O resto da oferta da cidade pasa polo concerto de Achilifunk do sábado na sala Capitol, boas actividades infantís, teatro gratuito nos centros socioculturais, exposicións de luxo e o Laboratorio de Pensamento Breve na Cidade da Cultura. E quen prefira un domingo de acción poderá acompañar ó Obradoiro no partido de baloncesto no Multiusos do Sar.

Tamén hoxe comeza o Festival 'Soños de Chequia', que nos trae concertos de música popular e sacra morava, cata de produtos típicos, cine e exposicións. O venres abre co jazz fusión do Zuzana Lapcíková Quinteto en el Teatro Principal, que se prolongará cando se lles una o Felipe Villar Trío no Jazz Club Dadó Dadá.  E máis opcións para o venres: o concerto na Capitol da banda metal alemana U.D.O, e a peza satírica 'Le Frigo' no Salón Teatro, que se repetirá o sábado.

Para o sábado, 'Soños de Chequia' continúa cunha proxección de cine infantil, a degustación de viños e tapas en Abastos 2.0, a actuación de Collegium 1704 na igrexa das Ánimas, o concerto de jazz de Ondrej Havelka & his Melody Makers no Principal e unha nova sesión jam no Dadó Dadá. E ademais no Hostal dos Reis Católicos terá lugar o evento central da Galicia Fashion Week, cun desfile de moda galega e un cocktail.

Finalmente o domingo 6 xúntansenos o concerto do pianista checo Karel Kosárek na igrexa da Universidade, un novo desfile de moda no Hostal, teatro na Sala Santart e unha proxección de cine checo no Principal. E poderemos despedir a fin de semana entregándonos á sensual voz do cantante Aloe Blacc, que chega á Sala Capitol precedido polas críticas que o consagran como o posible sucesor de Marvin Gaye. Haberá que escoitalo.

Así degustaremos a única presentación de 2011 en España do mellor cuarteto do mundo, o Emerson Spring Quartet; a beleza e a forza do Ballet Nacional de Cuba; a temporada da Real Filharmonía de Galicia, estreas de teatro e músicas de sabores diversos, dende o metal ó soul. Pero tamén, e moi especialmente, gozaremos do dilatado banquete de Cineuropa, o festival compostelán de cine independente e de autor que chega ós seus 25 anos enchéndonos a mesa de películas inesquecibles en enormes racións diarias.

Que aproveite, Santiago.

Os maiores tampouco estaremos de brazos cruzados. O sábado, durante toda a mañá, o Festival AMAL 2011 abre os seus obradoiros de serigrafía, cociña e danza árabe. A Cidade da Cultura a mediodía ofrece o concerto do gaiteiro Patrick Molard, e pola tarde clausura o seu ciclo 'Espazos Sonoros' coa actuación do Ensemble Nova Lux. Entrada a noite, o abanico é cuádruplo: o concerto de órgano de Gianlucca Bertucci na Catedral, o da Orquestra de Cámara da Filarmónica de Colonia no Hostal, o de Revólver na Capitol e unha nova función de teatro con 'Soños' na sala Santart, que repite o domingo.

Para despedir a fin de semana, o domingo no Principal poderemos escoitar o jazz árabe de Le Trio Joubran, parte do festival AMAL que durante toda a semana entrante seguirá proxectando longametraxes, curtas, documentais e cine infantil árabe.

Tras unha mañá de eventos infantís -choiva de contos na Biblioteca Pública e teatro para toda a familia- o sábado vai ser difícil escoller entre o Réquiem de Mozart en la Catedral, o show do mago Juan Tamariz no Auditorio Novacaixagalicia e o concerto da diva do soul Maxine Brown na sala Capitol. A sorte é que Tamariz repite a sua 'Magia Potagia' o domingo, pero entón vólvensenos abrir tres camiños irresistibles: ¿o mago, a potencia da banda metal Symphony X ou o cuarto concerto de Brandemburgo na igrexa de San Paio? E ademais conclúe a representación teatral 'Soños' na Santart, mentres as salas e museos desbordan excelentes exposicións. Que non se diga que a fin de semana de Santiago non é máxica, como para exercitar o tentador don da ubicuidade.

Se o venres o Auditorio ofrece a segunda e derradeira función de O Barbeiro de Sevilla coas entradas esgotadas, o sábado aínda hai oportunidade de subir á Cidade da Cultura e disfrutar do recital lírico do ciclo 'Espazos Sonoros'. O sábado nenos e maiores estarán de noraboa polo comezo do Festival Internacional de Monicreques 'Galicreques', que na súa edición de 2011 convoca a numerosas compañías españolas e latinoamericanas para shows ao aire libre e baixo teito, empezando cunha dobre tanda de El Patito Feo.

Máis de 30 exposicións das máis diversas temáticas agárdannos tamén nas galerías e museos para unha espectacular primeira fin de semana de outubro.

Baixo o título ‘Trobadores galegos medievais e a súa época’, os concertos diarios a cargo de formacións de Dinamarca, Suíza, Alemaña, Francia e España recollen as composicións musicais que os xoglares levaron de aldea en aldea polos camiños de Europa, con especial énfase na lírica medieval galego-portuguesa e a súa abundante produción de cantigas de amor, de escarnio, de amigo ou de ‘maldizer’.

Máis para facer? Asistir o venres á segunda función de 'American Café', levar ós nenos a unha nova 'Choiva de contos' ou asistir ás numerosas exposicións que salpican galerías e museos da cidade.

Nesta primeira edición destaca a presenza de The Offspring, unha das mellores bandas de rock do mundo; as lendas The Specials e The Toy Dolls, o indie de The View, a mestura de rock e electrónica de Rinôçérôse e Delorean, os directos de Bad Manners, Triángulo de Amor Bizarro, Muchachito Bombo Inferno, Tote King e Sôber, os clásicos do rock arxentino Las Pelotas e unha ampla representación galega encabezada por Siniestro Total.

E hai máis músicas: o venres no Teatro Principal, a Real Filharmonía de Galicia e seis nenos galegos e rusos ofrecerán un concerto dentro do encontro 'Peregrinos Musicais', dedicado ós novos talentos. Venres e sábado haberá novos 'Atardeceres no Gaiás' e o domingo será un día excelente para subir á Cidade da Cultura e introducir ós nenos no mundo da música clásica cos Pequeclassics. E a vindeira semana, aínda nos agarda o Festival 'Músicas da Itinerancia', que reunirá a varias formacións musicais na fermosa igrexa gótica de San Domingos de Bonaval para repasar as composicións que os xoglares levaron de aldea en aldea polos camiños de Europa.

Se engadimos as estreas teatrais, os concertos de In Flames e Mr. Big na Sala Capitol, as abundantes propostas da Cidade da Cultura e a oportunidade de aproveitar os postreros días de sol e os seráns frescos nas apetecibles terrazas compostelás, Santiago e setembro convértense no derradeiro e definitivo pracer deste verán.

Este venres, por exemplo, o programa de festas inclúe o espectáculo 'Amor Amargo' do bailarín Rafael Amargo na praza da Quintana, seguido pola repetición do gran espectáculo multimedia do pasado domingo sobre a fachada da Catedral e a actuaicón a medianoite de Lou Reyes e Os Astros na Alameda. Unha alternativa máis tranquila é sempre a Cidade da Cultura, cos seus Atardeceres no Gaiás -hoxe, un solpor con micropoesía; o sábado, o grupo pop Dejavu- seguidos por unha nova xornada de observación astronómica.

Para o sábado, ademais das actividades infantís do programa 'Vive o Verán', agárdannos no programa de festas a tradicional xornada de folclore galego, o 'Concerto Jurassic rock-tres décadas de música de luxo' no paseo dos Leóns e a derradeira reposición do espectáculo de luz sobre a Catedral. 

E se o domingo pasado esperábamos o fantástico espectáculo dos Fogos do Apóstolo, o vindeiro domingo 31 miraremos cunha certa nostalxia os fogos de fin de festa no Campus Sur, pero poderemos repoñernos asistindo ó concerto gratuíto que reunirá na Quintana ós cantantes dos grupos Taxi, Siniestro Total e Guaraná. E por diante quédanos todo agosto, que é sinónimo de boa programación para vivir plenamente o verán na rúa.

Isto vai ser un non-parar. A programación abrirase oficialmente o xoves 21 ás 22.30h co tradicional pregón, que este ano corre a cargo do veterano limpabotas do aeroporto de Lavacolla, don Alfonso González Puente. A continuación a mítica banda La Unión dará na praza da Quintana o concerto inaugural, con entrada libre. Mentres tanto, noutros puntos da cidade, poderá optarse polo concerto do festival Via Stellae ou o animado solpor do 'Atardecer no Gaiás' na Cidade da Cultura.

O venres 22, máis opcións aínda, porque a noite de clausura do festival Via Stellae ofrece un dobre programa de concertos: un dedicado ao Seicento italiano coa grande mezzosoprano checa Magdalena Kozena e a Orquestra Barroca de Venecia, e unha particular festa 'Disco Barroco 2011', que reunirá a DJs e estrelas do bel canto nunha noite inesquecible. Será unha difícil elección, habida conta de que o Apóstolo ofrece o bo facer da cantante Luz Casal na praza da Quintana, e a Cidade da Cultura outro atardecer con pop sueco, seguido por unha nova xornada de observación astronómica.

O sábado 23, quen desperte cedo poderá participar nas actividades urbanas do ciclo 'Vive o Verán' e atopará no Obradoiro a exhibición de coches antigos. Pola tarde, novo solpor con música de violonchelo no Gaiás, e festa rachada na Alameda coas tradicionais orquestras de baile. 

A noite grande, a máis agardada, chegará o domingo 24 para encender de novo o ceo compostelán. Os Fogos do Apóstolo apretarán a propios e estraños na praza do Obradoiro á espera da maxia lumínica sobre a fachada da Catedral e no firmamento. O extraordinario espectáculo irá precedido polo concerto de Cornelius 1960, a banda Taxi e o show 'A máquina do tempo' na Quintana; mentres os turcos Hayvanlar Alemi inauguran o ciclo de arte sonora 'Ruído de Fondo' na Cidade da Cultura.

O 25, festivo en toda España, trala solemne cerimonia da Procesión e Ofrenda ao Apóstolo Santiago na Catedral, agárdannos o concerto de Berrogüetto e a sorpresa de ver un novo espectáculo de luz na catedral, que se repetirá nas seguintes noites como homenaxe aos 800 anos da consagración do templo.

Felices Festas.

O sábado poderemos subir ao monte Gaiás para gozar do solpor sobre Santiago menters o dúo de violonchelos Chelicia interpreta obras de Telemann, Barrière e Popper. E a mañá do domingo será un día propicio para percorrer todas as exposicións que teñamos pendentes, entre as que sen dúbida destacan 'Domus Iacobi', a suite Vollard de Picasso, 'A catedral de Santiago, corazón de Compostela' e, para ir cos nenos, os 'Fotógrafos da Natureza'.

O festival, que ata o 22 de xullo nos ofrecerá 14 magníficos concertos nos que se alternan grandes nomes dea música antiga e barroca, pero tamén vangarda, compositores europeos e galegos, ópera e música electrónica, arrancará este sábado coa presentación en España do espectáculo-concerto 'Farinelli, o mito 20 anos despois do filme'.

Si os nubeiros dan unha tregua, haberá oportunidade de asomarse ao ceo desde a Cidade da Cultura ou desde o Centro Sociocultural da Trisca, pois ambos programan sesións de astronomía para todos os públicos. Tamén nos agardan as máis variadas exposicións, eventos infantís e o concerto de Malandrómeda que pon fin á semana eMundial na sala Nasa, sen esquecer outra nota clásica: comezan os recitais do Festival de Contrabajo Ludwig Streicher con artistas como Ernst Weissensteiner. A polo paraugas.

Esta fin de semana xa recende a celebracións. Esténdese a diversión por toda a cidade coas moi populares Festas do barrio de San Pedro e as actividades da Cidade da Cultura, que invita ao inicio das súas estupendas noites de observación astronómica no alto del Gaiás, ás que se sumarán ao longo do mes os seus 'Atardeceres no Gaiás' e as visitas máxicas para nenos.

Tamén teremos que facer tempo para gozar das grandes exposicións recén abertas en Santiago. Será un pracer visitar a marabillosa Suite Vollard de Picasso, as mellores imaxes de natureza presentadas ao concurso Wildlife Photographer of the Year ou a curiosa evolución da máquina de escribir na Cidade da Cultura.

E polas noites haberá boas saídas musicais: o venres, o concerto da mítica banda Topo na sala Capitol ; e odomingo, na Nasa, o primeiro concerto en Galicia da banda venezolana Desorden Público.

Feliz xullo.

Para facer honra a esa longa historia compostelá do prodixio, chegaron hai días algúns  destacados magos do mundo, que participan na Semana Internacional do Ilusionismo. 'Compostela Máxica' chámanse esas abraiantes actuacións cheas de naipes, pombas e sorpresas que vimos gozando nas rúas, prazas e centros socioculturais desde o 6 de xuño. Esta fin de semana recollerán as súas chisteras, pero antes deixarannos dúas galas no Teatro Principal -venres e sábado- e unha gala final no Auditorio de Galicia o domingo.

A estes días de encantamentos engádense a danza de Traspediante, co seu espectáculo 'Habelas' -que combina baile e ilusionismo-, o concerto de Amancio Prada en homenaxe a Cunqueiro e as 'Lecciones de Vértigo', o esperado concerto de Josele Santiago na Capitol. Máis elementos para a beberaxe máxica dunha boa fin de semana son a festa do décimo aniversario do Cineclube este sábado; as intervencións 'Muller Exprés' en varias prazas; unha nova entrega do ciclo literario da Cidade da Cultura, 'O Ceo das Letras'; a Mostra de Cine Etnográfico e o espectáculo infantil 'Cadros dunha improvisación' na Biblioteca Ánxel Casal. Despediremos a Feira do Libro Antigo na Alameda e os debuxos de Unamuno na Fundación Torrente Ballester, pero recibiremos a exposición da IX Bienal de Gravado. E din que a semana que ven a maxia que quedou na cidade acenderá de novo o sol.

Outra fista máis prolongada, a dos 800 Años da Consagración de la Catedral, ofrécenos o sábado un dos concertos máis destacados do calendario en Santiago: a única actuación española en 2011 da mezzosoprano de moda, a letona Elīna Garanča, coa Real Filharmonía de Galicia dirixida por Karel Mark Chichon.

Tamén hai karting no estadio de San Lázaro.  E por si fose pouco, a cidade estará pendente doutro 'ascenso' na Ascensión: o do seu equipo de baloncesto Obradoiro, que se xoga hoxe en Burgos o seu pase á liga ACB... e que podería ter que decidir o seu futuro nun derradeiro partido este domingo que os composteláns esperamos que non chegue nunca.

Pero hai moito máis que facer desde hoxe ata o domingo en Compostela. A cidade bule agardando as animadas Festas da Ascensión e apura as derradeiras tapas do concurso Santiago(é)Tapas, que pecha esta fin de semana. Do teatro na Illa das Mulleres Loucas ao concerto de Russian Red, ou da mañá que dedica a Cidade da Cultura a Torrente Ballester ata o concerto do Compostela Organum Festival na igrexa das Ánimas, a axenda que despide maio está sembrada de eventos apetecibles, que nos preparan para a semana festiva que se achega.

Así que hoxe é un día para aproveitar que o Museo do Pobo Galego, por exemplo, ofrece entrada gratis; ou que o CGAC invita a un concerto de Laurel Halo ás 21 horas; ou que a Fundación Granell organiza visitas guiadas e charlas, para entrar e admirar os recintos monumentais e os tesouros que se gardan na porta veciña, preservados a través do tempo ou transportados no espazo para que chegaran á altura da nosa curiosidade e os nosos ollos.

A tarefa máis saborosa tócalle ao xurado especializado e ao público larpeiro, que percorrerán os 60 bares participantes –máis que en ningunha edición- desta peregrinación gastronómica, probando as máis tentadoras propostas da cociña miniatura compostelá. Milfollas, crocantes, empanadas, torradas, salpicóns, vasiños, tartares, timbais, pasteis e espetos convocan un ano máis aos mellores produtos da mesa galega. E se ben o polbo e o mexillón parecen ser os protagonistas, é moi prometedor o desfile de lagostinos, salmóns, luras, navallas, anchoas, ameixas, rapes e zamburiñas por parte do mar; e porco, tenreira, aves, cordeiro, queixo, froitas, verduras e ata augardentes galegos por parte da terra. Sabor e sorpresas ao estupendo prezo único de 2 euros por tapa, como o ano pasado.

A consigna é sinxela: botarse ao camiño coa fiel compañía do Tapasporte, percorrer con avidez as cinco (é)tapas, gañar premios e desvelar qué tesouros se agochan detrás de nomes tan suxerentes como o Vox Pulpoli, Mexillón á Deriva, O Tamborileiro Ten Fame, Lembrando o Mar e Terrinato Ye-yé. Porque xa estamos a piques de descubrir A Qué Sabe a Primavera (tapa da foto).