Tras a visita de Papá Noel, o Concello de Santiago organiza un completo programa de actividades creativas para os máis pequenos: obradoiros de chapas, de pintura facial, de decoración de galletas, de globoflexia, que se repartirán por diferentes puntos da cidade: praza Roxa, praza do Toural, rúa do Vilar e Área Central.

PROGRAMA DE OBRADOIROS

** 26 de decembro
- 17:00-21:00 h. Praza do Toural
Obradoiro de chapas
- 17:00-21:00 h. Praza Roxa
Obradoiro de pintura facial

** 27 de decembro
- 17:00-21:00 h. Confederación de empresarios de Galicia
Obradoiro de decoración de galletas


** 31 de decembro
- 17:00-21:00 h. Área Central
Obradoiro de decoración de galletas

** 02 de xaneiro
- 17:00-21:00 h. Praza do Toural
Obradoiro de pintura facial
- 17:00-21:00 h. Praza Roxa
Obradoiro de globoflexia

** 03 de xaneiro
- 17:00-21:00 h. Praza do Toural
Obradoiro de globoflexia
- 17:00-21:00 h. Praza do Toural
Obradoiro de chapas

** 04 de xaneiro
- 17:00-21:00 h. Hotel Araguaney
Obradoiro de xardinería

Consulta o programa completo de actividades 'Nadalamos?' aquí

A Concellería de Xuventude organiza un obradoiro dedicado á animación con plastilina. A actividade, impartida por Mr Misto Films, será unha iniciación a este mundo da stop motion. Os participantes desenvolverán as diferentes fases das que consta a preparación e dirección dunha curta de animación, ata crear finalmente un filme animado.

Este obradoiro, de 15 horas, impartirase os días 26, 27 e 28 de decembro e 2, 3 e 4 de xaneiro, de 18:00 a 20:30 horas, no Centro Sociocultural e Xuvenil do Ensanche. Os participantes deben ter máis de 12 anos e a inscrición é de balde.

Todos os xoves do mes de xaneiro, Isidro Cea impartirá na galería de arte Bus Station Space un obradoiro de iniciación á edición fotográfica.

Curso de edición dixital con programas como Photoshop ou lightroom. Traballarase a iluminación das fotos con niveis e curvas, a cor e a saturación; branco e negro e como modificar as fotos con capas e máscaras.

Horario: Todos os xoves de 18:00 a 20:00 horas.

Prazas limitadas

Máis información: arte@busstationspace.es, 625342065

O Salón de Actos da Biblioteca pública Ánxel Casal acolle esta tarde un obradoiro de movemento expresivo para adultos impartido por Rosa Gaztelumendi.

A biblioteca cede o espazo para esta actividade que ten como obxectivo que o corpo esperte, se estire, vibre e se exprese. Con exercicios para as articulacións, respiracións, movementos expresivos, pautados e con imitación.

Os participantes deberán traer roupa cómoda e calcetíns gordos.

Actividade dirixida a adultos.

Requírese inscrición previa (máximo 20 persoas).

Prégase presentarse 10 minutos antes do inicio da actividade.

Durante dúas xornadas, a psicóloga e e sexóloga Mar Sanchez imparte na galería A.dfuga un obradoiro que pretende indagar no noso universo erótico e os seus complementos; como unha tarta ben aderezada, iranse engadindo ingredientes ata dar e crear as nosas formas mais variadas de indagación no pracer e no universo dos sentidos, tomando conciencia das posibilidades da nosa sensualidade e erótica así como a súa expansión.

Inscrición:  paulacabaleiro@apuntodfuga.com

Ao longo da xornada de hoxe, Álvaro Vargas imparte na galería A.dfuga o obradoiro 'Deseño de proxectos culturais', un curso que pretende ofrecer un modelo xenérico de aplicación á plasmación de calquera proxecto cultural.

Se nalgún momento tiveches unha idea para desenvolver algunha actividade no ámbito cultural, pero dubidas á hora de presentala a algunha institución pública ou empresa de xestión cultural, neste curso daranse as pautas para a elaboración dun documento que recolla todos os aspectos que lle poden interesar ao  interlocutor para que o proxecto, para que esa idea inicial se poña en marcha.

Os alumnos recibirán un certificado de asistencia e aproveitamiento do curso.

Inscrición aquí

Ao longo da xornada de hoxe, Álvaro Vargas imparte na galería A.dfuga o obradoiro 'Como introducirse no mercado da arte', un curso dirixido a artistas.

Os alumnos recibirán un certificado de asistencia e aproveitamiento do curso.

Inscrición aquí

Ao longo dunha semana, o artista Fernando Casás dirixe o seminario 'Arte e subxectividade', unha actividade dirixida a estudantes e profesionais dos ámbitos da creación artística, a historia da Arte e as Belas Artes.

"O principal obxectivo do seminario Arte e subxectividade é evitar que se cree unha única vía de pensamento sobre o universo artístico. Para iso traballaremos cunha idea que considero fundamental: a política como ética e a ética como política. A ética tratada sen sentido moral e a política no sentido máis totalizador, como elemento de enfrontamento e cuestionamiento da codificación da realidade alienante e superestruturada da actualidade. Creo que todo sistema de poder é inimigo natural da intelixencia, e a subxectividade analizada no seu hábitat máis profundo é a mellor defensa fronte a este poder. Entendida a arte como a expresión da relación primixenia do self e do seu diálogo co contorno, as influencias e a necesidade da deslectura marcan este seminario, no transcurso do cal trataremos os seguintes temas:

- As influencias. A procura da entidade ou entidades que marcaron profundamente a dirección do traballo do alumno. Cada un dos participantes no seminario deberá analizar esta cuestión en profundidade e desenvolver un proxecto baseado nas súas conclusións.

- A necesidade da deslectura e a urxencia do ético. A continuación, analizaremos a validez do primeiro proxecto, para ver a posibilidade de desfacerse desta influencia, que podería estar camuflada polas modas, a comodidade, o mercado, etc.

- A experiencia primixenia como coñecemento. As primeiras experiencias na vida dunha persoa xeralmente son aquelas que marcan o comportamento e as directrices que conforman a personalidade. A natureza é o contorno inmediato como habitáculo da xénese: arqueoloxía.

- A ecoloxía da subxectividade. O alumno, coñecedor dos tres temas anteriores, analizará e formalizará un proxecto acorde cos trazos máis característicos da súa personalidade artística.
Para iso contaremos coa axuda de procesos de autocoñecemento sensorial, apoiados no son e en exercicios de coñecemento do corpo, permitindo así que, a través dos sentidos, se presente a nosa subxectividade".
Fernando Casás

FERNANDO CASÁS. Artista experimental de corte conceptual, de marcada postura investigadora, precursor dos movementos de Arte & Natureza. Entre as súas obras públicas cóntanse Cobra Grande (Israel), Macieiras para Carrazeda (Portugal), Amazônia/Raízes (Brasil), Árboles como arqueología (España). Expuxo, entre outros, nos Museos de Arte Moderna de Río de Janeiro e São Paulo, no Museo Esteban Vicente de Segovia e no CDAN (Centro de Arte e Natureza) de Huesca. Na actualidade é profesor da Facultade de Belas Artes da Universidade de Vigo.

XELA MARX. Actriz, pedagoga teatral e practicante do Método Feldenkrais®. Desenvolve o seu labor creativo e investigador coa súa propia compañía, Mu Teatro, coa que traballou en España, Brasil, Cuba e Portugal. Colaborou Annabel Arden (Theatre Complicité, Londres) e coas compañías TSF (Reino Unido), Odin Teatret (Dinamarca) e Ultramarinos de Lucas, cos que participou en festivais en España e Arxentina. Formouse en teatro con M.a del Mar Navarro e, como pedagoga, con Monika Pagneux (Francia). Recibiu adestramento profesional do Método Feldenkrais® en Barcelona, Amsterdam e París. Impartiu seminarios, clases e conferencias en diferentes universidades como as de Vigo e SENAI, en Río de Janeiro, así como na ESAD (Escola Superior de Arte Dramática) de Vigo, na Escola Nacional de Pantomima de Cuba, etc.

PABLO SEOANE. Estudou música e filoloxía inglesa na Coruña, Salamanca e Estados Unidos (Wake Forest, Carolina do Norte). Traduciu —e escribiu no ronsel de— autores como H. D. Thoreau, Harold Pinter ou Samuel Beckett. Desde hai máis de quince anos desenvolve unha intensa actividade como pianista e compositor en distintas formacións, xeralmente vinculadas ao jazz e á improvisación libre. Compuxo música para teatro e desempeñou tarefas docentes en diversas institucións (recentemente no Conservatorio de Ferrol, por exemplo). Entre as súas últimas actividades figura a xestión das jams semanais de improvisación libre no Café El Puente (en Compostela, xunto a LAR Legido) e a dirección, en colaboración con Javier Turnes, duns encontros multidisciplinares de filosofía e música, Pensar a voces, que se celebraron en Cee no outono de 2012.

DESTINATARIOS: Estudantes e profesionais dos ámbitos da creación artística, a historia da arte e as belas artes, e persoas interesadas na temática do seminario.

MATRÍCULA: 50 euros. Prazas dispoñibles até completar a capacidade.

INSCRICIÓN: As solicitudes para asistir ao curso poden presentarse na recepción do CGAC, chamando aos teléfonos do Servizo de Actividades e Proxectos Educativos, ou ben a través do correo electrónico cgac.pedagogia@xunta.es, indicando os seguintes datos: nome, enderezo postal e electrónico, e teléfono de contacto. O CGAC expediralles un certificado de asistencia e aproveitamento ás persoas participantes.

DIRECCIÓN: Fernando Casás

COORDINACIÓN: Gema Baños

HORARIO: de 10:00 a 14:00 h

'A arte de falar en público' é o título do curso de oratoria que, ao longo deste fin de semana, a escritora Espido Freire impartirá no espazo de arte Bus Station Space.

** Imparte: Espido Freire, directora do curso e escritora.
Estudou Filoloxía Inglesa e licenciouse en Ciencias
Políticas.
Directora Xeral da empresa E+F

** Número de alumnos: 25

** Duración do curso: 8 horas

A quen está destinado?
O curso intenta cubrir as demandas dos que, polo seu traballo, deben expresarse de xeito habitual en público en termos correctos, literarios ou non, ou ben en medios de comunicación, pero non saben crear as súas propias historias, ou transmitilas ante unha audiencia con propiedade:
- Profesores de lingua e literatura.
- Escritores afeccionados
- Xornalistas
- Profesións que demandan presentacións públicas, tanto presenciais como por escrito.

OBXECTIVOS

1. Desenvolver un sistema propio de creación de historias e argumentos.
O curso ensinará a crear un discurso ou historia a partir dos elementos dados e a dotalos de interese. Remátase así coa improvisación fronte ao público, coa dependencia de apuntamentos, power points ou discursos escritos.

2. Estímulos literarios e extra literarios.
Como se transforman unha serie de datos ou anécdotas nunha historia que teña sentido no ámbito empresarial ou profesional? Incorporar os coñecementos xerais e culturais ao discurso diario. Literatura para executivos: Por que triunfa en Estados Unidos?

3. A desmitificación de crenzas e a perda do medo.
Fronte ás crenzas públicas de que as intervencións teñen que ser dunha forma determinada, o curso propón unha parte práctica de oratoria, técnicas de emisión de voz - xeito de falar e técnicas de emisión da voz -, linguaxe corporal, importancia da imaxe, etc.

4. Posta en escena.
Planificación por parte dos alumnos de como as técnicas aprendidas no curso poden ser levadas a cabo na área laboral. Persuasión, manipulación, sedución.

PROGRAMACIÓN

INTRODUCIÓN Á ORATORIA E A CREACIÓN LITERARIA
- Presentación. Exposición do modelo de traballo.
- Entrega de lecturas de apoio.
- Desmitificación de crenzas respecto á creación de historias e falar en público. Técnicas para estimular a inventiva.
- Como se orixina unha historia.
- O esquema. Os tres niveis dunha historia.
- Tratamento do tema. Opóñense a inspiración e a elaboración minuciosa dunha idea?
- DAFO- Puntos débiles, puntos fortes. Que facer con eles?

QUE QUEREMOS CONTAR, POR QUE E A QUEN
- O argumento.
- A sub-trama. Porqué hai xente que conta ben unha historia e xente que non?
- Transmitir a historia.
- Busca da propia linguaxe. A intensidade. O estilo. A extensión.
- A análise da audiencia. Que sabemos, como saber máis, como conseguir a identificación. Técnicas de simpatía e empatía.

OS ESTÍMULOS EXTRALITERARIOS. QUE NOS CONTA A SOCIEDADE?
- Exercicios de recoñecemento e recordo de anécdotas, elementos de cultura popular, día a día... como lograr o interese do oínte?
QUEN FALA, QUEN ESCOITA
- O narrador. Quen es e por que contas esa historia.
A proximidade e distancia.
- Diálogos Cando falar e cando escoitar? Debe abrirse unha quenda de preguntas? Como se contesta as preguntas?
- O ritmo no relato. Como se consegue o axeitado?

QUE MENSAXES ENVÍAS EN SILENCIO
LINGUAXE CORPORAL.
- Actitude física
- Posición corporal
- O vestido, os zapatos, o pelo
- Os xestos que se poden controlar
- Os xestos que non se poden controlar
- As muletas
- Que proxectas cando te ven?
- Que dis cando non dis nada?

Prazas limitadas.

Máis info: www.busstationspace.es, arte@busstationspace.es, 625342065

A natureza foi, dende o comezo, un dos obxectivos principais da fotografía. As paisaxes de lugares remotos e as novas especies de animais que se ían descubrindo encheron as páxinas das primeiras publicacións fotográficas.

Dende aquelas imaxes en branco e negro ata as actuais fotografías que se poden ver en revistas especializadas existe un abismo técnico, pero ambas manteñen a mesma filosofía: gozar da natureza.

Neste curso búscase que o alumno, afeccionado a saír ao monte coa súa cámara, coñeza as pautas básicas da fotografía de natureza, dende a fotografía de paisaxe á de plantas e animais. Sempre a través de imaxes, ensinaranse as técnicas máis utilizadas polos fotógrafos de natureza, das cales algunhas se poderán aplicar na próxima saída que fagan ao monte e outras, as máis complicadas de aplicar por cuestión de equipo ou dificultade, que se ben non se utilizarán nun primeiro momento, serviranlle para entender como se fan as imaxes que se ven a diario en revistas ou Internet.

** Estrutura do curso:
Tres sesións, unha teórica, unha saída ao campo e a última de visualización das imaxes feitas polos alumnos.

** Duración: 14 horas
** Datas de realización: 22 e 24 de febreiro, 1 de marzo
** Lugar: Sede da Fundación USC Deportiva (Praza de Pascual Veiga 7, Entrechán A)

**Horario:
- Venres: 18:00-21:00 h.
- Saída ao campo: 10:00-18:00 h. (Ruta polo Sarela e Monte Pedroso).

Prezo: 85 €

Inscrición: www.fundacionuscdeportiva.org

A Biblioteca Ánxel Casal acolle esta tarde a presentación dos Obradoiros de Creación Escrita organizados pola Asociación Cultural O Galo.

O Obradoiro de Creación Literaria está orientado a aqueles e aquelas que gozan da lectura e que queren comezar a escribir as súas propias obras, pequenas ou grandes. O Obradoiro de Creación Crítica busca axudarlles a plasmar por escrito as súas opinións e ideas de forma estruturada e organizada, que permita unha mellor e rápida comprensión e facilite o debate razoado.

A primeira clase é gratuíta. É posible inscribirse na web da asociación.

Toda a info aquí

Non estades fartas de que sempre que saímos a cear lles entreguen a carta a eles directamente? E se saímos con amigas... Por que nos miran raro á hora de pedir un viño? La Bodeguilla de San Lázaro organiza unha cata para mulleres que os deixará coa boca aberta...

Apúntate xa. PRAZAS LIMITADAS!!

Formarás parte dunha cata fascinante de principio a fin:
- Á chegada recibirémoste como unha estrela no noso photocall.
- Deixarás de preguntarte: Que é catar...?
- Nos inicios do seu feitizo seducirache cando as vosas miradas se crucen... fase visual!
- O seu "perfume" enmeigará os teus sentidos... fase olfactiva!
- Os seus encantos atraerán a túa boca sen control... fase gustativa!
- E o seu primeiro contacto namoraráte ata deixarte sen... sentido do tacto.
- Un conxuro que será acompañado de varios viños e un tapeo final...

VAS PERDELO?

A actriz Belén Constenla imparte ao longo do mes de marzo un obradoiro de teatro dirixido a adultos e mozos. A actividade desenvolverase na Fundación Granell.

PRAZAS: Máximo 15 persoas
Data límite inscrición: 8 marzo

Actriz de teatro, Belén Constenla actuou dende o ano 1986 coas compañías Teatro Caritel, Centro Dramático Galego (1989-2001), Teatro do Noroeste, Espello Cóncavo, Ollomoltranvía, Teatro do Aquí, Teatro do Morcego, Teatro do Atlántico e Lagarta, Lagarta. Actuou en obras como Macbeth (1994), As vodas de Fígaro (1991), La celestina (2000), Os vellos nos deben namorarse (2002), Una primavera para Aldara (2008) ou O segredo dos Hoffmann (2010). Durante a súa carreira recibiu importantes premios como: a Mellor actriz "MARIA CASARES" de teatro por "O segredo dos Hoffman" en 2010; e a Mellor actríz secundaria MESTRE MATEO AUDIOVISUAL por "Os mortos van á présa" en 2009.

Na TVG colaborou en programas como Magazine Crocante (1991), Luar (1996), Supermartes (1997-1998), Pratos combinados (1998-1999), Rías Baixas (2000-2003), A vida por diante (2006-2007) ou Padre Casares (2012). En 2008, colabora nas series de TVE El caso Waninkhof e Guante blanco, dirixida polo responsable de A vida por diante, o galego Carlos Sedes. Tamén participou en varias películas e colaborou con papeis episódicos nas series El Comisario, Hospital Central ou Isabel.

Unha viaxe pola Historia de Galicia a través da pedra… e de imaxes. A mostra Gallaecia Petrea aposta pola narración audiovisual para enriquecer o seu discurso expositivo, poñendo en evidencia as múltiples posibilidades e aplicacións da arte cinematográfica. Con este tema central, o Museo Centro Gaiás celebra o 12 de marzo a masterclass O audiovisual e os museos, a cargo dos directores galegos Jorge Coira, Belén Montero e Juan Lesta, tres dos responsables das proxeccións audiovisuais que se poden ver na mostra.

Cunha duración de tres horas, os participantes desta masterclass coñecerán de primeira man as diferentes saídas que ofrece o audiovisual aplicado á cultura e ao disucrso museístico. Coa experiencia de Gallaecia Petrea como punto de partida, os tres directores explicarán o proceso de xestación de contidos audiovisuais específicos para ser visionados nun museo, desde a elaboración da proposta inicial á produción das pezas, a relación das imaxes cos visitantes ou as formas de narración diferenciadas.

Previamente, terá lugar a presentación do documental Sentindo a pedra, unha obra audiovisual que ofrece en pouco menos de trinta minutos un fermoso percorrido pola historia pétrea galega: desde a formación xeolóxica do noso territorio ata os nosos días. Coa produción executiva de Fernanda del Nido e a música de Nani García, Sentindo a pedra supón un novo relato audiovisual a partir das pezas creadas por Jorge Coira, Marcos Nine, Jairo Iglesias, Juan Lesta e Belén Montero para a exposición Gallaecia Petrea.

Entrada de balde previa inscrición.
Prazas: 40

Reserva praza aquí

Programa completo aquí

Todos os xoves, Isidro Cea impartirá na galería de arte Bus Station Space un obradoiro de iniciación á edición fotográfica.

Curso de edición dixital con programas como Photoshop ou lightroom. Traballarase a iluminación das fotos con niveis e curvas, a cor e a saturación; branco e negro e como modificar as fotos con capas e máscaras.

Horario: Todos os xoves de 18:00 a 20:00 horas.

Prazas limitadas

Máis información: arte@busstationspace.es, 625342065

Bus Station Space acolle un novo obradoiro fotográfico, nesta ocasión impartido por Ramón Vaamonde, no que os participantes poderán achegarse ao mundo da fotografía a través dos seus conceptos básicos e das regras de composición de imaxes.

Taller básico de fotografía no que, durante as súas 4 horas de duración, veremos conceptos técnicos básicos como velocidade de obturación, diafragma, iso... e como estes conceptos afectan á toma final. Tamén dedicaremos unha especial atención ás regras de composición básicas e linguaxe fotográfica. Despois dunha breve explicación destes conceptos básicos aplicarémolos na parte práctica do curso; o obradoiro preséntase como eminentemente práctico e, aproximadamente a metade da súa duración a dedicaremos a poñer en marcha os conceptos anteriormente explicados e a solucionar as dúbidas que vaian xurdindo. Para finalizar avanzaremos conceptos do obradoiro intermedio, como por exemplo o formato Raw, e faremos unha breve introdución ao tratamento dixital da imaxe.

Duración: 4 horas
Prezo: 50 €

O número de prazas está limitado a 10 alumnos.

Os materiais precisos para asistir ao obradoiro son: cámara dixital con posibilidade de axustes manuais de exposición e, aínda que non é imprescindible pero sí recomendable, un ordenador portátil con software de edición Adobe Photoshop ou no seu defecto Gimp.

Imparte Ramón Vaamonde:
www.ramonvaamonde.com

Reserva a túa praza ata o xoves 14 de marzo inclusive.

Para máis información diríxete a Luisa Pita en:
arte@busstationspace.es / 625342065

Abel Azcona é un artista visual español considerado un dos maiores precursores da arte da performance a nivel internacional. A súa obra é moi ambigua e suscítase como un autorretrato persoal que invita ao espectador a compartir a súa experiencia, atraéndoo ao seu mundo interno.

O obxectivo deste obradoiro, a través dos seus tres módulos, é facer aproximacións sectoriais á linguaxe da performance desde distintos enfoques, de maneira que en cada un deles poidamos achegarnos con profundidade a unha cara diferente da Arte de Acción.

Workshop 'Performa: Accións en Aprendizaxe'

Duración: 12 horas
19. Marzo_Sesión 1 (Privada para alumn@s do curso / 17h a 21h)
20. Marzo_Sesión 2 (Privada para alumn@s do curso/ 17h a 21h)
21. Marzo_Sesión 3 (Aberta ao público / 18h a 22h)

PRIMEIRA SESIÓN / Poesía Escénica e Visual: Historia e actualidade da arte en acción.
19 de Marzo / 17h a 21h
Primeira toma de contacto na que aprenderemos a entender o corpo como elemento de acción, movemento e artístico. A acción como poesía visual. As artes escénicas como ferramenta de comunicación, expresión e denuncia.
O Performance e as súas orixes. Dadaísmo e Surrealismo. A historia do performance a nivel internacional e en España. Artistas e precursores. O performance como ferramenta pedagógica.
Duración Total: 4 horas

SEGUNDA SESIÓN / Arte de Acción: Práctica: O corpo como elemento de acción
20 de Marzo / 17h a 21h
O performance como ferramenta de auto-coñecemento. Obradoiros de xogos e expresión corporal. Improvisación. A arte como crítica. Construción e creación de pezas artísticas mediante o corpo. Preparación e deseño de performance art. Obradoiros de interacción e creación de procesos como resultado artístico.
Duración Total: 4 horas.

TERCEIRA SESIÓN / Performance Art
Evento de Performance Art aberto ao público.
Posta en acción da teoría e práctica. Accións en galería A.dFuga. Desenvolvemento de inquietudes e elementos aprendidos. Acción grupal con público na galería.
18h a 20h / Performance realizadas co alumnado do workshop
20h a 22h / Performance Art "Identity" do artista Abel Azcona
Duración Total: 4 horas
 
.:PRAZAS LIMITADAS / Máximo 20 alumnos por obradoiro
.:CUSTO / 70 € (público xeral) / 60 € (estudantes)
.:MATRÍCULA / en paulacabaleiro@apuntodfuga.com ou 667823112
.:MÁIS INFORMACIÓN / www.apuntodfuga.com
.:SOBRE ABEL AZCONA / www.abel-azcona.com

O espazo de arte Bus Station Space acolle este fin de semana un obradoiro de ilusionismo para pais e nenos impartido polo mago Sasha, un ilusionista profesional co que aprenderán sinxelos pero sorprendentes xogos de maxia, cuxos segredos foron celosamente gardados durante anos.

Para pais e nenos a partir de 10 anos.

Este obradoiro creativo, dunha hora e media de duración, é ideal para tomar un primeiro contacto co marabilloso mundo da maxia. Aprenderás diferentes efectos de maxia, con materiais cotiáns, de doada execución e grande impacto, que poderás empezar a realizar ao momento. Todo isto sucederá nun ambiente familiar e divertido.

O número de prazas está limitado a 16 alumnos.

Máis info e inscrición: arte@busstationspace.es, 625 34 20 65

Teresa Moure imparte na Biblioteca Ánxel Casal un obradoiro sobre creación literaria. A sesión, aberta ao público, iniciará a xeira de encontros cun grupo de escritores e escritoras que colaboran desinteresadamente co Obradoiro de Creación Literaria da Agrupación Cultural O Galo, co único interese de axudar na transmisión de coñecementos e experiencia a aqueles e aquelas que o necesitan.

Teresa Moure é autora dunha obra moi variada, que vai desde a literatura infantil e xuvenil, con obras como A casa dos Lucarios ou Mamá, ti si que me entendes!, ao ensaio, xénero no que publicou recentemente Queer-emos un mundo novo. Sobre cápsulas, xéneros e falsas clasificacións polo que recibiu o Premio Ramón Piñeiro 2011, pasando tamén polo teatro, con obras como Unha primavera para Aldara e Cínicas, e por suposto a novela, con títulos como A xeira das árbores ou a máis recente A intervención.

Sen dúbida, esa versatilidade dálle un especial interese a este encontro, pois poderá resolver dúbidas referentes á creación literaria dentro de varios xéneros, ademáis de poder falar sobre o proceso que segue á conclusión dun libro: a inscrición en premios e certames, a edición, a publicitación, a presentación pública da obra, etc.

Durante os meses de abril, maio e xuño, Novacaixagalicia organiza uns obradoiros de cata de viño titulados 'Claves para comprender o mundo do viño' e impartidos por Xoán Cannas e o seu equipo.

As sesións, dirixidas a todas as persoas que se queiran mergullar na arte da cata, organízanse co obxectivo de afondar nos diferentes tipos de viños, coas súas variedades en función do clima, da terra e do método de cultivo. O curso conta tanto con aspectos teóricos coma prácticos para poder desenvolver a memoria sensorial dos participantes e estrutúrase en catro sesións de tres horas cada unha.

A inscrición pode facerse efectiva a través de Servinova, www.servinova.com, ou ben na billeteira telefónica no 902 504 500.

Ao longo de dúas xornadas, a galería A.dfuga acolle un obradoiro de iniciación ao feltro para maiores de 14 anos impartido por Inés Silvalde.

Iniciación á manipulación deste material téxtil co fin de coñecer as nocións básicas para elaborar obxectos de deseño, pezas de bixutería e outros elementos.

Materiais (incluídos): Teas de feltro de distintas cores, retallos de teas doutra calidade para acompañar o material, tesoiras, pegamento de contacto, agullas, fíos, rotuladores, pedraría variada, papel para elaborar patróns, pistola de silicona, corchetes, etc...

Prezo: 30 € /persoa. Materiais incluídos.

Inscricións en info@apuntodfuga.com ou nos telfs. 671322172/667823112

Cada vez máis xente adquire dispositivos GPS para ás súas saídas ao campo ou a montaña, pero moitas veces non temos os coñecementos básicos necesarios para sacarlles todo o seu partido. Sabemos que é un aparato que nos pode ser de grande axuda, pero como?

Este curso pretende que todas aquelas persoas que adquiriron recentemente un dispositivo GPS aprendan a sacarlle o máximo partido a partir dunha sesión teórica, probas de campo e unha sesión interactiva onde se analizarán os resultados obtidos na proba de campo.

Obxectivos
- Adquirir os conceptos básicos para o coñecemento e bo uso do dispositivo GPS.
- Poñer en práctica os coñecementos adquiridos na sesión teórica. Levarase a cabo mediante o manexo do GPS.
- Valorar e interpretar os resultados obtidos mediante as diferentes alternativas que ofrecen os distintos software e utilidades.

Estrutura do curso:
Sesión teórica: 09:00 – 14:00 horas.
Proba de campo e sesión interactiva: 15:30-19:30 horas.

Duración: 9 horas

Lugar: Aula de Formación da Biblioteca Universitaria Concepción Arenal. Campus Vida

Prezo: 35 €

Inscrición: www.fundacionuscdeportiva.org

Do 8 ao 12 de abril a asociación ACIDE, Cidadáns polo Desenvolvemento, pertencente a Universidade de Santiago de Compostela, organiza un curso sobre Certificación en distintos sectores (edificación, alimentación, forestal, educación...) no colexio maior de Fonseca, Campus Sur (USC).

Máis info e inscrición aquí

A loucura sempre espertou unha grande interese no terreo da Arte, e foron moitos os artistas que centrándose neste aspecto e condición do ser humano, fixeron obra reflexionando acerca da mesma. Algúns chegaron a padecer algunha enfermidade mental que daba pé a que foran catalogados como loucos, pero outros moitos, simplemente o foron por ser “diferentes” ó resto da poboación. Quizais simplemente polo feito de  ser máis sensibles, ou por vivir dunha maneira oposta ó resto da sociedade, pero etiquetados así, existiron sen a comprensión dos seus coetáneos.

En 'Eloxio a Loucura', denominación coa que decidimos bautizar estas Xornadas, rememorando a fabulosa obra que Erasmo de Rotterdam nos deixou sobre a mesma, tratarase de reflexionar acerca das diferentes cuestións que se formulan entorno a temática. Partirase da presentación do documental Con Etiqueta, que servirá como introdución ás mesmas. No cal, enfermos que padecen algún tipo de enfermidade mental na actualidade, falarán en primeira persoa da súa visión acerca das mesmas, e de como son acollidos por sufrilas dentro da nosa comunidade. Centrando logo o discurso e o debate nas súas particularidades dentro do terreo artístico, dialogando sobre arte e os seus creadores con patoloxías mentais, do Art Brut... Pero todo iso dende a perspectiva do psiquiatra, o investigador e o artista, mostrando tamén algún proxecto de creación entorno a mesma, e finalizando cun pequeno obradoiro práctico de expresión emocional a través da pintura.

PROGRAMA

- 10 Abril :: 19.30 -21.00 h :: Introdución
Presentación do documental Con Etiqueta (sobre saúde mental). Dirección: Adriana Pérez Villanueva. Guión e produción: Manuel Torres Cubeiro. Producción ejecutiva: A creba (Asociación pro saúde mental).
*entrada libre*

- 11 Abril :: 19.30 - 21.00 h :: Arte e Loucura
. Carlos Delgado Calvete (Psiquiatra). Artes plásticas e enfermidade mental.
. Marina Núñez (Artista) : Vídeo-conferencia. El infierno son nosotros (agradecementos ó Museo Herreriano de Valladolid).
. Xosé Reigosa (Fotógrafo). Entre Marbella e Torremolinos. Imaxes de manicomio.
*entrada 4 €/persoa*

- 12 Abril :: 18.00 – 21.00 h  :: Obradoiro
 Comunicando - Dialogar a través da pintura: Taller de Coaching con Arte Reina D´Hoore (Artista)
40 €/persoa. Inscricións en info@apuntodfuga.com ou nos telefs. 671322172 / 667823112

Obradoiro creativo para adultos impartido por Reina D'Hoore na galería de arte A.dfuga.

A nosa meta principal neste obradoiro é facer un cadro que nos represente e nos fale, tomando consciencia do proceso creativo a través da exploración das cores e das emocións que suscitan. Lograremos descubrir e potenciar o artista que levamos dentro, conectar coa nosa capacidade creadora. Para isto non é necesario saber pintar ou debuxar previamente.

A expresión pictórica é unha potente ferramenta para descubrírmonos e aprender sobre nós mesmos, apórtanos un tempo de relaxación e convídanos a recoñecer os nosos límites para expandirnos. O método que seguiremos procede de Haití, foi desenvolvido polo fundador do Mouvement Saint-Soleil, Jean-Claude Garoute (Tiga), recoñecido por Grotowsky e Malraux, ademáis empregaremos ferramentas de coaching durante o proceso creativo.

Reina D’Hoore Sánchez, coach certificada polo Instituto Europeo de coaching, con formación artística (pictórica, teatral, danza) e en creatividade, formouse con Jean-Claude Garoute (Tiga) en Haití en 1996-97.

Duración do obradoiro: 4 horas

Material que o alumno debe aportar: roupa que se poida manchar

Custo: 40 € / persoa

Inscrición en: info@apuntodfuga.com indicando nome e apelidos, idade, mail e teléfono de contacto ou nos telefs. 671322172 / 667823112

Susana Gesto imparte durante 4 xornadas un obradoiro de ourivaría na Fundación Eugenio Granell. A inscrición ten un prezo de 70 € e as prazas están limitadas a 10 persoas.

O obradoiro pretende traballar as antigas técnicas da ourivaría máis tradicional e fusionala co movemento surrealista, algo que nunca se realizou na tradición ourive, pero a artista asegura que se mostrará como un interesante reto. Será principalmente a obra dos galegos Eugenio Granell e Maruja Mallo a que será traballada no segundo obradoiro, a preferencia de cada un dos participantes. Deixarase voar a imaxinación e creatividade. Converterase á xoia nunha linguaxe de nova expresión mediante a técnica dun oficio de séculos de antigüidade e de capital importancia tanto na cultura galega coma na compostelá. Tratarase pois, dunha descontextualización do concepto de xoia que existe no imaxinario colectivo.

Ao longo do obradoiro traballarase baixo as técnicas básicas da creación, formas do arame, da ornamentación, de novas texturas, do traballo do acibeche e por último da manipulación, tanto de ferramentas coma de metais e diferentes materias primas. Engadiranse novos materiais que decidirán os propios alumnos segundo avancen os deseños sen condicionar de ningún xeito a creatividade de cada un deles, afondando no surreal. Traballarase para que cada participante poida crear a súa propia peza seguindo as técnicas básicas de traballo. Os materiais básicos que se traballarán na creación das diferentes pezas serán principalmente o cobre e o acibeche.

A principal meta neste curso é tomar consciencia do poder que recibimos dos nosos pais e nais para vivir a nosas vidas plenamente.
Empregaremos ferramentas artísticas como o debuxo, a escritura e o movemento, e de coaching, todas elas moi poderosas para descubrir o noso potencial, cambiar crenzas
limitantes en potenciadoras, desenvolver a creatividade e a responsabilidade. É dicir, levar unha vida máis plena.

Reina D’Hoore Sánchez é coach certificada polo Instituto Europeo de coaching, actualmente cursa PNL transpersonal con formación artística (pictórica, teatral, danza) e en creatividade, formada con Jean-Claude Garoute (Tiga) en Haití en 1996-97.

Material necesario proporcionado coa inscripción: Libreta ou follas de papel, lápices de cores e bolígrafo, unha foto de ambos proxenitores.

Duración: 3 horas
Data: 19 de Abril de 18.00 a 21.00 h.
Prezo: 40 € por persoa
Inscrición: info@apuntodfuga.com indicando nome completo e teléfono de contacto ou nos telefs. 671322172 / 667823112

No marco da exposición temporal 'Sin palabras de Lilith', a galería A.dfuga acolle esta mañá un obradoiro para familias e nenos deseñado e impartido por Adriana Pazos Otton.

Na obra de Beatriz Suarez Saa a palabra convértese en pel, caligrafía organizada dun mapa humano, o das emocións e a análise da realidade feminina. Texto e pel fúndense para crear un único significado xogando como dende hai tempo as culturas veñen explorando, o potencial simbólico do acto da decoración da pel.

As diversas culturas que utilizaron a decoración da pel fixérono de distintas maneiras; tanto como arte, no sentido de creación de significados rituais ou simbólicos, como pegada de determinados momentos da súa vida, indo sempre máis aló do simple ornamento corporal. Este mesmo compoñente transcendente atopámolo na obra de Beatriz Suarez e partiremos do uso plástico que expón a artista conformando historias e corpos coas palabras, para deseñar unha didáctica na que o texto e a caligrafía, as letras e a combinación destas, sexan o punto de partida do xogo que proporemos aos nenos e nenas.

Servíndonos da tecnoloxía e do software apropiado, propomos unha experiencia de inmersión na obra de Beatriz Suarez Saa, na que os nenos se converterán nos protagonistas sobre os cales proxectaremos o mundo da artista. Tomaremos imaxes do resultado intervíndoas e achegándolles o noso toque persoal utilizando diversas técnicas artísticas entre elas o gravado, obtendo ao final unha obra única que poderemos levar a casa como recordo da experiencia.

Dirixido a familias con nenos e nenas de 4 a 12 anos.

Se vés acompañado dos teus pais… son só 8 €/PERSOA!!! (con material incluído)

1 ADULTO + 1 NENO: 16 €
Se tes MÁIS DE 5 ANOS E QUERES ASISTIR SÓ: 16 €

MÁIS INFO
www.apuntodfuga.com
www.auladeideas.com

RESERVA A TÚA PRAZA!

beatrizsuarezsaa@apuntodfuga.com ou 671 322 172
contacto@auladeideas.com ou 609 971 859

Con motivo do Día Internacional do Libro, a Biblioteca pública Ánxel Casal organiza un obradoiro infantil, a cargo de CREARTE, para nenos e nenas de 5 a 14 anos.

Duración aprox. 75 min.

Imaxes proxectadas, lecturas e actividades conforman a dinámica destes obradoiros.

Precísase inscrición previa, máximo 25 rapaces.

Prégase presentarse 10 minutos antes do inicio da actividade.

O curso 'A voltas co baile: Valse, Rumba e Pasodobre', do Museo do Pobo Galego, continúa a formación iniciada o pasado ano cunha edición na que se trataron bailes centroeuropeos como o Scottish (Chotis), a Mazurca ou a Polka.

A tradición popular conta con moitos bailes. Aínda que os máis coñecidos entre a maioría do público urbano son a muiñeira ou a “jota”, o certo é que todos os bailes que, nalgún momento, estiveron de moda, pasaron ao acervo tradicional galego coas modificacións que os instrumentos musicais de Galicia, o xeito de bailar e a creatividade popular, infrinxiron sobre os mesmos.

A xornada de formación teórico-práctica deste sábado e que se vai desenvolver durante toda a xornada desde ás 11 até ás 19:30, ten como tema central a orixe, evolución e transformacións dalgúns destes bailes que, procedentes de Centroeuropa uns e de América outros, fixéronse moi populares en gran parte dos dous continentes. Aquí e acolá, en Europa e en América, son bailes de parella, de bailar agarrado que as e os participantes no curso poderán coñecer desde o punto de vista teórico como do práctico coa execución dos pasos deste baile nos diferentes lugares pero, fundamentalmente, no territorio galego.

Este ano a dirección do curso corre a cargo de Manolo Cobas, músico, docente de música e baile tradicional así como recompilador e estudoso do folclore.

As prazas son limitadas e a matrícula farase por orde de inscrición no correo electrónico deac@museodopobo.com. A matrícula é gratuíta para as persoas socias do Museo e, para o resto ten un custo por materiais de 5 € e 3 € para persoas desempregadas e pensionistas. O curso conta coa colaboración da Concellería de Cultura do Concello de Santiago de Compostela.

Inscricións ata o 19 de abril.

A cantante portuguesa Celina da Piedade ofrece esta tarde un obradoiro de canto tradicional alentejano. O obradoiro precede a un concerto que a artista ofrecerá na Casa das Crechas ás 22:30 h.

Inscricións en aitanacrechas@gmail.com

Encarna Lago, Xerente da Rede Museística Provincial de Lugo, Juan García Sandoval, Conservador-Director do Museo de Belas Artes de Murcia, Rufino Ferreras, Responsable de Desenvolvemento Educativo no Museo Thyssen-Bornemisza, e Araceli Corbo, Responsable da  Biblioteca - Centro de Documentación no MUSAC, coordinan un curso formativo sobre novas estratexias de comunicación e difusión socio-cultural na Facultade de Ciencias da Comunicación ao longo dos días 3, 4 e 5 de maio.

Inserido nas liñas estratéxicas que identifican a campUSCulturae, e dirixido a todos os que estean interesados nos novos procesos de comunicación e difusión,
nace o curso 'A COMUNICACIÓN COMO VIRUS: Ferramentas para o cambio social'. Este curso está dirixido ás persoas que desexen afondar no papel dos movementos sociais e na influencia das redes sociais na súa dinamización, integración e promoción, sen esquecer o importante papel que estas mesmas redes sociais están a adoptar en todos os campos da acción social, cultural, creativa e reivindicativa.

Os temas a tratar no curso serán: grupos sociais, minorías étnicas con reducido acceso ás canles de comunicación masivas e oficiais; a xestión dunha diversidade cultural que non provoque conflito pola propia ignorancia da cultura do “outro”; as redes como ferramentas de integración de diversos colectivos que mediante o seu uso promoven o coñecemento mutuo e a súa propia comunicación; Museos, institucións cun papel activo na activación de recursos cidadáns e sociais nos que a cultura sexa o elemento de cohesión; creatividade artística e social, innovación nos medios de representación, novos usos das redes 2.0 por descubrir...

Todos estes temas serán os eixos de cada un dos grupos de traballo nos que se integrarán os estudantes. Existirá tamén a figura de estudantes “voluntarios” como opción persoal. Estes alumnos recibirán una formación específica, a través dun webinar, que os conducirá a unha dobre recepción de certificados finais. Os grupos de traballo nos que os estudantes se deberán inscribir serán os seguintes:

- Minorías
- Innovación social e cultural
- Integración
- Movementos sociais
- Museos e redes sociais
- Creatividade e innovación

Máis información, formulario de inscrición e programa completo do curso co perfil dos distintos relatores aquí

Despois da gran acollida que tivo a primeira edición do Curso Básico de Manexo de GPS, a Fundación USC Deportiva, dende a súa área de formación, organiza a segunda edición ampliando unha hora a duración total. Imparte Javier Aradas.

Cada vez máis xente adquire dispositivos GPS para ás súas saídas ao campo ou a montaña, pero moitas veces non temos os coñecementos básicos necesarios para sacarlles todo o seu partido. Sabemos que é un aparato que nos pode ser de grande axuda pero, como?
Este curso pretende que todas aquelas persoas que adquiriron recentemente un dispositivo GPS aprendan a sacarlle o máximo partido a partir dunha sesión teórica, probas de campo e unha sesión interactiva onde se analizarán os resultados obtidos na proba de campo.

Obxectivos
•    Adquirir os conceptos básicos para o coñecemento e bo uso do dispositivo GPS.
•    Poñer en práctica os coñecementos adquiridos na sesión teórica. Levarase a cabo mediante o manexo do GPS.
•    Valorar e interpretar os resultados obtidos mediante as diferentes alternativas que ofrecen os distintos software e utilidades.

Estrutura do curso:
- Sesión expositiva na aula: 09:30-12:30 h.
- Probas de campo: 12:30-14:30 h.
- Probas de campo: 16:00-19:30 h.
- Sesión interactiva na aula: 19:30-21:00 h.

Duración: 10 horas

Lugar: Aula de Formación da Biblioteca Universitaria Concepción Arenal. Campus Vida

Horario:
-    De 09:30-14:30 horas
-    De 16:00-21:00 horas

Prezo: 38 €

Inscrición: www.fundacionuscdeportiva.org

+info aquí

O Salón de actos da Biblioteca pública Ánxel Casal acolle esta tarde o obradoiro titulado 'Todos somos talento', unha actividade organizada por Identia Coaching e Formación.

Obradoiro impartido por Teresa Hernández Armentia. Dirixido a pais, nais e profesionais da educación.

Entrada libre ata completar a capacidade da sala.

Bus Station Space acolle un novo obradoiro fotográfico, nesta ocasión impartido por Ramón Vaamonde, no que os participantes poderán achegarse ao mundo da fotografía a través dos seus conceptos básicos e das regras de composición de imaxes.

Taller básico de fotografía no que, durante as súas 4 horas de duración, veremos conceptos técnicos básicos como velocidade de obturación, diafragma, iso... e como estes conceptos afectan á toma final. Tamén dedicaremos unha especial atención ás regras de composición básicas e linguaxe fotográfica. Despois dunha breve explicación destes conceptos básicos aplicarémolos na parte práctica do curso; o obradoiro preséntase como eminentemente práctico e, aproximadamente a metade da súa duración a dedicaremos a poñer en marcha os conceptos anteriormente explicados e a solucionar as dúbidas que vaian xurdindo. Para finalizar avanzaremos conceptos do obradoiro intermedio, como por exemplo o formato Raw, e faremos unha breve introdución ao tratamento dixital da imaxe.

Duración: 4 horas
Prezo: 50 €

O número de prazas está limitado a 10 alumnos.

Os materiais precisos para asistir ao obradoiro son: cámara dixital con posibilidade de axustes manuais de exposición e, aínda que non é imprescindible pero sí recomendable, un ordenador portátil con software de edición Adobe Photoshop ou no seu defecto Gimp.

Imparte Ramón Vaamonde:
www.ramonvaamonde.com

Para máis información diríxete a Luisa Pita en:
arte@busstationspace.es / 625342065

Ana Gesto imparte na Fundación Granell un obradoiro teórico e práctico sobre performance que culminará cunha mostra de acción con público.

O obradoiro inclúe unha explicación teórica de tres dos conceptos cos que se desenvolve unha performance: tempo, espazo e presenza (o corpo). A performance abrangue hoxe unha extensa gama de maneiras de facer, actuar ou de intervir, que dá forma a manifestacións moi diferentes. Tamén se analizará o son da acción e a importancia da idea no proceso. A análise do espazo e o contexto, neste caso a Fundación Granell, influirá nos resultados, derivando un dos exercicios nunha obra relacionada coa Fundación, tanto polo seu contexto sociocultural coma partindo da obra do propio Granell e culminará nunha mostra, de acción ao público realizada polos alumnos, que pechará esta convocatoria.

Datas: 25, 26, 27, 28 xuño e 2 de xullo.
DURACIÓN: 15 horas.
HORARIO: 16:00 a 20:00 h.
PRAZAS: Máximo 15 persoas.
DIRIXIDO a público adulto.
Data límite inscrición: 23 xuño.
PREZO: 65 €

Ana Gesto (Santiago de Compostela, 1978). Licenciada en Belas Artes pola Universidade de Vigo e formada en performance con Bartolomé Ferrando na Facultade de Bellas Artes de Valencia. Participou no taller de Jannis Kounellis, Fundación Caixa Galicia, Santiago; Chámalle X 2008, Pontevedra; Arte en Predicado, Tenerife; Novos Valores 2008, Pontevedra; Arte d'Acción, Valencia; Resistencia y materialización de la UPV / EHU, Bilbao; Materialización, Fundación Laxeiro, Vigo; Epipiderme - Encontros a volta da rendimiento, Lisboa; Día Internacional de los Museos, la Casa das Artes, Vigo; Line Up Acción, Coimbra; Imergence, con Marcio-Andre, Lisboa; Acción Mad, Madrid; Ciclo de outono - Colecção B., Igreja de São Vicente de Évora, Portugal; Fem Corpología 2012, Girona; variaciones en el Museo Provincial de Lugo; Presentación Nua, Museo de Arte Contemporáneo MARCO, Vigo. Imparte cursos de performance no Museo - Fundación Granell, Santiago. Galería D, Zalan, Varsovia; XIV Festival Internacional de Arte de acción INTERAKCJE 2012. Galeria ODA, Piotrków Trybunalsk, Polonia

É habitual que o peregrino que realiza o Camiño de Santiago experimente un desenvolvemento persoal interior. Se ao rematar a viaxe se traballa este crecemento, se potencia todo o desenvolvemento da persoa e se traballa como pode aplicalo en todos os ámbitos da súa vida. En 'Ahora CCamina tu Vida' traballamos de forma profunda e interactiva con técnicas de coaching este crecemento. Aprende, potencia e integra o desenvolvemento persoal que o peregrino experimenta nesta viaxe.

'Ahora CCamina tu Vida' é un evento diario para peregrinos en Santiago de Compostela:

1. Obradoiro - conferencia de Coaching para Peregrinos
2. Dinámicas de coaching interactivas entre os peregrinos asistentes.
3. Dossier 'Ahora CCamina tu Vida': manual de Coaching para peregrinos.
4. Cóctel - Comida relacional para peregrinos.
5. Visita guiada ao Museo Parador Hostal dos Reis Católicos (1 día á semana)

HORARIOS

- Obradoiro Interactivo: de 10.00 a 13.30 h.
- Cóctel - comida 13.30 h.
- Visita guiada ao Museo Parador Hostal dos Reis Católicos: Un día á semana (pendente de concretar o día polo Parador H.R.C)

** Imparte: Mariela Villar Romarís, coach profesional especializada no Camiño de Santiago, profesora de coaching e formadora en actitudes de éxito. Posúe as certificacións de Coach internacional, Coach de equipos, Coach para o desenvolvemento socio-emocional adulto, Coach de emprendedores e MBTI®, Myers Briggs Type Indicator. Formada en Programación Neurolinguística. Máster en Desenvolvemento Económico e Innovación, Máster en Xestión de Patrimonios e Asesoría Financeira e Licenciada en Ciencias Políticas e Sociais.


CCAMINA® é unha iniciativa empresarial apoiada polo Concello de Santiago de Compostela, AGADIC - Axencia Galega de Industrias Culturais, Fundación Deportiva da Universidade de Santiago e Fundación e Instituto para a Innovación INNAXIS.

Toda a info aquí

Hostalería Compostela organiza un curso básico de cociña para adultos, dirixido a todas aquelas persoas que queiran perder o medo a cociñar e aprender as técnicas básicas para elaborar pratos sinxelos da nosa gastronomía.

O curso é de carácter totalmente práctico e os alumnos disporán dunha cociña individual para a elaboración das súas receitas. 

Máis información no enderezo electrónico formacion@santiagohosteleria.org ou no teléfono 981583366

Hostalería Compostela organiza o curso 'Alta cociña a baixo custo', dirixido a todas aquelas persoas que desexen iniciarse na cociña e que teñan interese en realizar pratos suxestivos con produtos económicos e de tempada.

O curso é de carácter totalmente práctico e os alumnos disporán dunha cociña individual para a elaboración das súas receitas. 

Máis información no enderezo electrónico formacion@santiagohosteleria.org ou no teléfono 981583366