Hoxe é xoves 17 de maio, temos 15ºC e prevese parcialmente nubrado
en Santiago de Compostela
O boneco Stabri comparte estes días vivencias e un paseo pola historia da Universidade de Santiago de Compostela, da man de Visitas Guiadas USC e a súa nova portadora, a guía Rosi Maxi. A Universidade de Santiago de Compostela (USC) é a primeira institución universitaria que actúa como portadora do boneco viaxeiro Stabri, recén chegado de Oviedo, e tras percorrer máis de 123 cidades de 21 países como China, Xordania, Gran Bretaña, EUA, Exipto ou Italia.
Acompáñao a súa inseparable mochila negra onde cada un@ d@s portador@s comparte o seu momento, convertendo deste modo ao boneco nun BAÚL DE HISTORIAS interminable... onde cada recordo deixado alí, representa un escenario de soños para o seu portador.
Xa coñeceu o Pazo de Fonseca, o Reitorado, a Facultade de Historia e Xeografia... e todavía fáltalle moito máis... como o campus de Excelencia Internacional (Campus Vida), o Reitor e Vicereitores.
A súa despedida está prevista para esta tarde, cunha multitudinaria quedada twittera" nos xardíns do Claustro Fonseca. Encontro gratuíto para todos os públicos e todos os curiosos que se queiran facer a foto co boneco 2.0 que está a revolucionar o mundo.
Máis info sobre Stabri: www.stabri.com
ESPERAMOSVOS O VENRES ÁS 20 HS EN FONSECA...NON FALTEDES!!
Visitas Guiadas Patrimonio USC
twitter: @visitasUSC
Colexio de Fonseca s/n 15782
Santiago de Compostela
Tlf.981563100 / 647344128
Como cada mes de maio, Santiago celebra as festas da Ascensión, unha das celebracións máis importantes da cidade na que a xuventude participa de forma notable. Os espectáculos que forman o seu programa están enfocados especialmente aos máis novos sen esquecer outros aspectos tradicionais como o Día do Neno, a Festa dos Maiores, diversas actividades deportivas, as orquestras da Alameda, o teatro de sala ou a animación de rúa.
Cadena 100 organiza esta noite un concerto na Praza da Quintana protagonizado polo veterano grupo Celtas Cortos, que presenta os temas do seu álbum máis recente, 'Vivos y directos', publicado en 2012.
As Festas da Ascensión continúan na súa terceira xornada coa celebración da fase local feminina de padel no Multiusos do Sar e unha nova proxección do Compostela Cine Classics'12, así como dúas funcións da comedia teatral 'Ni contigo ni sin ti' e o concerto Cadena 100, protagonizado por Celtas Cortos e Huecco na Praza da Quintana.
A programación musical das festas da Ascensión prosegue esta noite coas actuacións na Quintana de Nach e Erin, organizadas coa colaboración de XADE e incluídas nun programa de actividades de Cultura Urbana.
A cidade de Santiago prosegue coa celebración das súas festas da Ascensión cun nutrido programa de actividades para todas as idades. Ao longo de toda a xornada, no Pavillón Municipal de Santa Isabel, terá lugar o I Trofeo Cidade de Santiago de Baile. A cidade histórica será o escenario do concerto da banda Municipal e de pasarrúas que amenizarán o ambiente, así como de un espectáculo de monicreques para os pequenos da casa. E xa pola tarde, a fase feminina de padel e o concerto do artista valisoletano Eliseo Parra.
A música da orquestra Super Star encherá de ritmo a Alameda esta noite, nunha sesión de baile incluída no programa das festas da Ascensión 2012.
As festas da Ascensión 2012 chegan hoxe á súa fin cunha xornada enteiramente dedicada aos máis cativos. Deste xeito, todos os rapaces que se acheguen este domingo ás atraccións da Alameda gozarán dunha rebaixa do 50% no prezo das entradas.
