O Museo das Peregrinacións e de Santiago, situado no antigo edificio do Banco de España, acolle ao longo dos meses de outubro e novembro un ciclo de conferencias que xirarán en torno a este novo espazo cultural da cidade.

A primeira das conferencias leva por título 'O proxecto do Museo das Peregrinacións e de Santiago' e estará impartida por Manuel Gallego Jorreto, arquitecto encargado da remodelación do inmoble.

Entrada libre ate completar aforamento.

O Museo das Peregrinacións e de Santiago, situado no antigo edificio do Banco de España, acolle ao longo dos meses de outubro e novembro un ciclo de conferencias que xirarán en torno a este novo espazo cultural da cidade.

A segunda das conferencias leva por título 'A cidade de Santiago nos seus primeiros séculos medievais' e estará impartida por Fernando López Alsina.

Entrada libre ate completar aforamento.

O Museo das Peregrinacións e de Santiago, situado no antigo edificio do Banco de España, acolle ao longo dos meses de outubro e novembro un ciclo de conferencias que xirarán en torno a este novo espazo cultural da cidade. A terceira das conferencias leva por título 'A cultura da cidade' e estará impartida por Darío Villanueva Prieto.

Entrada libre ate completar aforamento.

A Fundación Laxeiro, en colaboración coa Consellería de Cultura, Educación e Ordenación universitaria, organiza ao longo do mes de novembro  un ciclo de conferencias que se centrará na contextualización do grupo coñecido como Os Renovadores da vangarda histórica galega.

O ciclo supón un achegamento á obra dos Renovadores desde unha análise transversal, para comprender o legado dos que protagonizaron os inicios da cultura galega do século XX, mediante unha serie de relatorios impartidos por diversos expertos en cuestións concretas da historia e da arte que ampliarán a análise deste movemento a elementos que quizais nunca se trataron no seu conxunto, como son o contexto internacional das vangardas históricas, as influencias da arte medieval que Os Renovadores asumiron como propias ou a faceta antropolóxica do nacemento desta arte anovadora.

Lugar
Facultade de Xeografía e Historia, Santiago de Compostela, aula 12

Datas
6, 13, 20 e 27 de novembro de 18.00 a 21.00 h.

Dirección
José Manuel. B. López Vázquez

Relatores
José Manuel B. López Vázquez
Xosé Antón Castro Fernández
José Manuel García Iglesias
Antonio Garrido Moreno
Carlos López Bernárdez
María Luisa Sobrino Manzanares
María Antonia Pérez Rodríguez

Destinatarios
Estudantes de Historia da Arte, Belas Artes, Periodismo, Humanidades
Profesores de Educación Secundaria
Periodistas, galeristas, xestores culturais
Persoas afeccionadas á Historia da Arte

Este ano conmemóranse os 300 anos do falecemento do arquitecto barroco Domingo de Andrade (1639-1712). Neste sentido, dende a Catedral de Santiago organizouse un acto para recordalo, que terá lugar no Centro Cultural Novacaixagalicia e consistirá nunha conferencia a cargo do profesor da USC Miguel Taín, un dos mellores expertos na arte da Catedral de Santiago, especialmente no ámbito do barroco. Taín ten publicados numerosos libros sobre este tema, entre os que destaca, precisamente, o seu estudo sobre Andrade, no que analiza o seu papel como mestre de obras da Catedral entre 1676 e 1712.

Andrade está considerado como un xenio da arte barroca en Galicia. Os seus traballos, entre os que destaca a Torre do Reloxo da Catedral, cambiaron a fisionomía da cidade de Santiago a finais do século XVII contribuíndo a conformar a imaxe barroca que hoxe conservamos. Tamén foi autor de obras tan significativas como a Casa da Conga, a tripla escaleira de caracol do convento de Bonaval ou a capela do Pilar, na Catedral.

Con este centenario coincide tamén a finalización das obras de restauración da Torre do Reloxo, enmarcadas no Plan Director da Catedral de Santiago.

O Centro Sociocultural Novacaixagalicia acolle esta tarde unha conferencia titulada 'Hai outro camiño. A ruta do unicornio', a cargo de Antonio Acha, que falará sobre o Camiño que vai desde a localidade zamorana de Almeida de Sayago ata Finisterre pasando por Santiago de Compostela.

A Fundación Laxeiro, en colaboración coa Consellería de Cultura, Educación e Ordenación universitaria, organiza ao longo do mes de novembro  un ciclo de conferencias que se centrará na contextualización do grupo coñecido como Os Renovadores da vangarda histórica galega.

O ciclo supón un achegamento á obra dos Renovadores desde unha análise transversal, para comprender o legado dos que protagonizaron os inicios da cultura galega do século XX, mediante unha serie de relatorios impartidos por diversos expertos en cuestións concretas da historia e da arte que ampliarán a análise deste movemento a elementos que quizais nunca se trataron no seu conxunto, como son o contexto internacional das vangardas históricas, as influencias da arte medieval que Os Renovadores asumiron como propias ou a faceta antropolóxica do nacemento desta arte anovadora.

Lugar
Facultade de Xeografía e Historia, Santiago de Compostela, aula 12

Datas
6, 13, 20 e 27 de novembro de 18.00 a 21.00 h.

Dirección
José Manuel. B. López Vázquez

Relatores
José Manuel B. López Vázquez
Xosé Antón Castro Fernández
José Manuel García Iglesias
Antonio Garrido Moreno
Carlos López Bernárdez
María Luisa Sobrino Manzanares
María Antonia Pérez Rodríguez

Destinatarios
Estudantes de Historia da Arte, Belas Artes, Periodismo, Humanidades
Profesores de Educación Secundaria
Periodistas, galeristas, xestores culturais
Persoas afeccionadas á Historia da Arte

O Museo das Peregrinacións e de Santiago, situado no antigo edificio do Banco de España, acolle ao longo dos meses de outubro e novembro un ciclo de conferencias que xirarán en torno a este novo espazo cultural da cidade. A cuarta das conferencias leva por título 'Vida e sociedade en Compostela' e estará impartida por Ramón Villares Paz, presidente do Consello da Cultura Galega, catedrático de Historia Contemporánea e reitor da Universidade de Santiago entre 1990 e 1994.

O acto será presentado polo presidente da Real Sociedad Económica de Amigos del País de Santiago, Juan Bautista de La Salle Barreiro Pérez.

Entrada libre ate completar aforamento.

O Paraninfo da USC, na Facultade de Xeografía e Historia, acolle esta tarde unha conferencia ofrecida polo profesor Juan Monterroso Montero e titulada 'Tradición e modernidade. A emblemática como soporte da memoria e o progreso das RSEAP', dentro do ciclo de conferencias da Real Sociedade Económica de Amigos do País da Cidade de Santiago.

Homenaxe a Juan José Moralejo.
Asisten varios concelleiros.

Con motivo do 30º Aniversario da visita do Beato Juan Pablo II a Santiago de Compostela, o Centro Social Caixanova (Praza de Cervantes, 17) acolle esta tarde unha mesa redonda na que tomarán parte os profesores Milagros Otero Parga, José Manuel García Iglesias e Marcelino Agís Villaverde. O acto está organizado pola Fundación Catedral de Santiago.

"Eu, Bispo de Roma e Pastor da Igrexa universal, dende Santiago, lánzote, vella Europa, un berro cheo de amor: Volve encontrarte. Se ti mesma. Descobre as túas orixes. Aviva as túas raíces. Revive aqueles valores auténticos que fixeron gloriosa a túa historia e benéfica a túa presenza nos demais continentes. Reconstrúe a túa unidade espiritual, nun clima de pleno respecto ás outras relixións e ás xenuínas liberdades".
Beato Juan Pablo II, 9 de novembro de 1982, Catedral de Santiago

Entrada libre ata completar aforamento.

A Fundación Laxeiro, en colaboración coa Consellería de Cultura, Educación e Ordenación universitaria, organiza ao longo do mes de novembro  un ciclo de conferencias que se centrará na contextualización do grupo coñecido como Os Renovadores da vangarda histórica galega.

O ciclo supón un achegamento á obra dos Renovadores desde unha análise transversal, para comprender o legado dos que protagonizaron os inicios da cultura galega do século XX, mediante unha serie de relatorios impartidos por diversos expertos en cuestións concretas da historia e da arte que ampliarán a análise deste movemento a elementos que quizais nunca se trataron no seu conxunto, como son o contexto internacional das vangardas históricas, as influencias da arte medieval que Os Renovadores asumiron como propias ou a faceta antropolóxica do nacemento desta arte anovadora.

Lugar
Facultade de Xeografía e Historia, Santiago de Compostela, aula 12

Datas
6, 13, 20 e 27 de novembro de 18.00 a 21.00 h.

Dirección
José Manuel. B. López Vázquez

Relatores
José Manuel B. López Vázquez
Xosé Antón Castro Fernández
José Manuel García Iglesias
Antonio Garrido Moreno
Carlos López Bernárdez
María Luisa Sobrino Manzanares
María Antonia Pérez Rodríguez

Destinatarios
Estudantes de Historia da Arte, Belas Artes, Periodismo, Humanidades
Profesores de Educación Secundaria
Periodistas, galeristas, xestores culturais
Persoas afeccionadas á Historia da Arte

Con motivo do 30º Aniversario da visita do Beato Juan Pablo II a Santiago de Compostela, o Centro Social Caixanova (Praza de Cervantes, 17) acolle esta tarde unha conferencia a cargo de Giovanni Maria Vian, director de L'Osservatore Romano. Proxectarase un vídeo da visita de Juan Pablo II en 1982.

O acto está organizado pola Fundación Catedral de Santiago.

Esta charla servirá para reflexionar sobre o discurso europeísta pronunciado polo Papa o 9 de novembro de 1982, na propia Catedral de Santiago, e que a día de hoxe segue sendo un referente á hora de reflexionar sobre o concepto de Europa e as súas orixes. Aquel día o Papa pediu que, dende Compostela, Europa se encontrase de novo a si mesma e que avivase as súas raíces, unha idea reconfirmada de novo durante a visita de Benedicto XVI en 2010.

O acto estará presidido polo Arcebispo de Santiago, Julián Barrio.

"Eu, Bispo de Roma e Pastor da Igrexa universal, dende Santiago, lánzote, vella Europa, un berro cheo de amor: Volve encontrarte. Se ti mesma. Descobre as túas orixes. Aviva as túas raíces. Revive aqueles valores auténticos que fixeron gloriosa a túa historia e benéfica a túa presenza nos demais continentes. Reconstrúe a túa unidade espiritual, nun clima de pleno respecto ás outras relixións e ás xenuínas liberdades".
Beato Juan Pablo II, 9 de novembro de 1982, Catedral de Santiago

Entrada libre ata completar aforamento.

A Fundación Laxeiro, en colaboración coa Consellería de Cultura, Educación e Ordenación universitaria, organiza ao longo do mes de novembro  un ciclo de conferencias que se centrará na contextualización do grupo coñecido como Os Renovadores da vangarda histórica galega.

O ciclo supón un achegamento á obra dos Renovadores desde unha análise transversal, para comprender o legado dos que protagonizaron os inicios da cultura galega do século XX, mediante unha serie de relatorios impartidos por diversos expertos en cuestións concretas da historia e da arte que ampliarán a análise deste movemento a elementos que quizais nunca se trataron no seu conxunto, como son o contexto internacional das vangardas históricas, as influencias da arte medieval que Os Renovadores asumiron como propias ou a faceta antropolóxica do nacemento desta arte anovadora.

Lugar
Facultade de Xeografía e Historia, Santiago de Compostela, aula 12

Datas
6, 13, 20 e 27 de novembro de 18.00 a 21.00 h.

Dirección
José Manuel. B. López Vázquez

Relatores
José Manuel B. López Vázquez
Xosé Antón Castro Fernández
José Manuel García Iglesias
Antonio Garrido Moreno
Carlos López Bernárdez
María Luisa Sobrino Manzanares
María Antonia Pérez Rodríguez

Destinatarios
Estudantes de Historia da Arte, Belas Artes, Periodismo, Humanidades
Profesores de Educación Secundaria
Periodistas, galeristas, xestores culturais
Persoas afeccionadas á Historia da Arte

O Museo das Peregrinacións e de Santiago, situado no antigo edificio do Banco de España, acolle ao longo dos meses de outubro e novembro un ciclo de conferencias que xirarán en torno a este novo espazo cultural da cidade. A quinta e última das conferencias leva por título 'Compostela, de onte a hoxe' e estará impartida por Xerardo Estévez Fernández.

Entrada libre ate completar aforamento.

O Ateneo de Santiago organiza esta tarde unha nova conferencia no Centro cultural de Novacaixagalicia. Nesta ocasión estará impartida por Isabel Rodríguez-Moldes Rey, Catedrática de Bioloxía Celular da USC, que falará sobre 'Poden as células adultas revivir a súa xuventude? Para que?'.

Isabel Rodríguez-Moldes Rey desenvolve a súa actividade investigadora no Centro de Investigación en Bioloxía (CIBUS), no Campus Vida. É Coordinadora do Grupo de Investigación BRAINSHARK que leva a cabo diversos proxectos de investigación financiados polo Ministerio de Ciencia e Innovación e pola Xunta de Galicia sobre o desenvolvemento do sistema nervioso de peixes cartilaxinosos como os tabeiróns. Ten dirixido 8 teses doutorais e diversos traballos de investigación, é coautora de máis de 60 publicacións en revistas internacionais de prestixio e participou activamente en congresos internacionais. Ao longo dos últimos 25 anos ten impartido docencia de diversas materias de Licenciatura, Grao e Másteres relacionadas coa Bioloxía do desenvolvemento. Foi Secretaria do Departamento de Bioloxía Fundamental da USC durante máis de 4 anos, Coordinadora das Probas de Acceso á Universidade (PAAU) da materia Bioloxía durante 7 cursos e actualmente é Directora da Escola de Doutoramento Internacional da Universidade de Santiago.

O Ateneo de Santiago organiza esta tarde a conferencia 'Ética das profesións: cara unha teoría xeral da ética xurídica', que estará impartida por D. Rafael del Rosal, Letrado Xefe do Departamento de Deontoloxía do Colexio de Avogados de Madrid.

Rafael del Rosal García (Loja, Granada, 1950) é avogado. Licenciado en Dereito en 1972 pola Universidade de Granada e formado en Madrid durante dous anos na pasantía de José María Fernández de la Riva, exerce libremente a avogacía en Barcelona ata 1990, que se traslada a Madrid como Xefe da Asesoría Xurídica do Grupo de empresas APD, para regresar ao libre exercicio da profesión en 1992, con despacho propio. Asesor do Colexio de Avogados de Madrid desde 1993 en materia de Deontoloxía Profesional, incorpórase ao mesmo en 2003 como Letrado Xefe do Departamento de Deontoloxía, facéndoo en 2009 á Unión Interprofesional da Comunidade de Madrid (UICM), como experto en Deontoloxía Profesional e Profesionalismo. Profesor de Deontoloxía Profesional da Avogacía do Centro de Estudos e Investigación do Colexio de Avogados de Madrid no Master de Dereito Privado e en outros cursos de iniciación ao exercicio profesional e de acceso ao Turno de Oficio. Autor de máis de sesenta artigos publicados sobre o desenvolvemento doutrinal das normas éticas da avogacía e de publicacións regulares no suplemento xurídico do diario económico EXPANSIÓN desde maio de 2008. Poñente habitual da disciplina en cursos, seminarios e congresos nacionais e internacionais da avogacía.

O Salón de Actos da Biblioteca pública Ánxel Casal acolle esta tarde a charla titulada 'Educación emocional', unha actividade organizada por Identia Coaching y Formación e dirixida a profesionais, nais, pais e persoas interesadas na educación e a comunicación consciente e empática, dende a perspectiva do coaching familiar e persoal.

O Salón de Actos da Biblioteca pública Ánxel Casal acolle esta tarde a charla titulada 'Linguaxe a través do conto e o xogo', unha actividade organizada por Identia Coaching y Formación e dirixida a profesionais, nais, pais e persoas interesadas na educación e a comunicación consciente e empática, dende a perspectiva do coaching familiar e persoal.

O Ateneo de Santiago retoma as súas actividades coa conferencia 'Democracia e consenso', que estará impartida por D. José Antonio Souto Paz, Catedrático da Facultade de Dereito da UNED e alcalde da primeira corporación democrática de Santiago. Nesta ocasión, a súa intervención estará presentada por D. Xerardo Estévez, arquitecto e alcalde de Santiago nos períodos 1983-1986 e 1987-1998.

Souto Paz licenciouse en Dereito pola Universidade de Santiago de Compostela e posteriormente ampliou os seus estudos na Universidade Complutense de Madrid, na Universidade «Santo Tomas de Aquino» de Roma e na Universidade de Navarra, onde obtivo o título de Doutor en Dereito. Foi Decano da Facultade de Dereito da USC entre 1975 e 1979, alcalde de Santiago entre 1979 e 1982 e Deputado no Congreso pola provincia da Coruña entre 1989 e 1993. É especialista en Liberdades Públicas, Biodereito e Derecho Matrimonial e exerceu como profesor na Facultade de Dereito da Universidade de Navarra, na de Santiago de Compostela, na Universidade Nacional de Educación a Distancia e na Universidade Complutense de Madrid. Imparte docencia no Máster de Xerencia Pública (Instituto Nacional de Administración Pública); no Máster de Estudos Bursátiles (Instituto de Estudos Bursátiles) e no Máster de Dereitos Humanos (Instituto de Dereitos Humanos).

O Ateneo de Santiago programa para esta tarde a conferencia 'Unha estratexia verde para Santiago', que estará impartida por D. Albert Cuchí, Profesor da Universidade Politécnica de Cataluña, e presentada por D. Jorge Duarte, Decano do Colexio Oficial de Arquitectos de Galicia.

Albert Cuchí é Doutor Arquitecto pola Escola Técnica Superior de Arquitectura de Barcelona (ETSAB) da Universidade Politécnica de Cataluña (UPC). Actualmente é Profesor Titular do Departamento de Construcións Arquitectónicas da Escola Técnica Superior de Arquitectura do Vallés (ETSAV) da UPC, onde imparte as asignaturas de «Construción en Terra», «Arquitectura e Medio Ambiente» e «Construir con Fábrica». É responsable do curso de doutorado “Impacto ambiental da Construción”, Director do curso “Dinámica material” no Máster “Medio Ambiente Urbano e Sostemento» e colaborador de diferentes másters na UPC e na Universidade de Girona. Realizou múltiples traballos de investigación e investigación aplicada como, por exemplo, a elaboración dunha metodoloxía para a comparación de elementos de construcción en función do seu impacto ambiental (investigación aplicada no Proxecto Hiades do Institut Cerdà), a elaboración do informe MIES sobre impacto ambiental da Escola de Arquitectura do Vallés, a colaboración no ERF (Estudi Ramón Folch) no desenvolvemento da ambientalización das edificacións de “La ciudad de los deseos” do Forum Universal das culturas-BCN 2004 ou a colaboración co ITeC (Instituto de Tecnoloxía de Cataluña) como coordinador científico do seu equipo de traballo no proxecto financiado pola Unión Europea ‘HQE2R.

O Ateneo de Santiago programa para esta tarde a conferencia 'Tecnoloxías do século XXI: a Nanotecnoloxía', que estará impartida por D. José Rivas, Catedrático da USC e Director Xeral do INL-International Iberian Nanotechnology Laboratory.

Nos actuais tempos de crise, a Nanotecnoloxía aparece como unha das alternativas prometedoras para impulsar un modelo de desenvolvemento sostible, baseado na innovación e a creación de solucións de alto valor engadido. O potencial científico que existe ao nivel do nanómetro é enorme e practicamente todas as industrias e países que queren estar na vangarda en materia científica, tecnolóxica e de innovación están desenvolvendo plans de investigación nesta emerxente área do coñecemento. Baixo o termo Nanotecnoloxía agrúpanse diferentes actividades científicas e tecnolóxicas levadas a cabo a escala atómica e molecular. Tamén se inclúen investigacións multidisciplinares co obxectivo de entender os principios e as propiedades que xorden a dita escala. Por propia definición, a Nanociencia é unha ciencia de carácter multidisciplinar na que enxeñeiros, físicos, químicos, biólogos e profesionais da saúde se coordinan para entender e aproveitar as posibilidades asociadas á investigación a escala nanométrica. A multisciplinariedade da Nanotecnoloxía tamén é plausible na diversidade e o potencial dos novos sistemas de transporte e información, administración de fármacos, preservación dos alimentos, diagnóstico de enfermidades ou no almacenamento de enerxía que xorden arredor desta emerxente disciplina.

José Rivas, Catedrático de Física da Universidade de Santiago e Director Xeral do Laboratorio Ibérico Internacional de Nanotecnoloxía con sede en Braga, realizou os seus estudos de Ciencias Físicas na Universidade de Valladolid. Desde os anos setenta, dedícase intensamente á investigación e desenvolvemento de materiais magnéticos e nanotecnoloxía. Na súa etapa doutoral en Valladolid e posdoutoral no Max-Planck-Institut (Stuttgart, Alemaña), os seus traballos centráronse no estudo de materiais magnéticos de interese para a enxeñería electrónica. Aproveitando as súas estancias nas Universidades de Valladolid, Burgos e Murcia, creou grupos de investigación en magnetismo con excelentes colaboradores que hoxe en día continúan desenvolvendo o seu labor científico neste campo. En 1982 obtivo unha Cátedra de Física na USC, onde foi Decano e Director de Departamento. Actualmente, como profesor da Facultade de Física da USC, desenvolve a súa actividade investigadora no campo da Nanotecnoloxía e Magnetismo. Como resultado da súa colaboración co Profesor M. A. López Quintela da USC, creouse no Instituto Tecnolóxico un laboratorio especializado na preparación de nano-materiais. Este laboratorio xerou unha empresa, NANOGAP, que foi premiada polo Ministerio de Industria Español por estar entre as mellores empresas innovadoras de alta tecnoloxía do país. José Rivas ten dirixido máis de vinte teses doutorais, é autor de varios capítulos de libros, sete patentes e ten publicados máis de trescentos cincuenta artigos científicos en revistas especializadas. Recibiu premios e distincións e continúa promovendo conferencias e escolas interdisciplinares de prestixio internacional. Tamén é membro de diversos comités nacionais e internacionais e, como Director do INL, colabora activamente no desenvolvemento científico e tecnolóxico de España e Portugal e, en particular, no avance da Eurorrexión Galicia-Norte de Portugal, onde o INL se atopa ubicado.

Esta tarde o Ateneo de Santiago organiza unha nova conferencia dentro do seu ciclo semanal 'Os luns do Ateneo'. Nesta ocasión poderemos escoitar a conferencia titulada 'Dona Emilia en Compostela', que estará impartida por D. José Manuel González Herrán, Catedrático de Literatura Española da USC, e presentada por D. Euloxio R. Ruibal, escritor.

O Ateneo de Santiago programa para esta tarde a conferencia 'Montar un xornal en tempos de crise', que estará impartida por D. Ignacio Escolar, Director de eldiario.es.

Ignacio Escolar (Burgos, 1975), xornalista e blogueiro, é director e fundador de eldiario.es. É analista político en varios programas de televisión e colabora en Hoy por Hoy, na Cadena Ser, e en El Periódico. Ata abril de 2012 traballou como columnista de Público, diario que fundou como director en setembro de 2007.

En 2010 publicou o seu primeiro ensaio: La Nación inventada, una historia diferente de Castilla. É coautor dos ensaios Reacciona e Actúa, que escribiu xunto a José Luis Sampedro, Baltasar Garzón, Federico Mayor Zaragoza, Javier Pérez de Albéniz e Rosa María Artal, entre outros. En 2012 publicou a súa primeira novela, 31 noches, con grande éxito de crítica e público.

Lorena Fernández imparte na libraría Couceiro unha conferencia titulada 'Introdución á macrobiótica; alimentación consciente', arredor do principio universal do equilibrio e a harmonía aplicado á alimentación.

Gandhi dixo: "Beber los sólidos e mastigar los líquidos". A macrobiótica busca establecer unha correspondencia entre a enerxía persoal e a orde natural procurando unha alimentación enerxéticamente balanceada.

O balance na comida considera o modo de cocción, a cor, sabor, textura, gusto e forma. Sabendo qué comer podemos harmonizar as nosas emocións, curar algunhas, evitar outras, e promover un estado sereno, alegre e cheo de enerxía.

Un camiño cara a harmonía persoal a través da alimentación.

O Ateneo de Santiago programa unha nova entrega do seu ciclo de conferencias gratuítas 'Os luns do Ateneo'. Nesta ocasión, e para conmemorar o Día da Muller, Teresa Conde-Pumpido, Presidenta do Consello Consultivo de Galicia, impartirá a conferencia titulada 'Muller e xustiza'.

Por que non respiramos ben? Como é respirar ben en realidade? Cunha pequena práctica Makiko explicará a súa teoría e as claves esenciais para mellorala.

"Cando nacemos, respiramos perfectamente, pero co paso do tempo entra o bloqueo. Iso quere dicir que a respiración "era" un movemento natural e involuntario, entón, que é o que nos fai respirar mal? Realmente o problema da respiración vén da emoción, co cal facer o traballo respiratorio apartando dela é en realidade, pouco eficaz. Non obstante, realizar sempre un traballo respiratorio mesturando coa emotividade, para os participantes da clase resulta un pouco complicado. Polo tanto, as clases de respiración trabállase a mente (o non control), estiramento e activación consciente da musculatura espiratoria e inspiratoria".

Makiko Kitago

Arranca a oitava edición do Programa ConCiencia de divulgación científica coa visita de Sir Anthony James Leggett, Premio Nobel de Física en 2003 polas súas "contribucións pioneiras á teoría dos supercondutores e superfluídos". Esta edición do programa, organizado pola USC e o Consorcio de Santiago, conta co financiamento da Fundación Española para a Ciencia e a Tecnoloxía do Ministerio de Economía e Competitividade. A conferencia pública que Leggett pronunciará no Auditorio Novacaixagalicia leva por título ‘Por que non pode ir o tempo cara atrás?’.

O profesor Leggett, da Universidade de Illinois (Urbana-Champaign, EE.UU.), proporcionou o marco teórico para a comprensión do fenómeno da superfluidez no Helio-3, un dos dous sistemas superfluidos coñecidos ata o momento. As sorprendentes propiedades do mundo cuántico adoitan producirse só a escala atómica, pero nos materiais supercondutores (que transportan unha corrente eléctrica sen perdas) e superfluídos (fluídos carentes de viscosidade) as súas singularidades son visibles a escala humana por seren manifestacións de fenómenos cuánticos na escala macroscópica.

Dende 1983, Leggett (Londres, 1938) ocupa a prestixiosa cátedra MacArthur na Universidade de Illinois, onde ademais é catedrático do Centro de Estudos Avanzados. Entre os numerosos premios cos que ten sido galardoado durante a súa carreira destacan o Fritz London (IUPAP, 1981) ou o Wolf de Física (2003). En 2004 a raíña Isabel II nomeouno Sir "polos seus servizos á física".

Leggett continúa mantendo unha frutífera actividade investigadora, como o demostran os seus recentes estudos sobre as posibilidades de ordenamento magnético de espíns en sistemas bidimensionais (2011).

O Ateneo de Santiago programa esta semana a conferencia 'Un percorrido pola historia e o dereito de Galicia', que estará impartida por D. Luis Rodríguez Ennes, Catedrático de Dereito Romano da Universidade de Vigo e ex-Secretario Xeral da USC.

Luis Rodríguez Ennes é licenciado e doutor en Dereito, co número un do premio extraordinario pola Universidade de Santiago. Nesta Universidade exerceu os cargos de Vicedecano da Facultade de Dereito (1983-1986), Secretario Xeral (1986-1989) e Vicepresidente do Claustro Universitario (1984-1986). A continuación, na Universidade de Vigo, exerceu como Vicepresidente do Claustro Universitario Constituínte (1990-1994), asesor xurídico (1990-1993) e Decano da Facultade de Dereito (1990-2000). Foi membro do consello rector da EGAP (Escola Galega de Administración Pública) (1990-1996), da Societé D’historie Jean Bodin (Bruselas, 1986), da Societé International des Droits de la Antiquité (Bruselas, 1981), da Asociación Española para el Estudio del Derecho Romano (Madrid, 1984) e da Asociación Internacional de Estudios Gallegos (Oxford, 1996). Tamén foi Director da revista «Lingua e Dereito» da Universidad de Vigo, ten publicadas máis de cen obras e recibiu varios premios como o Premio Manuel Colmeiro de investigación da Xunta de Galicia.

Con motivo do Día Mundial do Sono, o Doutor Carlos Zamarrón Sanz, Pneumólogo do Servizo de Pneumoloxía - CHUS, e o Doutor Manuel Arias Gómez, Neurólogo do Servizo de Neuroloxía - CHUS, impartirán a conferencia 'Dorme ben, envellece san' na sala de Ámbito Cultural Do Corte Inglés Santiago. Coa colaboración da Sociedade Española do Sono (SES).

Case a metade das persoas maiores refiren problemas co seu sono e a súa causa está lonxe de ser o propio envellecemento. Dado o gran número de adultos maiores con problemas e trastornos do sono, a súa relación cun incremento na morbilidade e mortalidade e o coñecemento de que a maioría poden ser abordadas e tratado, a Sociedade Española do Sono desexa, con motivo do Día Mundial do Sono, concienciar tanto os cidadáns coma os profesionais da saúde da necesidade de atención sanitaria destes co obxectivo último de diminuír a súa carga mediante a exposición nesta conferencia dos aspectos básicos no sono atribuíbles á idade, os síntomas principais dos distintos trastornos do sono nestas idades e a súa abordaxe terapéutica.

O Ateneo de Santiago programa unha nova conferencia dentro do seu ciclo 'Os luns do Ateneo'. Nesta ocasión, a conferencia leva por título 'Unha mirada polo pasado e presente da Masonería en España' e estará impartida por D. Faustino Merchán Gabaldón, Dr. Enxeñeiro Aeronáutico e Mestre masón da Gran Loxia de España, e D. Emilio Grandío Seoane, Dr. profesor de Historia Contemporánea da USC.

Faustino Merchán naceu en Madrid en 1951. É Doutor en Enxeñaría Aeroespacial e Enxeñeiro do Estado en excedencia. Foi profesor da Universidade Politécnica de Madrid (UPM) e das Escolas Superiores de Enxeñeiros Aeronáuticos e Arquitectura. Ten publicados máis de vinte libros de Enxeñaría e catro de Narrativa. Posúe os premios Luis de Azcárraga e da Fundación Aena, entre outros, e exerceu distintas responsabilidades como Mestre Masón na súa loxia nai e nos graos superiores, como Cabaleiro Elixido Escocés da Gran Loxia de España (GLE).

Emilio Grandío é profesor Titular do Departamento de Historia Contemporánea e de América da Universidade de Santiago de Compostela e é autor de varios libros e artigos sobre a II República, a Guerra Civil e o Franquismo.

O Ateneo de Santiago organiza esta tarde a mesa redonda 'Antonio Casares Rodríguez en claroscuro', que estará impartida por D. Manuel Bermejo, Catedrático de Química Inorgánica da USC, e D. Ricardo Gurriarán, Profesor de IES e Investigador da Fundación 10 de marzo.

Manuel Bermejo foi director do Instituto de Ciencias da Educación da USC (1986-1991) e do Departamento de Química Inorgánica (1993-96) e presidente da Comisión Interuniversitaria de Galicia (1999-2011). As súas liñas de investigación son Fotosíntese e Química de Coordinación de manganeso, Química supramolecular, Historia da Ciencia en Galicia, Patrimonio Histórico-Científico Galego e Mulleres e Ciencia. Ten publicados máis de 300 artigos en revistas científicas internacionais de grande prestixio no campo da Química Inorgánica e/ou Multidisciplinar e en revistas de Divulgación Científica. Tamén publicou e coordinou 20 libros sobre temas de Ciencia e de divulgación científica. Organizou e actuou como Comisario Científico de 5 exposicións sobre temas científicos e de recuperación do patrimonio científico-tecnolóxico, unha das cales recibiu o premio “Ciutat de les arts i de les ciencias” na categoría de Traballos de Divulgación, no marco da Fase Nacional do Programa Física en Acción-Vida no Universo 2001, organizado pola Real Sociedade Española de Física.

Ricardo Gurriarán é licenciado en Educación Física (INEF) pola Universidade Politécnica de Madrid e desenvolve o seu labor docente no IES A. Xelmírez I de Santiago de Compostela desde 1977. Doutorouse en Historia Contemporánea na USC (2004) co traballo «A investigación científica en Galicia (1900-1940): institucións, redes formativas e carreiras académicas. A ruptura da Guerra Civil». Comezou a investigar sobre Valdeorras, a guerra civil e o exilio literario e científico. Participou en varias obras colectivas, foi comisario de diferentes exposicións, forma parte de varios equipos de investigación da USC e da Fundación 10 de marzo e ten publicados máis de cincuenta artigos e media ducia de libros. Actualmente, centra os seus estudos na investigación dos movementos sociais na Universidade de Santiago. Obtivo o Premio Tertuliano Hervella (2003) con Gonzalo Gurriarán (1904-1975); e o Premio da Crítica (2007) coa publicación Ciencia e conciencia na Universidade de Santiago (1900-1936).

O Dr. José Ignacio Carro Otero, presidente da Real Academia de Medicina e Cirurxía de Galicia, imparte na Capela Real do Hostal dos Reis Católicos unha conferencia titulada 'Información médica contida no Liber Sancti Iacobi ou Códice Calixtino'. O acto está organizado pola Fundación La Rosaleda.

José Ignacio Carro Otero é o Presidente da Real Academia de Medicina e Cirurxía de Galicia, na que desempeñou dende 1994 os cargos sucesivos de Bibliotecario, Vicesecretario e Secretario Xeral. Carro Outeiro é licenciado e doutor en Medicina pola Universidade de Santiago de Compostela, universidade na que impartiu, entre outras, materias como Antropoloxía, Bioloxía Humana e da Historia da Medicina. En toda a súa traxectoria publicou numerosos artigos especializados en revistas, nacionais e estranxeiras, e xornais de temática médica e paramédica. Autor tamén de numerosos ensaios e publicacións, pronunciou máis de 890 conferencias en toda España e numerosos países do estranxeiro.

Prégase confirmen asistencia no número 981 569 155 ou no correo electrónico info@fundacionlarosaleda.org

Kenneth Iversjö Diaz, licenciado en Psicoloxía, Master en PNL e Coaching e Hipnose Ericksoniana, imparte no Salón de Actos da Biblioteca pública Ánxel Casal a charla 'Desenvolvemento persoal. Necesidade ou hobby?', dirixida a mulleres e homes interesados no seu desenvolvemento persoal e con curiosidade por saber o que a PNL e o Coaching poden ofrecerlles.

Entrada libre ata completar a capacidade da sala.

O Ateneo de Santiago programa para esta tarde a conferencia “A ciencia española entre a polémica e o exilio”, que estará impartida por D. Ernesto García Camarero, Matemático e Historiador da ciencia.

Ernesto G. Camarero é Matemático e informático (Universidades de Madrid e Roma) e Historiador da ciencia formado baixo a dirección de Julio Rey Pastor, con quen traballou no Instituto de Cálculo do Consello Superior de Investigacións Científicas de Madrid e de quen foi o seu principal colaborador no Seminario de Historia da Ciencia da Universidade de Madrid, cando era reitor Pedro Laín Entralgo. Despois da súa especialización en cálculo electrónico no INAC de Roma, pasa máis tarde a Bos Aires, ao Instituto de Cálculo de dita Universidade, na que desempeña o labor de profesor de programación e xefe de programadores da primeira computadora electrónica instalada en América Latina. Foi profesor da Universidade Nacional do Sur (Bahía Blanca, Arxentina) e asesor matemático do proxecto CEUNS de deseño e construción dun ordenador electrónico. Foi contratado en 1963-1966 pola Organización dos Estados Americanos como catedrático para colaborar nun programa da UNESCO para organizar o Departamento de Matemáticas do Instituto de Ciencias da Universidade Nacional de Asunción, onde foi profesor de Álxebra de Boole, Álxebra Lineal, Análise numérico e Programación lineal (1964-1966), e desde o seu regreso a España en 1967 ten sido profesor de varias Universidades de Madrid. Desenvolveu proxectos de investigación como, por exemplo, a tradución automática, a automatización dos procesos de deseño arquitectónico, a representación do coñecemento mediante Redes Semánticas e a súa aplicación ás Bases de Datos, a automatización da Biblioteca Nacional (SABINA) ou a elaboración e edición electrónica en CD-I dunha enciclopedia sobre temas americanos, entre outros. Ten publicados máis dun centenar de traballos entre artigos, comunicacións a Congresos e libros nas áreas de informática, lingüística computacional, automatización de bibliotecas, álxebras, teoría de autómatas, arte computacional e historia da ciencia, e pronunciou numerosas conferencias sobre temas históricos. Foi Presidente da Sociedade Española de Historia das Ciencias, membro do comité de dirección e socio de varias Sociedades científicas e profesionais, así como membro do Comité de Programa de numerosos Congresos e Conferencias nacionais e internacionais.

Desde 1954 dedica parte da súa actividade ao estudo da Historia da Ciencia, orientado cara a historia da ciencia española, especialmente á cartografía (séculos XIV-XVII), ás matemáticas (séculos XVI-XIX) e á investigación científica en España (séculos XVIII-XX). Obtivo unha bolsa March para estudar a produción cartográfica da Escola mallorquina, creadora no século XIV dos mapas portolanos, actividade que o leva a percorrer as principais bibliotecas de Italia, Francia, Inglaterra e Alemaña, onde se conservan mapas portolanos orixinais. O resultado desta actividade é a publicación de varios artigos sobre o tema, así como dun libro, en colaboración con Rey Pastor, titulado La Cartografía Mallorquina (1960), no que se recollen as descricións de 400 mapas datados e asinados en Mallorca. Sobre a ciencia española contemporánea, realizou varios traballos sobre a Xunta de ampliación de Estudos, sobre os científicos exiliados con motivo da guerra civil de 1936 e sobre a polémica da ciencia española. Como asesor do Ministerio de Educación e Ciencia, realizou en 1984 un estudo sobre os científicos españois contemporáneos que traballan no estranxeiro. Tamén foi asesor histórico científico da serie de programas de televisión producidos por TV.E. titulada «ALBERT EINSTEIN» (1982).

Con motivo da celebración do Día da Terra, o enxeñeiro técnico industrial Daniel Regueiro Grela imparte unha conferencia sobre aforro enerxético doméstico no Salón de actos da Biblioteca pública Ánxel Casal.

No marco da mostra RSME-IMAGINARY-Santiago, Ángel Gabilondo Pujol, catedrático de Metafísica da Universidade Autónoma de Madrid, imparte a conferencia 'Sentidos e límites da utilidade: o coñecemento e a ledicia de vivir' no Paraninfo da Facultade de Xeografía e Historia.

Fronte a unha visión que reduce o alcance de algo á súa utilidade, trátase de establecer outros conceptos sobre o sentido do que facemos. A rendibilidade social modifica a lectura convencional do rendible e móstranos que o verdadeiro saber, a axeitada sabedoría procura benestar e favorece a ledicia de vivir. O encontro de René Descartes co matemático Isaac Beeckman proponse como unha ocasión para mostrar a importancia do desafío do pensar e a incidencia do coñecemento na creación de mellores formas de vida.

O Ateneo de Santiago programa na Rúa do Vilar, 19, a conferencia 'A importancia e prioridade da prevención no combate á corrupción', que estará impartida por D. Carlos Varela, Fiscal Xeral de Galicia.

Natural de O Carballiño, Carlos Varela é Licenciado en Dereito pola USC. Ingresou na carreira fiscal en 1985 e no ano 2004 foi nomeado Fiscal Superior de Galicia. Desde 2009 é Fillo Adoptivo de Cangas e recibiu o premio Lois Peña Novo en 2001. Tamén é membro de varias entidades como a Irmandade Xurídica Galega, o Foro Peinador ou a asociación Amigos do Couto Mixto. Colaborou na persecución dos delitos contra o patrimonio histórico e na mellor protección de menores e incapacitados e impulsou a mediación familiar así como un amplísimo estudo coordinado pola súa fiscalía e realizado pola Garda Civil de Tráfico que constatou o carácter intencional da maior parte dos incendios forestais pero descartando a existencia significativa de organizacións delitivas. Do mesmo xeito priorizou a preparación dunha demanda colectiva, inédita no Estado, que persegue a anulación, por vicios do consentimento outorgado, da maior parte dos contratos para a adquisición de participacións preferentes á banca, pretendendo a restitución do diñeiro a miles de aforradores galegos.

'Onde hai música' é un proxecto divulgativo que trata de achegar os múltiples mundos, historias e realidades que, nas máis das veces, quedan ocultas detrás do formalismo e rigor das institucións e os seus espazos.

Por iso, nesta quenda piloto de actividades abriremos as portas dos espazos tradicionalmente musicais: o mércores levaremos ó compositor Fernando Buide ó Conservatorio Profesional de Música de Santiago.

E invitaremos a chocolate ou café a todos os asistentes!

As charlas son gratuítas.

E o que é máis importante, procurando o acceso de todos os públicos.
Pois dende a Fundación Galicia Sustentable seguimos a traballar na nosa liña de divulgación; neste caso tratando de mostrar a música como parte do desenvolvemento integral dos potenciais de Galicia.

O Ateneo de Santiago programa esta tarde na Rúa do Vilar, 19, unha conferencia para conmemorar o Día das Letras Galegas, que se titulará 'Roberto Vidal Bolaño: unha vida para o teatro' e que estará impartida por Laura Tato, Profesora Titular da UDC.

Laura Tato Fontaíña é Licenciada en Filoloxía Románica pola Universidade de Santiago e Licenciada e Doutora en Filoloxía Galego-Portuguesa pola Universidade da Coruña, onde traballa como Profesora Titular.

Como liña de investigación principal ten o teatro galego e, dentro dela ten publicado, entre outros traballos, as monografías Teatro e Nacionalismo. Ferrol, 1915-1936  en 1994 (Premio de Investigación Literaria ‘Ricardo Carvalho Calero’), Teatro galego (1919-1931) en 1997, Historia do teatro galego. Das orixes a 1936 en 1999 e Roberto Vidal Bolaño. Unha vida para o teatro en 2013. Tamén preparou a edición crítica de obras e textos dramáticos que estaban perdidos como Donosiña de Xaime Quintanilla en 1997, o Teatro galego de Luís Manteiga en 2003 ou Textos recuperados. De Galo Salinas a Castelao, en colaboración con Iolanda Ogando, en 2012.

Como segunda liña de investigación, estuda a Lírica Medieval Galego-Portuguesa, e, entre as súas publicacións, podemos citar O Cancioneiro de Pero Meendiz da Fonseca. Edición crítica (2007) e A edición da Poesía Trobadesca en Galiza (2008).

O Paraninfo da Universidade, na Facultade de Xeografía e Historia, acolle esta tarde unha nova entrega do ciclo 'Conversas líricas no Paraninfo'. Nesta ocasión, Miguel Ángel González Barrio impartirá unha conferencia sobre Wagner.

O Ateneo de Santiago programa para esta tarde a conferencia titulada 'A construción de personalidades neoliberais desde o sistema educativo', que estará impartida por D. Jurjo Torres, Catedrático de Didáctica da Universidade da Coruña.

Jurjo Torres foi profesor nas Universidades de Salamanca e Santiago así como profesor visitante na Universidade de Wisconsin-Madison. A miúdo imparte cursos e seminarios en numerosas universidades nacionais, europeas e latinoamericanas. As súas liñas de investigación son as análises sociopolíticos do currículo, as políticas educativas, o currículo integrado, o currículo antidiscriminación, o multiculturalismo e a formación do profesorado. Ten publicados libros en varios idiomas como Pra unha educación preescolar galega (Premio Alexandre Bóveda en 1978), El curriculum oculto (2005, 8ª edición), A Educação Infantil (1991), Globalización e interdisciplinariedad: El curriculum integrado (2006, 5ª edición), Un currículo optimista fronte á desmemoria e o fatalismo (2001), Educación en tiempos de neoliberalismo (2007, 2ª edición), La justicia curricular. El caballo de Troya de la cultura escolar (2011) ou Globalisms and Power (2012), así como numerosos traballos en distintas publicacións colectivas. Colabora habitualmente en revistas especializadas, entre as que destacan Cuadernos de Pedagogía, Pedagogy, Culture & Education, Kikirikí, Currículum Sem Fronteiras, A Página da Educação, Aula de Infantil, Revista Brasileira de Educação, Aula de Innovación Educativa, Teias, In-fan-cia e Signos. Teoría y Práctica de la Educación.

O Auditorio do Conservatorio Profesional de Música de Santiago acolle esta tarde unha charla a cargo de Marisol Mendive, profesora de órgano do Conservatorio de Ourense, único centro en Galicia con cátedra de órgano.

Marisol Mendive conta cunha longa experiencia como docente e cunha rica actividade concertística. Discípula da gran Monserrat Torrent, colaborou recentemente nas I Xornadas de órgano Mariano Tafall celebradas en Santiago de Compostela, cun concerto por parte dos seus alumnos e visita guiada aos órganos da cidade, así como cun concerto didáctico para difundir o valor deste instrumento ás veces descoñecido.

Este venres 24 de maio teremos a oportunidade de que nos informe sobre como están os estudos de órgano en Galicia.
. Onde se pode estudar órgano?
. Como e cando escoller este instrumento?
. E todo o que necesites saber acerca deste tema