A uns 4 km. do centro de Santiago, encóntrase este aloxamento moderno e elegante, adaptado para calquera motivo de visita, xa sexa por negocios ou pracer.
Ocupa un edificio construído en 1985 e completamente renovado no ano 2007.

Restauración
O Restaurante Orballo aposta por unha variada e innovadora oferta gastronómica, na que se funden os sabores tradicionais de Galicia co máis sofisticado da cociña actual. Así, ofrécense almorzo bufet, xantar e cea (á carta ou menús).
A Cafetería Citania pon a disposición dos seus clientes unha gran variedade de bebidas, cafés, chocolates, infusións, whiskys, xeados, bolería, sándwiches e bocadillos.

Máis información
Ofrece un marco idóneo para todo tipo de celebracións (congresos, reunións de traballo, presentacións de produtos, seminarios, vodas, comuñóns, aniversarios...) poñendo todo o interese en lograr a plena satisfacción dos seus clientes, baixo o asesoramento dun persoal cualificado.
Dispón de 15 salóns de reunións modulares -con capacidade de 10 a 800 persoas- equipados con avanzada tecnoloxía e medios audiovisuais.
Internet wifi dispoñible en todo o hotel (de pagamento) e acceso gratuíto a 3 terminais.

Arredores
Está situado nunha tranquila zona residencial, moi doada de acceso, a uns 10 minutos en coche do centro histórico de Santiago.

Como chegar
- Dende Santiago centro: tomar a saída cara a Ourense e a AC 841 en dirección A Estrada. Seguir recto 2 km ata chegar a unha gasolineira Cepsa. Aí, xirar inmediatamente á dereita e seguir ata encontrar o hotel.
- Dende A Coruña: dende a autoestrada AP 9, tomar a saída 72 (Santiago Leste - Ourense) e a dirección Santiago. Pasar a 1ª rotonda todo recto. Na 2ª rotonda, tomar a AC 841 en dirección a Estrada. Seguir recto 2 km ata chegar a unha gasolineira Cepsa. Aí, xirar inmediatamente á dereita e seguir ata encontrar o hotel.

Información xeral dos cuartos
120 cuartos con baño (algunhas con bañeira de hidromasaxe): estándares, júniors, executivas e superiores.
Acceso a internet wifi (de pagamento).

Arredores