Santiago promociona a súa oferta para turismo de congresos e reunións en Lisboa

O Santiago de Compostela Convention Bureau (SCCB), servizo de Turismo de Santiago para a promoción da cidade como destino para a celebración de Congresos, Reunións e Incentivos, presentará mañá a cidade en Lisboa, continuando coa súa tarefa de posicionamento da cidade como un destino atrativo, de calidade e internacional para as empresas e entidade organizadoras de Congresos.

O SCCB, grazas a colaboración do Spain Convention Bureau e da Oficina Española de Turismo en Portugal, fará unha presentación da cidade a uns 70 representantes de axencias especializadas neste sector do mercado portugués. Entre estes asistentes sortearase unha estadía dunha fin de semana para dúas persoas no Hotel AC Palacio del Carmen.