estado do tempo
Today is thursday 25 december, it is 8ºC and partly cloudy in Santiago

Content not available in English. Sorry for the inconvenience

Máis de 5.500 petiscos consumíronse nos primeiros días do Santiago(é)tapas

31/10/2012

O concurso Santiago(é)Tapas 2012 marcha a bo ritmo, como se pode observar no aspecto nos 72 establecementos participantes que ofrecen as súas creacións a un prezo de 2 euros.

A quinta edición do certame comezou o pasado venres e, dende entón, consumíronse máis de 5.500 petiscos.

Hoxe é véspera de festivo, que algúns visitantes aproveitarán para realizar unha escapada a Compostela, co que se prevén novas xornadas cunha gran afluencia de amantes da gastronomía en miniatura. 

Precisamente, e pensando nos que veñen, 33 establecementos de hospedaxe da cidade de 5, 4, 3, 2 e 1 estrelas ofertan dende mañá e ata o 11 de novembro un paquete especial. 

Este incentivo ofrece dous días de estancia en habitación dobre, almorzo, visita guiada á zona monumental, viaxe en tren turístico, un paraugas promocional, entrada á exposición “Gallaecia Petrea” na Cidade da Cultura e vales para a degustación de tapas no concurso, todo a prezos estandarizados.

E, xa pola noite, chega a oportunidade de probar o Santiago(é)Noite. 17 locais da hostalería nocturna compostelá toman parte desta actividade, mantendo os seus horarios habituais. Os cócteles de Santiago(é)Noite teñen un prezo de 3,50 euros para quen presente o seu tapasporte.

No kiosko da Praza de Galicia, na oficina de Santiago Turismo e nos distintos establecementos participantes pódense conseguir, de balde, os tapasportes, os documentos que acreditan a visita aos diversos establecementos das cinco (é)tapas.

O posto na Praza de Galicia funciona en horario de mañá de 12:00 a 14:00 e de serán de 17:00 a 21:00 nela tamén se entregan os premios directos ao público que completa as (é)tapas.  

Tamén é posible informarse nas redes sociais e no portal web www.santiagoetapas.com.

Os participantes

Os 72 establecementos participantes forman un total de 5 é(tapas):

Praza do Obradoiro: Mercedes Morigosa, AC Palacio del Carmen, Acio, Enxebre-Hostal dos Reis Católicos, Ángel, O Celme do Caracol, A Casa do Medio, Los Caracoles, Central, San Jaime, Rúa Villar, Cre-Cotte, Kuntshalle, A Curtidoría e Xuntanza.

Praza de Cervantes: O Piorno, Abastos 2.0, Pazo de Altamira, Casa Pepe, Tafona, Paso del Noroeste, O Curro da Parra, La Flor, Bicoca, Texturas Galegas, La Bodeguilla de San Roque, Garum, Hervor & Fervor, Broa e O Elefante

Praza de Galicia: Antollos, M* Café e Copas, Venecia, Descorche, La Cantina de A Curtidoría, La Codorniz, Caney, Calderón, Pecaditos, Negreira “O Patata”, El Pasaje, Porta Faxeira, O’ 42 e O Boteco.

Praza Roxa: O Ferro, La Bodeguilla de Santa Marta, Artesana, Manso, Castelao, J de Joker, Leal, La Cavita, A viña de Xabi, Galopín, Vivacce, Rincón de Gurpegui, Libeliña, Señor con Bigote e Tryp Santiago.

Camiño Francés: Husa Santiago Apóstol, Puerta del Camino, Bodeguilla de San Lázaro, Mesón de Lázaro, Casa da Viña, A Grella, El Olivo, Casa Tato, A Moa, O Afiador, La Barrika, Casal do Cabildo,O Catro.

Hai cinco premios en xogo para eles. O xurado outorgará tres distincións. O Primeiro premio á mellor tapa do Santiago(é)Tapas conta con 2.000 euros; o Segundo, con 1.200 euros; e o Terceiro galardón é de 1.000 euros.

Ademais, o público tamén asignará dous premios. O creador da mellor tapa para o público recibirá 800 euros; e o establecemento que acade a maior excelencia para os seus visitantes acadará 500 euros.

No Santiago(é)Noite están: Armería, Atántico, Bolengo, Casa das Crechas, D3, Deluxe, Fonte Sequelo, Garoa, Kapital, La Cava de Saint James, La Flor, Makumba, Meia, O Boneco, Retablo, Shangó e Sónar.

O Santiago(é)Tapas 2012 está organizado por Hostelería Compostela e conta co patrocinio de Cash Récord, división de autoservicios maioristas de Vegalsa-Eroski; e Estrella Galicia. Turismo de Santiago e a Deputación da Coruña son colaboradores institucionais. 

Os produtos  recomendados son Rioja Valserrano, Ribeiro Gran Reboreda, Mencía Alma de tinto, Xenebra Nordés  e Aceites Abril. O concurso conta coa colaboración do Mercado de Abastos de Santiago, Coca Cola, Lidl, Banco Etcheverría, Paradores, Pousadas de Compostela, Utimaq, Equip ‘ Hotel, Frutas Merca Lozano e o grupo Santiago é Noite.

Ademais, 28 empresas colaboran con produto enogastronómico, ceas degustación para 2 persoas e aloxamentos en réxime almorzo.

How much did you like this entry?
Share it on: