Ata comezos do mes de febreiro, o paseo central da Alameda acollerá a pista de xeo. Neste Nadal, a pista duplica o seu tamaño respecto da campaña pasada para facer aínda máis cómoda a patinaxe no recinto, que estará novamente cuberto por unha carpa transparente.

A pista terá este ano unhas dimensións de 60 x 12,5 metros, proporcionando aos patinadores unha superficie de xeo de 500 metros cadrados. Esta pista será a segunda en tamaño que se instale en Galicia neste Nadal. Non só se duplica o tamaño da pista, senón tamén o número de andadores, para facilitar a patinaxe aos que se inician nesta práctica. Tamén serán novidade os patíns, moito máis cómodos e adaptables.

Outro servizo engadido será a cafetería, que este ano estará instalada a carón da pista para facer máis cómoda a espera aos pais mentres patinan os máis pequenos.

A primeira xornada, o mércores 5 de decembro, será de portas abertas a partir das 17:00 horas. Calquera cidadán poderá achegarse nesa xornada a patinar e coñecer a pista.

A Liga ACB Endesa de Baloncesto 2012-2013 celebra esta mañá a súa decimoquinta xornada cun partido que enfrontará ao Blu:Sens Monbus e ao Lagun Aro GBC de San Sebastián.

A Liga ACB Endesa de Baloncesto 2012-2013 celebra hoxe a súa decimosexta xornada cun partido que enfrontará ao Blu:Sens Monbus e ao Blancos de Rueda Valladolid.

O Concello invita os composteláns a apoiar
 ao Obradoiro este domingo desde a Sala Capitol. As invitacións para a retransmisión deberán recollerse a partir das 12.30 h de hoxe na sede da Cadena SER, entidade organizadora.

O Concello de Santiago, a través do seu Departamento Municipal de Deportes de Santiago, e Radio Galicia Cadena Ser, convida a todos os composteláns e compostelás á Sala Capitol para asistir á retransmisión do partido que disputará o OBRADOIRO CAB fronte ao FIATC JOVENTUT en Badalona o próximo domingo 13 de xaneiro de 2013 ás 12:40 h, correspondente á 17ª xornada da LIGA ENDESA. Trátase dun partido decisivo, que pode levar ao Obradoiro á fase final da Copa de S. M. o Rei.

As entradas, de balde, poderán retirarse nas oficinas de Radio Ser Galicia, Rúa San Pedro de Mezonzo, 3,- 1º A, dende as 12:30h do xoves 10.

Este fin de semana, o pavillón de Santa Isabel de Santiago acolle a celebración do Campionato de España de Fútbol Sala para Xordos 2013.

O campionato está organizado polo CSD Compostela de Xordos e conta coa colaboración, entre outros, do Concello de Santiago de Compostela e da Federación Galega de Deportes para Xordos.

Ademais do clube organizador, participarán os seguintes equipos:

- CDS Mijas-Costas
- CDS Huelva
- CDS Valencia
- CDS Castelló (Asorcas)
- UDS Zaragoza
- CDS Almussafe
- CES Casal de Barcelona

A Liga ACB Endesa de Baloncesto 2012-2013 celebra hoxe a súa decimonovena xornada cun partido que enfrontará ao Blu:Sens Monbus e ao Mad-Croc Fuenlabrada.

A Liga ACB Endesa de Baloncesto 2012-2013 celebra hoxe a súa vixésimo primeira xornada cun partido que enfrontará ao Blu:Sens Monbus e ao Caja Laboral Baskonia.

Para este partido, todos os afeccionados do Blusens Monbus que se descarguen a nova aplicación do Clube, MC2.0, poderán adquirir unha entrada dende tan só 15 euros. Para o resto de afeccionados, as entradas xa están dispoñibles tanto na Web Oficial coma nas oficinas do Club.

Máis info aquí

O estadio de San Lázaro será esta tarde o escenario do partido que enfronta á selección española de rugby coa portuguesa, dentro do Campionato de Europa de Nacións FIRA-AER 2013. España e Portugal loitarán en Santiago por alzarse co título continental de seleccións fronte a outras como Xeorxia, Romanía, Rusia e Ucraína.

A Liga ACB Endesa de Baloncesto 2012-2013 celebra hoxe a súa vixésimo oitava xornada cun partido que enfrontará ao Blu:Sens Monbus e ao Regal Barcelona.

A piscina municipal de Santa Isabel acolle esta tarde o segundo partido do play off final da Liga Galega de Waterpolo entre o Club Waterpolo Santiago e o Club Waterpolo Galaico Pontevedra. De gañar este partido os composteláns, disputarían o terceiro e último partido tamén na casa.

Os santiagueses precisan gañar este partido para forzar o desempate, xa que perderon o primeiro en Pontevedra por 14-12.

O equipo compostelán ten o factor cancha a favor por ter sido primeiros na liga regular. De aí que, de gañar este sábado, o último e definitivo partido disputaríase tamén en Santa Isabel, o sábado 18 de maio. De conseguir o título, sería o cuarto consecutivo do Club Waterpolo Santiago, feito destacado especialmente pola xuventude dun equipo con apenas dez anos de existencia.

As aspiracións do CWS non rematan aí, xa que do 3 ao 5 de maio disputarán en Portugalete (Biscaia) a fase nacional de ascenso a Segunda División.

Máis info aquí

No marco das festas da Ascensión, o Mercado Nacional de Gando de Amio acolle a tradicional Feira Cabalar que contará coa celebración de diversos concursos oficiais, exhibicións de doma de alta escola e fantasías ecuestres con cabalos de pura raza galega e española.

Concurso cabalar Ascensión 2013
Mercado nacional de gando de Santiago (Amio)

PROGRAMA:

- 09.30 h. Apertura de inscricións nos concursos
- 10.00 h. Concurso morfolóxico oficial de cabalos de pura raza galega
- 10.30 h. Concurso morfolóxico oficial de eguas de pura raza galega
- 11.00 h. Concurso morfolóxico de cabalos cruzados
- 11.30 h. Concurso morfolóxico de eguas cruzadas
- 12.00 h. Concurso tradicional de “Andadura galega” na modalidade serrada (dous tempos)
- 12.30 h. Concurso tradicional de “Andadura galega” na modalidade chapeada (catro tempos)
- 13.00 h. Entrega de premios e trofeos as gandeirías gañadoras e do Gran Premio Dragóns de Santiago
- 13.10 h. a 14.00 h. Exhibicións de doma de alta escola e doma en liberdade

** De 11.00 a 13.00 h. Escola infantil gratuita con ponis para nenos e nenas
** De 9.00 a 14.00 h. Na nave central VII Exposición Nacional de cabalos e eguas de pura raza galega.

Consulta aquí o programa completo da Ascensión 2013.

No marco das festas da Ascensión 2013, o Concello de Santiago e o Club BTT Ultreia organizan a I Compostela BTT, unha marcha cicloturista de 50 quilómetros polos arredores da cidade.

As inscricións para esta poderán facerse ata última hora do xoves 9 de maio na páxina web www.magmasports.es.

O Campus Sur acollerá a saída e chegada da I Compostela BTT, unha proba que non ten carácter competitivo, aínda que se fará cronometraxe.

O circuíto está deseñado para completarse nunhas catro horas. Aqueles participantes que non pasen o curte no horario previsto pola organización nos puntos situados nos quilómetros 25 e 40 serán desviados por un percorrido alternativo que enlazará coa ruta máis adiante.

Poderá participar calquera persoa maior de 18 anos. Os menores deberán presentar obrigatoriamente unha autorización asinada polo seu pai, nai ou titor legal. Os federados deberán pagar 12 € e os non federados 15 €.

Os participantes poderán participar, logo da proba, nun xantar previsto ás 14:30 horas, co que esta marcha cicloturista se converterá tamén nunha xornada de convivencia para os practicantes desta disciplina deportiva.

Durante este xantar entregaranse agasallos e trofeos conmemorativos a todas as mulleres, ao participante de maior idade, ao competidor máis novo, ao club con maior número de participantes e ao club de máis lonxe (mínimo con 3 participantes), sempre que rematen a proba, en todo os casos.

O Blu:Sens Monbus enfróntase esta mañá ao Real Madrid Baloncesto no Multiusos Fontes do Sar. Por primeira vez na súa historia, e tras unha magnífica temporada, o equipo compostelán xogará un partido de 'play-offs'.

Máis info e entradas aquí

Imaxe: ACB PHOTO / J. Marqués

O Grupo Correo Gallego organiza o X Día Autonómico do Minibásquet, que se celebrará ao longo de toda a xornada no Pavillón Multiusos Fontes do Sar.

O torneo terá a mesma dinámica que en anos anteriores. Como en edicións pasadas, disporase de espazos para o esparcemento dos nenos que non estean xogando nas pistas centrais, que estará a cargo dos monitores de tempo libre.

PROGRAMA

- 9:00 h. Recepción de equipos e comezo da xornada
- 19:00 h. Clausura
- 20:00 h. Finalización da xornada e saída dos autobuses

O Día Autonómico do Minibásquet xa é unha cita obrigada no calendario dos equipos galegos. Nestes momentos de crise a colaboración dos participantes é esencial para que un ano máis este torneo poida celebrarse. Tamén, como en edicións anteriores, os inscritos exceden as limitacións das instalacións. O número de participantes é de 98 equipos, que disputarán 104 encontros, nas categorías de Mini (alevín) e Premini (benxamín), desde as 09.30 ata as 19.30 horas, en nove pistas simultaneamente.

A organización conta coa colaboración do Concello de Santiago, que se encarga do desprazamento dos equipos á capital galega, da Federación Galega de Baloncesto, con 30 árbitros de toda a comunidade autónoma, e 60 colaboradores que velarán para que os 1.400 participantes, chegados de distintos puntos da xeografía galega, gocen dun día dedicado ao baloncesto.

Haberá equipos procedentes de municipios tan dispares como Burela, Xinzo, As Pontes, Carballo, Salceda de Caselas ou O Barco de Valdeorras, entre outros. Todos eles desprazaranse en 22 autobuses. Os restantes equipos pertencen a Santiago e comarca.
   
Tamén contamos cos habituais patrocinadores desta cita: Concello de Santiago, Coca Cola, Blu:sens, Federación Gallega de Baloncesto, Multiusos Fontes do Sar e McDonald’s, entre outros, así como coa inestimable axuda do Grupo Scout Chan, 061, Cruz Vermella e Protección Civil.

Máis info aquí