Hoxe é mércores 23 de maio, temos 21ºC e prevese algo nubrado
en Santiago de Compostela
O convento compostelán de San Francisco, conxunto monumental fundado no ano 1214, acolle nun dos seus claustros a exposición permanente do Museo de Terra Santa. Ademais de gozar do edificio, exemplo do barroco galego, a visita supón unha oportunidade única de coñecer a cultura material e a historia do Próximo Oriente, posto que se presenta un percorrido por todos os momentos históricos do actual Estado de Israel.
A través das pezas expostas, procedentes na súa totalidade de Terra Santa, podemos coñecer períodos tan remotos como o Paleolítico e, a partir de aquí todo o proceso histórico que sufriu a zona ata a actualidade. Os fondos expostos explícannos culturas tan afastadas no tempo como imprescindibles para entender a nosa propia historia, converténdose así o museo nunha ponte cultural que enlaza as cidades de Santiago e Xerusalén, xa unidas historicamente por seren dous dos principais centros de peregrinación.
A exposición permanente do Museo de Terra Santa articulouse nas seguintes seccións: PASADO REMOTO, que inclúe os períodos desde o Paleolítico á dominación romana. PRESENTE DE TERRA SANTA, que amosa os traballos artesanais da zona realizados en nácara e madeira de oliveira que, xunto coas maquetas e principalmente a da basílica e a do Santo Sepulcro, son as pezas mais admiradas.
Desde o século I da nosa era ata a I Guerra Mundial, romanos, bizantinos, árabes e turcos foron os encargados de configurar a historia de Xerusalén, civilizacións representadas na sección XERUSALÉN COBIZADA. E baixo o epígrafe CONVIVENCIA ACTUAL amósanse as variadas relixións e culturas presentes na actual Xerusalén: xudía, musulmana e cristiá. Completan este percorrido maquetas dos edificios históricos e actuais máis significativos xunto cunha valiosa colección numismática en que podemos ver as moedas utilizadas na zona, desde as acuñadas por Alexandre Magno ata as actuais.
En pleno casco antigo da cidade, a 150 metros da Catedral e a 50 metros do parking de Xoán XXIII érguese un dos edificios con maior...
Está situado en pleno casco histórico, na rúa Porta da Pena, así chamada por ser unha das sete portas que daban...
O edificio atópase na praza máis emblemática da cidade compostelana, a Praza do Obradoiro, arrodeado pola Catedral de...
No hotel Altaïr, a beleza excepcional da zona vella de Compostela únese coas liñas vangardistas que caracterizan o...
Dentro dun marco incomparábel como é a zona monumental, este hotel con encanto alzase nun edificio histórico do...
O Servizo de Didáctica da Fundación Eugenio Granell inaugura a exposición 'Nenos, obxectos, bestas e mestres', resultado do...
Ao longo do mes de maio, o artista Miguel Cuba (Lugo, 1982), licenciado en Belas Artes pola Universidade de Vigo, expón a súa...
A Fundación Araguaney-Puente de Culturas acolle na sala de exposicións do Araguaney Gran Hotel e ata finais do mes de abril unha...
O artista Alfonso Rivero de Aguilar expón as súas esculturas no espazo xardín do Hotel Virxe da Cerca de Santiago, sendo o...
Ao longo do mes de maio, a Sala Infantil da Biblioteca pública Ánxel Casal organiza unha mostra bibliográfica cos...
