A Regadeira de Adela, Microcasa de Artes, ven a ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa  que xa funciona en cidades españolas coma Madrid, Barcelona, Zaragoza, Málaga ou Segovia. En Galicia xa existen experiencias coma La Tuerka 27 na Coruña e o Microteatro Por Casa de Cangas.

PROGRAMACIÓN DE NOVEMBRO

** 15 e 16 de novembro

- 20:30, 21:00 e 21:30 h.
Clara Gayo, 'Francotirador'
Microteatro recén forneado pola multifacética artista Clara Gayo, que de novo nos dispara dende o seu faiado.
Cando queremos defendernos, tendemos a arrasar con todo, é unha manía ou unha peculiaridade. Ás veces, de tanta inexpresión, implosionamos e levamos a calqueira por diante.

- 20:45, 21:15 e 21:45 h.
Voadora, 'Happy End'
Microcomedia romántico-musical ao estilo Voadora. Con Marta Pazos, Hugo Torres e Jose Díaz.
Ben está o que ben acaba, pero ás veces polo camiño que mal se pasa.
 
- 21:00, 21:30 e 22:00 h.
Paula Quintas, 'Breakfast Acc...'
Microdanza-instalación na que se mostran os cambios da vida cotiá, a través de elementos como a pel, o cabelo, o tempo e as copas. Unha invitación a percorrer un tempo surrealista, unha homenaxe a Meret Oppenheim.

** 21, 22 e 23 de novembro

- 20:30, 21:00 e 21:30 h.
Clara Gayo, 'Francotirador'
Microteatro recén forneado pola multifacética artista Clara Gayo, que de novo nos dispara dende o seu faiado.
Cando queremos defendernos, tendemos a arrasar con todo, é unha manía ou unha peculiaridade. Ás veces, de tanta inexpresión, implosionamos e levamos a calqueira por diante.

- 20:45, 21:15 e 21:45 h.
Voadora, 'Happy End'
Microcomedia romántico-musical ao estilo Voadora. Con Marta Pazos, Hugo Torres e Jose Díaz.
Ben está o que ben acaba, pero ás veces polo camiño que mal se pasa.

- 21:00, 21:30 e 22:00 h.
José Campanari, '333'
Microcontos a cargo dun veterano contador de historias.
Un observador de situacións cotiás, un amante dos pequenos conflitos que nos fan crecer, un construtor de camiños por onde anda-las historias. Unha invitación a deterse para dar un paseo polo universo da memoria.
Mércores 21 1º Pase: Historia 1 2º Pase: Historia 2 3º Pase: Historia 3 Xoves 22 1º Pase: Historia 2 2º Pase: Historia 3 3º Pase: Historia 1 Venres 23 1º Pase: Historia 3 2º Pase: Historia 1 3º Pase: Historia 2

** 28, 29 e 30 de novembro

- 20:30, 21:00 e 21:30 h.
Marta Alonso, 'Track 6'
Espectáculo de microdanza contemporánea. "Won't you come and dance with me Down that Mississippi We'll take a dance to the land of dreams Come and dance with me on, down to New Orleans".

- 20:45, 21:15 e 21:45 h.
Voadora, 'Happy End'
Microcomedia romántico-musical ao estilo Voadora. Con Marta Pazos, Hugo Torres e Jose Díaz.
Ben está o que ben acaba, pero ás veces polo camiño que mal se pasa.
 
- 21:00, 21:30 e 22:00 h.
Lilí Berlín
Blanca Cendán, acompañada de Suso Alonso no piano, dá vida a unha diva trasnoitada que asina un pacto co demo, adicándose a percorrer os cabarés de medio mundo e vivindo intensamente os acontecementos do século XX. Microcabaret alemán.

Todos os sábados: SÁBADOS MICROIMPRO
Cía. The Momento Impro
Pases ás 22:30 / 23:00 / 23:30 horas.

Máis info aquí

A Ultranoite volve demostrar a súa natureza camaleónica adaptándose a un novo hábitat. Desta vez, servirá de canle directa para transmitirlle á veciñanza da zona norte da cidade de Compostela que é o programa Urbana Norte, que actuacións está desenvolvendo e cales son as iniciativas que está poñendo en marcha para o desenvolvemento de barriadas como Vite, Vista Alegre, o Romaño, Guadalupe, San Caetano, Almáciga, Concheiros, San Pedro, os Basquiños, Espírito Santo e Ultreia.

Unha Ultranoite para reivindicar o valor do cotián, do máis próximo, e para celebrarmos a vida de barrio. Un convite para explorar as posibilidades que nos ofrece o máis local antes de mergullarnos na globalización.

Coñeceremos a Arquímedes Maceira, un investigador de ideas do barrio, recibiremos a Urbana Norte, rescataremos ás Marías como símbolo da veciñanza desta zona da cidade, preguntarémonos cal é o modelo empresarial máis feble e cantaremos á vida de barrio, entre humor, teatro, música e vídeos. Todas as persoas asistentes recibirán ademais información sobre os programas de asesoramento que se están a ofrecer á veciñanza en temas de emprendemento no barrio.

En escena: Miguel de Lira, Patricia de Lorenzo, Manuel Cortés, Xron, Mónica García, Arantza Villar, Xacobe Martínez Antelo, Max Gómez, Manuel Cebrián.

Lugar: Centro Sociocultural de Vite

Entrada de balde ata completar aforamento.

A Regadeira de Adela, Microcasa de Artes, ven a ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa  que xa funciona en cidades españolas coma Madrid, Barcelona, Zaragoza, Málaga ou Segovia. En Galicia xa existen experiencias coma La Tuerka 27 na Coruña e o Microteatro Por Casa de Cangas.

PROGRAMACIÓN DE DECEMBRO

** 5, 6 e 7 de decembro

- 20:30, 21:00 e 21:30 h.
Redrum, 'Punto Com'
"Punto Com" é un fragmento do espectáculo "Curriculum Vitae", protagonizado por Mónica García e Guillermo Carbajo e que conta os perigos de mentir nos currículos. Escrito por Araceli Gonda sobre un argumento de Borja F. Caamaño e Alex Sampayo, e dirixido por Alex Sampayo. Microcomedia mordaz sobre como mentimos na actualidade.

- 20:45, 21:15 e 21:45 h.
Arturo Cobas, 'It´s Happening'
Un espectáculo coma a vida mesma. Un pallaso contemporáneo que non pode estar tranquilo na casa. Microcirco que combina o clown, a pantomima e a manipulación de obxectos.

- 21:00, 21:30 e 22:00 h.
Lilí Berlín
Blanca Cendán, acompañada de Suso Alonso no piano, dá vida a unha diva trasnoitada que asina un pacto co demo, adicándose a percorrer os cabarés de medio mundo e vivindo intensamente os acontecementos do século XX. Microcabaret alemán.

** 12, 13 e 14 de decembro

- 20:30, 21:00 e 21:30 h.
Nosomosnadie, 'Es difícil la humanidad'
Dúas descoñecidas, unha cinta de casette, un reloxo de cociña, unha conta atrás... e 15 minutos para salvar á humanidade. Microcomedia absurda e un tanto surrealista co humor das actrices Angélica e Roberta... ¡perdón! Sonia Méndez e Sandra Lesta

- 20:45, 21:15 e 21:45 h.
Cisma Danza, 'Un disfraz equivocado'
"Fixen de min o que non souben e o que podía facer de min non o fixen vestín un disfraz equivocado tomáronme por quen non era, non o desmentín e perdinme cando quixen quitar a máscara estaba pegada á cara…" (A Tabaquería-Pessoa) Microdanza, catro bailarinas, 14 m cúbicos.

- 21:00, 21:30 e 22:00 h.
La Tapadera
A compañía “La Tapadera”, farános descubrir que todos levamos o ritmo no corpo a través do claqué, a voz e a percusión corporal. Microclaqué a cargo desta compañía galego-arxentina de recente formación, que recentemente participou no Festival Corpo á terra de Ourense, integrada por Sandra Varela e Xenia Tartari.

** 19, 20 e 21 de decembro

- 20:30, 21:00 e 21:30 h.
Funboa Escénica, 'Another Espectacle'
Unha reflexión universal dende a visón apocalíptica dunha mazá. Microteatro dende as beiras da fin do mundo, tal e como o coñecemos.

- 20:45, 21:15 e 21:45 h.
Entre Platos, 'Pequeno cabaret'
Se alguén non comprende deseguida a trama, que non rompa a cabeza porque é incomprensible. Se queren ver algo que teña sentido...vaian ós urinarios. En ningún caso se devolverá o prezo das entradas. Rógase non disparar sobre o pianista, pobriño, fai o que pode. Microrevista musical con Roberto Leal, Nuria Sanz e José Díaz nun pequeno show con sabor a music-hall, ó vello cabaré, e ás vedettes de toda a vida.

- 21:00, 21:30 e 22:00 h.
La Tapadera
A compañía “La Tapadera”, farános descubrir que todos levamos o ritmo no corpo a través do claqué, a voz e a percusión corporal. Microclaqué a cargo desta compañía galego-arxentina de recente formación, que recentemente participou no Festival Corpo á terra de Ourense, integrada por Sandra Varela e Xenia Tartari.

Todos os sábados: SÁBADOS MICROIMPRO
Cía. The Momento Impro
Pases ás 22:30 / 23:00 / 23:30 horas.

Máis info aquí

David Guapo estrea no Teatro Principal o seu novo monólogo titulado 'Que no nos frunjan la fiesta', unha aposta segura onde o humor, a música e a improvisación mestúranse nun espectáculo único para todos os públicos. David Guapo combina diálogo e música. David fai diálogos e non monólogos, porque as súas actuacións son auténticos intercambios de impresións cos espectadores.

David Guapo foi o monologuista revelación do 2011 coa súa aparición en "El Club De La Comedia" e desde entón é considerado polo gran público un dos mellores monologuistas nacionais. Posteriormente, a diario, participou no programa referente da sobremesa do humor en España "Sé Lo Que Hicistéis"  onde se acabou de consolidar como unha das novas caras da televisión a nivel nacional.

Son xa máis de tres anos nisto da televisión, sempre ao máis alto nivel da comedia: Buenafuente, El Hormiguero, Nuevos Comicos de Paramount Comedy e tamén en radio a nivel nacional en programas como "Ya Te Digo"  (morning show de Europa FM) ou "Las Mañanas De Buruaga"  (Cope), aínda que leva máis de 10 anos actuando en directo, onde sorprende con material inédito.

'La apoteosis necia' é o terceiro espectáculo teatral que protagoniza Berto Romero. Trátase dun espectáculo cómico que desprega o inconfundible e persoal humor de Berto ao longo de 90 minutos de monólogos e cancións.

A traxectoria vital do personaxe que representa lévanos a coñecer as súas desgracias persoais no terreo familiar, amoroso e laboral. Os referentes cotiáns, filtrados pola mirada surrealista e cínica dende a que conta todas as súas experiencias, desembocan nunha explosión de humor con efectos catárticos para o público.

Esta tarde, o Centro Sociocultural das Fontiñas acolle o espectáculo 'O señor das dunas', un contacontos dirixido a todos os públicos, dende os nenos e as súas familias ata os máis vellos da casa. A actividade forma parte do programa FalaRedes, realizado pola Secretaría Xeral de Política Lingüística para as entidades adheridas á Rede de Dinamización Lingüística.

Baseado na literatura oral galega, o contacontos 'O señor das dunas' complétase coa ilustración en directo do relato feita con area. Os asistentes recibirán como agasallo un libriño cos contos que escoitaron. Complementariamente, na web do programa estarán ao dispor dos usuarios os Contos ao redor do microondas en versión dixital, unha iniciativa encamiñada a mellorar as técnicas de expresión oral.

'O señor das dunas'

Hai moitos anos, durante unha viaxe intercontinental, un barco naufragou á altura da Costa da Morte. As correntes mariñas arrastraron a un vello bibliotecario, amante da literatura e das historias ben contadas, ata a praia de Corrubedo. Alí comezou a contar contos tradicionais, que acompañaba e enriquecía con debuxos feitos con area…

E de Corrubedo ás vilas de Galicia. O señor das dunas visítanos contando cinco contos populares galegos, xunto cun alumno aventaxado que ilustra sobre a area a historia que nos narra a medida que se vai relatando. O espectáculo dura en torno aos 50 minutos.

Dentro da programación especial de Nadal organizada pola Consellería de Cultura, Educación e Ordenación Universitaria, o Salón Teatro de Santiago acolle dúas funcións de novo circo a cargo da plataforma CAIR (Caídas Acrobacias Investigación Risas), que presenta un espectáculo de teatro xestual, danza, acrobacias e malabares.

CAIR ofrece unha proposta de teatro xestual, danza, acrobacias e malabares que nace da fusión de catro personaxes excéntricos co don de caer e darse golpes sen se mancar. Baixo a dirección de Natalia Outeiro, os seus catro intérpretes (Óscar Páez, Ariñe Azkue, Santi Montero e Jano Costas) constrúen un espectáculo vangardista que busca a innovación das técnicas clásicas e a sorpresa nos espectadores.

As accións sinxelas e cotiás destes personaxes derivan en acrobacias a partir de caídas e golpes, contrastando co desenvolvemento de coreografías de gran potencia visual nas que conviven danza e malabares. A emoción e o risco súmanse ao humor nunha dramaturxia non lineal na que o absurdo, o sinxelo e o universal está presente nas disparatadas rutinas do circo.
Ao tempo, CAIR propón unha reflexión sobre os mecanismos da risa ante situacións que a priori poderían considerarse violentas. Neste sentido, o espectáculo investiga no que eles denominan “acrobacia excéntrica” para desenvolver novas accións físicas de risco que, porén, conseguen provocar a risa do público pola súa brillante execución.

'15 ilusións para unha noite' é un espectáculo intenso e arrebatador onde os soños, a comunicación, as sorpresas e as emocións aparecerán como por arte de encantamento. É un espazo onde poderás atrapar estrelas. É un encontro con un ilusionista, con un soñador ou con un poeta das ilusións que nos trae unha mensaxe de esperanza: o futuro é de todos aqueles que creemos na maxia.

Espectáculo recomendable a partir de 8 anos.

Antón López director
Martín Varela ilusionista
Laura López, Julia Varela partenaire

Sempre me preguntei por que tiña que escribir un libro, plantar unha árbore e ter un fillo. Agora xa teño a resposta. No fondo máis fondo de todos os fondos, ou sexa no triplo fondo queremos seguir formando parte deste lado do espello cando xa formemos parte do outro. No outro lado está o pasado e neste lado está o presente e o futuro. Martín Varela é o futuro da maxia porque ten paixón, talento e un corazón tan grande como o seu talento e a súa paixón. Esta é a razón pola que me embarquei neste proxecto tan singular.

Un día, hai moito tempo, alguén me preguntou cantos anos tiña. Respondín que tiña a idade das miñas ilusións.

Martín Varela nestes intres ten 15 ilusións, aínda que eu coñecino con dez. Non lles quero nin contar o que fará cando teña vinte.

Galicia está chea de maxia: da cultura, das artes, da gastronomía, da paisaxe etc. Polo tanto esta terra precisa de ilusionistas, de embaixadores que leven polo mundo a súa imaxe e a esencia da súa maxia. E Martín Varela está chamado a ser un de eles.

Dentro da programación especial de Nadal organizada pola Consellería de Cultura, Educación e Ordenación Universitaria, o Salón Teatro acolle esta tarde un espectáculo musical para todos os públicos, 'María Fumaça'.

'María Fumaça' é un espectáculo musical que nace a partir do libro-disco-dvd 'María Fumaça. Cantar e bailar para ser máis feliz', editado por Galaxia. Recoñecidos nomes da música e o teatro galegos como Uxía, Magín Blanco, Sergio Tannus, Serginho Sales, Carlos Blanco, Isaac Palacín e Tanxarina, entre outros, uníronse para interpretar os máis de vinte temas do disco e xuntos desenvolven, así mesmo, a súa versión escénica como celebración da alegría de vivir.

A música, a luz e as situacións cómicas teñen un gran protagonismo neste espectáculo, no que o público participa moi activamente cantando e bailando as sinxelas coreografías e temas de María Fumaça.

A Regadeira de Adela, Microcasa de Artes, ven a ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa  que xa funciona en cidades españolas coma Madrid, Barcelona, Zaragoza, Málaga ou Segovia. En Galicia xa existen experiencias coma La Tuerka 27 na Coruña e o Microteatro Por Casa de Cangas.

PROGRAMACIÓN DE XANEIRO

** 9, 10 e 11 de xaneiro

- 20:30 / 21:00 / 21:30 h.
CIBORGUE MORENO
MICRODISCO· Chegados diretamente do barrio da Lapa de Rio de Janeiro, 15 minutos de electro brega con letra irreverente e alto-astralizada. Divertidos, performáticos e comprometidos coa evolución humanoide.

- 20:45 / 21:15 / 21:45 h.
JOSHUA McCAREY ·Living Room·
·MICROTEATRO-DANZA· Desde Boston chéganos unha narrativa poética do achegamento cultural dun extranxeiro cara os seus espazos inmediatos de vivencia. Nun mundo hiperconectado que á vez se desmantela, Livingroom é unha chamada á intimidade.

- 21:00 / 21:30 / 22:00 h.
BOSSA & MUÍÑOS ·Malos Hábitos·
MICROMISA· Dúas monxas de clausura das carmelitas calzadas saen clandestinamente do convento para celebrar unha micromisa en versión dous punto cero, dirixida tanto a crentes como a ateos, agnósticos ou vexetarianos, porque na micromisa dous punto cero a fe e moi importante, pero o pecado aínda máis. "Cuatro angelitos tiene mi cama, uno me da leche, otro me da lana y otro mantequilla para toda la semana."

** 16, 17 e 18 de xaneiro

- 20:30 / 21:00 / 21:30 h.
SUDHUM TEATRO ·Luminosa Nostalgia·
MICROTRAILER· En colaboración co Teatro Principal. Vivimos tempos convulsos, o cambio é necesario. Unha viaxe cara ese cambio. Unha viaxe a Galicia, ó pasado, desde onde coller impulso cara ó futuro e usar o camiño para recuperar a esencia das cousas, o cheiro dos lugares vividos e o sabor dos momentos máis doces. E se podemos, crecer.

- 20:45 / 21:15 / 21:45 h.
EL RETRETE DE DORIAN GREY
MICROCABARÉ CON OBXECTOS· Ne me quitte pas, xa un clásico desta compañía que transforma en enorme as cousas pequenas, que contan historias con inflables, que convirten un globo nun protagonista. Inesquecible.

- 21:00 / 21:30 / 22:00 h.
LUIS VIVANCO LUISA VEIRA ·A escena·
MICROTEATRO· Unha pérdida personal é o grande detonante para abrir a caixa dos tronos que atormenta a unha actriz xusto antes dunha estrea; e que un pobre asistente de producción terá que soportar, buscando a forma ou as estratexias para reconducir á grande diva.

** 23, 24 e 25 de xaneiro

- 20:30 / 21:00 / 21:30 h.
17, PENTHOUSE ·Fina y Pura hasta...·
·MICROCOMEDIA· Dúas mulleres sen nada que facer e moito que contar. Un ascensor é un pequeno lugar onde as paredes falan e o público escoita. ¿A qué piso van?

- 20:45 / 21:15 / 21:45 h.
EL RETRETE DE DORIAN GREY
MICROCABARÉ CON OBXECTOS· Ne me quitte pas, xa un clásico desta compañía que transforma en enorme as cousas pequenas, que contan historias con inflables, que convirten un globo nun protagonista. Inesquecible.

- 21:00 / 21:30 / 22:00 h.
BOSSA & MUÍÑOS ·Malos Hábitos·
MICROMISA· Dúas monxas de clausura das carmelitas calzadas saen clandestinamente do convento para celebrar unha micromisa en versión dous punto cero, dirixida tanto a crentes como a ateos, agnósticos ou vexetarianos, porque na micromisa dous punto cero a fe e moi importante, pero o pecado aínda máis. "Cuatro angelitos tiene mi cama, uno me da leche, otro me da lana y otro mantequilla para toda la semana."

** 30, 31 de xaneiro e 1 de febreiro

- 20:30 / 21:00 / 21:30 h.
17, PENTHOUSE ·Fina y Pura hasta...·
·MICROCOMEDIA· Dúas mulleres sen nada que facer e moito que contar. Un ascensor é un pequeno lugar onde as paredes falan e o público escoita. ¿A qué piso van?

- 20:45 / 21:15 / 21:45 h.
IL MAQUINARIO ·O Home Almofada·
·MICROTRAILER· Colabora Teatro Principal. Unha montaxe da peza de Martin McDonagh que afonda no influxo da violencia no individuo nunha sociedade totalitaria, desde unha perspectiva ó mesmo tempo tenra e sarcástica. Contido social, intriga e humor negro nun thriller trepidante.

- 21:00 / 21:30 / 22:00 h.
ISLA LE TRISKA ·Fermín Noite·
·MICROCLOWN·

Máis info aquí

O polifacético Dani Mateo encherá de humor o escenario do Auditorio de Galiciia co espectáculo 'PK2.0 Que dios nos pille confesados'. O protagonista do espectáculo confésase nesta revisión actualizada dos sete pecados capitais, algo do que o personaxe sabe moito. O espectáculo está escrito, creado e dirixido por Dani Mateo.

A obra componse de sete monólogos pensados para os luxuriosos, os avariciosos, os comellons, os envexosos, os irascibles, os preguiceiros e os soberbios. E se pensas que non es nada diso, es máis soberbio que todos os demais. Se tes a alma sucia e a noite libre, ven facer exame de conciencia con Dani Mateo. Non che garante o ceo, pero as risas son recompensa segura.

Por oitavo ano, a ONG Implicadas no Desenvolvemento organiza a gala 'Implícate. Noite de música e palabra solidaria', un evento conducido por Luís Tosar e Yolanda Castaño no que tomarán parte de xeito desinteresado artistas como Sés, Xoán Curiel, Budiño, Quique Peón, Rubén Riós - Estíbaliz Veiga, Roberto Vilar, Anxo Angueira, Carlos Negro, Eva Veiga ou María Canosa.

O obxectivo de "Implícate! Noite de música e palabra solidaria", no que as/os artistas colaboran de xeito desinteresado, é facer un chamamento á solidariedade dos galegos e galegas, unindo a cultura galega. O propósito principal deste evento é dar a coñecer o traballo desta organización de cooperación ao desenvolvemento galego, invitar ao público a ver o mundo con outros ollos, a reflexionar, e a cambiar o mundo, dende Galicia, dende a conciencia crítica e a acción clara.

Tambien poderás realizar unha achega á Fila Cero de Implícate e achegar o teu gran de area a este

O ciclo 'Falabaratos' prosegue esta noite no Teatro principal con 'As Noites de Retranca', un espectáculo no que Federico Pérez presenta o seu número 'Ración de Breogán' e Quico Cadaval 'O complexo de Edipo'.

‘Ración de Breogán’ de Federico Pérez
Todo aquel mortal que ten a sorte de fundar un país convértese instantaneamente en deus e pasa a habitar no Olimpo. É o caso de Breogán, que, despois de dar a luz a Galicia, ocupa o seu lugar entre o resto de divindades. Desacougado polos últimos acontecementos, decide baixar á terra para comprobar de primeira man o que está pasando.

Quico Cadaval presenta ‘O complexo de Edipo’
‘Complexo de Edipo’ de Cadaval é un relato mítico que xa escoitaron oito mil colombianos e tamén tres mil setecentos africanos dos que tres mil eran canarios. Probablemente o público europeo coñece mellor a versión do ribeirán que a orixinal do inmortal Sófocles. 
O mito do home que mata ao pai, deitase coa nai, chámalle fillos aos irmáns é agora comentado por unha taberneira dun porto galego que ademais é a nai do monhilista Cadaval. A cociñeira desdeña o mito clásico ao tempo que da a receita da carne asada.
 Gastronomía 
Épica,
 Alta cultura,
 Cotilleos,
 Psicoanálise,
 Noticias sorprendentes sobre a monarquía española…
Todo en corenta e un trepidantes minutos dun monólogo Traxiridículo.

Falabaratos (monólogos, contos e outros shows) foi unha das novidades na programación da cidade no 2012. Neste ciclo as palabras convértense en humor e a ironía e o bo facer dos monologuistas, contadores de contos e protagonistas doutros tipos de shows materialízase en espectáculos de primeira fila a procura dun espectador disposto a pasalo ben.

Luis Piedrahita, David Amor, Sergio Pazos, Quico Cadaval, Goyo Jiménez, Ángel Martín, Leo Harlem, David Guapo ou Berto Romero, entre outros, son algúns dos artistas que xa fixeron rir ao público santiagués. Todos os espectáculos tiveron un grande éxito e o ciclo protagonizou varios cheos do Auditorio de Galicia e do Teatro Principal.

Dentro do ciclo 'Falabaratos', o humorista Rober Bodegas presenta durante dúas noites a estrea absoluta do seu último espectáculo, 'El umbral de la estupidez'.

“É cousa miña ou estamos volvéndonos imbéciles? Esta frase oímola mil veces, mesmo a dixemos. É unha frase feita. Pero, e se fose verdade? E se de súpeto estudos revelasen que isto é así? Que cada día somos máis parvos. Que o cerebro nos fixo unfollow. Que os do Starbuck’s sábeno e por iso che cobran o dobre por un café que non che serven. Que alguén nun despacho se está desternillando porque nos fixo crer que levar os líquidos en botes pequenos nun avión é o segredo da paz mundial.

Se algunha vez pensaches nisto, se cada día ocorre algo que che fai pensar en se realmente es ti o parvo ou esa persoa que tes en fronte merece unha puñada na garganta, xa sexa o de en fronte un dependente maleducado ou unha entidade bancaria ao completo. E sobre todo, se cres que se drogan a un mono con viagra e atan a unha árbore a unha persoa medio normal e a unha medio imbécil, o mono saciará o seu desexo coa segunda porque sente evolutivamente máis próxima, é moi probable que che interese “El umbral de la estupidez”. Non se fala de ningún remedio para que a cousa cambie, pero si do que hai que facer para que un mono drogado non note que es parvo. Que non é pouco.

Rober Bodegas leva dez anos na comedia. Foi colaborador en dous programas de televisión (“El Rey de la Comedia”, “Sé lo que hicisteis…”)  ao mesmo tempo que guionista, tamén desenvolveu novos proxectos para Hill Valley (produtora de “Muchachada Nui”, “Museo Coconut”, etc.) e Mandarina (produtora de “Lo sabe, no lo sabe”), actualmente, xunto cos tamén cómicos. Ángel Martín e Alberto Casado, escriben e interpretan os sketches e curtos de Solocomedia.com, a súa canle de comedia online, cuxos contidos recibiron máis de doce millóns de visitas no seu primeiro ano de existencia. Ademais, escribiu artigos para La Voz de Galicia, un libro e tres espectáculos de monólogos, virou con eles por toda España e co último estivo tres anos en carteleira na Gran Vía de Madrid. Sumando en total máis de mil representacións. Agora presenta o cuarto, “El tonto soy yo”.

Falabaratos (monólogos, contos e outros shows) foi unha das novidades na programación da cidade no 2012. Neste ciclo as palabras convértense en humor e a ironía e o bo facer dos monologuistas, contadores de contos e protagonistas doutros tipos de shows materialízase en espectáculos de primeira fila a procura dun espectador disposto a pasalo ben.

Luis Piedrahita, David Amor, Sergio Pazos, Quico Cadaval, Goyo Jiménez, Ángel Martín, Leo Harlem, David Guapo ou Berto Romero, entre outros, son algúns dos artistas que xa fixeron rir ao público santiagués. Todos os espectáculos tiveron un grande éxito e o ciclo protagonizou varios cheos do Auditorio de Galicia e do Teatro Principal.

A compañía de teatro compostelana Voadora presenta a estrea absoluta da súa nova produción, 'Waltz', un espectáculo que permanecerá en cartel na Zona C ata o 24 de febreiro.

Dirección e Escenografía: Marta Pazos
Elenco: Jose Díaz, Marta Pazos e Hugo Torres
Música orixinal: Jose Díaz e Hugo Torres
Axud. dirección e coreografías: Uxía P. Vaello
Xastra: Cloti Vaello
Vestiario: Uxía P. Vaello coa colaboración especial de Amai Rodríguez, César Lombera e Toca Fedella Toca
Maquillaxe: Fany Bello
Deseño e fotografía: Sara Pazos
Produción: Jose Díaz e Cecilia Carballido
Colaboracións: CSC Santa Marta, David Rodríguez, Jose Perozo, Lorena Conde
Duración: 60’

SINOPSE
“O corazón é como un neno, espera o que desexa”
WALTZ é un conto que fala de amor e desamor, de namoramentos e rupturas, da vida compartida e da lembranza de amores perdidos.
En WALTZ a vida é un salón de baile onde imos cambiando de parella: hainas que che pisan os pés, outras agárrante forte pola cintura, a algunhas súanlle as mans e con outras bailarías por toda a eternidade...
O AMOR sempre está moi presente nas producións da VOADORA. Pero desta vez a compañía decide tirarse de cabeza e traballar íntegramente sobre el dedicándolle un espectáculo no que diseccionar os sentimentos, as emocións e as sensacións extremas que leva consigo este tema universal.
WALTZ articúlase en 3 movementos case independentes, coma se se tratase dunha sinfonía.
As principais ferramentas, como ven sendo habitual nos espectáculos da compañía, son a ironía, o humor, a beleza, a poesía, a danza, o absurdo e a música.

Como non podía ser doutro xeito WALTZ, un espectáculo VOADORA, é un espectáculo musical. Un espazo sonoro composto por máis de 20 temas orixinais que abarcan estilos desde a música dance ao pop, calipsos, unha opereta e, por suposto, waltz.
As pezas musicais, interpretadas en directo polos actores, serven de fío condutor na acción, son ás veces unha personaxe máis ou actúan como banda sonora levando as escenas a esa sempre evocadora linguaxe cinematográfica.
Unha concepción do espazo sonoro e lumínico que, a modo dun “deus ex machina” integra unha acción mais dentro da dramaturxia deixando en mans do actor ou en mans da personaxe dar son e luz a aquilo que sucede diante do espectador.

VOADORA nace como compañía de teatro en 2007. Os seus traballos de investigación en creación contemporánea caracterízanse por un importante compoñente musical, estético, sorprendente e evocador. VOADORA son Hugo Torres, Marta Pazos e Jose Díaz.
VOADORA ven de traballar nun intenso 2012; como convidados de GUIMARÃES 2012- Capital Europeia da Cultura estrearon o espectáculo e proxecto múltiple JOANE no pasado Xuño dentro do encontro de Teatro Contemporáneo Festivais Gil Vicente.
Forman parte dende Xuño do Project LLul, un triángulo de co-produción xunto co a asociación Propositário Azul de Lisboa e a compañía TeatrodeCERCA de Barcelona no marco do que se estrea SOTS L'OMBRA D'UN BELL ARBRE que xirará neste ano por EE.UU, Brasil, India e Canadá.
Recentemente estrearon como antesala de WALTZ a peza de microteatro HAPPYEND no espazo A Regadeira de Adela en Santiago de Compostela.
TOKIO3, o seu espectáculo peche da triloxía “Lugares Comunes” (triloxía composta polos espectáculos Periferia, Super8 e a propia Tokio3) coa que iniciaron a súa andadura como compañía no 2007, ven percorrendo escenarios de Galicia e Portugal desde a súa estrea en Xaneiro de 2012.

O Mago Richard comezou coa maxia dende moi pequeno realizando actuacións esporádicas dende os 13 anos. Foi a partires do ano 1994 cando decidiu dar a coñecer a súa arte a un maior número de persoas levando a cabo representacións de maxia por toda a xeografía galega e impartindo obradoiros de maxia cunha alta participación e repercusión.

Pódese destacar a súa presenza en diferentes festivais como a semana internacional de Ilusionismo "Compostela Máxica", o festival de maxia "Lugo máxico" ou o "Festival de maxia  Marín".  Asiste con regularidade a congresos nacionais e internacionais, da FISM (Federación internacional de Sociedades Máxicas). É membro fundador da Asociación Maxia Compostela e "Asociación de Magos Profesionais de Galicia".

Espectáculo 'Maxia en estado puro'

Unha sesión de ilusionismo concibida especialmente para un público familiar; unha mestura de maxia e fantasía con efectos sorprendentes e coa participación activa do público alí presente. No espectáculo faise un pequeno percorrido polas distintas especialidades que ten o ilusionismo mediante xogos de maxia en clave de humor, co que se obtén un espectáculo dinámico e divertido, que consegue facer rir ao público máis diverso.

Poderemos ver cordas que se cortan e se unen de forma máxica, panos que viaxan e desaparecen, cartas pescadas do aire, libros que se tintan coa mirada do público, estrelas que aparecen das orellas dos rapaces e incluso unha nova forma de cociña, a Gastromaxia. O espectáculo, que dura 60 minutos, remata cun clásico, “A guillotina” pero cunha presentación singular onde a tensión propia do xogo queda diluída nunha situación cómica e moi divertida.

A Regadeira de Adela, Microcasa de Artes, ven a ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa  que xa funciona en cidades españolas coma Madrid, Barcelona, Zaragoza, Málaga ou Segovia. En Galicia xa existen experiencias coma La Tuerka 27 na Coruña e o Microteatro Por Casa de Cangas.

PROGRAMACIÓN DE FEBREIRO

** 20, 21 e 22 de febreiro

- 20:30 / 21:00 / 21:30 h.
MARTA ALONSO -TRACK 6-
-MICRODANZA- Won't you come and dance with me. Down that Mississippi. We'll take a dance to the land of dreams

- 20:45 / 21:15 / 21:45 h.
LUIS VIVANCO COMPAÑÍA
-PRUEBA DE LEALTAD- -MICROTHRILLER- ¿Que facer cando a lealdade nos empurra a tomar a decisión que non queremos?

- 21:00 / 21:30 / 22:00 h.
PEDRO BRANDARIZ
-PROFUNDIZANDO NA GALIZA PROFUNDA- MICROMONOLOGOS- Neste espectáculo, analízase a vida dos galegos, en canto á súa cultura, o seu idioma, as súas expresións e … a familia.

- 20:45 / 21:15 / 21:45 h.
TEATRO EN PUNTO
-UNHA ROSA ENTRE AS PERNAS- De Afonso Becerra. Con Roberto Leal e José Luís Bernal ( Farruco). Dirixe: Gloria Rico  -MICROTEATRO- Dous personaxes. Un encontro fugaz. Nós non sabemos quen son. Saberano eles? Quéreno saber ou prefiren xogar ao despiste? Queredes xogar? Queredes descobrer quen son?

** 27 e 28 de febreiro

- 20:30 / 21:00 / 21:30 h.
MAGO ROMARÍS -HISTORIAS FANTÁSTICAS-
MICROMAXIA As historias fantásticas que ocorren no mundo das cartas e dos magos permanecen ocultas a maioría dos humanos, soamente por hoxe serán reveladas polo Mago Romarís.

- 20:45 / 21:15 / 21:45 h.
LUIS VIVANCO COMPAÑÍA
-PRUEBA DE LEALTAD- -MICROTHRILLER- ¿Que facer cando a lealdade nos empurra a tomar a decisión que non queremos?

- 21:00 / 21:30 / 22:00 h.
ARIEL NINAS -MÚSICAS PARA PETO-
MICROCONCERTO MINIMAL Micro paisaxe sonora, os sons da fraga no salón da casa, enlatados e móveis, das árbores ao sofá, servidos em doses microacústicas, historias acusmáticas que nunca soan dúas veces e que para cada pase terán un final diferente.

- 20:45 / 21:15 / 21:45 h.
TEATRO EN PUNTO
-UNHA ROSA ENTRE AS PERNAS- De Afonso Becerra. Con Roberto Leal e José Luís Bernal ( Farruco). Dirixe: Gloria Rico  -MICROTEATRO- Dous personaxes. Un encontro fugaz. Nós non sabemos quen son. Saberano eles? Quéreno saber ou prefiren xogar ao despiste? Queredes xogar? Queredes descobrer quen son?

A compañía de teatro compostelana Voadora presenta a estrea absoluta da súa nova produción, 'Waltz', un espectáculo que permanecerá en cartel na Zona C ata o 24 de febreiro.

Dirección e Escenografía: Marta Pazos
Elenco: Jose Díaz, Marta Pazos e Hugo Torres
Música orixinal: Jose Díaz e Hugo Torres
Axud. dirección e coreografías: Uxía P. Vaello
Xastra: Cloti Vaello
Vestiario: Uxía P. Vaello coa colaboración especial de Amai Rodríguez, César Lombera e Toca Fedella Toca
Maquillaxe: Fany Bello
Deseño e fotografía: Sara Pazos
Produción: Jose Díaz e Cecilia Carballido
Colaboracións: CSC Santa Marta, David Rodríguez, Jose Perozo, Lorena Conde
Duración: 60’

SINOPSE
“O corazón é como un neno, espera o que desexa”
WALTZ é un conto que fala de amor e desamor, de namoramentos e rupturas, da vida compartida e da lembranza de amores perdidos.
En WALTZ a vida é un salón de baile onde imos cambiando de parella: hainas que che pisan os pés, outras agárrante forte pola cintura, a algunhas súanlle as mans e con outras bailarías por toda a eternidade...
O AMOR sempre está moi presente nas producións da VOADORA. Pero desta vez a compañía decide tirarse de cabeza e traballar íntegramente sobre el dedicándolle un espectáculo no que diseccionar os sentimentos, as emocións e as sensacións extremas que leva consigo este tema universal.
WALTZ articúlase en 3 movementos case independentes, coma se se tratase dunha sinfonía.
As principais ferramentas, como ven sendo habitual nos espectáculos da compañía, son a ironía, o humor, a beleza, a poesía, a danza, o absurdo e a música.

Como non podía ser doutro xeito WALTZ, un espectáculo VOADORA, é un espectáculo musical. Un espazo sonoro composto por máis de 20 temas orixinais que abarcan estilos desde a música dance ao pop, calipsos, unha opereta e, por suposto, waltz.
As pezas musicais, interpretadas en directo polos actores, serven de fío condutor na acción, son ás veces unha personaxe máis ou actúan como banda sonora levando as escenas a esa sempre evocadora linguaxe cinematográfica.
Unha concepción do espazo sonoro e lumínico que, a modo dun “deus ex machina” integra unha acción mais dentro da dramaturxia deixando en mans do actor ou en mans da personaxe dar son e luz a aquilo que sucede diante do espectador.

VOADORA nace como compañía de teatro en 2007. Os seus traballos de investigación en creación contemporánea caracterízanse por un importante compoñente musical, estético, sorprendente e evocador. VOADORA son Hugo Torres, Marta Pazos e Jose Díaz.
VOADORA ven de traballar nun intenso 2012; como convidados de GUIMARÃES 2012- Capital Europeia da Cultura estrearon o espectáculo e proxecto múltiple JOANE no pasado Xuño dentro do encontro de Teatro Contemporáneo Festivais Gil Vicente.
Forman parte dende Xuño do Project LLul, un triángulo de co-produción xunto co a asociación Propositário Azul de Lisboa e a compañía TeatrodeCERCA de Barcelona no marco do que se estrea SOTS L'OMBRA D'UN BELL ARBRE que xirará neste ano por EE.UU, Brasil, India e Canadá.
Recentemente estrearon como antesala de WALTZ a peza de microteatro HAPPYEND no espazo A Regadeira de Adela en Santiago de Compostela.
TOKIO3, o seu espectáculo peche da triloxía “Lugares Comunes” (triloxía composta polos espectáculos Periferia, Super8 e a propia Tokio3) coa que iniciaron a súa andadura como compañía no 2007, ven percorrendo escenarios de Galicia e Portugal desde a súa estrea en Xaneiro de 2012.

O ciclo 'Falabaratos', organizado polo Concello de Santiago, trae esta noite ao Teatro Principal 'Soy especial', o monólogo máis irreverente e underground de Joaquín Reyes. Un espectáculo divertido e atrevido onde a risa está garantida desde o primeiro ao último minuto.

Sen dúbida falar deste peculiar humorista é sinónimo de humor, absurdo, de culto ou como se queira catalogar. Herdeiro de Gila ou Faemino e Cansado, Joaquín Reyes ten gran número de fans e seguidores no territorio nacional, achegándose á xente máis nova con programas como “La hora Chanante”, “Museo Coconut” e “Muchachada Nuit”, onde realiza parodias e caracterízase de diversos personaxes nun apartado chamado “Celebritis”.

Joaquín Reyes narra vivencias e anécdotas transportándonos a través do humor a unha viaxe en clave de comedia absurda e chichinavesca: “Soy especial, un espectáculo que vos vai a deixar coa boca aberta e que probablemente vos leve á éxtase. Un monólogo onde fala de temas nunca tratados como a familia, as vacacións, as parellas, os ovnis ou os supositorios. Por se vos parece pouco, tamén vai cantar e a bailar mesmo se vai suficientemente ebrio espirase, aínda que isto tampouco é seguro. Se estades preto ide velo, non vos arrepentiredes!

Esta noite, Cándido Pazó protagoniza unha divertidísima e emocionante sesión de conto e comedia no pub Atlántico.

Un dos mellores contadores de historias de Galicia regresa de novo ao Ultramarinos para ofrecer un dos seus espectáculos de narración oral.

Nacido en Ribeira en 1960, Quico Cadaval é contador de historias, director de escena e dramaturgo. Comezou o seu traballo a mediados dos anos 80 baixo o mestrado de Xoán Cejudo, que estimulou o seu autodidactismo. Funda a compañía O Moucho Clerc con grandes artistas do teatro galego. Entre os seus traballos destacan Obra (No comment), Um códice clandestino e Shakespeare para ignorantes, esta última en colaboración con Mofa&Befa, pola que recibiron o premio MAX. Como director lémbrase o seu traballo sobre Cunqueiro titulado O ano do cometa para o CDG e a obra de Shakespeare Noite de reis co CDG. Como contador de historias saíu do café Atlántico e de aí divulgou a narrativa galega por festivais tan importantes como o Iberoamericano de Bogotá, o FILBA de Bos Aires e as Palavras Andarilhas de Beja. En relación coa música, vasto territorio no que é un profano, iniciou os seus contactos en Operaçao Triunfo da RTP, colaborou no Son de Aquí con Treixadura e Leilia, foi director de escena da Ópera de tres reás da Consellería de Cultura e ultimamente ligouse a proxectos do TAC como a Ópera das 4 notas. As últimas distincións recibidas foron o Premio da Cultura Galega e o Pregón da Pisa da Castaña de Froxán.

Quico Cadaval leva desenvolvendo desde os anos noventa un tipo de espectáculo unipersoal a medio camiño entre a narración tradicional, a épica escénica e o cabaret literario. Un espectáculo de narración oral que se leva transformando nos últimos quince anos acomodándose ás circunstancias ambientais, inclemencias do clima, ás experiencias persoais do artista e aos terrores mais íntimos do público.

'A hostia en verso' é un recital fóra do común, non se trata dun deses recitais onde o público é un obxecto pasivo senón que o seu papel é fundamental e case tan importante coma o dos poetas mesmos. A orixinalidade de A hostia en verso vén determinada por ser un espectáculo organizado coma un combate entre dous equipos de poetas.

Inspirado nos poetry slam (competicións reais entre poetas), de gran difusión en Europa, pero entendido coma un combate de grupo, baseado nunha estrutura semellante a un match de improvisación teatral. De modo que ten moita poesía e algo de improvisación, pero sobre todo, unha importante participación do público, que cos seus votos escolle o equipo gañador. Todas as sesións están conducidas por dúas presentadoras, as poetas Lucía Aldao e María Lado que guían o espectáculo, introducen unha nota de humor e fomentan a participación do público. O elenco complétase cunha pequena formación musical en directo que acompaña as probas e toca no intermedio e no final. Así mesmo para dotar os recitais dunha terceira dimensión que complete a lírica e a música procúrase a participación en directo dunha persoa que faga unha intervención de arte plástica, realizando unha obra en directo que se sortea entre os asistentes ao remate da velada.

Estrea do espectáculo de Lois Blanco e Pol Oñate. Dous amigos nunha viaxe que busca conectar a música e a palabra co humor como enlace.

'Andámonos con historias' é un espectáculo coas historias como punto de encontro entre a música e a palabra. A amizade é unha forma de gozar dos camiños. Entender xuntos que respirar é a mellor forma de sorrir.

O humorista Miguel Lago protagoniza unha nova entrega do ciclo 'Falabaratos', no que presenta 'Soy un miserable', un dos monólogos máis irreverentes e incorrectos do panorama nacional.

Miguel Lago é dabondo coñecido pola súa faceta cómica, sobre todo na canle Paramount Comedy, na que é o humorista que máis monólogos gravou cun total de 9 ademais dunha especial Pata Negra de audiencia histórica; aínda que o maior impacto para o gran público produciuno a súa interpretación de "Don Luís" no exitoso programa "Curso del 63" Antena 3 e a súa secuela. Recentemente o seu traballo na coñecida canle de comedia foi galardoado polo público co premio ‘Cómico do ano de Paramount Comedy 2011-2012’.

O humor de Miguel Lago foi evolucionando, desde o seu debut en "O club da comedia", até agora, momento no que presenta un dos monólogos máis irreverentes e incorrectos do panorama nacional. Máis aló dunha simple sucesión de chistes, Miguel Lago soporta nun espectáculo unha enorme carga de discurso que o converte nun referente de modernidade, a súa formulación, a dunha personaxe que se define a si mesma como "miserable e egoísta" fai que o seu paso polo mundo non sexa de pura observación senón de absoluto posicionamento crítico.

O éxito deste espectáculo reside fundamentalmente na comuñón que se produce entre o artista e o público. Ante nós Miguel presenta o primeiro show no que non só se ispe a corrupción política e empresarial senón que se demostra que todos e cada un de nós meteriamos a man na Caixa… Polo menos el promete facelo.

Co gallo do Día da Muller Traballadora, o Teatro Principal acolle unha gala especial adicada á muller na que participarán 17 contacontos de diversas nacionalidades.
O espectáculo forma parte do Festival Internacional de narración oral Atlántica.

Nais, fillas ou avoas, traballadoras, loitadoras, humildes, honradas, sufridoras... A muller será a protagonista dunha velada na que se mesturarán o riso, a carraxe e a emoción.

Os contacontos, Felipe Díaz-Caxoto, Fátima Fernández, Charo Pita, María da Pontragha, Pedro Brandariz, Quico Cadaval, Paula Carballeira, Raquel Queizás, Celso Fernández, Avelino González ou Cándido Pazó serán os encargados de poñerlle nome e historia galega ás mulleres.

Pero a loita das mulleres non coñece fronteiras. Por iso, Soledad Felloza, contacontos de Uruguai, tamén suma a súa voz para pór nome e faciana aos millóns de femias doutras beiras do Atlántico.

Esta gala enmárcase dentro do Festival Atlántica que reúne en Galicia a contacontos, actores e dramaturgos de diversas partes do mundo nunha oferta de cultura inédita en España. E é que desde o 5 ata o 16 de marzo, Galicia é o centro da narración oral de España con programación para todos os públicos. Máis de vinte profesionais participan neste congreso, a maior parte deles, contacontos. Pero tamén hai arqueólogos, escritores, bibliotecarios, filólogos ou divulgadores.

Nesta iniciativa colabora o Concello de Santiago, Auditorio de Galicia, Teatro Principal, Centro Cultural de Conxo, Centro Cultural de Fontiñas, Centro Cultural de Vite e a Rede de Bibliotecas de Oleiros, así como varios pubs da capital galega.

Que me queres, humor? Unha nova oportunidade para gozar en Santiago do esmendrellante monólogo de Carlos Meixide: "Chistes malos? Tampouco daban un peso polos percebes hai anos e mira agora a canto se pagan!!!".

Risas a esgalla!

Circonove presenta o cabaré 'Solete Mañanero', un espectáculo no que artistas de diversas disciplinas farán que pases unha noite de circo inesquecible. Con malabaristas, aerealistas, acróbatas, clowns e bailaríns.

- Manu Lago
- Raquel Oitaven
- Chusmi
- Jano
- Aitor
- Fredi
- Peter Punk
- Marta Alonso

O popular actor e humorista Evaristo Calvo trae esta noite ao Café El Puente o seu exitoso monólogo 'O turista madrileño', un espectáculo inspirado nun personaxe creado polo trío Zopilotes.

'O turista madrileño' é unha creación de Zopilotes, trío composto polos guionistas Andrés Mahía, Carlos Ares 'Parrocho' e Xosé Castro 'Pato', artífices de 'Air Galicia', programa de humor emitido durante varias tempadas na Televisión de Galicia e gañador do Premio Mestre Mateo á mellor serie do audiovisual galego en 2008.

Tras percorrer a xeografía galega en cromas imposibles, 'O turista madrileño' regresa co seu característico polo rosa, faldriqueira e gorra de España, para mostrar a súa particular visión do pobo galego polos cafés, pubs e salas de toda Galicia (e alá onde queiran escoitalo, claro está, pois como bo orador sempre ten algo que dicir, aínda que non teña idea de nada).

Como o ciclista, efectivamente. Até aquí o único en común entre Alberte e o de Pinto, o nome. Un xogo de palabras “inxeniosírmo” que dá título ao novo espectáculo deste monologuista galaico-català. Nel falará de ciclismo, das sestas que bota vendo o Tour, da dopaxe, a que hai no ciclismo e a que hai en San Fermín… Un novo show disparatado e delirante no que Alberte destripará tópicos, lendas, contos e outras mer… historias.

A Regadeira de Adela, Microcasa de Artes, vén ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa que xa funciona en cidades españolas como Madrid, Barcelona, Zaragoza, Málaga ou Segovia. En Galicia xa existen experiencias como La Tuerka 27 na Coruña e o Microteatro Por Casa de Cangas.

PROGRAMACIÓN DE ABRIL

** 3, 4 e 5 de abril

- 20:30 / 21:00 / 21:30 h.
LUISA VEIRA “SI AMANECE Y VES...” MICROTEATRO
Unha profesora da Universidade de Princenton, a doutora Love, chega a Galicia para dar unha charla maxistral teórico-práctica sobre o seu último libro: "Loas e cancións españolas do post-coitum pletórico". A primeira parte da charla consiste na análise exaustiva e académica dun fragmento do seu libro (a canción de Rocío Jurado "Si amanece y ves...") e na parte práctica e coa axuda dos voluntarios animaráse á concurrencia ao bo uso do preservativo.

- 20:45 / 21:15 / 21:45 h.
COMEDIAS FRESCAS “MARY E MARÍA” MICROCOMEDIA
Texto: Jose Luis Prieto. Dirixe: Mariana Carballal. Interpretado por Erica González e Estíbaliz Veiga. Dúas mulleres trintañeiras moi alonxandas polas súas circunstancias e ó mesmo tempo tan cerca... O machismo, a igualdade, a loita por ser muller nun mundo de homes tratado dun xeito áxil e fresco, con sentido do humor.

- 21:00 / 21:30 / 22:00 h.
FÁTIMA MELLA “SOLA MELLA” MICROTEATRO
Isto non vai de amor, porque está soa. Nin de soños: é que non se cumplen. Non vai de sexo, ou iso cremos. Nin fala de Mella. Di ela.

** 10, 11 e 12 de abril

- 20:30 / 21:00 / 21:30 h.
LUISA VEIRA “SI AMANECE Y VES...” MICROTEATRO
Unha profesora da Universidade de Princenton, a doutora Love, chega a Galicia para dar unha charla maxistral teórico-práctica sobre o seu último libro: "Loas e cancións españolas do post-coitum pletórico". A primeira parte da charla consiste na análise exaustiva e académica dun fragmento do seu libro (a canción de Rocío Jurado "Si amanece y ves...") e na parte práctica e coa axuda dos voluntarios animaráse á concurrencia ó bon uso do preservativo.

- 20:45 / 21:15 / 21:45 h.
TIATREROS “HÁMSTER” MICROCOMEDIA
Un texto de Santiago Cortegoso Unha parella de hámsters, que estando na súa gaiola, móstrannos múltiples situacións actuais. A través deles, sempre xogando cun ton cómico, atopamos unha crítica a diversos temas da condición humana. Faranannos sentir ledicia, tenrura e mesmo desprezo, a diversión e está asegurada.

- 21:00 / 21:30 / 22:00 h.
MILO TABOADA VICKY PÉREZ ·Mr X·
MICROCOMEDIA Unha institución seria, un paciente extraordinariamente normal. ¿Quen dá a vez? Mr.X

** 17, 18 e 19 de abril

- 20:30 / 21:00 / 21:30 h.
CERRADO POR OBRA “INFINITO” MICROTEATRO
A imposibilidade de pasar do un ó dous. Amor infinito-decimal. A distancia ou a fusión. A morte coma composición. Un amor, unha ruptura, un reencontro, César e Mateo son ex-parella, non teñen moito tempo, teñen moito que dicirse, pero saben que aclarar sen enturbiar é imposible.Tan imposible como chegar a ser dous.

- 20:45 / 21:15 / 21:45 h.
COMEDIAS FRESCAS “MARY E MARÍA” MICROCOMEDIA
Texto: Jose Luis Prieto. Dirixe: Mariana Carballal. Interpretado por Erica González e Estíbaliz Veiga. Dúas mulleres trintañeiras moi alonxandas polas súas circunstancias e ó mesmo tempo tan cerca... O machismo, a igualdade, a loita por ser muller nun mundo de homes tratado dun xeito áxil e fresco, con sentido do humor.

- 21:00 / 21:30 / 22:00 h.
PAULA QUINTAS “BREAKFAST ACCUMULATION” MICROPERFORMANCE
A taza é o elemento central. Con ela e a través dela, o convencional convírtese nun ritual. Esta danza- instalación convida ó espectador a practicar unha acción cotidiana, o almorzo. Por medio del, o corpo e o espazo adoptan transformacións culturais chegando á fraxilidade. Un tempo surrealista. Tributo a Meret Oppenheim.

** 24, 25 e 26 de abril

- 20:45 / 21:15 / 21:45 h.
COMEDIAS FRESCAS “12 MINUTOS” MICROCOMEDIA
Texto: Jose Luis Prieto Dirixe: Mariana Carballal. Interpretado por Estíbaliz Veiga e Rubén Riós. O día a día dunha parella, coma se estivésemos na casa deles véndoos por un hoquiño... a soidade, a incertidume, as crises: a económica, a crise existencial, a crise da parella…e segui-lo día... Todo isto dende o humor, unha retranca pero da branca...

- 21:00 / 21:30 / 22:00 h.
MILO TABOADA VICKY PÉREZ ·Mr X·
MICROCOMEDIA Unha institución seria, un paciente extraordinariamente normal. ¿Quen dá a vez? Mr.X

Os populares actores e humoristas galegos Manuel Manquiña e Luis Zahera protagonizan unha nova entrega do ciclo 'Falabaratos', organizado polo Concello de Santiago.

"Monólogos inocentes"; a crise económica, a televisión e a ciencia, o amor e a familia. todos os temas do noso tempo, tratados con humor e sarcasmo coa linguaxe descarada e intelixente de dous humoristas que non te deixarán indiferente. A vida dun, a mala vida do outro. O guapo e o feo, o bo e o malo...pero quen é quen? Humor ao borde do abismo, descarga emocional e alivio.

Manuel Manquiña; comeza a súa carreira en programas de humor na TVG, pero sen ningunha dúbida o papel que o catapultou á fama, foi o que interpretou en 1997 na afamada película "AIRBAG". Polo coñecido "Pazos", Manqui conseguiu un nomeamento a un premio Goya ao mellor actor revelación. Na carreira deste galego son máis dunha trintena as películas nas que apareceu ("Torrente", "Atilano Presidente", "Sobrevivirei" etc). Esta actividade foina compaxinando coa interpretación e a dirección teatral. Agora Manquiña tamén se pasea polos escenarios dos mellores teatros, onde leva xa varios anos deixando sen butacas baleiras todas as prazas polas que pasa.

Luís Zahera saltou á fama polo seu papel de Petróleo na exitosa serie da TVG, "Mareas vivas". A partir dese momento a súa ascensión foi meteórica. Participou nalgunha das máis importantes películas do panorama nacional como a premiada "Celda 211", "Alatriste", "Spanish Movie" etc. Compaxinando a súa actividade no celuloide coa aparición en series da talla de "O Comisario", "Piratas" ou "Hospital Central" e a máis recente "Sen tetas non hai paraíso". Agora Luís decidiu emprender unha nova aventura profesional no mundo do humor e podemos dicir que non se equivocou.

'Bodas de Sangre' é, xunto a 'La Casa de Bernarda Alba e 'Yerma', a obra máis significativa e representada do teatro de Federico García Lorca. Este 'Bodas de Sangre' é unha aposta pola poesía lorquiana inmersa nas raíces flamencas onde a traxedia andaluza se converte en teatro. Para a súa posta en escena, propóñense dous universos; nun, os actores que protagonizan esta obra falan, cantan, constrúen o mundo particular, pechado e profundo da malograda voda e noutro, constrúen a realidade da época na que se representa este ensaio da obra lorquiana. Estamos no ano 1941. García Lorca vetado como autor subsiste na vontade creadora de nove persoas.

Unha escenografía austera e elocuente a un tempo, é a ponte escollida para que a nosa versión desta xoia da dramaturxia do século XX poida desenvolverse e abrir as dúas traxedias que se mostran: unha calorosa e densa tarde de morte e unha fría e temerosa época de censura.

DIRECTOR - JORGE EINES

AXUDANTE DE DIRECCIÓN - MIGUEL RIBAGORDA- EIDER ELORZA
VESTIARIO - KRISTINA CON K
ESCENOGRAFÍA - CARLOS HIGINIO ESTEBAN
DESEÑO IMAXE - JOEL MACHBRIT

REPARTO
LEONARDO - JESUS NOGUERO
MADRE - CARMEN VALS
PADRE - MARIANO VENANCIO
HIJO - DANIEL MENDEZ
NOVIA - DANAI JIMENEZ
CRIADA - INMACULADA GONZALEZ
MUJER - BEA MELGARES
MUERTE – MENDIGA - VOCES - CARLOS ENRI Y LUISMI LUCAS

Master Class cabaret é un espectáculo de cabaré puro e duro no que o ritmo e a actitude definen a narración do espectáculo.

“Despois de sete anos de investigación arredor do cabaré como xénero, de organizar e programar sete edicións do Festival Galego de Cabaré ou de argallar múltiples montaxes nas que dabamos unha nova pincelada sobre o xénero, a Compañía Femme Fatale ten o enorme pracer de presentarlles “Master Class Cabaret”, a versión de sala do espectáculo “Unha cadeira para mover o mundo” na que expresamos de xeito didáctico e desenfadado a nosa propia visión sobre o cabaré.

Estreado no Teatro Rosalía de Castro da Coruña o 28 de outubro de 2012 cun cheo estrondoso e un público entusiasmado; o espectáculo, con un elenco de cinco actrices, un mestre de cerimonias e dous músicos en directo fai un percorrido pormenorizado a través da historia tentando desenmarañar o sentido que ten hoxe en día recuperar un xénero como este para facelo novo, contemporáneo e actual. Dende propostas visuais a cabaré contemporáneo, pasando polo cuplé, o music hall, o strip-tease, acrobacias aéreas, música en directo ou a fusión do mesmo coa danza tradicional, “Master Class Cabaret” convírtese nunha lección na que combinamos diferentes elementos para acadar coa fórmula maxistral”.

“Una lección sobre cabaret. Una clase magistral clausura el Festival Galego de Cabaré en el teatro Rosalía de Castro” LA OPINIÓN DE A CORUÑA

“Humor y ritmo en el cierre del  Festival Galego de Cabaré” LA VOZ DE GALICIA

“La performance vanguardista más poliédrica cuyas caras abordan diferentes temas femeninos” EL IDEAL GALLEGO

“El teatro como templo mágico donde todo puede ser posible. Ballet, música, canciones, humor, acrobacias en un trapecio, risas y un largo etcétera de aciertos en los esculturales cuerpos de sus actrices. Que igual bailan sobre sus sillas, invaden el patio de butacas, interpretan una muiñeira, cantan un cuplé o se buscan la pulga insinuante!” J.A MARTÍNEZ SEVILLA


'Master Class cabaret'

ELENCO ARTÍSTICO: Davinia Rico, Fran Castro (piano) María Garat, María Manero, María Polo, Marcos Aboal (Pulpiño Viascón), Nelson Quinteiro, Uxía Vázquez
IDIOMA: Galego/Castelán
XÉNERO: Cabaré contemporáneo
VESTIARIO: Femme Fatale, Talleres Felicidad García
ESCENOGRAFÍA: Tabo Ayala
COREOGRAFÍAS: Nelson Quinteiro
DESEÑO DE SON E ILUMINACIÓN: Nelson Quinteiro, Guillermo Cortiñas Vidal, Óscar Domínguez Corbacho
DURACIÓN: 100 minutos
CONCEPTO E DIRECCIÓN: Nelson Quinteiro

Trazado como unha clase maxistral onde o propio argumento xira arredor do propio xénero, o mestre de cerimonias, interpretado por Nelson Quinteiro introduce ao público en diferentes compoñentes fundamentais do xénero.

Deste xeito, conceptos básicos como a ruptura da cuarta parede, a combinación de disciplinas, a sensualidade, o emprego do corpo en cabaré ou a danza serán exemplificadas a través de diferentes números nos que o cabaré é así retratado.

Aquí entra en escena un elenco de luxo formado polas actrices Davinia Rico, María Garat, María Manero, María Polo e Uxía Vázquez, que ademais de coreografías corais darán pé a numeros propios tan dispares como unha readaptación do universal cuplé da pulga, fusións entre o cabaré e a danza tradicional galega, acrobacias en un trapecio, danza contemporánea, strip-tease ou coreografías con cadeiras, que tanto conectan co imaxinario colectivo sobre o propio xénero.

Todo cunha banda sonora do máis coidado á que contribúen, poñendo música en directo os músicos Pulpiño Viascón (acordeón, zendrum, serrucho...) ou Fran Castro (piano), que coa súa calidade artística e longa traxectoria contribúen a poñer unha nota máis de calidade a unha montaxe sumamente equilibrada.

O resultado, en palabras do crítico teatral J.A. Martínez Sevilla, é “La performance artística más poliédrica cuyas caras abordan diferentes temas femeninos”.

Porque se o cabaré tivera nome propio, este sería nome de muller, e a iso contribúe un elenco sólido, firme, curtido en centos de función de cabaré e teatro de rúa, en moi boa forma física e con unha presencia escénica que só se consigue despois de pisar moitos adoquíns.

A Regadeira de Adela, Microcasa de Artes, vén ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa que xa funciona en cidades españolas como Madrid, Barcelona, Zaragoza, Málaga ou Segovia. En Galicia xa existen experiencias como La Tuerka 27 na Coruña e o Microteatro Por Casa de Cangas.

PROGRAMACIÓN DE MAIO

** 1, 2 e 3 de maio

- 20:30 / 21:00 / 21:30 h.
XOSE LEIS ·Mujer y Filipina·
MICROTEATRO Unha parella a punto de fenderse, segredos inconfesables, verdades ocultas, unha nova situación, fantasías que toman poder da realidade. Un texto de Ariel Capone, dirixido por Xosé Leis, con Paku Granxa e Carlos Martín.

- 20:45 / 21:15 / 21:45 h.
ARRASTRACHELOCUPOLASPALLAS ·Carrachas·
MICROTEATRO Tres actores doutra época deberán enfrontarse a un público moi distinto ao que coñeceron no pasado. Isto, unido a pouca motivación dalgún deles, fará que se plantexen quenes son realmente e que fan enriba dun escenario. Con Chiruca Tarrío, Paula Abraldes e Luis Martínez.

- 21:00 / 21:30 / 22:00 h.
OLGA ABAD ·Paquita e os seu patiños·
MICROMONÓLOGO CÓMICO Paquita fará todo o posible por axudar á súa familia de pequenos patiños.


** 8, 9 e 10 de maio

- 20:30 / 21:00 / 21:30 h.
LAS CHARMANTES ·De cerca pequeñeces·
MICROTEATRO Evarista e Prepucia esperaban A Chamada Perfecta para alcanzar o Paraíso. Na súa pequena cadeira de brazos, como pallasas e bufóns, próximos, entrañables, tenros, escuros, ás veces grotescos, compartiron conflitos, malentendidos, pelexas, risas e complicidades. Como a gota que enchía o vaso, víronse desafiuzadas. Agarradas a un baúl cheo de pequenas pertenzas inician co mesmo ánimo de sempre, este novo reto. Gocen destas De Cerca... Pequeneces.

- 20:45 / 21:15 / 21:45 h.
REDRUM ·Executiva Vs. Bolseiro·
MICROTEATRO Unha delirante entrevista de traballo na que a candidata está máis capacitada, máis segura de si mesma e, se cadra, un chisco máis tola que o entrevistador. Outra peza do espectáculo "Curriculum Vitae" protagonizada por Mónica García e Guillermo Carbajo con texto de José Prieto e baixo a dirección de Alex Sampayo.

- 21:00 / 21:30 / 22:00 h.
PAULA QUINTAS·Breakfast Acumulation·
MICROPERFORMANCE


** 15, 16 e 17 de maio

- 20:30 / 21:00 / 21:30 h.
AINA HUGET·En el ladrillo de cristal
MICROTEATRO Vivimos dentro dun ladrillo de cristal, onde a rutina se repite unha e outra vez, todos os días, talmente un reloxo de agullas que marca sen tregua cada hora, cada minuto, cada segundo da nosa existencia. Pero se abrandamos ese ladrillo e rompemos os límites do cristal, veremos, do outro lado, que «el tiempo como un abanico se va llenando de sí mismo y de él brotan el aire, las brisas de la tierra, la sombra de una mujer, el perfume del pan». E unha revolución terá comezado...

- 20:45 / 21:15 / 21:45 h.
REDRUM ·Executiva Vs. Bolseiro·
MICROTEATRO Unha delirante entrevista de traballo na que a candidata está máis capacitada, máis segura de si mesma e, se cadra, un chisco máis tola que o entrevistador. Outra peza do espectáculo "Curriculum Vitae" protagonizada por Mónica García e Guillermo Carbajo con texto de José Prieto e baixo a dirección de Alex Sampayo.

- 21:00 / 21:30 / 22:00 h.
BEATRIZ FUENTES ANTON COUCHEIRO
·Madrugada· MICRODANZA Tras o FIN, funme, deixando todo atrás... agora camiño nun tempo cuxo centro está en todas as partes. Despois de arder, funme esquecendo do meu, aprendín a ser cinza nesta paisaxe infinita... Sinto a presenza de alguén, pola noite séntase baixo as ramas secas dunha desas árbores mortas. Aínda que non o vin, intúo no seu xeito de mirarme o abismo máis profundo e a noite máis negra. Sei que el é un anxo, o meu anxo da desolación.


** 22, 23 e 24 de maio

- 20:30 / 21:00 / 21:30 h.
FÁBULA TEATRO ·Estación Victoria·
MICROTEATRO Unha peza teatral do dramaturgo inglés Harold Pinter. Premio Nobel de literatura en 2005, Pinter, herdeiro do teatro do absurdo de Ionesco, Genet ou Beckett entre outros, plantexa nas súas obras o sinsentido deste mundo no que nos tocou vivir. A incomunicación, a desesperación e a traxedia na que se desenvolven os seus personaxes son tratados sen sentimentalismo e a comicidade surxe nas situacións máis serias. Interpretado por Rubén Espejo e Simón Iglesias.

- 20:45 / 21:15 / 21:45 h.
BEATRIZ FUENTES ANTÓN COUCHEIRO
·Madrugada· MICRODANZA Tras o FIN, funme, deixando todo atrás... agora camiño nun tempo cuxo centro está en todas as partes. Despois de arder, funme esquecendo do meu, aprendín a ser cinza nesta paisaxe infinita... Sinto a presenza de alguén, pola noite séntase baixo as ramas secas dunha desas árbores mortas. Aínda que non o vin, intúo no seu xeito de mirarme o abismo máis profundo e a noite máis negra. Sei que el é un anxo, o meu anxo da desolación.

- 21:00 / 21:30 / 22:00 h.
LEODAN ·A solas·
MICRODANZA Calquera tempo vivido, non será mellor que o que queda por vivir. A soas é un traballo de danza contemporánea que se elabora mediante a improvisación no acto, elaborando efémeros momento de sentimentos fugaces que se cruzan.

** 29, 30 e 31 de maio

- 20:30 / 21:00 / 21:30 h.
3DTRANS ·La piscina·
MICROTEATRO Tres actrices, en traballo de mesa, reúnense para ensaiar un texto de Alejandro Jodorowsky. Con Cristina Mariño, Sabela Amado Rojo e Cristina Moreira.

- 20:45 / 21:15 / 21:45 h.
A CLAQUE ·A Fronteira·
MICROPEZA MUSICAL Unha acción musical que nos conduce a todo gas polo linde dos territorios do azar e do destino; unha viaxe sen retorno na que o blues marca os tempos. A FRONTEIRA é a segunda proposta escénica do colectivo de creación A CLAQUE, composto por Manolo Romón, Paula Carballeira, Casilda Alfaro, José Jamardo e Suso Cortegoso.

- 21:00 / 21:30 / 22:00 h.
BEATRIZ FUENTES * ANTÓN COUCHEIRO
Madrugada· MICRODANZA Improvisación de palabra e movemento nunha atmósfera apocalíptica. Tras o FIN, funme, deixando todo atrás... Camiño nun tempo co centro en todas partes. Despois de arder, esquecinme do meu, aprendín a ser cinza nunha paisaxe infinita... Sinto a presenza de alguén, pola noite séntase baixo as ramas secas das árbores mortas. Aínda que non o vexo, intúo no seu xeito de mirarme o abismo máis profundo e a noite máis negra. Sei que é un anxo, o meu anxo da desolación.

'A cabeza non para' é un show de mediano formato de 90 minutos de duración no que por primeira vez o humorista e presentador Roberto Vilar percorre os teatros galegos, acompañado polos actores de reparto de corte cómico Roberto Gómez e JuanRamón, cos que Roberto recreará diferentes situacións e sketches, e Manolito The Fisherman (Manolito el Pescador), o coñecido cantante de copla galego que se atreve cos xéneros musicais máis arriscados en fala inglesa a través dos seus famosos "tests musicais".

'A hostia en verso' é un recital fóra do común, non se trata dun deses recitais onde o público é un obxecto pasivo senón que o seu papel é fundamental e case tan importante coma o dos poetas mesmos. A orixinalidade de A hostia en verso vén determinada por ser un espectáculo organizado coma un combate entre dous equipos de poetas.

Inspirado nos poetry slam (competicións reais entre poetas), de gran difusión en Europa, pero entendido coma un combate de grupo, baseado nunha estrutura semellante a un match de improvisación teatral. De modo que ten moita poesía e algo de improvisación, pero sobre todo, unha importante participación do público, que cos seus votos escolle o equipo gañador. Todas as sesións están conducidas por dúas presentadoras, as poetas Lucía Aldao e María Lado que guían o espectáculo, introducen unha nota de humor e fomentan a participación do público. O elenco complétase cunha pequena formación musical en directo que acompaña as probas e toca no intermedio e no final. Así mesmo para dotar os recitais dunha terceira dimensión que complete a lírica e a música procúrase a participación en directo dunha persoa que faga unha intervención de arte plástica, realizando unha obra en directo que se sortea entre os asistentes ao remate da velada.

O actor e monologuista galego Pepo Suevos protagoniza esta noite unha nova entrega do ciclo 'Noite de contos' organizado polo pub Atlántico.

Durante catro xornadas, o Circo Quirós presenta en Santiago un espectáculo de dúas horas de duración, que ofrece aos seus espectadores entretemento, ocio e cultura.

Cada representación contén tres ingredientes básicos: sorpresa, risco e beleza, que unidos ás instalacións envolven o espectador nun momento máxico para que voe a imaxinación; un espectáculo circense en definitiva, con malabaristas, chamas, ponis e crocodilos amestrados; aramistas, trapecistas, contorsionistas, pallasos...

Chega a Compostela o primeiro campionato de improvisación teatral galego. Funcións irrepetibles, comedia, creación en directo. Un espectáculo no que o público intervén de forma activa, os improvisadores crean historias a partir das súas propostas e resolven escenas a un ritmo vertixinoso e hilarante.

Cada sábado de maio e xuño terá lugar un combate. En maio catro roldas de eliminación nos bares Camalea, Ateneo, Garigolo e Ultramarinos, en xuño as semifinais na Zona C de Bonaval, e o enfrontamento definitivo dos equipos finalistas na gran final do Teatro Principal.

As parellas de improvisadores proceden das compañías Los Duguis (A Coruña), Improperio (Vigo) e The Momento (Santiago), e todos eles competirán por ser os favoritos do público.

O pub Atlántico organiza esta noite unha nova cita do seu ciclo 'Noite de contos'. Nesta ocasión, a sesión de narracións orais estará protagonizada por Quico Cadaval, actor, director, adaptador teatral e narrador galego.

O Primeiro Campionato de Improvisación Teatral Galego 'Improfighters' celebra esta noite a súa primeira semifinal.

Funcións irrepetibles, comedia, creación en directo. Interactuación total, os improvisadores crean historias a partir das propostas do público e resolven escenas a un ritmo vertixinoso e hilarante. Parellas de improvisadores procedentes das compañías Los Duguis (A Coruña), Improperio (Vigo) e The Momento (Santiago), competirán por ser os favoritos do público. Cada sábado un novo combate, presentado polo actor e cómico Antón Coucheiro, aínda que será o público o que decida quen será o gañador da noite.

A Regadeira de Adela, Microcasa de Artes, vén ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa que xa funciona en cidades españolas como Madrid, Barcelona, Zaragoza, Málaga ou Segovia. En Galicia xa existen experiencias como La Tuerka 27 na Coruña e o Microteatro Por Casa de Cangas.

PROGRAMACIÓN DE XUÑO

**  5, 6 e 7 de xuño

- 20:30 / 21:00 / 21:30 h.
CISMA DANZA·Entre nanas e escombros·
MICRODANZA Eu quéroo todo, xa! Agora! e que estea enteiro!, non quero ser modesta, nin contentarme cun anaco pequeno eu quero estar hoxe segura de todo e que iso sexa tan bo como cando eu era pequena.

- 20:45 / 21:15 / 21:45 h.
NEGRÍN SALVADO PIÑEIRO ·De Película·
MICROCOMEDIA con paixón e suspense. Ano 2013: a xove responsable de Recursos Humanos dunha empresa cita no seu despacho a un comercial para decidir sobre o seu despido. O que ela aínda non sabe é que un forte shock emocional o deixou cun rarísimo trastorno. E que unha paixón é unha paixón. Dirixe Simone Negrín Intérpretes: Inés Salvado, Sergio Piñeiro.

- 21:00 / 21:30 / 22:00 h.
CAROLINA FERNÁNDEZ Microdanza
·Mi manera de hacer el indio· Una creación inspirada en la danza butoh y en la recuperación de la memoria de los indios norteamericanos. El hombre blanco mirará asombrado como sus hijos e hijas adoptan la manera india que ellos no quisieron aprender.


**  12, 13 e 14 de xuño

- 20:30 / 21:00 / 21:30 h.
COMEDIAS FRESCAS ·Mary e María·
MICROCOMEDIA Actrices: Erica González e Estíbaliz Veiga / Texto: Jose Luis Prieto / Dirixe: Mariana Carballal Dúas mulleres trintañeiras moi alonxandas polas súas circunstancias e ó mesmo tempo tan cerca... O machismo, a igualdade, a loita por ser muller nun mundo de homes tratado dun xeito áxil e fresco, con sentido do humor.

- 20:45 / 21:15 / 21:45 h.
MOFA E BEFA ·Acto sen palabras·
MICROCOMEDIA Un espectáculo que Beckett tería desautorizado. Aproveitando que está morto, Mofa e Befa atrévense a mosquear a Samuel Beckett con tres entregas do seu Acto Sen Palabras, unha diferente para cada día.

- 21:00 / 21:30 / 22:00 h.
MAQUINARIAS TEATRO ·Nata agria·
Actriz: Helga Méndez. Dirección: Blanca Cendán. Unha muller abandonada xogará as últimas cartas para recuperar ó home que ama.


**  19 e 20 de xuño

- 20:30 / 21:00 / 21:30 h.
CHÉVERE ·Sexo mentiras e códices·
Chévere propón un experimento teatral creado especificamente para a Regadeira. Contar o roubo do Códice Calixtino e todo o que rodeou esta historia desde catro perspectivas distintas e a través de catro personaxes enfrontados: o electricista, o deán, o xuíz e a muller do electricista. Son catro historias que se poden ver por separado, pero que acadan toda a súa dimensión cando se contrastan unhas con outras.


**  26, 27 e 28 de xuño

- 20:30 / 21:00 / 21:30 h.
COMEDIAS FRESCAS ·12 minutos·
MICROCOMEDIA Interpretado por Estíbaliz Veiga e Rubén Riós / Texto: Jose Luis Prieto / Dirixe: Mariana Carballal. O día a día dunha parella, coma se estivésemos na casa deles véndoos por un hoquiño... a soidade, a incertidume, as crises: a económica, a crise existencial, a crise da parella…e segui-lo día ... Todo isto dende o humor, unha retranca pero da branca...

- 20:45 / 21:15 / 21:45 h.
OS MORNINGS
MICROMUSICAL Blanca Cendán e Suso alonso achégannos un trailer do que vai ser o seu novo espectáculo para a volta do verán.

- 21:00 / 21:30 / 22:00 h.
FABIOLA MECÍAS ·YOLO performance·
MICROPERFORMANCE Danza- texto no que se aborda a evanescencia do tempo, as dimensións da imaxe e o valor da vivencia.

Máis info aquí

O Primeiro Campionato de Improvisación Teatral Galego 'Improfighters' celebra esta noite a súa segunda semifinal.

Funcións irrepetibles, comedia, creación en directo. Interactuación total, os improvisadores crean historias a partir das propostas do público e resolven escenas a un ritmo vertixinoso e hilarante. Parellas de improvisadores procedentes das compañías Los Duguis (A Coruña), Improperio (Vigo) e The Momento (Santiago), competirán por ser os favoritos do público. Cada sábado un novo combate, presentado polo actor e cómico Antón Coucheiro, aínda que será o público o que decida quen será o gañador da noite.

O pub Atlántico organiza esta noite unha nova cita do seu ciclo 'Noite de contos'. Nesta ocasión, a sesión de narracións orais estará protagonizada polo poeta e contacontos Celso F. Sanmartín.

O Jazz Club Dado Dadá acolle durante dúas noites un novo espectáculo de monólogos cómicos do polifacético actor e presentador galego Carlos Blanco.

O arousano é un actor de ampla traxectoria teatral, con experiencia tamén como autor e director. Foi presentador da Radio Galega e traballou en multitude de programas e series de televisión para a TVG, pero foi o papel de Ladislao na serie 'Mareas Vivas' (onde tamén exercía de guionista) o papel que o deu a coñecer en toda Galicia.

Foi finalista do Certame de Monólogos do Clube da Comedia no 2003. Con espectáculos deste xénero percorreu con éxito a xeografía galega. Cabe destacar neste aspecto O país da comedia, que dirixiu no 2002 e onde compartía cartel con outros actores galegos de éxito como Mabel Rivera, Santiago Romay, Ernesto Chao ou Quico Cadaval.

Comezou no cine da man de directores como Patricia Ferreira ou Antón Reixa, e un dos seus últimos traballos foi unha pequena colaboración na película Volver (2006) de Pedro Almodóvar.

Como todos os anos, os alumnos da nave, nenos e adultos, mostrarán o aprendido ao longo do curso. Malabares, aéreo, acrobacias... unha tarde de puro circo para toda a familia.

Celebrada a primeira e segunda semifinal do Primeiro Campionato de Improvisación Teatral Galego, a ‘Improfighter!’, que ocupou diferentes locais de ocio da cidade, chega agora a súa Finalísima no Teatro Principal.

Funcións irrepetibles, comedia, creación en directo. Interactuación total, os improvisadores crean historias a partir das propostas do público e resolven escenas a un ritmo vertixinoso e hilarante. Parellas de improvisadores procedentes das compañías Los Duguis (A Coruña), Improperio (Vigo) e The Momento (Santiago), competirán por ser os favoritos do público.

María Lado e Lucía Aldao, Aldaolado, descansan da súa xira mundial pasando polo Ultramarinos de Compostela, que é como a súa segunda casa. Desta volta presentan "Cría fama e bótate a correr", un espectáculo no que unen os seus mellores números (eses que algún día lles procurarán a fama mundial) con novas ocorrencias, poemas, cancións e xogos pensados para o público fiel.

A entrada vale 4 € que as poetas prometen non malgastar en vicios.