Hoxe é xoves 17 de maio, temos 17ºC e prevese algo nubrado
en Santiago de Compostela
Durante dúas noites, o Teatro Principal ofrece unha nova oportunidade de gozar coa peza teatral escrita e dirixida por Santiago Cortegoso e interpretada por Marián Bañobre, unha obra repleta de humor que ten como punto de partida o inicio dunha viaxe.
O punto de partida de é o inicio dunha viaxe, unha viaxe da protagonista na procura de seu pai, do cal só sabe que vive en Nova Iork e que lle manda un agasallo cada ano polo seu aniversario. Estes agasallos son tesouros para ela e constitúen un crebacabezas co que foi construíndo un mito que a acompaña no seu desenvolvemento vital. Atoparse con ese mito revélase como a vía para acadar a felicidade, pero tamén supón unha fuxida dunha vida cotiá insatisfactoria.
Ela loita. É incansable. É vitalista. E pon todas as súas esperanzas nese ser descoñecido.
A viaxe a Nova Iork é a viaxe a un mundo ideal; é a procura de algo por definir, unha interrogante vital que non sabe se será respondida.
'A filla de Woody Allen'
Dirección e textos: Santiago Cortegoso
Coreografía: Carmela Bueno
Actriz: Marián Bañobre
SINOPSE
Entra en escena unha personaxe cunha gran maleta na man.
Ao pouco, o público descobre que é a todas luces igual que Woody Allen, que se comporta coma el, que ten as mesmas teimas.
Pero ela ignora o parecido. Está perdida, ignorante do evidente, na procura dunha identidade que todos coñecemos.
Despois de anos de traxectoria como actor en compañías como Teatro de Ningures, Morcego, A factoría, Nove Dous, Balea Branca, etc; de varios textos dramáticos escritos ("0'7MOLOTOV", Premio Rafael Dieste 2.009; "Hámster", seleccionado en Magalia 2.008, publicado na RGT e estreado na Sala Triángulo de Madrid en 2.009; "Des-memoria-2", estreado por Disque Danza en 2.009, "Os Cómicos dell'Auto", estreado por Teatro de Ningures e nomeado aos María Casares 2.009, Casa O'Rei, etc...; Santiago Cortegoso promove o seu propio selo para emprender proxectos teatrais dun xeito persoal e independente.
Como cada mes de maio, Santiago celebra as festas da Ascensión, unha das celebracións máis importantes da cidade na que a xuventude participa de forma notable. Os espectáculos que forman o seu programa están enfocados especialmente aos máis novos sen esquecer outros aspectos tradicionais como o Día do Neno, a Festa dos Maiores, diversas actividades deportivas, as orquestras da Alameda, o teatro de sala ou a animación de rúa.
Cadena 100 organiza esta noite un concerto na Praza da Quintana protagonizado polo veterano grupo Celtas Cortos, que presenta os temas do seu álbum máis recente, 'Vivos y directos', publicado en 2012.
As Festas da Ascensión continúan na súa terceira xornada coa celebración da fase local feminina de padel no Multiusos do Sar e unha nova proxección do Compostela Cine Classics'12, así como dúas funcións da comedia teatral 'Ni contigo ni sin ti' e o concerto Cadena 100, protagonizado por Celtas Cortos e Huecco na Praza da Quintana.
A programación musical das festas da Ascensión prosegue esta noite coas actuacións na Quintana de Nach e Erin, organizadas coa colaboración de XADE e incluídas nun programa de actividades de Cultura Urbana.
A cidade de Santiago prosegue coa celebración das súas festas da Ascensión cun nutrido programa de actividades para todas as idades. Ao longo de toda a xornada, no Pavillón Municipal de Santa Isabel, terá lugar o I Trofeo Cidade de Santiago de Baile. A cidade histórica será o escenario do concerto da banda Municipal e de pasarrúas que amenizarán o ambiente, así como de un espectáculo de monicreques para os pequenos da casa. E xa pola tarde, a fase feminina de padel e o concerto do artista valisoletano Eliseo Parra.
A música da orquestra Super Star encherá de ritmo a Alameda esta noite, nunha sesión de baile incluída no programa das festas da Ascensión 2012.
As festas da Ascensión 2012 chegan hoxe á súa fin cunha xornada enteiramente dedicada aos máis cativos. Deste xeito, todos os rapaces que se acheguen este domingo ás atraccións da Alameda gozarán dunha rebaixa do 50% no prezo das entradas.
