Hotel Virxe da Cerca

Aloxamento dispoñible en Central Reservas

Recoñecido hotel con encanto situado en pleno centro da cidade vella, ocupa un edificio do século XVIII, que foi casa de banca e residencia de Xesuítas, ante cuxa fachada discorría o camiño real. Esta casona restaurada ten unha das súas fachadas orientada cara o mercado da cidade vella, onde se venden auténticos produtos da horta, carne e peixe. A súa outra fachada está orientada ao grandioso parque de Belvís e dispón de un xardín privado e un cenador, arrodeados por paseos acristalados a modo de claustro, que trasladan ao viaxeiro a un mundo de intimidade e encanto. Os cuartos están equipados con baño completo, servizo de minibar, televisión, teléfono, fío musical, aire acondicionado, caixa forte. Tamén ofrece cafetería, salóns para as súas reunións e aparcadoiro.