Hoxe é xoves 17 de maio, temos 17ºC e prevese algo nubrado
en Santiago de Compostela
Santiago acolle durante tres xornadas o 1º Congreso Afro-Latino, un evento cuxo principal obxectivo é proporcionar aos bailarins tanto profesionais coma afeccionados, un coñecemento integral dos bailes Cubanos (Salsa, Son, Rumba, nas súas variantes, guaguancó, yambú e columbia, yoruba- orishas...), así como de bailes Africanos (Kizomba, semba kuduro, funana...) da man dos bailarins e profesores de maior recoñecemento mundial.
É un Congreso con gran transcendencia internacional, contando xa co titulo dun dos eventos máis grandes do mundo por algunhas páxinas web como é o caso de salsa power, tanto polo elenco de artistas coma pola situación do congreso e a repercusión que está a ter a nivel mundial.
O Congreso realizarase no Hotel Torres de Compostela, un hotel de 4 estrelas en Santiago de Compostela, onde realizaremos tanto as clases coma as festas, espectáculos e concertos.
O cartel de bailarins e profesores está formado por bailarins de gran prestixio internacional como é o caso de Jorge Camaguey, Albertico Calderón, Kasusa e integrantes do ballet internacional Kilandukilu (representante de Angola na expo de Shangai).
O programa contará con 3 días de moita festa, 3 salas, unha con clases orientadas especialmente para profesores e bailarins profesionais que queiran mellorar, 2 salas de baile, unha con salsa e música latina, e a outra con kizomba e outras músicas Africanas, 2 dj's, un cubano e o outro angolano, 2 orquestras, venezolana e cubana, e como non podería faltar un menú de comida cubana e festa de despedida o domingo.
Máis información: www.congresoafrolatino.com
Como cada mes de maio, Santiago celebra as festas da Ascensión, unha das celebracións máis importantes da cidade na que a xuventude participa de forma notable. Os espectáculos que forman o seu programa están enfocados especialmente aos máis novos sen esquecer outros aspectos tradicionais como o Día do Neno, a Festa dos Maiores, diversas actividades deportivas, as orquestras da Alameda, o teatro de sala ou a animación de rúa.
Cadena 100 organiza esta noite un concerto na Praza da Quintana protagonizado polo veterano grupo Celtas Cortos, que presenta os temas do seu álbum máis recente, 'Vivos y directos', publicado en 2012.
As Festas da Ascensión continúan na súa terceira xornada coa celebración da fase local feminina de padel no Multiusos do Sar e unha nova proxección do Compostela Cine Classics'12, así como dúas funcións da comedia teatral 'Ni contigo ni sin ti' e o concerto Cadena 100, protagonizado por Celtas Cortos e Huecco na Praza da Quintana.
A programación musical das festas da Ascensión prosegue esta noite coas actuacións na Quintana de Nach e Erin, organizadas coa colaboración de XADE e incluídas nun programa de actividades de Cultura Urbana.
A cidade de Santiago prosegue coa celebración das súas festas da Ascensión cun nutrido programa de actividades para todas as idades. Ao longo de toda a xornada, no Pavillón Municipal de Santa Isabel, terá lugar o I Trofeo Cidade de Santiago de Baile. A cidade histórica será o escenario do concerto da banda Municipal e de pasarrúas que amenizarán o ambiente, así como de un espectáculo de monicreques para os pequenos da casa. E xa pola tarde, a fase feminina de padel e o concerto do artista valisoletano Eliseo Parra.
A música da orquestra Super Star encherá de ritmo a Alameda esta noite, nunha sesión de baile incluída no programa das festas da Ascensión 2012.
As festas da Ascensión 2012 chegan hoxe á súa fin cunha xornada enteiramente dedicada aos máis cativos. Deste xeito, todos os rapaces que se acheguen este domingo ás atraccións da Alameda gozarán dunha rebaixa do 50% no prezo das entradas.
