Hoxe é xoves 17 de maio, temos 17ºC e prevese algo nubrado
en Santiago de Compostela
O ciclo de ARTeria Noroeste 'Escena en familia' programa esta fin de semana a representación de 'As aventuras de Tolín, o fillo do panadeiro', un divertido espectáculo infantil de monicreques a cargo da compañía galega Títeres Cascanueces. Para nenos a partir de 3 anos.
Hai funcións o sábado 11 (18:00 h.) e o domingo 12 (12:30 h.).
O espectáculo conta a historia dun demo que, para estragar unha festa, róuballe a fariña ao panadeiro e marcha con ela ao seu castelo, alén do Bosque Tenebroso. Tolín, o fillo do panadeiro, solucionará o problema, pero... cun chisco de sorte.
Sábado 11: 18:00 h.
Domingo 12: 12:30 h.
Como cada mes de maio, Santiago celebra as festas da Ascensión, unha das celebracións máis importantes da cidade na que a xuventude participa de forma notable. Os espectáculos que forman o seu programa están enfocados especialmente aos máis novos sen esquecer outros aspectos tradicionais como o Día do Neno, a Festa dos Maiores, diversas actividades deportivas, as orquestras da Alameda, o teatro de sala ou a animación de rúa.
Cadena 100 organiza esta noite un concerto na Praza da Quintana protagonizado polo veterano grupo Celtas Cortos, que presenta os temas do seu álbum máis recente, 'Vivos y directos', publicado en 2012.
As Festas da Ascensión continúan na súa terceira xornada coa celebración da fase local feminina de padel no Multiusos do Sar e unha nova proxección do Compostela Cine Classics'12, así como dúas funcións da comedia teatral 'Ni contigo ni sin ti' e o concerto Cadena 100, protagonizado por Celtas Cortos e Huecco na Praza da Quintana.
A programación musical das festas da Ascensión prosegue esta noite coas actuacións na Quintana de Nach e Erin, organizadas coa colaboración de XADE e incluídas nun programa de actividades de Cultura Urbana.
A cidade de Santiago prosegue coa celebración das súas festas da Ascensión cun nutrido programa de actividades para todas as idades. Ao longo de toda a xornada, no Pavillón Municipal de Santa Isabel, terá lugar o I Trofeo Cidade de Santiago de Baile. A cidade histórica será o escenario do concerto da banda Municipal e de pasarrúas que amenizarán o ambiente, así como de un espectáculo de monicreques para os pequenos da casa. E xa pola tarde, a fase feminina de padel e o concerto do artista valisoletano Eliseo Parra.
A música da orquestra Super Star encherá de ritmo a Alameda esta noite, nunha sesión de baile incluída no programa das festas da Ascensión 2012.
As festas da Ascensión 2012 chegan hoxe á súa fin cunha xornada enteiramente dedicada aos máis cativos. Deste xeito, todos os rapaces que se acheguen este domingo ás atraccións da Alameda gozarán dunha rebaixa do 50% no prezo das entradas.
