Comeza a XXVI edición de Cineuropa, o Festival Internacional de cine organizado pola Concellaría de Cultura de Santiago que este ano se prolongará ata o 30 de novembro cunha programación que inclúe proxeccións cinematográficas en distintas salas, concertos e diversas actividades complementarias.

Podes consultar o programa completo aquí

“Cada novembro, composteláns e cinéfilos de Galicia, sentámonos fronte a unha pantalla de pantallas porque Cineuropa é, en si mesma, unha película que dura case todo este mes. Cada día é un episodio, unha historia en progresión que nos ofrece a posibilidade de descubrir osos, palmas, leóns, leopardos, cunchas ou espigas de ouro moito antes de que poida facelo un cidadán de calquera outra gran capital.

Cineuropa é unha invitación á aventura de coñecer os cineastas que van ser vangarda inmediata, moitas veces antes de que eles mesmos sexan conscientes da súa condición de autores do futuro, de ter encontros directos cos autores, e de recuperar o pracer do cinema como motor de ideas, de debates... Antes, nos cineclubs falábase do cinema como catarse. Quizais se trata tan só de retomar o goce da conversación despois de que unha película non te deixe indiferente. E en Cineuropa non cabe o cinema “indiferente”.

Nesta película que é o noso festival podemos saudar a quen, vinte e seis anos despois, son xa como vellos amigos a través das súas obras: este ano coñeceremos o máis recente de Bertolucci, Resnais, Oliveira, Haneke, Kiarostami,  Bellocchio, tantos e tantos; e farémolo en moitos casos en rigorosa primicia nacional como a película inaugural desta vixésimo sexta edición de Cineuropa, Bela addormentata, recentemente estreada na Mostra de Venecia, en setembro. E chegarán novos invitados: premiamos esa estreita relación entre cinema e música, na figura de Najwa Nimri, e a vangarda do cinema europeo, a través do outro galardón Cineuropa que este ano será entregado a Pedro Costa.

Un festival non arraiga se non se parece á cidade na que medra. Esa empatía de Santiago e o seu festival de cinema fálanos dunha cidade que se afirma nas súas raíces, como o cine o fai nos seus clásicos, para mirar cara ao futuro, do mesmo xeito que o festival se reinventa e aposta polo risco.

A cidade transfórmase e móvese, Cineuropa está en sintonía con esa evolución. Por iso, o noso festival, ao que apoiamos fronte á intemperie, sentímolo cada ano máis novo, máis vigoroso. Porque se retroalimenta do pulso cultural, das ilusións, como transferencias, dunha afección ao cinema que resiste e que cada novembro toma a rúa para identificarse co calor do seu festival e co inverno dos seus soportais.

Cineuropa é unha película de películas cuxo desenlace, e nisto si que me permito volver ao clasicismo, adoita ser un final feliz. Celebremos que nestas tres semanas Compostela será, de novo, a cidade do cinema. E deixemos que a película dure, para que o noso festival, patrimonio asentado xa de todos, volva sentirse orgulloso do latexo artístico e vital da súa cidade".

Ángel Currás Fernández
Alcalde de Santiago de Compostela

Cineuropa é o máis importante encontro de cinema da cidade. O esquema de festival non competitivo está perfectamente consolidado nunha cidade que todos os novembros vibra ao ritmo das bobinas cinematográficas.

PROGRAMA DO DÍA

** Teatro Principal
- 16.00 h. Noite escura Retrospectiva João Canijo
- 17.45 h. The Imposter Panorama Internacional
- 19.30 h. The Hunt Sección Oficial
- 21.30 h. A Royal Affair Sección Oficial
- 00.00 h. O gebo e a sombra / 101 Sección Oficial

** Salón Teatro
- 16.00 h. Sapatos pretos Retrospectiva João Canijo
- 17.45 h. Great Expectations Sección Oficial
- 20.15 h. Paradise: Love Sección Oficial
- 22.30 h. Paradise: Faith Sección Oficial

** Auditorio de Galicia Sala Mozart
Creadoras Galegas de Imaxe II Audiovisual Galego
- 18.00 h. Presentación das proxeccións por parte das directoras Sandra Sánchez / María Ruido / Margarita Ledo
- 18.30 h. Proxeccións
Sandra Sánchez Tralas luces
María Ruido ElectroClass
Margarita Ledo Apuntamentos para un filme: A cicatriz branca
Mesa redonda. Modera: Encarna Otero Cepeda
Sandra Sánchez / María Ruido / Margarita Ledo

+ info aquí

O Centro Cultural Novacaixagalicia en Santiago presenta a última película do ciclo 'Pinceladas de cine'. A cita será esta tarde con O Greco, e haberá, como vén sendo habitual, un único pase ás 20:30 h coa entrada gratuíta ata completar capacidade.

O centro de Novacaixagalicia, situado na rúa do Vilar, proxectou, en total, seis películas de diferentes épocas, estilos e directores que teñen como denominador común a arte e os seus artistas. O tormento e a éxtase, Séraphine, O Greco, A moza da perla, O sol do marmelo e O tolo do pelo vermello son os títulos que abordan as vidas de Vincent Van Gogh, Miguel Anxo, Antonio López, O Greco, Vermeer e Séraphine de Senlis e que completan o ciclo.

O Greco, producida en España no ano 2007 por Yannis Smaragdis, mostra a vida deste artista desde os seus inicios como pintor de iconas na illa de Creta ata o seu triunfo en Toledo. Co nome de Domenikos Theotokopoulos, marcha da súa terra natal en Creta logo dunha dramática matanza en que os cretenses se enfrontan ás forzas ocupantes da República de Venecia. O Greco trasládase a Venecia e, aínda que desexa a independencia de Creta, entende que debe seguir o seu destino se quere prosperar como artista. Ademais, o seu romance coa filla do gobernador veneciano sitúao nunha situación perigosa de permanecer na illa. Xa en Venecia, entra no taller do vello pintor Tiziano, quen lle aconsella moita prudencia co trato que poida dar aos poderosos. Alí coñece un relixioso español, o futuro cardeal Fernando Niño de Guevara, quen axiña aprecia o seu talento e lle suxire que se dedique á pintura relixiosa dun xeito máis moderado e menos perigoso. O argumento da película omite a estadía do Greco en Roma e o seu intento de traballar para Filipe II de España no mosteiro do Escorial, e pasa directamente á etapa do artista en Toledo na que recolle o seu conflito co cabido da catedral polo cadro O espolio. O novo cardeal Niño de Guevara intervén na defensa do pintor; desde entón o relixioso tenta controlar a vida e o estilo do artista para orientalo cara a unha pintura máis ortodoxa. A relación entre O Greco e Niño de Guevara vólvese cada vez máis complicada, sobre todo polo labor inquisidor que este exerce sobre a obra do pintor, e que mesmo levará o pintor a testificar perante un tribunal inquisitorial.

A estrea da película en España ten lugar logo de arrasar na carteleira helena e de participar no Festival de Toronto. O actor teatral Nick Ashdon debuta na gran pantalla coa difícil tarefa de dar vida ao célebre pintor, con que o une un parecido sorprendente nalgunhas escenas. A banda sonora corre a cargo do compositor Vangelis.

Cineuropa é o máis importante encontro de cinema da cidade. O esquema de festival non competitivo está perfectamente consolidado nunha cidade que todos os novembros vibra ao ritmo das bobinas cinematográficas.

PROGRAMA DO DÍA

** Teatro Principal
- 16.00 h. O gebo e a sombra /101 Sección Oficial
- 18.15 h. 4:44 Last day on earth Panorama Internacional
- 19.45 h. Sangue do meu sangue
Sección Oficial e Retrospectiva João Canijo
presentación do director João Canijo e debate
- 23.45 h. Citadel Fantastique Compostela

** Salón Teatro
- 16.00 h. Ganhar a vida Retrospectiva João Canijo
- 18.00 h. Noite escura Retrospectiva João Canijo
- 19.45 h. The Hunt Sección Oficial
- 22.00 h. Barbara Sección Oficial
- 23.45 h. Paradise: Faith Sección Oficial

+ info aquí

O Cineclube de Compostela fecha o ciclo sobre o movemento punk, que ocupou todo o mes de novembro, coa proxección esta noite dun filme de ficción, Out of the blue (Canadá, 1980), o terceiro título dirixido por Dennis Hopper. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Cun título sacado da letra da canción de Neil Young "My My, Hey Hey", o filme centrase en Cebe, unha adolescente rebelde, apaixoada por Elvis Presley e da música punk rock, marcada polo accidente de tránsito que levou ao seu padre a prisión e pola vida coa súa nai, adicta e temperamental. Cando o pai saia da cadea, nin Cebe será a nena que fora outrora nin a vida será como era antes.

De pano de fondo do filme, asistimos á escena punk-rock de Vancouver dos anos oitenta. A fita percorre algúns dos espazos máis emblemáticos da época, como o Ridge Theatre, Varsity Lanes, Chinatown, ou o Viking Hall, e mesmo inclúe unha actuación dos Pointed Sticks.

Cunha montaxe case caótica, que  mestura de improvisacións e longos planos secuencia e lembra certos filmes americanos dos 70, Hopper utiliza nesta fita os clixés fotográficos do american way of life e as situacións convencionais do filme de redención para dinamitalos desde dentro. Os personaxes de Out of the Blue non poden crer no soño americano e ao longo de todo o filme desenvolvese unha sensación previa ao estoupido, levados por unha enerxía destrutiva co lume sempre a piques de prender.

Máis coñecido polo seu traballo como actor (aínda que tamén se ten dedicado á pintura, á fotografía e á poesía), Dennis Hopper (1936-2010) iniciouse na dirección cinematográfica con Easy Rider (1969), aclamada pola crítica polo seu uso da improvisación e a súa novidosa montaxe. Seguiulle O último filme (1971), que a pesar de gañar o primeiro premio no Festival de Venecia, significou un fracaso de crítica e público nos Estados Unidos. Isto, sumado á fama de actor “difícil”, mantivoo apartado da dirección durante case dez anos, e a súa carreira de intérprete desenvolveuse durante ese tempo en filmes europeos ou de baixo presuposto, co apoio tamén de directores como Wim Wenders (O amigo americano) ou Francis Ford Coppola (Apocalypse Now). Con Out of the Blue regresa á dirección, pero volverá a apartarse dela outros oito anos, até que dirixe Colores (1988), o filme co que volvería a gañar a aclamación de crítica e público. A este seguirían filmes menores, como Catchfire (1990, asinado como Alan Smithee), The Hot Spot (1990) e Chasers (1994). O seu último título, Homeless (2000), é unha curtametraxe de ficción sobre a vida dunha muller sen teito.

A vindeira semana, o Cineclube vai anunciar a programación para o mes de decembro, que comezará coa proxección da mediametraxe Alameda (1978) e dalgunhas curtametraxes de Juan Sebastian Bollaín, realizador experimental sevillano.
O filme vai ser proxectado na súa versión orixinal con subtítulos en galego. A entrada é de balde, puidendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Cineuropa é o máis importante encontro de cinema da cidade. O esquema de festival non competitivo está perfectamente consolidado nunha cidade que todos os novembros vibra ao ritmo das bobinas cinematográficas.

PROGRAMA DO DÍA

** Teatro Principal
- 16.00 h. Citadel Fantastique Compostela
- 17.30 h. Barbara Sección Oficial
- 19.30 h. Like someone in love Panorama Internacional
- 21.45 h. Película sorpresa
- 00.00 h. 4: 44 Last Day on earth Panorama Internacional

** Salón Teatro
- 16.00 h. Pela del Álamo Nacional VI Audiovisual Galego
- 18.00 h. Marcos Nine La Brecha Audiovisual Galego
- 20.00 h. Paradise: Love Sección Oficial
- 22.15 h. Paradise: Faith Sección Oficial

** CGAC
- 17.15 h. Trabalho de actriz, trabalho de actor Retrospectiva João Canijo
- 18.45 h. Noite escura Retrospectiva João Canijo
- 20.30 h. Magical Mistery Tour Docs Music
- 21.30 h. Sonia Méndez, Xacio Baño e Xudas Diz
Angélica y Roberta Audiovisual Galego
- 22.15 h. Eloy Dominguez Serén
Hijos de Sansón / Carta 1
Marcos Nine Carta 2
Eduardo Maragoto, Vanessa Vilaverde e João Aveledo
Em companhia da morte Audiovisual Galego

+ info aquí

A Fonoteca da Facultade de Ciencias dá Comunicación programa esta tarde unha nova xornada do ciclo cinematográfico e musical 'Música en Imaxes', na que se proxectará 'The commitments', película dirixida por Alan Parker en 1991.

SINOPSE
Alan Parker sorpréndenos con esta película sobre unha banda de soul de Dublín, que chegou a ser nº 1 nas listas de éxitos e que supuxo un dos acontecementos musicais máis importantes da historia da música.

Cineuropa é o máis importante encontro de cinema da cidade. O esquema de festival non competitivo está perfectamente consolidado nunha cidade que todos os novembros vibra ao ritmo das bobinas cinematográficas.

PROGRAMA DO DÍA

** Teatro Principal
- 16.00 h. 4:44 Last Day on earth Panorama Internacional
- 17.45 h. The cabin in the woods Fantastique Compostela
- 19.30 h. O gebo e a sombra / 101 Sección Oficial
- 21.45 h. Like someone in love Panorama Internacional
- 23.45 h. Compliance Panorama Internacional

** Salón Teatro
- 16.00 h. Avión, el pueblo ausente Cineuropa Docs
- 17.45 h. Educación física Buenos Aires Connection
- 19.45 h. Papirosen Buenos Aires Connection
- 21.00 h. A Royal Affair Sección Oficial
- 23.30 h. Garaje Olimpo Cult Movies

** CGAC
- 13.00 h. Nachrichten aus der Ideologischen antique: Marx / Eisenstein / O Capital (Noticias da antigüidade ideolóxica)
Retrospectiva Alexander Kluge

+ info aquí

Cineuropa é o máis importante encontro de cinema da cidade. O esquema de festival non competitivo está perfectamente consolidado nunha cidade que todos os novembros vibra ao ritmo das bobinas cinematográficas.

PROGRAMA DO DÍA

** Teatro Principal
- 16.00 h. La comedie de l’innocence Cult Movies
- 18.00 h. Like someone in love Panorama Internacional
- 20.00 h. Clausura oficial
Linhas de Wellington Sección Oficial
- 23.30 h. Maratón
Lvoluten Osken (Hazlo por mi) curtametraxe
The Cabin in the Woods
La estaca del vampiro
Citadel
Compliance
Ghost Story
4:44 Last Day on earth
La araña vampiro
Torture Garden
Película sorpresa

** Salón Teatro
- 16.00 h. Deutschland im Herbs (Alemaña en outono) Retrospectiva Alexander Kluge
- 18.00 h. Summertime Fantastique Compostela
- 20.00 h. A Royal Affair Sección Oficial
- 22.00 h. El último Elvis Buenos Aires Connection

** CGAC
- 17.30 h. Liebe macht hellsichtig!
(O amor fainos sagaces!) Retrospectiva Alexander Kluge
- 20.00 h. Bob Dylan: don´t look back Docs Music

+ info aquí

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

Entre os directores incluídos no ciclo están Hector Babenco, Glauber Rocha, Walter Salles, Jorge Furtado ou Luiz Fernando Carvalho, entre outros.

'O homem que copiava' (2003), de Jorge Furtado

SINOPSE
André é un mozo que vive coa súa nai e traballa na fotocopiadora dunha papelaría. Un día namórase da súa veciña. Decidido a coñecela mellor, André descobre que ela traballa nunha tenda de roupa e, para conseguir un encontro, busca todas as formas de conseguir 38 reais para comprar un vestido.

O ciclo 'Outono lírico compostelán', organizado pola Asociación de Amigos da Ópera de Santiago, chega esta tarde á súa fin coa proxección gratuíta, no Hotel Araguaney, da gravación 'Callas en París 1958'.

Con motivo do seu 89 aniversario e para conmemorar a máis famosa soprano do século XX, exhibirase gratuitamente o concerto do seu debut en París en 1958, retransmitido no seu momento con carácter internacional, e sendo un dos eventos mediáticos de maior transcendencia daquel ano. Aproveitando a reaparición das fitas orixinais, compartirase este tesouro que ata agora estaba ao alcance de moi poucos.

Novacaixagalicia proxecta a película de animación galega 'O Apóstolo' no seu Centro Cultural compostelá da rúa do Vilar. As sesións serán ás 12.00 e ás 20.00 h todos os mércores, venres, sábados e domingos, ata o 6 de xaneiro.

As sesións matinais están dirixidas a escolares e o importe da entrada é de 2 € por asistente, previa reserva nos teléfonos 695.799.798/ 616.871.886/ 981.565.376; as sesións das tardes estarán abertas ao público xeral, o importe a aboar é de 3 € por butaca. Os asistentes ao filme poderán participar coa súa entrada no sorteo dunha viaxe para dúas persoas a través do Camiño de Santiago, partindo de Sarria.

A caixa súmase a esta iniciativa como parte da súa estratexia de apoio e promoción ao cinema e á industria audiovisual galega. A entidade colaborou, ademais, no proceso de produción da banda sonora do filme a través do seu Orfeón Terra A Nosa.

'O Apóstolo', de íntegra produción galega e con subtítulos en inglés, ten entre os seus méritos ser a primeira película europea realizada en animación stop-motion estereoscópica, ademais de ter comezado o seu percorrido internacional o pasado mes de xuño no Festival Internacional de Cine de Moscova, que por primeira vez presentou unha fita de animación para competir na Sección Oficial. Recibiu tamén o Primeiro Premio no Festival EXPOTOONs de Bos Aires, o galardón audiovisual máis recoñecido de América Latina, e o Gran Prix do Festival CINEHORIZONTES de Marsella. Estes galardóns avalan a calidade desta película que conta coa interpretación de actores como Geraldine Chaplin, Jorge Sanz, Paul Naschy, Carlos Blanco, Luís Tosar, Celso Bugallo, Isabel Blanco ou José Manuel Olveira, Pico. Todos eles defenden unha historia na que un convicto recentemente fuxido do cárcere tratará de recuperar un botín agochado, anos atrás, nunha solitaria e afastada aldea; pero o que alí encontrará supón unha condena aínda maior da que fuxiu. Sinistros anciáns, estrañas desaparicións, espíritos, un peculiar sacerdote e ata o mesmo arcipreste de Santiago cruzarán os seus camiños nun relato de terror, humor e fantasía. Nos catro anos que durou a produción do proxecto déronse cita profesionais da talla de Philip Glass, que participou na composición da banda sonora, ou os máis de cen técnicos internacionais que participaron en películas do nivel de A noiva cadáver, Coraline ou O señor dos aneis.

Máis información en www.obrasocialncg.com / www.oapostolo.es ou en Artefacto Producciones (695799798).

O Cineclube de Compostela abre o mes de decembro cunha selección de pezas dirixidas polo cineasta experimental e arquitecto sevillano Juan Sebastián Bollaín. En concreto, esta noite poderemos ver a súa mediametraxe A Alameda (La Alameda, 1978) e as curtametraxes Sevilla tivo que ser (Sevilla tuvo que ser, 1978), Sevilla en tres niveis (Sevilla en tres niveles, 1978) e A cidade é o recordo (La ciudad es el recuerdo, 1978). A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Juan Sebastian Bollaín, nado en Madrid en 1945, combina desde os anos 70 a partes iguais a práctica de arquitecto e a de cineasta, dirixindo tres longametraxes (As dúas beiras, 1987, Dime unha mentira, 1992 e Belmonte,1995) e numerosas curtametraxes e programas de televisión. Nas pezas que se poderán ver no Cineclube, froito do gusto do cineasta polo surrealismo e por Buñuel, Bollaín experimenta coa capacidade do medio audiovisual para transmitir, cunha linguaxe experimental, conceptos arquitectónicos.

Bollaín pensa que outro mundo e outro cinema son posibles, e amósao a través dos seus títulos. É capaz de transformar un Plan Xeral urbanístico nunha aventura, nun parque temático, e implícase, comprometido, co cinema e coa vida, sen establecer divisións entre a arte pola arte e o cinema social. Nos seus filmes todo é cinema popular: son soños, mais reais, con raizame na terra. E tampouco é complacente, provoca ao espectador e obrígao a reaccionar.

En A Alameda, o título máis longo dos que compoñen esta sesión, Bollaín trata a vida cotiá no “barrio chinés” de Sevilla a finais do 78, un espazo resistente da cidade, naquel momento ameazado pola proposta de remodelación do bulevar. Pola fita, que mostra o final dun modo de vida e de organización social, desfilan rostros, espazos e voces da historia da cidade: prostitutas, chulos e merodeadores, prostíbulos luxosos e bares de artistas e flamencos, solares convertidos en patios de derribo e o casino, El Pali, Antonio Mairena e outros rostros populares do barrio... Bollaín volvería vinte anos despois ao mesmo barrio, para gravar A Alameda 98, fita coa que se pecha a crónica da transformación total deste espazo.

Ademais desta mediometraxe, proxectaremos tamén Sevilla tivo que ser, unha ensoñación que constrúe unha Sevilla con porno "normalizado”, edificios fálicos e monumentos ao café con leite; Sevilla en tres niveis, onde se nos presenta unha cidade dividida socialmente entre os marxinados, que viven nas azoteas, e a xente "normal" e traballadora a nivel do chan; e A cidade é o recordo, con imaxes de Sevilla transformadas por unha banda sonora que mestura música clásica, badaladas e son ambiental.

Os filmes van ser proxectados na súa versión orixinal. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O director galego Darío Autrán presenta no Salón Teatro a súa película 'Tilda & Jean', a primeira entrega da 'Triloxía dos Fíos', un proxecto co que este guionista e actor irrompe con forza na cinematografía galega.

Darío Autrán dirixe, escribe, protagoniza e produce 'Tilda & Jean'. Completan a repartición Alba Messa ('A ópera dos tres reás', 'Summertime', ' Os Atlánticos'), Carlos Blanco ('O apóstolo', 'Volver', 'Mareas vivas') e Iria Pinheiro ('Freud e compañía', 'A vida por diante').

'Tilda & Jean' é a primeira película escrita, dirixida, protagonizada e producida por Darío Autrán, quen nos propón unha historia de amor inquietante, un discurso aberto a varias interpretacións e formas de entendela. Dende a xente que se sentirá próxima á personalidade de Tilda a outros que verán en Jean un exemplo a seguir. Sempre dende a óptica da creación, e as dificultades que isto entraña, a película somérxenos nun mundo novo e descoñecido. Completan a repartición desta fita destacados nomes da escena como Carlos Blanco, Iria Pinheiro, Mónica de Nut, Ariadna Santana, Uxía Morán e Alba Messa como coprotagonista xunto a Darío Autrán.

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

Entre os directores incluídos no ciclo están Hector Babenco, Glauber Rocha, Walter Salles, Jorge Furtado ou Luiz Fernando Carvalho, entre outros.

'Terra Estrangeira' (1996), de Walter Salles

SINOPSE
Nos anos 90, o plan económico do goberno Collor afunde o país no caos. Sen perspectiva de vida nun Brasil tomado pola desesperanza, Paco decide viaxar a Portugal, tras a morte da súa nai, levando un misterioso paquete.

O Cineclube de Compostela acolle unha nova sesión coa proxección, esta noite, Doutro xeito, Molussia (Autrement, la Molussie, Francia, 2012), un documental abstracto de Nicolas Rey, en nove capítulos presentados de maneira aletoria, que ven de gañar o Gran Premio do prestixioso festival Cinema do Real este 2012. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Doutro xeito, Molussia é un filme baseado na novela “sobre a mecánica do fascismo” A catacumba de Molussia, escrita por Günther Anders nos anos trinta e salvada na súa primeira versión polo editor de Bertolt Brecht, que o fai pasar por un caderno de viaxes por diante da Gestapo. Anders rematará o libro no exilio, en 1938, mais non atopa ningún editor que o queira publicar, e unha vez remata a guerra, considera que a novela xa non ten interés. Non será até 1992, daquela, tras a morte de Anders, cando o libro se publique.

Desta novela, que non lera e que nin sequera podía ler, por non estar traducida e non coñecer o alemán, Nicolas Rey decidiu facer un filme, por unha “cuestión de confianza”. Coa selección e tradución de capítulos do libro feita por un seu amigo, Rey comeza a gravar imaxes do país imaxinado por Anders, asociando as imaxes e os rexistros sonoros ás pasaxes do libro.

Como mapa para percorrer esta xeografía de Molussia, o azar. Algúns planos do filme están rodados cun mecanismo activado polo vento, sen ningunha intervención humana. Os propios capítulos nos que se divide a fita preséntanse de maneira aleatoria, de xeito que cada proxección é completamente distinta. E as topografías marcadas por este azar trázanse sobre unha película de 16 milímetros caducada, da que Rey se serve para conseguir unha imaxe granulada, atemporal, “fascinante como un cadro de Caspar David Friedrich”.

Nicolas Rey, nacido en 1968, non ten a ver co seu parónimo americano, para alén da profesión de cineasta. Dirixe filmes desde 1993, e en 1995 cofunda o laboratorio colectivo de cinema L’Abobinable, en París. En 2001, remata a súa primeira longametraxe, Os soviets máis a electricidade, que conta a súa viaxe a través da antiga Unión Soviética tras as pegadas do seu pai comunista. A este filme seguiránlle Schuss! (2005), sobre o declive económico da industria nos vales alpinos e Doutro xeito, Molussia, o seu último título até a data.

Os seus filmes combinan a miúdo elementos da fotografía, o cinema documentario e o cinema experimental, usando en moitas ocasións película caducada de Super 8 ou 16 milímetros. Segundo Christa Blümlinger, Rey “renova as tradicións artísticas e artesanais do cinema, atopando nas técnicas e os mateirais vellos un lugar para a renovación plástica”.

O vindeiro mércores 19 de decembro, o Cineclube vai fechar a programación do ano coa proxección do filme de J. P. Sniadecki Demolición (拆迁 [Chaiqian] / Demolition, China / EUA, 2008), un retrato dos espazos urbanos, o traballo emigrante e as efémeras relacións sociais no centro de Chengdu, a capital da provincia de Sichuan na China occidental. Tras esta proxección, o Cineclube realizará o habitual descanso das festas de inverno para regresar o 9 de xaneiro do ano vindeiro con renovadas forzas.

O filme vai ser proxectado na súa versión orixinal con subtítulos en galego. A entrada é de balde, puidendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

Entre os directores incluídos no ciclo están Hector Babenco, Glauber Rocha, Walter Salles, Jorge Furtado ou Luiz Fernando Carvalho, entre outros.

'Lavoura Arcaica' (2001), de Luiz Fernando Carvalho

SINOPSE
Nunha atmosfera brasileira, pero dominada por un sopro da tradición clásica mediterránea, é a versión ao revés do fillo pródigo. Drama tráxico da eterna loita entre a tradición e a liberdade, baixo o escudo do tempo.

O Cineclube de Compostela pecha o ano 2012 coa proxección, esta noite, do filme de J. P. Sniadecki 'Demolición' (Chaiqian / Demolition, China / EUA, 2008), un retrato dos espazos urbanos, o traballo emigrante e as efémeras relacións sociais no centro de Chengdu. Tras esta proxección, o Cineclube realizará o habitual descanso das festas de inverno para regresar o 9 de xaneiro do ano vindeiro con renovadas forzas. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Demolición céntrase sobre unha zona de derrubo no centro de Chengdu, a capital da provincia de Sichuan na China occidental, unha axitada cidade representativa da transformación rápida e radical de moitos centros urbanos chineses. Cunha combinación dunha estética rigorosa (nomeadamente no uso dos planos longos) e unha mirada humana ao traballo emigrante e os fluxos de dinámicas sociais, o filme segue a vida dos traballadores no choio e no lecer, incluíndo os comentarios dos operarios sobre o que é ser filmados e as brincadeiras sobre o “tipo de Harvard” que está por trás da cámara.

O resultado é unha etnografía detallada e sensual. A través da observación e as cualidades da fotografía dixital, Demolición introdúcenos no mundo dos traballadores migrantes chineses e da paisaxe en rápida mudanza urbana de Chengdu. Sniadecki explora as interaccións entre os membros da ‘poboación flotante’, os residentes da cidade e el propio para profundizar nas desigualdades da natureza transitoria da experiencia urbana.

Este filme, e o resto de traballos de Sniadecki, sitúanse no marco, do Sensory Ethnography Lab (SEL), unha iniciativa da Universidade de Harvard que apoia combinacións innovadoras de estética e etnografía, implantar práticas orixinais de explorar a existencia humana e animal e a estética e ontoloxía do mundo natural. Os traballos dos cineastas do SEL poden pórse en relación co de documentalistas como Peter Hutton, James Benning ou Sharon Lockhart, especialmente polo uso habitual dos planos longos, se ben non de maneira tan extrema como aqueles. Con todo, existe unha diferencia fundamental: nos filmes do SEL, as persoas adquiren importancia, converténdose en personaxes tan relevantes como o propio escenario. Os directores do SEL, como Sniadecki, Stephanie Spray, Véréna Paravel ou Arno Danusiri non asumen un distanciamento con respecto á xente que aparece no encadre, senón que se posicionan dentro dunha comunidade específica que os recoñece e entende o que están a facer coa filmación.

Demolición acadou o premio Joris Ivens no Festival de Cinema do Real de 2009, e ten participado en prestixiosos certames como a Viennale e o Shadow Festival en 2008, o Festival de Documental de Bos Aires Documentary de 2009, o Punto de Vista de 2010 e o 3º Festival de Cinema Independente de Beijing.

J.P. Sniadecki, director de cine e doutorando en Antropoloxía pola Universidade de Harvard, está especializado na sociedade china e na etnografía sensorial. O seu primeiro filme, Songhua (2007), reflicte a íntima e complexa relación entre os habitantes de Harbin e o río Songhua, a medio camiño entre a tradición e un presente que muda rapidamente. Despois de Demolición (2008), o seu segundo filme, realiza, xunto coa tamén antropóloga e cineasta Véréna Paravel, Foreign Parts, sobre unha zona industrial a piques de ser demolida situada por trás do estadio dos Mets en Nova York, ademais dos filmes en solitario The Yellow Bank (2010) e Sichuan Triptych (2010). Este mesmo ano estreou People’s Park, un documentario sobre un coñecido parque urbano en Chengdu, rodado nunha soa toma de 75 minutos, e asinado xunto a Libbie Dina Cohn. Sniadecki vive actualmente en Pequíng, onde é organizador e comisario de Emergent Visions, unha serie de filmes sobre o novo cinema independente chinés, e participa en varios proxectos de investigación e ensaios fílmicos relacionados con China.

Con esta proxección, o Cineclube vai pechar a programación do ano e realizará o habitual descanso das festas de inverno. O vindeiro 9 de xaneiro do 2013, volverá a programación cun ciclo sobre Palestina e máis novidades das que se vai informar o ano que entra.

O filme será proxectado na súa versión orixinal con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O CSC O Ensanche acolle esta tarde a proxección do filme para todos os públicos 'La historia interminable', dirixido por Wolfgang Petersen en 1984.

Duración 94'.

Entrada de balde ata completar aforamento.

O Cineclube de Compostela inaugura o ano 2013 cun ciclo dedicado a Palestina, que comeza esta noite, coa proxección dos filmes Non existen (Laysa lahum wujud, Palestina, 1974), de Mustafa Abu Ali e Os palestinos (De Palestijnen, Países Baixos, 1975), de Johan van der Keuken. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Non existen toma o título da infame declaración de Golda Meir de que "Os palestinos non existen". Rodada en condicións extraordinarias, nesta fita Abu Ali documenta as condicións dos campamentos de refuxiados no Líbano, os efectos dos bombardos israelís e a vida das guerrillas nos campos de entrenamento, a través do destino dos distintos membros dunha mesma familia. Non existen mestura o político e o estético, a través da consigna da "arte para a loita".

Rodado no Líbano e salvado da destrución dos arquivos de cinema palestino en Beirut, o filme non puido ser estreado en Palestina até 2003, cando un grupo de artistas conseguiu introducir a Abu Ali en Xerusalém, a súa cidade natal, onde tivo até a súa morte prohibida a entrada polas autoridades israelís.

Mustafa Abu Ali (1940-2009) é un dos fundadores da cinematografía palestina, a través da Unidade de Cinema Palestino, que baixo o manto da OLP se constitúe en Xordania en 1968, con nomes como Sulafa Jadallah ou Hani Jawhariya, ademais do propio Abu Ali. Estudou cinema en Londres, onde se gradúa en 1967, e traballou con Godard en Aquí e alí. Centra o seu traballo na produción dun cinema de resistencia, realizando máis de trinta filmes, entre os que destacan algúns como O dereito palestino (1967), Non a unha solución pacífica (1968) ou O camiño da victoria (1975), ademáis de Non existen.

Xunto a este filme, poderemos ver tamén Os palestinos, de Johan Van der Keuken. Rodado, de igual xeito, nos campamentos de refuxiados do sur do Líbano, este documentario parte da dor e as duras condicións de vida nese espazo para lembrarnos a cronoloxía desta situación, remontándose até Theodor Herzl e os inicios do movemento sionista.

Realizado para o Comité Holandés de Apoio a Palestina, en Os palestinos o xogo entre a representación e o que é mostrado, entre a mirada do cineastas e a reprodución, desprázase cara ao nivel da utilidade política: Cal é a utilidade destas imaxes en relación coa situación colectiva do pobo palestino? A través dun feixe de imaxes máis ou menos desconectadas e dunha voz en off que deixa espazo para a reflexión estética, van der Keuken deixa que sexa o espectador quen lles dea sentido e sexa quen de extraer un certo ton do conxunto.

Johan van der Keuken (1938-2001) comezou a súa carreira como fotógrafo, pero a inexistencia de cursos de fotografía, levouno aos estudos de cinematografía no IDHEC de París, e a comezar unha longa carreira con 55 filmes en 42 anos. Na súa produción de filmes documentarios, busca a experimentación e impón en todo momento a súa subxectividade, filmando el propio as súas imaxes e privilexiando os planos longos e os detalles.

Con esta proxección, o Cineclube inicia un ciclo sobre Palestina que se desenvolverá ao longo de todo o mes de xaneiro. As seguintes semanas contaremos coa proxección dos filmes Z32, de Avi Mograbi), o 16 de xaneiro; A cor das oliveiras (El color de los olivos), de Carolina Rivas, o mércores 23; e finalmente Videocartografías: Aída, Palestina (Vidéocartographies: Aïda, Palestine), de Till Roeskens, e Película urgente por Palestina, de Alberte Pagán, o 30 de xaneiro. Esta última proxección vai contar ademais cunha mesa redonda coa presenza de Alberte Pagán, Fayez Badawi e Mohamed Safa.

Os filmes van ser proxectados na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

A sala Mozart do Auditorio de Galicia acolle esta noite a presentación da curtametraxe 'Mr. Smith & Mrs. Wesson', un traballo dirixido por Jorge Saavedra e protagonizado por Octavi Pujades, Camila Bossa, Xabier Deive, Luis Iglesia B., Daniel Currás, María Mera e Iván Marcos.

Producido por Aira Studio e Producciones Fin de Semana.

Máis info aquí.

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

Entre os directores incluídos no ciclo están Hector Babenco, Glauber Rocha, Walter Salles, Jorge Furtado ou Luiz Fernando Carvalho, entre outros.

'O Cheiro do Ralo' (2006) de Heitor Dhalia

SINOPSE
En Sao Paulo, Lorenzo é o propietario dunha tenda de segunda man. Pouco a pouco, comeza a gozar cada vez que se aproveita dos clientes que acoden á tenda cando se encontran en dificultades económicas. Lorenzo ve o mundo como un lugar no cal as persoas, ao igual que os obxectos, están en venda. Realiza unha clasificación segundo o obxecto que lle ofrezan: "a noiva", "o home gramófono" ou "o adicto". Pero en certo momento Lorenzo verase obrigado a readaptar a súa visión do mundo...

O Cineclube de Compostela continúa coa realización do ciclo dedicado a Palestina, esta noite, coa proxección de Z32 (Z32, Francia-Israel, 2008), de Avi Mograbi, que colle título do nome en clave do personaxe central: un mozo ex soldado israelí que participou no asasinato de dous policías palestinos. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

En Z32, Avi Mograbi presta a súa cámara a unha parella. El, un soldado de elite israelí que confesa a súa participación no asasinato de varios policías palestinos nunha manobra militar de vinganza. Frente ás arrepiantes ?anécdotas? dun soldado programado para matar que recoñece o ?subidón? de adrenalina, a participación da moza como antagonista, tentando conseguir o arrepentimento, ou, cando menos, que el non siga coa súa vida como se nada acontecera. Como terceiro personaxe do filme, o director, Avi Mograbi, que se presenta con intervencións musicais brechtianas ou establecendo consideracións sobre como representar o que se está representando, convertindo o retrato fílmico en duplo: o do suxeito filmado e o seu propio como documentalista que comparte os atrancos e dúbidas morais co público.

Mais é no dispositivo empregado polo director onde radica a complexidade, orixinalidade e honestidade do filme. O soldado, con medo ás represalias, pon como condición que non se filme o seu rostro. Mograbi preséntanolo inicialmente cunha caperuza, para ir, a medida que avanza o filme, mostrándonos máis e máis da súa expresión. Máis non se trata do seu verdadeiro rostro, senón dun nova máscara, creada dixitalmente. Os elementos radicais do dispositivo de Mograbi combínanse para lanzarnos preguntas, nada complacientes, sobre a responsabilidade, o perdón e a construción da verdade cinematográfica.

Avi Mograbi nace en 1956 no seo dunha familia profundamente sionista, mais rompe ben cedo coas posicións familiares. Estuda arte na escola de artes de Ramat Ha-Sharon e filosofía na Universidade de Tel Aviv. Iníciase no cinema como asistente de Claude Lelouch. Durante a guerra do Líbano, convírtese no portavoz dun grupo de soldados que se negan á incorporación, o que lle valerá varios días de prisión. Máis adiante, forma parte dunha organizacións de pais e nais de insumisos ao servizo militar e do padroado do Tribunal Russel sobre Palestina. 

Os seus filmes, distintivos e controvertidos, acheganse aos seus temas, nomeadamente a política exterior israelí, a través da análise da estrutura, bebendo das tradicións do cinema directo americano e de Jean Rouch. O seu obxectivo das fitas é provocar unha crise, un punto de inflexión que teste o filmado, cun ollar en primeira persoa como cidadán afectado, que tenta entender e sintetizar aquilo do que está a ser testemuña. Entre os seus títulos destacan Por un só dos meus ollos (2005), que xa se proxectou no Cineclube, A reconstrucción (1994), Como aprendín a superar o meu medo e amar a Ariel Sharon (1997) ou Feliz aniversario, Sr. Mograbi (1999) August: A Moment Before the Eruption (2002)

O mércores 23 de xaneiro o Cineclube vai continuar co ciclo sobre Palestina coa proxección da ópera prima da mexicana Carolina Rivas A cor das oliveiras (El color de los olivos), que presenta a vida cotiá da familia Amer, que, como a de moitas outras familias de Cisxordania, está dominada por portas electrificadas, candados e a presenza constante de soldados israelís, ao viviren rodeados polo muro.

O filme vai ser proxectados na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Novacaixagalicia proxecta a película de animación galega O apóstolo no seu Centro Cultural de Santiago de Compostela da rúa do Vilar durante os vindeiros 18, 19, 20, 25, 26 e 27 de xaneiro. A hora da sesión, ás 20.00 h, é común para todos estes días. As entradas terán un prezo de 3 € e, con elas, os asistentes ao filme poderán participar no sorteo dunha viaxe para dúas persoas a través do Camiño de Santiago, partindo de Sarria.

A fundación súmase a esta iniciativa como parte da súa estratexia de apoio e promoción ao cinema e á industria audiovisual galega. A entidade colaborou, ademais, no proceso de produción da banda sonora do filme a través do seu Orfeón Terra A Nosa.

'O Apóstolo', de íntegra produción galega e con subtítulos en inglés, ten entre os seus méritos ser a primeira película europea realizada en animación stop-motion estereoscópica, ademais de ter comezado o seu percorrido internacional o pasado mes de xuño no Festival Internacional de Cine de Moscova, que por primeira vez presentou unha fita de animación para competir na Sección Oficial. Recibiu tamén o Primeiro Premio no Festival EXPOTOONs de Bos Aires, o galardón audiovisual máis recoñecido de América Latina, e o Gran Prix do Festival CINEHORIZONTES de Marsella. Estes galardóns avalan a calidade desta película que conta coa interpretación de actores como Geraldine Chaplin, Jorge Sanz, Paul Naschy, Carlos Blanco, Luís Tosar, Celso Bugallo, Isabel Blanco ou José Manuel Olveira, Pico. Todos eles defenden unha historia na que un convicto recentemente fuxido do cárcere tratará de recuperar un botín agochado, anos atrás, nunha solitaria e afastada aldea; pero o que alí encontrará supón unha condena aínda maior da que fuxiu. Sinistros anciáns, estrañas desaparicións, espíritos, un peculiar sacerdote e ata o mesmo arcipreste de Santiago cruzarán os seus camiños nun relato de terror, humor e fantasía. Nos catro anos que durou a produción do proxecto déronse cita profesionais da talla de Philip Glass, que participou na composición da banda sonora, ou os máis de cen técnicos internacionais que participaron en películas do nivel de A noiva cadáver, Coraline ou O señor dos aneis.

Máis información en www.obrasocialncg.com / www.oapostolo.es ou en Artefacto Producciones (695799798).

O Cineclube de Compostela acolle unha nova sesión do ciclo dedicado a Palestina, esta noite coa proxección de A cor das oliveiras (El color de los olivos, México-Palestina, 2006), da documentalista mexicana Carolina Rivas. Este filme pretende ser a primeira parte dunha "tetraloxía do movemento", articulada a través de catro elementos: terra, auga, aire e lume. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Na súa primeira longametraxe, Rivas presenta a historia intima da familia Amer, oprimida polo goberno israelí que levantou barreiras arredor do seu fogar, separándoos dos camiños trazados e aillándoos nun espazo gris. Os muros da vergoña sitúanse entre a súa vivenda e as hortas das que viviron durante xeracións: o seu único patrimonio. Co seu cotián virado en checkpoint, a súa vida está dominada por portas electrificadas, candados e a presenza constante dos soldados israelís.

A partir deste claro conflicto exterior, Rivas explora as súas repercusións internas, os pequenos detalles, que engaden novos matices a un tema tan representado. Ao longo do filme, dasenos conta, por exemplo, dos diferentes graos de reclusión dese microcosmos, atravesados por roles de xénero e xeracionais. O ollar da directora, contemplativo e cunha certa estética fantasmagórica, preocúpase por non enfrentar á familia Amer a unha cámara que agraviaría máis a súa opresión, polo que mantén sempre unha sensíbel distancia para mostrar a súa cotidianeidade.

Carolina Rivas é unha das cineastas mexicanas actuais máis recoñecidas na escena internacional. Estudou na Escola de Escritores da Sogem e no Centro Universitario de Estudios Cinematográficos (CUEC). A sua curtametraxe, Zona cero (2003) foi proxectada dentro da sección oficial do Festival de Cannes e obtivo numerosos premios. Con A cor das oliveiras asina a súa primeira longametraxe documental, á que seguirán Leccións para Zafirah (2011) e Nós (2012), as dúas codirixidas con Daoud Sarhandi. É membro fundador do estudo de produción Creadores Contemporáneos.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Novacaixagalicia proxecta a película de animación galega O apóstolo no seu Centro Cultural de Santiago de Compostela da rúa do Vilar durante os vindeiros 18, 19, 20, 25, 26 e 27 de xaneiro. A hora da sesión, ás 20.00 h, é común para todos estes días. As entradas terán un prezo de 3 € e, con elas, os asistentes ao filme poderán participar no sorteo dunha viaxe para dúas persoas a través do Camiño de Santiago, partindo de Sarria.

A fundación súmase a esta iniciativa como parte da súa estratexia de apoio e promoción ao cinema e á industria audiovisual galega. A entidade colaborou, ademais, no proceso de produción da banda sonora do filme a través do seu Orfeón Terra A Nosa.

'O Apóstolo', de íntegra produción galega e con subtítulos en inglés, ten entre os seus méritos ser a primeira película europea realizada en animación stop-motion estereoscópica, ademais de ter comezado o seu percorrido internacional o pasado mes de xuño no Festival Internacional de Cine de Moscova, que por primeira vez presentou unha fita de animación para competir na Sección Oficial. Recibiu tamén o Primeiro Premio no Festival EXPOTOONs de Bos Aires, o galardón audiovisual máis recoñecido de América Latina, e o Gran Prix do Festival CINEHORIZONTES de Marsella. Estes galardóns avalan a calidade desta película que conta coa interpretación de actores como Geraldine Chaplin, Jorge Sanz, Paul Naschy, Carlos Blanco, Luís Tosar, Celso Bugallo, Isabel Blanco ou José Manuel Olveira, Pico. Todos eles defenden unha historia na que un convicto recentemente fuxido do cárcere tratará de recuperar un botín agochado, anos atrás, nunha solitaria e afastada aldea; pero o que alí encontrará supón unha condena aínda maior da que fuxiu. Sinistros anciáns, estrañas desaparicións, espíritos, un peculiar sacerdote e ata o mesmo arcipreste de Santiago cruzarán os seus camiños nun relato de terror, humor e fantasía. Nos catro anos que durou a produción do proxecto déronse cita profesionais da talla de Philip Glass, que participou na composición da banda sonora, ou os máis de cen técnicos internacionais que participaron en películas do nivel de A noiva cadáver, Coraline ou O señor dos aneis.

Máis información en www.obrasocialncg.com / www.oapostolo.es ou en Artefacto Producciones (695799798).

O Cineclube de Compostela continúa co ciclo dedicado a Palestina esta noite coa proxección de Película urgente por Palestina (Palestina-Galicia, 2012), de Alberte Pagán e Videocartografías: Aída, Palestina (Vidéocartographies: Aïda, Palestine, Francia-Palestina, 2008), de Till Roeskens. A sesión contará ademais coa realización dunha mesa redonda, coa presenza do director Alberte Pagán e do activista palestino Fayez Badawi. A sesión vai ter lugar no sitio e horario habituais, no CS O Pichel (Santa Clara, 21) a partir das 21:30 horas.

Este filme é “o contrario á descrición dun combate. É un combate”. Así, en referencia ao filme de Marker, fala Alberte Pagán da Película urgente por Palestina. Gravada cámara en man, con planos móbiles e con pouca distancia, recolle imaxes de Palestina, de Ramala, de Hebrón, de asentamentos xudeus no medio de Hebrón, da manifestación semanal, de rapaces que tiran pedras e soldados que responden con granadas lacrimóxenas… No fondo, a incapacidade das imaxes para representar a historia.

Nacido no Carballiño en 1965, o cineasta Alberte Pagán é un colaborador habitual do Cineclube de Compostela e tennos visitado en numerosas ocasións para presentar filmes propios (Bs. As., Pó de estrelas, Como foi o conto, Conversas em Zapatera, Os Waslala,Tanyaradzwa...) ou pezas alleas da tradición experimental do cinema. Na súa páxina web, albertepagan.eu, pode consultarse información sobre os seus filmes, así como os seus traballos de crítica cinematográfica e outros temas.

Xunto con este filme, proxectaremos outro título que reflexiona sobre o poder das imaxes no conflito palestino. En Videocartografías: Aída, Palestina, Till Roeskens pide a varios habitantes do acampamento de refuxiados de Aída que lle debuxen un mapa. A cámara vai seguindo os garabatos, as marcas do lapiz negro sobre o papel branco. Homes, mulleres e nenos marcan edificios, indentifican casas de familiares ou amigos ou o sitio dun tiroteo. Aos poucos, as liñas negras forman un texto que representa as comunidades, os modos de vida, as maneiras de sobrevivir...

Till Roeskens, nacido en Friburgo (Alemaña), en 1974, é un artista multidisciplinar, apaixoado da xeografía aplicada. O seu traballo, quer sexa baixo a forma dun libro, dunha conferencia ou, como neste caso, nun documentario, desenvólvese arredor do encontro cun territorio e con aqueles que trazaron nel os seus camiños, que convirte en coautores das súas obras.

Para contextualizar mellor tanto a realidade política de Palestina como a súa plasmación en imaxes, contaremos ademais cunha mesa redonda na que, ademais do director Alberte Pagán, participará o activista palestino Fayez Badawi. Filólogo e analista político, residente durante moito tempo en Galiza, Badawi é embaixador itinerante, no Estado español, da Fronte Popular para a Liberación de Palestina (FPLP).

O mércores que vén, 6 de febreiro, o Cineclube porá o remate ao ciclo sobre Palestina coa proxección de Z32, de Avi Mograbi, que non se puido proxectar, por problemas técnicos, o pasado 16 de xaneiro. Proximamente anunciaremos o resto da programación prevista para febreiro.

Os filmes serán proxectados na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Ao longo do mes de febreiro, a Biblioteca pública Ánxel Casal organiza un ciclo de cinema de dominio público con subtítulos en galego. A proxección desta tarde será 'The Cameraman', dirixida por Buster Keaton en 1928.

'The cameraman'

Director Buster Keaton, Edwuard Sedqwick (1928)
Duración: 67 minutos. Comedia.

SINOPSE
Luke Shannon (Keaton) traballa para un programa informativo como operador de cámara. Pero o seu soño sería que o contratara a MGM, sobre todo para estar preto dunha guapa oficinista (Day). Un día, inesperadamente, atópase no medio dunha noticia importante.

O Cineclube de Compostela comeza o mes de febreiro coa proxección de Z32 (Z32, Francia-Israel, 2008), de Avi Mograbi, que non se puido proxectar o pasado 16 de xaneiro, dentro do ciclo sobre Palestina, por problemas técnicos. O filme colle o título do nome en clave do personaxe central: un mozo ex soldado israelí que participou no asasinato de dous policías palestinos. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

En Z32, Avi Mograbi presta a súa cámara a unha parella. El, un soldado de elite israelí que confesa a súa participación no asasinato de varios policías palestinos nunha manobra militar de vinganza. Frente ás arrepiantes “anécdotas” dun soldado programado para matar que recoñece o “subidón” de adrenalina, a participación da moza como antagonista, tentando conseguir o arrepentimento, ou, cando menos, que el non siga coa súa vida como se nada acontecera. Como terceiro personaxe do filme, o director, Avi Mograbi, que se presenta con intervencións musicais brechtianas ou establecendo consideracións sobre como representar o que se está representando, convertindo o retrato fílmico en duplo: o do suxeito filmado e o seu propio como documentalista que comparte os atrancos e dúbidas morais co público.

Mais é no dispositivo empregado polo director onde radica a complexidade, orixinalidade e honestidade do filme. O soldado, con medo ás represalias, pon como condición que non se filme o seu rostro. Mograbi preséntanolo inicialmente cunha caperuza, para ir, a medida que avanza o filme, mostrándonos máis e máis da súa expresión. Máis non se trata do seu verdadeiro rostro, senón dun nova máscara, creada dixitalmente. Os elementos radicais do dispositivo de Mograbi combínanse para lanzarnos preguntas, nada complacientes, sobre a responsabilidade, o perdón e a construción da verdade cinematográfica.

Avi Mograbi nace en 1956 no seo dunha familia profundamente sionista, mais rompe ben cedo coas posicións familiares. Estuda arte na escola de artes de Ramat Ha-Sharon e filosofía na Universidade de Tel Aviv. Iníciase no cinema como asistente de Claude Lelouch. Durante a guerra do Líbano, convírtese no portavoz dun grupo de soldados que se negan á incorporación, o que lle valerá varios días de prisión. Máis adiante, forma parte dunha organizacións de pais e nais de insumisos ao servizo militar e do padroado do Tribunal Russel sobre Palestina. 

Os seus filmes, distintivos e controvertidos, acheganse aos seus temas, nomeadamente a política exterior israelí, a través da análise da estrutura, bebendo das tradicións do cinema directo americano e de Jean Rouch. O seu obxectivo das fitas é provocar unha crise, un punto de inflexión que teste o filmado, cun ollar en primeira persoa como cidadán afectado, que tenta entender e sintetizar aquilo do que está a ser testemuña. Entre os seus títulos destacan Por un só dos meus ollos (2005), que xa se proxectou no Cineclube, A reconstrucción (1994), Como aprendín a superar o meu medo e amar a Ariel Sharon (1997) ou Feliz aniversario, Sr. Mograbi (1999) August: A Moment Before the Eruption (2002).

Con este filme comeza unha variada programación para o mes de febreiro no Cineclube. O vindeiro mércores poderemos ver Os ollos sen rostro (Les yeux sans visage, Francia-Italia 1960), un clásico de culto do director francés Georges Franju,a medio camiño entre o cinema negro e o fantástico. O 20 de febreiro será o turno de Algo de Alicia (Něco z Alenky, Checoslovaquia-Suíza-Reino Unido-RFA, 1988), probabelmente o filme máis coñecido do animador checo Jan Švankmajer, adaptación libre de Alicia no país das marabillas, que presentará Paula Carballeira. E pechará o mes Asfalto en dobre sentido (Two-Lane Blacktop, EUA, 1971), de Monte Hellman,para o que contaremos coa presenza de José Manuel Sande.

O filme será proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Ao longo do mes de febreiro, a Biblioteca pública Ánxel Casal organiza un ciclo de cinema de dominio público con subtítulos en galego. A proxección desta tarde será 'Nosferatu', dirixida por F. W. Murnau en 1922.

'Nosferatu'

Director F. W. Murnau (1922).
Duración: 91 minutos. Terror.

SINOPSE
Libre adaptación da novela de Bram Stoker “Drácula” á que se cambiou o nome para non ter que pagar dereitos de autor. A viúva de Stoker logrou que se recoñecese a autoría, e obtivo unha orde xudicial para destruír os negativos e todas as copias da película. As copias distribuídas no resto do mundo impediron a súa total desaparición.

O Cineclube de Compostela proxecta esta noite Os ollos sen rostro (Les yeux sans visage, Francia-Italia 1960), un clásico de culto do director francés Georges Franju, baseado na novela homónima de Jean Redon, a medio camiño entre o cinema negro e o fantástico. Á máscara dixital do filme do mércores pasado, Z32, séguelle esta semana, pois, a máscara real coa que Alida Valli oculta o seu rostro nesta fita. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Vítima dun terrible accidente de tráfico, Christiane, a filla do celebre profesor Génessier, vive recluída na casa familiar. Unha máscara agocha o seu rostro, atrozmente desfigurado. Co obxectivo de devolverlle un rostro á súa filla, Génessier, coa axuda da súa asistente Louise, non dubidan en secuestrar outras mozas e realizar os experimentos máis arrepiantes.

Recén rematada a súa primeira longametraxe non-documental, A cabeza contra a parede, George Franju recibe a oferta de dirixir a novela de Jean Redon Os ollos sen rostro, coa que Jules Borkon quería introducirse na produción de filmes de terror como os británicos A maldición de Frankenstein ou Horror de Drácula, especialmente populares a finais dos cincuenta nas pantallas francesas. Franju, que medrara co fantástico silente de directores como Georges Méliès ou Louis Feuillade, viu a súa oportunidade para contribuír ao xénero, a través dunha historia que, nas súas palabras, non é de terror, senón máis ben de “angustia, un estado de ánimo máis calmo que o terror, máis interno, máis penetrante: é terror en doses homeopáticas”.

O traballo de Franju neste filme móvese a través do xogo cos contrarios. Por unha banda, recollendo a súa propia tradición fílmica, o tono xeral é esaxeradamente naturalista, frío, cercano al documental, introducindo unha sensación de estrañamento no espectador. Por outra, a isto opónse unha evidente imaxinería surrealista e simbolista, cercana a Jean Cocteau ou a Luis Buñuel, que enche algunhas das secuencias do filme, convertindo a fita nun poema fílmico fúnebre, lírico, falsamente luminoso e estarrecedor.

George Franju (1912-1987) foi, antes que cineasta, un estraño cinéfilo, co-fundador xunto con Henri Langlois, da Cinemateca Francesa e bo coñecedor da Historia do cinema, foi quen de escribir con grande agudeza sobre “o estilo de Fritz Lang” ou sobre o cinema cirúrxico de Jean Painlevé. Logo dunhas primeiras pezas documentais, como O sangue das bestas (1948) ou O hotel dos inválidos (1951), que xa puidemos ver no Cineclube inicia unha peculiar carreira xa na ficción, con obras tan transgresoras como Os ollos sen rostro (1959) ou A cabeza contra a parede (1958).

O seu estilo, fortemente influenciado polos seus predecesores, foi definido por Claire Clouzot como "un realismo conmovedor fantástico herdado do surrealismo e do cinema científico de Jean Painlevé e influenciado polo expresionismo de Lang y Murnau". No seu cinema, Franju pon o foco especialmente nos aspectos visuais. O propio director chegou a afirmar que como non tiña “o don de escribir historias” tivo que centrarse en “darlles forma” a través dos filmes.

A vindeira semana, 20 de febreiro, o Cineclube vai proxectar Algo de Alicia (Něco z Alenky, Checoslovaquia-Suíza-Reino Unido-RFA, 1988), probabelmente o filme máis coñecido do animador checo Jan Švankmajer. Adaptación libre da coñecida novela de Lewis Carrol Alicia no país das marabillas, o director checo foxe de presentala como un conto de fadas e, mediante unha técnica que combina acción real e animación stop-motion, constrúe máis ben un pesadelo amoral. A sesión contará coa presentación de Paula Carballeira.

O filme será proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Durante a fin de semana, Novacaixagalicia proxecta a película de animación galega O apóstolo no seu Centro Cultural de Santiago de Compostela da rúa do Vilar. As entradas terán un prezo de 3 € e, con elas, os asistentes ao filme poderán participar no sorteo dunha viaxe para dúas persoas a través do Camiño de Santiago, partindo de Sarria.

A fundación súmase a esta iniciativa como parte da súa estratexia de apoio e promoción ao cinema e á industria audiovisual galega. A entidade colaborou, ademais, no proceso de produción da banda sonora do filme a través do seu Orfeón Terra A Nosa.

'O Apóstolo', de íntegra produción galega e con subtítulos en inglés, ten entre os seus méritos ser a primeira película europea realizada en animación stop-motion estereoscópica, ademais de ter comezado o seu percorrido internacional o pasado mes de xuño no Festival Internacional de Cine de Moscova, que por primeira vez presentou unha fita de animación para competir na Sección Oficial. Recibiu tamén o Primeiro Premio no Festival EXPOTOONs de Bos Aires, o galardón audiovisual máis recoñecido de América Latina, e o Gran Prix do Festival CINEHORIZONTES de Marsella. Estes galardóns avalan a calidade desta película que conta coa interpretación de actores como Geraldine Chaplin, Jorge Sanz, Paul Naschy, Carlos Blanco, Luís Tosar, Celso Bugallo, Isabel Blanco ou José Manuel Olveira, Pico. Todos eles defenden unha historia na que un convicto recentemente fuxido do cárcere tratará de recuperar un botín agochado, anos atrás, nunha solitaria e afastada aldea; pero o que alí encontrará supón unha condena aínda maior da que fuxiu. Sinistros anciáns, estrañas desaparicións, espíritos, un peculiar sacerdote e ata o mesmo arcipreste de Santiago cruzarán os seus camiños nun relato de terror, humor e fantasía. Nos catro anos que durou a produción do proxecto déronse cita profesionais da talla de Philip Glass, que participou na composición da banda sonora, ou os máis de cen técnicos internacionais que participaron en películas do nivel de A noiva cadáver, Coraline ou O señor dos aneis.

Máis información en www.obrasocialncg.com / www.oapostolo.es ou en Artefacto Producciones (695799798).

O Cineclube de Compostela continúa a súa programación coa proxección, esta noite, de Algo de Alicia (Něco z Alenky, Checoslovaquia-Suíza-Reino Unido-RFA, 1988), a primeira longametraxe do animador checo Jan Švankmajer: unha adaptación libre da coñecida novela de Lewis Carrol Alicia no país das marabillas onde, lonxe da habitual lectura como conto de fadas, o director, mediante unha técnica que combina acción real e animación stop-motion, constrúe máis ben un soño amoral. A sesión terá lugar no sitio e horario habituais, no CS O Pichel (Santa Clara, 21) a partir das 21:30 horas.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O director galego Darío Autrán presenta no Salón de actos da Biblioteca Pública Anxel Casal a súa película 'Tilda & Jean', a primeira entrega da 'Triloxía dos Fíos', un proxecto co que este guionista e actor irrompe con forza na cinematografía galega.

Darío Autrán dirixe, escribe, protagoniza e produce 'Tilda & Jean'. Completan a repartición Alba Messa ('A ópera dos tres reás', 'Summertime', ' Os Atlánticos'), Carlos Blanco ('O apóstolo', 'Volver', 'Mareas vivas') e Iria Pinheiro ('Freud e compañía', 'A vida por diante').

'Tilda & Jean' é a primeira película escrita, dirixida, protagonizada e producida por Darío Autrán, quen nos propón unha historia de amor inquietante, un discurso aberto a varias interpretacións e formas de entendela. Dende a xente que se sentirá próxima á personalidade de Tilda a outros que verán en Jean un exemplo a seguir. Sempre dende a óptica da creación, e as dificultades que isto entraña, a película somérxenos nun mundo novo e descoñecido. Completan a repartición desta fita destacados nomes da escena como Carlos Blanco, Iria Pinheiro, Mónica de Nut, Ariadna Santana, Uxía Morán e Alba Messa como coprotagonista xunto a Darío Autrán.

Ao remate da proxección, os asistentes poderán manter unha conversa co seu director.

A entrada será gratuíta ata completar aforamento.

Ao longo do mes de febreiro, a Biblioteca pública Ánxel Casal organiza un ciclo de cinema de dominio público con subtítulos en galego. A proxección desta tarde será 'O Gabinete do doutor Caligari', dirixida por Robert Wiene en 1920.

'O Gabinete do doutor Caligari'

Director Robert Wiene (1920)
Duración: 63 minutos. Terror

SINOPSE
Uns dos grandes clásicos do cine de terror. Sentado nun banco dun parque Francis anima ao seu compañeiro Alan para ir a Holstenwall, unha cidade no Norte de Alemaña para ver o espectáculo ambulante do doutor Caligari.

O Cineclube de Compostela pecha o mes de febreiro coa proxección, esta noite, de Asfalto en dobre sentido (Two-Lane Blacktop, EUA, 1971), unha road movie de Monte Hellman, ambientada ao longo da mítica Ruta 66, que co paso dos anos virou nun auténtico filme de culto. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.
 
Os protagonistas de Asfalto en dobre sentido son dous corredores afeccionados, propositadamente sen nome, que viven na estrada da ruta 66, movéndose de oeste a este no seu Chevrolet do 55 preparado, e conseguindo diñeiro a base de retar aos veciños das vilas que van atravesando a competir con eles. Unha autoestopista e outro condutor, tamén anónimos cruzaranse no seu camiño ao longo da ruta.
 
A sesión vai contar coa presentación de José Manuel Sande, historiador de cinema e encargado de programación do CGAI, habitual colaborador do Cineclube.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

A Fonoteca da Facultade de Ciencias da Comunicación programa esta tarde unha nova xornada do ciclo cinematográfico e musical 'Música en Imaxes', na que se proxectará 'Der. Freischütz (O cazador furtivo)'.

O Cineclube de Compostela proxecta esta noite 'A compañía 317' (La 317ème section, Francia-España, 1965), de Pierre Schoendoerffer. Con este filme dá comezo un mes de marzo dedicado á guerra do Vietnam, conmemorando o feito de que no mes de marzo de 1973, hai corenta anos, os Estados Unidos, retiraron de maneira definitiva as súas tropas deste país. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.
 
A compañía 317 está baseada na novela do mesmo título do director. É o ano 1954, cando aínda a guerra era chamada de Indochina e non do Vietnam. No contexto da batalla decisiva de Diên Biên Phu e dos acordos de paz de Xenebra, a compañía 317 é un grupo de soldados franceses e vietnamitas que inician a súa retirada a través de territorio hostil. Centrado no exército colonial, este non é, porén, un filme de heroes, senón que os desexos de fuxir dos soldados non ocultan a súa capacidade para abusaren dos civís.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

A Fundación Novacaixagalicia organiza unha nova edición do ciclo de cine ' Nos vieiros da mente', co que se pretende loitar contra a estigmatización das enfermidades mentais. A primeira sesión inclúe a proxección de 'As virxes suicidas' de Sofía Coppola.

'As virxes suicidas', de produción estadounidense, dirixida por Sofía Coppola en 1999 e baseada na novela de Jeffrey Eugenides, levou a Coppola a gañar o Premio MTV Movie á mellor directora. Cinco irmás suicídanse nun típico barrio de Estados Unidos. O feito, inexplicable e incomprensible, obsesiona a un grupo de rapaces novos que, agora nos corenta anos, contan as súas historias. A obra de Coppola está chea de humor e tenrura e indaga no segredo da feminidade, no desexo e na morte, fala da eterna disociación entre a realidade e o desexo, sen dúbida o descubrimento máis doloroso ao que se teñen que enfrontar os adolescentes no seu tránsito á idade adulta.

Despois da excelente acollida en 2012 do ciclo 'Nos vieiros da mente', Novacaixagalicia volve convocar unha nova edición deste espazo cinematográfico. En total, e ata finais de abril, os centros socioculturais da Fundación Novacaixagalicia acollerán as proxeccións de seis títulos actuais que mostran diferentes patoloxías. Desde os impulsos suicidas de Wildbur quérese suicidar, ata o alcoholismo e a dependencia de Leaving Las Vegas, sen esquecer as obsesións compulsivas de O aviador de Scorsese.

Nesta nova edición, o ciclo 'Nos vieiros da mente', programado por Novacaixagalicia en colaboración co Servizo Galego de Saúde e o seu proxecto NISE, volve conxugar a sétima arte e a psicoloxía, dúas disciplinas que se asocian nunha combinación perfecta de estética, personalidade e reflexión, para trasladar aos espectadores galegos a problemática das enfermidades mentais e lanzar unha mensaxe que evite a estigmatización de todas aquelas persoas afectadas.

O Cineclube de Compostela continúa esta noite co ciclo dedicado á guerra do Vietnam, coa proxección de 'No ano do porco' (In the Year of the Pig, EUA, 1968), documentario do cineasta militante Emile de Antonio sobre as orixes do conflito. O filme, cualificado por de Antonio como o preferido da súa filmografía, está artellado a base de material histórico e entrevistas, salpicadas de ironía en non poucos casos. A sesión vai ter lugar no sitio e horario habituais, no CS O Pichel (Santa Clara, 21) a partir das 21:30 horas.

'No ano do porco' é un dos documentarios máis importantes dentro da filmografía militante contraria á intervención norteamericana en Vietnam durante o conflito. Emile de Antonio percorreu diferentes partes do mundo para acceder a fondos de imaxes e entrevistas a diferentes políticos, tanto americanos como non americanos, que puidesen axudar a crear un documento que explicase o por que da intervención dos EE UU no Vietnam.

O traballo de recollida levouno a Praga, onde atopou material soviético sobre a anterior Guerra de Indochina, e ao Vietnam do Norte, onde lle foron entregados materiais de arquivo sobre a vida de Ho Chi Minh. Pero tamén conseguiu materiais das canles de televisión norteamericanas, que mostraba de primeira man as accións dos soldados ianquis nos operativos denominados "busca e destrúe".

O mércores que vén seguiremos co ciclo sobre Vietnam coa proxección de 'O paralelo 17: A guerra do pobo' (Le 17e parallèle: La guerre du peuple, Francia-Vietnam, 1968), documentario realizado por Joris Ivens e Marceline Loridan, no que filman a vida cotiá na contorna do paralelo 17, zona “desmilitarizada” entre o Vietnam do Norte e o Vietnam do Sur. Nesta área, tremendamente bombardeada durante a guerra, os vietnamitas víronse obrigados a vivir baixo a terra, e a organizarse para a defensa do seu país.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O Ciclo de Cinema Brasileiro coordinado polo escritor carioca Márcio-André, programa unha nova entrega coa proxección, esta tarde, de 'Tropicália', dirixida en 2012 por Marcel Machado.

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

TROPICÁLIA (2012), de Marcel Machado
Un dos maiores movementos artísticos do Brasil é explotado en ese documental. En plena ditadura militar, Caetano Veloso, Gilberto Gil, Mutante, Tom Zé, entre outros, mesturáron desde tradicións populares a moitas das novidades artísticas para crear o tropicalismo, influenciando as posteriores xeracións da música brasileira.

A Fundación Novacaixagalicia organiza unha nova edición do ciclo de cine ' Nos vieiros da mente', co que se pretende loitar contra a estigmatización das enfermidades mentais. A segunda sesión inclúe a proxección de 'O aviador', de Martin Scorsese.

'O aviador', de Martin Scorsese, cuxo protagonista é interpretado por Leonardo Di Caprio, dramatiza a biografía de Howard Hughes, pioneiro da aviación e produtor en Hollywood. Hughes, co diñeiro que herdou do seu pai, trasladouse a Hollywood, onde chegou a facer unha gran fortuna e a se converter nun dos produtores máis destacados do cine americano durante as décadas dos anos trinta e os corenta. Lanzou á fama a actrices como Jean Harlow e chegou a posuír a RKO Radio Pictures. Pero Hughes, ademais de produtor, foi un grande industrial e comerciante que desenvolveu un importante papel no mundo da aviación grazas ás súas innovacións. Unha excelente película sobre un home aventureiro, visionario, emprendedor, e millonario, pero tamén unha persoa enfermamente obsesionada coa limpeza que vivía coa paranoia de loitar contra todo tipo de xermes.

Despois da excelente acollida en 2012 do ciclo 'Nos vieiros da mente', Novacaixagalicia volve convocar unha nova edición deste espazo cinematográfico. En total, e ata finais de abril, os centros socioculturais da Fundación Novacaixagalicia acollerán as proxeccións de seis títulos actuais que mostran diferentes patoloxías. Desde os impulsos suicidas de Wildbur quérese suicidar, ata o alcoholismo e a dependencia de Leaving Las Vegas, sen esquecer as obsesións compulsivas de O aviador de Scorsese.

Nesta nova edición, o ciclo 'Nos vieiros da mente', programado por Novacaixagalicia en colaboración co Servizo Galego de Saúde e o seu proxecto NISE, volve conxugar a sétima arte e a psicoloxía, dúas disciplinas que se asocian nunha combinación perfecta de estética, personalidade e reflexión, para trasladar aos espectadores galegos a problemática das enfermidades mentais e lanzar unha mensaxe que evite a estigmatización de todas aquelas persoas afectadas.

O Cineclube de Compostela continúa, unha semana máis, co ciclo dedicado á guerra do Vietnam. Este mércores faino coa proxección de 'O paralelo 17: A guerra do pobo' (Le 17e parallèle: La guerre du peuple, Francia-Vietnam, 1968), documentario realizado por Joris Ivens e Marceline Loridan, no que filman a vida cotiá na contorna da zona “desmilitarizada” entre o Vietnam do Norte e o Vietnam do Sur. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

O primeiro filme de 16 milímetros con son sincronizado rodado por Joris Ivens, realizado xunto con Marceline Loridan, O paralelo 17 sitúase na liña de demarcación entre os dous Vietnams e céntrase, como Terra de España, na vida diaria dos habitantes que loitan contra o agresor. Os vietnamitas que poboan o paralelo 17 viven baixo a terra e traballan as leiras de noite, e o filme mostra como compaxinan a súa vida cos bombardeamentos constantes dos B52, que  chegan a deitar até vinte mil toneladas de bombas nesta área.

Marceline Loridan e Joris Ivens viñan xa de rodar O ceo, a terra (1966), sobre a cuestión vietnamita (e o segundo, tamén de participar no filme colectivo Lonxe de Vietnam (1967), cando se estabelecen durante dous meses na aldea de Vin Linh, baixo as bombas estadounidenses, para realizar este documentario. O resultado é un filme que, con longas secuencias, son sincronizado e unha montaxe menos dramatizada, creba coa mirada externa daquel O ceo, a terra para abrirse máis ao rexistro do real na súa totalidade, entrando polos camiños do cinema etnográfico.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

A Casa das Crechas proxecta '100% CEF', unha longametraxe documental froito da edición e a montaxe de case cen horas de gravación con entrevistas, colaboracións artísticas, lecturas de poemas e musicacións que axudan a debuxar un retrato contemporáneo e pouco académico de Celso Emilio Ferreiro, 100 anos despois do seu nacemento.



Este traballo audiovisual, escrito e dirixido polo celanovés Aser Álvarez e con Luís Tosar no papel de Celso Emilio, foi gravado en Celanova, Acebedo, Vigo, Pontevedra, Santiago, Asturias e Ourense. A TVG, Xunta e os concellos de Pontevedra, Vigo e Celanova, ademais de ducias de empresas e particulares colaboran neste traballo, promovido por Arraianos e coproducido con Asombra.

Ao longo dunha hora de duración, Celso Emilio Fereiro (Celanova, 1912- Vigo, 1979) é (re)construído a través de entrevistas con familiares, expertos, historiadores, literatos, amigos e grazas á participación de persoas anónimas e coñecidas que recitan, len, rapean e cantan os seus poemas, demostrando que CEF é un dos poetas máis populares de Galicia. “É un documental biográfico pero que non aspira a abarcar toda a súa vida e obra, senón que se trata dun exercicio interpretativo onde lle damos voz a xente moi diversa e heteroxénea”, asegura o director, guionista e produtor executivo, Aser Álvarez. Este traballo audiovisual, que conta con Luís Tosar no papel de Celso Emilio, pechou os actos do Centenario de CEF.



Esta montaxe é o resultado dun intenso traballo de investigación e achega á vida e obra do poeta de Celanova, que levou ao equipo dirixido por Álvarez a pescudar en arquivos de Asturias, Celanova, Madrid, Vigo, Pontevedra e Venezuela. Este “retrato poliédrico e moi ferreiriano” de CEF faise a través da conversa cos seus fillos, Isabel e Luís, os seus biógrafos, Xesús Alonso Montero e Ramón Nicolás, o seu amigo e paisano, o expresidente da RAG, Xosé Luis Méndez Ferrín; Xosé Neira Vilas, Suso de Toro ou Xosé María Álvarez Cáccamo, Anxo Angueira e Daniel Salgado, entre outros. Os poemas chegan pola voz de cantantes como Luís Emilio Batallán, Xiana e Xosé Lastra, Mini e Mero, pero sobre todo co punk dos Labregos do Tempo dos Sputniks, e co rap máis contemporáneo de Ferriman, Nuno e Fred.



O documental tamén conta coas colaboracións de artistas como Baldo Ramos, que elabora un libro de artista que funciona como fío condutor do documental, Francisco Leiro, Manolo Paz ou Baldomero Moreiras.

O Ciclo de Cinema Brasileiro coordinado polo escritor carioca Márcio-André, programa unha nova entrega coa proxección, esta tarde, de 'O Dragão da Maldade contra o Santo Guerreiro', dirixida en 1969 por Glauber Rocha.

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

DRAGÃO DA MALDADE CONTRA O SANTO GUERREIRO (1969), de Glauber Rocha
Considerado un dos máis importantes cineastas brasileiros de todos os tempos, Glauber Rocha recibiu por esta película o premio como mellor director no Festival de Cannes. A película conta, de forma alegórica, unha historia tradicional no interior do Brasil, mesturando cordel e ópera, música e ritos folclóricos propios da poboación do nordeste do país.

A Fundación Novacaixagalicia organiza unha nova edición do ciclo de cine ' Nos vieiros da mente', co que se pretende loitar contra a estigmatización das enfermidades mentais. A terceira sesión inclúe a proxección de 'Wildbur quérese suicidar', de Lone Scherfig.

'Wildbur quérese suicidar' é unha película que data do ano 2002 e está dirixida por Lone Scherfig. Unha cálida comedia humana que conta a historia de Wilbur, un home novo e con gran magnetismo persoal, pero desilusionado da vida e cun gran pesimismo que o leva constantemente ao intento de suicidio. Wilbur ten un irmán, Harbour, que é un optimista incurable e cuxo principal cometido na vida é ocuparse da felicidade do primeiro. Fácil e livián, o filme analiza preocupacións universais como a morte, o amor, o desamor, o medo e o desamparo, sempre cun ton amable e coidadoso, empeñado en non romper o equilibrio entre humor e drama.

Versión orixinal con subtítulos en castelán.

Despois da excelente acollida en 2012 do ciclo 'Nos vieiros da mente', Novacaixagalicia volve convocar unha nova edición deste espazo cinematográfico. En total, e ata finais de abril, os centros socioculturais da Fundación Novacaixagalicia acollerán as proxeccións de seis títulos actuais que mostran diferentes patoloxías. Desde os impulsos suicidas de Wildbur quérese suicidar, ata o alcoholismo e a dependencia de Leaving Las Vegas, sen esquecer as obsesións compulsivas de O aviador de Scorsese.

Nesta nova edición, o ciclo 'Nos vieiros da mente', programado por Novacaixagalicia en colaboración co Servizo Galego de Saúde e o seu proxecto NISE, volve conxugar a sétima arte e a psicoloxía, dúas disciplinas que se asocian nunha combinación perfecta de estética, personalidade e reflexión, para trasladar aos espectadores galegos a problemática das enfermidades mentais e lanzar unha mensaxe que evite a estigmatización de todas aquelas persoas afectadas.

A Fundación Novacaixagalicia organiza unha nova edición do ciclo de cine ' Nos vieiros da mente', co que se pretende loitar contra a estigmatización das enfermidades mentais. A cuarta sesión inclúe a proxección de 'O club da loita', dirixida por David Fincher.

'O club da loita', dirixida por David Fincher, interpretada por Brad Pitt e Edward Norton, e baseada na novela do estadounidense M. C. Palahniuk, conta a historia dun home novo sen ilusión que loita contra o seu insomnio, consecuencia quizais do seu fastío pola súa gris e aburrida vida. Nunha viaxe en avión coñece a Tyler Durden, un carismático vendedor de xabón que sostén unha particular filosofía: o perfeccionismo é unha característica da xente feble; pola contra, a autodestrución é o único que fai que a vida mereza a pena. Ambos deciden, entón, formar un club secreto de loita, no que descargaren as súas frustracións e a súa ira, o club terá éxito asoballador. O director presenta a violencia como metáfora do conflito entre as xeracións novas e o sistema de valores da publicidade, ademais tomou os matices homoeróticos da novela de Palahniuk para conseguir a incomodidade do público e evitar que anticipasen o dramático xiro final.

Versión orixinal con subtítulos en castelán.

Despois da excelente acollida en 2012 do ciclo 'Nos vieiros da mente', Novacaixagalicia volve convocar unha nova edición deste espazo cinematográfico. En total, e ata finais de abril, os centros socioculturais da Fundación Novacaixagalicia acollerán as proxeccións de seis títulos actuais que mostran diferentes patoloxías. Desde os impulsos suicidas de Wildbur quérese suicidar, ata o alcoholismo e a dependencia de Leaving Las Vegas, sen esquecer as obsesións compulsivas de O aviador de Scorsese.

Nesta nova edición, o ciclo 'Nos vieiros da mente', programado por Novacaixagalicia en colaboración co Servizo Galego de Saúde e o seu proxecto NISE, volve conxugar a sétima arte e a psicoloxía, dúas disciplinas que se asocian nunha combinación perfecta de estética, personalidade e reflexión, para trasladar aos espectadores galegos a problemática das enfermidades mentais e lanzar unha mensaxe que evite a estigmatización de todas aquelas persoas afectadas.

O Cineclube de Compostela comeza esta noite un novo ciclo que, baixo o nome de “leccións de historia”, mostrará diversos xeitos de representar a historia no cinema ao longo dos tres primeiros mércores do mes. A proxección escollida para dar comezo ao ciclo é o filme Aula de historia (Geschichtsunterricht, RFA, 1972, 88′), de Danièle Huillet e Jean-Marie Straub. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas. 

Baseado na novela incompleta Os negocios do señor Xulio César, de Bertolt Brecht, en Aula de Historia un condutor percorre en coche a Roma contemporánea, e encontra polo camiño antigos romanos (un poeta, un xurista, un labrego, un banqueiro) que lle van relatando como a manipulación da sociedade republicana romana abriu o camiño para a ditadura, desde unha perspectiva principalmente económica. O propio Straub dixo deste filme, mentres aínda estaba en produción: "Vai ser presentado para xulgalo como unha reflexión sobre Marx".

En Aula de historia superpóñense innumerables momentos históricos, xerando un xogo que permite trazar múltiples liñas de contacto entre diferentes épocas. Straub e Huillet operan, como adoitan facer, contra o modo habitual de filmar o espazo, mediante a ausencia de planos máster de situación e rompendo a convención do plano-contraplano dentro das conversacións. Mais a este estrañamento espacial, súmase en Aula de historia un efecto semellante no plano temporal, conseguido mediante o uso deliberado do anacronismo.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

A Fundación Novacaixagalicia organiza unha nova edición do ciclo de cine 'Nos vieiros da mente', co que se pretende loitar contra a estigmatización das enfermidades mentais. A quinta sesión inclúe a proxección de 'Unha mente marabillosa', de Ron Howard.

'Unha mente marabillosa', dirixida por Ron Howard e protagonizada por Russell Crowe, presenta a historia dun home novo cunha mente prodixiosa para as matemáticas, John Nash, que comeza a desenvolver unha esquizofrenia paranoide e a sufrir delirios, mentres ve, penosamente, como isto afecta á súa condición física e ás súas relacións familiares e de amizade. A película foi estreada en Estados Unidos no ano 2001 e acadou un grande éxito de taquilla a nivel mundial. Tamén obtivo catro premios da Academia, entre eles o de mellor película, mellor director, mellor actriz de reparto e mellor guión adaptado; así mesmo foi nomeada dentro das categorías de mellor actor, mellor banda sonora, mellor montaxe e mellor maquillaxe. De igual xeito, recibiu 28 premios máis e foi nomeada a outros 51.

Versión orixinal con subtítulos en castelán.

Despois da excelente acollida en 2012 do ciclo 'Nos vieiros da mente', Novacaixagalicia volve convocar unha nova edición deste espazo cinematográfico. En total, e ata finais de abril, os centros socioculturais da Fundación Novacaixagalicia acollerán as proxeccións de seis títulos actuais que mostran diferentes patoloxías. Desde os impulsos suicidas de Wildbur quérese suicidar, ata o alcoholismo e a dependencia de Leaving Las Vegas, sen esquecer as obsesións compulsivas de O aviador de Scorsese.

Nesta nova edición, o ciclo 'Nos vieiros da mente', programado por Novacaixagalicia en colaboración co Servizo Galego de Saúde e o seu proxecto NISE, volve conxugar a sétima arte e a psicoloxía, dúas disciplinas que se asocian nunha combinación perfecta de estética, personalidade e reflexión, para trasladar aos espectadores galegos a problemática das enfermidades mentais e lanzar unha mensaxe que evite a estigmatización de todas aquelas persoas afectadas.

O Cineclube de Compostela continúa, este mércores, o ciclo dedicado a mostrar distintos xeitos de representar a historia, baixo o nome de “leccións de historia”. E faino coa proxección do filme de Peter Watkins Culloden (Culloden, Reino Unido, 1964), unha posta en escena da batalla homónima, presentada ao xeito dunha reportaxe televisiva de xornalismo de guerra. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

O 16 de abril de 1746 tivo lugar no páramo de Culloden a última batalla librada na Gran Bretaña e a última tentativa armada de derrocar ao rei de Inglaterra. Alí, o exercito británico, comandado polo duque de Cumberland acabou definitivamente co segundo alzamento xacobita dirixido por Carlos Estuardo. A derrota, e a durísima represión que a seguiu nas Terras Altas,  significaron a integración definitiva de Escocia no reino británico e a desaparición do sistema feudal de clans vixente ata o momento.

Este feito histórico é o que escolleu Peter Watkins para centrar a súa primeira longametraxe, realizada para a BBC, que o contratara dous anos antes como axudante de dirección. Cun uso minucioso dos datos históricos, asesorado polo novelista John Prebble, e fronte á factura tradicional dos melodramas históricos, Watkins filma Culloden con actores non profesionais (moitos deles, descendentes directos dos combatentes na batalla de Culloden) e provocando, coa filmación e a montaxe, a sensación de que a batalla estaba a acontecer diante das cámaras dun programa de noticias.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O Cineclube de Compostela proxecta esta noite o filme 'Sobibór, 14 de outubro de 1943, 4 da tarde' de Claude Lanzmann (Sobibór, 14 octobre 1943, 16 heures, Francia, 2001). Con este filme prosegue o ciclo "Leccións de historia", que pretende amosar diversos xeitos de representar a historia no cinema. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 h.

O título do filme fai referencia á revolta de Sobibor, un dos dous levantamentos dentro dun campo de exterminio nazi que se produciron durante a Segunda Guerra Mundial (o outro foi o de Treblinka o 2 de agosto de 1943). En Sobibor foron asasinadas case 250.000 persoas e no intre da rebelión a súa poboación era de 600 prisioneiros. Entre os sobrevivintes estivo Yehuda Lerner, que tiña daquela 17 anos e xa se fugara de oito campos de concentración antes. Lerner foi entrevistado en 1979 por Lanzmann durante a rodaxe do seu filme sobre o holocausto Shoah, mais a súa historia ficou fóra do filme e non foi até 2001 cando o cineasta a recuperou para contar Sobibór, 14 de outubro..., mesturando a súa testemuña con novo material fílmico.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Ao longo do mes de abril, o Salón de Actos da Facultade de Filosofía acolle o ciclo 'Espellos no Sahara. Un pobo rompendo as arañeiras do esquecemento'. Cada sesión inclúe a proxección dun filme presentado por diversos especialistas.

Presentada por Luis Hueso Montón Catedrático de Historia do Cine da Facultade de Xeografía e Historia e Mohamed Ali Ali Salem escritor e responsable da área de Cultura na Delegación Saharauí en España.

'Wilaya' (84 minutos)

Director: Pedro Pérez Rosado
Reparto: Nadhira Mohamed, Memona Mohamed, Said Salem

SINOPSE
Despois de 16 anos vivindo en España, Fatimetu volve á súa patria para asistir ao enterro da súa nai. Alí reúnese cos seus irmáns: Jatri, que espera o seu primeiro fillo, e Hayat, que é minusválida.

Organizan: Vicerreitoría de Estudantes, Cultura e Formación Continua, Facultades de Ciencias da Comunicación, Ciencias Políticas, Xeografía e Historia e Filosofía, Comisión Cultural da Facultade de Xeografía e Historia, Departamentos de Historia Contemporánea. Historia Medieval e Moderna e Historia da Arte, Cátedra de Cine.

Colabora: Asociación Solidariedade Galega co Pobo Saharaui.

A Biblioteca pública Ánxel Casal presenta ao longo do mes de abril un ciclo de cine cunha retrospectiva da obra cinematográfica de Xurxo Chirro. As proxeccións terán lugar no Salón de Actos e contarán coa presenza do director que, posteriormente, manterá un coloquio cos asistentes.

Proxección das curtametraxes Orgazo (5'), Os señores do vento (12'), Memoria dun maquinista de cine (10'), 13 pozas (15'), Xibardo (3'), Lupita (8'), Noite (6') e Á luzada (16').

Ao longo do mes de abril, o Salón de Actos da Facultade de Filosofía acolle o ciclo 'Espellos no Sahara. Un pobo rompendo as arañeiras do esquecemento'. Cada sesión inclúe a proxección dun filme presentado por diversos especialistas.

Presentada por Xosé Ramón Pousa Estévez Profesor Titular de Comunicación Audiovisual e Publicidade da Facultade de Ciencias da Información e José Taboada Valdés Presidente da Coordinadora Estatal de Asociacións Solidarias co Sahara (CEAS-Sahara).

'Hijos de las nubes. La última colonia' (80 minutos)

Director: Álvaro Longoria
Reparto: Javier Bardem, Álvaro Longoria

SINOPSE
Documental que examina o clima de axitación política actual no norte de África e a responsabilidade das potencias occidentais (especialmente Estados Unidos e Francia) cuxa política exterior se basea en intereses económicos, relegando a un segundo plano os principios morais (Realpolitik).

Organizan: Vicerreitoría de Estudantes, Cultura e Formación Continua, Facultades de Ciencias da Comunicación, Ciencias Políticas, Xeografía e Historia e Filosofía, Comisión Cultural da Facultade de Xeografía e Historia, Departamentos de Historia Contemporánea. Historia Medieval e Moderna e Historia da Arte, Cátedra de Cine.
Colabora: Asociación Solidariedade Galega co Pobo Saharaui.

A Fundación Novacaixagalicia organiza unha nova edición do ciclo de cine ' Nos vieiros da mente', co que se pretende loitar contra a estigmatización das enfermidades mentais. A última sesión inclúe a proxección de 'Leaving Las Vegas', dirixida por Mike Figgis.

'Leaving Las Vegas', dirixida por Mike Figgis, interpretada por Nicolas Cage e Elisabeth Shue, e con catro candidaturas aos Oscar no ano 1995, está baseada na autobiografía do guionista John O´Brien, que se suicidou poucos días antes da rodaxe da película. O protagonista, Ben Sanderson, interpretado por Cage, cae nunha espiral de autodestrución logo de ser abandonado pola súa esposa. Tras perder, tamén, o seu traballo, decide marchar a Las Vegas, onde beberá ata morrer. Alí coñecerá a Sara, unha prostituta coa que iniciará unha relación marcada polo amor e a dependencia. Tenrura, odio, compaixón, medo e arrepentimento mestúranse de xeito maxistral na película de Figgis.

Versión orixinal con subtítulos en castelán.

Despois da excelente acollida en 2012 do ciclo 'Nos vieiros da mente', Novacaixagalicia volve convocar unha nova edición deste espazo cinematográfico. En total, e ata finais de abril, os centros socioculturais da Fundación Novacaixagalicia acollerán as proxeccións de seis títulos actuais que mostran diferentes patoloxías. Desde os impulsos suicidas de Wildbur quérese suicidar, ata o alcoholismo e a dependencia de Leaving Las Vegas, sen esquecer as obsesións compulsivas de O aviador de Scorsese.

Nesta nova edición, o ciclo 'Nos vieiros da mente', programado por Novacaixagalicia en colaboración co Servizo Galego de Saúde e o seu proxecto NISE, volve conxugar a sétima arte e a psicoloxía, dúas disciplinas que se asocian nunha combinación perfecta de estética, personalidade e reflexión, para trasladar aos espectadores galegos a problemática das enfermidades mentais e lanzar unha mensaxe que evite a estigmatización de todas aquelas persoas afectadas.

Ao longo do mes de abril, o Salón de Actos da Facultade de Filosofía acolle o ciclo 'Espellos no Sahara. Un pobo rompendo as arañeiras do esquecemento'. Cada sesión inclúe a proxección dun filme presentado por diversos especialistas.

Con intervención do codirector da película, Pablo Vidal, e Santiago Jiménez Gómez, Profesor Titular de Historia Medieval da Facultade de Xeografía e Historia e Vicepresidente de CEAS-Sahara.

'El problema. Testimonio del pueblo saharaui' (80 minutos)

Director: Jordi Ferrer, Pablo Vidal
Guión: Jordi Ferrer, Pablo Vidal

SINOPSE
Marrocos non quere que se coñeza a situación dos territorios ocupados do Sahara Occidental -territorio separado do resto de África por un muro de 2.720 km de longo-, a poboación saharauí vive en constante ameaza, nin sequera poden nomear as palabras "Sahara Occidental" ou "referendo", e a situación resúmese como "o problema". Marrocos quere silenciar os territorios ocupados do Sahara Occidental e con iso afogar a voz de todo un pobo. (FILMAFFINITY)

Organizan: Vicerreitoría de Estudantes, Cultura e Formación Continua, Facultades de Ciencias da Comunicación, Ciencias Políticas, Xeografía e Historia e Filosofía, Comisión Cultural da Facultade de Xeografía e Historia, Departamentos de Historia Contemporánea. Historia Medieval e Moderna e Historia da Arte, Cátedra de Cine.

Colabora: Asociación Solidariedade Galega co Pobo Saharaui.

A Biblioteca pública Ánxel Casal presenta ao longo do mes de abril un ciclo de cine cunha retrospectiva da obra cinematográfica de Xurxo Chirro. As proxeccións terán lugar no Salón de Actos e contarán coa presenza do director que, posteriormente, manterá un coloquio cos asistentes.

Proxección de 'Proxecto socheo', un intento de aminorar o esquecemento que produce o paso do tempo na Guarda.

O Cineclube de Compostela abre maio cunha sesión especial, esta noite, na que contaremos coa presenza de Ramiro Ledo Cordeiro para presentarnos VidaExtra (VidaExtra, Catalunya, 2013), a súa última longametraxe, que ven de ser estreada no BAFICI de Bos Aires. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

En VidaExtra, a folga xeral de setembro de 2010 crúzase en Barcelona con A estética da resistencia, de Peter Weiss. As discusións desa noite hanse ver confrontadas co cotián dos personaxes que protagonizan o filme: cinco amigos anónimos que xa non son nin adolescentes nin militantes comunistas, pero que tentan porén arrepoñerse ao estado de cousas, coma no seu momento os que protagonizan o libro de Weiss.

A través de dúas partes ben marcadas, a ocupación do Banco Español de Crédito en Barcelona e unha conversa entre amigos nunha sobremesa, VidaExtra retrata as incertezas dunha esquerda europea que, entre o movemento dos indignados e a acción directa, busca novas estratexias de resistencia. Frente a optimismos fáciles e maniqueísmos, VidaExtra non é, como ben di o programador do BAFICI Fran Gayo, “un filme simpático nin aleccionador, é unha obra implacábel e honesta, propia para tempos feroces”.

Nacido en Lugo en 1981, Ramiro Ledo fundou no ano 2001 o Cineclube de Compostela, que presidiu até 2007. Dende aquela, vive e traballa en Barcelona, onde cursou un máster de cinema documental na UAB e estudos sobre cinema contemporáneo na UPF. Actualmente forma parte do Consello de Redacción da revista virtual de cinema Blogs & Docs (http://www.blogsandocs.com/). En 2006 estrease na dirección co documentario CCCV-CineClube Carlos Varela (Galiza, 2006), realizado a partir do material gravado por Carlos Varela Veiga, e en 2010 presenta a curtametraxe O proceso de Artaud. VidaExtra é o seu último filme.

O filme vai ser proxectado na súa versión orixinal. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O Cineclube de Compostela comeza este mércores cunha serie de tres filmes artellados arredor da idea do diario filmado, que ocuparán as seguintes semanas. O primeiro deles será 'Reminiscencias dunha viaxe a Lituania' (Reminiscences of a Journey to Lithuania, Reino Unido/RFA, 1972), un documental de Jonas Mekas que recolle a viaxe do director de volta a Semeniškiai, a súa vila natal no país báltico. A sesión se celebrará no lugar e horario habituais, no CS O Pichel (Santa Clara, 21) a partir das 21:30 horas.

'Reminiscencias dunha viaxe a Lituania' organizase en tres partes. Na primeira pode verse o material que Mekas rodou cunha cámara Bolex, nos primeiros anos da súa emigración aos Estados Unidos, entre 1950 e 1953. Na segunda, rodada en agosto de 1972 en Semeniškiai vese, nas palabras do director “non como é Lituania hoxe, mais como a ve unha persoa desprazada que regresa despois de vintecinco anos”. A terceira, tras unha paréntese en Elmshon, onde a familia de Mekas pasou un ano nun campo de traballo forzado, é unha xuntanza do director en Viena con algúns dos seus amigos.

O filme vai ser proxectado na súa versión orixinal. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O Salón de actos do Hotel Araguaney acolle esta tarde a proxección do documental titulado 'Al Nakba', dirixido en 2008 pola realizadora Rawan Al Damen.

Documental dividido en dúas partes que narra a historia da catástrofe palestina (Al Nakba), desde 1799 ata ata día de hoxe. Cun material de arquivo único e testemuñas de historiadores israelíes, palestinos e británicos, relátase unha historia extraordinaria, que ainda modela os asuntos de Oriente Próximo de hoxe en día.

A primeira parte cubre o período entre 1799 e 1947. A segunda parte indaga no acontecido en 1948, na limpeza étnica e na expulsión de 800.000 palestinos que convertíronse en refuxiados, que son agora 5 millóns en todo o mundo.

Premio ao documental no V Festival Internacional de Cine Documental Al Jazeera, 2009 e Premio do Público no Festival Amal, 2009.

Tras as edicións do 2011, 'Ciclo de Documentais Cataláns' e 2012, 'Ciclo de Cinema Catalán', a Área de Filoloxía Catalá da Universidade de Santiago de Compostela volve ofrecer un novo ciclo de cinema catalán co obxectivo de levar a lingua e a cultura alén das aulas.

Desta volta, o ciclo céntrase nas difusas e suxestivas relacións entre teatro e cinema a través de 5 propostas de diversa natureza. 'El dibuixant' e 'El peix Sebastiano' achégannos ao proceso creativo e universo privado do artista Marcel·lí Antúnez, figura senlleira da arte electrónica e a experimentación escènica, ademais de cofundador de La Fura dels Baus, compañía teatral de recoñecido prestixio internacional. Pola súa banda, 'Numax presenta' e 'Veinte años no es nada' do director Joaquim Jordà –xa presente na edición do 2011– reconstrúe a experiencia vital de autoxestión dos traballadores da fábrica Numax por medio de sendos documentais nos que o teatro é incorporado como recurso narrativo. Finalmente, 'Màscares' de Elisabet Cabeza e Esteve Riambau, Director da Filmoteca de Catalunya, culmina o percorrido polas relacións entre teatro e cinema invadindo, de xeito privilexiado, o reservado espazo entre bastidores dun actor, Josep M. Pou, na preparación dunha das súas personaxes, a de Orson Welles.

O ciclo contará coa presenza dos propios directores Marcel·lí Antúnez e Esteve Riambau, que presentarán os seus filmes, ademais de ofrecer, no caso de Antúnez, un relatorio sobre a súa obra. Así mesmo, non faltará tampouco unha presentación sobre o universo teatral de Joaquim Jordà, a cargo do profesor Xosé Nogueira. Por último, o catedrático Ángel Luís Hueso participará tamén na mesa redonda final do ciclo canda os propios Antúnez, Riambau e Nogueira.

Cabe destacar que, por vez primeira, as sesións que conforman o ciclo poderán ser certificadas como seminario de 20 horas. As proxeccións serán todas en versión orixinal, castelán e catalán subtitulado, e terán lugar no auditorio do CGAG os días 30 e 31 de maio.

Intermedialidades, ciclo organizado polas profesoras da Área de Filoloxía Catalá e polo profesor Anxo Abuín da Área de Teoría da Literatura e Literatura Comparada, conta coa colaboración do Cefilmus (Centro de Estudos Fílmicos da Universidade de Santiago de Compostela) e mais o apoio do Institut Ramon Llull, a Vicerreitoría de Estudantes, Cultura e Formación Continua, e o Centro Galego de Arte Contemporánea.

PROGRAMA

** Xoves 30 maio
- 19:00 - 19:30 h. Inauguración do ciclo. Relatorio de Marcel·lí Antúnez Roca, figura senlleira da arte electrónica e da experimentación escénica; cofundador de La Fura dels Baus
- 19:30-20:30 h. Proxección de El dibuixant (60’) de Marcel·lí Antúnez Roca
- 20:30-21:00 h. Pausa
- 21:00-21:30 h. Proxección de El peix Sebastiano (32’) de Marcel·lí Antúnez Roca
- 21:30 h. Coloquio coa presenza do director.

** Venres 31 maio
- 10:30-12:30 h. Numax presenta (105´) de Joaquim Jordà
- 12:30-13:00 h. Pausa
- 13:00-13:30 h. Relatorio sobre “O universo teatral de Joaquim Jordà” a cargo de Xosé Nogueira Otero, Profesor de Historia da Arte (Historia do Cine) da USC e Secretario do Centro de Estudos Fílmicos (CEFILMUS)
- 13:30 h. Coloquio
- 16:00-18:00 h. Veinte años no es nada (117’) de Joaquim Jordà
- 18:00-18:30 h. Pausa
- 18:30-20:30 h. Proxección de Màscares (90’) de Elisabet Cabeza e Esteve Riambau. Coa presenza do cineasta Esteve Riambau, Director da Filmoteca de Catalunya, Profesor do Departamento de Comunicación Audiovisual e Publicidade da Universitat Autònoma de Barcelona e Vicepresidente da Federación Internacional de Arquivos Fílmicos (FIAF)
- 20:30-21:00 h. Pausa
- 21:00 h. Mesa redonda e coloquio coa participación de Marcel·lí Antúnez, Esteve Riambau, Ángel Luis Hueso e Xosé Nogueira

A asistencia e participación neste ciclo é convalidable como seminario (certificado de 20 horas).
Información: anxo.abuin@usc.es
Inscrición gratuíta
Prazo de inscrición ata o 30 de maio de 2013

Organiza:
Área de Filoloxía Catalá
Área de Teoría da Literatura e Literatura Comparada (Proxecto MEC FFI2012-35296. Narrativas cruzadas: hibridación y performatividad en la era digital)
Facultade de Filoloxía, USC

O I Festival de Cine e TV Camiño de Santiago é un novo festival que busca exhibir e premiar anualmente o cine e a TV nacionais a través da súa sección oficial e das diferentes seccións paralelas, ofrecendo un panorama actual das producións españolas máis relevantes.

PROGRAMA

** 13 BADALADAS: Rodado en Compostela
Teatro Principal. 3 de xuño, 18:00 horas


** FRONTERA: Sección Oficial
Teatro Principal. 3 de xuño, 20:00 horas
Salon Teatro. 4 de xuño, 22:00 horas


** EL MUERTO Y SER FELIZ: Sección Oficial
Teatro Principal. 3 de xuño, 22:00 horas
Salon Teatro. 6 de xuño, 20:00 horas

** LA LAPIDATION DE SAINT ETIENNE: Sección Oficial
Teatro Principal. 4 de xuño, 18:00 horas
Salon Teatro. 6 de xuño, 22:00 horas


** VIDEOCLIPS
EL VIUDO QUIERE MIMOS
MALDITO BASTARDO: Talentos Galegos
Teatro Principal. 4 de xuño, 20:00 horas


** ALI: Sección Oficial
Teatro Principal. 4 de xuño, 22:00 horas
Salon Teatro. 5 de xuño, 18:00 horas


** 18 COMIDAS: Rodado en Compostela
Teatro Principal. 5 de xuño, 18:00 horas


** A PUERTA FRIA: Sección Oficial
Teatro Principal. 5 de xuño, 20:00 horas
Salon Teatro. 3 de xuño, 22:00 horas


** LECCION DEBIDA: Sección Oficial
Teatro Principal. 5 de xuño, 22:00 horas
Salon Teatro. 3 de xuño, 18:00 horas


** AREA DE DESCANSO: Sección Oficial
Teatro Principal. 6 de xuño, 18:00 horas
Salon Teatro. 5 de xuño, 22:00 horas


** BUEN CAMINO: Rodado no Camiño
Teatro Principal. 6 de xuño, 20:00 horas


** INEVITABLE: Sección Oficial
Teatro Principal. 6 de xuño, 22:00 horas
Salón Teatro. 4 de xuño, 20:00 horas


** LA NOCHE QUE DEJÓ DE LLOVER: Rodado en Compostela
Salón Teatro. 4 de xuño, 18:00 horas


** PATINANDO EL CAMINO
CAMINO, THE JOURNEY TO SANTIAGO
EL CAMINO DE LOS SENTIDOS: Rodado no Camino
Salón Teatro. 5 de xuño, 20:00 horas


** DOENTES: Rodado en Compostela
Salón Teatro. 6 de xuño, 18:00 horas

Do 4 ao 14 de xuño o Museo do Pobo Galego celebra a 8ª edición da Mostra de Cinema Etnográfico.


PROGRAMA

** Martes 4

- 19:00 h.
Outrasvozes · Alberte Pagán
Galicia, 2011 / 49’
‘Outrasvozes’ son retratos de xente de distintas partes do mundo que veu dar charlas por aquí, para falar dos conflitos do seu país. Persoas de Colombia, o Sáhara, Xordania, Nicaragua, Bolivia, Chile, Chiapas, Perú, Venezuela, Ecuador... Recollo anacos das charlas que deron. O título é o da revista do COSAL, Comité de Solidariedade con América Latina, ‘Outrasvozes’.

- 20:00 h.
A rocha· Raúl Santos
Andalucía, 2011 / 85’
PREMIO ESPIELLO RECHIRA
En 1969 o único ditador fascista que sobreviviu á Segunda Guerra Mundial, Francisco Franco, pechou a fronteira con Xibraltar, illando 30.000 persoas sen comida, auga ou liñas telefónicas. Nas súas propias palabras, “la Roca caerá como fruta madura”. A poboación das cidades de Xibraltar e La Línea, casaban entre eles e vivían felizmente cos seus fillos bilingües. A decisión do ditador forzou a separación de miles de familias mixtas. Durante 13 anos reuniríanse na fronteira cada domingo para ver con prismáticos cómo crecían seus fillos e gritar que os querían na distancia.


** Mércores 5

- 19:00 h.
Avión, a aldea ausente · Marcos e María Hervera
Galicia, 2012 / 88’
O documental trata dunha aldea cuxos membros, na súa maioría, emigraron a México, e este é o punto máis importante da película que comeza por mostrármonos un espazo deshabitado no que comprendemos certos trazos culturais a partir de elementos que se presentan en detalle de xeito repetido.

- 20:30 h.
Arraianos · Eloy Enciso Cachafeiro
Galicia, 2012 / 65’
Retrato da Raia Seca entre Ourense e Portugal e os seus habitantes, botando man parcialmente da obra O bosque de Jenaro Marinhas del Valle.


** Xoves 6

- 19:00 h. ACTO INAUGURAL

- 19:30 h.
O fondo do Ministerio de Agricultura
A cidade e o campo · Carlos Velo e Fernando Gutiérrez Mantilla, 1934, 13’
Lires · Francisco de la Calle, 1969, 20’
A muller na comunidade rural · Francisco de la Calle, 1972, 20’


** Venres 7

- 19:00 h.
Adolescentes · Ángel Santos Touza
Galicia, 2011 / 63’
Adolescentes é unha sucesión de retratos filmados. O seu motivo de estudo son rapaces e rapazas que en pequenos ou grandes grupos, en parellas ou en solitario, agardan nas rúas a que o tempo pase a través deles. Uns retratos nos que tan importante é a actitude da nosa mirada -limpa, paciente- como a que os mesmos protagonistas devolven á cámara ou proxectan ao seu arredor. Unha visión da adolescencia contemplativa e non enxuizadora, na que sen embargo podemos recoñecer os modos, lugares e inquedanzas da mocidade.

- 20:00 h.
Piedad · Otto Roca
Galicia, 2012 / 73’
Piedad e José tiveron tres fillos: José Antonio, Adela e Amadeo. É no fogar de Amadeo e a súa compañeira Begoña onde reside agora Piedad. Eles, xunto coas dúas pequerrechas da casa, constitúen o cordón umbilical que procura manter a Piedad en contacto estreito coa vida.


** Sábado 8

- 19:00 h.
[NO-RES] Vida i mort d’un espai en tres actes · Xavier Artigas
Cataluña, 2011 / 86’
Esta é a crónica do último ano da Colònia Castells, unha das últimas colonias fabrís que quedaban en pé en Barcelona. Coa destrución das súas casas baixas desaparece un xeito de entender o espazo urbano. Un caso máis de xentrificación nunha cidade-marca que se avergoña do seu pasado obreiro e que se esforza en construír unha mentira, unha fachada que non agocha ren (o no-res en catalán).

- 20:30 h.
Bertsolari · Asier Altuna
Euskadi, 2011 / 85’
PREMIO DO PÚBLICO ESPIELLO BOLTAÑA
O bertsolari, o improvisador de versos cantados en euskera, é unha tradición que ten sabido evolucionar e adaptarse aos tempos conectando coas novas xeracións. Unha arte austera que con similitudes coa nosa da regueifa, xunta miles de persoas diante de oito bertsolaris que disputan a final dun campionato. Bertsolari é unha viaxe a través da poesía improvisada, do silencio e da arte núa.


** Luns 10

- 19:00 h.
Si près si loin · Michel Favre
Suíza, 2012 / 74’
No ano 2011, Carmen Perrin, artista e filla de Alberto Perrin, ofrece os filmes que seu pai realizou no contexto da reforma agraria e da revolución de 1952 en Bolivia para os habitantes nativos da Illa do Sol no lago Titicaca.

- 20:30 h.
An Anthropological Television Myth · Alessandro Gagliardo, Maria Helene Bertino, Dario Castelli
Italia, 2011 / 54’
As historias da televisión penetran tan profundamente no tecido da sociedade que acaban mesmo por construír parte da historia dunha nación. A cámara reuniu fragmentos da vida cotiá e devólvea agora, pasados os anos, aínda capaz de narrar a nosa sociedade, convidándonos a facer unha especie de estudo antropolóxico da cultura televisiva.


** Martes 11

- 19:00 h.
Fóra · Pablo Cayuela e Xan Gómez Viñas
Galicia, 2012 / 95’
Fóra é unha indagación sobre as historias ocultas dun lugar: o edificio do hospital psiquiátrico de Conxo. Empregando un dispositivo audiovisual que parte da posta en imaxe do documento, a longametraxe xera unha corrente alterna entre as imaxes da institución e as voces, ligadas aos relatos que abeira o edificio ou á lectura de fragmentos literarios e fontes documentais escollidas pola súa capacidade de resonancia no presente. A Historia de Conxo -imaxe especular da Historia compostelá- vaise esfarelando en pequenas historias que revelan a necesidade de explorar máis polo miúdo o significado social de determinados espazos reprimidos da memoria urbana.

- 20:45 h. Coloquio


** Mércores 12

- 19:00 h.
Seems so long ago, Nancy · Tatiana Macedo
Portugal, 2012 / 45’
Retrato cinematográfico da espera. Mais non dunha espera activa, é dicir, da espera por algo que vai acontecer, senón da espera como inacción. As persoas que traballan como vixiantes nun Museo conforman este retrato que se fixa nos xogos de miradas que se atopan, de a quen se dirixen estas miradas ou no feito de mirarnos todos e todas agardando unha anomalía. Un filme de suspense case imposible onde a traxedia poucas veces acontece.

- 20:00 h.
N-VI · Pela del Álamo
Galicia, 2012 / 86’
Unha viaxe pola vía que comunica Madrid e A Coruña, en sentido Galicia, tanto polos tramos novos como polos anacos de vía abandonados, coñecendo as xentes que os poboan.

- 21:30 h.
Sesión do Cineclube de Compostela no Pichel (Sta. Clara, 21)
En colaboración coa Mostra do MPG, o Cineclube organiza unha sesión especial dedicada ao Cinema Etnográfico.
Triste Trópico · Arthur Omar
Brasil, 1974/ 75'
Unha voice over que nos fala de Arthur Alvaro de Noronha, un doutor que regresa de París a Brasil despois de rematar os seus estudos en Europa. Escenas de Arthur coa súa familia, Arthur en París e continúa a voz que nos revela a amistade que o doutor forxou con André Breton, Paul Eluard, Max Ernst e Picasso. Omar anuncia así a surrealista biografía que urde en Triste en torno á figura dun médico inventado que acaba por se converter ao mesianismo indíxena. Definido como “documental antropolóxico ficticio”, o seu título alude ás memorias etnográficas de Levi-Strauss sobre Brasil e desencadea unha sucesión de evocativas referencias á vangarda caníbal e carnavalesca do Manifesto Antropófago de Oswald de Andrade.

** Xoves 13

- 19:00 h.
Espui · Anna Soldevila
Cataluña, 2011 / 61’
PREMIO ESPIELLO AO MELLOR DOCUMENTAL ETNOGRÁFICO
O documental abrangue o auxe e estoupido da burbulla inmobiliaria neste pequeno pobo do Pirineo Catalán, onde se construíu un macro complexo turístico e residencial con pistas de esquí e campo de golf. A realizadora investiu doce anos na rodaxe.

-20:00 h.
Proxecto Socheo
con Xurxo Chirro e Beli Martínez
O Proxecto Socheo é unha iniciativa compartida que quere localizar, estudar, inventariar e dar a coñecer as imaxes que foron gravadas na Guarda e no Baixo Miño, co obxectivo de salvagardar un patrimonio audiovisual local e proxectalo, sen restricións, cara ao mundo.


** Venres 14

- 19:00 h.
Kanús · Charo Ruiz Gitrama
España, Perú, 2011 / 30’
Contan os vellos que hai anos os bruxos descubriron, nas profundidades do río Kanús, o pobo de Pichu Pich. Hoxe nese mesmo lugar do Amazonas peruano, existe unha pequena e illada comunidade onde indíxenas e mestizos viven de forma separada.
Kanús é a historia dun indíxena, Alfonso Graña, e un colono, César López, que loitan por preservar a súa propia identidade no territorio que ambos fundaron. Aínda que están condenados a entenderse, nunca sentaron a dialogar.

- 19:30 h.
Con etiqueta· Adriana Pérez
Galicia, 2012 / 63’
Preséntase un grupo de persoas vencelladas de xeitos moi diversos ás doenzas mentais. Xente diagnosticada, xente que diagnostica e familias. Con elas descubrimos todo este proceso vital de xente que comparte etiqueta.

- 20:30 h. Coloquio


Descarga o PDF do programa aquí

O Cineclube de Compostela comeza o mes de xuño este mércores 5 coa proxección de O diario de David Holzman (David Holzman’s Diary, EUA, 1967), dirixido por Jim McBride, un fake documentary que serve como contrapunto cómico á serie de diarios filmados que ocupou boa parte do pasado mes de maio. Neste filme, a través dunha falsa autobiografía, McBride reflicte a súa propia vida e experiencia e o mundo que o rodea. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

David Holzman, un cineasta novo, tenta pasar todas as súas experiencias ao celuloide, entendendo que a súa vida ten interese para os espectadores. A súa insistencia para levar a cámara alí onde ninguén o chamou provoca irritación, estrañeza, e algún nariz roto. A medida que a vida de Holzman (e o seu filme) resultan máis e máis difíciles de seguir, o espectador acaba tan confundido como o cineasta, especialmente se comete o erro de tomalo en serio.
Realizado con menos de 3000 dólares e en só 5 días de gravación, O diario de David Holzman  consegue ser un precedente espiritual do movemento de cinema americano independente de baixo presuposto e tamén un retrato detallado da Nova York do 1967. Jin Mc Bride fai mofa nesta fita das pretensións de mostrar a realidade a través da cámara, tan actual daquela cos movementos do cinéma vérité e do direct cinema, a través dunha personaxe que se mostra a todos, pero é invisíbel para si propia.

O filme vai ser proxectado na súa versión orixinal. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O Salón Teatro acolle esta noite a presentación da curtametraxe 'Flores para Amalia', do director galego Nani Matos. A fita, que está a iniciar o seu percorrido de proxeccións e participación en festivais, acaba de ser recoñecida cos premios do público e do xurado dos veciños á mellor curta de ficción na pasada edición do Festival de Cans.

Acompañarán ao director nesta proxección os dous protagonistas da curta, Mela Casal e Gonzalo Uriarte, así como parte dos equipos artístico e técnico, entre o que se atopan recoñecidos intérpretes da escena e do audiovisual galegos como Luis Iglesia B., Susana Dans, Teté García, Avelino González, Xan Cejudo, Santi Cortegoso, Xosé M. Esperante e Machi Salgado.

A entrada é libre ata completar a capacidade.

Máis info aquí

O Cineclube de Compostela continúa coa súa programación do mes de xuño este mércores cunha proxección paralela á Mostra de Cinema Etnográfico que está a celebrar o Museo do Pobo Galego. A fita escollida polo Cineclube é Triste trópico (Brasil, 1974, 75 min.), dirixida por Arthur Omar, unha peza definida como “documental antropolóxico ficticio” cuxo título alude ás memorias etnográficas de Lévi-Strauss sobre Brasil. A sesión vai ter lugar no lugar e horario habituais, no CS O Pichel (Santa Clara, 21) a partir das 21.30 horas.

Triste trópico é un filme-colage que fai alusión no seu título ao libro de Claude Lévi-Strauss “Tristes trópicos”. A peza de Arthur Omar preséntanos a vida do Dr. Arthur, un personaxe ficticio cuxa historia evoca unha aventura modernista en viaxe trasatlántica e a migración do litoral cara ao sertão. Unha narración en off clásica dá conta, paso a paso, dos episodios da vida do médico que estuda en Europa, achegándose a movementos vangardistas como o surrealismo. A continuación regresa ao Brasil e percorre a Zona da Mata, onde remata transformándose nunha caste de líder dun movemento mesiánico, unha sorte de mestre de maxia e ciencia con evocativas referenzas á vangarda caníbal e carnavalesca do Manifesto Antropófago de Oswald de Andrade.

O filme, proxectado en paralelo á 8ª Mostra de Cinema Etnográfico que desenvolve o Museo do Pobo Galego do 4 ao 14 de xuño, fica profundamente aliñado a un cinema de ruptura. Mais Omar problematiza o xénero documental non en relación á ficción, senón en relación ao propio documental. Triste trópico serve para nos lembrar que as crenzas teñen a súa orixe en valores compartidos que asumen a forma de convencións. Estas inclúen maneiras convencionais de representar o mundo no cinema documental (narradores serios, estilo de cámara observacional, filmacións externas, etc.) e tamén xeitos de ver, pensar e explicar o real. Omar subverte as convencións e procura unha re-xerarquización dos elementos do documental nunha nova combinación.

Triste trópico vai ser proxectado na súa versión orixinal con subtítulos ao portugués. A entrada é de balde, podendo adquirirse un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha achega económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Seguindo coa programación do mes de xuño, este mércores o Cineclube de Compostela  proxecta, baixo o título Notas sobre o flamenco [traballo en curso] (Alfonso Camacho, Andalucía, 2013), os bosquexos e descartes agrupados por Alfonso Camacho que despois empregaría para o seu filme Taller de flamenco. A sesión vai ter lugar no lugar e horario habituais, no CS O Pichel (Santa Clara, 21) a partir das 21.30 horas.

“Montar sen deixar de desmontar”. Así define Alfonso Camacho o seu traballo de rexistro dos obradoiros de flamenco impartidos no centro social okupado e autoxestionado Fábrica de Sombreros, entre febreiro e maio de 2009. Antes de se converter nun filme acabado, estas Notas sobre o flamenco que presentamos no Cineclube dan conta do mesmo proceso de aprendizaxe que comparten os alumnos que asisten a ese obradoiro semanal. A cámara tatexa, proba, trabúcase, exhíbese en bruto: “algo que se asemellaba co propio taller, onde cada palabra cantada estaba lonxe de ser un obxecto consumado”.

Nacido en Sevilla en 1983, Alfonso Camacho estudou cinema na súa cidade natal e traballou como montador na televisión arxentina. É tamén crítico de cinema e foi editor da revista Lumière. Taller de flamenco, o filme que sairía dos bosquexos e fragmentos que poderemos ver no Cineclube este mércores, é o seu primeiro título como director.

O mércores que vén, 26 de xuño, o Cineclube remata a súa programación desta tempada 2012-2013 cunha sesión especial, resultado das “olimpíadas” desputadas recentemente entre o Cineclube e Estaleiro Editora. Será coa proxección de Que veñen os socialistas! (¡Que vienen los socialistas!, Estado Español, 1982), de Mariano Ozores, que reflicte a preocupación dos elementos reaccionarios dunha pequena vila perante a máis que probábel victoria do PSOE nas eleccións de 1982. Para presentar esta sesión, contaremos coa presenza dos historiadores de cinema e amigos José Manuel Sande e José Luis Castro de Paz.

O filme vai ser proxectado na súa versión orixinal. A entrada é de balde, podendo adquirirse un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha achega económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.