Xa está dispoñible na páxina web da Fundación Eugenio Granell o foro no que calquera usuario que o desexe poderá intercambiar os seus libros de arte. 'Libro por Libro' é unha actividade na que a Biblioteca da Fundación Granell pon a disposición do público a oportunidade de adquirir algúns dos seus exemplares. Os libros ofrecidos pola Fundación, novos e usados, das áreas de arte, cultura, ciencias sociais e libros editados pola propia Fundación, poden ser adquiridos por aqueles que queiran intercambiar os seus propios exemplares sobre Surrealismo, Vanguardas ou Arte Étnico. Así mesmo, os particulares que o desexen poderán realizar trocos de libros sobre calquera temática do mundo da arte con outros participantes. Tamén serán benvidas aquelas bibliotecas que queiran participar. O foro, en funcionamento desde o 11 de maio, serve como plataforma virtual para facilitar estes intercambios, tanto coa propia Fundación como entre usuarios. É, polo tanto, a antesala da feira, onde os interesados poden consultar o listado de obras ofrecidas e incluso iniciar o troco. Finalmente, os intercambios terán lugar os días 19 e 20 de maio, no Pazo de Bendaña. A actividade 'Libro por Libro' forma parte das actividades programadas pola Fundación Granell para a conmemoración do Día Internacional dos Museos, desenvolvidas na semana do 18 ao 24 de maio.

A XXIX Feira do Libro, que permanecerá aberta ata o día 9 de maio, inclúe na súa cuarta xornada un interesante programa de actividades, entre as que destacan a sesión de contacontos para os máis cativos ou a presentación de diversas obras a cargo dos seus autores.

PROGRAMA DO DÍA
- 18.00 h. Contacontos a cargo do grupo Pavís Pavós
- 19.00 h. Presentación do libro 55 mentiras sobre a lingua galega, de X. Henrique Costas (coordinador),  publicado pola Editorial Laiovento e a  Plataforma ProLingua.  Participan no acto Antón Dobao e Xosé Luís Regueira.
- 20.00 h. A escritora Teresa Moure, presenta o seu libro A intervención, publicado por Edicións Xerais de Galicia.  Xunto coa autora, participan no acto a profesora e escritora Margarita Ledo e Manuel Bragado, director da editorial.
- 21.15 h. Sorteo dun lote de libros.

A feira continuará a súa andaina os próximos días con varias actividades, como os espectáculos de contacontos de Marisa Irimía, espectáculos de maxia a cargo do Mago Vituco, así como diversos obradoiros creativos. Ademais, durante a feira os escritores Gonzalo Xosé Francisco da Rocha, Carlos Caión, Manuel Portas, Antía Otero, Teresa Moure ou Rosa Aneiros, entre outros, asinarán exemplares das súas obras literarias.

Na súa quinta xornada, a XXIX Feira do Libro, que permanecerá aberta ata o día 9 de maio, ofrece un completo programa de actividades que inclúe a firma de exemplares a cargo dos escritores Antía Otero e Antón Lopo.

PROGRAMA DO DÍA
18.00   Obradoiro de teatro impartido por Yolanda Calvo Carballo.
19.00   A escritora  Antía Otero presenta o seu poemario (Retro)visor, publicado por Edicións Xerais de Galicia. Participan no acto, xunto coa autora do libro, o poeta Estevo Creus e Fran Alonso, en representación da editorial.
20.00   Antón Lopo presenta o seu libro A distancia do lobo. Biografía de Uxío Novoneyra, publicado pola Editorial Galaxia.  Xunto co autor, participarán no acto Carlos Lema, director de edicións de Galaxia e Herminio Barreiro, profesor da facultade de  Ciencias da Educación,  da U.S.C.
21.15   Sorteo dun lote de libros.

A feira continuará a súa andaina os próximos días con varias actividades, como os espectáculos de contacontos de Marisa Irimía, espectáculos de maxia a cargo do Mago Vituco, así como diversos obradoiros creativos. Ademais, durante a feira os escritores Gonzalo Xosé Francisco da Rocha, Carlos Caión, Manuel Portas, Antía Otero, Teresa Moure ou Rosa Aneiros, entre outros, asinarán exemplares das súas obras literarias.

A XXIX Feira do Libro, que permanecerá aberta ata o día 9 de maio, continúa co seu programa de actividades, que esta tarde contará cunha sesión de contacontos para os máis pequenos a cargo de Marisa Irimía e a presentación de diversos volumes a cargo dos seus autores.

PROGRAMA DO DÍA
- 18.00 h. Contacontos a cargo de Marisa Irimia.
- 19.00 h. Presentación do poemario 'Acusación', de Xiana Arias Rego, publicado pola Editorial Galaxia. Xunto á autora, participarán no acto Carlos Lema, director de edicións de Galaxia e o escritor Manuel Darriba.
- 20.00 h. Presentación do libro 'Denso recendo a salgado', de Manuel Portas, publicado por Edicións Xerais de Galicia. Xunto ao autor, participarán no acto o alcalde de Compostela, Xosé A. Sánchez Bugallo, a escritora Rosa Aneiros e o Director xeral da editorial, Manuel Bragado. Ao finalizar, a artista Clara Piñeiro (integrante de Cobalblue) interpretará, con arpa celta, o tema 'Alalá do viquingo'.
- 21.15 h. Sorteo dun lote de libros.

A feira continuará a súa andaina os próximos días con varias actividades, como os espectáculos de contacontos de Marisa Irimía, espectáculos de maxia a cargo do Mago Vituco, así como diversos obradoiros creativos. Ademais, durante a feira os escritores Gonzalo Xosé Francisco da Rocha, Carlos Caión, Manuel Portas, Antía Otero, Teresa Moure ou Rosa Aneiros, entre outros, asinarán exemplares das súas obras literarias.

Nesta sétima xornada, a XXIX Feira do Libro, que permanecerá aberta ata o día 9 de maio, ofrecerá un programa de actividades que inclúe un entretido obradoiro para confeccionar marcapáxinas personalizados e a presentación de diversas obras a cargo dos seus autores.

PROGRAMA DO DÍA
- 18.00 h. Obradoiro de marcapáxinas impartido por Fabiola Cuevas Fernández.
- 19.00 h. Presentación do Audio-Libro de Uxío Novoneyra 'Tempo de elexía', edición bilingüe, publicado por Alvarellos Editora. Participarán no acto o fillo do autor, Uxío Novoneyra Rey e o editor Enrique Alvarellos.
- 20.00 h. Presentación do libro 'Os celtas. Unha (re)visión dende Galicia', de Francisco Calo Lourido, publicado por Edicións Xerais de Galicia. Xunto ao autor, participarán no acto Xerardo Pereira-Menaut, catedrático de Historia Antiga da USC e Manuel Bragado, director da editorial.
- 21.15 h. Sorteo dun lote de libros.

A penúltima xornada da XXIX Feira do Libro, que permanecerá aberta ata o día 9 de maio, ofrece entre as súas actividades a representación da obra de teatro infantil 'Mimos', a cargo do grupo Os Repeniques. Ademais, contará coa presenza do televisivo humorista galego Rober Bodegas, que asinará exemplares do seu libro.

PROGRAMA DO DÍA
- 13.00 h. O humorista Roberto Bodegas, asinará exemplares do seu libro Novedades, souvenirs, artículos de coña, publicado por Auga Editora.
- 18.00 h. Actuación do grupo de teatro infantil Os Repeniques, representando a obra Mimos, de Albert Ponte.
- 19.00 h. Presentación do libro En castellano no hay problema, de Carlos Caión, publicado por Edicións Xerais de Galicia. Participan no acto, Caetano Díaz, director de Galicia Hoxe, Pilar García Negro, profesora da UDC.  Colabora a Asociación Cultural O Galo e a Mesa Pola Normalización Lingüística.
- 20.00 h. O escritor Gonzalo Xosé Francisco da Rocha presentará o seu libro Xeografía real e mítica das augas de Galicia, publicado por Baía Edicións.  Xunto co autor, participarán no acto o presentador de televisión,  Manuel Torrente e Belén López Vázquez, directora da editorial.
- 21.15 h. Sorteo dun lote de libros.

A Sala Infantil da Biblioteca Pública Ánxel Casal acolle esta tarde unha actividade de animación á lectura para todos os públicos a cargo da Asociación Cultural Papaventos. Esta actividade de animación á lectura participa do xogo, da animación e da concienciación sobre o respecto ao medio ambiente. 

Programación de Letras Vivas.

O Consorcio de Santiago presenta esta tarde o libro 'Compostela: una historia entretenida. Atlas Histórico Ilustrado de la ciudad de Santiago', nun acto ao que asisitirán Xosé A. Sánchez Bugallo, Alcalde e Presidente do Consorcio de Santiago, Xosé Manuel Villanueva Prieto, Xerente do Consorcio de Santiago, Olegario Sotelo, editor de Sotelo Blanco, Juan Conde Roa, responsable de publicacións do Consorcio de Santiago, Simón Vicente López, autor do libro, Julio Prado Seijas, coautor do libro e José Luis Serrano Silva, ilustrador do libro.

'Compostela: una historia entretenida', escrito por Simón Vicente e Julio Prado e con ilustracións de José Luis Serrano, convértese no primeiro atlas histórico ilustrado da cidade de Santiago. A publicación, coeditada por Sotelo Blanco e o Consorcio de Santiago, componse dun total de 45 capítulos que abarcan as diferentes etapas da historia compostelá, dende o nacemento da cidade ata a Exposición Rexional de 1909. Trátase dunha obra na que o texto e a imaxe debuxada relaciónanse de tal maneira que constitúen un libro didáctico á vez que ameno.

Os sábados de setembro, a biblioteca Ánxel Casal sae de novo á rúa. Compartirá coa Librería Couceiro un posto na Praza de Cervantes, onde se dará información sobre a Biblioteca e os seus servizos por medio de folletos informativos, un vídeo e o persoal que contestará a todas as preguntas. Tamén se poderá facer socio ou socia calquera persoa interesada, incluso lle faremos a foto se non a tivera nese momento.

Os sábados de setembro, a biblioteca Ánxel Casal sae de novo á rúa. Compartirá coa Librería Couceiro un posto na Praza de Cervantes, onde se dará información sobre a Biblioteca e os seus servizos por medio de folletos informativos, un vídeo e o persoal que contestará a todas as preguntas. Tamén se poderá facer socio ou socia calquera persoa interesada, incluso lle faremos a foto se non a tivera nese momento.

O Salón Reitoral da Universidade de Santiago de Compostela acolle esta mañá o acto de presentación de 'Todo Valle-inclán en Roma (1933-1936). Edición, anotación, índices y facsímiles', o novo volume da Cátedra Valle-inclán da USC que sae á luz tras máis de 3 anos de intenso traballo e no que se recolle numeroso material relativo á biografía do polígrafo galego na súa etapa como Director da Academia de Belas Artes de Roma.

O grupo de investigación Valle-inclán da USC, dirixido por Margarita Santos Zas, está composto por Francisca Martínez Rodríguez, Carmen Vílchez Ruiz, Catalina Míguez Vilas, Cristina Villarmea Álvarez, Sandra Domínguez Carreiro e Rosario Mascato Rey.

A escritora costarriqueña Leda García ofrece esta tarde un recital poético no que dará a coñecer algunhas das súas novas composicións. Na presentación do acto participará ademais a poetisa Pepa Nieto.

Leda García é unha escritora de nacionalidade costarriqueña e española. Ten publicado os libros de poemas 'Conmigo al desnudo', 'Poemas inevitables', 'Voces de olvido', 'Memoria Infiel', 'Cantos de piedra y pétalo'. Obras dixitalizadas: Elogio de la costumbre, Poemas Sonámbulos, Poemas para leer sobre una cama desierta, Poemas infieles, Ojos Darianos, Poemas por el agua, Poemas sueltos.

Recibiu numerosos premios e recoñecementos nacionais e internacionais. Imparte obradoiros e conferencias, ademais de ser co-fundadora de ADECA (Asociación de escritoras e escritores de Centro América).

O Museo do Pobo Galego acolle esta tarde o acto de presentación do libro 'Luis Seoane, teórico do deseño gráfico', volume número 18 da serie Alicerces, nunha edición ao coidado de Xosé Ramón Fandiño e Gloria López.

A Biblioteca Pública de Santiago Ánxel Casal acolle esta tarde o acto de presentación do libro 'Celebración de Uxío Novoneyra, II', un volume publicado polo Centro Ramón Piñeiro para a Investigación en Humanidades. No acto tomarán parte o director do Centro, Manuel González, Luis Cochón e Luis Alonso Girgado.

A obra, que se presentará publicamente nos próximos días, recolle novos datos bio-bibliográficos do poeta e dá conta, por exemplo, da memoria de licenciatura que sobre Os eidos se presentou na Facultade de Filoloxía da Universidade de Valladolid en 1978. Así mesmo, inclúe a listaxe de novidades ou reedicións de estudos e ensaios sobre a obra de Uxío Novoneyra publicados durante o 2010, ano no que tivo dedicado o Día das Letras Galegas.

Unha parte fundamental da obra constitúena os inéditos en prosa, textos ou discursos nos que a cuestión da lingua e os poemas do propio autor ocupan un posto preferente. Estes novos inéditos, que veñen sumarse aos publicados no primeiro volume, están máis centrados na obra literaria ou pictórica de nomes como os de Fole, Cunqueiro, Méndez Ferrín, Luís Seone, Lueiro Rei, Cuña Novás, Lourés, Manuel Coia e outros, moitos deles amigos do escritor.

O apartado epistolar do primeiro volume increméntase agora subdividido de acordo cos diferentes destinatarios (Ramón Piñeiro, Otero Pedrayo e outros). No caso de Ramón Piñeiro, as cartas acompáñanse de poemas logo integrados en Os eidos ou nas Elexías do Courel ou ben inéditos, variantes en moitos casos. Un apartado sobre autopoética complementa a obra, dirixida por Luís Alonso Girgado e Ramón López Vázquez e publicada dentro da colección Cadernos Ramón Piñeiro.

Coas publicacións Celebración e Celebración II, a Secretaría Xeral de Política Lingüística, a través do Centro Ramón Piñeiro, busca achegar o lector á figura de Uxío Novoneyra, así como favorecer un mellor e maior recoñecemento da obra do escritor. Estes dous volumes constitúen un importante paso na bibliografía crítico-textual do poeta do Courel.

O ciclo 'Galicia, Ceo das Letras' iníciase hoxe cun programa de actividades dedicado a Rosalía de Castro e que contará cun relatorio de María do Cebreiro sobre a vida da escritora padronesa e textos dramatizados e musicados pola compañía Casa Hamlet. Gratuíto con reserva previa.

Santiago de Compostela, 1837- Padrón, 1885). Rosalía de Castro é a escritora fundacional da literatura galega moderna, de proxección universal. Con Cantares gallegos (1863) recupera o uso literario da lingua. En Follas novas (1880) denuncia a emigración e adéntrase na condición do ser humano. En las orillas del Sar (1884) é considerada a obra cume da poesía española do XIX. Ten unha produción significativa en prosa. En 2010 celebramos o 125 aniversario do seu pasamento.

Co ciclo 'Galicia, Ceo das Letras' a Cidade da Cultura abre as súas portas honrando a algúns dos nomes incontestables do noso firmamento literario, espellos todos nos que se reflicten os meandros da nosa identidade colectiva. Con tal motivo faremos un percorrido pola vida e obra de nove autores galegos e, como Galicia é ponte de culturas, de tres insignes veciños convidados a esta festa homenaxe (Pessoa, Borges, Espriu). Cada sesión constará dunha charla inicial impartida por un experto de referencia, para a continuación dar paso a unha actuación artística (música, cine, teatro…) ligada ao espírito do autor homenaxeado. Con este formato querémosvos ofrecer unha mirada fresca, lúdica e divulgativa dos nosos cumios literarios, ao tempo que propoñervos un aperitivo para as mañás dos sábados cun alto poder estimulante. Unha outra forma de saborear as letras.

PROGRAMA

12:00 | Relatorio: María do Cebreiro Rábade Villar. Poeta, profesora e investigadora na Universidade de Santiago de Compostela. Actualmente desenvolve un estudio no que aborda diferentes aspectos da obra de Rosalía de Castro.

13:00 | Ao raso coas lebres (60’). Textos de Rosalía de Castro dramatizados e musicados a cargo da compañía teatral Casa Hamlet, dirixida por Manuel Lourenzo e Santiago Fernández.

Presenta: Helena Villar Janeiro, presidenta da Fundación Rosalía de Castro.

Máis info e reservas en http://reservas.cidadedacultura.org

O Centro Social Novacaixagalicia (Praza de Cervantes) acolle o acto de presentación de 'Compostela', un orixinal libro de ilustracións do artista David Pintor editado polo Consorcio de Santiago e a editorial Kalandraka. No acto estarán presentes Xosé A. Sánchez Bugallo, Alcalde e Presidente do Consorcio de Santiago, Xosé Manuel Villanueva Prieto, Xerente do Consorcio de Santiago, Xosé Ballesteros, editor de Kalandraka, David Pintor, ilustrador e autor do libro e Juan Conde, responsable de publicacións do Consorcio de Santiago.

O Consorcio de Santiago e a editorial Kalandraka coeditan Compostela, un orixinal libro de ilustracións realizadas por David Pintor. Trátase dunha colección de 30 debuxos que plasman diferentes vistas do casco histórico compostelán, coa ollada personal e orixinal de David Pintor, quen recrea os espazos xerando ambientes de ensoño.

Ademais da Catedral, o libro percorre edificios e rincóns senlleiros, como o CGAC, a facultade de Xornalismo, a cafetería Derby ou a terraza do Hotel Costa Vella. Tamén as prazas do Obradoiro, Quintana, a Alameda e as rúas de Xerusalén, Nova, Vilar ou Entrerrúas, entre outras.

David Pintor ten aos seus 35 anos unha traxectoria importante no mundo do debuxo: recibiu os premios da Society of New Design e Hermes de humor gráfico. En 2010 foi nomeado ilustrador do ano Cittá del Sole.

A Biblioteca Pública Ánxel Casal acolle esta tarde o acto de presentación do libro 'Na cerna da selva' de Pere Tobaruela, un volume publicado pola Editorial Sotelo Blanco. No acto tomarán parte a editora, Ánxela Gracián, o autor, Pere Tobaruela e a organizadora do evento, Arantxa Serantes.

A Cidade da Cultura acolle esta mañá unha nova cita do ciclo 'O ceo das letras', que nesta ocasión estará dedicado a Camilo José Cela. Relatorio de Ana María Platas Tasende e proxección do filme ‘O bonito crime do carabineiro’.

SÁBADO DE Cela e o seu teatro do mundo (Iria Flavia, 1916-2002). En 1942 arranca a súa carreira literaria coa publicación de La familia de Pascual Duarte, á que seguiron trece novelas máis, desde La colmena ate Madera de boj (1999). Autor enormemente prolífico, cultivou todos os xéneros literarios e recibiu en 1989 o Premio Nobel de Literatura “pola súa prosa rica e intensa, que, con refreada compaixón, configura unha visión provocadora do desamparo do ser humano”.

- 12:00 h. Relatorio: Ana María Platas Tasende. Catedrática de Literatura e Lingua Española, publicou diversos libros entre o que destaca Camilo José Cela (Madrid, Síntesis, 2004), centrado na vida e obra do noso Nobel.
- 13:00 h. O bonito crime do carabineiro (77’). Filme para televisión baseado en relatos de Camilo José Cela. Unha historia de humor absurdo e cruel que se desenvolve no Tui dos anos 30. Produción: Zenit TV e TVG, en asociación con Pórtico de Comunicaciones. Dirección: Miguel Conde.

Galicia é unha potencia literaria. O talento dos nosos autores irradia un fulgor asombroso. Rosalía ou Valle Inclán, Cunqueiro ou Cela, entre tantos outros, son constelacións no firmamento da escrita universal. Este caudal creativo, debedor da rica idiosincrasia dun pobo, é motivo de orgullo para nós e un legado esencial para entender quen somos.
Co ciclo “Galicia, Ceo das Letras” abrimos as portas da Cidade da Cultura honrando a nove xigantes das nosas letras, e como Galicia é ponte de culturas, a tres insignes veciños (Pessoa, Espriu e Borges). Iso si, desde unha mirada infrecuente, quizás máis fresca e lúdica do que se estila. Por iso recorremos ao cine, á música ou ao teatro para achegármonos ás súas vidas. E por iso mesmo brindaremos ao final de cada sesión cun viño e un petisco. Porque do que se trata é de gozar cun aperitivo literario exquisito para as mañás dos sábados.

A Cidade da Cultura acolle esta mañá unha nova cita do ciclo 'O ceo das letras', que nesta ocasión estará dedicado ao poeta portugués Fernando Pessoa. Relatorio de Carlos Quiroga e actuación de Dulce Pontes e Uxía Xenlle.

SÁBADO DE Fernando Pessoa: da nosa veciñanza (Lisboa, 1888-1935). Autor de toda unha literatura, é un dos escritores con maior poder de convocatoria crítica e de público en todas as linguas e a nivel planetario, sobre todo a partires do último cuarto do século XX. Portugués e universal, a súa figura é hoxe incontestable.

- 12:00 h. Relatorio: Carlos Quiroga. Profesor na USC e escritor, foi premio extraordinario de doutoramento cunha tese sobre Pessoa.
- 13:00 h. Dulce Pontes e Uxía Senlle (40’). Dúas das máis grandes damas da música popular galega e portuguesa celebran a Fernando Pessoa cantando as súas letras, nun espectáculo inédito, creado especialmente para o ciclo literario “Galicia, Ceo das Letras”.
Presenta: Marcos Lorenzo. Director do Ciclo “Galicia, Ceo das Letras”.

Galicia é unha potencia literaria. O talento dos nosos autores irradia un fulgor asombroso. Rosalía ou Valle Inclán, Cunqueiro ou Cela, entre tantos outros, son constelacións no firmamento da escrita universal. Este caudal creativo, debedor da rica idiosincrasia dun pobo, é motivo de orgullo para nós e un legado esencial para entender quen somos.
Co ciclo “Galicia, Ceo das Letras” abrimos as portas da Cidade da Cultura honrando a nove xigantes das nosas letras, e como Galicia é ponte de culturas, a tres insignes veciños (Pessoa, Espriu e Borges). Iso si, desde unha mirada infrecuente, quizás máis fresca e lúdica do que se estila. Por iso recorremos ao cine, á música ou ao teatro para achegármonos ás súas vidas. E por iso mesmo brindaremos ao final de cada sesión cun viño e un petisco. Porque do que se trata é de gozar cun aperitivo literario exquisito para as mañás dos sábados.

Inscricións
•Inscrición libre e gratuíta no teléfono 881 979 010 ou na web www.cidadedacultura.org. Ate completar aforo.
•O prazo límite para inscribirse conclúe 24 horas antes do comezo de cada sesión. O período de inscrición abrirase un mes antes da data de celebración da sesión.
•A inscrición será efectiva unha vez que a persoa solicitante reciba confirmación por parte da organización. Para acceder ás sesións é preciso mostrar copia impresa da confirmación no punto de información da Biblioteca de Galicia.
Visitas guiadas
As persoas inscritas poderán realizar unha visita guiada á Cidade da Cultura de Galicia unha hora antes do inicio de cada sesión (11:00 AM).
Hora e lugar das sesións
Todas as sesións realizaranse na Biblioteca de Galicia (Cidade da Cultura) e comezarán ás 12:00 AM. A hora prevista de remate oscilará entre as 14:00 e as 14:30, dependendo da duración das actuacións artísticas.
Ao concluír cada sesión servirase un viño galego por cortesía das Bodegas Martín Códax
Accesos á Cidade da Cultura.-
•Vehículo particular.
•Servizo de buses lanzadeira desde o Multiusos do Sar a partir das 10:30 AM e cunha frecuencia de 10 minutos. O autocar regresará ao punto de partida ao finalizar cada sesión.

Esta tarde, a Biblioteca Pública Ánxel Casal acolle o acto de presentación do libro 'María entre los claros del bosque', a primeira obra da escritora Arantxa Serantes. No acto tomarán parte a propia autora, Francisco Castro (escritor) e Pere Tobaruela (presentador).

A idea desta historia naceu como un tributo a unha filósofa española pola que sinto grande admiración e respecto: María Zambrano. Foi unha autora irrepetible que tivo certa conexión e sintonía con Galicia ao manter correspondencia e amizade con autores galaicos como: José Ángel Valente, Camilo J. Cela ou Rafael Dieste. Con este libro non pretendo ser fiel ao seu aspecto máis académico ou analítico, senón que trato de mostrar algunhas pegadas do seu pensamento inmortal.

Este pequeno conto está baseado no seu libro Claros do bosque co que trato de poñer en xogo todas as as súas posibilidades narrativas e simbólicas, que agardan en silencio e precisan ser escoitada. A través de obras como esta naceu a razón poética ou razón humanística, unha nova forma de aprender a ver o mundo.

Tomando como fonte dous feitos da súa biografía, a imaxe paterna colléndoa nos brazos e a súa presunta caída nun pozo, naceu este conto, entre o real e o imaxinario, representado pola súa imaxe.

O xograr do século XIII, autor das 7 cantigas de amigo que o acreditan como un dos mellores poetas dos cancioneiros galego-portugueses, será o protagonista desta nova cita do ciclo ‘Galicia, ceo das letras’, que rende homenaxe a diversos escritores galegos e internacionais, e na que tomarán parte Giuseppe Tavani, reputado especialista en lírica trovbadoresca medieval, e o grupo de Música Antiga Martin Codax.

A Cidade da Cultura acolle un novo sábado literario, nesta ocasión homenaxeando a figura de Valle-Inclán. O acto inclúe un relatorio a cargo da profesora da USC Margarita Santos Zas e unha lectura dramatizada de José Luis Gómez (Teatro de La Abadía). 

(Vilanova de Arousa, 1866 - Santiago de Compostela, 1936). Considerado un dos escritores máis innovadores do século XX, a súa traxectoria literaria, que abrangue desde o Modernismo ata o esperpento (narrativa, teatro, poesía e ensaio), defínese pola busca constante da renovación das linguaxes artísticas. No 2011 conmemorase o 75º aniversario da súa morte.

12:00 | Relatorio: Margarita Santos Zas entrevista a José Luis Gómez. Margarita Santos Zas é profesora da USC, directora da Cátedra Valle-Inclán e do Anuario Valle-Inclán (Temple University/ USC). Premio de Investigación “Valle-Inclán” 2008.

13:00 | Lectura dramatizada (35’) a cargo de José Luis Gómez. Actor, director e fundador do Teatro de La Abadía, que inaugurou coa posta en escena de Retablo de la avaricia, la lujuria y la muerte. Concedéronlle, entre outros, o Premio á mellor interpretación masculina no Festival de Cannes, o Premio Nacional de Teatro e a Medalla de Ouro ao Mérito nas Belas Artes. Os seus últimos traballos en cine fórono baixo a dirección de Pedro Almodóvar e Milos Forman.

A Cidade da Cultura acolle un novo sábado literario, nesta ocasión homenaxeando a figura de Cunqueiro. O acto inclúe un relatorio a cargo de Quico Cadaval e un espectáculo oral con Cándido Pazó.

(Mondoñedo, 1911 - Vigo, 1981). Narrador, poeta e xornalista, é unha das figuras máis relevantes da literatura galega do século XX. Tamén exerceu como tradutor, sobre todo de poesía. Tanto na literatura coma no xornalismo foi un escritor bilingüe, pero o fundamental do seu labor creativo foi primariamente concibido na súa lingua de preferencia, o galego. En 2011 conmemórase o centenario do seu nacemento.

12:00 | Relatorio: Quico Cadaval. Actor, director, adaptador de teatro e contacontos, é un dos nosos cómicos máis corrosivos e penetrantes, así como un profundo coñecedor do universo máxico de Cunqueiro.

13:00 | Cunqueiradas (45’), por Cándido Pazó. Desde a súa longa e recoñecida experiencia, outro dos grandes cómicos galegos fai un espectáculo oral con historias e lerias inspiradas na maxia narrativa do xenial mindoniense.

Esta tarde o artista e investigador santiagués José Andrés Santiago Iglesias presentará a todos os composteláns que se queiran achegar ao Salón de Actos da Biblioteca Pública Ánxel Casal o seu libro 'Manga: del cuadro flotante a la viñeta japonesa' e pronunciará a conferencia 'Palabra vista. Imagen leída. Aproximación al manga como manifestación cultural'.

'Manga: del cuadro flotante a la viñeta japonesa' é unha completa e exhaustiva monografía sobre o manga xaponés editada pola Universidade de Vigo e dirixida tanto ao investigador máis experimentado como ao neófito entusiasta. O seu autor presenta nela a importancia do manga como a manifestación cultural máis representativa de Xapón, omnipresente en todas as facetas da vida diaria e laboral e que impregna a outros medios: cine, televisión, literatura, publicidade... O manga é, á súa vez, o vehículo a través do cal Occidente empezou a descubrir Xapón durante a última década, fenómeno que é calificado como a "terceira oleada de xaponismo cultural".

José Andrés Santiago explora e profundiza nas causas desta fascinación que está a xerar novos consumidores en Occidente e influíndo nos debuxantes de cómic europeos e americanos, no cine, na animación, na publicidade e na moda. 'Manga: del cuadro flotante a la viñeta japonesa' non é só un completo percorrido pola diversidade de xéneros e a multiplicidade de discursos que caracterizan ao manga, senón tamén unha visión histórica que incide especialmente no ámbito sociolóxico analizando os factores de influencia e repercusión no seo da sociedade nipona e a súa imbricación noutras manifestacións culturais, así como o seu importante valor de mercado en todo o mundo.

Na súa conferencia 'Palabra vista. Imagen leída. Aproximación al manga como manifestación cultural' José Andrés Santiago presentará ao público que se achegue á Biblioteca as razóns que conflúen no éxito do manga e prantexará aos asistentes se esta manifestación pode ser considerada como un novo referente cultural e artístico no século XXI. Con este obxectivo, indagará nos motivos que xustifican este recoñecemento que afecta á cultura xaponesa, á súa curiosa estrutura social e á súa importante economía.

José Andrés Santiago é Doutor en Belas Artes (Universidade de Vigo) e Premio Fin de Carreira pola Especialidade de Pintura. Na súa faceta como investigador, é autor da monografía “Manga. Del cuadro flotante a la viñeta japonesa”, presentada a finais de 2010 no XVI Salón del Manga de Barcelona, onde asistiu invitado polos organizadores (FICOMIC y Casa Asia), e coautor do libro fotográfico "A Ding in Japan". Conferenciante no mesmo Salón del Manga, en Casa Asia Madrid, no Expotaku de A Coruña e no MACUF, entre outros, é especialista en Manga xaponés e nas súas imbricacións socioculturais. Desde o ano 2005 forma parte do grupo de investigación dx5 da Universidade de Vigo, especializado en gráfica contemporánea.

Compostela acolle a XXX Feira do Libro, un tradicional encontro que fai do parque máis señorial da cidade, a Alameda, un lugar onde atopar, a bo prezo, publicacións moi variadas, incluíndo libros sobre Santiago e Galicia.

PROGRAMA DE ACTIVIDADES

Día 30
- 12.45. Actuación da Banda de Música de Santiago de Compostela.
- 13.00. Inauguración oficial. Pregón inaugural a cargo do escritor Diego Ameixeiras,  gañador do Premio Irmandade do Libro ao mellor libro do ano 2010. No acto inaugural, colabora a Asociación do Traxe Galego.
- 18.00. Presentación do libro Golfiño e os invasores, de Fausto Isorna, publicado por El Patito Editorial. Ao remate do acto, o autor asinará exemplares do seu libro.
- 19.00. Presentación do libro Svea Kött (carne sueca), de Domingo Tabuyo, publicado por Edicións Xerais de Galicia.  Intervirán: Francisco Caamaño, Ministro de Xustiza, Manuel Bragado e o autor.
- 20.00. O escritor Javier Alfayate, asinará exemplares do seu libro Aleta de Tiburón: Táctica de un operador en bolsa publicado pola Editorial Grupo de 28 Editores.
- 21.15. Sorteo dun lote de libros.

Día 1
- 12.00. A pintora e ilustradora Isabel Pintado asinará exemplares dos libros para nenos Parece unha rosa, de Rosalía de Castro e Cantiga do mazarico, de Emilio Pita, publicados por Edicións Espiral Maior, na colección Lúa Lueira.
- 18.00. Obradoiro de baile para todo o público a cargo do grupo Pesdelán, participantes no libro–cd–dvd  Na punta do pé publicado por Kalandraka Editora.
- 19.30. Presentación do libro A xanela escura, de Jorge Emilio Bóveda, da Colección Alcaián, de Urco Editora. Participarán no acto Denís Fernández Cabrera en representación da editorial e o autor da obra.
- 21.15. Sorteo dun lote de libros
 
Día 2
- 18.00. Actividades para nenos.  Contacontos a cargo de Brétema Animación.
- 19.00. Baía Edicións, presenta as obras gañadoras do Premio Barriga Verde 2010, nas modalidades infantil e adulto:  Fábula galénica, de Inacio e Pedra sobre pedra, de Xosé A. Neira Cruz.   Xuntos cos autores, intervirán Jorge Rei, da Asociación Barriga Verde e Belén López Vázquez, directora de Baía Edicións.
- 19.30. A poeta Eva Veiga asinará exemplares do libro A frecha azul do teixo, publicado por Edicións Espiral Maior.
- 20.00. O escritor Estevo Creus fará a presentación do seu libro de poemas visuais O libro dos cans, publicado por Franouren Edicións.  Xunto co autor, participará no acto Manuel Ángel García, director da editorial.
- 21.15. Sorteo dun lote de libros.

Día 3
- 18.00. Actividade para nenos. Contacontos a cargo de Brétema animación
- 18.30. Presentación do libro O meu gato é un poeta, de Fran Alonso, publicado por Edicións Xerais de Galicia.  Intervirán no acto Xurxo Souto e o autor.
- 19.00. A escritora Mª José Viñas Tobío asinará exemplares do seu libro El planeta Dragón, publicado por Editorial La Plana.
- 20.00. Presentación do libro de Marga do Val, A cidade sen roupa ao sol (Premio da Crítica Española 2011), publicado por Edicións Espiral Maior.  Participan no acto Marga do Val, Anxos Sumai, Elías Torres Feijóo e Miguel Anxo Fernán Vello.
- 21.15. Sorteo dun lote de libros.

Día 4
- 18.00. Actividade para nenos.   
- 19.00. Actuación do actor e humorista Cándido Pazó co seu monólogo Cunqueiradas.
- 20.00. Presentación do libro A palabra exacta. Biografía de Lois Pereiro, do escritor Antón Lopo, publicado por Editorial Galaxia.  Xunto co autor, participan no acto Carlos Lema, director de edicións de Galaxia e o xornalista Xosé Manuel Pereiro.
- 21.15. Sorteo dun lote de libros.

Día 5
- 18.00. Obradoiro de ilustración: Como nace un personaxe. Realización a cargo do ilustrador Xosé Tomás.  Actividade realizada coa colaboración de GALIX. 
- 19.00. O escritor Xavier P. Docampo presentará o seu libro O misterio das badaladas, publicado por Edicións Xerais de Galicia.  Manuel Bragado, director da editorial, manterá unha conversa con Xosé Cobas (ilustrador do libro) e co autor.
- 20.00. Presentación do libro  As palabras que move o mar, de Xaime Toxo, publicada por Edicións Xerais de Galicia. Xunto co autor, participará no acto Manuel Bragado.
- 21.15. Sorteo dun lote de libros.

Día 6
- 17.30. A maxia na Feira do Libro.  Sorprendente actuación do Mago Toño.
- 18.00. Presentación e firma do libro Águeda e o misterio dos calcetíns de Paula Señarís, publicado na colección Árbore, de Editorial Galaxia. Participan o editor Francisco Castro e a autora do libro.
- 19.00. Presentación do libro Vivir, unha aventura irrepetíbel.  Biografía de María do Carme Kruckemberg, da escritora Mercedes Queizas Zas, publicado por Editorial Galaxia. Participan no acto Francisco Castro, editor, Mª do Carme Kruckemberg e a autora do libro.
- 19.30. Firma de libros do escritor Enrique Reyes.  Asinará exemplares do seu libro La princesa que emigró, de Érice Ediciones.
- 20.00. Presentación do libro “Diccionario” Lois Pereiro, de María Xesús Nogueira, publicado por 3C3 Editores. Xunto coa autora, intervirán no acto Xosé Manuel Pereiro e Antonio Puentes Chao.  Tamén haberá a actuación musical de Modesto Refojo, Pipo.
- 21.15. Sorteo dun lote de libros.

Día 7
- 18.30. Actividade infantil.  Contacontos.  Actuación de Fátima.
- 19.00. Presentación do libro infantil ¿Qué me pasa, Ntumba? cuentos sobre enfermedades olvidadas, da escritora Feli Ibáñez, publicado por Médicos Sin Fronteras.
- 19.00. O escritor Enrique Reyes, asinará exemplares do seu libro La princesa que emigró, publicado por Éride Ediciones.
- 19.30. Firma do libro Caja negra, de Francisco Narla.
- 20.00. Charla coloquio de Javier Akerman:  Terapias naturais, medicina alternativa.  Ao remate do acto, o Dr. Akerman asinará exemplares dos seus libros (Tratamientos naturales de urgencia,  Como vencer el estrés. Vivir en plenitud), publicados por Auga Editora na súa colección Ecosalud
- 21.15. Sorteo dun lote de libros.

Día 8
- 18.00. Actividade para nenos. Obradoiro de marcapáxinas, impartido por Brétema Animación.            
- 19.00. Presentación de Poemas no faiado, de varios autores.  Colección de poemas lusófonos pensados especificamente para nenos. Publicado por Imperdível. Participarán no acto Xosé Antón Serén e Xemma Fernández.
- 20.00. Presentación do libro de poesía As Nosas Sombras no Xardín de Serralves, de Xoán Abeleira, publicado por Franouren Edicións.  Xunto co autor, participará no acto Yolanda Vilavedra
- 21.15. Sorteo dun lote de libros.
- 21.30. Peche da Feira do Libro.

DURANTE A FEIRA DO LIBRO, CELEBRARASE O  PRIMEIRO  PREMIO LITERARIO INFANTIL E XUVENIL FEDERACIÓN DE LIBREIROS / GÁLIX.

A Cidade da Cultura acolle un novo sábado literario, nesta ocasión homenaxeando a figura de José Ángel Valente. O acto inclúe un relatorio a cargo do poeta Claudio Rodríguez Fer e un concerto de Mauricio Sotelo, Raquel Rivera e María Luz Rivera.

A Cidade da Cultura homenaxea a grandes figuras da literatura galega e universal a través do ciclo "Galicia, ceo das letras". Doce sábados de autor ao longo de seis meses, nos que se combina literatura con outras artes.

De balde con reserva
Telf Reserva: 881 979 010

Durante dúas semanas, o Paseo Central da Alameda alberga a tradicional Feira do Libro Antigo e de Ocasión, que na súa XX edición conta coa participación de librerías de distintas comunidades españolas, de contrastada calidade, con máis de 100.000 exemplares que se poñerán á venda durante os 15 días de feira.

Dentro do gran número de materiais expostos, poderanse atopar curiosidades bibliográficas editadas nos séculos XVII e XVIII, primeiras edicións de libros de autores dos séculos XIX e inicios do XX (Rosalía, Curros, Valle Inclán, Pardo Bazán, Baroja, Alberti, Neruda, Gómez de la Serna) e documentacións profesionais, carteis, prensa e revistas, todo tipo de materiais impresos, cartas postais, mapas, papel moeda, facsímiles e libros de ocasión que polo seu prezo, poden constituír unha boa equipaxe para as vacacións de verán e para fondo de biblioteca, así como unha excelente ocasión para os coleccionistas e bibliófilos.

A Cidade da Cultura acolle un novo sábado literario, nesta ocasión homenaxeando a figura de Torrente Ballester. O acto inclúe un relatorio a cargo de Jesús Ferrero e lecturas musicadas coa actriz Charo López, o catedrático de Literatura Española Luis Iglesias Feijoo e o escritor Alfredo Conde.

De balde con reserva
Telf Reserva: 881 979 010

Gonzalo Torrente Ballester (Ferrol, 1910 – Salamanca, 1999). Autor dunha extensa e heteroxénea obra, diversa en xéneros e en estilos, diversa tamén en obxectivos e propósitos, pero percorrida na súa totalidade por unha unidade medular que, resolta con ironía e humor, procede da sutil percepción do contraditorio no real, e o profundo coñecemento da tradición literaria. O 13 de xuño de 2011 remata o primeiro centenario do nacemento de GTB.

12:00 | Relatorio: Jesús Ferrero. Graduado en Historia Antiga pola Escola de Altos Estudos de París, é un escritor de traxectoria sobresaínte, con numerosos premios no seu haber (Premio Internacional Plaza y Janés, Premio Azorín ou Premio Anagrama, entre outros) e obra traducida ao inglés, francés, alemán e chinés. No mundo do cine, foi coautor xunto con Pedro Almodóvar do guión orixinal do filme Matador.

13:00 | Lecturas musicadas (30’): Charo López, Luis Iglesias Feijoo e Alfredo Conde. Charo López, a inmensa actriz de Los Gozos y Las Sombras, comparte escenario con Luis Iglesias Feijoo, catedrático de Literatura Española e un dos hispanistas españois máis acreditados, seguido polo escritor Alfredo Conde (Premio Nacional de Literatura, Premio Nadal), tradutor ao galego do libro de Torrente La isla de los jacintos cortados.

13:30 | GTB x GTB (36’). Documental sobre a vida de Gonzalo Torrente Ballester, realizado pola Sociedad Estatal de Conmemoraciones Culturales a propósito do centenario do seu nacemento. Dirixido por Luis Felipe Torrente e Daniel Suberviola.

Presenta: Álvaro Torrente, presidente da Fundación Gonzalo Torrente Ballester.

'Nómade' nace dun movemento migratorio que leva a autora de Galicia a Buenos Aires e de Buenos Aires a Galicia. Tamén se moven os poemas en busca dun espazo que non é físico, 'Nómade' é o camiñar cara un espazo propio: un espazo que a partir de agora se construirá en maiúsculas.

Editada por Espiral Maior, é a primeira obra da autora que ve a luz. Con este poemario, María Rosendo Priego vén de gañar a XXIII edición do Premio Nacional de Poesía Xosemaría Pérez Parallé.

Durante o ano 2010, Maria Rosendo foi tamén gañadora do VII Certame Literario Feminista do Condado.

Presentación do libro pola poetisa Andrea Nunes Brións, coa asistencia da autora.

A Cidade da Cultura acolle un novo sábado literario, nesta ocasión homenaxeando a figura de Blanco Amor. O acto inclúe un relatorio a cargo de Bieito Iglesias e proxección audiovisual da Asociación de Escritores en Lingua Galega (AELG).

De balde con reserva
Telf Reserva: 881 979 010

(Ourense, 1897 – Vigo, 1979). Blanco Amor é recoñecido como un dos nosos máis lúcidos escritores clásicos, autor dunha obra literaria completa e innovadora desde o punto de vista técnico e lingüístico, que, no entanto, non sempre foron argumentos sólidos para evitar certa marxinalidade do autor en vida.

- 12:00 | Relatorio: Bieito Iglesias. Profesor, tradutor e xornalista, é autor de novelas e relatos fundamentais no último decenio, galardoados, entre outros, co Premio García Barros, o Premio da Crítica ou o Premio Merlín de Literatura Infantil e Xuvenil.

- 13:00 | Proxección audiovisual (45’). Produción propia da Asociación de Escritores en Lingua Galega (A.E.L.G) que se estrea neste ciclo, como mostra da visión poliédrica dunha serie de escritores/as e estudosos/as sobre o universo literario de Blanco Amor.
Presentan: Cesáreo Sánchez Iglesias, poeta e presidente da A.E.L.G., xunto con Mercedes Queixas Zas, profesora, ensaísta e crítica literaria, así como secretaria xeral da A.E.L.G.

O Encontro de Literatura de Viaxes celebra a súa segunda edición como cita única no mercado do libro e da literatura viaxeira. Santiago, meta milenaria, faise así o centro da palabra camiñante, das rutas narrativas, das imaxes e ata dos sabores lonxanos. Coa presenza de figuras coma Antonio Gala, Julio Llamazares, José Luis Corral Lafuente e José María Íñigo, e institucións coma National Geographic, os editores, autores e lectores atoparán un programa literario que nos 800 anos da consagración do templo de Santiago revisita as catedrais como fonte de inspiración.

Ao 'Café con...', amenas tertulias cos autores invitados, talleres creativos, presentacións, sinaturas de exemplares e intercambios de libros con protagonismo das redes sociais, súmanse propostas novas como o festival de fotografía 'Olladas Viaxeiras', comisariado por Xurxo Lobato; a maratón de fotografía 'Que ve a Catedral?' e o evento gastronómico 'A volta ao mundo en 80 sabores', que permite percorrer as cociñas do mundo sen saír de Compostela.

LITVI, Encontro de Literatura de Viaxes, celebra a súa segunda edición do 14 ao 22 de xuño, en Santiago de Compostela. O encontro é unha cita cultural única no mercado do libro e da literatura de viaxes, reflectida nos diferentes formatos e soportes posibles como o propio libro, as revistas, o audiovisual e as novas tecnoloxías.

A segunda edición de LITVI mantén as súas características esenciais e dá novos pasos, cara máis sectores nos que a literatura de viaxes ten unha incidencia importante.

Debemos recordar que LITVI converte a Galicia no centro de atención dun mercado, o da cultura relacionada coas viaxes e co turismo. É unha oportunidade de proxección da nosa comunidade, acaparando unha maior atención de público, tanto especializado como  xeneralista.

LITVI   é un punto de encontro para todos os afeccionados á literatura de viaxes: usuarios de guías e manuais, seguidores de novelas ou descricións de paraxes próximos ou remotos, amantes dos audiovisuais de viaxes e aventuras... É unha oportunidade de intercambio para editores, produtores e autores. É unha plataforma de coñecemento e proxección das obras existentes e das novidades que veñen de cara ao tempo de vacacións que representa o verán.

O 800 aniversario da consagración da Catedral de Santiago é unha ocasión única, LITVI enmárcase nesta celebración. LITVI conta co patrocinio do Consorcio de Santiago, Concello de Santiago de Compostela, Fundación Cidade da Cultura de Galicia e Consellería de Cultura e Turismo da Xunta de Galicia; ademais da colaboración de Ámbito Cultural de El Corte Inglés, Deputación de A Coruña, Festival Olladas e Fundación Torrente Ballester. Está promovido e organizado por Trevisani.

AVANCE PROGRAMACIÓN

**MARTES 14 de xuño
- 20 h. Acto Oficial de Inauguración LITVI 2011. Cidade da Cultura de Galicia
- 20.15 h. Relatorio de Antonio Gala:  “Unha viaxe literaria: o poema de Tobías desangelado”

**MÉRCORES 15 de xuño
- 17 h. Laboratorio de relato breve de viaxes (I). Fundación Torrente Ballester
- 18 h. Café con… Julio Llamazares. Factoría Compostela
- 20 h. Relatorio de Julio Llamazares: “As catedrais, fontes de inspiración”. Fundación Torrente Ballester

'A volta ao mundo en 80 sabores'
- 14 h. Menús do mundo: A Curtidoría – Broa – Castelao – Caney – Garum – Tafona
- 20.30 h. Menús do mundo: A Curtidoría – Broa – Castelao – Caney – Garum – Tafona
- 22 h. Cócteles do mundo: Vaová - Bolengo

**XOVES 16 de xuño
- 17 h. Maratón fotográfico: Que ve a Catedral?
- 18 h. Café con… José María Íñigo • Factoría Compostela
- 20 h. Diálogo: “Turismo, viaxes, literatura”. Fundación Torrente Ballester
José María Íñigo
Presenta: Ramón Pernas

'A volta ao mundo en 80 sabores'
- 14 h. Menús do mundo: A Curtidoría – Broa – Castelao – Caney – Garum – Tafona
- 20.30 h. Menús do mundo: A Curtidoría – Broa – Castelao – Caney – Garum – Tafona
- 22 h. Cócteles do mundo: Vaová - Bolengo

**VENRES 17 de xuño
- 23 h. Proxección fotográfica: O Camiño das Catedrais • Praza da Quintana
    Xurxo Lobato

'A volta ao mundo en 80 sabores'
- 14 h. Menús do mundo: A Curtidoría – Broa – Castelao – Caney – Garum – Tafona
- 20.30 h. Menú Catedrais: Factoría Compostela, menú elaborado por Siro de Restaurante Calderón
- 20.30 h. Menús do mundo: A Curtidoría – Broa – Castelao – Caney – Garum – Tafona
- 22 h. Cócteles do mundo: Vaová - Bolengo

**SÁBADO 18 de xuño
- 18 h. Café con…. Xurxo Lobato (fotógrafo) e Eva van der Berg (editoraNational Geographic España). Factoría Compostela
- 23 h. Proxección fotográfica: As mellores fotos de viaxes do National Geographic (Eva van der Berg) Praza da Quintana

'A volta ao mundo en 80 sabores'
- 14 h. Menús do mundo: A Curtidoría – Broa – Castelao – Caney – Garum – Tafona
- 20.30 h. A volta ao mundo en 80 sabores: Factoría Compostela, menú elaborado por Abastos 2.0
- 20.30 h. Menús do mundo: A Curtidoría – Broa – Castelao – Caney – Garum – Tafona
- 22 h. Cócteles do mundo: Vaová - Bolengo

**LUNS 20 de xuño
- 17 h. Laboratorio d relato breve de viaxes (II). Fundación Torrente Ballester

**MARTES 21 de xuño
- 18 h. Café con… José Luis Corral Lafuente e Toti Martínez de Lezea. Factoría Compostela
- 20 h. Diálogo: “As Catedrais, simboloxía e literatura”. Fundación Torrente Ballester
    José Luis Corral Lafuente e Toti Martínez de Lezea

**MÉRCORES 22 de xuño
- 20 h. Relatorio de Carmen Becerra: “A Catedral de Santiago na obra de Torrente Ballester”. Fundación Torrente Ballester

+info: 981 59 23 33 e www.litvi.es

O salón de actos da Biblioteca Pública Ánxel Casal acolle esta tarde a presentación do libro 'Lois Pereiro. Unha persecución', de Mario Regueira, publicado por 2.0 Editora. No acto tomarán parte Txiki Calvo e o propio autor.

A Fundación Granell acolle esta tarde a presentación da novela psicolóxica '1980 (Ano Cero)', editada pola editorial Toxosoutos, do novo valor da narrativa galega, o vigués Rubén Martínez Alonso. O acto será presentado por David G.Couso, Director de publicacións da Editorial Toxosoutos, e contará coa presenza do escritor Xosé Díaz. Por último, o propio autor pechará o acto dándonos a súa visión da creación narrativa que nos presenta, un grande paso na súa  traxectoria como creador literario.

Rubén Martínez Alonso (Vigo,1980) Licenciado en Historia da Arte pola Universidade de Santiago de Compostela, cursa os seus estudos de Doutorado en Linguaxe, Ciencia e Antropoloxía na Universidade da Coruña. Na actualidade, as súas investigacións céntranse no ámbito das sociedades recreativas galegas, de cara á realización da súa tese doutoral, despois de exercer como docente na Facultade de Xeografía e Historia de Santiago de Compostela. No ámbito da creación literaria, a súa primeira incursión foi a través da poesía, publicando na revista Dorna.

Con esta novela, 1980 (Ano cero), o autor dá os seus primeiros pasos dentro da narrativa. En palabras do propio autor: "Ás veces penso nas vidas que terei vivido xa, en como tento eternamente volver a ese ano cero, a 1980, co propósito de emendar vos meus erros. Se, sempre, eternamente, condenado a unha infelicidade perpetua, a unha irrealización permanente".
Segundo a editorial Toxosoutos ,1980 (ANO CERO) constitúe un retrato psicolóxico, onde espazo e tempo desaparecen en prol dunha ubicuidade absoluta, o que fai que o Ego asuma a dualidade do xénero.

O programa 'Que ves cando me ves?' organiza esta tarde un recital de poesía na Casa das Asociacións de Cornes. A intención é reunir a poetas de diferentes xeracións e estéticas e propiciar o encontro co público nunha escoita e espazo non convencionais.

O recinto ofrece varias posibilidades: a terraza á luz das candeas (se fai bo tempo) e tamén a posibilidade de dialogar coa obra exposta das artistas que integran a exposición xa que dispoñemos dun micrófono inalámbrico que permite unha maior liberdade á hora de imaxinar unha posta en escena para cada intervención. Algunhas poetas con obra en formatos audiovisuais utilizarán unha pantalla táctil fixa na parede da sala. Na web aparecerán os links das poetas con obra en videocreacións, poesía visual, etc.

Estase a conformar a axenda. Confirmadas: Andrea Nunes Brións, poeta e creadora audivisual /
As Candongas do Quirombo, colectivo poético‐audiovisual / Emma Pedreira, poeta/ Estíbaliz
Espinosa, escritora, cantante, blogueira / Ledicia Costas Álvarez, escritora, directiva de Gálix
(Asociación Galega do Libro Infantil e Xuvenil) / Olalla Cociña/ poeta e xornalista/ Raquel Rei,
artista audiovisual / Teo Ruiz, poeta e serígrafa

A última das mañás literarias organizadas pola Cidade da Cultura rende homenaxe á figura máis recoñecida e influínte da literatura hispánica universal. O ciclo ‘Galicia, ceo das letras’ contará nesta ocasión cun relatorio da viúva de Borges, a escritora arxentina María Kodama, e un concerto de música tradicional sefardí e poesía contemporánea xudeo-española.

Jorge Luis Borges (Bos Aires, 1899 - Xenebra, 1986). Poeta, ensaísta e narrador de obra ecuménica, quizais a máis recoñecida e influínte da literatura hispánica contemporánea no mundo, na que non faltan referencias a Galicia e aos galegos. En 2011 celebramos o seu 25 cabodano.

12:00 | Relatorio: María Kodama. Viúva, albacea e derradeira musa de Borges. Escritora, tradutora e presidenta da Fundación Internacional Jorge Luis Borges establecida en Bos Aires.

13:00 | Concerto de Mónica Monasterio e Horacio Lovecchio. Intérpretes arxentinos de música tradicional sefardí e contemporánea xudeo-española, con especial atención á poesía.

Presenta: Claudio Rodríguez Fer, autor do libro Borges e o labirinto galego, entre outros traballos sobre o autor arxentino.

A Biblioteca Pública de Santiago Ánxel Casal sae á rúa durante todos os sábados de setembro e outubro. Os composteláns poderán coñecer a colección da Biblioteca a través dunha pequena representación dos seus fondos constituída por libros, revistas e audiovisuais. O público terá a oportunidade de consultar estes materiais e obter información sobre os servizos que ofrece a biblioteca: préstamo, actividades culturais (contacontos, monicreques, concertos, presentacións de libros...), clubs de lectura, "biblioteca accesible", consulta de internet, préstamo de portátiles, de e-readers e de e-books, etc.

Esta pequena mostra irá acompañada da proxección dun vídeo explicativo sobre as instalacións, servizos e organización da biblioteca. Nos propios postos se facilitarán os trámites ás persoas interesadas en facerse socias: tan só terán que cubrir un impreso de inscrición e o persoal da biblioteca destinado durante estes días na rúa faralles unha fotografía tamaño carné nese mesmo intre. Os novos lectores recibirán a tarxeta por correo postal no seu domicilio.

Postos e horarios:
- Praza de Abastos: Por primeira vez a Biblioteca Pública de Santiago estará presente neste espazo cunha actividade que, baixo a denominación de "Bibliomercado", quere achegar os seus servizos e a súa colección a todos os composteláns que fagan as súas compras nesta emblemática praza de abastos.
Horario: Todos os sábados de setembro e outubro de 8.30 a 14.00 h.
- Praza Cervantes: Como en anos anteriores, a Biblioteca Pública de Santiago súmase a
esta iniciativa da Libraría Couceiro que busca a promoción da lectura, obxectivo compartido polo sector libreiro e as bibliotecas públicas.
Horario: Todos os sábados de setembro de 10.30 a 14.00 h.

O Museo do Pobo Galego celebra unha nova edición das 'Olladas sobre o Museo', na que contará coa especial mirada de 5 poetas: Silvia Penas, Séchu Sende, Xabi Xil Xardón, Anxo Angueira e Andrea Nunes.

Sexa onda a lareira ou apertados eles, elas contra o lintel, a palabra poética é unha palabra habitábel e de ocupación. Habitábel porque moitas realidades se foron transformando aos poucos polos moitos corredores do poema. Outras, evidentemente, xogaron ás agochadas e non quixeron ter ningunha existencia posíbel na canción. De ocupación porque viu a encher os moitos espazos e os días que se querían baldeiros e que a actitude teimuda dun pobo resistente se negou a entregar. Por iso é que esta palabra regresa ao Museo do Pobo Galego, tiradas as sabas limpas do tendal, para ser a habitación de cada cousa inmaterial de noso, e para ocupar con dignidade, contundencia e encher de cor, cada furado da memoria colectiva dun pobo que nunca se deixará esmorecer. Nin na poesía nin na memoria han dar pendurado o aviso de “pechado por defunción”.

Séchu Sende
Naceu en Padrón en 1972. Iniciouse como poeta vinculado ao Colectivo Poético Serán Vencello, formando parte da xeración dos 90, e revelándose máis tarde como un dos narradores de principios do século XXI. Foi un dos fundadores do proxecto editorial Letras de Cal, no que publica o seu primeiro libro Odiseas en 1998. Licenciado en Filoloxía Galego-Portuguesa, como sociolingüista foi cofundador da Cooperativa Tagen Ata. Língua e Comunicación. En 2003 gaña o Premio Blanco Amor coa novela Orixe. O seu libro de relatos curtos Made in Galiza (2007) recibiu o Premio Anxel Casal ao Mellor Libro do Ano, concedido pola Asociación de Editores Galegos. No ano 2010 publicou o libro ilustrado Animais, un conxunto de textos e deseños que forman un himno á vida natural e unha denuncia do progreso mal entendido desde múltiples rexistros como o da ironía, o do humor e o do surrealismo. Tamén é domador de pulgas no Circo de Pulgas Carruselo, máis coñecido como Galiza Pulgas Circus. Actualmente é profesor de lingua e literatura galega no IES Marco do Camballón de Vila de Cruces.

Silvia Penas
Realizou estudos de Filoloxía galega na Universidade de Vigo, cidade onde mora a día de hoxe. Exerce como profesora de lingua e literatura galega, ademais de dedicarse a outras tarefas profesionais. Os seus textos foron galardoados en diferentes certames de poesía e narrativa, entre os que cómpre mencionar o Premio de poesía da Universidade de Vigo 2005, co poema en cinco partes Neste Bosque. Cun conxunto de poemas intitulado A tiranía do des foi premiada en 2007 no Certame Galego de Creadores Novos GZcrea. En 2009 publica Biografía da multitude en coautoría con Elvira Riveiro Tobío, poemario que acadou o premio de poesía Victorano Taibo en 2009. Ten participado en numerosos recitais como membro do colectivo Redes Escarlata

Xabier Xil Xardón
Xabier Xil Xardón, isto é, eu, nazo por imperativo biolóxico en Morgade, Xinzo de Limia, en 1983. Curso estudos de Filoloxía Galega na Universidade de Vigo onde acado varios premios literarios nos certames anuais que convoca esta universidade. Recordo que, de cando en cando, tamén asistía a aulas, mais iso non vén moito ao conto, supoño. No ano 2007 recibo o premio Antón Tovar do Concello de Rairiz de Veiga con Abismalia, un poemario por sorte inédito grazas á desidia, naquela altura, das autoridades convocantes do certame. Dous anos despois outórganme tamén o Eusebio Lorenzo Baleirón con Cando menos a derrota, que desta volta si ve a luz na editorial Sotelo Blanco.
Así mesmo, escolmo e reescribo os contos de tradición oral que se recollen no libro Contos de ida e volta, en edición multilingüe (galego, inglés, francés e castelán), que deu ao prelo a editorial ourensá Difusora de Letras, Artes e Ideas, e que se enmarca dentro do traballo de recuperación e posta en valor do patrimonio inmaterial galego levado a cabo polo Proxecto Ronsel. Ademais, teño colaborado en varias publicacións periódicas, con máis ou menos fortuna e/ ou constancia, como a revista de poesía Dorna, O ollo público ou o xornal Novas da Galiza, así como participado en numerosos recitais de poesía ao longo do país. Actualmente, colaboro co grupo de Poetas da Hostia, con quen reparto Hostias en Verso e papo Merendaceas ben saborosas. Tamén teño impartido talleres de creación literaria para nenos.
Son membro do colectivo das Redes Escarlata; participo en proxectos de centros sociais porque creo que a autodeterminación e a emancipación social non se outorgan, constrúense; quero crer que a poesía serve para algo máis ca para que alguén lea unha falsa biografía contada por un mesmo e tamén teño bastante claro que ante o actual estado de cousas o conto é conto, pero... ou vai ou racha.

Andrea Nunes Brións
Naceu en Marín baixo un florecente manto de escamas. Trasladouse a Compostela fuxindo dos verquidos tóxicos de Ence. Alí entrou en contacto con diferentes persoas que acreditan nun mundo fóra do patriarcado capitalista. Nos seus momentos libres cursou a carreira de Filoloxía. Agora despois de rematar un mestrado, procura emprego ben remunerado mentres escribe poemas e fai vídeos coas Candongas do Quirombo. Acaba de publicar o poemario Todas as mulleres que fun coa editorial Corsárias, e previamente sacou Corrente do esquecemento (Aturuxo, 2007). Colaborou en diferentes publicacións galegas como Dorna, Nova Ólisbos, Andaina, Revista Galega de Teatro, AulaFoto ou Tempos Novos.

Anxo Angueira Viturro
Naceu en Manselle, Concello de Dodro en 1961. Tivo a curiosa idea de inmortalizar os traballos comunais para a construción dun valo na súa aldea, que saíu publicado baixo o título O valo de Manselle (Xerais, 1996). O seu compromiso cos vencidos e as vencidas do Golpe de Estado do 36 levouno a escribir Pensa Nao (Premio Xerais de Novela no 1999), reflexo do soño republicano de emancipación. Denunciou a inxustiza da que Rosalía de Castro foi obxecto nos estudos literarios e reivindicou activamente á autora como símbolo nacional galego, xa en diversas conferencias ou no proxecto poético-musical Rosalía 21. Atento lector de Méndez Ferrín publicou a edición crítica da Poesía enteira de Heriberto Bens (Xerais,1999), a Guía de Lectura de Con pólvora e magnolias (Edicións do Cumio, 1992) ou un enxeñoso estudo intitulado A espiral no espello. Bretaña, Esmeraldina e o sistema literario galego (Xerais, 2010) que o revelou como un amante furioso da idea da liberación nacional.
Compatibiliza hoxe as súas aulas na Universidade de Vigo coa súa intervención poético-social nas Redes Escarlata e as súas colaboracións n'O Xornal, publicación da CUT (Central Unitaria de Traballadores/as) e n'A TRABE DE OURO.

Esta tarde, o Salón de Actos da Biblioteca pública Ánxel Casal será escenario da presentación do libro de poesía 'Cómo estás?', de Claudio Pato, un volume publicado por Estaleiro editora. No acto tomarán parte, ademais do autor, Ana Salgado, Xoán Carlos Rodríguez e Xosé Carlos Hidalgo.

A Libraría Aenea quere celebrar o día das librarías organizando unha velada moi especial. Con horario de apertura ata as 22.00 horas, convida a todos, grandes e pequenos, a que se acheguen para participar nunha lectura colectiva de poesía xunto ao poeta Arturo Vázquez Sánchez.

Podedes traer as vosas poesías, as que tedes gardadas no caixón. Recitándoas e sabéndose escoitadas recobrarán VIDA.
Tamén teremos ocasión de escribir espontaneamente, o que nos evoquen as palabras dos outros. Tamén teremos ocasión de escribir espontaneamente, o que veña a conto, o que xurda, o que nos evoquen as palabras dos outros.

Para todo isto nos acompañará un poeta de raíces mexicanas, Arturo Vázquez Sánchez, que xa nos deleitou, noutras ocasións, co seu saber e o seu sentir. Un mestre do difícil oficio de deixar saír as palabras dende as mesmas entrañas. E que sabe como deixar no outro o gusto pola POESÍA.

5% Dto na compra de libros
A libraría estará aberta ata as 22:00 h.

Esta tarde, o Teatro Principal acolle o acto de presentación de 'Taller de la Memoria de la Escena', as biografías de Dorotea Bárcena, José Antonio Jiménez, Vicente Montoto, Pilar Pereira e Jorge Ricoy.

Esta tarde, o Salón de Actos do Hotel Araguaney acolle a presentación dos libros 'Formas da indefinición' e 'Roxe de sebes', ambas as dúas obras do ensaísta Ignacio Castro Rey. No acto de presentación tomarán parte, ademais do autor, o filósofo Alberto Sucasas, Alberto Ruiz de Samaniego e Rafa Xaneiro.

Ignacio Castro Rey (Santiago de Compostela, 1952). Filósofo, escritor, crítico de arte e profundo amante da música. Actualmente reside en Madrid, onde exerce como profesor de Filosofía nun instituto. Doutorado en Filosofía pola Universidade Autónoma de Madrid, durante catro anos de modo intermitente viviu retirado no corazón da Serra do Courel, nunha cabana arranxada por el. Desa experiencia para o seu ser, resultou o libro Roxe de Sebes (reeditado pola Fundación Luis Seoane, 2011). Ten publicados varios libros de ensaio, tanto en galego coma en español, como Alén da Fenda; por unha filosofía do absoluto sensible (Espiral Maior, 1994), Neste Silencio: arredor de Uxío Novoneyra (Noitarenga, 2000), Crítica de la Razón Sexual (Ediciones del Serbal, 2002) ou Votos de Riqueza; la multitud del consumo y el silencio de la existencia (Antonio Machado Libros, 2007).

O Paraninfo da Universidade (Facultade de Xeografía e Historia) acolle esta tarde o acto de presentación do libro 'Santiagos de Santiago. Dos Apóstoles al final del Camino', de José Manuel García Iglesias, Catedrático de Historia da Arte. No acto tomarán parte, ademáis do propio autor, Gerardo Conde Roa, Alcalde e Presidente do Consorcio de Santiago, e Juan Casares Long, Reitor da Universidade de Santiago.

Na igrexa de San Domingos de Bonaval terá lugar esta mañá a presentación do libro 'Cerimonial, festa e liturxia na Catedral de Santiago', editado con motivo da exposición do mesmo nome e enmarcada nos actos do oitavo centenario da consagración da Catedral de Santiago. No acto tomarán parte Gerardo Conde Roa, Alcalde e Presidente do Consorcio de Santiago, e José María Díaz Fernández, Deán da Catedral de Santiago.

No marco da programación preparada con motivo do 800 Aniversario da consagración da Catedral de Santiago, a Catedral e o Consorcio de Santiago presentan o libro 'Cerimonial, festa e liturxia na Catedral de Santiago', o máis completo estudo sobre todo o relacionado coas celebracións que teñen como escenario a basílica xacobea: as liturxias, os cultos ao Apóstolo, a música, as festas, os ritos xacobeos, os Anos Santos, os xestos dos peregrinos.

O libro compónse de diferentes capítulos, abordados cada un deles por un estudoso. Así, a publicación recolle textos de Ramón Yzquierdo Perrín, que fai un completo percorrido pola historia de la Catedral a través das Ofrendas ao Apóstol, desde os reis asturianos, que impulsaron con elas o culto a Santiago, até os nosos días. O Deán do Cabildo e comisario da mostra, José María Díaz Fernández,  ocúpase de abordar os Tempos litúrxicos na Catedral a través das solemnidades, tempos ordinarios, vida cotiá e celebracións excepcionais e o papel que todo iso xogou na historia e a arte da Catedral. O Profesor de Historia da arte da Universidade de Sevilla, Jesús Aguilar, trata sobre as Vestiduras ricas da colección catedralicia. Antón Pombo, xornalista e escritor, á vez que gran experto no Camiño de Santiago e peregrino, el mesmo, a Compostela en numerosas ocasións, aborda o capítulo dedicado aos Ritos dos peregrinos na Catedral de Santiago a través dos tempos: do contacto co sacro á atracción polo curioso. Francisco Singul, Director da área de Exposicións e Publicacións da S. A. de Xestión do Plan Xacobeo, ocúpase do Camiño de Santiago como espazo ritual e simbólico.

Os capítulos seguintes ocúpanse dos prelados, cabildo, reis e pontífices; e do papel que estes desempeñaron para, tras o descubrimento dos restos do Apóstolo, dar lugar ao fenómeno das peregrinacións e á construción dunha gran Catedral arredor da cal foi crecendo unha cidade. David Chao, Profesor de Historia da arte da Universidade de Santiago e Arturo Iglesias, Técnico responsable da área de documentación moderna do Arquivo da Catedral, ocúpanse dos prelados e cóengos. Pola súa banda, Xosé Manuel Sánchez, Técnico responsable da área de documentación medieval do Arquivo da Catedral, profunda na relación entre Santiago e os Papas e a Monarquía. Miguel Taín, Profesor Titular de Historia da arte da Universidade de Santiago, desenvolve, a celebración ao longo dos séculos da Festa do Martirio de Santiago (o 25 de xullo), a Translación (o 30 de decembro) e a Festa da Aparición de Clavijo (23 de maio). César Lombera, artista e investigador, aborda o tema da Coca ou Tarasca, personaxe profano que se incardina na celebración do Corpus en numerosos lugares da Península Ibérica e que, en Santiago, acaba por sumarse ás celebracións das festas do Apóstolo até a súa desaparición. Finalmente, Carlos Villanueva, Catedrático de Historia da Música da Universidade de Santiago, ocúpase da música feita dende e para a Catedral de Santiago.

A galería de arte A.dFuga acolle esta tarde a presentación do novo libro, 'Ensaios Radioativos', de Márcio-André, editado por Axóuxere Editora.

Axóuxere Editora (www.axouxerestream.com) presentará o libro Ensaios Radioativos, do poeta e performer brasileiro Márcio-André, continuando así a liña da colección Polimnia. Cadernos de combate, centrada en textos de pensamento crítico contemporáneo de carácter breve, e na que se dedica especial atención a novas voces do ámbito galego e internacional.

O evento, que contará coa presenza de Márcio-André, e será presentado polo tamén poeta e profesor de literatura portuguesa da Universidade de Santiago, Carlos Quiroga, rematará cunha intervención do autor.
Márcio-André (Rio de Janeiro, 1978). Escritor, artista sonoro e visual. Deu clases de escrita creativa e poesía sonora na Universidadede Coimbra e na Universidade Federal do Rio de Janeiro. Como tradutor, publicou textos de Ghérasim Luca, Gilles Ivain, Serge Pey, Mathieu Bénézet,Hagiwara Sakutaro e Forrest Gander.
No 2008, recibeu a Bolsa Fundação Biblioteca Nacional, polo libro de ensaios Poética das Casas e, no 2009, foi poeta residente en Monsanto, Portugal. É tamén editor da editoria brasileira Confraría do Vento e curador de Cidade aTravessa, evento literario e performático que acontece nas cidades de Lisboa, Rio de Janeiro e São Paulo.

Autor de catro libros de poesía e ensaios, colaborou con diversos xornais, entre eles O Globo, Jornal do Brasil ou O Estado de Minas; e con revistas brasileiras e internacionais. Os seus poemas foron traducidos a oito idiomas. Está integrado en diversas antoloxías como Poesia do Mundo; O que é poesia?; Todo começo é involuntário – a poesia brasileira no início do Sec. 21; Poétes Brésiliens d´aujourd´hui; e 24 letras por segundo; entre outras. Poeta experimental, con obras na área da poesía visual e sonora, da instalación e da performance, realizou traballos no Reino Unido, Francia, Portugal, Ucrania, Perú, así como tamén en diversas cidades do Brasil, traballando con poetas como Bruce Andrews, Stephen Rodefer, Arjen Duinker e Jonathan Morley. Actualmente vive en Lisboa.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

Celso Emilio Ferreiro (Celanova, 1912 – Vigo, 1979). Poeta do pobo, a obra de Celso Emilio aglutina crítica social, intimismo, sátira e compromiso coa Terra.

Autor dalgún dos títulos que deixaron unha máis fonda pegada na literatura galega contemporánea, como Viaxe ao país doa ananos, Onde o mundo se chama Celanova, O soño sulagado,e sobre todo Longa noite de pedra, estandarte profusamente musicado desde a nova canción galega dos anos 60’ ate os nosos días. En 2012 conmemoramos o centenario do seu nacemento.

PROGRAMA

- 12:00 h. Relatorio: Ramón Nicolás Rodríguez
Profesor e crítico literario. Realizou diversos traballos sobre Celso Emilio Ferreiro e ten a piques de publicar unha biografía sobre o celanovés.

- 13:00 h. Labregos do Tempo dos Sputniks (35')
Tres colosos do punk (O Leo), do hip hop (García Mc -Dios Ke Te Crew-) e do ska (Vero –Xenreira-) conflúen nunha das bandas máis poderosas da escena musical galega actual, en tributo aos versos de Celso Emilio.

**Presenta
Luís Ferreiro, fillo do poeta e presidente da Fundación Celso Emilio Ferreiro

Durante sete sesións e ata final de ano desfilarán polo auditorio da Biblioteca de Galicia tres autores cumio das letras galegas (Celso Emilio Ferreiro, Otero Pedrayo e Castelao), unha escritora de nós prodixio da literatura castelá (Emilia Pardo Bazán) e un elenco de talentos mundiais aos que nos unen a veciñanza, a lingua ou o mesto universo da imaxinación (Federico García Lorca, Jorge Amado e James Joyce).

Cada unha das sete sesións que darán vida a estes ‘Sábados de autor’ constará dunha charla inicial impartida por un experto de referencia para, a continuación, dar paso a unha actuación artística -música, cine, teatro…- ligada ao espírito do escritor homenaxeado.

A Libraría Couceiro acolle a presentación o libro 'Globalización e imperialismo cultural', compilado e traducido por Manuel Outeiriño, publicado en Galaxia, quen participará no acto xunto a Carlos Lema e Antón Figueroa.

Con motivo do Día Mundial do Libro, a Fundación Eugenio Granell organiza a actividade "Libro por Libro."
 
Excepcionalmente a Fundación Eugenio Granell abre as portas da súa tenda o luns 23 de abril (de 11-14 h e  16-19 h) para acoller esta actividade.
 
Esta proposta está dirixida a persoas e institucións que desexen cambiar os seus libros co stock ofrecido pola biblioteca da Fundación. A biblioteca conta nos seus fondos con libros duplicados (novos e usados) das áreas de cultura, arte, ciencias sociais e publicacións propias da Fundación, que serán facilitados ao público, co fin de trocalos por libros sobre o surrealismo, vangardas e arte étnica.
 
Para facilitar este intercambio, a partir do día 18, todos os interesados poderán consultar a seleción de títulos que se ofrecerán o día 23 na páxina web da Fundación www.fundacion-granell.org e na páxina oficial de Facebook www.facebook.com/fundacioneugeniogranell.

Ata o 6 de maio, Compostela acolle a XXXI Feira do Libro, un tradicional encontro que fai do parque máis señorial da cidade, a Alameda, un lugar onde atopar, a bo prezo, publicacións moi variadas, incluíndo libros sobre Santiago e Galicia.

PROGRAMA

**Día 28. Sábado
- 12.45 h. Actuación da Banda de Música de Santiago de Compostela.
- 13.00 h. Inauguración oficial, coa participación da Asociación do Traxe Galego.
Pregón inaugural a cargo de Víctor F. Freixanes.
- 18.00 h. Actividade infantil
- 19.00 h. Firma de exemplares do libro Historia de Santiago de Compostela, publicado por Vía Láctea Editorial. Participarán Mercedes López-Mayán, Beatriz Castro Díaz e Alfonso Iglesias Amorín, autores do libro.
- 20.00 h. Presentación do libro Morgana en Esmelle, de Begoña Caamaño. Xunto coa autora, participan no acto Víctor F. Freixanes, director xeral de Galaxia e María Xesús Nogueira, profesora de Filoloxía Galega na USC
- 21.15 h. Sorteo dun lote de libros.

**Día 29. Domingo
- 13.00 h. Actuación da Banda e Orquestra da Escola Municipal de Música do concello de Santiago.
- 18.00 h. Obradoiro de narración oral e contacontos a cargo do narrador senegalés Boniface Ofogo. Ao remate do acto, o autor asinará exemplares do seu libro O león Kandinga, publicado por Kalandraka Editora.
- 19.00 h. O renacer da literatura fantástica en galego: Urco editora e Contos estranos editora. Presentación das novidades das dúas editoras.
- 21.15 h. Sorteo dun lote de libros

**Día 30. Luns
- 18.30 h. Presentación Ponteceso
- 19.00 h. O escritor Xosé Neira Vilas presenta o seu libro 100 anos do himno de Galicia publicado por Edicións Embora. Ao remate do acto, o autor asinará exemplares das súas obras.
- 20.00 h. Presentación do libro A praza é nosa. Quen constrúe a democracia? de varios autores, coordinado polo xornalista Marcos Pérez Pena e publicado por 2.0 Editora. Participan no acto Marcos Pena, o editor, Antón Lado e varios dos autores da mesma.
- 21.15 h. Sorteo dun lote de libros.

**Día 1. Martes
- 18.00 h. Actividade para nenos.
- 19.00 h. Presentación dos libros Medievalario, de Fran Zabaleta e Mi padre comía botones, de Juan Sacha Full, editados por Redelibros. Participarán no acto os autores e un representante da editorial
- 20.00 h. Mesa redonda: Segredos da novela histórica, coa participación de Marcos Calveiro (autor de Settecento, Ed. Xerais), Pere Tobaruela (autor de Poñente, Ed. Xerais) e Fran Zabaleta (autor de Medievalario, Redelibros). Ao final do acto, os autores asinarán exemplares dos seus libros.
- 21.15 h. Sorteo dun lote de libros.

**Día 2. Mércores
- 19.00 h. Presentación do libro Por un común denominador. A esquerda da nación, de Martiño Noriega, publicado por 2.0 Editora. Participan no acto Martiño Noriega e o editor Manuel M. Barreiro.
- 20.00 h. Presentación do libro O silencio, de Mario Regueira, publicado por Edicións Xerais de Galicia. Xunto co autor, participará no acto Manuel Bragado, director xeral da editorial.
- 21.15 h. Sorteo dun lote de libros.

**Día 3. Xoves
- 18.00 h. Actividade infantil
- 19.00 h. Presentación dos libros Ruído de fondo, de Daniel Salgado e Os fillos do mar, de Pedro Feijóo, publicados por Edicións Xerais de Galicia. Acompañará aos autores Manuel Bragado Rodríguez, director xeral da editorial. Ao remate do acto, os escritores asinarán exemplares dos seus libros.
- 21.15 h. Sorteo dun lote de libros.

**Día 4. Venres
- 17.30 h. Actividade infantil.
- 19.00 h. Presentación do libro Herdeiros pola forza, de Xurxo Ayán e Manuel Gago, publicado por 2.0 Editora. Xunto cos autores, participa no acto o editor, Manuel Lado.
- 20.00 h. Presentación do libro Un pozo moi fondo, do doutor José Luís Iglesias Díaz, publicado por Editorial Galaxia. Xunto co autor, participarán no acto Nieves Herrero, vogal de ABAGAL (Asociación de Bulimia e Anorexia de Galicia) e o editor Francisco Castro.
- 21.15 h. Sorteo dun lote de libros.

**Día 5. Sábado
- 12.30 h. Presentación da colección Cociña infantil e familiar, da editorial Ouvirmos, coa celebración de cursos de cociña para nenos en horario de 12.30 a - 14.00 horas, pola mañá e de 17.30 a 19.00 horas, pola tarde.
- 19.00 h. Presentación dos libros Iria, de Anxo Angueira e Transmuta, de Xabier Cordal, publicados por Edicións Xerais de Galicia. Acompañará aos autores Manuel Bragado Rodríguez, director xeral da editorial. Ao remate do acto, os escritores asinarán exemplares dos seus libros.
- 21.15 h. Sorteo dun lote de libros.

**Día 6. Domingo
- 18.00 h. Paula Carballeira e un representante de Kalandraka Editora presentan O principio, novo álbum desta autora e narradora, ilustrado por Sonja Danowski. Unha historia sobre a crueldade da guerra, cunha mensaxe de esperanza.
- 19.00 h. Sinatura do libro Almas opuestas, de Cristina Prieto Solano e Irene Castelos Cortizas, publicado por Ediciones Hades.
- 21.15 h. Sorteo dun lote de libros
- 21.30 h. Peche da Feira do Libro.

Un ano máis, e durante dúas semanas, o Paseo Central da Alameda alberga a tradicional Feira do Libro Antigo e de Ocasión, que na súa XXI edición conta coa participación de librerías de distintas comunidades españolas, de contrastada calidade, con máis de 100.000 exemplares que se poñerán á venda durante os 15 días de feira.

Dentro do gran número de materiais expostos, poderanse atopar curiosidades bibliográficas editadas nos séculos XVII e XVIII, primeiras edicións de libros de autores dos séculos XIX e inicios do XX (Rosalía, Curros, Valle Inclán, Pardo Bazán, Baroja, Alberti, Neruda, Gómez de la Serna) e documentacións profesionais, carteis, prensa e revistas, todo tipo de materiais impresos, cartas postais, mapas, papel moeda, facsímiles e libros de ocasión que polo seu prezo, poden constituír unha boa equipaxe para as vacacións de verán e para fondo de biblioteca, así como unha excelente ocasión para os coleccionistas e bibliófilos.

O salón de Actos do Hotel Eurostars Araguaney acolle esta tarde a presentación do último libro de Ignacio Castro Rey, 'Sociedad y barbarie'. Branca Novoneyra (poeta) e Javier Turnes (profesor de filosofía e músico), serán os encargados de presentar ao autor, quen tamén dará unhas palabras e charlará cos asistentes á presentación do seu libro, editado por Melusina.
 
A Fundación Araguaney-Puente de Culturas (www.fundacionaraguaney.org) colabora na presentación deste libro, na súa liña de apoio á cultura de Santiago, de Galicia e de todos os lugares do mundo.
 
Que se ataca en Sociedade e barbarie a contrafío da filosofía de Marx? Critícase o fetichismo da mercancía chamada Sociedade, toda esta socioloxía, teórica e informativa, que hoxe vai por diante de calquera posible experiencia, interferindo o peso de existir, o risco de cada forma de vida. Este pequeno libro analiza a atenuación existencial en que fomos encerrados en nome dunha mitoloxía histórica que non deixou de crecer desde o século XIX, con Marx como un garante de fondo na cobertura cultural do pragmatismo económico. Sociedade e barbarie fustiga a redución da liberdade individual, nas democracias occidentais, en nome dunha economía que conserva o prestixio do neutral porque goberna a nosa neutralización, unha silenciosa expropiación da épica de vivir.

Doutor en filosofía pola Universidade Autónoma de Madrid, é filósofo e crítico de arte. Influído pola heterodoxia do pensamento occidental (Leibniz, Nietzsche, Lacan, Deleuze), desenvolve desde fai anos un traballo filosófico nunha dobre dirección. Dun lado, unha afirmación ontológica da singularidade, do seu impacto irrepresentable. Doutro, unha crítica da violencia microfísica do poder postmoderno. En ambos os rexistros intenta rescatar a potencia conceptual de distintos creadores contemporáneos, de Baudrillard a Badiou, de Agamben a Sokurov.
É autor de numerosas obras, de entre as que destacan: La represión informativa del sujeto (Grama, Buenos Aires, 2011), Votos de riqueza (A. Machado Libros, Madrid, 2007), Crítica de la razón sexual (Serbal, Barcelona, 2002), La sexualidad y su sombra (Altamira, Buenos Aires, 2004), La explotación de los cuerpos (Debate, Madrid, 2002).

Para conmemorar o Día das Letras Galegas, a compañía Femme Fatale saca a literatura á rúa a través do espectáculo "Ronda Poética". Cinco actores e un acordeonista recitarán versos, regalarán poemas, bailarán e improvisarán, caracterizados de escritores de inspiración decimonónica.

Creación e dirección: Nelson Quinteiro
Elenco: Fabiana Gastaldello, María Manero, María Polo, Nelson Quinteiro, Moncho do Orzán, Uxía Vázquez

Percorrido: A 'Ronda poética' sairá ás 12.00 horas do espazo escénico que xestiona o Centro Dramático Galego (CDG) e porá rumbo cara á rúa do Franco pola Rúa Nova e a praza do Toural, para atravesar a continuación A Raíña, Praterías e Rúa do Vilar e regresar ao Salón Teatro pola calexa que desemboca na Rúa Nova.

Editores de Compostela e o Pub Medusa organizan esta tarde unha morea de presentacións literarias, moi rápidas todas, a toda velocidade, cunha duración máxima, cada unha delas, de 10 minutos. Será todo na Praza Salvador Parga ou no propio pub Medusa, en función da climatoloxía.

Parola, recitado e música... e comida e bebida.

Baixo o lema “Libros a toda mecha”, iranse sucedendo presentacións de novidades editoriais, recitais de poemas ou fragmentos de obras —acompañados, nalgúns casos, de música en directo— e todo cunha característica común: ningunha presentación durará máis de dez minutos.

En total serán once libros e autores os que inaugurarán esta primeira viaxe do “Exprés literario” dos Editores de Compostela. Pola praza de Salvador Parga (tras a igrexa das Ánimas) onde se ubica o Pub Medusa, pasarán —en corpo ou en espírito— Paula Carballeira, Rosalía Fernández, Armando Requeixo, Leonel Moura, Lovecraft, Samuel L. París, Lupe Gómez, Wislawa Szymborska, Gonzalo López Abente, Mario Regueira e Fernando Cimadevila. Así mesmo, haberá venda de libros, tenda outlet e un convite —gastronómico— para os asistentes.

“Pretendemos, en primeiro lugar —afirman os organizadores—, conquistar novos espazos para o libro e a lectura, e facer isto aportando iniciativas frescas, dinámicas e atractivas”.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

Novelista, ensaísta, contista, xornalista e crítica literaria, Emilia Pardo Bazán (A Coruña, 1851 – Madrid, 1921) é unha das máis eminentes escritoras da literatura española do século XIX.

A autora de Los pazos de Ulloa é considerada a introdutora do naturalismo e do espiritualismo ruso en España e foi a primeira muller en presidir a sección de literatura do Ateneo de Madrid, así como a primeira catedrática de Universidade e a primeira conselleira de instrución pública.

A independencia e dignidade no seu vivir, e a denuncia da hipocrisía moral da época converteuna nun símbolo precursor dos movementos feministas de hoxe.

PROGRAMA

- 12:00 h. Relatorio: Marina Mayoral
Novelista e Catedrática de Literatura Española na Universidade Complutense de Madrid. A súa narrativa, en galego e en castelán, foi premiada en ambas linguas, así como traducida ao alemán, italiano, portugués, catalán, polaco e chinés. É unha das máis sinaladas expertas na obra de Pardo Bazán, sobre quen publicou numerosos estudios.

- 13:00 h. Pardo Bazán, a Condesa rebelde (50')
Reportaxe–documental onde unha panoplia de especialistas mergúllanos no universo literario e vital da escritora. Dirixido por Zaza Ceballos e realizado por Zenit Televisión para TVG. Estrea absoluta no ciclo Galicia, Ceo das Letras.
Presenta: Xulia Santiso, conservadora responsable da Casa Museo Emilia Pardo Bazán.

Durante sete sesións e ata final de ano desfilarán polo auditorio da Biblioteca de Galicia tres autores cumio das letras galegas (Celso Emilio Ferreiro, Otero Pedrayo e Castelao), unha escritora de nós prodixio da literatura castelá (Emilia Pardo Bazán) e un elenco de talentos mundiais aos que nos unen a veciñanza, a lingua ou o mesto universo da imaxinación (Federico García Lorca, Jorge Amado e James Joyce).

Cada unha das sete sesións que darán vida a estes ‘Sábados de autor’ constará dunha charla inicial impartida por un experto de referencia para, a continuación, dar paso a unha actuación artística -música, cine, teatro…- ligada ao espírito do escritor homenaxeado.

A Fundación Granell acolle esta tarde o acto de presentación dunha nova edición do volume 'Federica no era tonta y otros cuentos', de Eugenio Fernández Granell. A nova publicación, elaborada pola editorial Auga Editora, conta cunha introdución de Claudio Rodríguez Fer e unha cronografía a cargo de Xosé A. Perozo.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

Sen dúbida, James Joyce (Dublín, 1882 – Zúric, 1941) un dos literatos con maior relevancia na escrita do século XX. Autor de pezas mestras como Dublineses, Retrato do artista cando novo, ou Finnegans wake, acadou o seu cumio creativo no monumental Ulises, emblema do modernismo literario a partir do uso do monólogo interior ou fluxo da consciencia.

A súa influencia é palpable na obra de Beckett, Borges, Burroughs e tantos outros. Entre nós, Otero Pedrayo acometeu unha das primeiras traducións dun fragmento do Ulises a unha lingua ibérica.

PROGRAMA

- 12:00 h. Diálogo: Francisco García Tortosa & Antonio Raúl de Toro Santos
Francisco é Catedrático de Filoloxía Inglesa na Universidade de Sevilla, presidente da Asociación Española James Joyce e autor de numerosos libros sobre o xenio irlandés, ademais de responsable da tradución canónica do Ulises para a editorial Cátedra (1999).
Antonio é Catedrático de Filoloxía Inglesa na Universidade da Coruña, director do Instituto Universitario de Investigación de Estudos Irlandeses AMERGIN e tamén un sobresaínte investigador e divulgador da obra de Joyce. Recentemente dirixiu a prestixiosa antoloxía de literatura galega Breogan`s Lighthouse (Francis Boutle Publishers, 2010).

- 13:15 h. Dedalus en Compostela (15’)
Proxección audiovisual na que unha voz en off narra un suposto diálogo entre Vicente Risco e Stephen Dedalus, alter ego de James Joyce, nun paseo polas rúas compostelás.

 - 13:30 h. Concerto: Chamber Music (30’)
A mezzosoprano Marion Sarmiento e o pianista  Nicasio Gradaille interpretan seis cancións do compositor estadounidense Samuel Barber (1910 – 1981) que poñen música a seis dos poemas da obra Chamber Music de Joyce. Produción propia do ciclo Galicia, Ceo das Letras.

Presenta Bieito Iglesias, membro da directiva do Centro Pen Galicia.

Durante sete sesións e ata final de ano desfilarán polo auditorio da Biblioteca de Galicia tres autores cumio das letras galegas (Celso Emilio Ferreiro, Otero Pedrayo e Castelao), unha escritora de nós prodixio da literatura castelá (Emilia Pardo Bazán) e un elenco de talentos mundiais aos que nos unen a veciñanza, a lingua ou o mesto universo da imaxinación (Federico García Lorca, Jorge Amado e James Joyce).

Cada unha das sete sesións que darán vida a estes ‘Sábados de autor’ constará dunha charla inicial impartida por un experto de referencia para, a continuación, dar paso a unha actuación artística -música, cine, teatro…- ligada ao espírito do escritor homenaxeado.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

Ramón Otero Pedrayo (Ourense, 1888 – 1976). O gran patriarca das letras galegas foi un escritor prolífico, tanto na esfera literaria como no ámbito do ensaio. Figura central do galeguismo cultural e político, posuidor dunha cultura enciclopédica e fondo coñecedor da sociedade rural galega da época, na súa obra agroman todos estes elementos enlazados por un verbo exuberante e evocador.

De entre a súa produción literaria destaca Arredor de si, ademais de Os camiños da vida, O mesón dos ermos e O señorito da Reboraina.

PROGRAMA
- 12:00 h. Relatorio: Ramón Villares
Ensaísta e Catedrático de Historia Contemporánea, foi reitor da USC e presidente da Asociación Española de Historia Contemporánea, exercendo na actualidade o cargo de presidente do Consello da Cultura Galega. Intelectual de referencia, é un consumado especialista na figura de Don Ramón de Trasalba.

- 13:00 h. Fidalgo (40')
A compañía Casa Hamlet regresa ao noso ciclo da man desta peza teatral baseada en diferentes textos de Otero Pedrayo. Interpretada por Manuel Lourenzo e Rubén Espejo, co apoio musical de Brandán Lourenzo. 
Presenta Víctor F. Freixanes, escritor e xornalista, membro da Real Academia Galega, director xeral de editorial Galaxia e presidente da Fundación Otero Pedrayo.

Reservar praza aquí

Dentro do programa de actividades organizado pola Asociación de Amigos da Ópera de Santiago de Compostela, o Hotel Araguaney acolle a presentación do libro 'Alma Mahler Gropius' a cargo da súa autora, Almudena de Maeztu. A entrada será libre e gratuíta ata completar aforamento.
 
'Alma Mahler Gropius'
Centroeuropa, primeiro cuarto do século XX. Un mundo axitado e en crise vive momentos cruciais como a Primeira Guerra Mundial, a Revolución Rusa ou a República de Weimar mentres se xesta un dos períodos máis fascinantes da creación artística: o nacemento das vangardas, os “ismos” e o deseño industrial. Este libro é un percorrido por unha Europa convulsa a través dos ollos de Alma Mahler, esposa de Gustav Mahler, Walter Gropius e Franz Werfel: tres xenios da música, a arquitectura e a poesía.
 
Almudena de Maeztu e Manso de Zúñiga naceu en Madrid, pasou a adolescencia na Movida, estudou Historia da Arte no Hammersmisth&West London College de Londres e cursou un Master en expertización e tasación de obras de arte na Universidade de Alcalá de Henares. traballou en varias institucións culturais e exercido o xornalismo en distintos medios nacionais e internacionais. Pertence a unha familia de gran soleira intelectual: é neta do escritor Ramiro de Maeztu e sobriña neta da pedagoga María de Maeztu e do pintor Gustavo de Maeztu. Está casada co musicólogo José Luís Pérez de Arteaga, con quen traballou estreitamente na redacción e investigación da biografía de Gustav Mahler. Actualmente exerce como anticuaria en Madrid á vez que prepara un libro sobre a súa familia.

A escritora Charo Pita ofrece esta tarde na Libraría Aenea unha sesión de narración oral que levará por título 'Contos de morte e vida'.

A cargo de Charo Pita: lectora, escritora, contadora, oínte, coleccionista de pedras azules e pensadora de historias.

Aforo limitado

Data límite de reserva de praza: 15 de novembro.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

(Fuente Vaqueros, Granada, 1898 – Viznar, Granada, 1936). Membro da xeración do 27, Federico García Lorca é unha das iconas da cultura española do século XX. Poeta sublime e excepcional dramaturgo, a súa obra é reivindicada polas clases populares e polas máis altas instancias da crítica literaria.

O seu vínculo con Galicia foi temperán e intenso, trabando amizade, entre moitos outros, con Ernesto Guerra da Cal e Eduardo Blanco Amor. Aínda hoxe é motivo de acalorados debates quen dos dous influíu máis na escrita e edición dos Seis poemas galegos.

PROGRAMA

- 12:00 | Relatorio: Luis García Montero

Poeta, ensaísta, crítico literario e Catedrático de Literatura Española na Universidade de Granada, foi merecedor, entre outros, do Premio Federico García Lorca, Premio Adonáis, Premio Loewe de Poesía, Premio Nacional de Poesía e Premio Nacional da Crítica. Editor de Lorca, é un fondo coñecedor da obra do seu ilustre paisano.

- 13:00 | Seis Poemas Galegos (35')

Os músicos Ugia Pedreira e Marcos Teira, compoñentes do grupo Marful, na compaña de Fran Pérez "Narf" e Pepe Sendón, interpretarán en exclusiva para o ciclo Galicia, Ceo das Letras os Seis poemas galegos de Lorca, nun concerto inédito.

Reserva praza aquí

A Fundación Eugenio Granell presenta esta tarde o recital libre de poesía 'Relacións textuais', de Jóvenes sin Talento 2. Esta formación de spoken word, composta por María López e Moisés Fernández, propón unha actividade interdisciplinaria a modo de recital/concerto onde ten cabida a música, o vídeo e a poesía.

Relaciones textuales achega ao público as creacións deste grupo de novos poetas, que nesta ocasión contarán coa colaboración videográfica de Eduardo Fernández e estarán acompañados polo artista Andrés Ibáñez, quen se encargará da presentación de micro aberto, espazo no que o público poderá interactuar recitando un poema propio ou alleo.

Este recital pretende funcionar a modo de presentación dun espazo multidisciplinar partindo do feito poético relacionado con diferentes creadores. Unha invitación aberta á participación do público en xeral, non só como lugar de reflexión senón tamén como espazo de expresión persoal, xerando diferentes materiais que se amosarán ao público en diversas sesións.

Na sede da Fundación Granell, o alcalde e presidente do Consorcio de Santiago, Ángel Currás, presenta esta tarde o libro 'Os tesouros da illa de Granellandia', editado polo Consorcio de Santiago en colaboración con El Patito Editorial. Con esta nova publicación, o Consorcio quere sumarse aos actos conmemorativos do Centenario de Eugenio Granell.

A Fundación Eugenio Granell acolle esta tarde un recital poético sobre Celso Emilio Ferreiro.

Con motivo da celebración en 2012 do centenario do nacemento de Celso Emilio Ferreiro, as integrantes do Grupo de Teatro da Asociación Cultural para o Desenvolvemento sen Fronteiras prepararon un recital que presentan agora na Fundación Eugenio Granell. Dez actrices maiores de 60 anos, baixo a direción de María Montaña, recitarán unha seleción de poemas do homenaxeado escritor: Irmáns, María Soliña, Longa noite de pedra ou Son un pasmón, entre outros.

O Grupo de Teatro da Asociación Cultural para o Desenvolvemento sen Fronteiras comezou a súa andaina no 2005 cun espectáculo titulado Don Quixote e Sancho Panza baseado na obra de Miguel de Cervantes, ó que seguiron outros coma Esclavitude, de Lugrís, A carta roubada de Edgar Allan Poe,  A noite vai coma un río (fragmento) de Alvaro Cunqueiro ou Os autómatas da quinta xerazón, sendo esta última peza unha creación do grupo en homenaxe a Eugenio Granell.

O Grupo conta no seu historial con múltiples recitais de poetas tanto en lingua galega como en castelán, así como lecturas dramatizadas de diversos autores coma Valle-Inclán, Unamuno e o propio Eugenio Granell.

A Sala Lucernario da Fundación Eugenio Granell acolle a presentación do libro infantil 'Contos para nenos un pouquiño modernos' de José Carlos Bermejo Barrera, o primeiro libro en galego da editorial Enxebrebooks, que ofrece as súas obras tanto en formato electrónico coma en papel.

A presentación correrá a cargo de Alicia Romero, editora da obra, e Claudio Rodríguez Fer, poeta e ensaísta; e contará tamén coa presenza do autor, José Carlos Bermejo Barrera, catedrático de Historia Antiga da Universidade de Santiago de Compostela.

O libro, ilustrado por Santi Jiménez, promove valores tan importantes como a igualdade, o respecto aos maiores e a disposición a axudar aos demáis, etc., a través das historias de Xulia e Ximena, dúas rapazas aventureiras que viven nunha Galicia medieval e contemporánea ao mesmo tempo.

O poeta vedrés Tomás Antón Pereiras presenta no Hostal dos Reis Católicos a súa quinta obra, publicada pola editorial Galaxia.

Residente en Compostela dende o ano 2006, Tomás Antón Pereiras Gómez traballou no campo e estudou Dereito en Santiago, antes de opositar para ser funcionario no corpo de inspectores do Estado na explotación de ferrocarrís, permanecendo máis de trinta anos como xefe provincial de Transportes Terrestres en Ávila. Xa xubilado volveu á súa Galicia natal para asentarse, dedicándose por completo á poesía.

Verónica Martínez Delgado presenta na libraría Couceiro a súa última publicación, 'Lusocuria', nun acto no que estará acompañada por Teresa Moure.

Lusocuria
Verónica Martínez Delgado
O Figurante edicións

Hai palabras que doen e hai palabras que liberan. Un work in progress, no cal Veróniva Martínez Delgado lanza unha impresión que evoluciona ao camiñar nunha espiral de reflexións íntimas nunha realidade en transformación, que cambia a percepción, vítima de acontecementos, descobre novos camiños. Un libro sempre inacabado, apresado pola forza e a intensidade do amor e o sexo, como a primeira expresión.

O salón de actos da Biblioteca pública Ánxel Casal acolle esta tarde a presentación de 'Um sopro de alma', libro escrito por Helena Magalhaes e publicado pola editorial Seleer.

A Biblioteca Novacaixagalicia acolle esta tarde a presentación ao público da nova obra de Tucho Calvo, titulada 'Páxaro de mar e vento'.

Nesta ocasión, o autor amosará a súa máis recente creación bibliográfica realizada en colaboración co ilustrador Xosé Cobas. Entre ambos fixeron posible este Paxaro de mar e vento, sobre o que falarán nesta presentación.

En paralelo a esta actividade, a biblioteca organiza unha exposición das ilustracións orixinais da obra.

Do 6 ao 14 de abril, o Centro Cultural Novacaixagalicia acollerá o Outlet do Libro Galego, unha iniciativa da Asociación Galega de Editores en colaboración cos Editores de Compostela na que é posible atopar volumes de todas as temáticas a prezos moi económicos.

O Outlet do Libro Galego nace coa vontade de dar unha nova oportunidade aos libros, moitos deles obras importantes da nosa literatura, que xa non están nos circuítos comerciais convencionais. Despois de estar o pasado ano 2012 en Allariz e en Pontevedra, a iniciativa adquiriu un importante éxito de público e venda, por iso agora volvemos programar un novo Outlet do Libro Galego en numerosas cidades da nosa xeografía, que teñen lugar en dúas tempadas, primavera e outono, e unha máis pequena no verán.

O escritor Manuel Portas falará sobre creación literaria na Biblioteca Ánxel Casal, nunha sesión aberta ao público que continuará cos encontros con escritores e escritoras dispostos a compartir as súas experiencias no mundo da literatura e a axudar a superar obstáculos comúns tanto á hora de escribir unha novela como á hora de publicala.

A actividade está organiza pola Asociación Cultural O Galo.

Un ano máis, e durante dúas semanas, o Paseo Central da Alameda alberga a tradicional Feira do Libro Antigo e de Ocasión, que na súa XXII edición conta coa participación de librerías de distintas comunidades españolas, de contrastada calidade, con máis de 100.000 exemplares que se poñerán á venda durante os 15 días de feira.

Dentro do gran número de materiais expostos, poderanse atopar curiosidades bibliográficas editadas nos séculos XVII e XVIII, primeiras edicións de libros de autores dos séculos XIX e inicios do XX (Rosalía, Curros, Valle Inclán, Pardo Bazán, Baroja, Alberti, Neruda, Gómez de la Serna) e documentacións profesionais, carteis, prensa e revistas, todo tipo de materiais impresos, cartas postais, mapas, papel moeda, facsímiles e libros de ocasión que polo seu prezo, poden constituír unha boa equipaxe para as vacacións de verán e para fondo de biblioteca, así como unha excelente ocasión para os coleccionistas e bibliófilos.

A XXIX Feira do Libro, que permanecerá aberta ata o día 9 de maio, inclúe na súa cuarta xornada un interesante programa de actividades, entre as que destacan a sesión de contacontos para os máis cativos ou a presentación de diversas obras a cargo dos seus autores.

PROGRAMA DO DÍA
- 18.00 h. Contacontos a cargo do grupo Pavís Pavós
- 19.00 h. Presentación do libro 55 mentiras sobre a lingua galega, de X. Henrique Costas (coordinador),  publicado pola Editorial Laiovento e a  Plataforma ProLingua.  Participan no acto Antón Dobao e Xosé Luís Regueira.
- 20.00 h. A escritora Teresa Moure, presenta o seu libro A intervención, publicado por Edicións Xerais de Galicia.  Xunto coa autora, participan no acto a profesora e escritora Margarita Ledo e Manuel Bragado, director da editorial.
- 21.15 h. Sorteo dun lote de libros.

A feira continuará a súa andaina os próximos días con varias actividades, como os espectáculos de contacontos de Marisa Irimía, espectáculos de maxia a cargo do Mago Vituco, así como diversos obradoiros creativos. Ademais, durante a feira os escritores Gonzalo Xosé Francisco da Rocha, Carlos Caión, Manuel Portas, Antía Otero, Teresa Moure ou Rosa Aneiros, entre outros, asinarán exemplares das súas obras literarias.

Na súa quinta xornada, a XXIX Feira do Libro, que permanecerá aberta ata o día 9 de maio, ofrece un completo programa de actividades que inclúe a firma de exemplares a cargo dos escritores Antía Otero e Antón Lopo.

PROGRAMA DO DÍA
18.00   Obradoiro de teatro impartido por Yolanda Calvo Carballo.
19.00   A escritora  Antía Otero presenta o seu poemario (Retro)visor, publicado por Edicións Xerais de Galicia. Participan no acto, xunto coa autora do libro, o poeta Estevo Creus e Fran Alonso, en representación da editorial.
20.00   Antón Lopo presenta o seu libro A distancia do lobo. Biografía de Uxío Novoneyra, publicado pola Editorial Galaxia.  Xunto co autor, participarán no acto Carlos Lema, director de edicións de Galaxia e Herminio Barreiro, profesor da facultade de  Ciencias da Educación,  da U.S.C.
21.15   Sorteo dun lote de libros.

A feira continuará a súa andaina os próximos días con varias actividades, como os espectáculos de contacontos de Marisa Irimía, espectáculos de maxia a cargo do Mago Vituco, así como diversos obradoiros creativos. Ademais, durante a feira os escritores Gonzalo Xosé Francisco da Rocha, Carlos Caión, Manuel Portas, Antía Otero, Teresa Moure ou Rosa Aneiros, entre outros, asinarán exemplares das súas obras literarias.

A XXIX Feira do Libro, que permanecerá aberta ata o día 9 de maio, continúa co seu programa de actividades, que esta tarde contará cunha sesión de contacontos para os máis pequenos a cargo de Marisa Irimía e a presentación de diversos volumes a cargo dos seus autores.

PROGRAMA DO DÍA
- 18.00 h. Contacontos a cargo de Marisa Irimia.
- 19.00 h. Presentación do poemario 'Acusación', de Xiana Arias Rego, publicado pola Editorial Galaxia. Xunto á autora, participarán no acto Carlos Lema, director de edicións de Galaxia e o escritor Manuel Darriba.
- 20.00 h. Presentación do libro 'Denso recendo a salgado', de Manuel Portas, publicado por Edicións Xerais de Galicia. Xunto ao autor, participarán no acto o alcalde de Compostela, Xosé A. Sánchez Bugallo, a escritora Rosa Aneiros e o Director xeral da editorial, Manuel Bragado. Ao finalizar, a artista Clara Piñeiro (integrante de Cobalblue) interpretará, con arpa celta, o tema 'Alalá do viquingo'.
- 21.15 h. Sorteo dun lote de libros.

A feira continuará a súa andaina os próximos días con varias actividades, como os espectáculos de contacontos de Marisa Irimía, espectáculos de maxia a cargo do Mago Vituco, así como diversos obradoiros creativos. Ademais, durante a feira os escritores Gonzalo Xosé Francisco da Rocha, Carlos Caión, Manuel Portas, Antía Otero, Teresa Moure ou Rosa Aneiros, entre outros, asinarán exemplares das súas obras literarias.

Nesta sétima xornada, a XXIX Feira do Libro, que permanecerá aberta ata o día 9 de maio, ofrecerá un programa de actividades que inclúe un entretido obradoiro para confeccionar marcapáxinas personalizados e a presentación de diversas obras a cargo dos seus autores.

PROGRAMA DO DÍA
- 18.00 h. Obradoiro de marcapáxinas impartido por Fabiola Cuevas Fernández.
- 19.00 h. Presentación do Audio-Libro de Uxío Novoneyra 'Tempo de elexía', edición bilingüe, publicado por Alvarellos Editora. Participarán no acto o fillo do autor, Uxío Novoneyra Rey e o editor Enrique Alvarellos.
- 20.00 h. Presentación do libro 'Os celtas. Unha (re)visión dende Galicia', de Francisco Calo Lourido, publicado por Edicións Xerais de Galicia. Xunto ao autor, participarán no acto Xerardo Pereira-Menaut, catedrático de Historia Antiga da USC e Manuel Bragado, director da editorial.
- 21.15 h. Sorteo dun lote de libros.

A penúltima xornada da XXIX Feira do Libro, que permanecerá aberta ata o día 9 de maio, ofrece entre as súas actividades a representación da obra de teatro infantil 'Mimos', a cargo do grupo Os Repeniques. Ademais, contará coa presenza do televisivo humorista galego Rober Bodegas, que asinará exemplares do seu libro.

PROGRAMA DO DÍA
- 13.00 h. O humorista Roberto Bodegas, asinará exemplares do seu libro Novedades, souvenirs, artículos de coña, publicado por Auga Editora.
- 18.00 h. Actuación do grupo de teatro infantil Os Repeniques, representando a obra Mimos, de Albert Ponte.
- 19.00 h. Presentación do libro En castellano no hay problema, de Carlos Caión, publicado por Edicións Xerais de Galicia. Participan no acto, Caetano Díaz, director de Galicia Hoxe, Pilar García Negro, profesora da UDC.  Colabora a Asociación Cultural O Galo e a Mesa Pola Normalización Lingüística.
- 20.00 h. O escritor Gonzalo Xosé Francisco da Rocha presentará o seu libro Xeografía real e mítica das augas de Galicia, publicado por Baía Edicións.  Xunto co autor, participarán no acto o presentador de televisión,  Manuel Torrente e Belén López Vázquez, directora da editorial.
- 21.15 h. Sorteo dun lote de libros.