Factoría Compostela

A galería de arte Factoría Compostela abriu as súas portas co obxectivo de propoñer un novo concepto galerístico, un proxecto cultural afastado de calquera convención, un espazo de creación, experimentación e debate, aberto a Santiago desde o corazón do casco histórico compostelán, aos pés da emblemática praza da Quintana.

Participar da actividade incesante de Factoría significa presenciar o traballo de creadores hospedados na residencia de artistas deste singular espazo e ser convidado a participar en cursos e seminarios do máis diverso tipo; tomar parte, en suma, dun fluxo, dun continuo intercambio de ideas e experiencias, que a galería promove ofrecendo, incluso, a posibilidade de que os visitantes poidan aloxarse nalgún dos seus apartamentos. Trátase dunha opción diferente pero complementaria das formas máis convencionais de coñecer a cidade, inserta nun amplo programa de turismo creativo que permite coñecer de primeira man como vive, como respira a cidade de Santiago.

Mais información

Localización

Rúa da Conga, 9, Santiago de Compostela, 15782

Teléfono

981557853 / 649398558

E-mail

info@factoriacompostela.com

Web

http://www.factoriacompostela.com

Horario

Luns-Sábado: 11.30-13.30 / 17.00-21.00

Enviar información por SMS

Se detecta algún erro nesta páxina, por favor comuníqueo a ot@santiagoturismo.com

Google Street View é un servizo automático de Google que obtén imaxes a pé de rúa en base a súa localización xeográfica. Turismo de Santiago non é responsable do seu contido, encadre ou punto de vista. A inclusión deste recurso é só a título informativo.