Pazo Vista Alegre

O Pazo Vista Alegre álzase no fértil val do río Ulla ao seu paso pola parroquia de Ponte Ulla, a poucos quilómetros de Santiago. Meticulosamente reconstruído polos seus propietarios actuais, está habilitado como restaurante e escenario de banquetes e celebracións. Nel tiveron lugar grandes acontecementos culinarios.

Posúe íntimos recunchos e acolledores comedores entre os seus muros robustos, e exuberantes xardíns, rodeados de fontes e flores, axeitados para grupos grandes de persoas. O pazo pertenceu a linaxudas familias de Galiza, como testemuñan os seus escudos e as meritorias obras de arte que o adornan. 

Neste exquisito ambiente, cheo de beleza e historia, pódense degustar os máis selectos manxares do mar e da terra galega, elaborados con especial mestría, con receitas tradicionais e novas.

Ofrece servizo profesional de camareiros, restauración, sala de reunións, montaxe de carpas propias para exposicións e organización de espectáculos, entre outros.