Antes de deixar os agasallos nas casas, os Reis Magos visitarán un ano máis aos pequenos con todo o seu séquito que percorrerá as principais rúas da cidade compostelá. Acompañados por unha comitiva de nove carrozas, escuadróns a cabalo e a pé, así que uns 200 participantes, Melchor, Gaspar e Baltasar repartirán miles de caramelos desde a súa tradicional cabalgata. Amenizarán o percorrido, unha representación do colectivo de persoas con síndrome de Down, a Banda de Música de Santiago e outras formacións de cornetas e tambores. Na Praza de Obradoiro, un espectáculo de luz, son e lumes concluirá o desfile, e como colofón, os Reis recibirán nenos e nenas no Salón Nobre do Palacio de Raxoi, para atender as súas peticións. Ao día seguinte, festivo, os nenos abren os agasallos e degustan en familia o tradicional roscón, dentro do que se agocha un talismán da sorte. PERCORRIDO DO SÉQUITO DE SS.MM. OS REIS MAGOS DE ORIENTE: - Saída da Estación de Ferrocarril de Santiago, Santiago de Chile, Frei Rosendo Salvado, Praza Roxa, República do Salvador, Hórreo, Praza de Galicia, Rúa da Senra, Porta Faxeira, Rúa do Vilar, Xelmírez, Praza das Praterías e Praza do Obradoiro (Casa do Concello). - Ás 17:45 h Chegada en tren dos Reis Magos á estación do ferrocarril donde serán recibidos polas autoridades e a Banda Municipal. - Ás 19:00 h, chegada a Praza do Obradoiro e recepción do Alcalde e Corporación Municipal. O Rei Melchor diríxese aos nenos e nenas presentes desde os balcóns do Pazo de Raxoi. Espéctaculo de luz, son e fogos de artificio. Os Reis Magos recibirán a todos os nenos e nenas, un por un no Salón Nobre do Pazo de Raxoi. Alí axudados polos seus paxes entregaranlles caramelos e escoitarán as súas peticións.

A ONG Implicad@s no Desenvolvemento celebra o seu undécimo aniversario e a quinta edición de 'Implicate! Noite de música e palabra solidaria', unha gala solidaria presentada de novo polo actor Luis Tosar e a poetisa Yolanda Castaño, que contará coa colaboración, de forma desinteresada, de artistas como Carmen Rey, Susana Seivane, Narf, Pisando Ovos, Antón Reixa, Ana Romaní, María Xosé Queizán, Lino Braxe, Cándido Pazó ou Patricia de Lorenzo. A ONG Implicad@s no Desenvolvemento actúa en Galiza para apoiar proxectos de desenvolvemento integral no sur da India e Etiopía que se atopan entre as zonas máis pobres do mundo.

A rúa  de San Pedro convértese durante a xornada de hoxe nunha zona peonil para acoller a 'Feira  da Primavera', un mercado organizado pola Asociación de Comerciantes do Barrio de San Pedro que invita a veciños, paseantes e turistas a gozar dun día cargado de animacións, coñecendo máis de preto a oferta comercial e os produtos da rúa.
No barrio de San Pedro, os comerciantes sacarán os seus produtos á rúa e bares e restaurantes instalarán terrazas para que a xente poida comer, tomar uns viños ou cear ao aire libre. A feira contará ademais cun mercado de artesanía no que participan artesáns de toda Galicia.

Ao longo do día, para que o ambiente sexa máis festivo, a Asociación de Comerciantes poñerá en marcha varias actividades e animacións na rúa incluíndo: animación musical da charanga 'Trópico de Grelos', espectáculo de percusión africana 'A Caixa de Tambora', actuación de cabaré de novo circo, animación do home-orquestra Cé Orquestra Pantasma, Astronomía na Beirarrúa e moito máis.

Como cada ano dende a desaparición do xenial artista, a Fundación Granell conmemora o día do nacemento de Eugenio Granell con actos de moi diversa índole. O presente ano, a institución, con motivo da homenaxe anual, realizará unha exposición titulada 'Granell en persoa', complementada cunha actividade lúdica chamada 'Encóntrate con Granell'.

'Granell en persoa' achegaranos á faceta máis íntima do artista a través dunha montaxe estruturada en tres bloques: unha selección de obxectos persoais do artista, unha biografía visual de Granell realizada por medio dun políptico fotográfico, así como un achegamento máis reflexivo á súa figura, por medio dunha selección de materiais sonoros -pertencente aos arquivos de audio da Fundación Granell-, retallos de entrevistas realizadas ao artista en diversos medios, declaracións varias...

A exposición complétase co 'Encóntrate con Granell', actividade realizada por vez primeira no ano 2008, consistente en que calquera persoa teña, de forma lúdica, a oportunidade de interpretar unha obra de Eugenio Granell. As bases do xogo poden ser consultadas na páxina web da institución www.fundacion-granell.org, a partir do día 15 de novembro. Unha selección dos traballos do público será exposta como parte integrante da exposición.

Esta noite culminan os actos que ao longo deste ano conmemoraron o X Aniversario de FEGATEA coa celebración da Gala X Aniversario no Teatro Principal. Nela farase mención aos grupos que comezaron esta andaina hai unha década e que seguiron traballando até a actualidade, dando acubillo a 45 grupos de todo o país. Asemade, na gala farase entrega do I Premio FEGATEA que recoñece a traxectoria de colectivos ou persoas que destacaron pola súa defensa e traballo a prol do teatro amateur. Este ano recaiu na Revista Galega de Teatro, cuxo director, Antón Lamapereira, recibirá o galardón da man da concelleira Socorro García Conde. Haberá unha actuación musical a cargo de Litanai.

Antes de deixar os agasallos nas casas, os Reis Magos visitarán un ano máis aos pequenos con todo o seu séquito, que percorrerá as principais rúas da cidade compostelá.

Como acto previo á chegada das súas Maxestades os Reis Magos de Oriente, o martes, 4 de xaneiro, o Carteiro Real, acompañado pola Banda de Cornetas e Tambores de Santiago, agardará a todos os nenos e nenas na carpa da praza Roxa para escoitar as súas peticións e transmitirllas aos Reis Magos. Esta recepción será entre as 18:30 e as 20:30 horas.

O mércores 5 é o gran día para os máis pequenos. A Cabalgata de Reis, que cumpre a súa 43 edición, estará composta por 7 carrozas nas que participará unha comitiva de 200 figurantes, escoltados por 3 escadróns de heraldos a cabalo e outros 4 escadróns de heraldos a pé. O Tren Real ten prevista a súa chegada ás 17:40 horas á Estación de Ferrocarril, de onde sairá ás 18:00 horas cara a zona vella.

Encabezará a comitiva a carroza da Estrela cos Anxeliños, os Príncipes a pé, as carrozas dos tres Reis Magos, a carroza do Carteiro Real, carroza de agasallos e un tren de fantasía con música e animación e mascotas.

Ás 19:00 horas os Reis Magos serán recibidos polo alcalde de Santiago, Xosé A. Sánchez Bugallo, e a Corporación Municipal na praza do Obradoiro, e a continuación o Rei Melchor daralles a benvida a todos os pequenos presentes na praza. Acto seguido os Reis Magos recibirán aos nenos e nenas que o desexen e ás 19:30 horas comezará un espectáculo  de Bob Esponja e os seus amigos na mesma praza do Obradoiro. Durante todo o percorrido repartiranse 3.000 kilos de caramelos sen glute para os nenos e nenas.

COMITIVA DA CABALGATA 2011:

-    Banda de cornetas e tambores de Santiago
-    Carroza ESTRELA REAL
-    Príncipe e Princesa a pé
-    Carroza de MELCHOR
-    Escuadrón a cabalo e grupo de heraldos a pé
-    Carroza de GASPAR
-    Escuadrón a cabalo e grupo de heraldos a pé
-    Carroza de BALTASAR
-    3 escuadróns de heraldos a pé
-    Banda de cornetas e tambores de Régua (Portugal)
-    Carroza do CARTEIRO REAL
-    Tren de mascotas
-    Furgonetas con caramelos

Esta noite, visitantes e composteláns terán a oportunidade de dar a benvida a unha das festas máis vistosas do ano nun dos monumentos máis emblemáticos da cidade coa Gran 'Cea-Baile de Máscaras de Entroido'. A partir da 21.00 h, o Hostal dos Reis Católicos vestirase de gala para celebrar a chegada do Entroido cun extenso programa lúdico: cóctel de recepción, cea-buffet e o 'Gran Baile de Entroido', un baile de disfraces con barra libre e sorteo de agasallos, durante o cal os asistentes poderán optar aos premios concedidos polo Concurso de Disfraces.

O Centro Dramático Galego (CDG) e a Radio Galega organizan mediante o denominado formato de espazo radioescénico, que nesta ocasión conta coa dirección artística de Ana Vallés, a entrega do V Premio Diario Cultural de Teatro Radiofónico ao galardoado na edición de 2011, o autor ourensán Xosé Manuel Pacho Blanco, quen recollerá as distincións do xurado e do público pola súa obra Paraísos das mans de Juan Carlos F. Fasero, director da Axencia Galega das Industrias Culturais (Agadic) -entidade patrocinadora- e de Rosa Martínez Rivada, directora da Radio Galega.

Ana Romaní e Anxo Quintela conducirán este espazo no que, ademais de entrevistar aos protagonistas, darán paso ás interpretacións de varios fragmentos dos textos finalistas –xunto a Paraísos, Como eliminar as manchas de vómito, de Eva Freixeira; Carne de canón, de Rebeca Montero; e Señora Carme, de Manuel Román- a cargo das actrices Nuria Sanz, Margarita Fernández, Mónica Caamaño e Laura Ponte; e os actores Marcos Viéitez e Manu Lago, baixo a dirección de Ana Vallés. Será unha sesión de entrada libre para o público, que poderá acceder ao Salón Teatro ata completar a capacidade do patio de butacas e previa recollida de localidades na billeteira.

O evento conta tamén coa participación de Nacho Sanz como ruidista, de Miguel Muñoz como deseñador do espazo escénico e da iluminación e de Iván Nogueira na realización sonora. No seu transcurso presentarase asemade o libro-CD publicado por Edicións Xerais de Galicia, no que se que recolle o texto e o rexistro sonoro dos catro títulos finalistas.

O CS O Pichel organiza esta noite a festa de décimo aniversario do Cineclube, coa proxección do filme 'Fania All Stars', a presentación do libro 'Cartaces do Cineclube 2001-2011' e as actuacións de Malandrómeda, Urro e Das Kapital.

O Cineclube festexa os seus dez anos de existencia cunha nova edición da festa de aniversario. Nesta ocasión, contaremos coa música de Malandrómeda, Urro e Das Kapital. Ademais, presentarase o libro 'Cartaces do Cineclube de Compostela 2001-2011', que recolle todos os cartaces que anunciaron a programación do Cineclube ao longo destes dez anos, e proxectarase o filme 'Fania All Stars live in Zaire'.

Camilo Franco pecha esta noite cunha festa na Casa das Crechas a súa última proposta de literatura para a rede, 'Balada Triste de Moqueta', o primeiro folletín para facebook do mundo. Acompañarano no escenario o músico Magín Blanco e a actriz e cantante Pepa Yáñez, nunha noite na que prometen que haberá "cervexa, música en directo, lecturas dramatizadas, análise política, algo de mala baba e moito cachondeo".

Será unha oportunidade única de gozar o espectáculo da política en vivo e en directo, co primeiro discurso público dun Concelleiro de Festa e Cultura recentemente convertido en alcalde e un escritor, un músico e unha cantante que glosarán os seus magnos triunfos e cantarán algunhas das súas cancións favoritas. A cita é ás 22.30h e a entrada custará 5 euros, "porque algo teñen que levar os artistas e os cartos públicos non dan nin para os acabados en -eiro". Tamén se poderá comprar un pack de Entrada + Camiseta + Libro por 20 euros.

Balada Triste de Moqueta non é o primeiro experimento literario do escritor e xornalista Camilo Franco. O autor do primeiro folletín para facebook do mundo está convencido de que a literatura ten máis vida que o libro. De que o importante son as historias. De que a maneira na que nos achegamos a elas non é máis que un accidente. Unha circunstancia. E de que é cousa do noso tempo xogar coas circunstancias.

O primeiro xogo coa literatura para a rede de Camilo Franco chamouse 'Por conto alleo' e naceu ao abeiro do portal Vieiros nos últimos meses do século XX. Durante 50 días, contra o final de 1999, o escritor comprometeuse a fabricar un relato cada noite a partir de dúas palabras enviadas polos lectores. Os textos literarios resultantes chegaban cada mañá frescos a Vieiros e a experiencia foi tan satisfactoria que uns meses máis tarde deu paso a 'Necesariamente X. A razón máis quente', unha reflexión sobre o pornográfico que viu a luz, tamén en Vieiros, no 2001. Durante tres semanas, os internautas propuxeron imaxes pornográficas. De entre todas elas, escolleronse quince fotografías que ilustraron outros tantos relatos.

O resultado destas dúas experiencias resiste na rede coa frescura dos proxectos pionerios, pero vai máis dunha década dende aquela e nestes anos pasaron moitas cousas. Pasaron os blogs, as redes sociais, os e-books e os contidos na nube. Chegou a cultura 2.0. e algo mudou, tamén, na circunstancia literaria. Neste tempo, Camilo Franco mantívose ao tanto do que pasaba na rede, pero, un algo decepcionado polos camiños que ía tomando a cousa, concentrouse na publicación dun novo libro, 'Palabras Contadas', que deu pé a unha exposición homónima da Fundación Luís Seoane, a un videoclip literario e máis a un espectáculo de spoken word co que o escritor percorreu bares e outros lugares de cultura durante máis de dous anos, en compañía do músico Magín Blanco.

Da mestura da vontade de xogar con esa circunstancia e máis da experiencia de espectáculo tabernario adquirida co proxecto 'Palabras Contadas' naceu esta 'Balada Triste de Moqueta', un folletín político para Facebook, un novo experimento de literatura para o século XXI realizado en colaboración co deseñador Rubén Prol, co colectivo de comunicación e cultura NóComún e co bar compostelano A Casa das Crechas.

O Facebook é o espazo de comunicación dos nosos días. Organizar no seu interior unha crónica de política ficción a modo de folletín era a intención principal deste xogo literario. Dende o 5 de maio ata o 10 de xuño, Camilo Franco foi deixando na páxina de Facebook de Casa das Crechas da historia do Concelleiro de Festas e Cultura. En palabras do autor: 'A historia dun traballador incansable a quen lle gustaría -como a todo o mundo- ter unha poltrona cómoda na que sentarse. Un home simple, que acata ordes, que organiza mítines, que reparte papeletas, que negocia, que calcula, que manilla, que debuxa plans nunha libreta e que vai vendo que ferramentas lle pon a vida na man para facer que se cumpran. Un home que aspira a pisar algún día a moqueta, esa herba intelixente propia da alta política.'

Un ano máis, o pub Ultramarinos celebra o seu aniversario por todo o alto. A celebración desta tarde inclúe unha exposición fotográfica, música e festa con orellas e sorteo de agasallos.

A partir das 19.00 h. poderemos ver unha exposición fotográfica do que foron estes catro anos de vida… as obras, a inauguración, os primeiros aniversarios, os concertos, os artistas que pasaron polo noso escenario, etc…

A partir das 22.00 h. comeza a festa! E, como xa é tradición, haberá orellas a fartar e sortearemos dúas fins de semana para dúas persoas en balnearios galego, que tamén hai que relaxarse…

E como a música non pode faltar, este ano, bailaremos sin parar grazas á selección musical de Ivan DZ!

O Movemento Down Galicia celebra nun acto público a lectura do Manifesto pola promoción da autonomía persoal con motivo do Día Mundial da Síndrome de Down. Dito manifesto será lido por persoas coa síndrome de Down de diferentes puntos de Galicia nun acto simbólico de visibilización ao que asistirán representantes parlamentarios e das administracións autonómica e municipal, de entidades privadas, e de organizacións do terceiro sector; e que estará presidido pola conselleira de Traballo e Benestar, Beatriz Mato.
 
** 11:00 h. Intervención de presentación e benvida a cargo do presidente de Down Galicia, Delmiro Prieto.

** 11:05 h. Presentación da campaña promocional “Nós non te vemos diferente”.

** 11:10 h. Lectura do Manifesto pola promoción da autonomía persoal a cargo de:
- Rocío Pérez Pérez. Membro de Down Vigo.
- Rubén Yánez Vázquez. Membro de Down Ourense.
- Estíbaliz Álvarez Fernández. Membro de Teima Down Ferrol.
 
**11:20 h. Intervención da conselleira de Traballo e Benestar Beatriz Mato.

O Cineclube celebra a súa tradicional festa de aniversario, a partir das 20:00 horas deste sábado no CS O Pichel. Presentada por Berrobambán, a festa de IX aniversario vai contar coa proxección das curtametraxes Cops (Buster Keaton, EUA, 1922), Big bussiness (Laurel & Hardy, EUA, 1929) e Pickpocket ne craint pas les entraves (Segundo de Chomón, Franza, 1909) e os concertos, a partir das 22:00, de Das Kapital, Ataque Escampe e a Magnifique Bande dos Homes sen Medo. Pechará a xornada DJ Chapaev.

O Grupo Cidades Patrimonio da Humanidade de España celebra o 40º Aniversario da Convención do Patrimonio Mundial da UNESCO baixo o lema “Patrimonio Mundial e desenvolvemento sostible: o rol das comunidades locais”.

Celébrao connosco!

En 1960 un suceso extraordinario reuniu ao espírito da comunidade internacional arredor da protección dun monumento histórico: cando o templo de Abu Simbel se viu ameazado pola construción dunha presa no Nilo, 50 países uniron esforzos para trasladalo a unha área a salvo de inundacións.

Visto desde hoxe, este foi o primeiro paso para que a comunidade internacional chegara a considerar que algúns tesouros do planeta son de interese de todos os homes e comezara a idear medios para salvagardalos.

Doce anos despois, o 16 de novembro de 1972, a UNESCO aprobou a Convención do Patrimonio Mundial, que busca protexer os sitios culturais e naturais considerados de valor universal excepcional.

Hoxe, a Convención foi adoptada por 190 países e existen 962 sitios inscritos na Lista de Patrimonio Mundial, distribuídos en 157 países.

Neste ano, o 40º aniversario da Convención, baixo o lema “Patrimonio Mundial e desenvolvemento sostible: o rol das comunidades locais”, o Grupo de Cidades Patrimonio da Humanidade de España reúnese para celebrar esta ocasión, mostrando os seus valores a través dunha serie de eventos e actividades abertas a todo o público.

O Grupo Cidades Patrimonio da Humanidade de España está formado por Alcalá de Henares, Ávila, Cáceres, Córdoba, Cuenca, Ibiza/Eivissa, Mérida, Salamanca, San Cristóbal de La Laguna, Santiago de Compostela, Segovia, Tarragona e Toledo.

+ info: www.40aniversariopatrimoniomundial.com

PROGRAMA DE ACTIVIDADES

Xornada de portas abertas en museos e monumentos

Visita virtual ao Parque da Alameda

Visita guiada 'Monumentos verdes: Parque de Bonaval'

Visita guiada 'Monumentos verdes: Parque da Alameda'

A Fundación Eugenio Granell organiza ao longo de catro xornadas un programa de actos cos que celebrará o aniversario de Eugenio Granell.

PROGRAMA

Do 27 ao 30 de novembro
- 11:00-14:00, 16:00-20:00 h. Fundación Eugenio Granell
Xornadas de portas abertas

27 de novembro
- 20:00 h. Fundación Eugenio Granell
Fiestra. Homenaxe da palabra a Eugenio Granell
Acto literario presentado por Carlos Arias e coa participación de: Comba Campoy, Margarita Fernández, Francisco X. Fernández Naval, Baldo Ramos y Eva Veiga.

28 de novembro
- 12:30 h. Rúa Calderería nº 6
Descuberta da placa homenaxe a Eugenio e Mario Granell
- 19:30 h. Fundación Eugenio Granell
Presentación do libro-disco Miniaturas de Eugenio Granell. Música revelada.
O traballo de investigación e reinterpretación musical coordinado por aCentral Folque, Centro Galego de música popular, achéganos os sons de Granell a través do estudo de Sonsoles Hernández Barbosa e da transcrición das partituras de Benxamín Otero, que o pianista Alejandro Vargas reinterpreta en clave de jazz.

A Cidade da Cultura de Galicia celebra do 27 de novembro ao 2 de decembro a Semana de Portugal en Gallaecia Petrea, unha semana de irmandamento entre dous territorios cunha historia e un patrimonio cultural común.

Así o demostra Gallaecia Petrea, exposición que reúne, por primeira vez, as obras máis significativas feitas en pedra na antiga Gallaecia: territorio comprendido entre os ríos Douro e Navia e que inclúe a actual Galicia, o Norte de Portugal e zonas limítrofes asturianas. O peso luso é innegable: das 91 institucións culturais, concellos e coleccionistas particulares que cederon as 341 obras que conforman esta mostra única, unha vintena son portuguesas, entre as que se atopan entidades tan destacadas como o Museu Nacional de Arqueoloxía de Lisboa, o Museu de Arte Antiga de Lisboa, o Museu do Abade de Baçal de Bragança ou o Museu da Regiao Flaviense de Chaves.

PROGRAMA

- Visita guiada a Gallaecia Petrea
    27 novembro, 11.30 h - Museo Centro Gaiás
- Presentación A Fonte do Ídolo e Catálogo de Gallaecia Petrea en portugués
    27 novembro, 17.00 h - Aula Seminario. Museo Centro Gaiás
- Concerto de María do Ceo
    30 novembro, 19.00 h - Auditorio do Centro de Innovación Cultural
    De balde ata completar aforo
    As invitacións poden recollerse o mesmo día do concerto a partir das 17:00 horas no
    Centro de Innovación Cultural. Máximo: 2 invitacións por persoa

Programa completo aquí

+ info aquí

Esta noite, a galería A.dfuga celebra o seu primeiro aniversario cunha velada na que se inclúe un concerto de cello a cargo dos alumnos da Escola de Música Berenguela e algunha sorpresa máis.

O concerto comezará inmediatamente despois das Xornadas 'A Necesidade da Educación Artística' que se celebrarán desde as 19.30 h. As xornadas contarán cos relatorios de Carmen Morales (encargada da didáctica do Macuf) e de Adriana Pazos (didáctica independente), que exporán as súas impresións ao respecto e darán comezo ao ciclo. 
 
PROGRAMA
 
Concerto de cello
Alumnos de Barbara Switalska da Escola de Música Berenguela

Iago Domínguez Eiras
J.S. Bach. Suite nº 2 para violoncello solo
Preludio

Nuria González Mella
J.S. Bach. Suite nº 2 para violoncello solo
Allemanda
Courant

Antía Guillén García
D. Popper. Estudio nº 22

Antes de deixar os agasallos nas casas, os Reis Magos visitarán un ano máis aos pequenos con todo o seu séquito, que percorrerá as principais rúas da cidade compostelá.

PROGRAMA

- 17.45 h. Chegada en tren dos Reis Magos á estación do ferrocarril onde serán recibidos polas autoridades e a Banda Municipal.

O percorrido será polas seguintes rúas:
Santiago de Chile, Frei Rosendo Salvado, Praza Roxa, República do Salvador, Hórreo, Praza de Galicia, Senra, Porta Faxeira, Rúa do Vilar, Xelmírez, Praza das Praterías.

- 19.00 h. Chegada á Praza do Obradoiro e recepción por parte do alcalde e a corporación municipal.

O 15 de febreiro de 2008 nacía o Pub Ultramarinos. Este venres 15 ímolo celebrar por todo o alto!! Haberá orellas a fartar, sorteo de 2 fins de semana en balnearios galegos, chupiños (a fartar tamén)... e poñédevos mon@s que teremos "fotocol"!

E a música?? Da man dos nosos dous Dj's residentes... VILOUTA & JAVI AMOSA!!!

O Restaurante Rúa acolle esta noite a celebración do I aniversario da produtora creativa Illa Bufarda, un evento no que poderemos gozar dunha reflexión vital-filosófica da man de Lina Pérez e Marcos Cardoso “Emprendo, logo existo”, de proxeccións audiovisuais realizadas na Illa Bufarda e dun concerto acústico do grupo Magritte de Ourense. Illa Bufarda fondea a súa embarcación en Santiago de Compostela para dar peche ao primeiro ano de actividade e dar benvida a tódalas novas mareas que están por vir.

Hai máis ou menos un ano Illa Bufarda nace nun contexto incerto no panorama cultural galego. Esta produtora audiovisual créase coa vontade de ser un proxecto cultural sensible e comprometido coa promoción e a divulgación da cultura dende un eido ben definido: a linguaxe audiovisual. As habitantes desta illa galega cren na cultura como un ben imprescindible que nos permite o coñecemento do propio e o crecemento colectivo. Entre as súas angueiras está a produción audiovisual, a fotografía, a animación, o deseño a formación nos seus eidos de traballo e, en breves, contarán co servizo de deseño web.

Dende que emerxeu das augas, Illa Bufarda, concibiuse coma un lugar para a creación no que o traballo orixinal, imaxinativo e de calidade forma parte das actividades cotiás. Por este territorio de creación xa pasaron proxectos audiovisuais do Museo do Pobo Galego, da Asociación Galega de Editores, Culturgal… Un primeiro ano de incertezas pero tamén de moita ilusión e ganas de traballar no eido para o cal se formaron as habitantes, Adriana P. Villanueva e Sabela Iglesias.

Na Illa non contan o tempo en días, senón en mareas. Cada día hai unha marea alta e unha baixa e así pasa o tempo que lles agasalla continuidade á produtora, grazas ao traballo que chega ao seu Peirao. Por iso queren celebralo e dan cita aberta a todas aquelas persoas que queiran pisar un anaco do areal de proxectos audiovisuais da Illa.

O domingo 24 conmemórase o Día de Rosalía de Castro. Este ano, ademáis, se celebra o 150 aniversario da publicación de 'Cantares Gallegos', o libro que marcou o comezo do Rexurdimento da literatura galega.

PROGRAMA DE ACTIVIDADES

- De 10.00 a 12.00 celebraráse a Alborada para Rosalía, un acto no que milleiros de gaiteiros de toda Galicia renderán tributo á escritora. En Santiago, esta Alborada terá lugar ás 10 da mañá na Praza de Vigo. Ao remate, lerán un manifesto. Trátase dunha iniciativa da Fundación Rosalía de Castro xunto coa Asociación de Gaiteiros Galegos. Os gaiteiros que queiran participar poden anotarse na web da Fundación.

- Ás 10:00 h, ofrenda oral ao pé do monumento que lembra onde naceu a escritora (Praza de Vigo). E a continuación, acto na Casa de Rosalía en Padrón onde personalidades culturais, sociais e políticas de toda Galicia interveñen e recitan na honra da escritora. Alí presentaranse ademais os actos conmemorativos do 150 aniversario de Cantares Gallegos. Actuación musical de Uxía e Sérgio Tannus.

- Ás 12:00 h, no Panteón de Galegos Ilustres, onde está enterrada Rosalía de Castro, terá lugar un acto nacional onde serán lidos poemas de Cantares gallegos, ademais da realización dunha ofrenda floral.

Con motivo do 60 Aniversario do Seminario Menor de Belvís se celebra a I Semana Cultural de San Rosendo, que inclúe conferencias, actividades deportivas, concertos, actos relixiosos e diversas exposicións.

PROGRAMA

** 25 FEBREIRO
- 16:00 h. Inauguración da I Semana Cultural de San Rosendo.
+ Presentación das Xornadas. D. Manuel Ferreiro Méndez (Reitor do Seminario Menor da Asunción)
+ Introdución e razón de ser das Xornadas: Seminario Menor. Sesenta anos construíndo Igrexa. Mons. Julián Barrio Barrio (Arcebispo de Santiago de Compostela)
+ Lección inaugural: O Seminario, ao servizo das vocacións. Mons. J. Leonardo Lemos Montanet (Bispo de Ourense)
- 18:00 h. Apertura das exposicións do LX Aniversario.
+ Exposición fotográfica
+ Museo de Ciencias Naturais
+ Museo do Cardeal Quiroga Palacios
- 19:30 h. Concerto do Conservatorio Histórico de Santiago de Compostela

** 26 FEBREIRO
- 11:00 h. Representación teatral: Adaptación da obra Un conto de Nadal de Charles Dickens, no bicentenario do seu nacemento. Grupo de teatro do Colexio Seminario Menor da Asunción.
- 16:00 h. O mundo da Música
+ Conferencia: Aspectos biolóxicos da Música. D. Miguel Ángel Martínez Olmos (Médico especialista en endocrinoloxía e nutrición do CHUS).
+ Exhibición músico-deportiva: O ritmo no deporte. D. Jorge Rey Álvarez (Actual campión de España de Taekwondo).

** 27 FEBREIRO
- 9:30 h. UK Culture Class. Unha aproximación diferente á  lingua inglesa. Clases prácticas de inglés. Mr. Luke Roberts (Teacher Trainer)
+ 9:30 h: 4º ESO e Bacharelato
+ 10:30 h: 1º, 2º e 3º ESO
+ 11:45 h: 5º e 6º Primaria
- 16:00 h. Charla coloquio con D. Ezequiel Mosquera (Ciclista)
- 17:30 h. Exhibición deportiva. Participantes:
+ Federación Galega de Bádminton.
+ Federación Galega de Tenis de Mesa.

** 28 FEBREIRO
- 12:00 h. Conferencia: De Joseph Ratzinger, profesor, a Benedicto XVI, papa. Testimonio dun alumno. D. Isidro García Tato (Científico titular do Consello Superior de Investigacións Científicas e do Instituto de Estudos Galegos Padre Sarmiento)
- 16:00 h. Gymkana deportiva
- 20:00 h. Primeiras Vésperas de San Rosendo

** 1 MARZO. Festa de San Rosendo
- 10:30 h. Acto académico e entrega de premios dos concursos e competicións
- 11:30 h. Inauguración do Claustro de Reitores e acto de homenaxe
- 12:00 h. Santa Misa na honra de San Rosendo. Preside o Sr. Arcebispo

** 2 MARZO. Encontro de Antigos Alumnos
- 9:00 h. Acollida na explanada do Seminario
- 9:30 h. Inicio do Encontro de Antigos Alumnos
- 10:00 h. Mesa redonda e proxeccións sobre a vida do Seminario nestes 60 anos
- 12:00 h. Santa Misa de Acción de Grazas
- 14:00 h. Pulpada de confraternidade
- 16:30 h. Partido de fútbol sala no pavillón deportivo

Este sábado celébrase na Alameda o Día Mundial da Saúde. Durante todo o día, varios estudantes da facultade de Medicina, pertencentes á asociación ME.I.GA (Medicina Intercambios Galicia), realizarán de forma gratuíta medicións de tensión, glicemias, índices de masa corporal, grupos sanguíneos etc. As persoas interesadas tamén poderán acceder a obradoiros de escoita, autoexploración de mama, glaucoma, actividades de primeiros auxilios e ioga da risa. Tamén se poñerán a disposición dos asistentes unha sección de información sobre distintas enfermidades, tales como diabete, artrite, Alzheimer ou enfermidade celíaca.

Pensando especialmente nos máis pequenos, a iniciativa inclúe ademais unha zona chamada o Hospital dos Osiños, onde se procurará que os nenos perdan o medo á bata branca, xogando a ser eles os médicos dos peluches, deixándoos xogar cun modelo humano para que saiban cales son os órganos, onde están colocados e a súa función, entre outras actividades.

A Asociación de Estudantes da Facultade de Medicina ME.I.GA (Medicina Intercambios Galicia) é unha asociación estudantil que se encarga de complementar os estudos de Medicina con cursos de formación (primeiros auxilios, obradoiros especializados etc.) e ofrecendo intercambios nacionais e internacionais aos estudantes para que estes poidan explorar e experimentar por eles mesmos distintos sistemas sanitarios, á vez que continúan aumentando a súa formación práctica. Tendo sempre en mente a súa responsabilidade como futuros médicos, levan a cabo actividades para fomentar a saúde pública como o Día Mundial da Saúde ou a Carreira da Saúde, actividades que sempre contaron cunha gran participación da poboación santiaguesa.

O auditorio do Conservatorio Profesional de Música de Santiago acolle esta tarde unha homenaxe a Roberto Vidal Bolaño, figura do Día das Letras Galegas deste ano. O acto contará coa interpretación de pezas musicais de Astor Piazzolla, Rodrigo Romaní e Bernardo Martínez, compostas para obras de teatro do homenaxeado. A Escola Superior de Arte Dramática de Vigo realizará a posta en escena con Roberto Pascual, Tero Rodríguez e Jorge Gallardo; na parte musical intervirán Uxía e Roberto Bolaño, a Orquestra Sinfónica do Conservatorio e o grupo de foliada Os Estalotes.

Entre o 14 e o 21 de maio, seis importantes museos de Santiago organizan diversas actividades para festexar o Día Internacional dos Museos.

Nesta iniciativa participan o Centro Galego de Arte Contemporánea (CGAC), o Museo Pedagóxico de Galicia (Mupega), o Museo do Pobo Galego, o Museo das Peregrinacións, o Museo da Catedral e o museo da Fundación Granell.

PROGRAMACIÓN

** O Museo das Peregrinacións centrará a súa programación na "museoloxía social", con dedicación especial ao colectivo xitano. Ademais da exposición 'Le gens du chemin', os días 14, 15 e 16 de maio as súas instalacións acollerán unha actividade para estudantes con música e contos relacionados coa cultura xitana. O día 14, ás 19.00 horas, o vicepresidente da Fundación Pere Closa, Sebastián Porras, e Irene Jiménez, mediadora intercultural da Fundación Secretariado Xitano de Lugo, ofrecerán unha charla sobre a realidade actual desta comunidade.

** O Museo Pedagóxico de Galicia (Mupega) organiza o mércores 15 unha xornada de xogos tradicionais con persoas adultas da Asociación Galega de Persoas Con Demencia e con alumnado. O día 21, ademais dunha sesión de xogos populares, acollerá a presentación do libro 'Tastarabás', de Antón Cortizas.

** A Fundación Granell manterá estes días as exposicións de Philip West, Sergio Lima e Amparo Segarra, así como as mostras 'Poesía, Amor e Liberdade' e 'Paisaxes húmidas. Colección Surrealista' de Granell. En canto ás actividades, os días 15 e 16 realizaranse visitas guiadas para público en xeral mostrando os aspectos descoñecidos do museo e o día 15 a directora da Fundación Luis Seoane, Silvia Longueira, protagonizará unha sesión do ciclo 'A miña peza favorita'.

** O Museo do Pobo Galego dedicará mostras tanto a Rosalía de Castro coma a Roberto Vidal Bolaño, autor homenaxeado nas Letras Galegas deste ano. Así mesmo, ofrecerá un novo xeito de visitar o museo, a través dun xogo de pistas para persoas adultas. O Día dás Letras Galegas instalará un 'Andel Libre' para poñer a disposición dos visitantes, de forma gratuíta, as publicacións do Museo.

EXPOSICIÓNS TEMPORAIS

** Museos das Peregrinacións e de Santiago

'Les gens du chemin'
Fotografías de Olga Seoane Paulus
7 maio - 3 novembro

** CGAC

Miguel Palma. Desconforto moderno
8 marzo - 26 maio

Colección CGAC
Adquisicións e incorporacións recentes
1 marzo - 16 xuño

James Welling. The Mind on Fire
22 marzo - 16 xuño

** Museo do Pobo Galego

Cantares Gallegos. Exposición bibliográfica sobre os 150 anos da publicación desta obra de Rosalía de Castro
23 abril - 19 maio

Vidal Bolaño. Exposición bibliográfica sobre a obra do autor homenaxeado no Día das Letras Galegas 2013
24 abril - 20 maio

Cartografía. Col. Clodio González Pérez
23 abril - 23 maio

Entre amigos
Homenaxe a Ben-Cho-Sey. Exposición de fotografías dos socios do Museo
4 - 30 maio

**Museo Catedral de Santiago

Creo (Pazo de Xelmírez)
31 xaneiro - 30 xuño

** Fundación Eugenio Granell

La tierra penetrada. Philip West
8 maio - 30 xuño

Retorno ao salvaxe. Sergio Lima
21 febreiro - 26 maio

Corpos de papel. Amparo Segarra
27 febreiro - 2 xuño

Poesía, Amor e Liberdade. Granell
27 febreiro - 2 xuño

Paisajes húmedos. Colección surrealista
27 febreiro - 2 xuño

Estudio de Eugenio Granell

** Museo Pedagóxico de Galicia (Mupega)

A pedagoxía intuitiva. As láminas educativas
IES Xelmírez I (Rede Mupega)
8 - 30 maio

Santiago acolle ao longo desta xornada unha serie de actividades coas que se conmemora o Día das Letras Galegas, dedicado este ano ao dramaturgo compostelán Roberto Vidal Bolaño.

PROGRAMA

- 11.00 h. Rúa Vista Alegre
Placa en homenaxe a Roberto Vidal Bolaño

- 11.00 h. Praza do Toural (en caso de choiva dentro da Fundación Granell)
Actividades con motivo do Día das Letras Galegas dentro do programa  "En galego con todas as Letras", organizado pola Concellería de Normalización Lingüística.
- Fotocol "Gústame o Galego" de 11 h a 14 h e de 17 h a 20 h (pola tarde, en caso de choiva esta actividade trasladarase ao Auditorio)
- Entrega de Agasallos dos gañadores de "Crea un lema gústame" ás 13.45 h. Asisten as concelleira de Normalización Lingüística, Rebeca Domínguez, e de Educación, María Castelao.
- Obradoiro "Renova a túa Camisola" con Vidal Bolaño de 12 h a 14 h (adicado a nenos/as).
- Concerto de Pablo Díaz con TIC TAC ás 19 h. (No Auditorio).

- 12.00 h. Teatro Principal
Acto con motivo do Día das Letras Galegas organizado pola Real Academia Galega. Asisten o alcalde compostelán, Ángel Currás, e a concelleira de Normalización Lingüística, Rebeca Domínguez,

- 21.00 h. Teatro Principal
Teatro do Aquí presenta a peza 'Criaturas', de Roberto Vidal Bolaño.

O 17 de maio fai unha escapada ao Gaiás e goza do Día das Letras Galegas con teatro, música, unha mostra bibliográfica e actividades infantís.

Manuel Manquiña será o encargado de recordar a figura do homenaxeado este ano no Día das Letras Galegas coa lectura do manifesto de Roberto Vidal Bolaño 'Teatro do aquí' e a interpretación dunha pasaxe da obra 'Días sen gloria' de Vidal Bolaño, estreada neste mes de abril no Salón Teatro baixo a dirección de Fefa Noia.

Tras o teatro, o grupo de música antiga Resonet poralle banda sonora á xornada a través dunha homenaxe a unha das nosas poetisas máis universais: Rosalía de Castro. Con motivo do 150 aniversario da obra Cantares Gallegos, Resonet ofreceralle ao público do Gaiás varias destas cantigas populares publicadas en Vigo o 17 de maio de 1863. Nesta proposta, Resonet toma dos cancioneiros musicais populares as melodías e ritmos das cantigas nas que se inspirou Rosalía e, dun modo subxectivo, poranlle música a algunhas das poesías máis representativas dos Cantares Gallegos como Has de Cantar, Campanas de Bastabales, Adios ríos, adios fontes ou Airiños, airiños aires.

O programa complétase coa exposición '150 anos de Cantares Gallegos' e a actividade infantil 'O xogo do Touporroutou' co que os máis pequenos se achegarán á figura de Vidal Bolaño. Unha dobre homenaxe que non podes perderte!

Con motivo da celebración do Día Internacional dos Museos, seis importantes museos de Santiago ofrecen unha xornada de portas abertas para que todas aquelas persoas que o desexen poidan achegarse a coñecer as súas instalacións.

Os museos que participan nesta iniciativa son os seguintes: Centro Galego de Arte Contemporánea (CGAC), Museo Pedagóxico de Galicia (Mupega), Museo do Pobo Galego, Museo das Peregrinacións e de Santiago, Museo da Catedral e Museo da Fundación Granell. No caso da Fundación Granell, a xornada de portas abertas estenderase durante toda a semana.

Ademais, o Museo do Pobo Galego e o CGAC organizarán ese mesmo día, de forma conxunta, un espectáculo de danza da compañía TrasPediante. O espectáculo, dividido en tres actos, percorrerá o Museo do Pobo Galego, o parque de Bonaval e o CGAC a través da danza.

O 25 de maio de 1983 estreouse en todo o mundo "O Retorno do Jedi", a sexta e última parte da saga de Star Wars. Ao igual que se fixo no ano 2010 con "O Imperio Contraataca", para celebrar o seu aniversario, Tropa Korriban decidiu realizar un desfile aberto a todos os fans e seguidores dun dos fenómenos cinematográficos máis grandes de todos os tempos. O 25 de maio de 2013, Santiago de Compostela volverá tremer ao paso das tropas imperiais.

PROGRAMA

- 10.00 h. Concentración progresiva no punto de encontro.
- 12.00 h. Actividades da mañá (apertura de Exposición de Star Wars, xogos, instrución "militar" para o desfile).
- 13.00 h. Comida de irmandamento (pavillón ou pícnic. Tenda de comida. Baños).
- 17.00 h. Concentración para vestirse e prepararse. Últimos toques.
- 18.00 h. Desfile. Posible recepción do alcalde ou as autoridades con Darth Vader, Han Solo e o xefe ewok. A banda municipal de música de Valga tocará durante e ao finalizar o desfile.
- 22.00 h. Cea de recuperación.
- 23.00 h. Festa en diversos locais.

Outros datos de interese:

- A cafetaría M* Café e Copas (Rúa Fonte de Santo Antonio, 15, ao lado da Praza de Galicia) inaugura unha exposición de fotos do Imperial Stormtroopers 2010 de Xabier Martínez.

- Tamén podes visitar a Exposición de Star Wars, formada por coleccións privadas de figuras e merchandising, no Centro Comercial Área Central. A liña de autobús 11 leva directamente cada quince minutos.

Toda a info aquí

O Cineclube de Compostela celebra este sábado unha nova edición da súa tradicional festa de aniversario. Desta volta, contarase coas actuacións de Santos Morcegos!!! e a Familia Caamagno, ademais do picadiscos DJ Chapaev, e tamén coa obra Hámster do grupo Histeria Teatro. E como non podía ser doutro modo no Cineclube, tamén haberá proxeccións, con distintas pezas de Daniel Cuberta e María Cañas. Todo no Centro Social O Pichel (Santa Clara, 21), a partir das 19:30.

Un ano máis, o Cineclube de Compostela celebra no Pichel a súa tradicional festa de aniversario, nesta ocasión con doce anos cumpridos de difusión e reflexión sobre a cultura cinematográfica. A festa vai dar comezo ás 19:30 horas, iniciándose, desta volta, cunha obra de teatro. Será con Histeria Teatro, que ven representar unha versión reducida do Hámster que estrearon o pasado 26 de Abril. Este "pretexto para un espectáculo en tres partes de teatro físico sen cancións", de Santiago Cortegoso, foi seleccionado nos III Encontros de Magalia. Nel, o hámster macho e a hámster femia viven na súa gaiola, cos seus conflitos e as súas contradicións: un está feliz dentro; a outra devece por saír fóra.

A continuación, á partir das 20:30, terán lugar as proxeccións. Nesta ocasión poderemos ver tres pezas lúdicas do cinema sevillano máis contemporáneo. Comezaremos con dúas curtametraxes de Daniel Cuberta: De jamones y monjas e Secreto para despertar al pueblo. Cuberta, con estudos no audiovisual, leva máis dunha década sorprendendo coas súas micropezas, que teñen sido calificadas de poesía audiovisual ou videocreación, aínda que el se ten referido a elas como “amor bastante irreflexivo pola representación, polas cancións ou polos xogos de palabras”.

Mais o prato forte das proxeccións será a mediametraxe de María Cañas Sé villana (La Sevilla del Diablo), un muestrario-rebelión sobre a industria dos fanatismos e unha homenaxe á humanidade máis "aperreá": á creación popular, á forza dos débiles, cans verdes, poetas, exiliados, tolos, prostitutas… María Cañas, licenciada en Belas Artes, ten exhibido os seus traballos en numerosos festivais internacionais e dirixe Animalario TV Producciones, un contentor en construcción permanente, dedicado á cultura da reciclaxe e ao apropiacionismo.

Tras unha pausa, darán comezo os concertos, aproximadamente a partir das 22:00 horas. Comezaremos a noite coa banda de surf-western instrumental de Fedorento (A Guarda) Santos Morcegos!!!. Os guardeses veñen de publicar este ano o seu terceiro traballo, Raios e centolas. A continuación, será a quenda da Familia Caamagno, chegados dende a Galicia máis profunda para, mesturando o garaxe, o blues, a empanada de pulpo, os spaguetti bolognesa, a proba dos rixóns, o rhythm and blues, o punk, o sexo nas obras, a hixiene persoal e a extorsión con swing, facer bailar a todos os que se acheguen. Unha vez rematados os concertos, aínda, contaremos coa presenza de DJ Chapaev.

FAC Peregrina Furancho de Arte Contemoporánea finaliza o seu programa tras un ano e tres meses de actividade continuada e bota o peche definitivo cunha festa de despedida.

A Equipa FAC decide poñer fin a este espazo proxecto artístico coa profunda satisfacción de ver os seus obxectivos cumpridos e a tranquilidade de ter exercido a súa responsabilidade para coa construción colectiva de coñecemento que é a Arte e máis para coa súa achega aos novos xeitos de facer no sector artístico, social e afectivo. Queremos agradecervos a todos o voso gran apoio, a vosa participación, as vosas extraordinarias colaboracións, a vosa amizade e a vosa entrega e para celebralo temos o pracer de convidarvos á festa de peche:

FAC ALL // Peche definitivo

O FAC Peregrina bota o peche e con tal motivo organiza o evento FAC ALL no que poderemos gozar todos xuntos dunha comida popular, facernos fotos para a memoria histórica da familia FAC’er no noso muro “Photocall”, participar dos concertos e intervencións musicais de Nacho Muñoz, Ulobit e a equipa de djs de Invasive Sessions, máis algunha que outra sorpresiña…

- COMIDA POPULAR
12:00h en adiante. Cada quen traerá algo de comer ou/e de beber. Haberá grella para asar.

- MURO PHOTOCALL
Durante o día utilizaremos o muro do FAC de Photocall para o rexistro histórico de amigos e colaboradores.

**CONCERTOS

- 19:00 h: HEINE CHRISTENSEN (Ghost & tape) + HORACIO GONZÁLEZ e XOAN-XIL (Ulobit)

- 20:00 h. MADAME CELL (Nacho Muñoz)

- 22:30 h. ATTENTION WHORE :: DUBSTEP, ELECTRO, DRUM¬BASS //INVASIVE SESSIONS
Dende as 22:30 e ata ben entrada a madrugada contaremos coa colaboración do colectivo de djs INVASIVE SESSIONS que convidan para esta ocasión aos pontevedreses ATTENTION WHORE (Dubstep, Electro, Drum&Bass). Estes rapaces vannos facer bailar a base de ben!

A rúa  de San Pedro convértese durante a xornada de hoxe nunha zona peonil para acoller a 'Feira  da Primavera', un mercado organizado pola Asociación de Comerciantes do Barrio de San Pedro que invita a veciños, paseantes e turistas a gozar dun día cargado de animacións, coñecendo máis de preto a oferta comercial e os produtos da rúa.
No barrio de San Pedro, os comerciantes sacarán os seus produtos á rúa e bares e restaurantes instalarán terrazas para que a xente poida comer, tomar uns viños ou cear ao aire libre. A feira contará ademais cun mercado de artesanía no que participan artesáns de toda Galicia.

Ao longo do día, para que o ambiente sexa máis festivo, a Asociación de Comerciantes poñerá en marcha varias actividades e animacións na rúa incluíndo: animación musical da charanga 'Trópico de Grelos', espectáculo de percusión africana 'A Caixa de Tambora', actuación de cabaré de novo circo, animación do home-orquestra Cé Orquestra Pantasma, Astronomía na Beirarrúa e moito máis.

A rúa  de San Pedro convértese durante a xornada de hoxe nunha zona peonil para acoller a 'Feira  da Primavera', un mercado organizado pola Asociación de Comerciantes do Barrio de San Pedro que invita a veciños, paseantes e turistas a gozar dun día cargado de animacións, coñecendo máis de preto a oferta comercial e os produtos da rúa.
No barrio de San Pedro, os comerciantes sacarán os seus produtos á rúa e bares e restaurantes instalarán terrazas para que a xente poida comer, tomar uns viños ou cear ao aire libre. A feira contará ademais cun mercado de artesanía no que participan artesáns de toda Galicia.

Ao longo do día, para que o ambiente sexa máis festivo, a Asociación de Comerciantes poñerá en marcha varias actividades e animacións na rúa incluíndo: animación musical da charanga 'Trópico de Grelos', espectáculo de percusión africana 'A Caixa de Tambora', actuación de cabaré de novo circo, animación do home-orquestra Cé Orquestra Pantasma, Astronomía na Beirarrúa e moito máis.