Con motivo da visita do Arcebispo Theodosius Atallah Hanna á cidade de Santiago de Compostela, e coincidindo coa celebración do Ano Xacobeo, a Fundación Araguaney organiza unha mesa redonda sobre o diálogo interrelixioso. O acto contará tamén coa participación do Delegado Diocesano De Ecumenismo, o Sr D. Benito González Raposo, en representación do Arcebispado de Santiago de Compostela.

O Arcebispo Theodosius, fiel defensor da herdanza cristiá en Palestina e loitador incansable polos dereitos do seu pobo, é o Patriarca de Xerusalén e Arcebispo de Sebaste do Santo Sínodo da Igrexa Ortodoxa Grega.

O debate estará moderado por Andrés Torres Queiruga, profesor de Filosofía da Relixión da Universidade de Santiago de Compostela e un dos fundadores de Revista Galega de Pensamento Cristián Encrucillada.

Esta mesa redonda celebrarase no Salón Olivo do Hotel Melia Araguaney. A entrada é gratuíta ata completar o aforamento.

A galería A.dFuga acolle esta tarde a celebración da primeira sesión das xornadas 'Os muros teñen a palabra', na que o público poderá escoitar de balde as conferencias 'Laboriosa cultureta multidisciplinar en crisis', da artista visual Lula Goce, e 'Para que serven os artistas?', do artista Suso Fandiño.

Partindo da exposición 'Shine! Do you mind?' de Montse Rego, que inaugura este novo espazo expositivo, propoñemos un marco de debate in situ, para reflexionar e debater sobre as posibilidades do traballo creativo na sociedade actual en tempos de crise.

Estas xornadas pretenden establecer diálogos acerca dun sector de produción cultural que se atopa inmerso nunha crise económica profunda, pero ao mesmo tempo exterioriza unha debacle autónoma en canto a metodoloxías e sistemas de xestión.

Tras unha análise do noso contexto galego dende distintos ámbitos da creación e a produción cultural contemporánea, falaremos de posibles estratexias e opcións ou mecanismos para incrementar a comunicación efectiva co contorno social. Para iso, contaremos con artistas e creadores, representantes da museoloxía e educación, así como críticos e xestores culturais.

Más información: www.apuntodfuga.com

A galería A.dFuga acolle esta tarde a celebración da segunda sesión das xornadas 'Os muros teñen a palabra', na que o público poderá escoitar de balde as conferencias 'Museos na crise: unha visión crítica dende a Rede Museística. Museos sostibles', de Encarna Lago, xerente da Rede Museística da Deputación de Lugo, e 'Arte e Educación: as oportunidades perdidas na crise', con Jorge Núñez Lodeiro, do Departamento de Didáctica do Museo MACUF.

Partindo da exposición 'Shine! Do you mind?' de Montse Rego, que inaugura este novo espazo expositivo, propoñemos un marco de debate in situ, para reflexionar e debater sobre as posibilidades do traballo creativo na sociedade actual en tempos de crise.

Estas xornadas pretenden establecer diálogos acerca dun sector de produción cultural que se atopa inmerso nunha crise económica profunda, pero ao mesmo tempo exterioriza unha debacle autónoma en canto a metodoloxías e sistemas de xestión.

Tras unha análise do noso contexto galego dende distintos ámbitos da creación e a produción cultural contemporánea, falaremos de posibles estratexias e opcións ou mecanismos para incrementar a comunicación efectiva co contorno social. Para iso, contaremos con artistas e creadores, representantes da museoloxía e educación, así como críticos e xestores culturais.

Máis información: www.apuntodfuga.com

A galería A.dFuga acolle esta tarde a celebración da terceira sesión das xornadas 'Os muros teñen a palabra', na que o público poderá escoitar de balde a conferencia 'Smart may have the brains, but stupid has the balls. Be contemporary', a cargo de David Barro, comisario e editor de Dardo.

Partindo da exposición 'Shine! Do you mind?' de Montse Rego, que inaugura este novo espazo expositivo, propoñemos un marco de debate in situ, para reflexionar e debater sobre as posibilidades do traballo creativo na sociedade actual en tempos de crise.

Estas xornadas pretenden establecer diálogos acerca dun sector de produción cultural que se atopa inmerso nunha crise económica profunda, pero ao mesmo tempo exterioriza unha debacle autónoma en canto a metodoloxías e sistemas de xestión.

Tras unha análise do noso contexto galego dende distintos ámbitos da creación e a produción cultural contemporánea, falaremos de posibles estratexias e opcións ou mecanismos para incrementar a comunicación efectiva co contorno social. Para iso, contaremos con artistas e creadores, representantes da museoloxía e educación, así como críticos e xestores culturais.

Máis información: www.apuntodfuga.com

A Asociación Amigos da Ópera organiza esta tarde, dentro das actividades do Fórum Cidade 2012, unha sesión de fragmentos inesquecibles das mellores óperas, nas que se establece unha conexión inequívoca entre a música, os seus autores e a gastronomía. Sesión comentada por expertos, acompañada do pracer do padal a través dunha degustación.

Hora: 20.30 h
Sede: Parador Hostal RR.CC. _ Salón San Marcos
Entrada: Gratuíta. Aforo limitado

Organiza: Amigos da Ópera Santiago de Compostela

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

A galería de arte A.dFuga organiza esta tarde unha mesa redonda incluída na programación do ciclo 'Ilustrar, deseñar e animar na Galicia actual'.

Mesa redonda 'A arte de animar'
Interveñen:

- DIEGO F. GOBERNA
- JULIÁN ROMERO (director de Arte de Ilion Animation Studio)
- WINTERSUN STUDIO (José Miguel Saguillo e Miguel Ángel Vigo)
- ESFENODÓN (Iván Rodríguez)
- MARÍA NOEL TOLEDO

 Moderador: JOSÉ ANDRÉS SANTIAGO

Con motivo da inauguración da exposición 'Os vellos non deben de namorarse 1961-2011', o Salón de actos da Biblioteca pública Ánxel Casal acolle esta tarde unha mesa redonda na que se renderá homenaxe aos actores e actrices da primeira representación da obra de Castelao.

O acto contará coa intervención de Ezequiel Méndez, único dos actores vivos que participaron nela.

A raíz da exposición de Amador Iravedra, 'SOFÁS', na Galería Metro e no COAG, os relatores reflexionarán sobre os ámbitos público e privado.

O espazo privado preséntase impoluto, como o sofá presente no catálogo que con toda a túa ilusión compras e levas á casa para axudarte a salvar o naufraxio en que estamos, por outro lado o sofá abandonado na rúa, lugar público de máximo desprestixio coas actuais políticas primermundistas de menosprezo do que é de todos, en contraste curioso co auxe das redes sociais que elevan o público ao extremo de destruír o privado.
O público é transparente aínda que deteriorado, o privado impoluto pero en vías de extinción, como o sofá que xa non podo comprar, pero desexo, fronte ao que teño e que non me resulta cómodo pero desexo tirar e pasarllo ao resto (nun boca a boca social 2.0).

Interveñen:
Pablo Mella, Arquitecto e fotógrafo.
Nilo Casares, Escritor, comisario e crítico de arte.
Amador Iravedra, Artista.

O Restaurante Caney inicia un ciclo de faladoiros formado por comensais do mundo do xornalismo e a literatura. Os faladoiros celebraranse dous luns ao mes, á hora de comer (14,30 h), en torno ás delicias gastronómicas creadas polo equipo do Restaurante Caney.

O restaurante Caney, do Hotel Eurostars Araguaney, organiza un ciclo de faladoiros, que se levarán a cabo dúas veces ao mes, ás 14,30 h e nas que cinco persoas fixas e unha convidada sacarán a debate ou a conversación un tema de actualidade e preferiblemente elixido polo convidado ou con relación ao seu ámbito de traballo.

O escritor Alfredo Conde foi o motor desta iniciativa, á que se quixeron unir como tertulianos habituais Miguel Anxo Fernán Vello, escritor e editor, Chema Paz Gago, escritor e catedrático da universidade, Darío Villanueva, catedrático e membro da Real Academia Española e Luís González Tosar, profesor e escritor galego.

Durante a comida, os cinco tertulianos falarán sobre temas de actualidade. O convidado será Xurxo Fernández, xornalista galego. As persoas interesadas en sumarse aos faladoiros poderán facelo á hora do café, sobre as 15.30 h.

O obxectivo destes faladoiros é o de promover o diálogo e o intercambio de opinións ao redor dun tema de actualidade, permitindo que todos os asistentes amplíen e compartan os seus coñecementos.

A galería de arte contemporánea A.dfuga organiza unhas xornadas tituladas 'A necesidade da educación artística'.

Na primeira sesión, que xira en torno á 'Didáctica nos museos e nos centros de arte', tomarán parte Carmen Morales (Didáctica do Macuf) e Adriana Pazos (didáctica independente).

Entrada libre ata completar aforamento.

O restaurante Caney, do Hotel Eurostars Araguaney, acolle este luns o seguinte dos seus faladoiros, integrado polos habituais Alfredo Conde, escritor; Miguel Anxo Fernán Vello, escritor e editor; Chema Paz Gago, escritor e catedrático da universidade; Darío Villanueva, catedrático e membro da Real Academia Española e Luís González Tosar, profesor e escritor galego.

Compartirá mesa con eles Camilo Franco, escritor e xornalista, invitado nesta ocasión. A iso das 14,30 h iniciarán o faladoiro degustando durante o mesma as ledicias servidas polo equipo do Restaurante Caney. Quen desexe sumarse a esta comida, poderá facelo comunicándoo previamente por correo electrónico (deberá enviar un email a prensa2@araguaney.com), asumindo o seu propio menú. O que prefira poderá unirse abertamente á hora do café, sobre as 15,30 h, para manter unha charla cos tertulianos.

A galería de arte contemporánea A.dfuga organiza unhas xornadas tituladas 'A necesidade da educación artística'.

Na segunda sesión, que xira en torno á 'Educación artística', tomarán parte Miguel Anxo Rodríguez (profesor de Historia da Arte da USC), Vicente Blanco (profesor de Ciencias da Educación da USC), Renata Otero (artista e docente do Ensino Secundario) e Ramón Conde (artista).

Entrada libre ata completar aforamento.

'A miña peza favorita' é un coloquio no que o invitado, neste caso a comisaria e crítica de arte Mercedes Rozas, elixe unha peza das coleccións da Fundación Eugenio Granell para elaborar un comentario persoal.

A obra seleccionada é 'Don Ramón María del Valle-Inclán',  realizada por Eugenio Granell en 1975 empregando metal, madeira, tea e papel para compoñer un retrato o escritor.

Mercedes Rozas é licenciada en Historia da Arte Moderna e Contemporánea e membro do Padroado do Museo do Pobo Galego. Dende os anos oitenta realiza o seu traballo entre o ámbito do comisariado expositivo e a crítica de arte.

Visi López ofrecerá esta tarde no Centro de arte Aire unha charla acerca do ámbito legal dos artistas, coa que procurará despexar todas as dúbidas dos creadores.

Co gallo da exposición 'A intimidade descuberta' da artista Gema López, a galería A.dFuga organiza a mesa redonda 'Dentro e fóra. Textos e contextos da intimidade', na que participarán Juan Carlos Meana, docente e decano da Facultade de Belas Artes da Universidade de Vigo, Xosé Antonio López Silva, traductor, profesor e investigador, Manuel Torres Cubeiro, sociólogo e antropólogo, e a artista plástica Gema López.

Fenómenos de comunicación actual como as redes sociais, os blogs, twitter, instagram, o sexting ou os reality-shows,  móstrannos como os ámbitos arredor do que é íntimo e privado, daquelo que reservamos para ámbitos reservados teñen experimentado unha evolución vertixinosa nos últimos anos.

O sociólogo Anthony Giddens considerou que estas esferas do íntimo pasan a ser públicas por terse asumido unha maior democratización da privacidade, nun mundo cada vez máis global e aberto. Paradoxalmente, iso dase en convivencia cunha maior tendencia á individualización das sociedades e ao alonxamento dos ámbitos de decisión político e económico. A arte contemporánea está a reflexionar dun xeito renovador sobre as actuais fronteiras da intimidade.

Esta mesa redonda pretende ser un punto de encontro para revisar moitas destas nocións sobre os novos ámbitos da intimidade dende unha óptica interdisciplinar. Os estudios culturais, a historia, a socioloxía, a antropoloxía e a arte poden ofrecer respostas e formular novas preguntas.

Entrada libre ata completar aforamento.

Oímos e lemos con frecuencia que a alimentación, o exercicio físico, a cultura, a experimentación, as relacións... son aspectos importantes para ir encontrando un estado de saúde e benestar. Para todos é importante manter o equilibrio do corpo, a mente e o espírito para sentirnos ben pero... que hai detrás destas frases? Que entendemos cada un por "saúde" e por "benestar"?

Modera Lola Puerta

Mentres falamos tomaremos unha infusión con algo doce ou salgado.

O tema da primeira sesión da I Tribuna de Debate da Fundación Araguaney é 'A entrada e saída da crise'. Nela tomarán parte José Manuel Estévez-Saá, analista de política internacional, Xosé Carlos Arias Moreira, catedrático de economía aplicada, e Luís Caramés, catedrático de economía aplicada e patrono da Fundación.

O formato desta Tribuna de Debate é innovador e ten como principal obxectivo fomentar o debate e aportar ideas para camiñar cara unha rexeneración democrática e maior responsabilidade civil. Para iso, a Fundación Araguaney anima a toda a ciudadanía interesada nos diferentes temas a tratar a que asistan e participen do debate tralas ponencias dos conferenciantes convidados.

Por camiños históricos entendemos todos aqueles camiños que serviron a unhas relacións entre os núcleos previas ao trazado das estradas a partir da segunda metade do século XVIII. A asimilación que se produciu en Galicia entre os camiños históricos e os Camiños de Santiago fixo que se esquecesen o resto dos camiños, tamén históricos e cun interese turístico e social, previos aos de Santiago, como ocorre cos camiños megalíticos, castrexos ou as vías romanas; coetáneos cos de Santiago, como toda a rede de camiños de orixe medieval que comunicaban mosteiros, vilas e cidades, sen pasar por Santiago; ou posteriores, como os camiños de roda e reais a partir do século XVI, nos que se apoiaban as relacións comerciais de Galicia.

A experiencia en Galicia de protección, sinalización e conservación dos Camiños de Santiago, especialmente durante as dúas últimas décadas, por parte da Administración autonómica, desde o punto de vista xurídico foi impulsada pola Lei 3/1996, de protección do Camiño de Santiago. Debater nestes momentos sobre o que ocorreu parece oportuno. Proxectar esta experiencia cara ao futuro tratando de que a lexislación se estenda ao resto dos camiños históricos, algúns como a vía romana XVII, que atravesa o sur de Galicia sen ningún tipo de protección, parece necesario.

Por outra parte, o territorio histórico en Galicia non pode ser recoñecido, protexido e valorado culturalmente sen ter en conta o papel que desempeñaron os camiños históricos na súa construción. Reflexionar sobre iso, unindo a experiencia na Administración á dos profesionais preocupados pola conservación do patrimonio cultural, xustifica a realización destas xornadas dende o Consello da Cultura Galega.

PROGRAMA

** 6 de marzo

- 10:00 h. INAUGURACIÓN
1ª SESIÓN. A VALORACION DOS CAMIÑOS HISTÓRICOS COMO EIXES VERTEBRADORES E DA PATRIMONIALIZACIÓN CULTURAL DO TERRITORIO
- 10:30 h. OS CAMIÑOS E A CONSTRUCIÓN HISTÓRICA DO TERRITORIO
Xosé Ramón Menéndez Luarca, Arquitecto
- 11:15 h. A DIMENSIÓN CULTURAL E O DOMINIO PÚBLICO CULTURAL DOS CAMIÑOS HISTÓRICOS EN GALICIA.
Carlos Nárdiz Ortiz, Doutor enxeñeiro de Camiños e profesor titular da Universidade da Coruña
- 12:00 h. Pausa
- 12:30 h. A UTILIDADE DOS “RECOÑECEMENTOS” PARA A DETERMINACIÓN DO TRAZADO DOS CAMIÑOS HISTÓRICOS SOBRE O TERRITORIO E PARA A TOMA DE CONCIENCIA DA SÚA PATRIMONIALIZACIÓN CULTURAL.
Yolanda Barriocanal López, Profesora titular de Historia da Arte da Universidade de Vigo
- 13:15 h. DEBATE DA SESIÓN
2ª SESIÓN. A PROTECCIÓN DOS CAMIÑOS HISTÓRICOS: UN FEITO MÁIS NOS PROCESOS DE PATRIMONIALIZACIÓN CULTURAL
- 16:30 h. MESA REDONDA.
A PROTECCIÓN XURÍDICA E URBANÍSTICA DOS CAMIÑOS HISTÓRICOS
Modera: María Dolores Méndez Torres, Directora do Departamento de Xestión Xurídico-Administrativa do Instituto de Estudos do Territorio. Julián Alonso García, Xefe de Sección Xurídica da Consellería de Medio Ambiente, Territorio e infraestructuras da Xunta de Galicia. Carlos Amoedo Souto, Profesor titular de Dereito Administrativo e vogal da Comisión de Patrimonio Histórico da Provincia da Coruña. María Diz Rodríguez, Subdirectora Xeral de Protección de Patrimonio Cultural da Xunta de Galicia. Ricardo Polín, Doutor en Filoloxía Medieval e historiador. Francisco Javier Sanz Larruga, Catedrático de Dereito Administrativo da Universidade da Coruña.

** 7 de marzo
3ª SESIÓN. A PROTECCIÓN DOS CAMIÑOS DE SANTIAGO
- 09:30 h. A DELIMITACIÓN E PROPOSTA DE PROTECCIÓN DOS CAMIÑOS DE SANTIAGO POLA ADMINISTRACIÓN AUTONÓMICA GALEGA
Preside: María del Carmen Martínez Insua, Directora Xeral do Patrimonio Cultural da Xunta de Galicia. Relator: Ignacio Cerrada Gonzalo, Xefe do Servizo de Planeamento e Inventario da Xunta de Galicia.
- 10:30 h. Pausa
- 11:00 h. MESA REDONDA.
A PROTECCIÓN DOS CAMIÑOS DE SANTIAGO
Modera: Iago Seara Morales, Coordinador da Sección de Patrimonio e Bens Culturais do CCG. Ignacio Cerrada Gonzalo, Xefe do Servizo de Planeamento e Inventario da Xunta de Galicia. Marcial Gondar Portasany, Catedrático de Antropoloxía Social da Universidade de Santiago de Compostela. Teresa Nieto Freire, Arquitecta do Servizo de Patrimonio Cultural da Xunta de Galicia. Daniel Pino Vicente, Sociólogo e urbanista. Antón Pombo Rodríguez, Membro do Comité do Camiño de Santiago. Marcial Rodríguez Rodríguez, RVR
- 14:00 h. CLAUSURA E CONCLUSIÓNS

ORGANIZA:
Consello da Cultura Galega
Sección de Patrimonio e Bens Culturais

COORDINAN:
Carlos Nárdiz Ortiz
Yolanda Barriocanal López

Inscrición:
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
Entregarase diploma acreditativo de asistencia á xornada.
Para obter o diploma é preciso asistir ao 75% das sesións.

Inscrición e máis información:
www.consellodacultura.org
difusion@consellodacultura.org

A II Tribuna de Debate da Fundación Araguaney xirará en torno ao tema 'Incompetencia, corrupción e desafección cidadá no caso español'. Nela participarán Carlos Varela García, Fiscal superior da Comunidade Autónoma de Galicia y Fermín Bouza Álvarez, Catedrático de Socioloxía na Facultade de Ciencias da Comunicación da Universidade Complutense de Madrid. Modera Xosé Luis Barreiro Rivas, Doutor en Ciencias Políticas e Socioloxía.

Acción Católica e Mans Unidas organizan a mesa redonda titulada 'Ante a crise, economía solidaria,'. A actividade terá lugar no CSC O Ensanche e a entrada é libre.

O Grupo de Cidades Patrimonio da Humanidade de España, en colaboración co Concello de Santiago, organiza no Instituto de Estudos Galegos Padre Sarmiento unha xornada titulada 'Análise da aplicación das novas tecnoloxías á arqueoloxía. A problemática da divulgación'.

PROGRAMA

- 9.45 h. Inauguración a cargo do alcalde de Santiago, Ángel Currás.
- 10.00 h.
'Tecnoloxía, comunicación e xestión dos proxectos de política cultural. Novas posibilidades nos modelos de financiamento e comunicación'.
Jordi Pardo Rodríguez. Fundación Barcelona Media.
- 12.00 h.
'Arqueoloxía virtual: documentación, conservación e difusión do patrimonio na era dixital'.
Alfredo Grande León. Sociedade Española de Arqueoloxía virtual.
- 16.00 h.
'Arqueoloxía virtual versus reconstrución histórica'.
Joan Santacada Mestre. Universidad de Barcelona.
- 17.45 h.
'As TIC na museografía arqueolóxica'.
Rafael Azuar Ruiz. Museo Arqueológico de Alacante.
- 19.15 h.
Debate e clausura.

+ info e inscricións:
Oficina da Cidade Histórica e Rehabilitación
Concello de Santiago
Rúa do Preguntoiro, 1, Santiago
981 542 437
ocihr@santiagodecompostela.org

O director xeral de Casa Árabe, Eduardo López Busquets, ofrece a conferencia 'Dous anos de primaveras árabes: evolución e perspectivas' dentro do programa "Tribuna de debate" da Fundación Araguaney.

Tras a charla, na que López Busquets realizará un repaso pola situación actual de Túnez, Libia, Exipto, Sirya e Iemen, iniciarase un debate que será moderado por María Teresa Ponte Iglesias, catedrática de Dereito Internacional Público e Relacións Internacionais da USC.

Para facilitar a participación cidadá e contribuír ao protagonismo da cidadanía nas Tribunas de Debate a Fundación Araguaney saíu á rúa a recoller algunhas das preguntas que lle serán formuladas ao director de Casa Árabe este luns. O resto dos interesados no mundo árabe terán a oportunidade de formulárllelas directamente durante o coloquio.
Algunhas das preguntas que estudantes universitarios van formularlle ao Sr. López Busquets son:
- Que opinión ten sobre o papel que xogaron as redes sociais na primavera árabe?
- A UE, como actor internacional, mantivo unha posición unitaria con respecto ás revolucións árabes, ou actuou conforme aos intereses particulares dos estados membros máis fortes (Alemaña, Francia, Italia, Gran Bretaña)?
- Cre que as mulleres xogaron un papel relevante na primavera árabe? Por que? Afecta aos fins da primavera árabe as situacións de acoso ás mulleres?
- Dende a primavera árabe hai no ámbito artístico máis liberdade de expresión?

Os interesados na conferencia que non poidan asistir poderán seguila en directo vía streaming a través da web da Fundación Araguaney. http://www.fundacionaraguaney.org/

O Salón Olivo do Hotel Eurostars Araguaney acolle esta tarde unha nova entrega da Tribuna de Debate. Nesta ocasión, o tema será 'O papel dos media na democracia e na crise' e participarán os xornalistas Ramón Lobo e José Luis Gómez, e o escritor Xosé Carlos Caneiro.

Esta Tribuna estará dedicada a analizar o papel que os medios de comunicación viñeron desempeñando durante a democracia e o papel que desempeñan ante a situación actual, as estruturas ás que responden e a súa influencia na opinión pública.

A Fundación Araguaney visitou a facultade da Ciencias da Información para recoller parte das preguntas que os estudantes universitarios formularán durante o coloquio da Tribuna de Debate.

Máis info en Facebook

A Conferencia será retransmitida en directo vía streaming a través da web da Fundación Araguaney.

O artista Jose Miguel Sagüillo Arbones imparte na galería A.dfuga unha charla coloquio sobre animación e modelado 3D para maiores de 14 anos.

PROGRAMA
- Introdución ó interface de Maya.
- Introdución ó entorno 3D. Creación de sets, cámara, luces.
- Modelado 3D básico. Referencias para modelado e ferramentas.
- Introdución á animación, creación de ósos (bones).
- Liña de tempo, animación básica de obxectos.
- Breve descrición de renders e uso.

Jose Miguel Sagüillo Arbones é licenciado en Belas Artes na especialidade de audiovisuais e cun Máster en produción profesional 3D con Maya. Traballa como freelance para proxectos audiovisuais 2D e 3D. Realizou vídeos corporativos e promocionais así como a curtametraxe de animación “Dream”. Actualmente traballa en Wintersun studio como artista dixital, e entre outros proxectos desenvolve a serie de animación “Winter Legends”.

Data: 18 de Abril de 19.00 a 21.00 h
Prezo: 15 € (Maiores de 14 anos)
Inscrición en: info@apuntodfuga.com ou nos telefs. 671322172 / 667823112

'A miña peza favorita' é un coloquio no que o convidado, neste caso o xornalista Iago Martínez, elixe unha peza das coleccións da Fundación Eugenio Granell para elaborar un comentario persoal. Nesta ocasión, Iago Martínez analizará o arquivo sonoro de Eugenio Granell.

A Fundación Granell retoma esta actividade iniciada en 1997, consistente en seleccionar unha peza de entre todas as que se encontran nas Coleccións da Fundación Eugenio Granell para elaborar un comentario persoal onde se lle imbúa unha nova visión dende unha perspectiva actual. Os participantes nesta actividade serán diferentes personalidades pertencentes a diferentes ámbitos como a arte, a educación, a comunicación, etc.

Iago Martínez (Vigo, 1979) é licenciado en Ciencias da Comunicación pola Universidade de Santiago de Compostela, é xornalista cultural e publica regularmente en El País, Rockdelux e ProTexta, así como noutros medios. Entre 2008 e 2011 traballou no Xornal de Galicia, onde ocupaba os cargos de xefe de Cultura e coordinador dos suplementos Nós, Exit e Contexto.

O seu primeiro libro publicado foi Lois Pereiro. Vida e obra (Xerais, 2011), unha biografía do poeta. Como investigador publicou traballos sobre a obra xornalística de Carlos Casares, da que é compilador, tamén escribiu sobre o tratamento da violencia de xénero nos medios de comunicación. No campo audiovisual escribiu e dirixiu xunto a Alexandre Cancelo o filme documental Contra a morte. Unha aproximación a Lois Pereiro, que se estreará ao longo deste ano.

A Fundación Araguaney-Ponte de Culturas presenta a súa quinta Tribuna de Debate, titulada 'A reforma administrativa e a reestructuración territorial do estado'.

Xosé Luís Barreiro Rivas presentará e moderará esta Tribuna que ten como invitados a Diego Calvo, presidente da Deputación Provincial da Coruña, e a Sonia Rodríguez-Campos, directora da EGAP.

Os asistentes a esta Tribuna poderán participar do coloquio no que se tratarán temas de actualidade como a fusión e intervención de Concellos e consecuencias derivadas, o futuro das Deputacións, das Comunidades Autónomas e do Senado.

Estades todo invitados a asistir e participar neste quinto debate no Salón Olivo do Hotel Eurostars Araguaney.

A entrada é de balde ata encher aforo.

Prégase confirmar asistencia no teléfono 981 559 612 ou fundacion@araguaney.com

Con motivo da mostra de fotografías 'Les gens du chemin. Peregrinación a Saintes Maries de la Mer' sobre a peregrinación xitana na vila francesa de Saintes Maries de la Mer e da celebración do Día Internacional dos Museos, o Museo das Peregrinacións e de Santiago acolle a charla '¿Quiénes somos los Rroma?', que ten como obxectivo achegarnos a realidade cultural e social do pobo xitano e contribuír á ruptura das ideas preconcibidas e os estereotipos.

Sebastián Porras Soto e Manuel Cortés Muñoz falarán sobre a orixe do pobo xitano, a situación da súa lingua, os seus símbolos, os fitos máis relevantes na historia da súa presenza na Península Ibérica, os roles de xénero e idade así como da importancia da relixión. Irene Jiménez Cortiñas centrará a súa intervención na situación do pobo xitano en Galicia na actualidade e as súas perspectivas de futuro, así como sobre ferramentas de intervención e integración desta entidade con especial referencia á loita contra os prexuízos.

Sebastián Porras Soto é Vicepresidente da Fundació Pere Closa de Barcelona, entidade que traballa na formación e promoción do pobo xitano. Sebastián é licenciado en xornalismo pola Universidade Pompeu Fabra. Ten publicados dous libros de contos. Dende 1998 exerce un intenso labor como conferenciante e contacontos na Fundació Pere Closa.

Manuel Cortés Muñoz é membro fundador da Fundació Pere Closa, Mediador Laboral da Fundación Secretariado Gitano (FSG) e guitarrista.

Irene Jiménez Cortiñas é diplomada en Maxisterio e Mediadora Intercultural da Fundación Secretariado Gitano, que presta servizos para o desenvolvemento da comunidade xitana en España e no ámbito europeo.

O coloquio rematará coa narración oral dunha lenda tradicional xitana a cargo de Sebastián Porras acompañado pola música de guitarra en directo de Manuel Cortés.

A Asociación Amigos da Ópera organiza esta tarde, dentro das actividades do Fórum Cidade 2012, unha sesión de fragmentos inesquecibles das mellores óperas, nas que se establece unha conexión inequívoca entre a música, os seus autores e a gastronomía. Sesión comentada por expertos, acompañada do pracer do padal a través dunha degustación.

Hora: 20.30 h
Sede: Parador Hostal RR.CC. _ Salón San Marcos
Entrada: Gratuíta. Aforo limitado

Organiza: Amigos da Ópera Santiago de Compostela

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com