Ángel Currás, na rolda de prensa posterior, agradeceu o compromiso de Turkish Airlines con Lavacolla e lembrou que os contactos entre o Concello de Santiago e a compañía turca comezaron hai xa máis dun ano, cando a empresa municipal de turismo transmitiu aos directivos da compañía que Lavacolla é o aeroporto de referencia de Galicia por dous motivos fundamentais: a súa situación central e o atractivo turístico de Santiago, imaxe máis recoñecida de Galicia no mundo e principal porta de entrada na comunidade.

O alcalde compostelán sinalou que o convenio que asinaron Turismo de Santiago e Turkish Airlines a comezos de ano en Fitur para a promoción conxunta da conexión non conta con ningunha aportación económica por ningunha das dúas partes, pero si inclúe accións conxuntas de promoción, como a presenza de Turismo de Santiago por primeira vez na Emitt, a principal feira turística de Turquía.

Pola súa banda, o director xeral en funcións de Turkish Airlines en Santiago, Halid Koca, asegurou que a nova conexión vai incrementar o número de visitantes a Galicia dende todo o mundo e destacou o especial interese que a nova ruta está tendo en países como Xapón.

Koca tamén dixo que “Turkish Airlines está moi orgullosa de estrear o voo entre Santiago e Estambul, que facilitará aos cidadáns de toda Galicia e o norte de Portugal acceso á ampla rede de destinos onde volamos”.

A ruta entre Santiago de Compostela e Estambul operará tres veces por semana (martes, venres e domingo) cun Airbus A319 e un Boeing 737-800. O avión despegará de Lavacolla ás 13:50 e chegará ao Aeroporto Internacional de Atatürk ás 19:15.

O Grupo Área Santiago estableceu, a proposta do Concello de Teo, que un dos primeiros proxectos sería potenciar a pesca como recurso turístico. Pártese de dous feitos: por unha banda o territorio do grupo está fondamente marcado por dous dos ríos máis importantes de Galicia, o Ulla e o Tambre, así como polos seus afluentes; por outra banda, a pesca ten demostrado noutros territorios, como Canadá, Irlanda, ou países do leste de Europa, que pode ser un recurso turístico con gran atractivo.

O río Ulla é, por lonxitude e caudal, o terceiro río en importancia de Galicia. Ten una lonxitude total de 132 kms. A segunda conca fluvial en importancia da Área Santiago é a do río Tambre con unha lonxitude total de 134 km e con dous afluentes salientables como son o Dubra (15 kms.) e, sobre todo, o río Lengüelle (27 kms.). Tamén o río Umia pasa polo Concello de A Estrada.

A reunión co Director Xeral enmárcase no obxectivo definido dentro do Grupo Área Santiago de poñer en funcionamento un proxecto conxunto de cara á temporada de pesca do 2014, promovendo prioritariamente a pesca sen morte.

O grupo Área Santiago constituirase formalmente o vindeiro 27 de maio coa sinatura dun protocolo de colaboración por parte dos alcaldes dos 19 concellos constituintes, que suman unha poboación de 270.000 persoas e unha extensión de preto de 2.500 kms², aproximadamente un 10% da extensión de Galicia. Os concellos que forman parte de Área Santiago son: A Estrada, Ames, Arzúa, Boqueixón, Brión, Lalín, Melide, O Pino, Oroso, Padrón, Rois, Santiago, Silleda, Teo, Touro, Trazo, Val do Dubra, Vedra e Vila de Cruces.

O SCCB asiste ao evento para promocionar a cidade como destino para acoller reunións, congresos e viaxes de incentivo, así como para informar das últimas novidades do destino: novas conexións aéreas, novos espazos para congresos e outros recursos.

O SCCB ten en axenda citas con profesionais procedentes de Alemaña, Xapón, Reino Unido, Brasil, Singapur e España, entre eles axencias de incentivo, turoperadores, asociacións profesionais, organizadoras de eventos e OPCs, que avalían a posibilidade de celebrar o seu evento en Santiago.  Ademais, o SCCB aproveitará a importancia do mercado turco en Alemaña para contactar coas axencias turcas asistentes á feira e presentarlles o destino, tendo en conta o novo enlace aéreo directo entre Santiago e Estambul.

Santiago de Compostela recibe a visita dun xornalista da revista china 'Top Travel' con motivo dun press trip organizado pola Oficina Española de Turismo en Pekín, en colaboración con Cidades Patrimonio da Humanidade e o concello santiagués. Como resultado desta viaxe o medio publicará un especial dedicado a Galicia para promocionar os seus principais atractivos turísticos.

Pola súa parte, Salamanca recibiu a cinco xornalistas de Hong Kong, aos que acompañan representantes de Turkish Airlines e da Oficina Española de Turismo en Cantón. Entre os participantes atópanse redactores e fotógrafos de 'Hong Kong Economic Journal', 'Next Magazine', 'Baccarat Magazine', 'Sing Tao Daily' e'Headline News', medios especializados en viaxes e turismo dirixidos ao consumidor final de clase alta.

O Grupo de Cidades Patrimonio, ao que pertencen Salamanca e Santiago de Compostela desde a súa constitución en 1993, continúa con estas viaxes de familiarización a súa aproximación ao mercado turístico chinés. China experimenta unha escalada progresiva no l ranking de gasto turístico mundial, ocupando actualmente a terceira posición e encamiñándose según pronósticos ao liderazgo mundial nos vindeiros anos. O gasto medio do turista chinés en Europa oscila entre os 1.500 e os 3.000 euros por persoa e viaxe, dos cales as compras representan a súa maior partida de gasto. España recibiu o pasado ano 177.000 turistas procedentes do xigante asiático, o que supón un crecemento do 43% sobre o ano anterior.

O grupo de 23 profesionais, nos que se inclúen catro persoas de Ucraina e unha de Kazakhstan, estará en Santiago o xoves e o venres desta semana. O xoves farán unha visita guiada polo casco histórico e o venres pola mañá unha visita á Catedral, grazas á a colaboración coa Fundación da Catedral.

Esta é a segunda visita dun grupo de profesionais do mercado ruso a Santiago este mes. A pasada semana tamén se amosou a cidade a un grupo de touroperadores e axentes de viaxes rusos. Nesta ocasión a colaboración foi coa axencia catalana Marfil Travel, especializada no recepctivo de turismo ruso.

Dende Turismo de Santiago considérase que o turismo ruso é un mercado en continuo crecemento en España, que non só busca sol e praia, senón tamén cultura, patrimonio, compras ou gastronomía, como indica o feito de que axencias de receptivo catalanas, un dos principais destinos do novo turismo ruso, queran ampliar o seu abano de ofertas con destinos como Santiago e o Camiño de Santiago.

Turismo de Santiago participou xa en setembro do 2012 nunhas xornadas organizadas por Turespaña que se celebraron nas dúas principais cidades do mercado ruso, Moscova e San Petesburgo.

Esta actividade forma parte dun intenso plan de promoción en Alemaña no marco do Plan Anual de Actuación conxunta con Turespaña, a través da asistencia a feiras turísticas, presentacións de produto, campañas de público, viaxes de familiarización para axentes e xornalistas, e diferentes accións de marketing on e offline dirixidas ao consumidor final e aos intermediarios. Alemaña é o mercado emisor máis importante e ocupa o primeiro posto en número de pernoctacións no conxunto das Cidades Patrimonio da Humanidade.

Coa sinatura do convenio de colaboración formalizarase a existencia do grupo de traballo, que hoxe celebrou no Cersia a súa quinta reunión. O obxectivo é tamén que a sinatura pública sirva para dar visibilidade pública á existencia da Área Santiago, concebida como un grupo de concellos que queren sumar os seus recursos turísticos para atraer a un maior número de turistas e aumentar a súa estadía media.

Na reunión celebrada hoxe presentouse un borrador do cronograma de actuaciones para o periodo 2013 – 2014 coas tarefas que están xa adiantando as tres comisións técnicas creadas para a xestión dos recursos turísticos máis sobranceiros cos que conta a rexión: a pesca e o turismo fluvial, gGastronomía e paquetes. Posteriormente, iranse creando novas comisións para estudar outras temáticas de interese evidente para a Área de Santiago, como a dos Camiños de Santiago ou o aproveitamento das rutas de sendeirismo na zona.

Unha das iniciativas que se consideran prioritarias é a elaboración dun mapa de recursos turísticos, que recompilrá de forma sintética e visual os atractivos que en moitos casos son descoñecidos tanto para os visitantes, como para os propios residentes nos noncellos.

Tamén se está traballando na actualización de eventos de interese turístico da Área Santiago na axenda da web www.santiagoturismo.com, que no ano 2012 sumou máis de medio millón de visitas e preto de tres millóns de páxinas vistas. Estes eventos estanse actualizando ademais a través da conta en Twitter @santiagoturismo, empregando o hashtag #muycercadeSantiago. 

No transcurso da semana e nos diferentes workshops organizados por Turespaña nas cidades de Braga, Oporto, Coimbra e Faro, presentaranse as novidades da oferta turística e cultural das trece cidades que integran o Grupo aos preto de 500axenets de viaxe e turoperadores convocados.

Portugal é o sesto mercado emisor de viaxeiros para o Grupo de Cidades Patrimonio da Humanidade de España, que en 2011 recibiu máis de 82.000 turistas do país veciño. O comportamento dos turistas portugueses experimentou notables cambios nos últimos tempos debido á crise económica do país, que leva tres anos aplicando duras medidas de austeridade e control do déficit. Varios estudos apuntan á xeralización de viaxes máis curtas, máis frecuentes e con menor gasto, polo que se impón a busca de destinos próximos, como é o caso dos destinos españois.

O Grupo de Cidades Patrimonio da Humanidade de España é unha asociación sen ánimo de lucro creada no ano 1993 para a defensa e a promoción do patrimonio cultural das 13 cidades que o compoñen, recoñocidas pola UNESCO como Patrimonio da Humanidade: Alcalá de Henares, Ávila, Cáceres, Córdoba, Cuenca, Ibiza/Eivissa, Mérida, Salamanca, San Cristóbal de la Laguna, Santiago de Compostela, Segovia, Tarragona e Toledo.

Taeil aproveitou a súa estadía na cidade para contactar con Turismo de Santiago e amosar o crecente interese dos coreanos pola ruta de peregrinación. Explicou que a súa asociación rexenta en Madrid un albergue de peregrinos de 20 prazas, situado na avenida Finisterre, no que se recibe aos pergrinos coreanos e doutras nacionalidades e se lles expide a Credencial do Peregrino na que recollerán os sellos dos albergues e parroquias do Camiño para obter a 'Compostela' ao alcanzar a meta.

Dado o auxe do Camiño entre os seus compatriotas -só entre novembro de 2012 e xaneiro de 2013 chegaron a Santiago de Compostela 408 peregrinos de Corea do Sur- Taeil manifestou que a asociación enviará proóximamente un hospitaleiro coreano ao albergue de Astorga e a Carrión dos Condes.

En 2012 a oficina de información turística municipal de Turismo de Santiago recibiu 1328 consultas de visitantes coreanos, que representan o segundo continxente máis numeroso de turistas asiáticos despois dos xaponeses.

As pernoctacións domésticas foron 51.274, un 21% máis que o ano pasado. As pernoctacións internacionais foron 21.571, cun crecemento do 45,4%. Foi o primeiro mes de marzo no que se superou a barreira de 20.000 pernoctacións internacionais. O anterior récord neste mes databa do 2007, cando houbo 18.098.

Os datos de marzo permitiron que no primeiro trimestre houbese un aumento do 11,1% nas pernoctacións, chegando ás 162.577. O crecemento prodúxose tanto no turismo doméstico, cun aumento do 8,1%, coma no turismo internacional, cun aumento do 22,5%. Dende Turismo de Santiago valórase especialmente este crecemento do turismo internacional, xa que se produce respecto ao 2012, que foi o ano da historia con mellores datos en pernoctacións internacionais.

Os resultados, sen embargo, teñen que tomarse con prudencia, posto que inclúen a celebración da Semana Santa neste mes, mentres co ano pasado fora en abril. Aínda así, é destacable que o aumento do 27,3% en Santiago triplicase o aumento medio en España, que foi do 8,3%.

Tamén é destacable que este foi o mes de marzo da serie histórica do INE no que foi maior a oferta hoteleira na cidade, con 7.268 prazas dispoñibles.

En principio o fam-trip estaba pensado para cinco touroperadores, pero dadas as solicitudes que se recibiron por parte do sector emisor irlandés, decidíuse ampliar o grupo ata dez, sinal do interese crecente que ten Santiago para este mercado. Alí Turismo de Santiago está facendo un importante esforzo de promoción dende o ano pasado, incluindo a presenza da cidade por primeira vez na Holiday World Show, a feira turística máis importante do mercado irlandés que se celebrou no mes de xaneiro.

En maio de 2012 promocionouse a cidade no programa “Saturday Night Show” da televisión pública irlandesa RTÉ, onde se sortearon dous billetes de avión con cinco noites no Hostal dos Reis Católicos nunha campaña de promoción de Aer Lingus da súa conexión entre Dublín e Santiago, na que colaboraron Turismo de Santiago, a rede de Paradores de España e a OET en Dublín. Tamén en xuño de 2012 Turismo de Santiago organizou unha viaxe de xornalistas irlandeses a Santiago, en colaboración coa Asociación Hostelería Compostela e a OET en Dubín.

A conexión con Dublín funciona desde 2007. Os datos de pasaxeiros nos últimos cinco anos foron: 2012, 18.546 pasaxeiros; 2011, 17.206; 2010, 17.421; 2009, 12.020; 2008, 16.820. Este ano é previsible que a cifra de pasaxeiros poda aumentar ata os 25.000 pasaxeiros, xa que Aer Lingus ampliará as conexións para operar toda a temporada de verán, de abril a outubro, e nos meses centrais de verán pasará de tres a catro frecuencias semanais.

Ademáis, está habendo unha suba importante no número de peregrinos procedentes de Irlanda, que no 2012 ocupou xa o sexto posto con maior número de peregrinos internacionais, só por detrás de Alemaña, Francia, Italia, Portugal e EEUU, con 3.844 peregrinos, un crecemento do 43% respecto do ano 2011.

Nesta reunión acordouse un borrador de convenio de colaboración para formalizar a existencia do grupo e definir as liñas xenéricas de actuación. O documento podería ser asinado a finais de maio ou comezos de xuño.

O grupo conta xa con tres comisións técnicas de traballo, creadas en base ao análise dos recursos turísticos cos que se conta: a Pesca e o Turismo Fluvial, concibidos como un recurso turístico no que a área de Santiago ten capacidade para converterse nun referente; Gastronomía, tanto polos produtos característicos da área como as celebracións gastronómicas; e Paquetes, para promover ofertas combinadas para os turistas, aproveitando os diferentes recursos da zona e prestando especial atención ás familias.

As comisións, compostas por pequenos grupos de concellos co obxecto de facer máis operativo o traballo, están mantendo reunións para definir os seus obxectivos e formas de actuación. Posteriormente, iranse creando novas comisións para estudar outras temáticas de interese evidente para a área de Santiago, como a dos Camiños de Santiago ou o aproveitamento das múltiples rutas de sendeirismo que hai na zona.

Na xuntanza tamén se presentou o funcionamento do programa 'Goza do Ulla', un percorrido polos roteiros de sendeirismo dos 19 concellos bañados polo río Ulla. Neste programa participan varios Concellos da Área de Santiago: A Estrada, Boqueixón, Padrón, Silleda, Teo, Touro, Vedra e Vila de Cruces; e pode servir de modelo de actuación conxunta.

Santiago de Compostela. Salón Rojo del Pazo de Raxoi, sede del Ayuntamiento compostelano. Una veintena larga de personas de Galicia, de Italia y de Noruega. Itinerarios Culturales Europeos respalda la cita, que es, en realidad, el pistoletazo simbólico de salida de un programa llamado Certo y que tiene como objetivo la promoción conjunta de tres caminos: el de Santiago, el de San Olaf en Noruega y la Vía Francígena entre Inglaterra y Roma. Espero un mero acto protocolario pero acaba siendo un encuentro entre viejos y nuevos conocidos, un alcalde que ha soltado un pequeño discurso muy bien elaborado y muy astuto (ha arrimado el ascua a la sardina, o sea, al Camino de Santiago, con una delicadeza y firmeza dignas de encomio) y sonrisas, muchas sonrisas. La gente está tan a gusto que no tiene prisa alguna, se enreda, va a los balcones a ver desde allí el Obradoiro, con la gente de Incolsa al frente pasa al salón verde, luego al minúsculo de plenos, zanganea por las escaleras y al fin sale a admirarse de nuevo ante la catedral.

En realidad, el proyecto Certo aglutina a cinco entidades de cuatro países con el objetivo común de promocionar los mencionados tres Itinerarios Culturales Europeos. Las entidades que participan son: Ayuntamiento de Santiago, Caminos de Europa (Parma), Asociación Europea de la Vía Francígena (Fidenza), Centro Nacional de Peregrinación de la Ruta de San Olaf (Trondheim) y el Instituto Europeo de Itinerarios Culturales (Luxemburgo). Pretenden, según sus palabras, organizar “viajes de periodistas para que conozcan los distintos caminos, presencia conjunta en ferias y distintos foros de turismo para profesionales, presentaciones en destino, programas para compartir experiencias y conocimientos, intercambios de espacios en las respectivas páginas web de los participantes del proyecto”.

Eso, que me lo pasé bien. En plena crisis ver ideas nuevas y gente ilusionada es una inyección de adrenalina. Gracias.

A delegación xaponesa expresoulle ao alcalde que Santiago Compostela é un destino turístico e cultural de interese cada vez maior en Xapón. Neste sentido, salientaron o alto nivel de satisfacción que os visitantes nipóns apuntan tras a súa visita á cidade, así como a súa intención de repetir viaxe.

Turismo de Santiago tamén está interesado en potenciar a captación de turistas xaponeses, un mercado cada vez máis emerxente en Compostela e especialmente atractivo polo seu nivel adquisitivo. Neste sentido, tanto o Concello como os touroperadores xaponeses coinciden na aposta por reforzar os vínculos entre os camiños de Santiago e Kumano, e por aproveitar a mellor conectividade aérea destes momentos grazas ao enlace entre Lavacolla e Estambul de Turkish Airlines. Ademais, con motivo da celebración nuns meses do ano dual entre Xapón e España, estase a estudar a posibilidade de desenvolver diferentes actividades en Compostela.

Actualmente hai 36 Itinerarios Culturais Europeos declarados polo Consello de Europa. O primeiro deles foi o Camiño de Santiago, que obtivo o recoñecemento en 1987. Outros dous dos máis importantes son a Vía Francíxena e a Ruta de San Olaf.

A Vía Francíxena partía de Canterbury, en Inglaterra, e cruzaba Francia, Suíza e Italia ata Roma. Foi a ruta de peregrinaxe a Roma máis importante da Idade Media. A Ruta de San Olaf foi a ruta de peregrinaxe máis importante do norte de Europa. Tiña como destino a catedral de Nidaros, na cidade noreguesa de Trondheim, onde reposan os restos de San Olaf, rei que introduxo o cristianismo en Noruega a comezos do segundo milenio.

A través do proxecto Certo, cinco entidades de catro países promocionan conxuntamente estes tres Itinerarios Culturais Europeos, que comparten o feito de ser rutas de peregrinaxe con gran influencia na Idade Media. As entidades que participan son el Concello de Santiago, Camiños de Europa (Parma), Asociación Europea da Vía Francíxena (Fidenza), Centro Nacional de Peregrinaxe da Ruta de San Olaf (Trondheim), e o Instituto Europeo de Itinerarios Culturais (Luxemburgo).

Nas actividades de promoción do Proxecto Certo inclúense presstrips ou viaxes de xornalistas para que coñezan os distintos camiños, presenza conxunta en feiras e distintos foros de turismo para profesionais, presentacións en destino, programas para compartir experiencias e coñecementos,, e especialmente a creación dun paquete turístico para a promoción das rutas.

O Concello de Xerusalén, unha das entidades organizadoras do evento, convidou ao Concello de Santiago a participar nunha mesa redonda sobre rutas de peregrinaxe transfronteirizas e destinos, unha oportunidade para amosar a importancia do Camiño de Santiago e os atractivos turísticos de Santiago ante os máis de 600 asistentes.

Na mesa redonda a concelleira de Turismo de Santiago, Reyes Leis, departirá con representantes de camiños de peregrinaxe de Armenia, Nepal, Sri Lanka e a propia Xerusalén. Trátase dun panel no que estarán representadas diferentes relixións e perspectivas respecto ao desenvolvemento das rutas e dos destinos.

O simposium ten por obxectivo expoñer estratexias para conseguir un desenvolvemento sostible nas rutas de peregrinaxe e nos seus destinos, xerar un intercambio de coñecementos e experiencias de éxito e estimular un turismo respectuoso co medio ambiente e a identidade das cidades receptoras.

Estes operadores proceden de 28 países con gran interese como emisores turísticos. Así, en busca de propostas para ofertar nos seus lugares de orixe, acuden maioristas de Alemaña, Arxentina, Austria, Brasil, Corea, China, Dinamarca, EE.UU, España, Finlandia, Francia, Grecia, Holanda, Hungría, Islandia, Xapón, India, Italia, México, Noruega, Polonia, Portugal, Reino Unido, República Checa, Corea, Rumanía, Rusia, Suecia e Uruguai.
 
Turismo de Santiago e a Asociación Hostelería Compostela, baixo o paraugas da marca “Compostela Destino Cinco Estrelas”, organizan conxuntamente un acto de benvida aos turoperadores participantes, que se celebrará hoxe pola tarde no Hostal dos Reis Católicos. Ademais, desenvolverán unha axenda de reunións conxuntas cos profesionais para promocionar a cidade como un destino con múltiples atractivos e preparado para diferentes segmentos.

Por outra banda, Turismo de Santiago participa hoxe nunha reunión técnica do Spain Convention Bureau a través do seu servizo para a promoción da cidade como destino de congresos, xornadas e incentivos, o Santiago de Compostela Convention Bureau. Nesta reunión analizarase a evolución do sector congresual en España no 2012, estudaranse as posibilidades de colaboración co sector privado e presentarase o plan de actividades para o 2013.

O prototipo de 'tour box' nace para poñer en valor a cooperación entre tres Itinerarios Culturais Europeos: o Camiño de Santiago, a Vía Francíxena e a Vía de San Olaf, gracias á colaboración entre Camiños de Europa G.E.I.E. (líder do Proxecto Certo), o Instituto Europeo dos Itinerarios Culturais, o Concello de Santiago de Compostela, a Asociación Europea das Vías Francíxenas e o Nidaros Pilgrim Centre. A partir da primavera, gracias ao traballo conxunto de Camiños de Europa GEIE con Eatinerari, a 'tour box' comercializarase no mercado italiano.

Na presentación en FITUR interviron Reyes Leis, concelleira de Turismo de Santiago de Compostela; Penelope Denu, directora do Instituto Europeo de Itinerarios Culturais; Alessandro Cardinali,  presidente de Camiños de Europa G.E.I.E.; Silvia Lecci, Project Manager da Asociación Europea das Vías Francíxenas; Giovanni Pattoneri, coordenador do Proxecto Certo e secretario xeral de Camiños de Europa G.E.I.E., e Diego di Paolo, Product Manager de Eatinerari e Camiños de Europa.

A análise realizouse nas 40 cidades españolas con maior número de hoteis, téndose en conta 1.7 millóns de opinións de usuarios rexistrados tanto nas diferentes plataformas de Trivago como nas webs de reserva que compara.

Santiago de Compostela é a cidade española con mellor reputación online cunha valoración media de 82.05 puntos sobre cen. Xunto a Oviedo, con 80.19 puntos, son os únicos destinos analizados que superan os 80 puntos. Valencia, con 79.82, é a terceira do ranking, Burgos é a cuarta, con 79.74, e Córdoba, a quinta, con 79.71. Estas cinco cidades recibirán o galardón dos ‘Trivago Online Reputation Awards 2013’ durante a feira de turismo FITUR, que terá lugar en Madrid entre os días 30 de xaneiro e o 3 de febreiro, como recoñecemento á labor e o bó facer dos seus hoteis. O resto de cidades que conforman o ranking das dez cidades con mellor reputación online son Salamanca (79.70), Barcelona (79.56), Málaga (79.40), Bilbao (79.17) e Zaragoza (78.98).

Os premios ‘Trivago Online Reputation Awards’ nacen para recoñecer o bo traballo dos aloxamentos das cidades españolas, xa que a reputación online é un dos factores que máis inflúen tanto na decisión de compra dos viaxeiros como na creación dunha imaxe de marca sólida por parte dos hoteleiros, segundo informou este portal que conta con plataformas en 30 países e máis de 18 millóns de visitas únicas ao mes.

Alberto Calcerrada, director de Comunicación de Trivago España, e Natalia Aguilar, directora de Trivago España, entregarán o premio o 30 de xaneiro a Reyes Leis Rodríguez, primeira tenente de alcalde do Concello de Santiago de Compostela e concelleira delegada de Economía, Comercio, Turismo e Mercados, no stand de Turgalicia en Fitur. 

Por unha banda, o turismo internacional alcanzou os mellores datos de pernoctacións da historia, superando claramente a barreira das 400.000 pernoctacións, con 425.636 e un crecemento do 13% respecto das cifras do ano 2011. Só nunha ocasión anterior a cidade superara a barreira das 400.000 pernoctacións. Foi no ano 2010, cando se chegou ás 406.877. Por outra banda, o turismo doméstico vivíu un periodo difícil pola crise económica do país, que está reducindo dun xeito moi importante as viaxes dos españois. Houbo 656.256 pernoctacións nacionais, que representan un descenso do 14% respecto das pernoctacións do 2011. Trátase do peor dato en turismo nacional da serie histórica do INE.

Pernoctacións internacionais
2012: 425.636
2011: 376.429 
2010: 406.877
2009: 351.875
2008: 362.568
2007: 388.054
2006: 326.944 
2005: 338.577
     

Pernoctacións nacionais
2012: 656.256
2011: 766.046 
2010: 1.023.306
2009: 831.025
2008: 758.934
2007: 765.479
2006: 694.986
2005: 780.763
      
A subida do turismo internacional e o descenso do turismo nacional fixeron que a demanda turística da cidade modificase a súa estrutura, tendo un maior peso o turismo internacional, que practicamente supuxo o 40% da demanda da cidade. Nunca antes o turismo internacional representara unha porcentaxe tan elevada na demanda da cidade.

Estrutura da demanda turística en Santiago
2012: Doméstico: 60,7%; internacional:39,3%
2011: Doméstico: 67,1%; internacional:32,9% 
2010: Doméstico: 71,6%; internacional:28,4%
2009: Doméstico: 70,3%; internacional:29,7%
2008: Doméstico: 67,7%; internacional:32,3%
2007: Doméstico: 66,4%; internacional:33,6% 
2006: Doméstico: 68%;   internacional:32%
2005: Doméstico: 69,8%; internacional:30,2%         

Dende Turismo de Santiago considérase que no 2013 o turismo nacional continuará vivindo unha situación complexa pola situación económica do país. Considérase tamén que hai que continuar apostando polo turismo internacional, co obxectivo de diversificar a orixe dos visitantes da cidade, que nos anos pasados era demasiado dependente da demanda española.

Por este motivo, Turismo de Santiago aumentará en 2013 a promoción internacional da cidade, reforzando os mercados tradicionais e apostando por mercados considerados oportunidades. Así, nesta mesma semana Turismo de Santiago participa por primeira vez na EMITT turca para promocionar a nova conexión aérea de Turkish Airlines que une Santiago e Estambul, ampliando a conectividade cos mercados asiáticos, e participa tamén por primeira vez ao Holiday World Show irlandesa para promocionar a conexión aérea de Aer Lingus entre Santiago e Dublín, que este ano ampliará a súa duración en dous meses, de abril a outubro, e aumentará as súas frecuencias de tres a catro semanais nos meses centrais do verán.