Santiago convértese cada dous anos en centro das cociñas de todas as beiras do Atlántico. O Fórum Gastronómico foi desde 1999 un congreso de cociña pioneiro en Europa. Tras cinco edicións bienais en Cataluña, a partir de 2008 alterna as sedes de Xirona –anos impares- e Santiago de Compostela –anos pares-, ofrecendo a súa orixinal combinación de congreso profesional de altísimo nivel, feira de produtos de calidade e actividades para o público por toda a cidade:  concurso de pulpeiras e de receitas familiares, sesións de compra e cociña cos chefs, degustacións e catas, talleres para nenos, rutas de tapas, tertulias e shows.

Promovido por Turismo de Santiago e a Concellería de Promoción Económica e Turismo, celebrará a súa próxima edición en Santiago de Compostela en febreiro de 2012.

Más información: http://www.forumsantiago.com

Xunta a compañías de teatro universitarias europeas e iberoamericanos, sendo o único destas características que se celebra nas universidades españolas.

Organizador: Universidad de Santiago de Compostela

Os órganos da Catedral e das igrexas monumentais soan en mans de recoñecidos intérpretes acompañados por formacións de cámara. Ciclo de primavera en maio, de verán en agosto e de outono en outubro.

Compostela é a cidade perfecta para ir de viños e tapas, e celébrao ao comezo do verán co Concurso ‘Santiago(é)Tapas’. O público percorre varias rutas de bares e restaurantes probando propostas tradicionais e creativas a un precio único, para elixir e votar polas súas tapas favoritas. Nun orixinal ‘Tapasporte’ colecciónanse os selos que acreditan esta ‘peregrinación’ gastronómica que premia aos máis golosos.

Máis información: www.santiagoetapas.com

Santiago convértese na capital mundial da maxia cunha semana dedicada ao ilusionismo e máis de 40 espectáculos de magos chegados da China, Rusia e toda Europa. Funcións escolares, shows nas rúas e noites máxicas nos pubs. Varios escenarios.

Cita anual para os aficionados ao Novo Circo, para compartir números breves -malabares, clown, acrobacia...-, ensaiar colaboracións e celebrar a vitalidade das artes circenses xunto a convidados internacionais.

Organizador: Sala Nasa

Aforo: 500

Teléfono: 981 57 39 98

Correo-e: info@salanasa.com

Sitio Web: www.salanasa.com

Durante as Festas do Apóstolo, o Compostela Festival ofrece nas prazas da cidade concertos tradicionais e contemporáneos de música folk de Galicia e o mundo. 

Organizador: Concello de Santiago.

En pleno verán, o festival propicia o diálogo creativo entre artistas de distintas culturas e disciplinas –música, teatro, circo, clown- nun cento de espectáculos ao aire libre. Cidade histórica e parques.

Organizador: Concello de Santiago.

O cinema salta á rúa: exhibición gratuíta das curtometraxes concursantes e premiadas do Festival Internacional Curtocircuíto, precedida de sesións de DJ. Prazas da cidade histórica.

Titiriteiros de varios países mostran as súas singulares producións. Espectáculos infantís, representacións ao aire libre e pases en horario nocturno.  E tamén mesas redondas, exposicións e obradoiros... todo un mundo arredor dos monicreques.

Organizador: Asociación Cultural Barriga Verde

Durante varios días compañías de teatro infantil presentan obras de teatro e monicreques para os máis cativos.

De outubro a maio, a Real Filharmonía de Galicia e outras orquestras españolas e internacionais ofrecen no Auditorio de Galicia pretode 30 concertos, con máis de 100 pezas musicais e medio cento de directores e solistas invitados.

Grandes obras sinfónicas, corais e operísticas; estreas de autores galegos e concertos como o de Nadal ou o de Reis súmanse aos concertos familiares, os didácticos, ao ciclo de piano, ao ciclo de cámara e aos ensaios abertos ao público.

Fundada en 1996, a orquestra da cidade é hoxe unha formación con 52 músicos, tres directores -Paul Daniel, Antoni Ros Marbà e Maximino Zumalave-, unha excelente crítica nacional e internacional, unha produción de 9 traballos discográficos, un nutrido currículo de xiras e un intenso calendario paralelo á temporada, que inclúe o ciclo de cámara Música na Compañía e a Escola de Altos Estudos Musicais para a formación dos futuros músicos galegos.

Coa chegada do Nadal celébrase cada ano un festival que xunta aos principais intérpretes nun programa de clásicos da lírica, incluíndo zarzuela española, musical e opereta.

Organizador: Concello de Santiago / Asoc. Galega da Lírica Teresa Berganza.

Ciclo de música de cámara protagonizado por novos intérpretes galegos ou residentes na comunidade. Concertos gratuítos.

Coincidindo coa Semana Santa, o festival ofrece concertos gratuítos nas igrexas monumentais da cidade. Cantigas medievaise obras mestras do Barroco e do Renacemento conviven coa tradición espiritual de distintas culturas, relixións e continentes, da man de recoñecidas formacións ou artistas que moitas veces actúan por primeira vez en España.

Organizador: Consorcio de Santiago

Feira anual que se celebra durante máis dunha semana no Paseo Central da Alameda, entre finais de abril e a primeira quincena de maio. Alí expóñense e comercializan libros de diferentes editoriais, librerías e organizacións, tanto galegas coma do resto de España, que aproveitan estes días para achegar os seus produtos ao público e vendelos a bos prezos. Nesta feira pódense atopar una gran variedade de libros sobre Santiago e sobre Galicia. 

Ademáis da exhibición e compra de libros hai unha serie de actividades complementarias: firma de libros por parte de autores coñecidos, sorteos, campañas de promoción da lectura, visitas guiadas, etc. 

Exhibición das obras dos grupos teatrais universitarios de toda Galicia.

Organizador: Universidad de Santiago de Compostela

O concurso exhibe e premia na súa semana oficial as curtametraxes das categorías ‘Internacional’, ‘España, ‘Galicia’ e ‘Explora’. O programa complétase co Mercado Internacional de Curtametraxes, o concurso de guións ‘Compostela Plató’, master classes, concertos e encontros con cineastas, ademais de proxeccións nas rúas durante o verán.

Organizador: Concello de Santiago

máis info  www.curtocircuito.org

Exemplares de publicacións recentes a bo prezo, libros con décadas e incluso séculos de antigüedade, documentos sobre Santiago e Galicia... Unha excusa para pasear en primavera por un dos mellores parques da cidade.

Festival de verán de música clásica vinculada a Santiago e os seus Camiños que destaca pola excepcional calidade da súa programación e o seu recoñecemento nos medios especializados europeos.

Dos seus máis de 120 concertos, unha terceira parte céntrase en Santiago de Compostela e o 90% son gratuítos. En Via Stellae conflúen Renacemento e vangarda, compositores europeos e galegos, ópera e música de cámara, música sacra, estreas e concertos únicos en España.

A programación inclúe os 'Concertos Express' -30 minutos de música nos fermosos claustros de Santiago-; ‘Via Stellae 20/21’ -música contemporánea e compositores galegos-, 'Música e arte', que combina concertos e visitas guiadas nos monasterios e igrexas do Camiño e  ‘Off Stellae’, un ciclo de concertos moi orixinais.

Organizador: Asociación Galega de Lírica Teresa Berganza, S.A. de Xestión do Plan Xacobeo, Xunta de Galicia.

Máis información: www.viastellae.es

Cita anual que se celebra en Santiago de Compostela dende 1957 e que forma en música española a intérpretes profesionais e estudantes de todo o mundo. Durante o curso realízanse concertos en espazos singulares, interiores e exteriores, da cidade histórica.

Ciclo de recitais que se celebra entre setembro e outubro e reúne na cidade aos mellores cantantes de lied xunto ao pianista e mentor do evento, Roger Vignoles. A temática central varía cada ano e da lugar a conferencias especializadas sobre o xénero.

Organizador: Concello de Santiago / Asoc. Galega da Lírica Teresa Berganza.

Desde o ano 1988 Compostela vive a súa peculiar cita cinéfila. ‘Cineuropa’ é cine en estado puro. É probablemente o certame de maior duración temporal do circuito: durante todo o mes de novembro pásase revista ao mellor cine da tempada, desde os premios de Cannes, Berlín, Venecia ou San Sebastián, ata o pequeno cine alternativo, reunindo aos grandes nomes, aos novos realizadores, ao xénero documental e á proxección de copias especialmente restauradas para este festival non competitivo, alleo aos intereses económicos, pensado exclusivamente para disfrute do espectador.

Compañías de teatro afeccionado presentan as súas montaxes en espectáculos gratuítos.