao que sería o seu mestre: o Mago Richard. Tan só uns meses despois realiza o seu debut na biblioteca Nova 33 da Fundación Caixa Galicia e ao pouco tempo é convidado ao programa Pasarela de Estrelas (1995) da Televisión de Galicia. Comeza a actuar semiprofesionalmente aos 14 anos e, tralo seu paso por Tardes con Ana (Kiro) (TVG, 1999) e varias colaboracións e intervencións televisivas inicia o seu propio programa de maxia en Localia TV Santiago.

O Salón de Actos da Biblioteca pública Ánxel Casal acolle esta mañá unha nova sesión de contacontos. Nesta ocasión, a actividade estará a Cargo de Sherezade Bardaji e vai dirixida a nenos e nenas de 3 a 12 anos.

Entrada libre ata completar a capacidade da sala.

'Contos pequenos para orellas grandes'

SINOPSE
Son palabras que nacen para ser escoitadas... Meigas, princesas e xigantes van vir á nosa biblioteca para contarnos as súas historias.

A nova sede do Museo das Peregrinacións e de Santiago acolle esta fin de semana unha serie de obradoiros infantís dirixidos a nenos de 6 a 12 anos.

Trátase dunha actividade que fará que os máis pequenos se convirtan por unhas horas en detectives á procura do segredo que esconde a Compostela medieval. Os nenos irán percorrendo as salas do Museo recollendo diferentes pistas e superando varias probas, ata chegar a descubrir o segredo final. Ademais, descubrirán quenes habitaban a Compostela medieval, como vivían e en que traballaban, e mesmo poderán percorrer a muralla da cidade.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

Títeres Cachirulo participa este fin de semana no ciclo infantil 'Escena en familia' coa representación da obra 'Catro contos da China', unha peza con insólitas aventuras que nos descobren un cómico e divertido mundo, escondido moi preto de nós e cheo de inquietantes situacións.

A natureza, a amizade, os disparates humanos... Aprendizaxes e xogos realizados coa maxia do monicreque chinés.

'Lume' é unha adaptación de Teatro Babaluva inspirada nun texto de Alberto Varela Ferreiro publicado por Xerais. Unha proposta innovadora na que dúas titiriteiras recrean un bosque e os seus animais para contar esta historia de sensibilización medioambiental utilizando unha técnica mixta de contacontos e títeres de mesa. Os títeres e os elementos escenográficos están construídos reutilizando obxectos cotiáns recoñecibles e sen apenas transformación.

No proceso de creación participaron mulleres artistas de diversas disciplinas como o teatro, a fotografía, a música e as artes plásticas. Un equipo implicado en crear emocións, divulgar valores de cooperación, respecto e compromiso social.

Teatro Babaluva son: Mirari e Larraitz Urruzola
Dirección artística: Mariza Basso (Brasil)
Dramaturxia e dirección de escena: Santi Prego (Galicia)
Produción executiva e artística: Teatro Babaluva
Titiriteiras: Larraitz e Mirari Urruzola (Euskadi/Galicia)
Deseño e construción de títeres e escenografía: Mariza Basso Teatro de Formas Animadas/Teatro Babaluva
Composición Banda Sonora orixinal: Merran Laginestra (Australia)
Fotografía: Clara Miguelez (Galicia)
Costura: Rosario Sampedro (Galicia)
Colaboracións: Pepe Penabade, Lucho Penabade, Comercial Grupo Anaya/Xerais, Xurxo Seara, Ramsés R.
Son Directo, Pepe Escudero, Pepe San Luís.
Público: Familiar/infantil de 2 a 10 anos
Duración: 35 minutos
Teatro de obxectos

SINOPSE
Nun bosque onde vivían moitos animais  algo pasou que fixo ladrar ao can.... Unha lapa de lume chegou con ganas de facer un incendio. O can chamou á vaca, a vaca ao cervo,o cervo ao xabaril, o xabaril á landra, a landra preocupada foi buscar ao moucho que avisou a araña. A araña viu ao ourizo, o sapo alertou á garza que estaba comendo miñocas. A eiruga falou coa bolboreta, voluntariosas chegaron a vacaloura e o esquío. E así foi como, axudándose uns aos outros, prepararon un plan para apagar o lume.

Segunda cita do ciclo 'Brinca Gaiás', que nesta ocasión propón un concerto que achega a maxia do flamenco ao público familiar.

'Brinca Gaiás' trata de achegarlles aos máis pequenos da casa a paixón pola música, a ópera, o teatro ou a danza a través do xogo e a diversión.

Os nenos volverán ser os protagonistas a través dun ciclo co que a Cidade da Cultura tratará de inculcar o gusto polas artes escénicas desde idades temperás.

Humor, ritmo, sorpresas e, por riba de todo, divertimento nuns coidados espectáculos no que grandes e pequenos compartirán protagonismo.

'Flamenco kids'

Público infantil (+3 anos)
Duración: 50 min.

Un concerto que achega a maxia do flamenco ao público familiar. Isto é Flamenco Kids, un espectáculo que lle ofrece, por primeira vez, ao público infantil, un concerto didáctico e ameno con músicas e letras elaboradas coa mesma calidade que un espectáculo destinado a un público adulto, onde o flamenco é o vehículo estético e rítmico para contar unhas historias que cheguen á alma dos nenos e tamén dos pais.

Dirección Musical: José Luis Montón
Textos: Teresa del Pozo
Compañía: Cozy Time

SINOPSE
O espectáculo desenvólvese grazas a un grupo de amigos que viven en Quillolandia, un lugar onde o ceo é azul, a area branca e o mar... de prata.

Aventuras, música e aprendizaxe son os alicerces básicos de Flamenco Kids, que se apoia nas bontades do mar Atlántico para, cuns personaxes creativos e unha música de raíces ancestrais, lograr obxectivos educativos a través do xogo.

A compañía de teatro Títeres Cachirulo presenta 'Pinocho', un espectáculo infantil de marionetas baseado no famoso conto de Carlo Collodi, Le aventure dei Pinocchio. Nesta ocasión, o ciclo 'Escena en familia' inclúe unha sesión dobre, o sábado 16 (18:00 h) e o domingo 17 (12:30 h).

O famoso boneco construído por Geppeto vive as máis incribles peripecias para chegar a ser un neno de verdade, feito e dereito. Trátase dunha montaxe de Títeres Cachirulo para pequenos e pequenas a partir de 3 anos de idade que pode divertir tamén aos maiores.

O ciclo Escena en Familia, unha iniciativa da Fundación Autor (SGAE) en Santiago de Compostela, leva en activo dende abril de 2008. En 2012, a sede da Fundación Autor/SGAE ofreceu un total de 67 funcións de artes escénicas para nenos. Aos devanditos eventos asistiron 3.622 espectadores o pasado ano. Dende 2008, o público acumulado alcanza xa máis de 16.000 nenos.

A historia de sempre contada como nunca. 400.000 espectadores xa a viron en máis de 1000 funcións en toda España. Premio Rojas ao mellor espectáculo familiar 2011.

Vivirás as aventuras de Dorothy, unha nena orfa que vive cos seus tíos e que é arrastrada por un turbillón ao máxico mundo de Oz. Alí coñecerá a un espantallo sen cerebro, un home de lata sen corazón e un león covarde. Os catro irán en busca do Mago de Oz que vive na cidade Esmeralda para que Dorothy regrese á súa casa. Pero a malvada bruxa do Oeste estaraos a vixiar para impedir que cumpran o seu obxectivo...

A compañía Títeres con Sacha presenta 'O Quebranoces', un espectáculo para títeres con técnica mixta dirixido a público familiar no que se inclúe a música que creou Tchaikovsky inspirándose no conto de Hoffmann. A parte musical estará a cargo da Banda Municipal de Música de Santiago.

A idea do espectáculo xurde do concerto didáctico sobre o Crebanoces de Tchaikovsky no que traballamos no Nadal do 2008 en combinación coa Banda Municipal de Música de Santiago de Compostela. A raíz do concerto didáctico decidimos producir un espectáculo de títeres unipersoal. 

O espectáculo é para títeres de mesa con técnica mixta (siluetas, bocóns, obxectos e outros). A duración do espectáculo é de 60 minutos. Está dirixido a público familiar, de maneira que o goce será maior na medida en que acudan os nenos cos seus pais, cos seus irmáns máis vellos ou cos avós.

No espectáculo soa completa a suite do Crebanoces de Tchaikovsky. Durante a execución da música hai pantomimas dos bonecos, e entre unha e outra parte musical hai escenas con partes faladas dos bonecos e narración cara ao público.

A dirección corre a cargo de Eduardo R. Cunha “Tatán” titiriteiro do grupo Tanxarina, unha das formacións máis prestixiosas e recoñecidas do teatro de títeres galego, tanto dentro como fóra de Galicia, que levan presentado os seus traballos nos máis importantes festivais de títeres, e cuxos bonecos levan percorrido medio mundo nos seus 26 anos de existencia: Grecia, Austria, Bélxica, Francia, Portugal, Italia, El Salvador, Costa Rica, Nicaragua, Venezuela, Cuba, Colombia, Arxentina, Brasil, etc.

O actor e manipulador é José Luis López “Sacha”, un actor que ten traballado con compañías como Ollomoltranvía, Teatro no Noroeste, Uvegá Teatro, Experimentadanza e Caroza Teatro entre outras.

SINOPSE
Na noite de Nadal o padriño regálalle á pequena Clara un crebanoces con forma de boneco. De tanto partir noces, o boneco acaba rompendo, e Clara desgústase moito. Para consolala o padriño contaralle a historia do boneco Crebanoces, xa que o Crebanoces en realidade é un valente personaxe que loitou co seu exército de xoguetes contra a raíña dos ratos.

GUÍA DIDÁCTICA do concerto aquí

A sala infantil da Biblioteca pública Ánxel Casal acolle esta tarde unha sesión de contacontos dentro do ciclo 'Os xoves cóntame un conto', un espazo no que, de xeito voluntario e desinteresado, os propios usuarios da biblioteca e participantes do programa de voluntariado da Xunta na Rede de Bibliotecas (Bibliovol) lerán contos aos nenos e nenas.

A nova sede do Museo das Peregrinacións e de Santiago acolle esta fin de semana unha serie de obradoiros infantís dirixidos a nenos de 6 a 12 anos.

Trátase dunha actividade que fará que os máis pequenos se convirtan por unhas horas en detectives á procura do segredo que esconde a Compostela medieval. Os nenos irán percorrendo as salas do Museo recollendo diferentes pistas e superando varias probas, ata chegar a descubrir o segredo final. Ademais, descubrirán quenes habitaban a Compostela medieval, como vivían e en que traballaban, e mesmo poderán percorrer a muralla da cidade.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

Algunhas das mellores compañías de monicreques de Galicia ofrecerán os seus espectáculos para toda a familia no Centro Comercial As Cancelas. Durante catro días, os visitantes do centro comercial poderán gozar doutros tantos contos clásicos representados con distintas técnicas: marionetas de man, de vara, de fíos, etc, e acompañados de música. Todos os espectáculos terán lugar ás 19.00. Antes de cada función, ás 18.00 os pequenos espectadores poderán transformarse en artistas participando en obradoiros impartidos por monitores especializados que desvelarán aos rapaces algúns dos segredos das técnicas monicrequeiras.

Con este I Festival de Monicreques, o centro comercial As Cancelas mantén a súa aposta polas actividades culturais de carácter familiar e avala unha forma de arte tradicional que apaixona aos máis pequenos e que ten en Galicia algunhas das mellores compañías do país.

PROGRAMA

** Luns 25 de marzo. Representación de Pinocho, as aventuras do boneco de madeira que quere ser un neno de verdade. Pinocho, Gepetto, Pepito Grillo, a fada madriña e todos os personaxes do conto de Carlo Collodi estarán nun espectáculo de marionetas de man e varas para todos os públicos. Antes da representación, haberá un obradoiro de sombras chinesas, a máis sinxela das técnicas de marionetas.

** Martes 26 de marzo. Alicia, a nena creada por Lewis Carroll, chega a un mundo máxico perseguindo ao coello branco e compartirá aventuras co sombreireiro tolo, o gato de Cheshire, a terrible Raíña de Corazóns e outros personaxes do País das Marabillas. Antes de este espectáculo, realizado coa técnica de luva chinesa e varas, haberá un obradoiro de máscaras.

** Mércores 27 de marzo. Chega Pedro e o Lobo, o famoso conto popular ruso que se representará con marionetas de fío e acompañado da marabillosa música creada por Sergéi Prokófiev. O obradoiro deste día será o de cabezudos, unha tradición que non pode faltar nas festas populares de Galicia.

** Xoves 28 de marzo. Remata o festival con El Libro de la Selva, unha adaptación a marionetas de mesa do a novela de Rudyard Kipling que narra as aventuras de Mowgli, o bebé abandonado na selva e criado por unha manda de lobos que o protexen do sanguinario tigre Shere Khan. O taller de hoxe estará dedicado á creación de marionetas con materiais reciclados.

As Cancelas, o novo referente de ocio e comercio en Santiago e a súa área, conta con máis de 50.000 metros cadrados distribuídos en tres plantas. Na planta baixa sitúase un hipermercado Carrefour xunto con outros locais ocupados por firmas de recoñecido prestixio. A primeira planta alberga firmas de moda e complementos e na segunda encóntranse oito salas de cine e unha ampla e atractiva oferta de locais de ocio e restauración. As Cancelas dispón de 2.150 prazas de aparcadoiro gratuítas e tres liñas de autobús urbano chegan ata o centro: a C2, a C4 e a C11.

A compañía Fantoches Baj trae hoxe ao Teatro Principal a representación de 'Fábula galénica', unha obra galardoada co VIII Premio Barriga Verde de textos para teatro infantil.

'Fábula galénica'

SINOPSE
Esta obra para marionetas de luva ten a súa orixe no texto do mesmo nome, galardoado co VIII Premio Barriga Verde de textos para teatro de marionetas na modalidade infantil. Nel réndese homenaxe ás narracións tradicionais, as radios de galena e a ciencia farmacéutica. A fábula conta a historia do rei Don Cardo, que decide construír un castelo que acaba cos recursos naturais e económicos do lugar. Este feito provocará a reacción dos animais que viven nos seus dominios.

Esta obra, estreitamente relacionada coa literatura de transmisión oral, procura o humor, a diversión e transmitir unha mensaxe ecoloxista. A proposta de representación deste texto está baseada na capacidade máxica e fascinadora dos títeres de luva e pretende realzar o papel protagónico dos animais da fábula: o burro, a raposa e o lobo.

A nova sede do Museo das Peregrinacións e de Santiago acolle esta fin de semana unha serie de obradoiros infantís dirixidos a nenos de 6 a 12 anos.

Trátase dunha actividade que propón un percorrido polas salas do Museo acompañado de xogos e actividades en torno á historia da cidade.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

O ciclo 'Escena en familia' organizado pola Fundación Autor ofrece este fin de semana dúas representacións da peza 'Amadú, o salvador dos seus', da compañía Danthea Teatro.

Esta é a historia dun neno chamado Amadú, que vive nunha aldea de África.
Amadú fala no ventre da súa nai. A nai cóntalle que hai unha bruxa que enfeitiza e ten poderes máxicos e que devora a todos os homes que van loitar contra ela. Entón, o pequeno Amadú emprende unha viaxe chea de perigos e aventuras ata chegar á Montaña máxica, onde un mago lle desvelará o segredo da bruxa. Conseguirá Amadú que a bruxa volva ser boa?

O Salón de Actos da Biblioteca pública Ánxel Casal acolle esta mañá unha nova sesión de contacontos. Nesta ocasión, a actividade estará a cargo de Fátima Fernández e vai dirixida a nenos e nenas de 4 a 10 anos.

Entrada libre ata completar a capacidade da sala.

A compañía Títeres Cachirulo trae á sede da SGAE de Santiago 'Cucú Tastás', un espectáculo teatral para bebés e nenos de 6 meses a 3 anos.

Cu-cú, tas-tás, co revés imos xogar. Conceptos sinxelos de opostos.
Espectáculo visual e musical que intenta potenciar a capacidade de atención dos máis pequenos da casa.
Cucú Tastás é un trasniño que quere facer as cousas ben e non confundir cheo-baleiro, arriba-abaixo, preto-lonxe, pequeno-grande...
E a súa familia e amigos van axudarlle a aprender.

A compañía Teatro dos Ghazafelhos pon en escena 'Frankenstein', unha peza teatral para público familiar baseada no famoso relato de Mary Shelley.

Que se pode esconder nun escuro castelo perdido nas montañas? Quizais algo que non quere ser descuberto ou, quizais, algo que está a esperar a que o descubran? Frankenstein é unha aventura nas entrañas dun castelo onde dous científicos a Dra. Mon Champignom e o Dr. Pe Arrepío investigan se o lendario monstro Frankenstein existe ou non, e para iso cóanse dentro do castelo un día de tormenta e alí atopan a Igor, un estraño personaxe chepudo.

Teatro Ghazafelhos é unha compañía nada na comarca de Ferrol no ano 2006 e creada por Montse Piñón e Pepablo Patinho. Centrándose no traballo de monicreques, animación e teatro actoral especialízanse na realización de obras teatrais para público familiar. Ghazafelhos soña con evocar nas súas historias ás grandes xenialidades que entenderon o máis efémero da vida: a infancia.

A nova sede do Museo das Peregrinacións e de Santiago acolle esta fin de semana unha serie de obradoiros infantís dirixidos a nenos de 6 a 12 anos.

Trátase dunha actividade que propón un percorrido polas salas do Museo acompañado de xogos e actividades en torno á historia da cidade.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

Música clásica, temas populares, pop-rock e improvisacións vogais-instrumentais a cargo de Paulo Lameiro onde os máis pequenos son os protagonistas.

Para bebés e nenos de 0 a 3 anos.

O concerto para bebés de Paulo Lameiro é, antes que nada, un concerto onde os bebés son convidados a escoitar. Música clásica da man de temas tradicionais, pop-rock e improvisacións vogais-instrumentais nos que o público é partícipe.

Cada concerto é unha experiencia de complicidades, onde os sons e os silencios sorprenden a todos. De Monteverdi a Mozart, do cavaquinho aos didgeridoos, intercámbianse espantos e escóitanse suspiros, todo aderezado coa propia iniciativa do espectador.

O Principiño é un clásico da literatura universal que cativou millóns de lectores. O escritor e aviador francés Antoine de Saint-Exupéry escribiu o libro en 1943 e, dende a súa publicación, foi traducido a máis de 250 idiomas e dialectos, sendo a obra literaria francesa máis lida no século XX e a terceira máis difundida do mundo despois da Biblia e Das Kapital de Karl Marx.

En 1974 tivo lugar a estrea da súa adaptación cinematográfica, dirixida por Stanley Donen (Sete noivas para sete irmáns, Cantando baixo a chuvia, Un día en Nova York...). Curiosamente, o papel protagonista do aviador ofrecéuselle en primeiro lugar a Richard Burton, que non o aceptou. A película tivo 2 nominacións aos Oscar, nas categorías de Mellor canción e Canción orixinal da BSO.

SINOPSE
Había unha vez un neno que habitaba un planeta apenas máis grande que el e que tiña necesidade dun amigo..." O principiño vive só nun pequeno planeta, o asteroide B612, onde pasa os seus días limpando os seu tres volcáns e quitando as árbores baobab que constantemente tentan botar raíces alí -de permitirlles crecer, as árbores partirían o planeta en pedazos. A súa única distracción é ver as postas de sol. Un día, dunha semente extraviada, nace no seu planeta unha fermosa flor... O famoso relato de Antoine de Saint-Exupéry contado en clave de teatro musical, pero sen deixar de ser absolutamente fiel ao texto.

Música orixinal, un coro de nenos e unha posta en escena chea de imaxinación e poesía, fan deste musical unha experiencia única para compartir en familia: os nenos aprenden a mirar as cousas cun pouquiño máis de profundidade e os maiores aprenden a ser nenos outra vez.

O Salón de actos da Biblioteca pública Ánxel Casal acolle esta tarde 'O ABC da música para nenos e nenas en inglés', unha actividade a cargo de Irina Gruia, violinista da Real Filharmonía de Galicia, dirixida a nenos e nenas de 2 a 4 anos.

Entrada libre ata completar capacidade sala.

Precísase inscrición previa, máximo 15 nenos.

Prégase presentarse 10 minutos antes do inicio da actividade.

A compañía Títeres Cachirulo trae á sede da SGAE de Santiago 'Cucú Tastás', un espectáculo teatral para bebés e nenos de 6 meses a 3 anos.

Cu-cú, tas-tás, co revés imos xogar. Conceptos sinxelos de opostos.
Espectáculo visual e musical que intenta potenciar a capacidade de atención dos máis pequenos da casa.
Cucú Tastás é un trasniño que quere facer as cousas ben e non confundir cheo-baleiro, arriba-abaixo, preto-lonxe, pequeno-grande...
E a súa familia e amigos van axudarlle a aprender.

'O Kikirixote. Aventuras e desventuras dun galo de curral' nace da mestura de tódolos anti- heroes e como a todos eles pódelle máis o seu idealismo que a realidade, na cal reflexa as súas pantasmas, todos eses personaxes que sen querer son contrapunto ou mellor dito son o punto de partida para que desenvolva o Kikirixote toda a súa potencia humana con ou sen razón, pero con paixón.

Recomendado a partir de 6 anos.

Partindo de Don Quixote como elemento transgresor e inconformista co tempo que lle tocou vivir, xurde O Kikirixote que non quere ser menos e, sen ser un mesiánico prometeico como diría León Felipe, non deixa de ser un chisco unha caricatura grotesca do seu referente clásico.

Cando un crea unha obra para tódolos públicos quere dicir que vai dirixida a todos sen ter en conta a súa conta bancaria, lugar de nacemento ou dinastía… Unha obra para tódolos públicos está aberta a quen teña por ben querer recrear como espectador a súa liberdade. Por iso coidamos que cando Kikirixote saia a escena terá que ser libre, alleo a todas as trabas que se nos poñen ao servicio de teorías que como unha praga se transforman segundo sexan as modas imperantes. O Kikirixote sábeo e por iso loita sen acougo aínda que de antemán os ideais postos como meta sexan como Dulcichoca, unha utopía declarada.

Dentro da súa tenrura O Kikirixote é legal, non quere defraudar a ninguén, mais que nada quere abranguer un cacho do corazón de todos nós a sabendas de que non deixa de ser un bufón, un fantoche grotesco que xa so coa súa facha fainos ceibar unha gargallada inconsecuente, sen atrancos que non nos deixen sorrir coa sinxeleza dun rillote. Quixote, Ubu, don Perlimplin, Melisendra, Anxélica todos eles son quen de arroupar a alma simple pero nobre como non hai outra de Kikirixote, un galo de curral.

No ano 1979, Marcelino de Santiago (Kukas) e Isabel Rei Pousada fundan en Santiago de Compostela MONICREQUES DE KUKAS, a compañía de teatro de marionetas máis antiga de Galicia, e unha das máis estables do panorama teatral galego. O seu traballo céntrase na investigación e creación de novos prototipos de marionetas que lles permiten realizar espectáculos de gran formato dirixidos a todo tipo de públicos.

Nestas tres décadas a traxectoria de Os MONICREQUES DE KUKAS evolucionou dende as representacións na rúa e case que sen teatriño cos seus fantoches de luva ata amosar os seus espectáculos de grande formato e con marionetas de complicados mecanismos de creación propia en importantes escenarios coma o Auditorio de Galicia, Pazo de Congresos de Santiago ou o Teatro Arriaga de Bilbao, Jovellanos de Xixón, Pazo de Congresos de Pontevedra, García Barbón de Vigo ou Rosalía de Castro de A Coruña, entre outros; e os seus fundadores asistiron con orgullo o proceso de como o seu propio nome, monicreques, pasou de ser un sinónimo máis, e por certo non o máis utilizado a principios dos anos oitenta ata ser case que o único termo empregado hoxe en día en Galiza para definir ós fantoches, marionetas, monifates, etcétera.

Participan habitualmente en todos os circuítos teatrais de Galicia, e en feiras e festivais internacionais. Destacan entre outras, as colaboracións co CDG- IGAEM (Retablo de Maese Pedro, ou o Unha noite no Pórtico do Paraiso), ou coa Real Filharmonía de Galicia en concertos familiares e didácticos (Entroido dos animais, Cantata de San Nicolás ou O Castelo da Rocha Vella). No ano 2006 son convidados o Ministerio de Cultura a través da Sociedade Estatal de Conmemoracións Culturais para crear La Doncella Guerrera.

A Biblioteca da Fundación Novacaixagalicia de Santiago programa para os nenos de entre 4 e 8 anos unha sesión de contacontos cada martes do presente mes de maio baixo o título de 'A hora do conto'.

A biblioteca desenvolve habitualmente estas sesións de literatura oral para os máis pequenos coa finalidade de introducilos no gusto pola lectura e para fomentar os hábitos lectores desde un punto de vista lúdico. Coa actividade, os pequenos tamén atopan un espazo que incita á relación e á creatividade.

A Biblioteca da Fundación Novacaixagalicia de Santiago de Compostela é a biblioteca especializada en literatura infantil e xuvenil pioneira en España, e xa que logo, a de maior antigüidade. Conta, a día de hoxe, con case dous mil cincocentos socios que gozan dunha programación constante e de calidade ao longo do ano. Entre os seus fondos conta con toda a produción de literatura infantil e xuvenil publicada en lingua galega ata o momento.

A biblioteca ocupa unha superficie de 300 metros cadrados e ofrece servizos de información bibliográfica, guías de lectura e préstamo de libros e audiovisuais (máis de 19.000 volumes e 600 DVDs).

'Xan Perillán e a maleta máxica' é un espectáculo dirixido ao público familiar e nenos a partir de 3 anos, que mestura o clown e a pantomima coa maxia e a manipulación de monicreques. Interpretado por Marcelino de Santiago (Kukas), está dirixido por Isabel Rei.

SINOPSE

Xan Perillán é un home con sorte, tocoulle nunha rifa unha viaxe a Pernambuco... Pero onde queda Pernambuco? No hemisferio Norte ou no Sur? Cun pouco de maxia e a axuda dos rapaces seguro que o descubrirá.
Xunta todas as súas cousas e vai meténdoas nunha maleta que non é unha maleta calquera. É unha maleta máxica, xa que todo o que aquí se mete, convertese nun truco de maxia.

A sede da SGAE en Santiago organiza este fin de semana unha nova entrega do seu ciclo de teatro infantil 'Escena en familia'. Nesta ocasión, a compañía A Xanela do Maxín representa un espectáculo baseado na obra 'O rei destronado, farsa para monicreques', de Xosé Agrelo Hermo.

'O Rei Destronado'

SINOPSE
O Porquiño Sisebuto (capaz de contar vinte trolas por minuto), na súa fuxida de Galicia por mor do San Martiño atópase co Ex Rei-León Pepote I O Boíño, ao que chimparan do trono por non saber ser malo. Aí é onde comeza esta divertida aventura. O Porquiño é nomeado primeiro ministro de Pepote que, para recuperar o seu trono, deberá aprender a ser malo pero o único que aprenderá é que as aparencias ás veces enganan.

O Salón de Actos da Biblioteca pública Ánxel Casal acolle esta mañá unha nova sesión de contacontos. Nesta ocasión, a actividade estará a cargo de MAU Asociación Lareira Global e vai dirixida a nenos e nenas a partir de 3 anos.

Entrada libre ata completar a capacidade da sala.

A Biblioteca da Fundación Novacaixagalicia de Santiago programa para os nenos de entre 4 e 8 anos unha sesión de contacontos cada martes do presente mes de maio baixo o título de 'A hora do conto'.

A biblioteca desenvolve habitualmente estas sesións de literatura oral para os máis pequenos coa finalidade de introducilos no gusto pola lectura e para fomentar os hábitos lectores desde un punto de vista lúdico. Coa actividade, os pequenos tamén atopan un espazo que incita á relación e á creatividade.

A Biblioteca da Fundación Novacaixagalicia de Santiago de Compostela é a biblioteca especializada en literatura infantil e xuvenil pioneira en España, e xa que logo, a de maior antigüidade. Conta, a día de hoxe, con case dous mil cincocentos socios que gozan dunha programación constante e de calidade ao longo do ano. Entre os seus fondos conta con toda a produción de literatura infantil e xuvenil publicada en lingua galega ata o momento.

O Centro ADNideas, con sede no espazo coworking de emprendemento cultural da Consellería de Cultura, Educación e Ordenación Universitaria, desenvolve en colaboración coa Asociación Vella Escola un programa de dinamización cultural destinado a rapaces e rapazas de 12 a 14 anos no Gaiás. Entre outras actividades, os participantes traballarán en obradoiros que utilizan as potencialidades das manifestacións propias da cultura urbana, como o rap, o graffiti ou o breakdance, co obxectivo de xerar ideas aplicables ao impulso de espazos culturais de Santiago de Compostela.

Baixo o título 'CreaActiva-T', a iniciativa pretende facilitar a interacción directa da xuventude co seu contorno coñecido a través de actividades culturais que teñan baixo impacto ambiental e alta implicación social, orientadas a fomentar valores relacionados con hábitos sociais do ámbito da saúde e o coidado do medio, ao mesmo tempo que lles brinda aos participantes a oportunidade de mellorar a súa calidade de vida mediante o emprego construtivo do tempo de lecer.

A inscrición, que se pode formalizar a través do envío do formulario que se atopa na web www.adnideas.com e o pagamento previo de 72 €, inclúe todas as actividades propostas entre as 10:00 e as 20:00 horas, así como o xantar e a merenda dos tres días na Cidade da Cultura.

A oferta completa articúlase nun total de sete workshops que lles permitirán aos participantes desenvolver diferentes habilidades persoais destinadas a motivar actitudes emprendedoras para o desenvolvemento das súas propias ideas, a través da creación dunha dinámica positiva de grupo e da participación activa no fomento da sensibilización respecto ao sector cultural. Potenciarase, así mesmo, a intervención artística mediante actividades culturais que dean resposta ás necesidades de creación e expresión dos rapaces e rapazas nesa franxa de idade.

PROGRAMA

- O venres 17 terán lugar os dous primeiros workshops: o da mañá, centrado en poñer en relación innovación e emprendemento; e o da tarde, un rap de versos en galego, que ten por obxectivo fornecer as habilidades comunicativas e a capacidade de expresión verbal ao tempo que se promove o uso da lingua galega e a transmisión de mensaxes positivas facendo uso do valor da improvisación como base para a innovación e a creatividade.

- Para o día 18 están previstos tres obradoiros: un de márketing cultural, no que se identificarán e se explicarán conceptos como mercado, competencia, consumidor ou posicionamento de marca; outro sobre xestión de tempo e un terceiro que utilizará a técnica do graffiti e as súas potencialidades como ferramenta non verbal colectiva e como medio para fomentar e favorecer a convivencia harmónica, reforzando a responsabilidade e promovendo o respecto pola conservación de espazos públicos.

- O último día, 19, terá lugar un obradoiro de breakdance e outro de comunicación. No primeiro deles utilizarase a orientación máis lúdica e emocional do break como disciplina cultural que permite o desenvolvemento de actitudes positivas fronte a retos e barreiras, tales como a pescuda da superación persoal e a potenciación da autoestima cara a mellora na calidade de vida. A última acción xirará arredor dun workshop de comunicación, no que a finalidade é realzar a utilidade das técnicas de presentación, para o que se identificarán os erros principais e se exercitará a súa corrección. Como actividade de peche, os participantes presentarán os traballos realizados durante os tres días a unha serie de convidados e aos propios familiares.

Consulta aquí o programa completo

+ info: info@adnideas.com - 661.240.778

A Biblioteca pública Ánxel Casal acolle esta mañá unha nova sesión de contacontos no seu Salón de Actos. Nesta ocasión, a actividade estará a cargo de Charo Pita e vai dirixida a nenos e nenas de 5 a 10 anos.

Duración aproximada: 50 minutos.

Con imaxinación, unha maleta e ganas de viaxar a través das historias, utilizando o soporte do libro como referencia e intercalándoo con historias de procedencia oral, desenvolverase unha sesión de contos de acordo cun repertorio amplo e axeitado aos oíntes. Programa Ler Conta Moito.

Entrada libre ata completar a capacidade da sala.

A Biblioteca da Fundación Novacaixagalicia de Santiago programa para os nenos de entre 4 e 8 anos unha sesión de contacontos cada martes do presente mes de maio baixo o título de 'A hora do conto'.

A biblioteca desenvolve habitualmente estas sesións de literatura oral para os máis pequenos coa finalidade de introducilos no gusto pola lectura e para fomentar os hábitos lectores desde un punto de vista lúdico. Coa actividade, os pequenos tamén atopan un espazo que incita á relación e á creatividade.

A Biblioteca da Fundación Novacaixagalicia de Santiago de Compostela é a biblioteca especializada en literatura infantil e xuvenil pioneira en España, e xa que logo, a de maior antigüidade. Conta, a día de hoxe, con case dous mil cincocentos socios que gozan dunha programación constante e de calidade ao longo do ano. Entre os seus fondos conta con toda a produción de literatura infantil e xuvenil publicada en lingua galega ata o momento.

A sala infantil da Biblioteca pública Ánxel Casal acolle esta tarde unha sesión de contacontos dentro do ciclo 'Os xoves cóntame un conto (en inglés)', un espazo no que, de xeito voluntario e desinteresado, os propios usuarios da biblioteca e participantes do programa de voluntariado da Xunta na Rede de Bibliotecas (Bibliovol) lerán contos aos nenos e nenas.

Lerá os contos MARIÑA SOUTO (Licenciada en Filoloxía inglesa).

Entrada libre ata completar a capacidade da sala.

Xoves 23 de maio: "Monster Noises!", "Numbers" e "Yes/No".

Para nenos e nenas de 4 a 7 anos.

A compañía Baobab Teatro ofrece esta tarde dúas representacións de 'O soldadiño de chumbo', peza baseada no clásico conto de Hans Christian Andersen para nenos a partir de 4 anos.

Dramaturxia e dirección: Andrea Bayer e Óscar Ferreira

O soldadiño de Chumbo é unha historia de aventuras onde se enfrontan o poder, a inocencia e o amor. O conto relata a verdadeira historia do mal, e é o amor, un amor verdadeiro e firme e non exento de humor, o que sae vencedor cun fermoso e explosivo final. O soldadiño de chumbo é un delicioso conto que cautivará a imaxinación de nenos e adultos. O espectáculo pretende facer unha homenaxe a H.C. Andersen, compilador deste conto marabilloso plasmándoo nun espectáculo de mediano formato.

Elenco: Andrea Bayer, Óscar Ferreira, Daniel Abalo, Xosé Esperante e Xurxo Cortázar
Escenografía: María Paz e Begoña Paz
Son e iluminación: Daniel Abalo
Duración: 55 min.

A partir de 4 anos.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

A Biblioteca da Fundación Novacaixagalicia de Santiago programa para os nenos de entre 4 e 8 anos unha sesión de contacontos cada martes do presente mes de maio baixo o título de 'A hora do conto'.

A biblioteca desenvolve habitualmente estas sesións de literatura oral para os máis pequenos coa finalidade de introducilos no gusto pola lectura e para fomentar os hábitos lectores desde un punto de vista lúdico. Coa actividade, os pequenos tamén atopan un espazo que incita á relación e á creatividade.

A Biblioteca da Fundación Novacaixagalicia de Santiago de Compostela é a biblioteca especializada en literatura infantil e xuvenil pioneira en España, e xa que logo, a de maior antigüidade. Conta, a día de hoxe, con case dous mil cincocentos socios que gozan dunha programación constante e de calidade ao longo do ano. Entre os seus fondos conta con toda a produción de literatura infantil e xuvenil publicada en lingua galega ata o momento.

A biblioteca ocupa unha superficie de 300 metros cadrados e ofrece servizos de información bibliográfica, guías de lectura e préstamo de libros e audiovisuais (máis de 19.000 volumes e 600 DVDs).

A sala infantil da Biblioteca pública Ánxel Casal acolle esta tarde unha sesión de contacontos dentro do ciclo 'Os xoves cóntame un conto (en inglés)', un espazo no que, de xeito voluntario e desinteresado, os propios usuarios da biblioteca e participantes do programa de voluntariado da Xunta na Rede de Bibliotecas (Bibliovol) lerán contos aos nenos e nenas.

Lerá os contos MARIÑA SOUTO (Licenciada en Filoloxía inglesa).

Entrada libre ata completar a capacidade da sala.

Xoves 30 de maio: "The Sultan and the Mice", "Opposites" e "What am I?".

Para nenos e nenas de 4 a 7 anos.