A aldea de Furelos localízase no Camino Francés a Santiago. É a entrada ao concello de Melide e á provincia da Coruña a través da ruta xacobea. Atópase tras pasar unha ponte medieval, unha das xoias da arquitectura civil do Camiño e que aparece referenciado xa en tumbos do Mosteiro de Sobrado do s. XII. Desde o alto da ponte xa intuimos unha aldea diferente, coqueta, especial.

Furelos é un conxunto de construccións edificadas entorno á igrexa de San Xoán de Furelos, de orixen románica e que conserva un muro que protexe o atrio do templo. O lousado das rúas, as casas e muros de pedra e o ruído que fan os peregrinos ao camiñar conforman unha atmósfera idílica.

Na contorna da aldea -do outro lado da estrada nacional- está a praia fluvial do río Furelos, un lugar perfecto para pasar a tarde os días de sol, que ten unha ampla zona de baño (con pías incluídas) e un merendeiro na zona arbolada.

Desde este punto tamén se pode realizar unha ruta de sendeirismo duns 15 km (paralela ao río na súa maior parte) e que remata na parroquia de Santa María de Melide, na capital.

Cómo chegar
Pola estrada N-547, tras pasar o núcleo urbán de Melide -en dirección Lugo- e a uns 56 km desde o centro de Santiago de Compostela. Tamén podes acceder en autobuses da empresa Freire, que opera a línea Santiago-Lugo e fai paradas en Melide (a 1,5 km) e -algún servizo- na propia aldea de Furelos.

Ordenar por

Filtrar por sección