'Vive o Verán' pon en marcha un programa de ximnasia por niveis de actividade física nos parques da cidade. Todos os luns e mércores, agás festivos, o público poderá asistir a clases de ximnasia terapéutica; unha actividade baseada no exercicio moderado co que se pode obter un beneficio físico e psicolóxico.

Ata o mes de setembro, visitantes e cidadáns poderán gozar ao máximo dos días asollados de verán e do tempo libre co programa ‘Vive o verán', unha serie de actividades lúdicas ao aire libre e de balde proposta polo Concello de Santiago. ‘Vive ou verán' convida a aproveitar os recursos naturais e patrimoniais de Compostela a través dunha oferta múltiple e variada de actividades que inclúe cursos de deporte, visitas e roteiros, actividades infantís e proxeccións de filmes ao aire libre.